نعي مفجع
وصية العليله (ع) للإعرابي


يـعـرابـي بـسـفـرتك وين مـنـواك
أگـصـد كـربلـه وسـرع بـمـمـشـاك
اخـذ الـخـبـــــر لـحـسـيـن ويــاك
وكـلــه الــعـلـيلـه ذلـهــه فــرگــاك


گـلـــه الـعـلـيـلـه وصـت اتـگـــول
طـال الـوعـد والـــدمــع مـهـمـول
اشـحـال الـيـبـات اللـيل مـعـلــول
وهـجـر الاهـل وغـيابـهـه ايـطـول


يـعــرابـــي ذمــه أتـبـيـن الـحــال
واخـبـر ابـــوي الـهـجــر چـــتــال
حـــزن الـعـلــي ايـذوّبِ الاجـبـال
حـتى بـمـنـامـي الاهـــل عـالـبـال

                                        *---------------*---------------*

✍خـادم الـعلـيلـه ع
الشاعر رعد الجريخي

نستعرض يمك يحسين
انصارك يالتسوه العين
احنه وياكم وفايه
رفت بسمك هالرايه
.......................
اليوم احنه  انصارك اتعنينه
يم خيمكم صحنه ياوالينه
اليضدكم اله نفكس عينه
اليعتدي اعليكم نگص ايمينه
واندگ ابحدهم ثايه
رفت بسمك هالرايه
.................
وينه الايضدك نگطع جفوفه
ميت وعايش يظل ابخوفه
اي وحك المندفن بالكوفه
ارواح بينه للحرب ملهوفه
واحنه الموت شرايه
رفت بسمك الرايه
.................
اي وحك زينبكم المهظومه
التگرب ليك مات ابيومه
احدودك ابزود الزلم ملزومه
غصت ابروس الرجال الحومه
نگطع شطهم ومايه
رفت بسمك الرايه
..................

اصفوف باجر بالحرب نگضيهه
وروس خصمك عالشط انبديهه
الموت الاحمر خصمك انراويهه
مو حرم  باجر  زلم   نسبيهه
انسوي بيهم اسوايه
رفت بسمك الرايه
.................
باجر انخلي التضدنه بحيره
لغز ربعك مو سهل تفسيره
باجر  اتلم الخصم  ياديره
الفرض منهم وجب تغييره
ويتعبون  الرمايه
رفت بسمك الرايه

خادم اهل البيت علي الزرگاني
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

بحق مولاتي العليلة عليها السلام (شخبار الغالين)

يا ليلــة فركاهم
ما أگـدر انساهم
شخبار الغالين

من يوم العافوني
غاب اهلال عيوني
شخبار الغالين

ماتجاوب ها يليلي
ميت اعليهم دليلي

*

مــن راحــوا للحين    اســأل عالغالين
من راحوا لسه عيوني تسولف صفنات

افراك احبابي اجروح   منها تشوغ الروح
روحي اتموت ولا تسمع بيها الشمات

بگلبي اعتـاب احباب   وين اهلالي الغاب
بيه اعتاب ايطيح دمعات النجمات

هــا يا ليل ارجــوك   كلهم لــو لاكــوك
بتكم صارت جمره امن الهم والاهات

كلهم مــا نـامتني
لا كلـهـم بـچـتـنـي
يا ليل المشتاگ

بيه احزان اشگدها
روحي الله يساعدها
يا ليل المشتاگ

يادموعي سيلي سيلي
ميت اعليهم دليلي

*

يا ليل ابهل العين   صوره الوجه احسين
اوصوره الوجه الكافل من ودعني وراح

وصورة زينب دوم    بين اعيوني اتحـوم
ما انساها اوداعة ذاك الليلوا الطاح

شلون اتلاثه اعزاز    مـدري إلمن انحـاز
من تجمعهم تلگاهم نفس الارواح

ادموع اشكد رشيت    ابيتي اوبـاب البيت
متلهفه الجيتهم كلما طر مصباح

خايف گلبي اعليهم
لا مــوت ايلاگيهـم
عاش بگلبي الخوف

وينـك يــا ملگاهـم
روحي اتريد اوياهم
عاش بگلبي الخوف

ريت ألاگي ضيّ خليلي
ميت اعليهم دليلي

*

جرحي ايسولف نار كلشي بروحي انهار
يا ليل اشلون اوشخبار اليمطر هاك

أسـرع من الريــح    روح ويمهم صيـح
عن اجروحي احجيله الوالد لو لاكاك

لا مــاريــد المـاي    مشتاكتله اهـواي
كله ابنيتك عطشت يحسين الملكاك

يا ليــل ارد اوصيك    گلـه اسلم اعليك
گله الموت ايهون اولا لحظه بفركاك

بگلبي احچايه اجبيره
واني ابنيه ازغيره
من يسمع شگواي

إلمن اشگي اجروحي
طفهم ذابح روحي
من يسمع شگواي

من هجرهم وينه حيلي
ميت اعليهم دليلي

*


راحوا و الحسبات   فوك ارموشي اتبات
بس الفارك اهله ايظل للموت اينوح

صرت امن الهجران   چـن صفنة حيطان
من وناتي اتبين بالحيطان اجروح

دمع الفرگه احساس   يصــرخ يـا عباس
بعد الخدر يا عم ريت اتموت الروح

چنـت اوياهـن نــور   هسه بروحي اكبور
وعطر ادموع الفرگه اعله الخدين ايفوح

شما اذكـر گعدتهن
حن گلبي الشوفتهن
ياريت اتردون

ابدمعي أكتب ليليه
وحشـه الــدار اعليه
ياريت اتردون

گلبي ظل بس يشتگيلي
ميت اعليهم دليلي

*

يا ليل امن ايام     شفت اهوايه ألالام
ارماح اودم وغربه تسولف بس بالبين

شفت الخيمه اتراب  ايطشر بيها الهاب
يمكن راحت تعمه من المنظر هالعين

وشفت اهناكَ اجفوف يمها ايتام اطوف
وشفت احسين الوالد هم ابلا جفين

هم شايف يا ليل ؟  ابنيه اتشوف الخيل
تسحك صدر الرباها او دللها اسنين

يا ليل انت اشايف ؟
سولف لتضل خايف
صاح الشفتيه صار

صحت ابعالم همي
ها يا جفني المدمي
صاح الشفتيه صار

امن المصيبه اه يويلي
ميت اعليهم دليلي

*

يا ليل امن اليــوم    المجلس عالمظلوم
راح انصب مجلسهم وألطم عالدلال

مجلس كل غــروب    كون ايشيب اگلوب
عالماتوا بأرض الطف والجتفتها احبال

اتحضره امي الزهراء   وانواسي الحوراء
من شافت قران اعله الميال انشال

وعله الظـل مخنوگ    گلبي ايظل محروگ
ابيا جف السجاد ايّلم دمع الاطفال

چـفـه النحره امگيد
ويمه الشامت عيد
ضربوا راس احسين
طفهم شافه احساسي
وينك يا عباســي
ضربوا راس احسين

ها يليلي مَنْ مَثيلي
ميت اعليهم دليلي

*

سليم الغزالي

اشلون زينب گالو اميسرينهه
ما نهض عباس ينشد وينهه
*******************************
ما فزع عباس حامي اضعونهه
ايشوف زينب بالمحن يسبونهه
الليل زينب بس دمع ابعيونهه

خاف هاشم باليسر ناسينهه
*******************************
حييهم انده بالعشيره والعمام
وين هاشم تفزع وتبدي اهتمام
اتكون جيتهم گبل طر الظلام

وين زينب تنشد امضيعنهه
*******************************
شلون هاشم ما لفت نسوانهه
اتشوف زينب حايره بأحزانهه
جروح.......باگت كربله وليانهه

ظلت بونهه تنوح احسينهه
*******************************
وين حماي الدخل ينوي الرچاب
واسرج الخيل وتشاهد بالسحاب
هاي زينب حايره بثگل المصاب

اتريد فزعه من الغري وتعينهه
*******************************
عجل ابمسراك من وادي السلام
اكتاب من زينب وصلك بي كلام
گوم يا بوحسين بس شد اللثام

عندك الاخبار دمعة عينهه
*******************************
كون وي خيط الفجر يبدي الرحال
يشوف زينب بالغرب يبدي السؤال
يا تره ابيا حال زينب بس خيال

ايشوف زينب ياتره امسلبينهه
*******************************
اجروح زينب تنحچي بمجره الدمع
تشبه الزهره واخذت تحني الظلع
ونهه........ عالعباس بس ما ينسمع

هاي مدرسة الخدر تبينهه
*******************************
اجروح    زينب   بالعذاب   انشوفهه
نار     وخيام    وركض    ابطفوفهه
شبچت العشره عله اخوها اچفوفهه

صارت الدمعه فرض بونينهه
*******************************
بيها   لهفه  وحسره  تل   الزينبي
هاي زينب  سولفت جرح  السبي
اشلون مهضومه تظل بنت النبي

عاشت  الحسره  ورجف كونينهه
*******************************
تمت بعون الله تعالى
خادمكم.....يوسف الفتلاوي

خويه لليل چلچل وانته مذبوح
اجيت انشد عليك ابصوت مبحوح
                  """"""""""""""""""""1"""""""""""""""""
رادنـك بنـاتـك وكــت الـغـروب
وانته اعله الارض والثوب مسلوب
حيـف الــوكـت بيهن دار مگـلـوب
شوف اسياطهم بضهورنه اتلوح
خويه لليل چلچل وانته مذبوح
                """""""""""""""'''''''2''''''''""""""""""""
صار اليل وانه إوياي الايتام
غيـرهم يخويه أرماد الاخيام
گالوجسم ابونه محمّـل اسهام
أفضل دم علئ التربان مسفوح
خويه الليل چلچل وانته مذبوح
                           """"""""""""""""3""""""''"""""'''""""
اجيتك لا نظر يحسين لاحيل
گمت اعثر وطيح بهدوت اليل
ماضنيت هيچ اتدوسك الخيل
وانته اعله الارض يحسين مطروح
خويه اليل چلچل وانته مذبوح
                          """""""""""""""4"""''''''''''''''''''"""""
خـلّـو بالطـريق اهـواي حراس
هاي اعظم مصيبه اتشيب الراس
رحت اعله النهر ماشفت عباس
اشوف الخيل تعرض وين ماروح
خويه اليل چلچل وانته مذبوخ
                           """"""""""""""""5""""""""""""""""
هـذا اليوم فــَطر ورس الاجبال
چـتال الهـظـم يحسين چـتال
من شدو أچفوف الحرم بحبال
أثار السناسل سوت أجروح
                                """""""""""""""""""""""""""""""
فاخر علي الشبيبي

رسالة شوك أبعث للمشه ومارد
بدايتها الدمع ياما سجد عالخد
على حسيني دمع عيني
سجد عالخد

*

مكتوب كتبته بدمعة عيونـي يالحسـين
مطلوب أشوفك جاي ليه يا ضوى العين
محبوب أحبك يـمـه مدري امنين لمنين
ماتوب مـن حبك وحـك صاحب الچفين

أحبك يبني حب مامر على أهل الحُب
 عطشانه اعله طولك مـو لماي الجُب
تـرويـنـي دمع عيني
سجد عالخد

*
حسرات كل حسره الأجرها تگول جمره
وآهــات مــا ونـتـهـا بـس فاطمه الزهره
هيهات هيهات أنـسـه مـن ذكراك ذكره
دمعات يحسـين بغيابك عـيـنـي حمره

بچيت اعليك حـد ما نشفت دمعي
اولو أمشي ييمه بيدي أگض ضلعي
يسليني دمع عيني
سجد عالخد

*

بالباب يومـيـه يـيـمـه أفـرش واتانيك
وانصاب لو هسه شفتني يبني ابچيك 
غياب بعد ماحن عليهم آنه أحن ليك
أحباب أرخصهم اوبـس أنـت الأغليك

يـا اطـيـب هــوى مــا فــارك الريه
تره امن غياب وجهك موتي يوميه
هوى سنيني دمع عيني
سجد عالخد

*

بالبيت بس ذكراك أشوفن يابو الاكبر
ياريت كبل ماكول احضر يمي تحضر
حنيت يالشوگگ بروحي جروح خضر
ونيت ومـن الـون درب جـيـتـك تفطر

جلمود الصخر مـن وني يتفتت
اودليلي من رحت لليوم يتلفت
صفه اونيني دمع عيني
سجد عالخد

*

حيران مـو بـس الـگـلـب حيرانـه العيون
يحنان مــدري أشكد دعيت ألكم تردون
حيطان عليهم كـاتـبـه بدمعات الجفون
ذبلان خيالي اوجفني چــا يمته ترجعون
 
آنـه ام الـبـنـيـن الـظـلـت ابـغـربـه
من حزني اومصابي اهتزت الگعبه
تظل ديني دمع عيني
سجد عالخد

*
سليم الغزالي

#قصائد_الخدمه_والخدام




لا تلومونـي ابچي خــلونـي ناذر اعيــوني للحســـين للغالي
___*
عايش حســـين ابضميري ومااعوف حسيني
اعمــــه وحـــسين ابطـــريقه هـــوه المدليني
اعطش وشوفـت حبــــــيبي هـــيه الترويني
ديني ابو السجاد عمــــي وما اعوفن دينـــي
عايش ابـخيره مااحب غيــره نضرته اچبيره ساكـن ابدلالي
___*
حسين ابوي وامي هوه واغله من كل ناسي
افتخر كل عـــــمري خادم وابقه رافع راسي
انفاسي بس جو المجالس ماتعيش انفاسـي
لبو اليمه ملك كلهــــــن اصـــبحـن احواسي
مصـدر الهامي سيدي الضـامي نـاذر ايـــامي خدمته تحلالي
___*
المهدي والزهره الزچيه المجلس ايحـضرونه
المهدي من دم لبو الاكبر تبچي ويلي اعيونه
المســـتهل لو قــــره الــمله بالدمــــع يقرونه
حاضرين ابكــل عزيــــه المجــلس ايشدونه
حاضره فاطــم هيـــه والقائم هل عـزه دايم اول وللتــــالي
___*
يالتساومني اعله دمعي تطلب اسكـت واهم
هذا دمعي موش دمعك شنهي جــاي اساوم
ما اعوف حسين اقـــــسم ربي يـشــهد عالم
رحمة الله حسين شفنه وخلها تحچـي العالم
حبه يجمعـنه ياهو يمنــعنه حسين مرجعنه والي نعم الوالي
___*
قبلتي حسين وصــلاتي وهــوه كل دنــــيايه
ما اعـــــــوفه وعهــد يبــــقه دوم هذا اويايه
من زغـــر ســـني بـــــذاني سمــعوني اقرايه
يا لثـــار حســــين كــــبرت ثــــــورة المشايه
امي وصــتني تخدمه يبــني لا تفــــشلني بيك يا هــنيالي
___*

تمت بحمدالله وتوفيقه:الخادم المقصر ناجي ابو كيان الصالحي ونسألكم الدعاء لي ولوالدي

#قصائد_الانصار_نزال_ثگيل



حي الله ازلام الكلفات گالـــو عالذل لا منبات
___*
صاحــت زينـــب حيهـم ها وكـّلهــم لبو صيـحتهه
عدهم غيره من العباس هــاي الـــحومه وقــادتهه
ازلام حسين وخوش ازلام وياهو اليوصل لحدهه
غيره ومرجــله وبركـــان وياهــو اليگدر يصــدهه
حي الله البيهم فزعات گالـــو عالذل لا منبــــات
___*
رفــت راية الانـــصار وطلـــعو كلــــــهم فـــــزاعه
اهــــل النايــبه ايهدون وكلمــن غيــــرته امــتاعه
حـي الله الماهزهم ريح وبالـــطف ثبـــت اشراعه
من هدو خسفوها الگاع مال الــــطف هوه وگاعه
هد بيهم وكت الصعبات گالـــــو عالذل لا منبات
___*
خله يســـولف الــتاريـــخ ولازم ما ينقـــص منهم
لازم الهم وقفــه اجلال الــموقف نفسه ايسولفهم
بالـدم وقـــــعو لـحسين وصـاحو حـيدر مرجـعهم
اهل الغيـــره والـنوماس وعايش عــباس ابدمـهم
ما نخضع صاحو هيهات گـالو عـــالذل لا مـنبات
___*
حشد حسين وكلهم زود وصاحــــو احـنه العوانه
واحدهم يــــنعد بالاف وگــــام يســـــرفن بردانه
يامـــرنه وما نخلــف راي وبـــــس يأشــر مولانه
نگلب گاع الطف لو راد ونرخـص لـحسين ادمانه
ما مات الخلف مامات گالو عـالـــذل لا منبـات
__*
مالت كربــله مـّــن الغيــــض وحـي البيهم الهمه
لو هــدو چنهـــــــم زلال وصــارو بالـــحرب قمه
حي الله بأنصار حسين الواحــدهم غــيره ابدمه
واحدهم يمشي اعله النار زلـمــه ومـن ظهر زلمه
الهم بالحــرب وگفــــات گالــــو عالذل لا منبات
__*
تمت بحمدالله وتوفيقه: الخادم المقصر ناجي ابو كيان الصالحي ونسألكم الدعاء لي ولوالدي

#قصائد_الامام_علي_ع_ولسان_حال_الشيعه




نحمد الله ونشــكره نعمه هاي ومفخــره
حب علي يجري ويه دمنه
رافضيــــــه يبـقـى اسمـنه
_***

نعمه مـــــن الله الولايه الحـيـدريه
نفتخر حيـــــدر ولـــينه ورافضـيـه
جعفريه احـــنه شيــــــعه جـعـفريه
يا علــــي يبــــــــقه ندانه وللمنــيه
علي حبنـه الاولــي علـي الاول يا علي
يا علــــي تبـــقه ابمهــجنه
رافضيــــــه يبـقـى اسمـنه
_***

علي عايش بالضـــــماير والمشـاعر
علي اسمه مــن يمر تحيه الضـماير
علــي للــعله دوه وكـــحل النواضر
علي ابكل شده نعم حيدرنه حاضر
علـي يجَـري بالدمه علي رحمه من السمه
بالشدد حـــــيدرنه يمـــــنه
رافضيــــــه يبـقـى اسمـنـه
__***

علي الاول والزمن ما يـنسى شاهد
علي قائدنه يضل بس هـــــوه قائد
علي قــــرآن الهـــــدى نزله الواحـد
علي تسبيحة عـــشگ اسمع يحاقد
علي تسبــيحة وفه علـي اصــل المعرفه
بسمـــــه رفرف يا علمنــــه
رافضيــــــه يبـقـى اسمـنـه
__***

نعمه مـن الله الثبات اعلـه الولايــه
حيـــــدره هـــوه الـبـــدايه والنهايه
ما يهمنه اليعـــترض والينطـي رايه
علي ذكــــره واجـــب وحـبه هدايه
علي بس هوه الوصي افتـــهم يالناصبــــي
هاك اســــــمع يالتــــضدنه
رافضيــــــه يبـقـى اسمـنـه
__***

علي اصل المـــعرفه ذكــــره عباده
قائــد وحـــتماً اله اتلـــوگ القياده
حب علي ما ينتهي يبـقى امتداده
نموت نحيا ابصايته هــــايه اراده
رافضه وهــذا فخــر الما يحب حيدر خسر
من اجـــل حبـــــه انخلقنه
رافضيــــــه يبـقـى اسمـنـه
__***


تمت بحمدالله وتوفيقه: الخادم المقصر ناجي ابو كيان الصالحي ونسألكم الدعاء لي ولوالدي

#قصائد_الامام_الحسين_والامام_العباس_عليهما_السلام



يم الشــــــريعه هيبتي ونوماسي
من حگي انوحن لو يشيب راسي
_*
صوب المخيم رجع محـني ظـهـره
ايده اعله خاصرته ويجر بالحسـره
نضرت وداع ابعينه بس يا نــضـره
فاگد اخيه الحــيد راعـي العـَــشره
بدموعه يشرح فگد اخيه القاسـي
_*
بدموعــه رد وصـــاح يا عشـــرتنـه
يحزامي خـــــويه هــم ترد خوتــنه
ظهري انــكسر عـــــباس يا رايــتنه
لمتنــه راحــت مــــا تـــرد لمــــتنه
ضاگت يخويه وگوه اجــر انفاسي
_*
ضاگت يخـويه الهجر ماخـذ حيلي
رحت وبعــــد ياهـو الذي يتچـيلي
يالتضوي ليلي اشلـون بعدك لـيلي
خويه الشـــماته التــمت وتوميلـي
حيلي رگد هسه وتضعـضع ساسي
____*
رد ابيض امشيـــب يـعالم راســــه
حگه انذبح عــــباس بدر احسـاسه
يم العقيله گـــــوه جــــــــر انفاسه
يم الشريــــــــعه هيبــته ونوماسه
گلها يزينـــــب عالنــــــــهر عباسي
___*
گلتله احس ابمشيــــــتك ما يرجع
يسمع كفيلي مـــــن اصـيح يسمع؟
عباس اعرفه من احشــــــــم يفزع
گللها زينب عالشــــــريعه امـــگطع
راح الگــــمر يا زينب وكـــل ناسي
___*
راح الگمـر والفتشه مـــال اعيوني
لونـي يتغـــير حگــــه زينـب لوني
گبله بســــهم زينب انـه صـــابوني
گطعو چفوفه وانه هــــم گطعوني
راح اليصبـــــحني گبـــل ويماسي
___*


تمت بحمدالله وتوفيقه: الخادم المقصر ناجي ابو كيان الصالحي ونسألكم الدعاء لي ولوالدي

يا بويه اوعدتني ، بالأكبر يجيني
لو يلفيني عمي ، ويهيّد ونيني

چم مغرب إجاني ، وآنه ابابي اتاني
بويه ومن ظعنكم ، ما واحد لفاني..

يا من للعطش ماخذهن اورودك
بعدك عالوعد ؟ لو ذبحوا اوعودك..

****

ها يالطولت لغياب ، يابو فاطمة شلونك..
شلونه الممشه بويه اوياك ؟ وشلون اليماشونك ؟
هم بعدك الي تشتاگ ؟ هم تذكرني بظعونك ؟
وحگك يالخذت شوفي، أنه اشتاگیت لعیونك..


يالماخذ حياتي ، كلهه وكل خواتي
وظلت علّتي اوياي ، هيَّ وذكرياتي

شذكر شنسه منك ، يالرباني حضنك
ويالما اظنك تعود ، بس طمني عنك..


يالتنطي العهد ما تنكث اعهودك ،
بعدك عالوعد لو ذبحوا اوعودك؟

****

لو تدري يبويه شصار ، بيوم الي رحت عني
بس غابت هذيچ النوگ ، يا بويه اطلعت چَفني
وحدر إعبايتي البسته ، وظل هجرك ينازعني
وهم وي فرگتك خليت ، ياهو الي يغسلني..


كل أحبابي شالوا ، وشلت آنه المصايب
وانطر موتي ظليت ، ما بين الغرايب

چن حال الغريبة ، العاشت بالمصيبة
يمدللني يحسين ، صبح حال الحبيبة


يمن ريت لحفرتي تشيلني زنودك
بعدك عالوعد لو ذبحوا اوعودك..

****

كل يوم إعلى باب الدار ، أگومن وآخذ المدمع
ومن همي أطلع لهمي ، گبل ماهي الشمس تطلع
وأظلن چن غصن ذابل ، بي نار الشمس تلسع
وارد لو غابت لداري ، رَدْتِ المنجبر يرجع..


واتذكر صلاتك ، يا بويه ابصلاتي
ومن بحجرك ارتاح ، وتشمهه عباتي

ومن فاطم تگلي ، وثغرك من اقبله
بويه اتشافه بشفاك ، وما تبقالي علة

يالعايف گلب مذبوح بحدودك
بعدك عالوعد لو ذبحوا اوعودك..

****

يبويه ومن اريد اكتب ، رسالة وبيهه اقص وضعي
لن يمسح شني المكتوب ، من شوگي مصب دمعي
و أرد بهدمي انشفنهه ، ومحني امن المرض ضلعي
و يارب ماهي تتمزگ ، مثل كل مرة اظل ادعي..

وبكل مرة أگلك ، مشتاگة ابكتابي..
يا بويه وبعدني ، منتظره إعلى بابي..

لا نساني همي ، ولا طول الليالي
شوگك بيه بيه ، وبس يعظم يغالي

ياليمي چنت واشتاگ بوجودك ،
بعدك عالوعد لو ذبحوا اوعودك..

****

ما اخفي يبويه عليك ، گلبي ايحس شنو الصاير
ساعة ألگه العطش بشفاي ، ساعة بصدري أحس حافر
ساعة ابرگبتي اتلمس ، واحسك عالذبح صابر
كل هذا او لچن گلبي ، الك يا والدي مناطر..


فگدك ما احمله ، لا ، لا راح أصدگه
وأظل بويه لمماتي ، گلبي متاني ملگه


شلگه آنه ابغيابك؟ شنو غير المنية؟
يا بويه وعساها ، ابذِمْتِ الغاضرية..


يالما كل دعا لديارك ايعودك ،
بعدك عالوعد لو ذبحوا اوعودك..

الشيخ منير السعد

( لسان حال مولاتنا العليلة صلوات الله عليها )


يابويه رايح وين، گلي.. گلي
بعمري عگب حسين، شلي.. شلي

هم عاشت العافوها أهلهه؟
يا بويه هم شالت حملهه؟
عگب الأهل ياهو الوصلهه؟
عگب الأهل ياهو الوصلهه..

او لو عليلتكم ،
هم تظل بتكم..

****


يابويه وين تريد، تترك دلالي
وآنه العشت وياك، وتعرفه حالي
بالدار أظل يحسين، معقولة تالي؟
بويه ابغلات رباي، جاوب يغالي..

وين الظعن مسراه، دوني.. دوني
لخاطر دمعتي اوياه، اخذوني.. اخذوني

ما تنترك بويه العليلة
محتاجة يمها التشتكيله
والرحلة يابويه طويلة..
والرحلة يابويه طويلة

اولو هيه أذتكم،
هم تظل بتكم..

****


بالدار أظل شلون ، وحدي وغريبة
يا بويه مو عالبال ، والله وعجبية
المن جرت يحسين ، هاي المصيبة
من گبلي ياهو إعليل ، ودع طبيبه

گلي الهجرته اوياك ، وينه.. وينه
وياهو الفتح بجفاك ، عينه.. عينه

روحي ابغيابك ما ردتهه
يا بويه گبلك ودعتهه
وعافتني من ما ركبتهه..
وعافتني من ما ركبتهه..


اولو روحي عافتكم
هم تظل بتكم..


****


كل أهلي فوگ النوگ ، الهن محامل
لياهي المشت لن صار ، من أهلي كافل
حتى الغريب اوياك ، يابويه شايل
بس آنه أدير العين ، آا يا بوفاضل..


راح انحرم ماگول ، بویه.. بویه
چني وبعد لاگول ، خویه.. خویه

اذبحت ابوداعك بويه چلمة
امن السان بت ما گال يُمه
وظل يتلي بس يحسين همه..
وظل يتلي بس يحسين همه..

الما هيه ودعتكم..
هم تظل بتكم..

****

يمشي الظعن والنار ، ظلت سريه
بيه وطفت یحسین ، عيني الجريه
يالمعتني وللموت ، ماخذ رقية
چا ما خذتني اوياك ، للغاضرية..


إرقية تفرق بيش ، عني.. عني
يخله الظعن چا لیش ، مني.. مني

يا بويه مو هم آنه بنتك؟
يا يوم عفتك لو تركتك ؟
لا تمشي يا بويه إعلى بختك..  آاه
لا تمشي يا بويه إعلى بختك

التتمنه منعتكم ،
هم تظل بتكم..

****

راح أبگه وسْط الدار ، ميته ابخرابة
چني وعلي مقسوم ، يتمي وعذابه
بس هالطلب يحسين ، وانطر جوابه
خل يدنه مني الموت يمكم يبابا

چم لحظة مو ساعات ، موتي.. موتي
من هسه هاكم مات ، صوتي.. صوتي


الصُبحَت على ظعونك ثجيله
ابوسط النعش ، هزله ونحيله
خل نعشي وياكم رحيله..
خل نعشي وياكم رحيله

الصبحت جنازتكم ،
هم تظل بتكم..


الشيخ منير السعد

العباس ع


صوتك سمعته ظهري كسرته
****
انته جبل ما ينحني يالغالي گلي اشصار
ليش استمع ظهري انكسر سرجك علامه اندار
يحسين اعرفك من تون معناها يا ستار
امي انكسر منها ضلع لو طايح الكرار

الطايح عرفته ظهري كسرته
****
الكافل اذا هوه الوگع ما لومك آنه حسين
حگك اذا گتلي متت يختي إعله نور العين
الرايه التغطيها الشمس گلي اثرها وين
بس لا صدگ من الگمر گطعوهن الچفين

بيهن حِمه اخته ظهري كسرته
****
من اوصلت يم الگمر بالله شِبگته شلون
هم زاحمك خويه السهم ذاك الشبگ العيون
گلي إشلفظ بآخر نفس ما گال اسمها ام عون
زينب تراني استسلمت وإتورّمن لمتون

احساب الحسبته ظهري كسرته
****
يم الگمر ادري اشهگت حاچيني عالعامود
بيش انمسح دمه الزف وما عنده اخوي ازنود
الغيره الحملها كافلي ما منها يلفي اردود
يمكن نزع روحه لَمَن شافه يخر الجود

مات بحسرته ظهري كسرته
****
حاول تجيبه للخيم لا ما نريد الماي
حتى إذا ميت تره يبقى علينه افياي
بوجوده ما يلفي الشمر ما دام اخوي اوياي
من هسه يحسيني شفت حظرو هزيله اعداي

ابإسمه ندهته ظهري كسرته
****
طيحت ابو فاضل تره فرحت عليها الناس
گالو سهل حرگ الخيم ماكو بعد عباس
بلا رحمه يا خويه الشمر صاح ويفر بالرآس
جيبو الخيول الطاحنه بيهن صدر ينداس

يضحك نظرته ظهري كسرته
****


الشاعر اياد الديراوي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

نعي قريض بحق العليلة جديد محرم 1447 هـ



ناديتُ يَا أَبَتاهْ طَالَ غِيَابُكُمْ
مَنْ لِي إِذَا مَا حَانَ مَوْتِي وَالْأَجَلْ**
لَمْ يَبْقَ مِنْ لَمْ عَنْكُمُ نَاشِدَتُهُ
إِنْ كَانَ آتٍ لِلْمَدِينَةِ أَوْ رَحَلْ**
يَا سَائِقَ الْأَضْعَانِ قِفْلِي وَاسْتَمِعْ
مِنِّي الْخِطَابُ لِوَالِدِي ثُمَّ الْأَهْلْ**
قُلْ لِلَّذِينَ فَارَقُونِي إِلَى مَتَى
عَنِّي الْفِرَاقُ هَلْ يَطُولُ بِلا أَمَلْ**
أَوْصِلْ سَلَامِي لِلْعِرَاقِ فَإِنِّني
شَوْقًا أَمُوتُ لِوَالِدِي مُنْذُ ارْتَحَلْ**
وَلِعَمِّي الْعَبَّاسِ نَارًا تَصْتَلِي
فِي الْقَلْبِ تَكْوِينِي وَدَمْعًا فِي الْمُقْلْ**
شَوْقًا لِإِخْوَانِي الْفُؤَادُ قَدِ انْكَوَى
أَعَلِي تَأْتِينِي فَكَمْ قَلْبِي احْتَمَلْ**
إنِّي أَخَافُ أَنْ أَمُوتَ وَلَا أَرَى
تِلْكَ الوُجُوهَ فَقُلْ لِي مَا العَمَلُ **
=====================
احسبلك حساب.. متانيتك ترد واحسبلك حساب
اركض على الباب.. شما هب الهوة اركض على الباب
والباب چذاب.. اثاري الهوة والباب چذاب
لليوم ما طاب.. يجرح فراگكم لليوم ماطاب
======================
هلبت تجوني.. تانيت اشكثر هلبت تجوني
چنهم نسوني.. احباب الگلب چنهم نسوني
بوية اتلاحگوني.. جفاكم موت بوية اتلاحگوني
راحت عيوني.. من كثر البچي راحت عيوني
=======================
بتك نحيلة.. بفراش المرض بتك نحيلة
مابية اشيلة.. يا هدم العلي مابية اشيلة
حال العليلة.. بس عظم وجلد حال العليلة
چنها طويلة.. سفرتكم بطت چنها طويلة
=========================
بجفاك النوم ماشافت جفنها
عيوني.. وتدري بطيوفك جفنها
يم بابك تمد روحـي چفنها
تعال بطيف جيب الموت الية
------------------------
أسالكم الدعاء رائد الاسدي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

واحدوسبعين غيره
للولي صاروعشيره
انصارالحسين /انصارالحسين
.............
صعدوبكل زودهم فوك الشگر
صاحوأحنه جنودابن فارس بدر
راح نحصدروسهم جيش الغدر
الضدواهل البيت كل دمهم هدر
واليضدتيه مصيره
واحدوسبعين غيره
انصارالحسين.. انصارالحسين
............
إحنه أنصارابواليمه بكل زمن
جنودإحنه الماتغيرنه المحن
أحنه شفنه حسين للضايع وطن
واحنه حراس الهواشهم عالضعن
حسين خيمتنه الجبيره
واحدوسبعين غيره
انصارالحسين... انصارالحسين
...............
سيوفنه الماتبرد بدم الركب
وأحنه باارواح الكفرننزل غضب
مايرد يتنفس لينه كرب
نارترس صدورنه ويطلع لهب
والمسارأحنه نديره
واحدوسبعين غيره
انصارالحسين.... انصارالحسين
.......
وابن ظاهرصاح حي الله الزلم
مايطيح عالثره دين القيم
مارضينه انعيش باايام الوهم
هذا نورالله طلع من الخيم
حسين كل شيعي اميره
واحدوسبعين غيره
انصارالحسين ... انصارالحسين
.........
حلم كل الچاي بالحومه يطيح
كون حلمه يموت مويصبح جريح
وعابس إبين العساكر ظل يصيح
لهذا دمي بكربله يصبح ضريح
الدنيه بعيوني زغيره
واحدوسبعين غيره
انصارالحسين... انصارالحسين
خادمكم قيس عوده الكعبي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

مثل حيدرمن دخل للحومه
هذا شبل حسين حلوه علومه
---------------------
صاح ابوالسجاد وعيونه تهمل
ابني هذا الاكبر الكام ايحمل
شردت الفرسان ونزاح الشمل
شرد جيوش العده المذمومه
-----------------------
شرد الفرسان وبسيفه يحصد
احتارعزرائيل من بيهم يعد
اركابهم دون الخيم سواهه سد
وصارت جيوش العده مهزومه
--------------------
طشر العدوان  وبكيفه يلم
شردز من الخوف ماظلو زلم
هذا شبل حسين بالحومه والنعم
وميادين الحرب من يومه
.......   
ثابت اميدانه وبهذا الفعل
اطباع حيدربالحرب ماينحمل
رباة جده بالملاحم مايجل
جيوش كاتلهه الرعب بقدومه
----------
صال اﻻكبر ﻻجن امتعبه الحديد
اتعنه لحسين ابطلب منه يريد
ردت شربت ماي دﻻالي يهيد
روحي حيل امنل التعب مالومه
------------
هذا الاكبررايداليوم النزال
وزلزل جيوش الكفردار القتال
طاح الاكبر انغدر بيدالرجال
مات الاكبرموتته محتومه
خادمكم قيس عوده الكعبي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

مجنون حسين ايسموني
يرسم طفك دمع اعيوني
--------
يالعايش مابين انفاسي
خادم لجلك وارفع راسي
حاير بسمك ضل احساسي
يالشوكك مابَيٌن أجفوني
ــــــــــــــــــــــــــــــــــــــ
يانجمه الضوت بدروبي
يالحبك يمسح بذنوبي
يا اول عشكي اومحبوبي
بدربك ماهمني الضدوني
ـــــــــــــــــــــــــــــــــــــــــــــ
مشتاك اشتم بس اعتابك
وكف ملـــهوف انه ابابك
واتذكر يحسين مـصـــابك
وانته الجرح البي لجموني
----------
وتسيل ادموعي اشما ذكرك
يا لمــــظلوم الحزوا نحـرك
واخيــول الذل داست صــدرك
هذا اليوم البي فجعوني
لسه اشتم دخـان اخيامك
كل مازورك الـگه ايتامك
اتنــوح ابكد جرح ايامـــك
رادو عدواني ايمنعوني
مجنون حسين ايسموني
---------------
حبك يحسين انته الجنه
مبخوت اليوصل يتعنه
وطلب منك واني اتمنه
اتباهه وبسمك نادوني
مجنون حسين ايسموني
--------------------
وعيوني الماعافت رسمك
مشتاكه وهنيال الشمك
أتنومس يحسين ويمك
يحسين وكون ايخلوني
خادمكم قيس عوده الكعبي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

امتون طفله وسوط زلمه بحيله
مارحم دمعاتي من تشكيله
من صحتلك بويه اذاني
سطره عالخد جملاني
...........
خيام محتركه ورعب مامثله صار
وجن اشوف اخيولهم تطلبنه ثار
وين ماروحن صفت تركض وراي
الحرب بويه للزلم موللزغار

ياهو اليوصل سطراني ورم خدي
اشد بجروحي والحسره نار بجبدي
شلون عيونك عافتني بويه الوحدي

طاح كلبي والركض هد حيله
كون ميته ولاعشت هليله
بعد شيضملي زماني
سطره عالخد جملاني
..........
انه مو مالت ركض مالت دلال
بويه عوف المعركه وليه تعال
نشف ريجي وحلي راح من الصياح
رد اشوفنك خنك اروحي السوال

التفكد غالي تتواس لوتشتم
بهاي الديره شوكلشي علينه محزم
حته انفاسي دخان خيامك تشتم

شصار بيك وماترد الخيامك
الجيش كله يضحك عله ايتامك
الضربني شتماني
سطره عالخد جملاني
..........
عيوني شابت من كثر مادوريت
ترف جدمي وبالجمر بويه نجويت
اعثر بجثه وطيح انه عله ذيج
وينك انته الليل اجاني ومااجيت

يل عايفني متلوعه الشوك عيونك
من ضربوني كمت اصرخ بويه اشلونك
هاي امتوني جاشنهي حال امتونك

الخيل من كل صوب فوكك غايره
وعمتي بهاي المصايب حايره
تصيح دهري دولباني
سطره عالخد جملاني
٠٠٠٠ ٠٠ ٠٠٠٠
كلهه صاحت والهوه بريتي يشح
هذا هل جبناه الج راسه ابرمح
شفته من شفته يريت انه نعميت
ابوي متغير يناس من الذبح

دم بعيون وريت عيوني المعميه
انسه اجروحي وماسولف عالترجيه
بهذا العالم ياطفله المثل ارقيه

احير المن اشتكي بجروحي
من اشوف سوط ياخذ روحي
انه موهذا مجاني
سطرعالخد جملاني
٠٠٠٠ ٠٠ ٠٠٠٠
خادم اهل البيت ع
فلاح طالب الماجدي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

يحسين هاك من الحرب فكرة
الدم تجدد ونــــتـــفض ثـــورة
ضد الظلم والشر ... وكل باطل ومنكر
الدم تجدد ونتفــض ثورة
.................................
ولد حيدر بالحرايب كسروا خشوم الزعامة
منو يثني العنده قائد يعتقد بصل الامامة
وينه كلمن عده ريبة يشوف افعال العمامه
افعالهم مثل الشمس ... واضحه ومابيها لبس
علموا كل ظالم درس ... وعرفوا حجمة وقدرة
ورثوا شجاعة حامل الراية
بأارض القدس دگوا الف ثاية
والصبح اذا اسفر .. ضد الظلم والشر
الدم تجدد ونتفض ثورة
......
بينه من عباس همه وصبر من حسين عدنه
وهذا حد الشيعة هذا ياهو يتگرب ويدنه
بهمه الكرار ساتر واگفه كلها ولدنه
بالدنيا رسموا خارطة ... وداسوا حياية مرگطه
النصر الهم مابطه ... كتبوا التاريخ واقره
خطوا نصر بچفوفهم يكبر
وشانئ عدوهم اصبح الابتر
والصوت من كبر ... ضد الظلم والشر
الدم تجدد ونتفض ثورة
........
احنه تربات المبادئ والقيم عدنه عقيده
منو يدنه لحدنه بعزم حيدر نگطع ايده
ماتخوفنه المناية راشده النية وسديده
عاداتنه نموت بشرف .... ماردنه دنيا ولاترف
ردنه نعدل المنعطف .... من علي عدنه هالشمره
الشرق االااوسط ااحنه النرسمه
حتى ابو صالح يجي ويسلمته
بركانه اتفجر ... ضد الظلم والشر
الدم تجدد وانتفض ثورة
..................
بصولة ابناء العقيدة الكيان يعيش دهشه
فلشوا كل القباب وزلزلوا اركان عرشه
ويوم صولتنه الچبيرة مايظل حاجز نفلشه
بصرخة علي تدوي السمه .... ونادي بسمج فاطمة
سوينه بيهم ملحمه ... عدنه خبير الف مره
شوف الملاجئ ليش مزدحمة
صاروخنه يصب فوگهم نقمة
الفتاح والاشتر .... ضد الظلم والشر
الدم تجدد وانتفض ثورة

وائل احمد الوائلي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

(العليله)
يهلي لاتنسوني يهلي لاتنسوني
المن اتــخلوني المن اتــخلوني
~
يهلي لاتـنـسون عــدكـم بـالمديـنه
طــفله مـكسوره وتــون وَنَّه حزينه
يابعد روحي على الفرگه اشبدينه
يـاهلـي وگوَّه عليـنـه اتـــــفارگينه

انتحب تدروني أنتحب تدروني
لمن اتخلوني لمن اتخلوني
~
طاحــت عيوني وباوع عالمحـــامل
وگلبي چم لوعه عليكم يهلي شايل
ودمعة عيوني تخط چانت رسايـل
اوياكم اخذوني عليكم أبــو فاضل

وحدي لتعوفوني وحدي لتعوفوني
المن اتـــــخلوني المن اتــــــخلوني
~
يهلي يالكلكم محــــنه يالهواشم
گلبي يالساده عليكم دومه هايم
وي خواتي اخذوني وي ضعن الفواطم
خل اموتن والمهم الحسين سالم

لاتخيب اظنوني لا تخيب اظنوني
المن اتـــــخلوني المن اتـــــخلوني
~
يلي ناوين السفر للغــــاضــريـــه
محملي خلوه وي اختـي رقـــيه
لاتـخلوني اظل افـــرك بـديــــــه
وشنهي حالي لوتجيني المغربيه

تعمه ريت اعيوني تعمه ريت اعيوني
المن اتـــــخلوني المن اتــــــــخلوني
~
يلي عفتوني صعب والله هجركم
وماتطيح ابعيني محلاه صوركـم
يالغوالي روحـــي ماتحمل بعدكم
ايعظم الباري اجرنه وي اجـــركم

ابموتتي حظروني ابموتتي حظروني
المن اتــــخلوني المن اتـــــــــخلوني
~
حيدر بشار الدراجي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي