زينب گالت لحسين
          يبن امي ونور العين
         
             صيح لعباس
             لايفني الناس
                     """""""""""""""""""
مـن الزغر عباس حـلوه اعلومه
مثل القيامه يصير بالطف يومه
  دگ اعله صدره وگال من يدالي
بين الخييم ويآشر اعله الحومه
   
     شال الرايه اعله امتونه
     تطـلـع نـار أمـن اعيونه
        تل المهره وجاباها
     گال الزينب مضمونه
  يوصلچ ماي ** گال الوفاي
            ياتاج الراس
                   """""""""'''"''"'''''''''''"''"""
راح اعله زينب للخيم حاچاها
ماحست بضيم العطش خلاها
صوول عليهم مثل شمرت عوده
  شاف الزلم صوبين وتعـناهـا
    
       للـمـاي اتعـنه ابـزوده
حمره امن الغيض اخدوده
        بين العسكر يتباها
      فنّه اليوصل لحدوده
  رداها الخيل ** راوها الويل
         راعي النوماس
                   ""''""'""""''"""""""'''''''''''''
شد للحرب عباس راعي الغيره
من صال خلاها الجيوش ابحيره
  شافو اتراب المهر. گالو زلزال
صارت مضلمه امن اعجاج الديره
       
        سوه العسكر سالوفه
       كَسر بالحومه أسيوفه
         لـم للـگـوم ورداهـا
       بيهم من يهجم خوفه
   شدلهه احزام ** خله الضِلام
           بيهم وسواس
              """"""''''""""""''''''''''''""""""'   
صاحو عله العباس شنهو اتريده
  محـچال سواهـم يفرهم بيده
خله الرجال اتلوذ بضهور الخيل
لو شردو اتصير المسافه ابعيده

      شابع من عدهم سيفه
       وزعها الروس ابكيفه
       كض الـرايه وشداهـا
      رد ماخـذ منهـم حيفه
طـر الصوبين ** راجع لحسين
         متروس احساس
                 "''"''''''"''''"''"''''''''''''"""""""""
جايب الماي امن النهر لخيامه
روس الزلم مثل الرطب جدامه
بين الجثث يمشي عل كيفه العباس
كلـمن املـثم راح ذب الـثـامـه

     زينب طلعت فرحانه
    شربت كلهه العطشانه
   جاب الجربه وخلاها
   ماضاگ الماي السانه
شبل الكرار ** يتجادح نار
        ألاول ينقاس

✍️ فاخر علي الشبيبي

اللهم صل على الوفية الطاهرة
———————
يا خجلتي من فاطمة
إنْ لَمْ يعودوا للوطن
صَلَّتْ عَليهُم دمعتي
مُذْ قالوا محبُوبِي ظَعَن

يا يمه لو سار الظعن
انتوا الامل ادريكم
سمعوني يحزام الظهر
خلوني افرح بيكم
لحسين ادكنكم دوه
ولزغر طفل افديكم
لحسين بس چلمة نعم
لو بالبحر يرويكم

اللهم صل على الجروح الصابرة
اللهم صل على الوفية الطاهرة
———————
يَحكي لنّا يُوجِزْ لنّا
عَمَّا تَكُونُ كربلا
يا فاطمةَ قُولي لهم
اللهُ من ذاكَ البلا
من جان يحجيلي علي
وعن كربلة سالفته
ويحجيلي عن زينب بعد
وكل اليصير ابنته
ان جان هاذي كربلة
حيدر انه عاهدته
قامات انجبله وزلم
بهذا الامر واعدته

اللهم صل على الوعود الظاهرة
اللهم صل على الوفية الطاهرة
———————
إنّي حَشَوةُ أُذْنَهم
إنَّ الحُسينَ دِينَكُم
لا تُجْلّسُوهُ في العَرا
بَل أَجْلّسُوهُ عينَكُم

يا يمه وابذاك الربّه
هالليلة اريد انخاكم
ما ريد زينب تنهضم
لو تدعي ما تلكاكم
كل ظنها زينب من مشت
خيمة وستر ترجاكم
هاذي وديعة فاطمة
ما تنترك حاشاكم

اللهم صل على الوديعة الحائرة
اللهم صل على الوفية الطاهرة
———————
قدْ أقسموا بشيبَتِي
لا لن يعيشوا بَعدهُ
عبّاسُ قد قُلتُ لهُ
كُن للحسينِ عبدَهُ

من شيبتي هاكم علگ
وشدوه فوك المهره
لو اسمع بواحد سلم
صدكوني لا ماعذره
لحسين واحدكم جبل
خدام تمشي بامره
وخلوه يشعر بالشدد
جن علي لازم ظهره

اللهم صل على النجوم الزاهرة
اللهم صل على الوفية الطاهرة
———————
إنْ تَدْخِلوها حامية
لا تَخْشُوا جيشاً او عدد
عَضُّوا على أضرَاسِكُم
قولوا آيا حيدر مدد

بالحومة لو صار الضرب
خلوني اشوف الانزع
وخلوه حيدر بالنجف
بهاي المآثر يسمع
بيضولي يا يمه الوجه
ما ريد واحد يجزع
وما ارضى عن واحد ابد
بس الاشوفه مگطع

اللهم صل على الليوث الكاسره
اللهم صل على الوفية الطاهرة

ابو علي
القريشي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

الانصار ع


لصحابي دمعة عيني تجري
گبل الگمر كسرولي ظهري
طاحو سوه وبيهم اعد صرت انه للموت استعد
گبل الگمر كسرولي ظهري
****
منحني ظهري عليهم ذوله اصحاب الوفه
هسه حسيت ابغربتي والضوه اوياهم طفه

حسراتي اطويله .شالو فد شيله . عيني اعله العيله . حياره
هاجت الامي . حراس اخيامي . بالشده احزامي
غياره

إلهم دمع احمر حلالي
غالي اشوفه ويمه غالي
واليا جرح منهم اصد صرت انه للموت استعد
گبل الگمر كسرولي ظهري
****
اگبالي شمات وضلاله إمنيتهم انكسر
الچنت أنه اتچه عليهم موته وعليهم امر

ابلياهم ويلي . ياهو ايتچيلي . رافگهم حيلي
مصيبه
وضعي اشيفتهمه . وادم ملتمه . ما عدهم رحمه
عجيبه

انهظ حبيب اصرخ واكابر
اشلون آنه ارد وحدي العساچر
الشيخ الزلم چفي امد صرت انه للموت استعد
گبل الگمر كسرولي ظهري
****
عالوجه سبعين مره ويه انصاري طحت
همه ماتو مره وحده وانه الف موته متت

الطاح اتعناله . مكسور ادناله . حيل ابچي اگباله
وانادي
صبرك يا ربي . اشيتحمل گلبي . ما وچد دربي
اعادي

هالمنظر شلون انه اشرحه
كلمن اشوف ابصدره رمحه
منثور اشوفنه الورد صرت انه للموت استعد
گبل الگمر كسرولي ظهري
****
بالاسامي انده الهم يابرير ويا وهب
عابس البيه تجنن ما يجاوبني اشعجب

دمعاتي اتلالي .الذب درعه اگبالي . ميجاوب تالي
حسافه
يا حر حاچيني . شلون اتخليني . بينك ما بيني
مسافه

باربع جهات انظر صوارم
يعني الجسد ما يبقى سالم
خيل وزلم ظلت تهد صرت انه للموت استعد
گبل الگمر كسرولي ظهري
****
ركضت الخيل استمعها وحافر ابحافر يدگ
صحت گومو يالغياره صدري ساعه وينسحگ

ها ياهل الغيره . عفتوني ابحيره . والعازه اچبيره
وراكم
وضعي اتعرفونه . نحري ايگطعونه . وصدري ايسحگونه
ابجفاكم

يحبابي من رحتو سويه
التمت إلوف الطف عليه
بين الضمه وبين الحشد صرت انه للموت استعد
گبل الگمر كسرولي ظهري
****
عل مطهّم سيفي بيدي وترشگ اعليه السهام
مره افزع مره أردن خوفي تنصاب الخيام

ظليت ابناري . مكشوفه ادياري . والمدمع جاري
كسرني
ردت احمي اعيالي . سهم اتعنالي . وصوّب دلالي
وفطرني

گلبي ابسهم لمثلث انصاب
من مهرتي طحت اعله التراب
بيد الشمر خنجر حقد صرت انه للموت استعد
گبل الگمر كسرولي ظهري
****


الشاعر اياد الديراوي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

مولاتي الزهراء صلوات الله عليها

آه يبني يالمذبوح مگلوب
مسلوب خدره وثوبه مسلوب
آه يبني يالمذبوح عطشان
أگعد ييمه صار الغروب

يالذابحينه أعللعطش .. يمه .. يمه
مو يمك وگلبي نخمش .. يمه .. يمه
وآحاه يليل أربعطعش .. يمه .. يمه

واويلي يايمه وايلي يايمه

000000000000000

أيدي علضلعي وجيتك بساع
خنصر عزيزي بيا كتر ضاع
أنشد ودور حته التراب
ولگيت طولك تارس الگاع

أفرش عباتي للولد .. يمه .. يمه
علم عون كثرت النشد .. يمه .. يمه
من ضيمي ماميز بعد .. يمه .. يمه

واويلي يايمه واويلي يايمه

000000000000000

ضيعت أخيتك معرفتتهه
وماچنهه زينب من شفتهه
الله يساعد گلب أخيتك
ساعت ذبحكم تعبتهه

أبزريتي تيهت العرف .. يمه .. يمه
يالطولك مغطيه نزف .. يمه .. يمه
يالحاوطوه سبعين الف .. يمه .. يمه

واويلي يايمه وايلي يايمه

000000000000000

مابيه خدركم يبني عباس
ماهو العزيز أعصابت الراس
صوب النهر لن زينب تصيح
يذبحون أخيي رگضت الناس

طحت علحيلي من البچي .. يمه .. يمه
وعللوجع گمت أنتچي .. يمه .. يمه
غير الشمت مامش حچي .. يمه .. يمه

واويلي يايمه وايلي يايمه

000000000000000

أسمع بناتك والنساوين
هدو الخيل التسحگ حسين
چا غير ميت مايعوفوك
يسحگوك ليش بحافر البين

أنه الهضم گلبي شكثر .. يمه .. يمه
من طحت وتعنه الشمر .. يمه .. يمه
گبال الخدر وأم الخدر .. يمه .. يمه

واويلي يايمه وايلي يايمه

رسول رياض
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

هوسات الى السيده الطاهره ام البنين عليها السلام وهي توصي ابا الفضل بهذه الوصيه
***
ﮔبل لا تروح يا عباس وصيه من امك اسمعها
زينــــب يـــا ﮔمـــر عدنـــان بالك يهل مدمعها
عينــي كلها والهــامـــه واديـــه فدوه اﮔطعها
(( ولزينب منذوره اسنيني ))

**
فــدوه اسنيني منـذوره كلهن بس لاسم زينب
غضب عباس وأتخيل اخو زينب لـون يغضب
نـــار الغيــره ظـل تفـــور بيه أبكل كتّر تلهب
((  عباس أبغيره مرضعينه ))

**
ييمه أبغيــره رضعتــك حلـــيب أمطعـــم أمــروه
حتــى أتوافــي يا عبــاس بالطــف يبني للخــوه
وأريد الموت دون حسين يبني يصير الك سلوه
(( وبدمك كون اتوافيني ))
**
الشاعر
موسى البديري
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

يمه ياعباس هونك ريض وحاجيني
ام ولدهه تروح عنهه ماتغمض عيني
...................
يانفس روحي وهواهه ياعزيزي وظنوتي
اتروح ياعباس صعبه وانه اظل ابحيرتي
اتسولف اليحجي عليه يابو فاضل دمعتي
تحرگ اللاگاني يمه اعليك صدگ حسرتي
انذر الجيتك يغالي فدوه كل سنيني
..........................
موحش البيت بغيابك
يلي يزهي بضحكتك
فدوه ياعباس يبني لاتعوف الربتك
ادري وي حسين رايح
ماتگصر غيرتك
بس وحگ داعة يمينك
راح اظل ابعازتك
ياذخر يبني اريده ابكبرتي يتجيني
....................
حگ الام يمه اعله بنهه
حكهه الامربيته
تريده يوكف عد كبرهه مو ايفارگ بيته
حالي بعدك واحد ماحضه ابعافيته
راح عند الباب اضلن طولك امتانيته
وايست عباس لمن شفتك اتوصيني
..........................
اليل من يلفي ييمه
ايلاگي روحي ملاگه
يمه واتوجه واگومن كثر ما مشتاگه
الابن يكتلهه امه لو يطول افراگه
يمه ياعباس ادري بعد مانتلاگه
ايحول غدر الغاضريه بينك ومابيني
..........................
اليوم دلالي لچمني والگلب فته الصبر
ونيشنت بالباب جدمي من كثرما انتضر
والله ياعباس بعدك ماكل كليبي الصبر
يوم يومين واتاني وهنه ما ادري شكثر

ام واطالب تعبي منك وانته الاتجازيني

خادم اهل البيت علي الزرگاني
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

اسمع امــــــك وصتك بحچايه
گـــــــوم جيب النهر هو ومایه
يبو فاضل يبو فاضل
؛؛؛؛؛؛
مــــا اريد الماي اريد انه النهر
انه اول مـــــره الي جابت گمر
التمتلك عباس متحس بالخطر
انـــــه ضميتك لأيام الدهــــــر
كون اريدن بيدك ادگ ثايه
؛؛؛؛؛؛
انه بدوية اصل گـــالــــو صحیح
الخلفت عباس ابدن مــــــا تطيح
انه مــــو سعفه ابد وتهزني ريح
يمه باچر خيمتك تصبح ضريح
انت وفـــاي وانـــــه الوفايه
؛؛؛؛؛
خل اشوفن عـــــالنهر صولاتك
انت قائـــــــد ترعب بريشاتك
ياهو یگــــــدر یمنع احچایاتك
مثل حيدر توجــــع بضرباتك
جيب بيــــدك يمه المسنايه
؛؛؛؛؛؛
يبو راس الحــــــار صگـــار الزلم
كلف يــــا عباس منك ونعــــــم
حلم عمري وانت حققلي الحلم
گمر انت وادري كاشخ عالنجم
انت قائـــــــد سلميتك رايه
؛؛؛؛؛
ما يمر بحسين اريدنه الهــــوه
بظلام ويبني اريدنك ضــــــوه
يلــــه يا عباس اگلــــب نینوه
گوم اطبگ خیل والفارس سوه
احنه نفدي حسين اجمل غايه
؛؛؛؛؛
هاي زينب يبني امـــانه برگبتك
تره لهذا اليـــــوم امـــك جابتك
اسمع امك بيش يبني شوصتك
يله يــــم زينب واعگــد رايتك
هاي زينب وانت تعرف هايه
؛؛؛؛؛
علي جبار الكعبي
الفاتحه لوالدي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

حلم اخدم
🍂🍂🍂🍂

وحگ ذاك الغيور الضحه بالجفين
فداك اهلي وبنيني المات والعدلين
—————————-
من زغري حلم اخدم ولد فاطم
وكل نيتي الخدامة والله العالم
وادنگ الراس من اسمع علي قادم

ومن المستحه عنه ادير العين
—————————-
المره التاخذ علي هامتهه مرفوعة
بس انه ادخلت من بابه مفجوعة
يم بابج علي شفته حنه ظلوعه

ويم بابج تذكرت الجره من سنين
—————————-
صح ساده بنيني ومن نسل ساده
وشارتهم تعور باللي يتماده
مو بس بيه سابع ظهر باولاده

صح ساده لچن خدام عند حسين
—————————-
اوصيكم باخيكم گبل ما تمشون
وعلى زينب وصيتي وكلكم تسمعون
عبيد الهم يذخري بكل وقت تبقون

درع انتم لاخيكم من سهام البين
—————————-
سمعت خيول عشرة السحگت بصدره
وطلع سهم المثلث من خرز ظهره
ساجد عالترب وصوابه الف طبره

وسمعت عمامته داسوها برجلين
—————————-
ردت راسي ابدالك عالرمح ويلوح
ولشعرة ابلحيتك كل بنيني تروح
ومثل جروح جسمك كوّن بيّ جروح

لون بيّ الذبح وجروحك الألفين



ابو علي
عبد الحسن القريشي

عذرا ياصاحب الزمان
على بيت في القصيدة
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

ابيات ابوذيه الى السيده الطاهره ام البنين عليها السلام

أنــه بمهــدك نــذرتـك يمه لحسين
شحلاتك وانته واگـف يم الحسين
أذا تــوگــــع أنــــادي يمه الحسين
فـــدوه الطـــاح دونــــك عالــــوطيــه

*
عفه گلبي شحمل طعنـــات ويـــروح
بغيابك مــا بعــد ظل حيل وي روح
تمّنه الطف يگصده آوياك ويــروح
ودونــــك كــــون تسحگني اعـــــوجيه


♠♠♠♠♠

ضعنهم راح شــــال الــروح ويـــــــاه
ودليلـــي أبنــــار لمَن ســـار ويـــــــاه
على ابن الزهــره اصيحــن آه وي آه
وأگـــل عباس افــــدي ابن الـــــزچيــه

♠♠♠♠♠

الشاعر
موسى البديري

((أليها ام الوفاء))


فديتي أفحول ياحره والابطال
ودمعچ ماسكت ساعه ولا بطل
عرض هـــالدنيا أفرنها والبطول
ولا ألــگـــه مــره مـثـلـچ وفـيـه

فديتي أبطال ياحره والفحول
وحــالچ صــار متغير ألف حال
تگول المرض يـوليني ألف حل
اطيبن مــــن يــرد حسين أليه


عبد زينب
محمد الابراهيمي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

#لــمولاتي ام البنين صلوات الله عليها

ضعنه مشه.. وگلبي رجف.. من هذا الفراگ
بروحي حده.. ودمعي نهر.. أم وحگي أشتاگ
ليلي وراه خلص سهر
حيلي خذاه ومتت قهر
1
مشو وأنه ابتدت قصتي وعذابي وغربتي وهمي
خـذو روحـي بهوادجهم وبالماكو عثر جدمي
حلم لو شافت أعيوني أفز ملهوفه من حلمي
مجروحه ومضيعه أدواي
ياراي وحسـيـن الـــــراي
صح مرت أبو وعندي أولاد
بس غالي الحسين هواي

لطوله أحــن.. وأنعى أله.. مو لأربع أولاد
بگلبي جرح.. يبره صعب.. وبس هوا الاضماد
فراگه يناس حنه الظهر
حيلي خذاه ومتت قهر
2
الوسن مامر على عيوني ويجرح گلبي المتانه
ما معميه عيني وعـاد أگـــول أشتمها قمصانه
لهفانه وتريده الروح وحـــــگ الزهرة لهفانه
ولــدي أربعتهم ويــاه
بــــس عايفتهم وتـنـاه
وكل السوالف بحسين
أنساهم ومـــــــا أنساه

شعندي ضنه.. فدوة أله.. لو سالم حسين
مقصره أحس.. أنطيته فده.. بس أربع ابنين
بخدي دموع تصب نهر
حيلي خذاه ومتت قهر
3
عشت محنيه بغيابه مره بس أشبه الخيمه
الدهر مايرحم المشتاگ ويعوفه بلچمته وضيمه
أكابر واصبر انه شلون وفوگاي الحزن غيمه
أرســــم بالرمال أضعون
خاب الرجه وميرجعون
ماباقي للموت أشواي
بالموت الفراگ أيهون

أسنيني طفن.. جنها شمع.. ومحوطه أبنار
جنها گـبـر... ظلمه صفت... بغيابه ألديار
بعيني أشوف الذكرى صور
حيلي خذاه ومتت قهر
4
الرسايل ما تبرد الشوگ أذا يمشي بخلايا الدم
صح جــارح غيابه هـواي لاجـن شوفته بلسم
شايف هم تزيحه اعيون! وبس عينه التزيح الهم
جارحني صح بس ماحير
بـلـسم أذا رد يــــــصـــير
بثنيهن هــــــوا حـســيـن
يـــــا لغــز صعب التفسير

حزني سمه.. وهوا گمر.. من دونه ماعيش
عمري گظه.. وعگبه بعد.. يتسمى عمريش
گلبي نعاه وبچه الحجر
حيلي خذاه ومتت قهر

5
أستحي امن الزهره ياهالناس ماگول أنه مثل أمه
أسمي لو ردت مولاي أبد ما اصيح اله بأسمه
أم لأخوانه بس ياريت يقبل مرت ابو تخدمه
شيصير باجر بالروح
لو أسمع الناعي ينوح
ويگول مكتول حسين
وراسه برماح المذبوح

بلكي حلم.. منه أفز... وباجر يرجعون
ماكو أمل.. الناعي نعى.. مسبيه الضعون
ضعنه سباه وقسى الدهر
حيلي خذاه ومتت قهر...


حسين حمدان الدلفي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

ام الابطال ____ ام الابطال
والضحت برباها ام الابطال
____
هاي الحره الطيبه التنگط غيره
خلت هذا العالم كل بحيره
هيه الرسمت بالطف اجمل سيره
بس حسين يهمها ولا موغيره

اتخرج اجيال اتخرج اجيال
عالغيره وعالنخوه اتخرج اجيال
____
ياخادم اسمعها ومنها اتعلم
اليقدملك دينك قدمله الدم
امشي وطبر راسك لا لا تهتم
وراح تگلك هيه تسلم تسلم

خير الاعمال. خير الاعمال
نتعلم من عدهم خير الاعمال
_____
يم عباس ادخيلچ بس دليني
كون انه بكل مجلس تهمل عيني
تلميذ بمدرستچ واتعلميني
مثلچ كون انه اتعلق بحسيني

عالخد همال عالخد همال
دمعي انه ابكل مجلس عالخد همال
_
للمجلس من اطلع اله اقراها
فاتحتچ عالموعد ماانساها
مااتوفق اعرف وابلياها
والعباس امجرب من انخاها

فوراً بالحال. فوراً بالحال
يلتگظين الحاجه فوراً بالحال
__
رايد منچ حاجه انه الخادم
ايران تنصريها ضد الظالم
كون وياهم يبقه النصر الدايم
والرايه ايسلموها بيد القائم

اهل الافعال. اهل الافعال
سدو حلگ الحاقد اهل الافعال
__
جديد
✍️احمد علي البغدادي

هكذا خاطبت مولاتنا زينب عليها السلام أخيها ابو الفضل العباس عندما اشتد بهم العطش :


ياعطش يا أَثَـر      عدنه جودك نهـر
           مانحـتـار مانحـتـار

=========================


شوفتك ماي العطاشا ورايتك ستر الحِمَه

وبالخيم لمّن تسولف يخرس إلسان الضِمَه

خل يسدّون الفرات وخل تصير الملحمه

عدنه جودك ماي زمزم يغني عن ماي السِمَه


ويجري بالطف دهَر    عدنه جودك نهر
               مانحتار مانحتار

=========================

يابو فاضل ألف رحمه اعله الغيوره الجابتك

أبد ماخلّيت خيمه تشتكي امن امروّتك

تفرغ الطوس اِبخِيَمنه اوتنترس من هيبتك

اثنعش عين البيد موسى دَنّـگن يم جربتك


ومانطِـگ الحجَر    عدنه جودك نهر
              مانحتار مانحتار

=========================

ينفتح ينسد نهرهم، بيك ألوذَن ما أهِم

تجري من عينك سواجي وچم نَبِـع من تبتسِم

النهر چي لامَس اچفوفك صار إله قيمه وإسِم

اشما كُـبَر بالدنيا صيته اگبال جودك ينهدِم


والضِمَه اشما كُـبَر     عدنه جودك نهر
              مانحتار مانحتار

=========================

ماي جودك نهر جَـنَّه الضاگه مايضمَأ أبـد

والعطش ما چان زلمه بس وجودك حَطلَه حد

إنته ماتنشاف واحد عسكر وعدَّه وعدد

ولذلك زينب إختك چانت اتشوفك مدد


حگـنه نحچي بفخر     عدنه جودك نهر
             مانحتار مانحتار
=========================

احسين مو للماي يعطش بس يشوفك يرتوي

هالله هالله اشچان وجهك من شمايل يحتوي

تعجز ابطون الكرامه مثلك اتخلّف خَوِي

هاشمي ولمّن تدخّن تلوي چف الشر لَوِي


إنته عالشر قهَر      عدنه جودك نهر
            مانحتار مانحتار

=========================

كثر ماعندك فضائل أصبحِت يابو الفضل

والفضل لوما وِجودك بي نقص ما يكـتمِل

لجل دِينك حين تغضب مثل نيزك تشتعِل

اتهزّه من أصله او تقلعه لو جبل چان الحمِل


مانهِــم للخطر    عدنه جودك نهر
             مانحتار مانحتار


=========================

خادم الحسين ع
مرتجى الحسَّاني
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

قصيدة ميمر للسيدة أم البنين


تسهيل أمر يم عباس نقرالچ اللطميه

،،،،،،،،،،،،،،،،،،،،،،،،،،،،،،،،،،،،،،،،،،،

يم البنين ابمجلسچ كل مره
يحضر محمد وي علي والزهره
لا مو بعيده وي الحسين الحضره

ونصيح ها يم حسين منگلچ البدويه

**

غير انتي باب الله الرحيم الشافي
معذور لو اسمچ حرز بشفافي
يم الله ذكرچ للحوائچ كافي

يا شيعي اطلب واختار يلحاجتك مگضيه

*

هذا الدليل وباب صرتي لربچ
مو چان گلب حسين حيل يحبچ
يلچنتي منه وهمه چانو منچ

اولاد نعم الاولاد مأجوره يا علويه

****

غير الاسود ولا تجيب اللبوه
يمربيه ولدچ علوفى وعلنخوه
تروح المره اوالدهه لجلچ فدوه

ام الجمل ما تنقاس بالطاهره الشيعية

*

يم البنين (حسين نشبع منه ؟ )
هاي المجالس جسر بس للجنه
گول برگبتي شتطلب وتتمنه

وديهه بيد العباس بس گله بالمسبيه

****

بالدنيا هم بالاخره احنه وياكم
ميتين ما ميتين ما ننساكم
بيوم القيامه ونلطم لبلواكم

بالحشر نرفع رايات يتحول حسينية



كلمات خادم أم العباس / رعد الفريجي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

هَا هُوَ أَبْنُ الْحَسَن يَدْخُلُ ارْضَ كَرْبَلَاء
وَيُنَادِي اسْمَعُوا يَرْتَوِي سَيْفِي بِالدِّمَاء

♦️♦️♦️♦️

خرج العريسُ للطف شايل امن الله الجمال
اتلثطعش وردة سنينه ونازل السوح القتال
خلفة الكرار ذوله مايخلف بس رجال

ابْنُ قَتّال ابْنُ وُد قَاتِلٍ كُلُّ الِاشْقِيَاء
هَا هُوَ أَبْنُ الْحَسَن يَدْخُلُ ارْضَ كَرْبَلَاء

♦️♦️♦️♦️

طلع البدر عليهم بس طلع من الخيام
فوگ زي العرس لابس عسكري وبيده الحسام
يشبه الكرار يعني اقروا عالجيش السلام

هَا هَوْهَ الشِّبْلُ اتَّى يَذْبَحُ جَيْشَ الطُّلَقَاء
هَا هُوَ أَبْنُ الْحَسَن يَدْخُلُ ارْضَ كَرْبَلَاء

♦️♦️♦️♦️

امرايه من الحسن هوه والخلگ كلها شهود
بالحرب ديوانه فاتح ياهلا ابهاي الحشود
امعزب وسيفه مضيفه مايرد روس الجنود

عَلَوِيٌ هَاشِمِي أَنَّهُ ابْنُ الْأَتْقِيَاءِ
هَا هُوَ أَبْنُ الْحَسَن يَدْخُلُ ارْضَ كَرْبَلَاء

♦️♦️♦️♦️
حَنّه قبل اچفوفه سيفه من دخل ارض الطفوف
حتى من يضرب يشور طشر ابعزمه الصفوف
مثل ابو فاضل القاسم شاره بالعسكر يعوف

كَعَلَيًّ جَدُّهُ تَشْهَدُ امْلَاكُ السَّمَاء
هَا هُوَ أَبْنُ الْحَسَن يَدْخُلُ ارْضَ كَرْبَلَاء

♦️♦️♦️♦️♦️

والهلا بلسان سيفه ادگول تسبيحه وقنوت
ادگول حيدر بالمعارك لمن ابزوده يفوت
ابضربه وحده من يضربه حتى مايلحگ يموت

لِلْحُسَيْنِ يَنْتَمِي جَدُّهُ خَيْرُ الَاوَلِيَاء
هَا هُوَ أَبْنُ الْحَسَن يَدْخُلُ ارْضَ كَرْبَلَاء

♦♦♦♦️♦️♦️♦️♦️♦️♦️♦️

وليد المندلاوي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

اسوم الروح لجلك وانت شاريهه
الك صارت خدمتي وفتخر بيهه
*******************************
تره الخدمه عظيمه وعاليات الشان
ما تنعد سعر   بيها  الوصف حيران
أمير   ايصير  بيها  وشايل العنوان

الخدامه هيه ذخري وانه احچيهه
الك صارت خدمتي وفتخر بيهه
*******************************
يدنيا اشگد تغرني وثابت ايماني
يا معنى العشگ ظل ذكره ابلساني
حسين البيه عايش يحيي وجداني

وضميري ايصير انت قبلتي ارويهه
الك صارت خدمتي وفتخر بيهه
*******************************
الخدامه عندي صارت هيه مضموني
ولا شك  من اسولف شيعي بجنوني
احسين اشگد احبه وساكن اعيوني

طواف الحج لگيته وعمره ناويهه
الك صارت خدمتي وفتخر بيهه
*******************************
تريد اشگد اسولف وروي بالمجمل
احسين الدنيا هايه والبعدها أجمل
عشگت احسين وسمه كاتب الأول

احسين ابدفتره ايسجل اساميهه
الك صارت خدمتي وفتخر بيهه
*******************************
گلبك  خله  صافي  ابخالص النيه
مثل حمزه تريد الخدمه شع ضيه
اظل  لاخر  نفس  دمعاتي  لطميه

المجالس هايه هوه احسين راعيهه
الك صارت خدمتي وفتخر بيهه
*******************************
جوازي هناك صارت دمعتي بالعين
اذا  سألوني من يا ناحيه وامنين
اجواب وبجبيني خادم انه احسين

فزت  بيها وگلت يامحلى تاليهه
الك صارت خدمتي وفتخر بيهه
*******************************
تمت بعون الله تعالى الشاعر___يوسف_الفتلاوي

قصيدة محاورة بين العليلة وام البنين عليهما السلام


علة وهجر ليل ودمع ياجدتي
يم البنين مصيبتچ ومصيبتي
بس الدمع والونة    ياجدتي ظل النة
-----------------------------------------------
من سافر ارجع صيحت  يا بوية ارحم حالي
لاچمني كَلبي بسفرتك  گلبي انخمش يالوالي
تارسها عـيني مدمعي  چم حسبة بوية ابالي
هذا انة حالي من مشوا  رخصتة دمعي الغالي
ايكَصر العمر ياجدة لو طال البُعد
مُرة الحياة اخلافة خافــــن ما يرد
نياحة وبواچي وحَنّة     ياجدتي ظل النة
------------------------------------------------
يا فاطـمة مر الصبر   بس بعـدة كَالوا تفــرج
صبري يجدة وننتظر   ظعـن النحـبهم عرج
دلالي بالفركَة انچوة   لساني بذكـرهم  يلهج
اذن بكَلبي للحزن   وهموم اجت من كل فج
يافاطمة وياه اخذ روحي ومــــشة
متروسة ناس ايامي لكن موحشة
ذكــــــرى ادور مــــنة      ياجدتي ظل النة
------------------------------------------------
اعمي دليلي من الحزن بعيــــــــني فلا ظل مدمع
ابيضت ويبست وانعمت  يمتة بقــمـــيصة يرجع
عينيـني يالكلچ وفة   ومدري البواچي شتنفع
وردة وذبل عودي ومتت من عروكَة كَلبي تشلع
ماخيط جروحي بزغ خيط الفجر
باچر يجــــــوني اقنع كَليــــــبي بعذر
لا ما كَطعت الظنة     ياجدتي ظل النة
-----------------------------------------------
الفاكَد عزيز اعلى الكَلب ايروح الضوة البالناظر
ليلية عشرة  ويالسـهر  شيجبرلة كسرت خاطر
خافن عزيـزچ ما يرد  ولا خـبر ندري شصاير
يعينة الله من فاركَ ابو   ايتيه طريــــــجة وحــاير
وني واون انواصــل الليل بصبح
راح العزيز وبالكَلب تارك جــــــرح
الغالي انشدچ عنة      يا جدتي ظل النة
------------------------------------------------
غاب الكَمر يَمّ الكَمر   هجر الغــــوالي شخلة
هم مثلي دارچ موحشة  جدة البُعد شيــــــحملة
يــــم البنــين وحالــتـچ   للعــــــلة حطت علة
بكَلبچ فتح بابة الحزن   بيتچ مشت كل اهلة
ما نامت عيونچ ذبل منها الجفن
الله اليعينچ هالــــــكثر عدچ حزن
يكتلني كَلبچ حزنة     ياجدتي ظل النة
------------------------------------------------
ياجدة باچــر من يــــرد   ننــسة الحزن والفركَة
كَعدتنة ما تنمل ســــوة  ايصير شحلاتة الملكَة
ظمي ابعيونچ دمعتچ  خافن دلــــــيلة انحركَة
خلــيني وياچ انتــظر  هلــــبت الباب ايـدكَة
راح النظر من النظر صــــوب الدرب
انتاني العزيز وهلبت بغفلة ويطب
يومية ليچ اتعنة         يا جدتي ظل النة
===================
أسالكم الدعاء رائد الاسدي

قصيدة بحق فاطمة العليلة عليها السلام


يا بوية والموت الخذاكم ذبيت ماي اشگد وراكم
ماي البالعيون هلبت تردون
ذبيت ماي اشگد وراكم
==================
لجل السلامة حظرت ماعون للماي
ومتروس بموادع هلي بدموع عيناي
وحطيت روحي ويالدمع اوناتي بهداي
وبديتهن فوكَ الدرب واتنطر الجاي
علة وهجر زايد عذابي بنوح وحزن يجرح عتابي
اترجة الضعون هلبت تردون
ذبيت ماي اشگد وراكم
====================
انتم تلمون الظعن وانة اجمع الروح
وشديها بطرف الظعن وياكم تروح
چني اشوفن كربلة جدامي اتلوح
نار ابمخيم شاهدت دم بيها مسفوح
گلبي انخمش وانشده بالي تمشون وانة شلون حالي
چا موش تبطون هلبت تردون
=====================
كلما تنگلون الجدم يطلع اثر موت
صيحت يا بوية الحذر ما تسمع الصوت
اركض واصيحن ياهلي ردوا للبيوت
بعيني اشوف القافلة تشبه التابوت
يالرحتوا ريضولي اگلكم الموت يفتر فوكَ منكم
شو ما تسمعون هلبت تردون
======================
رديت مكسورة گلب للدار رديت
هلبت اشاهدلك اثر موجود بالبيت
يا بوية اشوفك كل كتر لا وين صديت
اتوسد بحضنك بعد اشگد تمنيت
هم ترجع النة ذيچ الايام بحظنك تحطها بتك تنام
كتلتني الظنون هلبت تردون
======================
كل لحضة يحبابي التمر احسبها بسنين
تچويني نيران الهجر وانتم بعيدين
اصبر وتانيهم هلي ماضني ناسين
الهم عليلة تنتضر اهلي الحنين
يا يوم بوية لبيتك تعود بس لا يضل البيت مسدود
ما ضن تذكرون هلبت تردون
========================
اتدور ابخيالي والفكر كل ذكرى وياك
هيهات يلهيني المرض يالغالي وانساك
يهيج حنين البالگلب يا بوية طرواك
لو تنفدي النفس بنفس بالروح لفداك
يا اعز من روحي وحياتي ابهجرك عفت كل امنياتي
انساكم شلون هلبت تردون
======================
أسالكم الدعاء رائد الاسدي