هله هله حسين وينه /// بالسيوف امكطعينه
===========================
١/
طلعت امن الخيمه زينب .. شابجه العشره اعله اخوهه
شافته مرمي اعله طوله .. ويمه انصاره اذبحوهه
صاحت ابصوت الفجيعه .. حسين روحه طلعوهه
ندبت ابدمع الرزيه … قالع البيبان ابوهه

هله هله حسين وينه … جسمه ويلي امسلبينه
==================
٢//
من على التله وتنادي .. بويه يا حامي الحميه
حسينك اعله الكاع مرمي .. و فوكه تلعب الاعوجيه
احضر ابساعك نشيله .. لا تجي أتشوفه رقيه
وحدي هالساعه تراني .. طرك الحبال البديه

هله هله حسين وينه … ابساعك احضر يا علينه
=================
٣///
صاحت الحره العقيله .. وصاحت اوياهه اليتامه
هله هله حسين وينه … وليش مسلوب العمامه
دمه جاري عالوطيه .. بيا ذنب سيد الكرامه
ليش ما واحد فزعله ..الفاكد اخوانه وعمامه

هله هله حسين وينه … ما بقاله من يعينه
=====================
٤////

ويه زينب يوم عاشر .. صاحت الدنيه بكبرهه
كبَّراهه اهواي موته … وهي خمسين بعمرهه
اومن كبر هول المصيبه .. ضيعت زينب نظرهه
وحيل ما ظل بيهه ويلي … اتشيل بي صاحب صبرهه

هله هله حسين وينه … بيوم عاشر ذابحينه
===============
٥/////

كلشي وي زينب تغيَّر .. والسمه أتغير وضعهه
على حسين المات ضامي .. نَزلَّت احمر دمعهه
والزجيه بكسر خاطر… كصدته ابكسرت ضلعهه
شوفت المكسور ضلعه.. رادت وشوفه الفجعهه

هله هله حسين وينه … فجعو الزهره الحنينه
==========================
✍🏻 كلمات موسى الخادم ٢٠٢٥

عزيز امه انسحك بالخيل
واجته اخته تلمه بليل
ماخذهه التعب كل حيل ما بيهه
__1__
من سابع سمه وينظرهه رب الكون
كعدت يم اخوهه ابلايه شوف ام عون
حارت جسم اخوهه اتلمه مدري اشلون
مسحوك اعله طوله وما بقتله امتون

حارت … تجمع ،،،
جسمه ابيا حيل
صاحت … يارب …
طشروو بالخيل

طشروو خيرك اعله الكاع ... وكل حافر اخذله امتاع
من اضلوع اخوي الداست اعليهه
............2............
أجت بس ما اجه وياهه يويلي الحيل
وخطوات الدرب كظتهه عثره بليل
متّربه العبايه وساحكتهه الخيل
كوه اجر نفسها والطريق اطويل

لطمت ،، ونت ..
لحسين اهواي
أوصلّت … وحشه ..
الموته ابلا ماي

توضت زينب بدمعات
اوقرتله الفاتحه لوعات
وصلاة الوحشه صلّتهه بنواعيهه


_3_
من بعد الدواره الدورتهه اهواي
وصلت يم اخوهه الفاكده اجم راي
اجته وجايبه وياهه طاست ماي
تكله اكعد اروي اضماك عوف اضماي

جيتك .. خويه ..
اتكله بعنوان
اكعد … واروي…
الجبد العطشان

جبت الماي إلك يحسين
بس راسك أجيبه امنين
اشربك ماي من النحر تاليهه


==4==
بدت تجمع بخوهه الما بقاله امعين
واول شي تجمعه رادت الضلعين
ما كدرت تلمهن مارديهن زين
ظلت بالأرض تحفر تدور حسين

بلكت … تلكه …
أشويه من المات
حفرت .. شافت ..
ضلعه ولجمات

يصب نحره اعله طوله دموم
وجرح شابك جرح ملجوم
يفز حسين كل ما مدت ايديهه
...............

5
فرشت شيلت امهه ابمصرع المذبوح
وكل ساعه تشد منة جرح مفتوح
واتوخر التراب البل نحر وتنوح
ومن كد ما بجتله منهه طلعت روح

صورت .. زينب ..
تبجيله عيون
خلت ،،، كلشي ..
ينوح اويه ام عون

حزنهه اخته اعله ذبحه اهواي
بكثر ما عطشوه للماي
لذلك بجت الكون ابواجيهه
...............

__6__
ابسرعه الليله عدة عالعقيله ابساع
ما لحكت تودع حسين خوش اوداع
ولا كدرت تعوفه امطشر اعله الكاع
الوكت من عدهه ضاع بخنصره الي ضاع

خلَصت .. ليلة
حادي المقتول
أدور … خنصر
ضايع بالجول

عليهه ابسرعه طر الانهار
أتعبت بس ما لكتله آثار
ضاع الخنصر وظلت مآسيهه
::::::::::::::::::::::::::::::::::
✍🏻💔 كلمات موسى الخادم

يا خيل ... اتمنيت مثلي اخوان عندج
يا خيل ... يموتون وتضلين وحدج
وما واحد بحالج
امن اسأل على احوالج
........................................
١=
لو عندج اخوان وعرفتي معنى الاخوان
جا ما سحكَـتي بضلع واحد جبده عطشان
ولا عالترب خليتي جسمه يبقى عريان
ولا طشريتي ضلوع صدره ترس الامجان

يا خيل /// شهكَـت الخوه الما شهكَـتي
يا خيل /// لو شاهكَـتهه ما سحكتي
حد كَـطعت اوصالج
امن اسأل على احوالج
...........................


ياخيل لو ضكَـتي حنان الخوه تدرين
جا ما عليتي صدر اخوي وهيبتي حسين
ولا حافرج كَـلبه مرد وانتي تسحكين
بس للأسف بالجاي اسولف ما تفهمين

ياخيل /// بس ما يفيد اوياج عتبي
ياخيل /// مثل الشمر ورمتي كَـلبي
أحزاني تحلالج
امن اسأل على أحوالج
٣===
ياخيل كلشي ابالي هسه يدور ويدور
كلهن بصوب وصوب سحكَـج هاي الانحور
تدرين ياهو القبلاهه قبل عاشور
وياهو اليجيهه البيتنه ابكل لهفته يزور

يا خيل /// جدي رسول الأمه طه
يا خيل /// أبهذا النحر طبعه الشفاهه
بس داسه خيالج

///////4


4/ يا خيل مو كافي السحكَـ فوكَـاهه الامتون
عل الأقل خليه اعله طوله اعياله يردون
حاجيني نيتج شنهي بله بغاليِ ام عون
تنثرين جسمه بكربله وتشوفه الاعيون

يا خيل /// مات وشبع موت الأحبه
ياخيل /// كافي عليه رمح اعله كَـلبه
اعله ابن امي اشجالج
٥=====
ياخيل هم منهم طلعتي رحمه ما بيج
شنهو الجناه أبن امي ليج وبيش ما ذيج
ما كسر كَـلبج حالته ولا هانت اعليج
ريت الله لا ينطيج لا ينطي الموديج

يا خيل /// كلشي الأحبه بي خذيتي
يا خيل /// أكبر ذنب والله جنيتي
يا شينت افعالج
امن اسأل على احوالج
/////

✍🏻 كلمات موسى الخادم ٢٠٢٥


//////

يا جداه ... حسين فوك الكاع جسمه امطشرينه
يا جداه ... بالرماح وبالسيوف امكطعينه
حيلي راح اوراح حيله
اوياي ما واحد يشيله
......1......
يا جد بحماك ... هالساعه انخاك
تحضر للطف بهمه
حسينك ذبحوه .... حسينك سلبوه
عالتربان ايصب دمه

ياجدي عطشان انذبح والنهر جاري بصفه
بجفه السده اعلية يجد وحسين وحده بجفه
امن الخيمه اعاينله يجر كوه النفس محبوبي
يا ويلي من كثر العطش مابي يحرك جفه

عالتربان .... امدد اعله الكاع ويعاين علينه
عالتربان .... اشما يريد ايكوم حيله ما يعينه
طيحته كلش ثجيله
......2 .....

داسو بالخيل ... وبرمح اطويل
طعنو كلبه وعاينته
لخيامه ايدير ... لرقية ايشير
هذا المنظر شاهدته

ما همه حافرهم كسر ظهره وكسرله اظلوعه
كل همه جان ابنيته ارقيه العلي مفجوعه
حاول يجيهه بس وكف ما بينهه وما بينه
جم ظالم المابي رحم مثل الشمر موضوعه

اه واه ....حاول اشكد يوصل الشبكت رقيه
اه واه .... بس عليه دارت خيول الاعوجيه
والرمح صوب دليله



.....3.....

متعوب اهواي ... الرايح والجاي
صار ايضربه اعله جبينه
لا وين اندار ... يرمونه احجار
حسين الدم صار بعينه

من كثر ما صابو حجر اتغيرت حيل ارسومه
من كثر ما دمه نزف اتروت ابدمه الحومه
ياجدي لو شفت الجره ماتبقى عندك دمعه
حسينك رمية اعله الترب سلبو حتى اهدومه

ريت اتشوف..حسينك بحر الشمس ظل جسمه عاري
ريت اتشوف ... دم نحر محبوبي حد الخيمه جاري
اشما اسولفلك قليله




...4...

ياجد حسين ... طفوله العين
وبدم المنحر سابح
مرمي اعله الكاع ... والخنصر ضاع
بين البايك والذابح

راسه بكتر جسمه بكتر فوك الترب اذاني
من كثر ما بي مثلو حسَّبته واحد ثاني
يا ويلي من كثر الرفس لحمه اختلط وي عظمه
بالحافر ابن امي انسحك والحبل سبي امتاني


ما ينشاف ... من كثر ما سحكت اعليه الحو افر
ما ينشاف ...انطبك صدره اعله ظهره بيوم عاشر
المن امشي واشتكيله


....5....

بخيامي النار ... اركض واندار
كل الخوف اعله ايتامي
خفت الجمرات ... تجوي ابنيات
حسين الذبحو كدامي

خفت العبايه تحترك والغرب تنظر حالي
ماهمني بالنار احترك الستر كلش غالي
راية كفيلي عالنهر ياجدي جيب الراية
خل بيهه اطفي المحترك واجمع بقايه اعيالي

درب الشام ... باجر امشيله وحيده ابلايه اخوتي
درب الشام ... بي شماته هواي فرحانه البلوتي
عندي ما ظلت وسيله
......
تمت
كلمات موسى الخادم

محد فزع زينب الــج ... ليش
فرهد زمانج كل هلج ... ليش
ليلة الحادي مساهره ...
يازينب المظلومه
....1....
يا ذنب بله الجنيتي .... بالحبال اتكيديتي
واخوتج مو يم خيامج
لحضه الي اتيسريتي

ياكبر صبرج يزينب ... شفتي ابو اليمه تسلب
وللخيول الاعوجية .... صار اخيج جسمه ملعب

يمه وصلتي ابيا تعب ... ليل
عالكاع طحتي مو عجب ... ليل
كل هذا شفتي وصابره ...

.....2.....
حرمه بين ازلام كثره ... شابجه العشره اعله عشره
عجب ايدج ما رفعتي ... يالدعائج الله يقره

ركضتج موسهله صعبه ... عثرتج معناهه ضربه
انتي ستر الله يزينب ... وسفه صرتي ابين غربه

ما لايك اعليج الحبل ... دوم
لا لايكه اعليج الهزل .... دوم
خدر الله انتي الطاهره
....3....
يل عليج الخيمه حركو ... ومتنج ابلا رحمه طكو
هذا كله اتحمليتي... الصعبه جانت صدره سحكو

غالي جان اهوايه عندج... ابن امج خال ولدج
حسين ابو سكينه ورقية .... ابطيحته خلاج وحدج

يا حيرتج بعد الذبح ... موت
ما ردتي يطلعلج صبح ... موت
يفجع دليلج منظره
....4....
صعدت التل ماهي هينه .. بس سمعتي حسين ونه
كلشي مامر اعله بالج .. غير كلمة يا اهلنه

من شمر كرب ينحره ... صحت حضريلي يزهره
حسين راح ايروح مني... الشمر جاثي اعله صدره

عالتل وكفتج تنحسب ... عام
كل لحضه بيهه تنكتب ... عام
شيبج كطعت منحره
...5...
من خلص عاشر محرم ... البيه كل امصاب ملتم
المصرعه ابيا حاله رحتي .. شفتي طوله السابح ابدم

رمح البكلبه سحبتي .... يالعقيله لو تركتي
وسهم المثلث يزينب ... جبده طشر ما عرفتي

لملمتي جبده والظلع ... اه
رويتي شفته بالدمع .... اه
ايعينج الباري عالجره

...6...
لوعت الحادي اشكبرهه .. مو سهل يصعب امرهه
جم مصيبه وكسره شفتي.. بيها ما يصعب جبرهه

حالج الله ايعينه حالج ... امجمعه اكبالج اعيالج
وكلهه صوت اتنادي عمه ... انريد ابونه ما اجالج

جان الجواب بصفنتج ... نار
تشبه الحركت خيمتج ... نار
وسط العيون مجمره

.......

تمت

كلمات
موسى الخادم

كاعده واحسب جروحك
روحي طلعت ويه روحك
امن السهام اشلون الوحك
يابن امي ... يابن امي

...1...
من خلص عاشر الدم وجلجل الليل
اطلعت ادور اعليك ما بين المجاتيل
اوصلتك وعاينتك امطشرتك الخيل
ردت الم طولك لكيتك منمرد حيل

يا كتر منك اشيله
يوكع الثاني واجيله
لملمت لحمك بشيله
يابن امي ... يابن امي

....2...

جيت ادور اعليك يبن امي أجيتك
ليك جابتني الحوافر تيهتك
سابح بدم منحرك خوية لكيتك
ابلايه راس ابلا عمامه شاهديتك

عالترب طايح رمية
بعيد عن خيمة رقية
اشد موقف مر عليه
يابن امي ... يابن امي

...3...

جيت الم جسمك يخوية شرد الم بيك
كلشي بيك امكطعينه وحيل ماذيك
تيهت نحرك امنين امنين رجليك
حرت من ياصوب اجيك اشلون الاكيك

وين صدرك وين ظهرك
ماكو راسك ظال نحرك
عندي ما ظل راي اخبرك
يابن امي ... يابن امي

...4...

جروحك هواي وصعب ياخوية عدهه
وموش مالت وصله يبن امي تشدهه
مسلبيك اعداك والمن هذا ادهه
مفتحات اجروح كلبك بيش اسدهه

كاعد الرمح اعله كلبك
خاف اسحبنه ويعذبك
ياكتر ت رتاح اكلبك
يابن امي ... يابن امي

...5...

كلشي منك ما بقى سالم حسافه
شاهدت جسمك على طول المسافه
ساعد الله كلب جدك حين شافه
عالترب نايم ومتغيره اوصافه

حركت الخيمات سهله
الصعبه جسمك بيش اغسله
الماي كلي اشلون احصله
يابن امي ... يابن امي

...6..
يالجنت من الشموس اتفي عليه
وينه طولك ذاك رد اجواب الية
كاصر اهوايه اشوفك يبو ارقية
اشويه منك باقي جا وين البقية

ودعيتك طولك اكثر
هسه اشوفك حيل اكصر
مكطعينك يبو الاكبر
يابن امي ... يابن امي

...7...

خوية شنهو اليوجعك حاجيني فدوه
سهم جبدك لو سهم فكد الاخوه
واكفه اكبالك تراني تشوف كوه
حيلي راح اوياك يا راعي المروه

بس جسد كدامي اشوفك
منسحك والدم يطوفك
الحافر امخلع أجتوفك
يابن امي ... يابن امي
.........
تمت

كلمات
موسى الخادم

اخر بقايا الطف ... رايه وظلوع وجف
شافت أعيوني
...1...
هودت نار الفجيعه وبانت الخسائر
خيام محتركه وجفوف امكطعه ونواظر
وصدر ريحانه المحمد طحنته الحوافر
وطفل ست اشهور عمره ذبحته العساكر

ماي العذب حرموه ... ابدالة سهم روه
شافت اعيوني
...2...
زالت الغبره ونظرت اخواني عالترايب
ويمهم الأنصار طاحو صاحب ابصف صاحب
وجاسم العريس شفته امّحنه بالمصايب
طايح ابصف ابن عمه الغدرته الكتايب

اتحنه ابدمه المنحر .... عرسه عرس الاكشر
...3...
والدمع كاداني للتل يم ابوُ رقيه
عاينت من جسمه باقي مو اهوايه اشوية
شي تكطع بالاسيوف وشي بالاعوجيه
وذكرى من حسين ظلت بس جروحه اليه

ألف وتسعميه .... أجروح ابو رقيه
شافت أعيوني

...4....
واَنه امشي أعيوني راحت كبلي للشريعه
شافت العباس مدمي وجثته صريعه
ويمه يسراه ويمينه امن الزند كطيعه
والسهم طفاهه عينه الحلوه والوسيعه

والجربه مزروفه .... بالرايه ملفوفه
شافت اعيوني
...5...
اخر الشافت اعيوني أطفال تركض للبر
امحركات ابنار خيمه اجدامهم تتعثر
خايفه امن اخيول اميه العل المخيم تفتر
ردت ألمهم بالعباية بس عددهم اكبر

ايتامي شيلمهه.... لا أبو لا عمهه
شافت اعيوني


......
كلمات ✍️ موسى الخادم

ما صارت كَبل لا شافت العين
ميت ينسحكَ بالخيل يحسين

يخوية ... طشروهه اعظامك
يخوية ... اكبال عين ايتامك
....1....
ما شفت قبلك منذبح
كل جرح بي فاتح جرح
واكف على صدره رمح .... وصل .. لحد .. كلبه

حافرهم البيك انكسر
صدرك طبك فوك الظهر
والدم يسيل امن النحر ... على .. الأخت .. صعبه

كلشي البيك ما ظل مثل ما جان
اهواي اتغيرت ارسومك يعطشان

يخوية .... الحجر فاتح هامك
يخوية .... اكبال عين ايتامك

..2....
كدامي رفسو جثتك
من بعد كطعت ركبتك
شمرو علية اعمامتك ... وانه ... اركضت .. ليهه

راسك على الرمح ارتفع
وجم مره كدامي وكع
حالك كلب اختك شلع ... محد .. رحم .. بيهه

جم شامت نظرت ابهايه عيناي
شابع ضحك ويه الرايح اويه الجاي

يخوية ... وانت تخفي الامك
يخوية ... اكبال عين ايتامك

...3...
يالتارس الدنية عشكَ
منمرد حيل امن السحكَ
خاف اسحب اسهامك واشك ... جبد ... نزف ... دمه

بيش الم جسمك حايره
والخيل كلشي امطشره
اظلوعك اهواي امكسره ... صعب ... صعب ... لمه

قميصك جابته الخيل اعله الاخيام
وخفت لا تطلع وتنظرله الايتام

يخوية ... سلبو هندامك
يخوية ... اكبال عين ايتامك

4.........
يا خيمه التفيِ علي
رحت وعفتني افرك بدي
ذبحوك ضامي وانت مي ... متت .. عطش .. ويلي

مدفون كلك بالترب
من كل كتر دمك يصب
منظر صعب كلش صعب ... صور ... تهد ... حيلي


برماح وسيوف اهوايه مطعون
وعشر اخيول سحكَت ليك الامتون

يخوية .... فرهدوهه ايامك
يخوية .... اكبال عين ايتامك

....5....
بالشمس نايم يا ضوه
وخدك امن الكاع انجوه
بعدك علي ضاك الهوه ... يمن ... الك ... قهري

شابع طعن شابع رفس
ضحيت للدين النفس
قدمت للعالم درس ... يضل ... وحق ... صبري

هيهات المذله كلمة متموت
ابوجه كل ظالم وقاتل وطاغوت
يخوية ... يالحييت اسلامك
يخوية .... اكبال عين ايتامك

كلمات ✍️ موسى الخادم

حسين اه .... حسين اه .... حسين اه
.....1...
محبوبي انسلب.. محبوبي انصلب .. محبوبي بتعب ..
مات بكربله
مكطوع النحر ... مكسور الظهر ... مصيوب بحجر ...
مات بكربله

ما جنه ابن طه الرسول المؤتمن
دارو عليه ديرت مخانيث الزمن
بالاعوجية صدره رضو وانطحن
عين الفواطم عالجراله دم بجن

على الغبره .... وكع متخضب ابدمه
على الغبره .... وعليه كل العده محزمه
على الغبره .... يصيح بصوته يايمه

حسين اه .... حسين اه .... حسين اه
....2....
اول منذبح ... ما هم بالذبح .... وابراس الرمح
راسه المنكطع
دمه اعله الترب ...من نحره يصب.. وابأيد الغرب
راسه المنكطع

جارت على ابن امي نواصب كربله
من عنده ما خلولي كلشي الاحمله
راسه بكتر جسمه بكتر ظل بالفله
من الله لا ينطي الشمر لا حرمله

خذو مني ... حبيبي الاغله من روحي
خذو مني ... دواي اليشفي اجروحي
خذو مني ... ضحكتي وما خذو نوحي

حسين اه .... حسين اه .... حسين اه
......
....3....

عالتل حايره ... اعيوني تناظره ... حزو منحره ...
رد اجواب الي
من طولي طحت... يبن امي صحت ... عايش لو متت
رد اجواب الي

انجانك عدل ارفعلي أيدك يا ترف
خليني اصبَّر روحي واعيوني الترف
بس جاي اشوفن ماخذك حيل النزف
ماظل نفس بيك الاجيه خويه زحف

صحت خوية .... شنهو اليوجعك كَلي
صحت خوية .... اموت اوياك احسلي
صحت خوية .... وراك الحيل ما ظلي

حسين اه .... حسين اه .... حسين اه
....4....
باكو ضحكته .... ساعت ذبحته ... روحي اتلكته
مدمعهه اليصب
جم صوره ألي ... وحدي ابلا هلي ... واعيوني اتهلي .... مدمعهه اليصب

شفت اشكر لوعات انه ابهذا العمر
بس ما علي مرت مثل ذاكه الظهر
روس وجفوف امكطعه شفت اشكثر
وخيل وخيام امحرَّكه ونار وجمر

شفت كلشي .... ما شافت كبل عيني
شفت كلشي .... خفت من عنده بسنيني
شفت كلشي .... بالعاشر ايأذيني

حسين اه .... حسين اه .... حسين اه
.......
✍️ كلمات : موسى الخادم

اهوازيه
أجيتك شابجه العشره ... اصيح بصوت اه يبني
ليش امطشر اعله الكاع ... جسمك يا بعد ذني
....1..
ياهو المثلك اعله الكَاع ... عافو جثته مرميه
واجروحه تسيل اجروح ... فوكَ الف وتسعمية
وراسه اعله الرمح شالو ... واخذو اخته مسبيه
وبنته الدللاهه اهواي ... سلبو منهه ترجيه

اجيتك اعثر ابممشاي .... انه وعلتي اوني
.....2...
ياهو المثلك امن الناس ..خلو عالترب جسمه
والخيل اسحكَت فوكَاه... وكسرو ظلعه مثل امه
ولحمه اطشر اعله الكَاع ... ما واحد اجه ولمه
والحافر أخذ وياه ... ثوبه امخضب بدمه

اجيتك لايبه ابلا روح ... ميته الساعه ها جني
....3..

يا هو المثلك امن الكَوم ..... مات وسلبو اثيابه
وابحر الشمس عافو . ... مرمي بذيج الاترابه
اه يحسين اه يحسين .... اه يحسين ومصابه
طحت ابين ناس اشرار .... متخاف الله سلابه

اجيتك يُمه افيلِك .... من شمس الظهر يبني
....4..

يا هو المثلك ابعاشور .... حزو من كفه نحره
واعياله تنوح اعليه .... ينظر ليهه واتنظره
واخته اتعاينه امن ابعيد... واعليه شابجه العشره
يبن امي تصيح ابصوت ... روحي اعليك منكسره

اجيتك بالدمع انعاك .... يالبيك اكطعو ضني


..5....
ياهو المثلك ابلا روح .... واعيونه اعله خيماته
خايف تحترك بالنار .... ابنيَّاته اويه خيَّاته
مثل يومك فلا صح يوم ... عطش خلصهه ساعته
وياهو بذبحته يحسين ... دمه امحني شيباته

اجيتك فاكده انه الحيل ... يا اغله وأعز مني
..........
✍️ كلمات موسى الخادم

ياطير خبر النبي٠٠ عما جرى في كربلا
ـــــــــــــــــــــــــــــــــــــــــــــــــ
روح ياطير الرســول الله بخبر
وگله ذريتك عطاشه بصف نهر
والضمه جرحه بگلب زينب كُبر
والعطش دخان صار اعله النظر

وشجم طفل حلگه یبس٠٠ ووجهه قد ذبلا
ـــــــــــــــــــــــــــــــــــــــــــــــــ
روح ياطير ابصبح يوم اهدعش
گله ابو السجاد مات من العطش
وظل على التربان مــــاصحله نعش
وحــافر الخيل بصدر ابنك نهش

من بعدما شمر الخنا٠٠ كان على الصدر اعتلا
ـــــــــــــــــــــــــــــــــــــــــــــــــ
روح يـــــاطير واخبره بالجـره
وگله گطعـــو ايد امير الگنطره
وجثته مدميه بقت فـوگ الثره
من كثر ضـرب السيوف موذره

لا جربه ظلت لاعذب٠٠ كلٌ غدا مرملا
ـــــــــــــــــــــــــــــــــــــــــــــــــ
روح ياطير واخبره اعله الشباب
الاكبر وجــاسم ضحايه عالتراب
عظم المعبود اجـــــرك بالمصاب
وبالعـذاب المـا جره مثله عذاب

واعليهم حسين انكسر٠٠ ودمعهُ قد اسبلا
ـــــــــــــــــــــــــــــــــــــــــــــــــ
روح ياطير واخــــــبره عالطفل
وگله عبدالله چـــــواه حر النبل
ومن عذابه گـــام بگماطه يحل
الصــــــار يالهادي ابد ماينحمل

شيصبر الأب عالابن٠٠ وابنهُ قد قتلا
ـــــــــــــــــــــــــــــــــــــــــــــــــ
روح ياطير واخبره اعله الخيام
وگله حرگوهن تره اولاد الحرام
والفــــواطم بالصحاري من تنام
انتقمو امن اعيالك اليوم انتقام

نفس الحرگ دارك حرگ ٠٠خیامهم واشعلا
ـــــــــــــــــــــــــــــــــــــــــــــــــ
روح ياطير واخـــــــــبره للنبي
گله ظعنك رايـــح الدرب السبي
والحده بظعن الفـــواطم اجنبي
وهـــاشمي ماظل ولاظل طالبي

زينب غريبه بلا وطن٠٠ ومن بلاءٍ لبلا
ـــــــــــــــــــــــــــــــــــــــــــــــــ

حيدر بشار الدراجي

نزل وحي السماء ... ألى طف كربلاء
يلم جسم الحسين

...1...
نزل جبرائيل ينعى بعَـبرة الـــزهره
على حسين المنذبح من الكَفه نحره
كَعد عد راسه بدموعه الفاتحه يقره
منظر يبجي الصخر ما ينوصف ذكره

كَعد يمه ينوح ....يضمدله الجروح
وحيد ابلا معين
....2....
فرش جنحينه حزن بالطف على حسينه
وابتده بــدم منحره ايخــضب جناحينه
هم يلم حسين بس شيلمه ابو اسكينه
كلشي بي متكًطع وخنصره امضيعينه

الف سيف انطعن .... اليتيماته انسبن
كعد يمه بونين
.....3.....
صاح بدموع الرزيه ربي ساعدني
منظر حسين ومصابه حيل ألــمني
حافر الخيل اعله صدره احس خانكَني
ارحمني يا ربي وبداله الساعه موتني

بلا بن فاطمه .... حياتي مظلمه
بجه بدم الأمين
....4....
نزلت الأملاك كلها بساحت المصرع
هذا البدم نحره سابح ذاك بالمدمع
كلها تبجي اعله الحسين وجسمه المكَطع
جنه يوم الحشر صار وكلشي اتجمع

على الرمح اعتله .... نحر راعي الهله
يشع نور الجبين
.....5.....
هذا كل الصار جانت فاطمه ابكَربه
كل حجر صاب الحسين الزهرة متصوبه
امن اول الطف الأخيره اتشاكَف الضربه
وسهم المثلث كَلبها صوب وكَلبه

جروحه والضمه .... نفسها بفاطمه
على مر السنين
......
تمت
......
موسى الخادم

يل كلشي منك داسته الخيل
ما بــيك جيه وكــرب الليل
عطشانه خويه الشوفتك مو للماي

...1...
تسألني اليتامه اعليك وانه اعليك هم اسأل
جيتك انتظرهه بروح لاخر ليل واتوسل
أذا ما بيك جيه انخاك تنطيني يخوية الحل
لا خيمه البقتلي ولا كفيل ايعدل المحمل

بالهيمه وحدي امكابله النوح
الجيتك اتاني بطلعت الروح
وين انطي وجهي ابغيبتك يا رجواي

...2...
خويه اعليه هذا الليل جلجل وانه منتظره
كل ساعه واكول ايعود سالم وارث العتره
أصبر روحي اكول المات مو انت ونزف نحره
اونه بعيني شف الخيل تسحكَ ضلع للزهره

عالتل نضرتك باخر انفاس
بالاعوجية صدرك انداس
ملعب صرت للرايح انته و للجاي
....3....
مابية اقتنع ذبحوك يا سلوة علي الوالي
حال الضيم خويه حسين بعدك ما يسر حالي
وين انطي الوجه بالليل والشماته تبرالي
أخ شكد الك مشتاكَ كَلبي ومنشغل بالي

ما تنحمل ساعات الافراكَ
باكَت حياتي والصدر ضاك
ماضل فكر لا شوف عندي ولا راي
....4....
اول ليلة عني ابعيد كلي اشلون اكضيها
وانه الامس جنت وياك من اول التاليها
هسه الوحدي ظليت روحي اشلون اواسيها
ريت الموت اخذني اوياك كلشي الدنيه ما بيها

بعدك اعيش ابدنيتي اشلون
يالمني ماخذ شوف العيون
المثلك تفارك كون متعيش اهواي
...5...
يا جرح الأشد اعليك رد اجواب يبن امي
جرح الرمح لو الاسهام لو حافرهم المدمي
بحرك الخيمه اعاين ليك وانت بعيد مو يمي
من حشمتك اتوجيت برماح وشلت همي

مهدود حيلك من الاسهام
واتريد تطفي ناري الخيام
كمت وطحت جم مرة شافت عيناي

....6....
باجر لو طلعت اشلون من يمك امكَيديني
وانته اعله الوجه مكَلوب يبن امي ونظر عيني
ما بين الغرب يحسين أمشي اشلون حاجيني
ريته الصبح لا يطلع عليه وشمر يسبيني

درب السبايه اعليه ميلوكَ
والأشد منه صعدت النوك
صار الزمن بعدك عكس يمشي وياي

......
تمت
......
موسى الخادم

اخوي حسين حيره اشلون المه
الحوافــر كلشي مـــا خلتلي منه
اه يبن امي ...اه يبن امي

...1...

من كـد ما عليه سحكت حوافــرهم
لحـــم حســين وصّل للصـــواوين
وحيد ابلايـه ناصر بين عسكرهم
راسه بصوب اخيي وجسمه صوبين

قميصه ... تخضب من دمه المنحر
قميصه ... توزع بين اهل الـــشر
اه ...اه ... يبن امي

.....2.....
عشر خيول داست صدرة يا ويلي
ملعب صار صدرة الخيل الارجاس
راح الحيل منه وراح كـــل حيلي
ما ظـــل بي كتر سالم يهل الناس

توزع ... جسم محبوبي عالغبره
توزع ... شلمن صدرة لو ظهره
اه ... اه ... يبن امي
...3...
كسر اظلوع ابو اليمه اسمعت بذني
رغم بعــد المسافه جانت اهواي
والمن هــذا اشد أوحيل هاضمني
عطشان انذبح مــا شــارب الماي

نظرته ... تصد عينه على ايتامه
نظرته ... بلا صايه ولا اعمامه
...4...
من حـــل الظلام وطشت الــــوادم
طلعــت اتعـــثر ابدمعات العـــيون
وصلته وعاينيته اعله الترب نايم
من كل صوب نازف حتى المتون

جروحه .... الف جرح وتسعميه
جروحه .... سهام اهواي مرميه
اه يبن امي ... اه يبن امي
...5...
تحيرت ابزماني من شفت حاله
متكطع وصل جسمه على الكاع
راح الحيل مني ابوكفتي اكباله
صرت بدموعي ادور خنصر الضاع

لكيته .... بعيد اهواي عالعالم
لكيته ... لجن متسلّب الخاتم
.......
تمت
......
موسى الخادم

يا مظلوم يا خويه

......1.....


داسته الخيل ... داسته الخيل
ابن امي الاحبه ... داسته الخيل

وهوست حيل .... وهوست حيل
على صدره الحوافر .... هوست حيل

والدمه ايسيل .... والدمه ايسيل
من كل صوب شفته ... والدمه ايسيل

فاكَد الحيل ... فاكَد الحيل
على التربان طايح ... فاكد الحيل
يا مظلوم يا خويه

.....2.....
مات عطشان ... مات عطشان
الفرات ابصف اخوي ... ومات عطشان

على التربان ... على التربان
يتلوه انه شفته .... على التربان

كان ما كان .... كان ما كان
الي خوان كثره ... كان ماكان

والدهر خان ... والدهر خان
بيه الناس شمتت ... والدهر خان

يا مظلوم يا خوية


....2....
تشهد العين ... تشهد العين
تمنيت المنيه ... تشهد العين

ذبحت حسين ... ذبحت حسين
خذت كل حيلي مني ... ذبحت حسين

اتجه وين .... اتجه وين
حرت حيره بزماني ... اتجه وين

صوت الونين ... صوت الونين
ما فاركني لحضه ... صوت اللونين

يا مظلوم يا خوية

....4....
شبو النار ... شبو النار ...
على روس الحراير .... شبو النار

بحركت الدار .... بحركت الدار
ذكرني الحركني ... بحركت الدار

صوت الصغار .... صوت الصغار
يا عمه احتركنه .... صوت الصغار

كل الانظار ... كل الانظار
منتظرة وكعتي .... كل الانظار

يا مظلوم يا خوية


....5....
سفرت الموت ... سفرت الموت
بدت وياي بالطف ... سفرت الموت

عمري تابوت ... عمري تابوت
صبح بعد الحبايب ... عمري تابوت

نبرت الصوت ... نبرت الصوت
مبحوحه اعله خوتي ... نبرت الصوت

وني بسكوت .... وني بسكوت
خوفي امن الشماته ... وني بسكوت

يا مظلوم يا خوية
......
تمت
......
موسى الخادم

رجع لـــيَّه المهر خـــالي بلياك
طلعت اتعثر ابطولي اعله ملكاك
خوية يحسين
....1....
خابت خويه آمالي ... من ردلي المهر خالي
تيهت الطريق امنين .... كلشي ما بقى ابالي

كتله حسين جا وينه ... نزل بالارض عينه
عرفتك طايح ابشده ... يا بو ارقيه وسكينه

تاه الفكر مني وكلبي ناداك
طلعت اتعثر بطولي اعله ملكَاك

.....2.....
طلعت امن الخيم اركض.. وصور ذبحك الي تعرض
بعالي الصوت يا خوية... احروف اسمك صرت اللفظ

ميمونك تلكيته ... حسينك وين حاجيته
دليني على ابن امي .... طايح وين خليته

حاجاني بدمعته كلي انعاك
طلعت اتعثر ابطولي اعله ملكاك
....3....
المسافه طالت اعليه ... من جـاب الخبر ليه
راح الحيل من عندي ... اريد اوصلك ما بيه

ابكد اجروح البصدرك ... عثراتي ونزف نحرك
اه يا سلوت اعيوني... نفذ صبري وحك صبرك

ما حسبت اعوفك ابقى وياك
طلعت اتعثر ابطولي اعله ملكاك
.... 4 ....
عالتل اوكفت انحب .... شفتك طايح امسلب
وصدرك شفته يبن امي ... صار الخيلهم ملعب

كوم احجار رامينك .... بسيف الغدر والينك
حالك ما يسر ناظر .... خوية اهواي ما ذينك

عساه بالموت كلمن خوية اذاك
طلعت اتعثر ابطولي اعله ملكاك
.... 5 ....
حاولت اقترب منك .... بعدوني غصب عنك
من ابعيد وانظرلك .... عشر اخيول سحكنك

ذيج اخدودك الترفه .... الحافر داسها بحرفه
منظر حالك ايحير .... يا وسفه والف وسفه

ذبحوك وعلية ادير عيناك
طلعت اتعثر ابطولي اعله ملكاك
......
تمت
......
موسى الخادم

اخوي حسين بالطف دوريته
مطشرته الحوافر مالكيته
آه يبن امي صحت وناشديته
خوية حسين وينك رد عليه

....1....
من هودت نار الفجيعه وزالت الغبره
أطلعت ادور اعله ابو اليمه السحكَته العشره
كلبت انه ابكل الجثث والروس المطشره
بس ما لكيت حسين اخيي المنكَطع نحره

صرت اسأل عليه دمعت الناظر
ما شايف اخو امطشره الحافر
ومنة منكطع اصبعه العاشر
صرت وي دمعي اسولف هاي هيه


...2...
جم ساعه مرت وانه ادوره بيا كتر واكع
بس كل اثر ماكو لخوي وخنصره الضايع
الليل سنطه والبجي ما يخفى عالسامع
صرت انه ادور اعليه سكته البلعطش شابع

خاف الصوت يعله أويكشفوني
صرت بسكوت ادورنه ابعيوني
وكل خوفي اعله ضعني مو امتوني
بس انه البقيت الهم خطيه
.....3...
فص ملح ذاب ابن امي ويلي بحالي ما داري
وساعه البقت عندي وعليه يطلع انهاري
حرت انه بين ارجع وأعوفن كاتم اسراري
بس كلت ارد اشلون واترك منحره الجاري

اجبيره الغاضرية وتعبتني
ضيعتلي اخوي وضيعتني
الراسه المنكطع ما وصلتني ....
اتوسلت اشكثر بالغاضرية
4.............
من ايست من شوفت الماخذ فرح روحي
كلت انه الملم حالي وارجع شايله اجروحي
مكتوب انه اعليه انحرم من شوف مذبوحي
وارجع خلية اَنه الادين بحزني و بنوحي

ما جانت ابد هاي اعله بالي
ما اندل مجان الاخو الغالي
مكسورة كَلب لملمت حالي
امشي وأعثر ومحد أليه
5............
وانه امشي مشغوله فكر عرضتلي كدامي
جثه سليبه امتربه ومنهه النحر دامي
يمهه انه صرت امحيرَّه وخانتني اجدامي
بيهه اعرفت جثة أخوي المنذبح ضامي

وخرت التراب الفوكَ جسمه
وصرت من منحَّره المكَطوع اشمه
غطيته ابعباتي وفاض دمه ....
من اجروحه الألف والتسعميه

6............
يمه اكعدت انه وكلتله شنهو اليألمك
لا تخفي عني كل خبر ياجرح الي ايلجمك
شمسويه بيك اخيول اميه السابحه ابدمك
من كثر ما داست على امتونك نقص جسمك

اعاين على جسمه الباقي منه
كلت بلكت نفس بي واسمعنه
وعتبت اعله الخيول الساحكَنه
تمنيت انه ساعتهه المنية
.......
✍️ كلمات موسى الخادم

زينب شافته   بس ما عرفته
راسه اعله الرمح    ماكو بجثته
يا غريب اعله التراب
$$$$$$$$
لمن وصلت لجثتك  شمسوي بيهه الحافر
ماكو ضلع سالم ابد  جم ظلع منك كاسر
ما مختنك نفسي بهوه  يخنكني يوم العاشر
مو خير باجر اعرفه    ما ريدن اصلا باجر
سالم يا ضلع      من هذا الوضع
     خيل اعله الصدر    كسرك ينسمع
يا غريب اعله التراب
$$$$$$$$
حذوة فرس فوك الصدر   مطبوعه كلها بصدرك
ينتظر اختك بس سبي   وانته الذبح ينتظرك
خلص عمر زينب دمع  بيش انته يخلص عمرك
طاح الكلب بجفوف ادي  من شفته راجع مهرك
بيك شجم جرح    يا وجه الصبح
انظر بالطشت   راسك منذبح
يا غريب اعله التراب
$$$$$$$$
   حصه الشمس منك خذت  شمسويه بيك احجيلي
ما بيك حيل اعرف بعد  كوم واخذ كل حيلي
آخر لقاء وي الاخو     طول بعد يا ليلي
سالم ترد ادعي الك   وانته بدمع تدعيلي
  
   منه شيلزم   خافن يلجم
كل هاي الجروح   شمسويه الزلم
يا غريب اعله التراب
    $$$$$$$$
ذبلانه من كثرالعطش   شفتك الماي تريده
من عيني اشرب يالخو  عوف الشريعه بعيده
يمك اجي ساعه وارد   ساعه انه يم اعضيده
شفت الشمر فوك الصدر   كاطعله حتى اوريده
    ريته بلا هوه    وبيا مستوه        
  خده اعله الارض   برمال انجوه
يا غريب اعله التراب
$$$$$$
حاجيت نحره المنكطع   بس بهمس حاجيته
حتى الثياب مسلبه   وعمامته وخاجيته
ماكو هوه اليتنفسه  داخل سهم نص ريته
ما ظل دمع وسط النظر   كل الدمع باجيته
سالم يا كتر    ما خله الشمر
اختك حافيه  تمشي اعله الجمر
يا غريب اعله التراب
$$$$$$
علي جبار الكعبي
الفاتحه لوالدي