اولاد ام البنين


لحسين نصبو ثايه
عباس جفه رايه

°°°°°°°°°°°°°°
‏
‏زامط بعد فيهم--- وگصد ___بهم حيل
‏للضلمه دواسه--- يندل هم الليل
‏محرب عله العايل --ياويله ____ياويل
‏لو صالو ابحومه --شيعطل الخيل
‏
‏وجه  احسين  يتبشر صفاته
‏ومن ابعيد ركضله خواته
‏صار اخيام من فتح عباته
‏هذا حسين يعرك للتجيله

ساترها العبايه
عباس جفه رايه
•••••••••••••••••
ولدك علي انتفضو ...رادو----تصاريح 
وگفو جبل عالي ...شيعبر-- الريح
يا قائد ايعايّن ...كلهم مِذابيح
حسين الشهم قائد...والباقي اطيح

شلون ازلام جابوله البعيده
وچن اصكور وتلاكيها صيده
موزونين وتحسهم قصيده
  تحس عباس كاتبها ابدليله

صارو يمه غايه
وعباس جفه رايه
••••••••••••••
نصبو مضايفهم ...گلطتهم-- الناس
والكهوه لليجبل...فورّها عباس
والماشرب  منهم...ماعنده --احساس
غيره وعزم بيها...وتشم عطر ياس

معزب احسين وتهلي الهواشم
الجايب سيف يرجع بالصوارم
اشلون اخوان نصبوله المحاكم
يحكمه احسين ذب راسه ابشليله

سيفك بيه درايه
عباس جفه رايه
•••••••••••••••••••••
أم البنين الحل ...ربتهم --لهاي
مشيختهم ابكلشي ..سادة عله الماي
كلمن اله رايه ...وحسين إله الراي
حلو عشيرتهم ...مابيها --وداي

عفيه  اخوان  متربين عنده
ويم احسين صارو ايد وحده
متحزمين   من   اتصير   شدِّه
بس انخوني اصيرلكم وسيله

امكم  بيها  أيه
عباس جفه رايه
•••••••••••••••••••••
صال الدمه فيهم ...ماعرفوــ الخوف
والي يلاگيهم...مايبقه بي شوف
صح اربعه اخوانه ...متهمها الالوف
كعبه الخيم صاحو...ياهو اليجي يطوف

وگفو سور  و العباس ساسه
اليعبر كال   رد اويـاه راسه
هذا الجيش بس عباس داسه
كلشي او لا يمس ظل العقيله

جرهم.  باللحايه
عباس جفه رايه
•••••••••••••••••••
ليث كريم جحالي

وصية والد لابنه عن الخدمه ومحبة الحسين


بقاموس ال احسين اليحب _بين البشر_يتجدّد
هذا القرار  من  العرش مابي دغش _ يتخلّد

تصبح جبير بخدمته
كلما تزيد امحبته
بقاموس الحسين
_
نظفها روحك من تحب   هذا الشخص حبل الله
حسين النذر روحه وهله  وسيف الحقد بي صله

ماتخسر ويااا بالعشك من روحه يفديك
جرب تطبله ابلا ولد عبد الله ينطيك
حط روحك ابسوك القيم بس جرب وشوف
اشما تغله بعيون البشر بس هو يشريك

بس هو صدگي بالعشك __العاف الصدك_ متعافي
ما سامع اخبار ابكتب _منحر يصب _ ويشافي
احله نسيم ابگبته
كلما تزيد اامحبته
*
نوعية العاشك بشر تلكاه جبير ابكلبه
وحسين اذا حبك بعد تسهل عليك الصعبه

نصراني واكف بالخيم وملاگي السهام
لحسين اليسوي ستر يدخل بالاسلام
خلانه نشعر بالامل بين الحضارات
وعلمنه القصور اشكثر بس هيبه الخيام

كلمن وكف يم الخيم _ بيده علم_ يتجازه
ياهو اليجي يشم كربله _ يلاكي هله_ من اعزازه

تنزل علينه رحمته
كلما تزيد امحبته
***

خلي انتمائك بس اله حتى البعيد اتلوحه
سبعين الحسين الصدك حطاهم ابنص روحه

ما عدنه عرقيه وحقد وحدنه الحسين
ومانسال الجايب فخر كاصدنه من وين
هو اليجيله منتصر هذا اكبر انجاز
الزيناته  خير بهل الوكت يركض عله الزين

اجفوف التوصلك للنصر✌️تكتب اجر _كلماته
الواكف جبل فوك الارض _تصبح فرض _زيناته

الزين المجالس ربته
كلما تزيد ابخدمته
****
رتبة خدم اعلى الرتب متميز الشايلها
من تلكا واحد يستحي هذا استحق يحملها

يوليدي كلما تستحي تتخله ع الراس
علمنه الحسين الخجل والهيبه عباس
بذيج المعارك والحرب والكطره تنشاف
مانزلو روس وكصص لاضاع الاحساس

تلكا الشجاعه  منطلق __واية فلق _ يحجيها
حسين برغم قلت عدد _ كل الشدد _يلويها

حسين الشجاعه لزمته
كلما تزيد ابخدمته
بقاموس الحسين
**


ليث كريم جحالي

لسان حال
مولاي ابا عبدالله عليه السلام
بحق مولاتي العليلة وأم البنين
صلوات الله عليهم اجمعين 

مشتاكات اهواي
الْساعة ملكاي
العليله العليله او امي ام البنين
يكـولـن يكـولـن  شيبنه  الحنين

***

فرگة الغالي جرح 
عايش بديرة ملح
جرحهن شيّب خضر من الوداع
امن الحزن والذكريات
ادموعهن عالخد تبات
العتب والنوح صاير إلهن إمتاع

آنـه احسـين ياناس شيب گلبي الفراك
گلب الحبني حساس دوم الجيتي يشتاك

اعرف كلش زين
يردن بس احسين
احبـهـن احبـهـن إبـگـد السنين
يكـولـن يكـولـن  شيبنه  الحنين

****

ابنيتي وامي والعتاب
شيبن حـتـه الحجاب
امـن اعاتبهن احسهن سكته يبچن
ذابــن بـســچــة هــواي
نسمه صرت إلهن اوماي
حگهن اعلى احسين من جروح يحچن

بس اليعرُف الخير يعرف معنى فركاي
مـن الكربله إمّشيت  راح الخيـر ويـاي

بس عفتلهن نور
مجلس من عاشور
ينوحـن ينوحـن  اليوم الاربعين
يكـولـن يكـولـن  شيبنه  الحنين

****

ابغربه عايش والحنين
ايعتني لأمي أم البنين
اوللعليله الـظـلـت اتانيني عالباب
ماشفتهن من زمان
هنّه واني ابلا امان
اشتهيت اوياهن افتح باب العتاب

مـا بين الخيم نـار بـاچـر يالعزيـزات
والچانـن بالخـدور يسموهن سبيات

باچر دنيه اجروح
وچف عالشط مذبوح
اصيحن اصيحن اوماحصل مُعين
يكـولـن يكـولـن  شيبنه  الحنين

*

عاتبـنـي او مـا حچيت
واعلى خاطرهن بچيت
گبل گـسر الظهر گسرن الخاطر
من عفتهن گلبي صاح
ابكربله اسهام اورماح 
تريـد اتضوگـني ابساعـة العاشر

ما يـدرن بالسيوف شراح اسوي بيه
وما يـدرن بالخيـول مـن تركض عليه

من تسحگني الخيل
مني ايغار الهيل
مهجتي مهجتي يرفسها اللعين
يكـولـن يكـولـن  شيبنه الحنين

*

يومهن يگضي بتعال
چـنـه ويــاك ابــدلال
تـعـال اشكـثـر گـالـن وي الـدمـوع
وآنـي حايـر ما بقيت
الله رايدني او مشيت
مشيت اجروح عنهن محني الظلوع

باچر ماكـو تابـوت لا جَـنـآزه تحضر
دمي ودم الاحباب عالغبره إيتطشر

والخنصر گطعوه
والمحبس باگوه
مصيـبه مصيـبه إتبچي  الجنين
يكـولـن يكـولـن  شيبنه  الحنين

*

شرد اسولف شرد اكول
من اشوف امـي البتول
تـدور اعليه وآنـه اگبالها اجـروح
اتبوسني بنحري تريد
وآنـي محـزوز الوريد
الظلع يلچمها من تلگاني مذبوح

راسي اعلى الرمح فوك وامي تگلي يحسين
مو بس ألطم اعليك حيل ارد اسطر العين

اسطر عيني اعليك
ومن گلبي ارد أبچيّك
حزيـنـه حزيـنـه تتـنـفـس انـيّـن
يكـولـن يكـولـن  شيبنه  الحنين

*

سليم الغزالي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

لأم البنين ع

يالريحتك من ريحته .   عدك خبر عن رجعته
            برموشي املش فاگده احباب
                يايمه تكتل دگت الباب

نتگابل أنه وفاطمه…ودموعنه تجوي العبي
وترسم صور بيهن نحر… بيهن حبل بيهن سبي
وحتئ اطمئن مصحف اكض… وفتحته لن سورة نبي
يوسف ويعگوب وحزن… وضليت،اصيحن يا علي

الفرگه تاكل بالامل …...………… وعمارنه صارت سمل
ماي وهوء وشمس الله غياب


اسمعها ونتك يالحسن… تطلعلي مكسورة ظهر
معناهه  فاگدلك اخو? ……  مذبوح اخوك امنلنحر?
ونّتك تسولفلي جرح …… من القفئ اتگلي انطبر
والحافر بصدره ركد…. ظل يحفر بظلعه حفر

معقوله اصدگ هلحجي        مو خلص بروحي البچي
بابي وعتبته بفرگتك شاب

اتراب گبرك  دم نزف…  بجبهه وحجر يحجيلي
خد الحسين اعللترب… وجرح ورمل يرويلي
من گلي گطعو خنصره….. باد وتبخر حيلي
كون اگصد حسين الحزن …… ومن الألم يشكيلي


ومسح لحيته منالدما… ..وفّي آني اصيرله وسما
ما جنت اضن بفرگته انصاب


الفرگه شلت خطوتي……… ودربك يسولف عليسر
ويگلي زينب تنسبي……… وبالسوط يضربها الشمر
اليچويها مو جمره ، الحجي…… بشمات،  تعثر من تمر
وعباس بس راس ورمح…… وفياي صارلها ستر  

اتمنئ كون بكربله… وبگلبي نبلة حرمله
احسب الجيته وضاع الحساب


تحچي العليله وي المهد… .. ..  والمهد جاوبهه بألم
عبدالله ما يرجع الچ  ……… للقوس ما يرجع سهم
ترسيني فرگه بحسرتج…… وهزيني شوگ بلا وهم
واني اسمع وگلبي انجوه……   وتخيلت  حرگت  خيم
وطفال سبحه اتگطعت… وبالبيده هيچ اطشرت
اتمنئ روحي جوه التراب

الشوگ سولفلي قصص…… قصة رقيه وي الطشت
ماتت بأثر حادث عشگ… .شبگت محب وستشهدت
شظال گتله  من الظعن… ..گلي سكينه اتوسلت
والسوط شايله خلگ…… والحبل مأمور ويعت

لو هلقصص كلها صدگ… ياشوگ اخذ عمري حرگ
شتسوه حياتي  بلي الاطياب

حبيب العطواني

انه العليله
انه العليله
،،،،،،،،،،،،،،،،،،،،،،،،،،،،،،،،،،،،،،،،
المن گاعـــــده اعله الباب
والمن بيـــــــدچ تصفگين
شنهل الشيـــــب البراسچ
گليـــــــلي اجاچ منيـــــن
شكلچ مو مثــــــل عمرچ
چنچ ميته مــــــن سنين
حاچيني يعمي شبيـــــچ
المن هاكثــــــــــر تبچين

يبنيــه الحزن موزين وهاي الدنيا خلصانـه
اذا تردين ابوچ بخير گومي وعوفي المتانه
حزنانه يعمي شبيچ لياحـــــــد بالله حزنانه

كافي من الحزن يبنيتي كافي
غافي المثلچ من غروب غافي
،،،،،،،،،،،،،،،،،،،،،،،،،،،،،،،،،،،،،،،،،،،،،
اول مره اشوف عيــــــون
گــــــــــوه عليهن مچلبات
اشگـــــــد صادفوني زغار
وشگــــــــــد شايف بنيات
مثلــچ ماشفــــــــت لدوم
طفاه عيونــــــــه مشيبات
المثلچ بالحضــــــن تغفين
مــــــــو فوگ التراب تبات

بتمن انته واهلچ وين بلكت الگه الچ چاره
گوه بنفسچ تجرين ومــــن تمشين محتاره
مثل العايفينه اعزاز ومحـــد يدري بخباره

يمچ ماكو واحـــــد ليش يمچ
وجهچ ذابــــل ومحروگ دمچ
،،،،،،،،،،،،،،،،،،،،،،،،،،،،،،،،،،،،،،،،،
انتي اول بنيــــــــه اليوم
تكضنــــــــي تگلي دعيلي
شخيرچ يابعـــــــــد گلبي
شنهي البيـــــــــــچ گليلي
يمـــــــــچ انه موش بعيد
المن بعــــــــــــــد توميلي
شرايحلچ يبــــــت الناس
عوفي البچــــي وحچيلي

يبنيه البواچي تريــــد حيـل وحيل ماعدچ
كافيچ بچيتي هواي كافيـــچ نگـــــع خدچ
المثلچ دوم ماتنعاف ياهو العايفچ وحــدچ

بسچ راح اموت وياچ بســـــــچ
كافي من البواچي نگطع نفسچ
،،،،،،،،،،،،،،،،،،،،،،،،،،،،،،،،،،،،،،،،،،،
خاف احچي يعمي وخاف
يوگف گلبگ مـــــن احچي
مو بس انـــــه حتئ البيت
اليوم وياي هـــــــم يبچي
هاي الگاعـــــــــــده گبالك
ماچانت گبـــــــــــل هچي
عافوني هلي وضليـــــت
اتچه بگومتــــــــي اتچي

ياعمي الهلي اشتاگيت واهلي بعيد عن عيني
ياعمي ادور اخبار عنهــــــــــم حلــوه تلفيني
دليني يعمي منيـــــن درب احبابــــــي دليني

بلكت الگه عـــدك نشـــت بلكت
ملت منـــــــي عمي الناس ملت
،،،،،،،،،،،،،،،،،،،،،،،،،،،،،،،،،،،،،،،،،،،،،،،
مصطفئ الصالحي
،،، قصة العليله والاعرابي،،،
شور گعده
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

‏لحظة ادراك انت وگلبي ماصرتو وياي
‏لحظة ادراك انت الساقي وميت عالماي
‏ياهوه الهوه ما اشتمه
‏يا ضوه الضوه انت ييمه
‏         لحظة ادراك
‏
‏.
‏.
‏.
‏
‏يابعد امك وينك ؟    ليش امضيع احسينك
‏يوليدي عنك گالولي سهم امكحل عينك
‏
‏استاهل استاهل   ام اصبح للكافل
‏شو گلبي اعليكم لاچمني سولفلي يبوفاضل
‏
‏اذا اباوع لوجهي اطگ المرايه
‏اتصور وراي وشايل الرايه
‏
‏يا محله الريشه وعيونك طولك والطاس
‏محلاها اسمي يصحولي ها يم عباس
‏يا گلب يظل كلها تلچمه
‏يا ضوه الضوه انت ييمه
‏         لحظة ادراك
‏
‏.
‏.
‏.
‏
‏اتوضه ودعيلك      الله يگوي حيلك
‏مشتاگه لعيونك يمه من گلبي احچيلك
‏
‏شحچيلك مچلومه     لا تاخذكم نومه
‏گلبي يگلي اختك زينب بغيابك مهضومه
‏
‏شفت بالرؤية زينب والدمع هامل
‏تناديلك  يبو فاضل  يبو فاضل
‏
‏
‏وينك عن زينب يالكافل بس لا مذبوح
‏احا يا گلبي المتحمل كل هذا النوح
‏عسكر وزلم ضد هالحرمه
‏يا ضوه الضوه انت ييمه
‏         لحظة ادراك
‏
‏.
‏.
‏.
‏
‏اتذكر واتذكر        يا قمر الله الاكبر
‏نور اعيونك شكلك لونك يلي طبعك جوهر
‏
‏شايلها بيمينك.     راية نصر احسينك
‏ارعد زلزل انفخ صورك بس حامي عن دينك
‏
‏احس احسين واگف يكسر الخطار
‏يا عباس وحده و ما اله ناصر
‏
‏
‏عباس الحگ بعد امك خلك ظل عطشان
‏عباس  الحگ يايمه مرعوبه النسوان
‏والعطش اگل گلبي وهمه
‏يا ضوه الضوه انت ييمه
‏         لحظة ادراك
‏.
‏
‏.
‏
‏نفسي ويا انفاسي   ها يا تاجي ابراسي
‏لو سالوني گلبي شيدگ گلبي يدگ عباسي
‏
‏عطش ونار وغربه   منهو الشگ الجربه
‏بلا چفينك توگع  يمه ممكن هايه صعبه
‏
‏
‏تره اليوجع شعورك والدمه بعينك
‏سهم عينك ييمه وغربة احسينك
‏
‏ماي البلل رچلينك ما واصل لشافك
‏اعتب عالماي الماراضي يمشي وياك
‏عالنهر نزف ابني دمه
‏يا ضوه الضوه انت ييمه
‏         لحظة ادراك
‏
‏.
‏.
‏
‏
‏وصيتك وصيتك    بحسينك وصيتك
‏من زغرك  خليتك خادم من زغرك ربيتك
‏
‏راح انتظرك اني.     بجرحي ونار احزاني
‏ميته بفراگك يوليدي ويمكن ماتلگاني
‏
‏
‏يالمدلل خواتك  صتيك شكبره
‏رافع راسي يمه بحضرة الزهرة
‏
‏والزهرة تحبك يوليدي تگول انت العين
‏بالمحشر باچر وتطالب بثار الچفين
‏عفيه بالخلد اسمي واسمه
‏يا ضوه الضوه انت ييمه
‏         لحظة ادراك
‏
‏
‏للشاعر محمد الظالمي
‏#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

ابتعب خلصت عمري   راحه متني
ومن كثرالمشاگف    راح متني
الحوافر لو بسحگك    راحمتني
چاما ضيعن جثتك عليه


ثوب الفرح زينب    ماردلهه
گلب ومتون بل طف   ماردلهه
المشه الصوب الشريعه ماردلهه
اسهام ابعينه وچفوفه رميه

اذان اجروح صاير   عمه اذاني
الشمر وبصوطه بالطف عمه اذاني
اخذ ويه التراچي   عمه اذني
الوجع والدم صبغ وجهي و اديه

سلام البهادلي

فاطمه العليله ع

الدنيه وياي ماعدلت   ونصفيت
ودليلي نصه متگطع  ونصفيت
اهلي بليل عافوني   ونه صفيت
وحيده محيره والعلل بيه

سلام_البهادلي

قصيدة الى مولاتي ام البنين
علها السلام


عالي قدرچ      شنسه منچ
مطلوب الچ انه اشكثر دين
عينچ عليه بروح الحسين
__
من خيرچ اشگد حملت يم البنين وطمعان
بيچ الكرم ماينوصف يل ماتردين انسان
مغطيني  بختچ كل وكت مثلل يغطي البردان
ليلة استشهادچ اون والطم عليچ وحزنان

عالي نوحي       گد جروحي
بدمعاتي الچ خل تنعمي العين
عينچ عليه ابروح الحسين
___
حگي اذا بيچ افتخر وسمچ اشيله اعله الراس
نوگف الطاريچ فخر غير انتي ام العباس
ابابچ الحاجه تنگضي فضلچ چبير عله الناس
مانوصل الوصفچ ابد عندچ كرم ماينقاس

يل كريمه     يل عضيمه
مثلچ انحصل بل وفه وين
عينچ عليه بروح الحسين
__
مولاتي اريد اطلب طلب  وسمچ نخيته ابحسره
اديمين نعمة خدمتي وترضه عليه الزهره
وكلما يشح دمعي الچ ترزقيني لچمه وعبره
ماريد مال ولا اسم مولاتي رايد نضره

بس رضاكم       وبحماكم
بسمج گضن مو وحده وثنين
عينچ عليه بروح الحسين
_
من زغري شلت اسمچ حرز مولاتي وانه الممنون
وكل مجلس اهديلچ دمع تستاهلين انتي اعيون
البسمچ قراهه الفاتحه ماتبقه كل شده تهون
شكرٱ الچ يم الگمر مولاتي منچ ممنون

رضاچ نعمه     انطيني خدمه
حلوه ابرضاكم تگضي السنين
عينچ عليه بروح الحسين

لمن لطمتي عله المشو ماچان الچ عوانه
وكل مجلس الكم ينعقد ندعيچ الطمي ويانه
عله احسين نقره وعل خيم بگلوبنه الحزنانه
وعله الغريبه الي انسبت وجدامهه الثگلانه

يل حنينه     اشما بچينه
جرحچ عله الطف صارطفين
عينچ عليه بروح الحسين
_

سلام البهادلي

يـمه جسام ** شـد ألأحـزام
فـزعت الخيل **صوب الاخيام
                      =-=-=-=-=-==-=====
كَوم وتلكـــَاهم أبسيف الحسن
أنتم أرجال الشــدايد والمحــن
ويه عمّك رَجع أيــــام المضن
عوف عرسك يبني وتحده الزمن
ورفع الهام ** يبني جسام
                   =-=-=-=-=-=-=-=-=-=-=
كَلهه عد عينج لرد جمّع الزلم
بلهوه أيحلـمـون أخليهـم حـلم
مثـل أبــوي البلحرايب يـبتسم
رمــله كَالت يبني منك والنعم
يبن ألاكرام ** يبني جسام
                     =-=-=-=-=-=-=-=-=-==
كَالت أوليدي وعرفك ماترد
مثل حامي الجار جدك من تهد
من تجرد سيفك أوتقره الحمد
شد سرجهه اليوم ياريع الجبد
ذخر ألايام ** يبني جسام
                    =-=-=-=-=-=-=-=-=-=-=
سكنه شدّته الرجاب أوهلهلت
هايه ساعتهه يبن عمّي حلت
رايتك يا جـاسم أبجفك عـلت
والكَحيله أعله المعسكر صوُلت
صد ألاسهام ** يبني جسام
                   =-=-=-=-=-=-=-=-=-=-=
كَلبي كَلك ياضوه أعيوني برز
صاح وين الكَوم جاسم ورتجز
سيفك أمن اركَابهم مل أوعجز
يبني طشر أجمّوعهم مثل الخرز
ردهه للشام ** يبني جسام
               =-=-=-=-=-=-=-=-=-=-=-=
بيك ماضاع الربه أوضاع التعب
شلت راسي أبين أخوتك ياذهب
أجري وجرك يم رسول الله أنكتب
أفتخر من سجلتني أبهل نسب
أصل الاسلام ** يبني جسام
--------------------------- 
للشاعر فاخر علي الشبيبي

#قصائد_الامام_الحسين_ع_والامام_العباس_شور

_____***


شيسوي الافراگ*للماله خوان*بخدوده نيشان*وابدمعه عنوان*
تتفايض اجروحه * وادموعه مفضوحه*وبگلبه تسعر ناره*
يبقه الحزن فـــنه* مــــا يبتـــعد عنــه* وبگلبه تسعر ناره*
هجي الحسين ابلايه عباس*رد ابدمعّــته مهبط الراس*بالگوه ضل ايجر الانفاس*شيسوي الافراگ " شيسوي الافراگ "
_____***

شيسوي الافراگ*واتخيل حسين* وسط الميادين*ماعنده امعين*
ضل لازم اصفاحه* واتخيل انياحه*راحت ليالي الگمره*
بيه الحزن غيمه* يا گلبه وضيمه* راحت ليالي الگمره*
بالگوه يمشي وحسرته اطول* لازم اصفاحه وحاله مذهول*موقف تشيب منه العقول*شيسوي الافراگ "شيسوي الافراگ"
_______***

شيسوي الافراگ* بالشده لوطاح*يلزم بالاصفاح* مكسور الاجناح*
عازه الاخو عازه* بالشده يحتـاجه*بالشـده ياهو ينصره*
واتخيل المنظر* من هجمت العسكر* بالشده ياهو ينصره*
ضل الحسين ابولية الگوم*يم الحنين ارويحته اتحوم*ماعنده حيل ايطيح ويگوم* شيسوي الافراگ"شيسوي الافراگ "
_______***

شيسوي الافراگ*ياكل بالاعضام*وايعض بالابهام*ياثگل الايام*
يا حسرته وليله*ياهو اليتچيله* تصبح سراب ايامه*
ناره تضل تلهب* طول الزمن ينحب* تصبح سراب ايامه*
فاگد اخيه وبان الافراگ*تعرف مشيته الحيل مشتاگ*عباس اخيه ومنه انباگ*شيسوي الافراگ "شيسوي الافراگ"
_______***

شيسوي الافراگ*لو حاطته اذياب*خل يحسب احساب*بفراگه لوغاب*
حتى الهوه يخنگه* يتشـتاگ للملگه*يا حسرته الما تخلص*
رد للخيم حـاير*بجروحه ويكابر* يا حسرته الما تخلص*
هجي الحسين الماشرب ماي* رد للمخـيم فاگــد الراي*چنه يصيح انكسر مگفاي*شيسوي الافراگ "شيسوي الافراگ"
_____***


تمت بحمدالله وتوفيقه:الخادم المقصر ناجي ابو كيان الصالحي ونسألكم الدعاء لي ولوالدي

#قصائد_ام_البنين_ع_والامام_العباس_عليهما_السلام




يبني الگمر لا تـــعتذر لو حشــمت ام الـخدر

**

امك واعرفك ماحاجه احشمك للنخوه تفزع غيره رضعتك
بس يمه اذكرك بالعقيله الحره
راسي اريد اترفــعه يم الزهره
لو حشمت اركب ييمه الشگره
للحره يبني خل ترف الخـضره
ابني الشهم عنــدي علم لو حشــمت ام الـخدر

__***

زينـب امــانه ها يارجـــانه يا يمـــه باچر بيــــدك لـــوانه
يمــه العــقيله بالنفـس حاميهه
انته الـّـــكافله يالـــگمر راعيهه
لوعطشت بماي النضر تسگـيهه
زينب امانه يبنــــــي واتباريهه
باچـــر اذا صـار القــضا لو حشـــمت ام الـخدر

__***

زينب امَـيره لتمرها حـيره كافل خــدرها شيــخ العشـيره
بالنخوه اعرفَـك يالولد متقصر
گد الكفاله انته گــــدها وتگدر
ربيتك وكل يوم اشوفك تـكبر
حامي العقيله بالنفس ياقسور
من الصـــغر وانه انتـــظر لو حشمت ام الـخدر

___***

اسمع كلامـي انته المحَامي حــارس خيمها لو حتـــى دامي
شد رايتك والحّــره لا تنساهه
يبن الصميده غّـيرتك محلاهه
من الزغـر ناذرتك انـته اوياهه
لليسره اريدك يبنـــي ويمناهه
اذبح صبـّـح لا تنجـــرح لو حشمت ام الـخدر

___***

يبني يغـــالي سهـر الليـالي هاي الامـــانه ريحــــــلي بالي
لو قصــرت يوليدي لامـاعذرك
ضوي المخيم يالگمر من بدرك
من الزغر يوليدي وانه انتظرك
لا تعتذر يالغالي ارخص عمرك
اعرف كـــفو نعـــم الاخو لو حشمت ام الـخدر

___***


تمت بحمد الله وتوفيقه: الخادم المقصر ناجي ابو كيان الصالحي ونسألكم الدعاء لي ولوالدي

#قصائد_علي_الاكبر_عليه_السلام



علي الاكبر نزل وسط الحومه عــلي الاكبر هلا يرهــب يومه
اشبه الناس ابرســول الله دخيله
اشبه الناس ابرســول الله دخيله

_*

نور الدنـــيا ابطلـعته ووجـهه النوراني
گلها گالت رد محمد للحـرب مــن ثاني
گمر نوره الگاع طرهه ولحـــسن رباني
عسكر ابن ازياد مال وبده حيل يعاني
علي الاكبر لا محــــمد عـينه عـلي الاكـبر هلا ابطگت ايمينه
هذا ابو السطره والحجايه الثكيله
اشبه الــناس ابرســول الله دخيله

_*

نازل ابزوده يتـــبختر والزلم مــحتاره
رد ابو القاسم عليهـم هـيه هاي انواره
بس خزرته هايه تكـفـي يا هلا بخباره
ادخيل الاكبر ياحلاته ياعّـظيم الشاره
علي الاكـبر هلا بروح احسينه علـــي الاكـــبر يا ثـــگل چفينه
ينوصف؟ ما ينوصف قـصه طويله
اشبه الناس ابرســــول الله دخيله

__*

يشبه المخـتار جــده هلا بهــــاي الهيبه
لوزعل چنه ابوفاضل شكو حگ ايجيبه
ماخذ من اطباع عمه حتى ذيج الطيبه
لو زعل بركان چنــه تــچف وكت النيبه
علي الاكــبر قائد اعلـه القــاده علــي الاكــبر يا حلات اعنــاده
هلا بريحة فاطمه وگلــب العقيـله
اشبه النــاس ابرسول الله دخـيـله

__*

خزرت اعيونه قضيــَّّـّه والّـدرع واللامه
ياهو يم سيفه يتگرب من يشد احزامه
هاشمي تكتل سطرته من يطگ عالهامه
ياعلي كل سطره يسطر علي هاي ايامه
علي الاكبر علي ابنص وجدانه علّّـي الاكًبر بيه شمًّس حيرانه
هاشمي وعــلوّي زيّــــــــنب دليله
اشبـه الناس ابرســول الله دخيلـه

_*

ياعلي احتارو ابوصفك ضيعت منواهم
گامو ايدورون شــــرده ضـيعو ممشاهم
منين ماشردو تجيهم علي حيل اوياهم
زيد ضـــرباتك عـــليهم ابد لا لتــــسالم
علي الاكبر حيل زيد اعــليهم علــي الاكبر سيــفك امبچيهم
حسين اريد ابصولتك يـبرد غليله
اشبه الناس ابرســـول الله دخيله

____*


تمت بحمدالله وتوفيقه: الخادم المقصر ناجي ابو كيان الصالحي ونسألكم الدعاء لي ولوالدي

#قصائد_الانصار_عليهم_السلام





انصــار الحســـــــيـن بالـــطــف سلاطـــين
گـــــول وفعل شـوف وســــــــط المـيـادين

__***
حي الله ابو الاكبر يحي ارجاله
سبعين اله خــــــياله من خياله
ما عافو حســـين الشفيه بحاله
زلــــم الوغـــــه ما تنهزم عياله
ازلام اله خوش ازلام
ماخلو حـسين انظام
صاحوله تامــر خدام
تامـرنــــه مــــــــــولاي ما نخــــــــــلف الـراي
گول وفــــــــعل شوف وســـــــــط الميـادين

__***

انصاره والغيـره جرت بدماهم
حــــي الله زلمه النايبه حياهم
گالوله عد عينك علي بيمناهم
شدو حزمــهم والفـخر ناداهم
واحدهم ايطيح اجبال
زلال لــــــو هـــد زلال
انصار الحسـين ابطال
ميــهمهم المـــــــــــوت لــبــــــوله هل صــوت
گول وفعــــــــل شوف وســـــــــــط الميـادين

__***
حشمهم حسين وگبـل ليحـشم
يعرفهم اهـــل النايـبه يعـرفهم
گلوله زينـــب ســـيدي لا تهتم
بدمانه وقعــنه وفداكم هل دم
تامرنه بنـــــت الكرار
خدامـك ازغــار اكبار
بالك ابد لا يـــــحتار
ما تغلــــــــــــه الارواح صــــوت الوفـــه صاح
گول وفــــــــعل شوف وســــط المــــــيـادين

_____***
كلهم مراجـــل والوفــــه منبعهم
عباس ابوالشيمه الگمر مرجعـهم
ازلامه وحــسين السبط قائدهـم
عباس چـــــان البالوفـه معلمهم
بيهم وفه مــن عــباس
كلهم لزينب حـــــراس
خدر الله لا ما ينـجاس
لا تهتــــم ام عــــــــون والباقــــي مضــــــــمون
گول وفعـــــــــل شوف وسـّـــــــط المــــــيـادين

____***
رايــة محــمد بالحـرب عـلــوهه
انصاره والغيـره حــــرز شالوهه
ما تنظمي بنـــــت الولي گالوهه
بنت الصمـيده بهل امـر سروهه
من گالو انـمـوت ابزود
يا زيـنب اوياج اعـهود
للخيمه احنـه العامــود
لا زيـــــنب اتـــــــــحير يمــــــنه التـــــــــــدابير
گول وفــــــــعل شــوف وســــــــط المـــــيـادين

__****

تمت بحمدالله وتوفيقه: الخادم المقصر ناجي ابو كيان الصالحي ونسألكم الدعاء لي ولوالدي

انطیتك بس گلت شواي
كــــــون أولادي بگد الماي
حتــــى گبالك يتبدون

انطيت اتلاث وعباس
وبزودك مرفوعه الراس
وحدك شيخ بهذا الكون
:::::::
قياسآ بالعزوبيه انه شمسويه
قمت يحسين بالواجب
خدم خلينه بعيونك يبو اليمه
عين وانت ظل حاجب

ما كلفت روحي انطيتك العندي
يحسين انت المهم لا مو ولدي
بتراب جدمك كون اترب خدي


مو حقك اربع أولاد
افديلك لازم تعداد
تستاهل اكثر مولاي

محتاره وبيش انوفيك
انه مقصره شما انطيك
لعيونك خلهم يرحون
:::::
ضحيت بولد اربعه وبس قله
وانت هواي تستاهل
انه انطيك كلشي لخاطر عيونك
ونطيتك نعم كافل

وصيت الگمر یگطعهن زنوده
اريد الكون كله تگلبه عالموده
یعباس الکفاله اليوم مريوده

اقبل يحسين القربان
عباس وياه الخوان
وامهم وياهم تفديك

شنهي الدنيا بلا ملگاك
يا ابو اليمه وحبيناك
تقبلهم كلش ممنون
:::::
انه اول مره ما فكر بولدي
نذر سويتهم كلهم
گتلهم خدم لحسين مولاکم
غيرك كلشي ما عدهم


احنه البدو من ننعزب نخرب
مو بالزاد احنه اولادنه نعزب
حبينه الحسين وغيره لا منحب

گلت لعباس اسمع زین
من جبتك خادم لحسين
تاج اعله الراس تخلي

استأذن يلــــــه تحاچي
لو روحك راد انت انطي
ولدي بدونك ما يسون
::::
حاچیت الولد گتلهم احچایه
وهاي الکلمه مسموعه
انتم مو مهم عندي الاهم هو
حسين يهمني موضوعه

منطيتك احچایه ولادي تتگطع
ما تسمع وبس منك حچي تسمع
احنه البدو من نطي ما يرجع

لو راد حسين يحاچيك
خـــــــادم ناديله ولبيك
ما يسمع بس كلمة صار

يا عباس انـــــــــت السقاي
حسين أطفاله تشوفك ماي
بسمك عباس ينادون
::::::
جبتني للوجود وچنت مجهوله
بزودك صرت معروفه
بنيني وابو فاضل كلها تتوذر
موش ابني الما یگطعلك اچفوفه


جبتلك ولد حتى اكبر مـــن التاريخ
واحدهم يعــــِادل كــــــِِوكب المريخ
انت الشيخ ما عدنه احنه غيرك شيخ

مخلوقين احنه العيناك
لو نتوذر مــــــــا عفناك
كلشي ومن دونك مجهول

خدامك اربع شبان
يفدونك ولدي الشجعان
بالدلال اسمك مدفون
:::::
علي جبار الكعبي
الفاتحه لوالدي

ضخنت يولدي ولازم نشد احزام
جاكم امر من قائد حسين العام
حتى انه اهد لو تردون    لحسين اگلبو الكون
&&&&
امر صادر من وزارة الداخليه
موقع ومختوم من حامي الحميه
قبل لا اقره الامر اخذو التحيه
ولدي موضوع الكتاب ابن الزجيه
يتنفذ بأسرع وقت يا وفاي
گاللها سهله وراح اجيبنه الماي
خادم وانه الممنون     لحسين اگلبو الكون
&&&&
ذمه هذا الامر يوليدي استلمته
هذا من حيدر شفته وعرفته
تعرف شمكتوب بي لمن فتحته
شفت بي اسم الحسين انه وحظنته
يتعمم اعليكم اذن هاي الساع
صاح ابو فاضل سهله نگلبها الگاع
يا ولدي معنى المضمون    لحسين اگلبو الكون
&&&&
اجتمع عباس بخوانه اعله امره
شافو العباس اخوهم عينه حمره
اليمس حسين احفر بيدي گبره
بشيلة امه الگمر گام ولزم ظهره
گلهم يخوتي اليوم ترجع صفين
نكومها كل هاي الجثث يم حسين
ارواح لحسين تهون    لحسين اگلبو الكون
&&&&
ها يولدي شگلتو بهاي الامانه
يمه ولدچ ما يعرفون الخيانه
ونعمه خدام ونصير احنه بزمانه
حسين وسط الروح يمه يظل مكانه
يا يمه خدام احنه گليله نصير
عاقبنه لو مره حصل فد تقصير
امر وهمه يطيعون    لحسين اگلبو الكون
&&&&
راح اختم محضر الگعده بكلامه
يمه ولدچ تبقة حراس الخيامه
ولدي اريد حسين عايش بسلامه
ضحكه صيرو للحسين وابتسامه
گام وهتف عباس يم العباس
اليوم اخلي الناس تردم بالناس
النهر ميت مدفون    لحسين اگلبو الكون
&&&&
علي جبار الكعبي
الفاتحه لوالدي

شِد الحيل * ردِ الخيل * يمشكر
  ياوفاي * جيب الماي * للخـَدَر
لف الجيش بالرايه
جيب العلگمي اومايه

شد الحيل * رد الخيل * يمشكر
             """"""""""""""""""""""""""""""""""""""""
شدها وگوم ،ياجيدوم ،خل اشيوخهم تندم
صفها اصفوف خوف الخوف  بلفرسان لاتهتم
حز ارگاب، خلها اتراب،  غرگها الجثث بالدم
طگ زلال ، هد جبال ، كون الگـوم يتندم
معروف الحرب عيدك
تـِل ارگابـهـم بيدك
صيتك بان ، بالعربان ، معلوم البدر يضهر
             """""""""""""""""""""""""""""""''''''''''''''''''''''''''
يومك حان * ياطعان*  خل اخيولهم تتعب
ياكفال *عودك گال * سيفك بالحرب يلهب
من وصاك * كض يمناك * گال بشاربك زينب
يعلم بيك ماناسيك ،وانته السيف المجرب
كلك مرجله اونخوه
صيتك بيهم اشسوه
راعي الزود * مثل العود *هذا الحيد من حيدر
       """"""""""""""""""""""""""""""'''''''''''''''''''"""
طب عباس * عالي الراس *خله اكبارهم تنذل
صاح ابصوت *شنهي الموت *بين الخيل يتوغل
طبها ابزود *شال الجود * خله الگوم ماتندل
طرها وراح * داس الطاح * سيفه عله الرگب هلهل

رد إمحقـق أحلامـه
جاب الماي لخيامـه
غيـَر حال- روه إعيال . ويه احسين ماقَـصر
            """""“"""""""""""""“""""""""""""""""'''''''''''
ردها وشاط * صار ازماط * گام السيف بيهه ايحز
ترجف خوف *من.تشوف * عباس الگمر يبرز
كلهه اتطيح * من ايصيح * لاساحر ولامخرز
هل كفار*صارت عار * ذلت ماتعيش ابعز
كثره اچفوف شلاها
روس الگوم ذلاها
شبها ابنار * جاب الثار* گال الضلع يتجبر
            """""""""""""""""""""""""""""""""""""""
دمهم فاض * من اغتاض* سوا الحيد يوم اسود
واگف سور *وجهه ينور * ماواحد وصل للحد
گام يدوس *فوگ الروس * والتاريخ ضل يشهد
من يصول * كلهه اتگول * طاحت ناس ماتنعد

جاب الماي لخيامي
خله الجـود گـدامي
هذا اليوم * يضل الحوم*  ياكل بالجثث بالبر
                   """""""""""""""'''''''''''''''''''''''''''''''''''''''''''''''''
✍️ فاخر علي الشبيبي

مـلـح المـجـالس غـزر ابخـدامك
مــافـضـلـوا ايـام فــوگ ايـامـك


ياهو التسأله بكل وكت يحچيها
مـلـحـك يـعـثــرنـي اذا ســويـها
بيدك نعمتي اشلون راح اچفيها
واليـنـكر النـعمه يچمل اسهامك
مـلـح المـجـالس غـزر ابخـدامك


يگـولون اليضـوگ الملح ويخونه
الكـل بـيـت طـبـتـه ابـد مـامـونه
واني الـي عرضت نعمتك بعيونه
والهـالسبب واگـف عـبـد جـدامك
مـلـح المـجـالـس غـزر ابـخـدامك


عـبـدك واذا تعتقني مـوتي ابهايه
يامـن گـضـيت العمر جـوه افيايه
وبـيـنـاتـنـه عـشـرة دمـع واقـرايه
عينك علي واحسبني من ايتامك
مـلـح المـجـالـس غـزر ابـخـدامك


عيـنك عـليه وخـاف ازلـن مـرات
سهون يـجـن واللـه مـامقصودات
مچلب ابردنك مـااعـوفك هيهات
انسان اصيرن ادري كـل احـلامك
مـلـح المـجـالـس غـزر ابـخـدامك


الضـاگ زادك غـيـر زادك مـيضوگ
يابـيـت خـيـر للـيچـهـبـك مـعشوگ
لوضعت منك طفل ضايعله ابسوگ
خـليـني عــايـش عـمـري وي آلامك
مـلـح الـمـجـالـس غــزر ابـخـدامـك


عايش بأسمك واسمك يعلي الراس
غـالي وتحب المـايـذل بـيـن الناس
يامـن خـدمـتـك فـاز بـيـها العبـاس
ضحه الچفوف وهامه فدوه الهامك
مـلـح الـمـجـالـس غــزر ابـخـدامـك


ابـداعـة رقـيـه ياابـو ارقـيـه عليك
خـليـني وي خـدامـك الهـامـوا بيك
لو مـره يصـدر فـعـل منـي وياذيك
ياقــابـل الـحـر خـلـنـي وي ازلامـك
مـلـح الـمـجـالـس غــزر ابـخـدامـك


هـاني ناصـر السـعيـدي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

شال رايتهم حبيب ابكربله
كلهم أخلاق اوشهامه أومرجله

حي الله الانصار ،، حي الله الانصار
………………………
يوم عاشر شدت أحزام الزلم 
گام عابس للمعارك يبتسم
شوذب اوجون اُوهب كلهم عزم

گالو ايموت اليمس العايله
… .……………………
من زهير اونافع  الجيش انكسر
شاف زود البيهم أوعاش ابخطر
گالو امن دمومهم يصبح نهر

هبت انصارك يبن تيد الوله
… .…………………… 
مسلم اوهفهاف گامو هوسو
حضروحها اسيوفهم وتحاشمو
يم ابوالسجاد كلهم  دنگو
 
رد عليهم ياهلأ وميت هلأ
… .…………………… 
وگفو اگبال العقيله ام الخدر
گالو اعلئ اخيامچ اشحده اليمر
كون ما وفّينه منچ نعتذر

ويه اخوچ الموت يلزينب حلأ
………………………… 
يم گمر عدنان راحو سلّمو
خذو منه أدروس بيهه اتعلّمو
دگت اطبول الحرب وتقدمو
سَجل التاريخ اعظم منزله
… .…………………… 
دَخنت من طب حبيب اوصحبته 
هجت اخيول أوزلم من شافته
دگ علم برض االطفوف أوثبته

طشراها ونترس بيهه الفله
… .…………………… 
للشاعر الحسيني 
فـــاخر عـلـــي الشـبـيـبـي