يحسين .. جيتك هايه آنــي
يحسين .. خويه اتلگاني
جيت أبگلب محتار
لامن حِمه اولا دار
———-
چان كل ليل اليمرني انته التّسَيّر عليه
شلونچ تگلي واگلك بخير مادام انته بيه
وهسه ليل وانه أجيتك بس يخويه شلون جيه

عاينتك وحيلي انهدم
من كل كتر تتجاره دم
وآنه إبكثر ثگل الألم
ريت وافتني المنيه

يحسين .. ياهيبة عمري
يحسين .. شطيب كسري
يالوكتي بعدك جار
لامن حِمه ولا دار
———-
جيتك وهمي إعله طولي ردت أسولفلك إشصاير
أبياوكت هيچ آنه حالي أبلوعتي واكسر الخاطر
وإسكتت من عاينتلك بيك شمسويه الحوافر

ماينوصف بيه الهظم
ماادري شحچيلك وأظم
يالما صحه بجسمك عظم
يبچي إلمن گلبي حاير

يحسين .. ها يالحامينه
يحسين .. چا راسك وينه
مستعره بيه النار
لامن حِمه أولا دار
————
جيتك أبكبري حسرتي بيدي جسمك گلبيته
الياجرح محتاره أعاين وينزف إشما ضمديته
خويه دمعي الچان غالي كله يم نحرك بچيته

مطعون مسلوب الجسد
صدرك على المگفه إنمرد
وجروح ماإلهن عدد
والله گلبي شَيبيته

يحسين .. من دهري وحزنه
يحسين .. للموت أتمنه
بعدك زماني إندار
لامِن حِمه أولا دار
————
آه وأشچم آه بيه أو ونتّي مامنها ونه
ياحبيب الله ونبيه آه ياسيد الجنه
گمت ردت أرجع الظعنك بس ترجعني المحنّه

مابيه أعوفك يالولي
چا آنه من بعدك شِلي
ضليت أصيحن ياعلي
محنتي يابويه محنه

يحسين .. دوهني إمصابك
يحسين .. شيحمله إغيابك
دمعي إبدمه مدرار
لامِن حِمه أولا دار
———-
رايحه اولو بيدي أترك گلبي ينعاك أبنحيبه
رايحه ويامن عسنها موتتي تصبح قريبه
خويه عگبك بنتظاري من زماني چم مصيبه

وهاي آنه لو صار الصبح
راح التقي بشم جرح
انته وكفيلي اعله الرمح
ومو حبيبه أصبِح غريبه

يحسين .. باچر حادينه
يحسين .. غُربه أيمشينه
إيمشينه ليل إنهار
لامِن حِمه أولا دار
———-
سيد مرتضى الموسوي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

يمه حسين واويلاه
يمه حسين واويلاه
ــــــــــــــــــــــــــــــ
اجيت الكربله يحسبن .. اجيتك وأنه محـــنيه
اجيت ايدي على اضلوعي .. يمه وحيل مابيه
اعوفك بالصحاري شلون .. وانت الروح والريه
كون اهنا اضل بالطف.. وابنيلي حسينيه

يمه حسين واويلاه
يمه حسين واويلاه
ــــــــــــــــــــــــــــــ
ييمه امن الگفه مذبوح .. ونحرك ظل يفيض ادماه
اجيت أنه بظلام اليل .. اصبعك يمه ويـن الــــگـاه
بقيت امحيره يحسين .. ويـسندني الحــــزن والآه
اظل اوي الجسد يحسين.. راسك من يروح اويـاه

يمه حسين واويلاه
يمه حسين واويلاه
ــــــــــــــــــــــــــــــ
ليش اعلى الوجه مگلوب .. ومطبور اثنعش طبره
نايم عالرمل يحسين .. وتـچـــوي اضلوعك الغبره
وسفه الماي شح اعليك .. وماحــــصلت ولا گطره
يايمه وجر اعليك .. الف شـوغـه والـــف حــــسره

يمه حسين واويلاه
يمه حسين واويلاه
ــــــــــــــــــــــــــــــ
ماضل كتر سالم بيك .. چـنـك مـــاي متـــبدي
بيك الف وتسعميه جـــــــروح تسيل وتنـــدي
مصابك هيج احزاني .. وذكرني ابسطر خـــدي
شلون اتحملت يحسين .. يمن يومك مرد چبدي

يمه حسين واويلاه
يمه حسين واويلاه
ــــــــــــــــــــــــــــــ
خلني اوياك اظل يحسين .. شلون آنه ابتعد عنك
واتوسد ابكترك ريت .. ومــــن نـحــرك اشمـــــنك
اخلي ايدي حدر جسمك .. على امصابك اعيننك
لا اگـدر اظـل يـمــــــك.. ولا اگـــــــدر اعوفــــــنك

يمه حسين واويلاه
يمه حسين واويلاه
ــــــــــــــــــــــــــــــ
حيدر بشار الدراجي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

يخيل اشمالجن عوفنه الحسين
.................
مايحمل اخيي سحگت الحافر
المثلث بصدره من الضهر عابر
هاي انه العقيله الاكسر الخاطر

اه ياغربته اونه ابنياته يسمعنه
اذا راح الاخو انطي الوجه وين
......................
ماظل عين والي وياهو افزعنه
نگض حيله وبعد ما ينسمع ونه
خلنه عزيز الزهره خلنه

اخر مره اشوفنه بظيمي ارد اخبرنه
اكله اعداك حرگوهه الصواوين
......................
ارحمني يخيل و بعدن اشويه
تعبني الركاض وحيل مابيه
هضيمه الجيش كله ينظر عليه

اخت عباس ياوسفه وادري طلعتي كلفه
وتيهت الدرب ما اندل امنين
٠٠٠٠ ٠٠ ٠٠٠٠
مامرتاح اخيي وتنزف اجروحه
عينه عله الخيم وعليه مشبوحه
مذبوحه يريت اوياه مذبوحه

ياغربه الأعيشنها
الهيمه من اطرانها

بعباتي مجلبه كل النساوين
.....................
هذا بن لوصي والمصطفئ جده
توه خلص الذباح من عنده
راسه عله الرمح مامنرفع بعده

وركضيتن تسحگنه واصيحن لاتلجمنه
وي حسين شلجن ثار لو دين
...........................
انگطع راسه يويلي وگطعو الخنصر
انه ام الصبر بس ما گدرت اصبر
اشوف بصدر اخوي الحافر يكسر

هذا مدلل الزهره الحافر نايم بصدره
الخيل ويالزلم ملتمه صوبين
....................
خادم اهل البيت ع \\\\\\\فلاح طالب الماجدي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

يابو فاضل بعد مانتلاكه .
. ركبوني مجتفه عله الناكه
والدرب خويه بعيد ..
ويد مشدوده بيد
..........................
يامصايب بالدرب ما تنحمل
من رقيه ال ايدي مشدود الحبل
تخيروهه للسبي عرجه الهزل
خاف اطيح وطيحتي مو شي سهل

أنتخي وبسمك اشدن حيلي ...
وعينك بطول الدرب تحجيلي
شلون دالالي يهيد ..
ويد مشدوده بيد
..........................
عمري مو خمسين بالميه صبح
من شفت حسين راسه عالرمح
اكبال عيني هالنحر شفته انذبح
من بجيت العسكر بكبره فرح

الدمعه فوك اخدودي من بدوهه .
.. اطبولهم من الفرح دكوهه
وصار بالحومه الويد ..
ويد مشدوده بيد
....................
ركبوني وهاي صعبه عله الاخت
من يكض جفي يبو فاضل حرت
من طلعت من المدينه اتذكرت
عله الناكه برايتك حارس جنت

هودجي وذيج المهابه وينهه
.. هسه وادم ما تنزل عينهه
ابجي وعدهم عيد ...
ويد مشدوده بيد
.................
سارت اظعون الهواشم باليتم
يمي راسك عالرمح وانه انشتم
والسياط عله المتن تركت رسم
والله دنيه واكفه بين الزلم

جنت من امشي تضم اخيالي ...
هسه شامت لو شمر يبرالي
وكله تهضمني اتريد ..
ويد مشدود بيد
...............
سره الحادي لاجن بشلع الكًلب
عالشريعه من مشه خله الدرب
من صحتلك كثر عليه الضرب
عذر خويه ماشيه وي الغرب

الغربه ماترحم تره العلويه .
.. كومي كعدي يالله يل مسبيه
وبعد ياحسره تفيد .
.. ويد مشدوده بيد
.........................

خادم اهل البيت ع
فلاح طالب الماجدي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

#قصائد_زينب_والسبي

ضيم درب الشام والسبي ما بيه حـــيله
ضيم درب الشام ياهو يخواني اشتكيله
ـــــــــــــــــ
من حده حادي الضعن
روحي يخـــواني تحن
ما ترك روحي الــحزن
ما مصيبه احجيها
عله الناكه شكد صعب
اشطوله يا هذا الدرب
امشي واعيوني تصب
دمع ماضــــل بيها
حدي ضعني ابلا أهل
زحمه اصــعد عالهزل
والاهـل خلـصو چتل
ضيم روحي البيها
حدي حادي الـنوگ سفرتـــي كلش طويله
حدي حادي النوگ ياهو يخواني اشتكيله
ــــــــــــــــــــــــ
حيرتـــي ما تنـوصــف
حيرة الجرحــــه كلــف
علٕـــــــــي بويه للنجف
ياهــــــو اليوديني
بويــه عدواني اشـكثر
بالضعن حــادي الشـمر
وأنه وبــــــــهذا الـعمر
شد حبل جفيني
لا خــــــــــيام ولا زلم
طــــــــاح شيال العلم
بــــــويه دخان الخيم
علي تارس عيني
مره وبالخمسين ركضتي بالطــف ثگيله
مره وبالخمسين ياهو يخواني اشتكيله
ــــــــــــــــــ
حيره المــن يا طـفل
وأنه مجـتوفه بحبل
يا دمـــــع يهلي أهل
من بـــعد عيناكم
نضرت الشامت سهم
ريت مـــو واقع حلم
بس حرگ يهلي أشم
عذباني اجــفاكم
يهل زيــــنب باليسر
مره كل ساعه انهطر
سوطهم خــــــله اثر
وين يا ملــــگاكم
وين اروحن ويــــن روحي يخواني عليله
وين اروحن ويـــن ياهو يخواني اشتكيله
ـــــــــــــــــــــ
هلي يا عز وفــــــخر
بقت زينـــــــب للقهر
تعرض بعيـــني صور
خــــيـل والخياله
راح صـــيواني هلي
حرمه انه وياهو الي
بويه اصيحن ياعلي
حالتــــــي ياحاله
ايتام عنــدي بكربله
حـيرتي بهل معضله
شمر حــادي القافله
دمعي ضل اوشاله
عطش نار وخيل يا دمــــــع الكم اسيله
عطش نار وخيل ياهو يخواني اشتكيله
ــــــــــــــــــــــــــــ
الصعبه حداي اجنبـي
والتراب اعــله العبـي
من التعب نحبي حبي
حشــــمت ولياني
زينـــب ابوليــة عــدو
ما بقــــه الهـا اخـــــو
ياهو يحضرها ومــنو
باليتامـــه اتعاني
ياهو يســمع شكـوتي
حيــــل تكلف محنتي
من بــعد فيي اخوتي
امشي وي عدواني
صعبه أطـــــــر السوگ ناگتي كلــش هزيله
صعبه أطــر السوگ ياهو يخواني اشتكيله
ــــــــــــــــ
الخادم المقصر ناجي ابو كيان الصالحي
ونسألكم الدعاء لي ولوالدي 2025

#قصائد_لسان_حال_ايتام_الحسين_عليه_السلام
#طور_يخيمات
،،،،،،،،،،،،،،،،،،،،،،/////////،،،،،،،،،،،،،،،،،،،،

معانات. بعدك يالابو عشنه معانات
نمشي عالجمر نكطــــع مســــافات
وحده اتـــٌلوذ بالوحـــــده اليتيمات

———————————///////////—————-

بين الصحاري. ابلا حمه. نمشي ودمع سبايه
وسفه. بنات. ال النــبي. يمــــشن بلا حمايه
فوك الجمر. داس الجدم. لا كافـــــــُـل ولرايه
ضلينه بس حيره. وعتـــب. ومشمسه العبايه
عالاتراب. عفنه الاهل يا ويلّي. عالاتراب
احنـــــه ازغــــــار يســـــبونه بلا أسباب
بس رغـٰـــــــــم الجره ما طاح الاحجاب

———————————////////////—————-

بين الدمع. بين الالم نشـــكي قصص المنه
نكتم بجينه. من العدو. لمن سمـــع شتمنه
منهم ولا. واحد حضر. كلهم مشــــٰــو زلمنه
والغالي نايم. عالترب. من شـوفته انحرمنه
الحسين. نام وعاف ايتامه الحسين
ضلت بالدمـــــع تتســـٰــله هالعين
راحـٰـٰـــٰـٰــــو بالغدر كـــــل الميامين

————————————///////////————-

جرح الليالي. والحــــٰــزن. ما فارك العقيله
عمتنه زينب. ياوضــــُٰـع. بس الدمع تسيله
ضلت وحيده. ابكربله. هيه البـــقت كفيله
عمنه الكمر. يم النــــهر. واكـــع منو يشيله
الاجفوف. طاحن عالنهر منه الاجفوف
ياهو اليحــــــضره ولحـــــــاله ايشوف
ويلّــــــــــــــي ما بقه واحد بالاطفوف

————————————////////////————-

وحشه الدرب. ما ينحمل. واحنه نون يتامه
بينه الزمن. قاسي اشكثر. خله الدمع علامه
يعثر جدمنه. من التعب. ماكو بعد سلامه
اهل الحميه. سافرو. ماضلو..... النشامه
يعودون. ماضنهم بعد لينه يعودون
ضلو عالترب غموضها .....العيون
اشكد نادينه بس ماضن يسمعون

————————————/////////////————

ضلينه بس. طرك الدمع. واحنه حرم بقينه
ويه الغرب. نمشي صعب. ومجتفين ادينه
تضربنه ناس. ابلا رحم. .تنشدنه عن ولينه
من نامو. اهل المرحمه. ضَل العدو يحدينه
من الاخيام. ماضل اي اثر باقي من الاخيام
راحـــــــــــــت كل زلمــــــٰــنه ذيج الاعلام
واحــــــــــــنه بالســـــــــبي ولديرة الشام
————————————/////////////————-

الخادم المقصر ناجي ابو كيان الصالحي
ونسألكم الدعاء لي ولوالدي

نعي مفجع مركب من قافيتين



اخبرنك يخويه صار الغروب
                     وظلام الليل گربلي ابوحشته

يعباس الحنين يفت الگلوب
                      والمثلك اخو تصعب فرگته

بقيت ابدمعتي وصيواني مسلوب
                        مامر بخيالي ولا حسبته

جريبه الجثتك وگبالي مگلوب
                 وشحال الاخوهه اتشوف جثته

اعاين بالزلم مسدوده الدروب
                     وليل اجفاك يالكافل سهرته

اگولن قسمتي وعليه مكتوب
                     وكابر بالجرح ودموعي سكته

أسَكّت بالحرم وحدتهن اتلوب
                    واگلهن كافلي ايوفي ابكلمته

ويهيجني الحنين وارجع النوب
                     واتاني الماي چفك ولجربته

ادريهه اليواعد يبقى مطلوب
                     وايظل الدين مشكول ابرگبته

عاذرتك رضيت ابدمعي مسچوب
                    وانسى اجروح اختك والسمعته

الچفوفه تنگط مثل الحبوب
                     واليضحي ابحياته يبري ذمته

*-----------------*---------------*
✍الشاعر رعد الجريخي

نعي
على لسان السيده زينب// ع//


غـابـت شمسنه وصـار الـغـروب
وحسين فوگ الـتـرب مـگـلـوب
ما ادري اروحن ومشي ياصوب
ولـلـخـيـل عـيّــه بـكـل الـدروب

ضـلـيـت انـاطـر والـدمـع سال
وبلحظه أفگدت سبعين خيال
زحمه وچبيره شـلـون تـنـگـال
أنـه الـعـقـيـلـه أبـيـن الارجـال

عـاتـبـت الذي يـسـوّن العتاب
يـوم الـعـلـيـه نـظـرت اجـناب
صـار الـحـزن والـنـوح جلباب
بليله وضحاهه والخـدر غـاب

عيـونـي للگمر ضـلـن مشبحـات
ما احمل حچي وجروح شـمـات
التـمَـن عـلــي ويــن الثـكـيــلات
هـيـهـات الـخـدر ينـعــاد هيهات

                *-------------------*----------------*

✍ خادم الحسين 
الشاعر رعد الجريخي

يعباس صار الليل حاميني
-- -- -- -- -- -- -- -- --
امسه المسه وخيامنه محروگه
وصدورنه من رمادهن مخنوگه
وايتامنه بخيل وزلم مسحوگه
يعباس وين نروح حاچيني
-- -- -- -- -- -- -- -- --
چا وين طولك وين يابو الشيمه
گعدن خواتك هالمسه بالهيمه
ولا رايه تستر لا غطه ولا خيمه
يعباس شمر يريد يحديني
-- -- -- -- -- -- -- -- --
كل ليل چان يمرني انه محروسه
بچفك الچان اشبه بعصة موسه
فرسان من اسمك گبل مخلوسه
يعباس خصمك جاي يسبيني
-- -- -- -- -- -- -- -- --
بهذا الظلام احتار وين انطي العين
وعباس ما ظل عندي لا ظل حسين
ولا يمنه ابونه المرتضى انجيبه منين
يعباس بالكرار دليني
-- -- -- -- -- -- -- -- --
لا خوف يسكن لا جفن يرضه ينام
لا طاب خاطر لا جرح خف والتام
ابنات الزچيه وبينه حاطت ظلام
يعباس عيب النوم يلفيني
-- -- -- -- -- -- -- -- --
صح العطش خويه بيتاماكم جاس
ما سألو اعله الماي لآخر انفاس
سألوني كلهم وين راح العباس
يعباس ليك اضماي رويني
-- -- -- -- -- -- -- -- --

ياسر حسن
محرم الحرام ¹⁴⁴7

عگب اخيام اهلنه بتنه بالسوك
شمر والحبل بيده بتنه بالسوك
ياهو اليرضه تدخل بتنه بالسوك
واحنه مخدرات اهل الحميه
&&&
اجت زينب وصارت ظل عله حسين
ولا تنزاح يا في ظل عله حسين
انكسر بخيول اميه ظلع الحسين
وضلوعه تلمن بيهن رقيه
&&&
يعيني دمع مني صدري للحسين
كاروك لرقيه صدر الحسين
انسحن بين الحوافر صدر الحسين
الصدر عالظهر ونطبگن سويه
&&&
تره لختك بعد ما بقت خي ماء
تره لضيج ما ظل بعد خي ماء
زينب نادتك وتريد خي ماء
مو الها تره لسكنه ورقيه
&&&
علي جبار الكعبي
الفاتحه لوالدي

يم جثته گعدتي شسولفيتي
شحچه وياچ زينب وشحچيتي
گلتيله امشي خل نروح
گلچ خويه مذبوح
عيونچ طاحن بگد ما بچيتي
:::::
حيل ما بيه واجيت اركض ركض
گلبي ما ينطيني نايم عالارض
الخيل تسحگ بيك احس طول وعرض
حسين من گد السحگ ما بي نبض
نحره تكلم وحاچاني بهداي
زينب يختي رايد اشرب الماي
دمك شفته مسفوح
::::
شطلعچ باليل ياهو الوصلاج
جاي اشوفنه الشمر يركض وراچ
وين ابو فاضل قبل چان بگفاچ
وين وداچ الزمن المن خذاچ
باچر يختي ما يبقالچ اموتن
عليچ الناس كلها معارك اعيون
كفيلچ يختي مطروح
:::::
ما عرفتك بالشكل تدري انت زين
هو انت حسين ما ظنك حسين
انه شميتك تره مو شوف عين
باچر اختك وين ما تعرفني وين
اشيلن يا كتل يا كتل اخلي
ماكو اي مكان وسهم ما بي
زينب يمك تنوح
::::::
باچر ايدخلونچ بمجلس يزيد
وانتي بچفوفچ سلاسل من حديد
باچر ترگضين زينب من جديد
كلها تنظرلچ صفت حتى العبيد
تره وسط الخرابه انتي تگعدين
اخت عباس هاي واخت الحسين
گلبچ يختي مجروح
:::::
بيش اسكت بنتك وتنظر عليه
گمت امسح بالدمع بچفوف اديه
يالخرابه وجابو براسك هديه
شهگه وحده وماتت براسك رقيه
ما تحمل ضرب ارقيه تنباس
ماتت بنتك ومن حضنت الراس
ما ظل بيها ابد روح
::::::
علي جبار الكعبي
الفاتحه لوالدي

.

يا أبا عبد الله .. يا ابا عبد الله
يا أبا عبد الله .. يا ابا عبد الله
.

اليعيش بدنيا ظلمه
يلتمس حتماً ضواه
والتموت بريته شهگه
ينتظر نسمة هواه
العليل ايگضي عمره
ينشد ايدور دواه
وآنه بجروحي أدورك
يالعشت بحزاني آه
.
عنك انشد .. دمعي جبته
بين اديه
ظهري محني.. عندي حاجه .
.هالمسيه
.
يمن أسمك عشگ
بحسـاسي يعتلگ
أذا اللفــظ حرف
أنفاســي تختنگ
.
يا أبا عبد الله .. يا ابا عبد الله
يا أبا عبد الله .. يا ابا عبد الله

ـــــــــــــــــ ❁ ❁ ❁ ـــــــــــــــــ

آنه ربتني المجالس
گلبي ينبض كربله
مقصر أشعر من اذكرك
يلي غطاك الفله
خيمه ما محترگه بيه
ولا چفوفي مسنسله
صدري ماضايگ حوافر
لاسهم من حرمله
.
ولا خواتي …ولا بناتي .
. سلبوهن
ولا دياري… ولا خيامي..
أحرگوهن

ولا شفت الذبح
ولا دم منـسفح
ولا راسـي ارتفع
على سـن الرمح
.
يا أبا عبد الله .. يا ابا عبد الله
يا أبا عبد الله .. يا ابا عبد الله

ـــــــــــــــــ ❁ ❁ ❁ ـــــــــــــــــ

ارد احلفك بغلى دمعه
تركت بفكرك عتاب
من جرت عين العلیله
أنفتح للغربه باب
شمّتك وأغمى عليها
ونكسر ظهر المصاب
فارگتها وتدري بيها
خدها متوسد التراب
.
ظل قميصك .. ذكره عدها..
عطره زاچي
من تشمه .. يرد بصرها …
بالبواچي
.
بالغـــــربه تســـتمع
همس سحگ الضلع
بالشــهگه تختـــنگ
من نحــرك ينگـطع

.
يا أبا عبد الله .. يا ابا عبد الله
يا أبا عبد الله .. يا ابا عبد الله

ـــــــــــــــــ ❁ ❁ ❁ ـــــــــــــــــ

بمحنة الي يفارگ اخته
جيتك وحملي ثگيل
حاجتي يطلبها منك
بعد عباس الكفيل
أمنيت زينب تودعه
تدري عازم عالرحيل
يسمع اصوات اليتامه
والعطش يومه طويل
.
عالشريعه .. ولأعادي .
محاوطينه
موذرينه .. مطشرينه .
. مگطعينه
.
رمق بي ينـتظر
يگـــلك اعـــتذر
يـسرتي ويمنتي
اخـذهن الشــمر
.
يا أبا عبد الله .. يا ابا عبد الله
يا أبا عبد الله .. يا ابا عبد الله

ـــــــــــــــــ ❁ ❁ ❁ ـــــــــــــــــ

شما اعايش كربلائك
گلبي بحزانه يضيع
شما افكر دوم أشاهد
ذبح عبد الله الرضع
ياطفل ظامي تروه
بحظن ابو دامي وصريع
ياطفل گطعو وريده
وراسه بالزان ونجيع
.
شهوره سته .. من دفنته ..
گلبه ملچوم
وصفه أول .. نشمي بيكم ..
گبره مهدوم

رضـــــيعك بالملا
يـرتـــل الــــزلزله
على ترابك كتب
مـــناقب كـــربله
.
يا أبا عبد الله .. يا ابا عبد الله
يا أبا عبد الله .. يا ابا عبد الله

ـــــــــــــــــ ❁ ❁ ❁ ـــــــــــــــــ

ما أمل دگ اعله بابك
وأعرف بگلبك أبي
بالعقيله اليوم احلفك
وبدمع بنت النبي
مرتفع راسك تعاين
على التل الزينبي
صعدت ونادي المنادي
أخذو زينب للسبي

وي سكينه .. وي رقيه
چتفوها
عالهزيله..بلايه محمل..
ركبوها
.
مشت درب الأسر
يسر عدها العسر
ضلعــــها منــحني
وگلــبها منــــتصر
.
يا أبا عبد الله .. يا ابا عبد الله
يا أبا عبد الله .. يا ابا عبد الله

ـــــــــــــــــ ❁ ❁ ❁ ـــــــــــــــــ

حاجتي يابو اليتامه
كون اموتن في عزاك
وآخر أحروفي ترتل
عبرة الناعي النعاك
چفك يغمضلي عيني
يختلط دمعي بدماك
والچفن بيرغ يلفني
وافتخر ضمني لواك
.
.
اسمي يخلد .. بالمناهج
والمدارس
وصفى عاشگ .. للخدامه
. والمجالس
.
يهل دمعي الدمه
وواســـيك بظمى
وانال ابخـــدمتك
رضى أمك فاطمه
.
يا أبا عبد الله .. يا ابا عبد الله
يا أبا عبد الله .. يا ابا عبد الله
.
تمت ولله الحمد
لاتنسوني ووالدي من فضل دعائكم المبارك
.

حسن الموالي الفاطمي
.

الاوزن.. الهجري +ثلاث ارباع الشيعتي
+مقاصير الفجر
.

ليلة الوحشه


اجه الليل اجه الليل يبو اليمه اجه الليل
--------
لا عباس لا انته يحله الليله الونين
اجه الليل ----
وحشه وغربه يا خويه اشتنفع دمعة العين
اجه الليل ----
كل اخيامي محترگه گلي نستچن وين
اجه الليل ----
شمر لمن گطع راسك جابل سوطه متنين
اجه الليل ----

عسن انه اللي ذبحوني شافو طولي ياحيف
اجه الليل ----
گوم وشوف ذباحك يشتم صار بالكيف
اجه الليل ----
خويه بعينه يخزرني ومن نظراته ميعيف
اجه الليل ----
سيفه اب ايده راواني بدمك يگطر السيف
اجه الليل ----
****
اجه الخيل اجه الخيل يبو اليمه اجه الخيل
--------
بذاك الظهر لو تدري من شبوها لخيام
اجه الخيل ----
احامي اليا طفل منهم وانه اشگف بالاسهام
اجه الخيل ----
نركض وين ياخويه مچويه تره اجدام
اجه الخيل ----
گوم وشوف بعيونك حدر الحافر ايتام
اجه الخيل ----

دخنان ورمل حافر بيهن يلعب الريح
اجه الخيل ----
هامت بنتك ارقيه ظلت والدي اتصيح
اجه الخيل ----
من الخوف ياخويه تنهظ مره وتطيح
اجه الخيل ----
انسلبت منها ترچيه وظل دم بنتك ايسيح
اجه الخيل ----
****

الشاعر اياد الديراوي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

ليلة الوحشه

خيام خيام .. صارت رماد الليله
خيام خيام .. بالبر تبات العيله
****
العاشت ابهيبة أهلها اتدور اعليها اليحن
الدنيا وين اتريد بيه حگه لو ذاب الجفن
دمعة الغربه ثجيله ابين شماتي اون
هذا ذابح من اخوتي وهذا ورملي المتن

عذاب عذاب .. ياهو البقى واشكيله
عذاب عذاب .. بالبر تبات العيله
****
ياهو لشكيله امن اخوتي كلها صرعه اعله الترب
مادرو صارت اختهم فرجه بعيون الغرب
انه بت حيدر تراني وين صارت وانضرب
شبت اخيامي عليه اشيحتمل بالله الگلب

مصاب مصاب .. وادي النجف اربيله
مصاب مصاب .. بالبر تبات العيله
****
نشرد اليا صوب بالله والجمر ما ينحمل
الما لحگ متني ابسياطه يركض ايدور طفل
حاطت الخياله بينه وحضروا لينه الهزل
جمعونه وهاي شده لفّو اعلينه الحبل

حبال حبال .. واليا درب نمشيله
حبال حبال .. بالبر تبات العيله
****
ها يهل جبتونه للطف هالوضع ما ينشرح
هاي شدوهن ادينه والجرح يتبع جرح
نسمع الحراس صاحت جيبو للعيله الرمح
ثاري راس حسين فوگه ودمه عالغبره يسح

رماح رماح .. راس الحبيب اتشيله
رماح رماح .. بالبر تبات العيله
****
وين ابو الغيره كفيلي وين چفينه بقت
ما نهظ لينه علامه عيليته ابحيره صفت
تبچي سكنه اليوم لاچن مو عله الجربه بچت
والله يا عباس تبچي شلون الاخدور انسبت

كفيل كفيل .. يمته يرد ابحيله
كفيل كفيل .. بالبر تبات العيله
****

الشاعر اياد الديراوي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

مقدمه


صاحب الزمان ع ينعى جده الحسين ع

السلام على تلك النساء البارزات
السلام على تلك الوجوه اللاطمات
السلام عليك ياحبيبي ياحسين
-------------------------
ياجدي يوميه اختنك وبدمعي اكسر خاطر
الناس تتنطر شهر يوميه بيه العاشر
عايش صور طحن الجسد موتني ذاك الحافر
اشلون داس اعله الصدر انضر محمد حاير


السلام على كل گطره سالت من دماك
السلام على من ضحه بجفوفه وحماك
السلام عليك بالحنين وبالأنين
--------------------------
بالناحيه عشتك جرح ونضر ابعيني آلامك
اشلون من طحت وشفت وادم غرب بخيامك
اشلون عمتي امن اسمعت ذاك الصدى البعضامك
من ركتك خيل العده وعالنهر طاح احزامك


السلام على الشيبات النصبغت دمه
السلام على إلبجه كل اهل السمه
السلام عليك وعلى ذاك الجبين
-----------------------------
الناس تبجي من دمع وانه الدمع دم ينزل
انضر اعيالك من تطّش بذيج الصحاري التكتل
اهواي ياجدي شفت ياگلبك اشگد يحمل
مرفوع راسك ع الرمح بالكهف انت اترتل


السلام على كل طفله ضاعت بالفله
السلام على هضمك وهضم العايله
السلام عليك وعلى صبرك حسين
-------------------------------
الموت عاده النه نعم وحبينه هاي العاده
بس عاده ماعدنه گبل مجتوفه عمْت الساده
السوگ ذابحني ذبح كل حيلي مني اتراده
بت خير عمتي اوبت شرف ع السبي مامعتاده


السلام على المجتوفه بحبال الزجر
السلام على المسببه من بعد الخدر
السلام على الشافت اهلهه امذبحين
-------------------------
ابنحرك اتوسل خالقي ايعجل ضهور اعليه
وشفي إلصدور الي انجوت العاشت هضم ليليه
وبثار عبد الله الطفل. وبثار كل علويه
وحگنه ارده ابصارمي وگطع اجذور اميه


السلام عليك من گلب عاش القهر
السلام عليك مني ياشوف النضر
السلام عليك ياذبيح الودجين
--------------------------------
علي سليم الحسناوي

الا هل من مناد واماماه     وناع ينعى بالحزن حسيناه
🛑🛑🛑🛑🛑
امـامي ايهــا السبط الشهيدُ     بك الاحـــرار نـادت والعبيدُ
سليب الجسم تبكيك الحشودُ    فكم من عاشق نادى غريباه
وناع ينعى بالحـــزن حسيناه
🛑🛑🛑🛑🛑
بڪــــت حقــا له عين السماءِ    هو المخضوب في فيض الدماءِ
بارض الطف رڪـب الانبياءِ    غــدا ڪــــــل ينادي وا سليباه
وناع ينعى بالحزن حسيناه
🛑🛑🛑🛑🛑
صريعا لم يذق عذب الفراتِ    سليـل المصطـــفى وابن الهداةِ
غـــدا نهبا لاسيــــــاف العتاةِ     فصــاح العرش ينعى وا شهيدا
ونــاع ينعى بالحـــــزن حسيناه
🛑🛑🛑🛑🛑
بعين الله امســـــــيت قتــــيلا    وخلــــفت يتــــامــــى وعليلا
الى الاحرار قد صرت سبيلا    الا ياصاحب الشيب الخضيباه
وناع ينعى بالحـــــزن حسيناه
🛑🛑🛑🛑🛑

حسين اسمه روح الجهـادِ      سيبقى خـالد رغم الاعادي
سابڪــــيه الى يوم المعادِ     ليوم الحشر انعى وا تريباه
وناع ينعى بالحـزن حسيناه
🛑🛑🛑🛑🛑🛑🛑🛑🛑🛑🛑🛑🛑🛑🛑🛑🛑🛑🛑🛑
وليد المندلاوي

شور گعده

‏كالوا التعبان يتوچة اعلى اخوته
اعليمن اتوچه واخوتي كلها موته
بت علي وصرت انسبي
وبرگبتي شكد عبي
///////////////////////
‏انه اول مره شافت_
تنذبح رگبة طفل
‏الموقف الثاني بصلاتي_
بعده مشدود الحبل
‏حمل طفين اعله متني
سبي الخدر والجتل
‏المايخاف من الله صار
_بكيفه يحديهه الهزل

التنذبح يمه هله ينذبح صوته
منين حيله التنذبح سلوت چلوته
يحدي بينه الاجنبي
وبرگبتي شگد عبي
///////////////////////////

‏عيني تنزف دم لخوتي
بدمعتي صورت ضلع
‏انه امشي لاجن انته-
گلي تبقه بياوضع
‏علرمح راسك اشوفن
عينك تهل الدمع
‏راسك ينزله ويصعده
وتعبوه من الرفع

‏والجسد ذيج الحوافر دايساته
الم جسم حسين حيرة لوبناته
‏النار بخيام النبي
وبركبتي شكد عبي
‏
////////////////////
‏ينزل الروس ويسبني
الماكو گطره بگصته
‏من التنزل والتصعد
وصل رمحه لهامته
‏هيج عبد الله نشوفه
شلون حال الربته
تمنيت اخوانه كثرة
وتفزع وياه اخوته


منين اجيب اخوان وتشوف المصيبة
دم شرب عبد الله ما ضايك حليبه
عكبه كمت احبي حبي
وبركبتي شكد عبي
////////////////////
منين ماامشي وباوع
عيني بس صورة وذر
بس اغمض عيني لحضه
رمح اتخيل عبر
يعرضن بدربي جروحك
ولتفت راسك عثر
كون طولك يمي واگف
يگحل بعيني النضر

الهوه يضيگ بصدر اليسلبونها
مو ذهبها الماخذينه عيونها
خذوا من عندي الابي
وبركبتي شگد عبي
////////////////////////
‏تسعه واثلاثين يوم
بروسكم متصابحه
‏و ابداية ضعني راسك
أخذ دور الفاتحه
‏ارماحكم ايات جنهن
كل صباح امفتحه
‏خويه ارد اركض الرمحك
بس يكضني المستحه

صوتك اعله ارماح ضل قران يقره
وانت راسك ع الرمح لينه وتفره

وصحت ياروح. انحبي
وبركبتي شكد عبي
/////////////////

سيد ‏محمد الهاشمي

يل ماخذ العلويات //علغربه مامتعودات
لتبجي علويه ــ وكعدهن شويه
‏ ‏***
‏الماخذ ابنياتي كوه وحيل مابيهن
‏جرحي كل ماجاله يكبر من بواجيهن
‏كضه صوطك لاتخله يلمس عبيهن
‏راسي عن ضعوني ابعده لاتأذيهن
‏يل مايهمك أي رأي //يل الكاطع عليه الماي
‏معودهن اعليه ــ لتبجي علويه
‏**
كل طفل جنت انه بيدي امسح بشعره
جنه نكعد كعده حلوه احنه علفطره
وهسه كل واحد اشوفن غيرت عطره
جان واحدهم بصفي وبوستي بنحره
كايدهم انت بحبال ــ البچفوفي جانت تنشال
اثارهم بيه ــ لتبجي علويه
//////////////////////////////////
الغربه تكتل من تغرب عنك اطفالك
وانت صاير ميل ساعه سكت احبالك
الطفل ماينضرب صدك خلي ابالك
حوبت الساده تعثرك انت ومثالك
من الله ذني ايات // ايعثرن تره العلويات
گعدهن بفيه ــ لتبچي علويه
///////////////////////////////////
‏ ‏ها يماخذ ضعن زينب بعد كافلهه
‏ ‏اميه قدملهه تراهه العطش كاتلهه
‏ ‏لاتكللهه سبيه ينجرح ضلهه
‏ ‏تنخسف كاع الله لودمعتهه تهملهه
‏ ‏عالرايه لتأشرلهه //وميت اخوج اتگلهه
‏ تضل اختي محنيه ــ لتبجي علويه
‏ ‏*
‏ ارجع وكمل مهمتك وطعن بجسمي
‏ وسيفيك بخاصرتي نبته وطشر بدمي
ارجع وسوي التريده كون بس يمي
‏لاتاذي طفله واختي اتعلقن بأسمي
‏بس لاتاذي الصغار // ارجعلي ورميني احجار
موكلها مجويه__لتبجي علويه
‏***
‏ ‏سيد محمد الهاشمي
‏

‏

بدت رحلة معاناة
رحله وكلها اهات
وين الگلبه محروك /٢
ونمشي وي الغرب . . وبعيد الدرب
رحله وكلها اهات
......................................
اول عذابات السبي من تمشي وي جتالك
ومن تركب النوك الهزل وراس العزيز اكبالك
رحلة الم رحلة حزن وكلش تتعب حالك

رحلة لوعه وادموع
وبيه مكسره اضلوع
رحلتنه العله النوك /٢
ونمشي وي الغرب .. وبعيد الدرب
رحله وكلها اهات
....................................
تمشي وي ذباح الاهل هاي التحز بروحك
ومن تلفت تلگه الشمر بله شيطيب اجروحك
علنوك والتحدي غرب هاي التزيد نوحك

تعال الحگ يعباس
علينه تعاين الناس
وبختك هذه متلوك /٢
ونمشي وي الغرب .. وبعيد الدرب
رحله وكلها اهات
....................................
اني ادري باليفگد اهل غير بهله يواسونه
الوادم تصبره بمحنته مو عالهزل يسبونه
وانه اخوي المنذبح راسه بحجر يرمونه

الكوفه ازغار واكبار
وكلها تشامر احجار
من طبينه للسوك /٢
ونمشي وي الغرب .. وبعيد الدرب
رحله وكلها اهات
.....................................
من كربله الرحله بدت وسوط اعله سوط يذبني
وللكوفه من طب الضعن بس الشتم لاحكني
ما يخلص شطوله الدرب وانه التعب ما خذني

ابد ما شفنه راحه
درب بس للمناحه
ومنه حيلي مبيوك /٢
ونمشي وي الغرب .. وبعيد الدرب
رحله وكلها اهات
......................................
فوك الهزل ياحسرتي وكدامي روس اخواني
والحادي بضعوني الشمر كلش تره اذاني
مسبيه وامشي وي الغرب هيج الوكت خلاني

كلبي وراسي شايب
من ضيم الخرايب
واسمي بين الحلوك /٢
ونمشي وي الغرب .. وبعيد الدرب
رحله وكلها اهات
....................................
الخادم ابو حسن الجعاري