[[ قصيدة دفن الأجساد ]] بين زينب ع والسجاد ع
>>>>>>>>>>>>>>>>>>>>>>>>>>

يا عمه جرح البين
گلبي يسألك وين.......واصلهم احبابي

مذبوحه شنهو الراي
شربت ابوك الماي....تدريني بمصابي
*******************************
يعمه من رحت لحسين ..گلي بيا وضع شفته
يذبحني الجرح بالروح.......يعمه شلون جهزته
ما ظل شي بعد بحسين.....هاي الخيل ساحگته
يعمه سولف الاحزان.......اشوف اسهامه شابگته

متگطعه اوصاله
محد حضر شاله
...................نايم عله الغبره

اشمسويه هاي الخيل
وابروحي مات الحيل
................وظلوعه متكسره
*******************************
يعمه سولف المضمون.......ابوك اشلون وسدته
اشوفنه الچبد نصين .....سهمه بگلبه لو شلته
بحصيره شايل المذبوح.....يعمه صعبه سالفته
اريدك من تدفنه ابهاي.....ماي ابنحره شربته

ميت ولا بي صوت
ما ينحط بتابوت........مطشره اوصاله

محد حضر يمه
ويشوف ابو اليمه .......متغيره احواله
*******************************
*******************************
انشدك عمه حاچيني........ابوك اشلون لميته
عجيبه منطبگ صدره.....شفنه ابظهره خليته
كلشي ما سلم منه..........اصبعه اشلون ضميته
وبنحره ونين اسمع.......رضيعه وين واريته

من نحره اسمع هاي
وسد رضيعي وياي....خلي على صدري

ياعمه روحي تروح
من شافت المذبوح........يمه انتهه عمري
*******************************
[[جاوب السجاد ع]]
>>>>>>>><<<<<<<<>>>>>>>>>>

يعمه اشلون انزلنه.........وبويه راس ماعنده
مصيبه اتحيرت بحسين...اريد عله ترب خده
طحت ياعمه بجروحي......يريت اتمدد ابسده
يعمه شاهدتهه الخيل ......ما خلت تره بچبده

يذبحني تالي البين
لميت ابوي احسين.....وحنيهن اظلوعي

مستمر صوت الاه
يا روحي وا ويلاه....ماتنشف ادموعي
*******************************
توجهت ابهضم دنياي....ياعمي النعي تسمع
ما اگدر اشوف الجود......گلبي بحسره يتگطع
جايبلك رساله وياي......من زينب ردت تفزع
تقبلهه يبو النوماس.........زينب للسبي تطلع

محتار اوسده اشلون
بعينه السهم مدفون
...................وبگلبي چم حيره

طاحت سمه عله الگاع
والعمر ......بعدك ضاع
..................اندهه يبو الغيره
*******************************
رجعت بحسرة اونيني.....انظر جاسم بحسره
شفت يمه الزچيه تنوح...حضرت فاطمه الزهره
وانه اتوجهت مهضوم......شفت الاكبر ونحره
طحت عله الارض مرتين.....يمه اتمدد بگتره

رايح....... شبابك راح
حيلي عله طولك طاح
.....................فگد الاخو صعبه
اگضي العمر آهات
تالي بخرابه انبات.
.................واحزاني بس غربه
*******************************
#تمت بعون الله تعالى
الشاعر___يوسف الفتلاوي

يهل وادم علي كلش جبيره
جسم حسيني لميته بحصيره
.....1.....
يا من تسأل اشبيه
وليش امتوني محنيه
ضيم الي سده اعليه
ما واحد عليه يصبر

من الطف عشت غصه
قصه امجلبه ابقصه
المصايب كثره ما تحصه
ياهي الانسه ياهي اذكر
شافت اعيوني مصايب ... الهه ما يحصل مثل
عمتي وسكينه ورقيه ... انشدن ابنفس الحبل
شافت عيناي
مأسات اهواي

شي مذبوحه شي راحت أسيره
جسم حسيني لميته ابحصيره
........2..........
شفت حسيني عالغبره
سابح بالدمه نحره
وصدره صاير ابظهره
من كد دوست الحافر

وبكَلبه نبت رمحه
وبنحره اثر ذبحه
جرحه ما نشف جرحه
كلشي البي وذر صاير

صوره ما ممكن وصفهه .... حسيني شفته بكربله
امغيرات ارسومه كلهه .... عاري والدم غسله

عالخد مكَلوب
ومسلوب الثوب

ارسومه غيرت شمس الظهيره
جسم حسيني لميته ابحصيره
...............3
اجيت الدفنته ابنوحي
أدفن بيدي مذبوحي
وبالكَوه أجر روحي
من كثر الألم بيه

جسمه ردت اشيلنه
وادفن ما بقى منه
صعبه اشلون المنه
اجروحه الف وتسعميه

ردت المن جسمه بيدي ... صعبه شفت انه الأمر
بالحصيره جمعيته .... وهو مرمي ابكل كتر

أمطشر ويلاه
لملمت اعضاه

المن عدهه بقت وين الزغيره
جسم حسيني لميته ابحصيره
4...........
بيدي الكَبره نزلته
وعبدالله ابحزن جبته
اعله صدره بهيده وسدته
لا يلجم جرح كَلبه

ادفنته بس نحر دامي
راسه اعله الرمح ضامي
عفته يمشي كَدامي
ويه ابنيته التحبه

انه اول مره ادفن ... جثه كلهه امكَطعه
والسهام البيهه كثره .... على كدهه اموزعه

مذبوحه الراس
مكطوعه انفاس

اكثر منظر العيشني حيره
جسم حسيني لميته ابحصيره
5...........
اتمنيت الكمر حاضر
ايشوف اشعامل الحافر
ويصبرني على الصاير
ما واحد بقى عندي

بس شيجيب الي عمي
وهو اعله النهر مرمي
وراسه بالعمد مدمي
احير بدفنته وحدي
اعليه مكتوب انه ادفن .... بيدي ابوي المنذبح
وحدي من غير الهواشم .. قصتي مختومه بجرح
من غير اخوان
ادفنت العطشان

من غير الكمر بدر العشيره
جسم حسيني لميته ابحصيره
✍️ كلمات : موسى الخادم

ما حسبت يوم بحياتي "" دفانك أصبح بوية يحسين
كبلك عسأ حانت وفاتي "" ولا شافتك متكطع العين
""""
ما حسبت أحساب كبرك بيدي احفرة
يا حبيبي ونحرك المكطـــوع أنظـرة
ابلايه راس اشلون انظرك مالي قدرة
اه من هـــذا الزمن ما كفني شـرة

يمك ذبحت انه امنياتي ... وي نحرك اوي كطع الادين
"""
بيدي أنزلك للكبر مــو هينة عـندي
ريت كبــلك منحفر يا بــوية لحـدي
قصتي ويه أحــزاني بعدك راح تبدي
والسهر يحله بغيـابك لـــيه وحــدي

وادموعي صارت من صفاتي ... تجري بغيابك بوية نهرين
"""
بــوية عــذرأ بالحصيرة راح اللـــمك
حيلة ما ظلتلي صـاير قطــع جسمك
حلمي بين ايظلوعي احضننك وأشمك
بس أخاف ألجم جروحك من أضـــمك

اجروحك جثيرة ياحياتي ... خوفي بحضنتي اترك نياشين
………
بوية يحسين أكــعد وعاين لحــالي
والله متحير ابأمر دفـــــنك يغالي
أشلون أدفنك خنصرك ما هــو يوالي
ولسه جــرحك نازف ومــرت ليالي

يا دم امسحنه ابعباتي ... وياجرح اشده اليوجعك وين
""""
يا ذبيح الغاضرية دامـي نحـرك
اشلون أغسلك والسهم غافي أعلى صدرك
مسلبة أثيابك على التربان أنظــــرك
حالتي تبجي الصخـر يالعالي كدرك

بعدك سبتني نايباتي ...موش السلاسل بوية يحسين

""""
بوية حاجيني اللحد ضيك أوسعـة
لو يشيل أثنين صوتك خل أسمعة
راح عبدالله الطفل يمــــك أودعـة
بنحرة خليتة السهم يصعب أطلعة

خاف اسحبه ويلجم خواتي ... سهم الي صابه صابهن زين
""""
الحمد الله رب العالمين
اللهم صل على محمد وال محمد
موسى الخادم

عمة رايح بالسلامة ... تدفن العافو يتامة
أدفن حسين وأخية
وأرجع الدفنت الرقية ... التشبه أوصاف الحمامة
......
عمة يا سجاد رايح .. تدفن حسين وعضيدة .. الله وياك
بصبرك أتحزم يعمة ... رايح تشاهد مصايب.. موجعة هناك
هذا الحال الدنية أعلم .. بيك ماترحم تحاول .. تمحي ذكراك
روحي أخذهة وياك خلهة ... وشوف تشبع من اهلهة .. الزادو ابجاك
من بعدهم هذا حالي ... مرافكة النوح الحلالي
من بعد غدر ال أمية
""""""
لو وصلت الشاطي قبل .. راسي اخوي الكلة غيرة .. رفعة الراس
ما خلف أبدأ وعودة .. وافـة حد كطعة زنودة .. راعي الاحساس
حامة عني وعن عيالي .. ما وصل واحــد وفائة .. بيـــن هالناس
كلة ما ناسيتك أختك .. بيك يالكافل تسولف ..دوم عــباس
أكصد الصوب الشريعة ... تلكة جفينة الكطيعة
برايتة أجفنة الحمية
.........
يبن أخوي اللحد وسعة .. لا تضيكة أعلى الحبايب .. كثرة الجروح
نازفة من أجسوم اهلنة ... وبالاخص حسين عفتة .. نحرة مذبوح
ياضوة العين أعلى هونك .. من تغسل حسين أخيي .. غسلة بالنوح
بهيدة لو نزلتة كبرة .. صدرة نازف لا تلجمة .. فارك الروح
حسين زيد عمه ناري ... أعتنيتة ودمعي جاري
أشكد ندهتة ايرد الية
......
تعلم بموتت رقـــية ... حاصلة أبـــهاي المسية ... يبن الاطهار
راح تبجي تريد أبوهة ... والكفر مايرحموهة ... عندك اخبار
من تشوف الراس دامي ... بالطشت دمة أيتناثر ... راح تنهار
طفلة ما تحمل تشاهد ... منظر أيهد الرواسي ... تنظر صغار
بساعك أرجع لا تأخر ... وحدي أنة بهمي أعثر ..
تدري ظل بس أنت الية
وأرجع الدفنت رقــــية
......


الحمدلله رب العالمين
اللهم صل على محمد وال محمد
موسى الخادم

اشلون ا دفنك والدي يحسين
جسمك تكطع والجبد نصين
وين التفت دمك تشوفه العين

……
من وين ما دير النظر… انظر بقايا الدمك
واثار لخيول العدة …الوزعت بالطف لحمك
منثور لحمك ع الارض… يابوية بيش اللمك
اعذرني بحصيره والدي. لو جمعيته جسمك

كومة لحم صاير فلا تنشاف
صدرك تساوه اويه الظهر وانعاف
ماظل الك شي ينعرف واوصاف

……
محتار حيره ابلا وصف…يا والدي بتغسيلك
هم كلي يتغسل شخص..مكطوع راسه ادخيلك
أشلون اجفننك صعب… للكبر بيش اشيلك
ساعدني ما ظلي صبر… صبره نفذ عليلك

بموتك يبويه ودفنك احتاريت
ميت عساني كبلك اتمنيت
مو دمعتي اعليك النظر صبيت
……
ماجانت ابالي ابد… بهذا الوضع انظرك
مسلبه اثيابك غفل… والدم يصب من نحرك
والف وتسعمية جرح… غير الرمح البصدرك
اه اشتفيد الااه ابد… ما تنفع اوية كسرك

جم حافر ابصدرك شفت مكسور
جم طبرة بسيوف العدة مطبور
ريت العمر خلص كبل عاشور
……
عفتك رمية اعله الترب… غصبن علي وعيونك
مافاركتني صورتك… تنظرنه وايذبحونك
عطشان وابحر الشمس… الله يكون ابعونك
ساعت الكطعو منحرك… لوني انخطف وي لونك

شفتك على اعيالك تصد بدموع
نص منحر ابسيف الشمر مكطوع
بصوت العطش ناديت ما مسموع
…… .
من الله لا ينطي الشمر…ذاك الحرمني منك
خلاني اظل الوحدي … غصبن بعدني عنك
ما همني سوط وسنسله .. ابنياتك التبعنك
بالخيمة واسمعها جنت… زينب تون الونك

من قدمت… ليك المهر… بونين
للخيمة رجعت لاطمة عالعين
تصرخ بعد مثلك اجيب امنين
… ..
خليتني ابعازت ابو… ياهو اليسد مجانك
محتام حيل الشوفتك… والطيبك وحنانك
ضمني اعله صدرك والدي.. واشبكني ابذرعانك
منك اريدأ ذكرى الي… تبقالي من زمانك

كون ابشبكت تنتهي الانفاس
وبيك التحق وبعمي العباس
هل الدنية ما ريدنها لا هالناس
......
الحمدالله رب العالمين
اللهم صل على محمد وال محمد
موسى الخادم

حيرني وكتي اشلون ادفننك
يالتارس  الطف  بيش المنك
بويه حسين.    بويه حسين
.....................
اجيتك والگلب جايبلك احزانه
وابنك يا الذبيح  الدمعه  عنوانه
فگدكم ياهلي حط بيه نيشانه
دمع رافگنه ماظن لحضه عافانه

هاي الهضيمه من رحت عنك
حيرني وكتي شلون ادفننك
گوه وغصب ماشين
ياحگهه تبجي العين
بويه حسين.    بويه حسين
..............

انه الميت ابوه اشحاله واشوضعه
كلشي يروح عنه ماعده الدمعه
ابوي الي لگيته منهشم ضلعه
وسهم مكسور بيه وشنهي اليطلعه
يابويه ادري باليأذنك
حيرني وكتي اشلون ادفننك
وخنصر يمنتك وين
ياحگهه تبجي العين
بويه حسين.    بويه حسين
....................
لاتسمع  حجينه ولا بواجينه
اشكثر يوم السبي صاحتلك سكينه
رقيه اتصيح مو سلبو تراجينه
اثر جر التراجي اهواي ياذينه
وي المحامل بويه يردنك
حيرني وكتي اشلون ادفننك
شخصك اجيبه منين
ياحگهه تبجي العين
بويه حسين.    بويه حسين
..............

شريد احجيلك الما صاير انشوفه
خذونه اعله الهزل يابويه للكوفه
مجتوفه الحرم يحسين مجتوفه
اجيتك وادري جفك يكرم اضيوفه
بالنحر يحسين ارد اشمنك
حيرني وكتي اشلون ادفننك
رد يالخذاك البين
ياحگهه تبجي العين
بويه حسين.    بويه حسين
.................
بينه اندارت الدنيا ودلالك راح
بالخيمه واسمعنه الشمر من صاح
احرگوهه الخيم راعيهه هذا الطاح
زينب ياخو زينب تمشي وي ذباح
ابصيح الفواطم مايگعدنك
حيرني وكتي اشلون ادفننك
وعدواني تطلب دين
ياحگهه تبجي العين
بويه حسين.    بويه حسين
..................


گضت شمس المحنه وفلت العشره
وانه المطبور گلبي ويه كل طبره
اجيتك وانه همي الشايله شكثره
جنت صبري ودليلي اعليك شيصبره
يالعشت بيه  ما  اسمعنك
حيرني وكتي اشلون ادفننك
كلكم هلي ميتين
يا حگهه تبجي العين
بويه حسين.    بويه حسين
خادم اهل البيت علي الزرگاني

يل ماخذ العلويات //علغربه مامتعودات
لتبجي علويه ــ وكعدهن شويه
‏ ‏***
‏الماخذ ابنياتي كوه وحيل مابيهن
‏جرحي كل ماجاله يكبر من بواجيهن
‏كضه صوطك لاتخله يلمس عبيهن
‏راسي عن ضعوني ابعده لاتأذيهن
‏يل مايهمك أي رأي //يل الكاطع عليه الماي
‏معودهن اعليه ــ لتبجي علويه
‏**
كل طفل جنت انه بيدي امسح بشعره
جنه نكعد كعده حلوه احنه علفطره
وهسه كل واحد اشوفن غيرت عطره
جان واحدهم بصفي وبوستي بنحره
كايدهم انت بحبال ــ البچفوفي جانت تنشال
اثارهم بيه ــ لتبجي علويه
//////////////////////////////////
الغربه تكتل من تغرب عنك اطفالك
وانت صاير ميل ساعه سكت احبالك
الطفل ماينضرب صدك خلي ابالك
حوبت الساده تعثرك انت ومثالك
من الله ذني ايات // ايعثرن تره العلويات
گعدهن بفيه ــ لتبچي علويه
///////////////////////////////////
‏ ‏ها يماخذ ضعن زينب بعد كافلهه
‏ ‏اميه قدملهه تراهه العطش كاتلهه
‏ ‏لاتكللهه سبيه ينجرح ضلهه
‏ ‏تنخسف كاع الله لودمعتهه تهملهه
‏ ‏عالرايه لتأشرلهه //وميت اخوج اتگلهه
‏ تضل اختي محنيه ــ لتبجي علويه
‏ ‏*
‏ ارجع وكمل مهمتك وطعن بجسمي
‏ وسيفيك بخاصرتي نبته وطشر بدمي
ارجع وسوي التريده كون بس يمي
‏لاتاذي طفله واختي اتعلقن بأسمي
‏بس لاتاذي الصغار // ارجعلي ورميني احجار
موكلها مجويه__لتبجي علويه
‏***
‏ ‏سيد محمد الهاشمي
‏

‏

شور گعده للسبي

‏كالوا التعبان يتوچة اعلى اخوته
اعليمن اتوچه واخوتي كلها موته
بت علي وصرت انسبي
وبرگبتي شكد عبي
///////////////////////
‏انه اول مره شافت_
تنذبح رگبة طفل
‏الموقف الثاني بصلاتي_
بعده مشدود الحبل
‏حمل طفين اعله متني
سبي الخدر والجتل
‏المايخاف من الله صار
_بكيفه يحديهه الهزل

التنذبح يمه هله ينذبح صوته
منين حيله التنذبح سلوت چلوته
يحدي بينه الاجنبي
وبرگبتي شگد عبي
///////////////////////////

‏عيني تنزف دم لخوتي
بدمعتي صورت ضلع
‏انه امشي لاجن انته-
گلي تبقه بياوضع
‏علرمح راسك اشوفن
عينك تهل الدمع
‏راسك ينزله ويصعده
وتعبوه من الرفع

‏والجسد ذيج الحوافر دايساته
الم جسم حسين حيرة لوبناته
‏النار بخيام النبي
وبركبتي شكد عبي
‏
////////////////////
‏ينزل الروس ويسبني
الماكو گطره بگصته
‏من التنزل والتصعد
وصل رمحه لهامته
‏هيج عبد الله نشوفه
شلون حال الربته
تمنيت اخوانه كثرة
وتفزع وياه اخوته


منين اجيب اخوان وتشوف المصيبة
دم شرب عبد الله ما ضايك حليبه
عكبه كمت احبي حبي
وبركبتي شكد عبي
////////////////////
منين ماامشي وباوع
عيني بس صورة وذر
بس اغمض عيني لحضه
رمح اتخيل عبر
يعرضن بدربي جروحك
ولتفت راسك عثر
كون طولك يمي واگف
يگحل بعيني النضر

الهوه يضيگ بصدر اليسلبونها
مو ذهبها الماخذينه عيونها
خذوا من عندي الابي
وبركبتي شگد عبي
////////////////////////
‏تسعه واثلاثين يوم
بروسكم متصابحه
‏و ابداية ضعني راسك
أخذ دور الفاتحه
‏ارماحكم ايات جنهن
كل صباح امفتحه
‏خويه ارد اركض الرمحك
بس يكضني المستحه

صوتك اعله ارماح ضل قران يقره
وانت راسك ع الرمح لينه وتفره

وصحت ياروح. انحبي
وبركبتي شكد عبي
/////////////////

سيد ‏محمد الهاشمي

شور للسبي

بكل خطوه تمشي تگض الاصفاح// بهذيج الهيمه
   ولروس وياهه علل ارماح// بهذيج الهيمه
    ‏★
   منا بداية صعدت النوك
صعدت الناگه وجفهه محروك
چف عله چف بحبال مشبوك
تباوع لخيهه راسه مبيوك
الميت اخوها شلون ترتاح// بهذيج  الهيمه
ولروس وياهه  اعلل ارماح//بهذيج الهيمه
    ★
بحر الضهر لسعات السموم
‏وكل طفله ميته بعينهه النوم
‏ وزينب لهلها عيونهه تحوم
‏تغير وجهه وذيج الارسوم
  وبترس اذنهه تسمع اصياح// بهذيج الهيمه
ولروس وياهه  اعلل ارماح//بهذيج الهيمه
    ★
  زينب چبيره وركضت بليل
السجاد ماخذ منهه كل حيل
‏ شيسوي وحده لاكن عليل
   ‏ياسبي تعّب هل المداليل
   ‏بكربله طلعن كل الارواح// بهذيج الهيمه
   الروس وياهه اعلل ارماح//بهذيج الهيمه
    ‏★
   ‏الروس سوت صيت للماي
  ‏وحسين راسه الزينب افياي
  ‏ وصغار مجويه عله حفاي
  ‏الساتر الله  يخوف الجاي
  ‏الشام تمشيله وي ذباح // بهذيج الهيمه
  ولروس وياهه اعلل ارماح//بهذيج الهيمه
    ★
  ‏بنت الهواشم اشرف اناس
  تنده بخيهه حدهم انداس
  ‏وبصوت زينب فزع عباس
  ‏امن الرمح يمكن دخن الراس
‏دمه يسيل عله الارض طاح//بهذيج الهيمه
ولروس وياهه اعلل ارماح//بهذيج الهيمه
    ‏★
سيد محمد الهاشمي   ‏
‏

ميمر أنتظار الفرج.
........................


جبت العمر. . دمعه وصبر.
أحسب علامات. . أنتظر.

يا. حجة الله المحجوب. ياجبر كسر البضعه
.......................................

يا ..يوسف الزهره انتظارك لا وين..
يل عن صبرنه صبرك انت بسبعين.
بيك النوى أين استقرت .للحين.

في نينوى . . أم ذي طوى.
في اي ارضٍ ... يا ترى.

يم ضلع صابه البسمار .لو يم صريع الدمعه .
......................................

يا..فجر يمته. اتحل غياهب ليلك.
يمته الفرج صبح. ومسه ادعيلك
كثر البجي يا سيدي هدّ حيلك.

تجري الدمع. .. دم عالضلع.
والكربلائك. . تنفجع.

تستعرض الطف والباب. ذاك الهظم شيجرعه.
.......................................

وينك .. يمن سر ( الاله ) بسرك
يا. أمنية كل شائق الينتظرك
يبن الاطايب يمته عيني اتنظرك

واسمع خبر. . بين البشر

رد. من غيابه ... المنتظر

من تصد عيني بعيناك. ثق ما تلمني الوسعه
.......................................

ياحجة الله بعيني راسم رسمك.
حتى ابمنامي اشفافي تلهج اسمك.
يوميه الف مره الدليل ايحشمك.

يمته الفرج.. يبن الحجج.
يا بلسم الكل.. المهج.

ناطر لقائك. مولاي وتوسلك كل جمعه.
......................................

كل جمعه اجددلك مشاعر نوحي
واقرالك الندبه. بلفيف اجروحي.
يالشوفتك صارت اعز من روحي.

يوم الهنه. . ويوم المنه.
لو نلتقي... بهاي السنه

لجلك اجيبنهه الروح واعلگهه مثل الشمعه.
...............................

خوفي العمر يخلص واموت متاني.
وبدرب شوگ الملگه ما تلگاني.
ذاك الوكت يالغالي لا. تنساني.

يل شوگي الك. . مابدلك.
حدر الترب. . وتأملك.

يالمهدي احلفُك بحسين. منك اريد الفزعه.
..................................

✍️ أبو منتظر الحجامي. 2025

تبقى زينب اميره مو سبيه.
تبقى زينب اميره مو سبيه.
.....................................
رغم كلما شافت...جم عزيز العافت...عالمناحر طافت...
يوم عاشر.

سعت بين اخوتها....لبت ابنخوتها...واصلت رحلتها..
ابلا مناصر.

حگنه من نرثيها...بالدمع ننعيها....رغم جرح البيها..
هيبه باجر.

تبقى زينب زينب...مايذلها الاصعب.....حتى من تتغرب..
علي حاضر.

تصير حيدر علي بين ال اميه.
تبقى زينب اميره مو سبيه.
................................

هاي اخت عباسها.....ماتدنگ راسها.....مصحف بأنفاسها....
وحي نازل.

رغم مامجتوفه......بالخدر معروفه....من اجت للكوفه..
هيه كافل.

جن علي بكلماته.....هيبته وخطواته....صالت ابصولاته...
من يقاتل.

كل حرف فقارها....والمنايه اخبارها.....صدت ابانظارها.....
لبوفاضل.

تحرك الراس رمق اخته بحميه.
تبقى زينب اميره مو سبيه.
..................................

تبقى لبوة حيدر.......صابره وتتصبر.....شالت اجم منحر.....
بين ايديها .

ودعت ولياها.....الله جان اوياها....من بجت عيناها.....
ضم بجيها.

ستر الله وثوبه.......زينب المهيوبه......ابد مامرعوبه.....
من سبيها.

زينب الما ملت.....ذلت وما ذلت.....عالرواسي اتجلت....
در حجيها..

هيبة حسين لسان امها الزجيه.
تبقى زينب اميره مو سبيه
................................

حره وتضل حره......هاي بنت الزهره.....گلبج اشگد صبره.....
بهل مصيبه.

وگفت بديوانه.....حجت عن طغيانه.....ذل ابن مرجانه.....
من الغريبه..

حرمه صح وبحيره.....والمصيبه اجبيره.....بس تسولف غيره......
هالنجيبه.

خورست عدوانها......جم نبي بلسانها......الله رافع شانها...
مو عجيبه.

حجت بلسان وحي الله ونبيه.
تبقى زينب اميره مو سبيه.
...................................

واصلت.رحلتها.....كملت ثورتها....شامخه بعفتها.....
امها جنها.

وكفت اخت القاده......من يزيد اتماده....ذلته اباجداده....
عرض عنها..

هاي شمس الباري.....اخت من ضل عاري....الجفناه الذاري.....
ياحزنها.

مابجت وتكابر......خاف شامت حاضر.....نزل جمر العاشر....
.من جِفنها.

مصحف اسرار تضل الهاشميه..
تبقى زينب اميره مو سبيه.
...................................

✍️ابو منتظر الحجامي. 2025

زينب تسأل ابن اخيها علي السجاد .عندما عاد من دفن اجساد اهل بيته ..
...............................................


غاب عن انظاري وأبـعد (علي) السجاد.
گلت راح اوليد اخوي الدفن الاجساد.

يل .جنت  بـــــالغاضريه
احجيلي عن اهل الحميه..

گلت راح اوليد أخوي الدفن الاجساد..
.............................

عمه سولفلي اعله خوتي شحالهم من فاركَتهم.
حار ... رمل الحومه ادري والاعادي سلبتهم.
عمه هم عتبوا عليه جي مشيت وماشفتهم

مجبوره عنهم من رحت.
تمنيت  وياهم متت..
مــا دروا بيه اتجتفت..

              الهل السبب ماودعتهم.

ياعلي سولفلي عنهم گلبي مشتاكَ.
الله يدري بحالتي شمسوي الافراكَ.

والمصاب  البيك  بيــه
احجيلي عن اهل الحميه.

كَلت راح اوليد اخوي الدفن الاجساد.
....................................

عمه سولف عن جروحه جم جرح بحسين نازف.
ياعلي  الگيته  بمكانه لـو أثر عالخيم زاحف.
أنــه للحومه من اجيته.استقبلاني بريج ناشف

ياعمه حــاجـاني بهمس.
غطيني من حرّ الشمس.
بس حاذري أسياط الرجس.

             وضليليته بكل عواطف.

لاحظت خط بالارض من سهم جبده..
شالته  الغيره   وزحف  يتلگـه  اخته.
.
عــالنحر دمعات الــــيه
احجيلي عن اهل الحميه..

كَلت راح اوليد اخوي الدفن الاجساد.
....................................

احجيلي عن حالت كفيلي ورايته وكَطعت ازنوده.
هم صدك عالوجه طايح خــافي حدر الصدر جوده.
ناشدك عن الكفلهه  الجانت  أمأمنه بزوده

هم كَلت عذبها زجر.
وحارك عبايتها الجمر.
هم كَلت مسلوب الخدر.

             وعتذرلك عن عهوده..

شفت راسه عالرمح صوب اخته يندار.
عمه  ويعاين  عباتي  وحركت  النار..

يـــــــاعلي ويبجي عليـه
احجيلي عن اهل الحميه..

كَلت راح اوليد أخوي الدفن الاجساد.
...................................

والله ماتنعقل ذاك الجان بعيونه مكاني..
يعتذر ما يجي الزينب عمه معقوله نساني.
ياعلي هم سولفتله عن شمر لمن ولاني..

هم كَتله جتفّها بحبل.
هم كَتله لوعها النذل.
هم كَلت ركبت عالهزل.

               والشمر عنكم سباني..

والله عاذرته الفده عينه وجفوفه.
بس تمنيت اعله طوله بعيني اشوفه..

نسولف ونكَعد سويه
احجيلي عن اهل الحميه..

كَلت راح اوليد اخوي الدفن الاجساد.
.....................................

ياعلي هم سولفتله من اجه الحادي السبينه.
وصاح زينب طلعوها والشمر يحدي  الضعينه.
كتله ذيج اللحظه ذكرت من جبتها من المدينه.

هم كَتله خويه اتمنتك.
اتضلل عليها برايتك.
وتركب الناكَه بهيبتك

           يدري مجتوفات ادينه...

لحظت السار الضعن واعلن رحيله.
خـــويه ركبني العليل  اعله  الهزيله..

مجتفه والبيه بيـــــــه
احجيلي عن اهل الحميه..

كلت راح اوليد اخوي الدفن الاجساد..
....................................

✍ ابو منتظر الحجامي. 2025

عطـشانه رقـيه اورادت المـاي
تنام او تحلم ابعمهه الگمر جاي
فـزت گـامت اتصيح
تمشي اشويه وتطيح
--------------------------
شبگت زينب اوصاحت يعمه
شفت بالطيف عمي اوچنت يمه
يم جسمه الزلم والخيل لمه
بس فوگ الجبين ايسيل دمه
    گال ابعيني ماشوف
بعد ماتوجد اچفوف
عطشانه رقيه عشانه رقيه
-----------------------------
يگلي انتي رقيه اويمي گَرب
لزمني اوگال شنهي احوال زينب
صدگ ابخيامهه النيران تلهب

باچر من طريق السفر تتعب
باچر من ترحلون
بيد المايرحمون
عطشانه يارقيه عطشانه يارقيه
-------
رحت يم الرضيع اوشفته دامي
عون اوجعفر وجسام ضامي
صحت لامن اخوتي اولا عمامي
وابوي اشعب مايسمع كلامي
شفته ابضلمت اليل
وبصـدره اثـر خـيل
عطشانه رقيه عطشانه رقيه
---------------------------------
شفت الجثث ماواحد جمعهه
بس حرمه چبيره اتهل دمعهه
اذا گامت تكض خدهه اوضلعهه
تصيح ابصوت يبني اوماسمعهه
گـالـت خنصرك وين
بس جاوبني يحسين
عطشانه رقيه عطشانه رقيه
-----------------------------
فزيت اولگيت الخيل يمينه
اعاين ماشفت بيهم زلمنه
بس الفزعت اوحرگت خيمنه
لامن جودنه أولامن علمنه
دارت بينه اليام
گمنه ابلا غطه انام
عطشانه رقيه عطشانه رقيه 
------------------------
للشاعر فاخر علي الشبيبي

يا خواتي •هذا ليل الوحشه صح خوف ونياحه
ياخواتي  • ريته دوم ايظل ولا طرة صباحه
ابهل ظلام ولا نهار •• يمنه مجتوفه بيسار
             يا خواتي يا خواتي

……………………………………………………………


يا علويات وصح ظلمه . لافرشه ولاخيمه العدنه
كلجن ملتمات اعليه . ننعه ونتباجه لوحدنه
صح تعبانات من الركضه .بس اشوه ولاواحد يمنه

باجر يبنيات الزهره وتشوفن اهوال
مو خيط الصبح اشوفن باجر ضبه احبال
وين المسبيّات آخذهن وينادي الجمّال

اه باجر • كون ملچ الموت گبلك يعتنينه
اه باجر • جيش صوبين بشماته يصد علينه
المستحه ويحرگنه نار •• يمّنه مجتوفه بيسار
             يا خواتي ياخواتي

……………………………………………………………


هاي النسوان الويانه . باجر ليهن كوم التشفع
اعمام الهن صاحو يلا . بت عمنه ويانا وخل تطلع
بس احنه انظل نكسر خاطر.مامش وادم لينه التفزع

وحده اتصد الوحده ابدمعه ومجروح الاحساس
ولا واحد رف كلبه اعلينه اشبيها ويانه الناس
باجر كلنه انصيح ابدمعه جا وينك عباس

يا ابو فاضل • يلي عشنه مدللات ابظل حياتك
يا ابو فاضل • هسه ما بين الزلم ظلت خواتك
بسمك اتصيح الزغار •• يمنه مجتوفه بيسار
           يا خواتي  ياخواتي

…………………………………………………………….


اول ما تكشف دنيانه . يبدي اعليجن طف الثاني
واحبال الخشنه محضريهه . والنه النوگ الهزله اتاني
ابلا هودج هالنوگ اعليها . والسوط ايگلجن هذا اني

ظهر النوگ وكلش عالي شلون انصعده شلون
واحنه امن الظيم البالعاشر ماظل عدنه متون
والتبطي ابصعدتها العسكر بسياط ايضربون

حبل واحد • مني ولعد رمله و سكينه ورقيه
حبل واحد • والي تعثر يعني طيحتنه سويه
يعني باجر انكسار •• يمنه مجتوفه بيسار
         يا خواتي  يا خواتي

……………………………………………………………


بيا سجه ومدري اليا ديره . باجر مانعرف منوانه
ماكو اهلا كل ديره انطبها . و وجوه مكيفه وشمتانه
و النوگ ولو مالت بينه . راس حسين يميل ويانه

خلّص طف التل والخيمه باجر طف النوگ
اشوه السوط و هاي الهيمه وصيوان المحروك
بعد الشده الكلش صعبه لو طبينه السوگ

بالبدايه •  يا بنات الزهره انتن بالبدايه
بالبدايه • الشام لم احجاره يتلكه السبايه
من السطوح وماي حار •• يمنه مجتوفه بيسار
              يا خواتي  يا خواتي

……………………………………………………………


باجر والجمّال ابعمده . ما بين الموته ايمر بينه
يا رمله اتصدين لجاسم . من دم اوريده امحنينه
يا ليله واخر نظراتج . الاكبر وبدمعه اتودعينه

يا ام عبد الله ابنج باجر بالرمله اتخليه
مذبوح ومامش كاروكه ولا واحد ساگيه
حتى الناكه اتحن الدمعج تبجي وياج اعليه

عالشريعه • كون درب النوگ وانظر للكفلني
عالشريعه • كوم رد اختك يلبزودك جبتني
مني تطلب اعتذار •• يمنه مجتوفه بيسار
            ياخواتي ياخواتي

……………………………………………………………
✍️ ( سيد خضر الزاملي )
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

((#عزرائيل_إتنحه_اليوم)) 
#ملاحظه. (القصيدة حسب الروايات)

…………………………………………………………

رب الكون اصدر مرسوم
عزرائيل إتنحه اليوم
شمعة ديني .. حسين احسيني
انا اقبض روح المظلوم
……………………………………………………………


هاي الروح انا اتولّاها . اشگد شبعت ضيم واهات
يا عزريل ابهالظهريه . مو مره ومات مرات

من سمع صوت ابنه و ركض . عالگاع شافه اموذر
ومو ظهره روحه اتكسرت . من عاف اخوه امگنطر
والثالثه ابحضنه الطفل . و سهم استقر بالمنحر

جا شيظل ابهاي الروح
كل ساعه اتودع مذبوح
و كله ابعيني .. حسين احسيني
انا اقبض روح المظلوم

……………………………………………………………


يا عزريل و لجل حسيني . هل خلقيت انهار ماي
بس اليوم السانه اتفطّر . من گد ما عطشان اهواي

هالروح عذبها العطش . للماي تجذب حسره
من اشفافه خلقيت الورد . وهسه ابعطش متفطره
واهتز يعزريل العرش . من صاح اريدن گطره

ناح اوي الصوت اسرافيل
صاح آه و أحاه جبريل
يمعليني .. حسين حسيني
انا اقبض روح المظلوم

……………………………………………………………


يا عزريل وگلبك ميت . بس ما تتحمل هالروح
حسين وما يتفرزن جسمه . مامش شبر الما مجروح

سبعين الف سهم و رمح . اعليه اصبحت ملتمه
و اسيوف ردت ما لگت . الها مچان ابجسمه
وسهم المثلث مو صدر . من ظهره ينبع دمه

فعلا ما يكدر من شاف
يقبض روح ابهل اوصاف
اشگد منطيني . حسين احسيني
انا اقبض روح المظلوم

……………………………………………………………


شويه وهذا الكون ابكبره . يصبح ظلمه وما بيه نور
من شمر الملعون ايگلبه . بسيف ومن مگفاه منحور

ما يظل راسه اعل الجسد . امعلگ يظل ابرمحه
ايهزون بيه ابلا رحم . والنحر حيل ايجرحه
والوجه ذابل بالذبح . من عنده باگوا صبحه

عالرمح وراس العطشان
ايرتل ايات القران
ما ناسيني .. حسين احسني
انا اقبض روح المظلوم

……………………………………………………………


بعد شويه وغمض اعيونك . احسلك يا عزرائيل
منظر منه الجنه اتظلّم . فوگه اظل تتراكض خيل

ابلا ثوب تصبح جثته . و اعليها حافر يفتر
كلها اشوه سحگات الجسد . بس صعبه سحگ المنحر
اشلائه چن زخة مطر . فوگ الارض تطّشّر

مو عشره ايصير المجموع
خنصرهن يصبح مگطوع
بالكفّيني . حسين احسيني
انا اقبض روح المظلوم

……………………………………………………………


راح اقبض روحها واخذها . يم أمه الـ بالجنه تنوح
بس يا عزرائيل او جسمه . اثلث ايام ايظل مطروح

من فوگه تلسع بي شمس . من حدره گاع اتحرگه
وجروحه مايبگن حُمر . امن الشمس  سوده و زرگه
مو حضن أم ولا أخت . أسهام و رماح اتشبگه

ابلا غسل ايدفنه الدفان
و بنحره اتفوت التربان
ابلا تكفيني .. حسين احسيني
انا اقبض روح المظلوم

……………………………………………………………
✍️ ( سيد خضر الزاملي )
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

وين حد السبي ويهدونه
عمه احنه بياذنب يسبونه
وين عمي ابو الفضل ... جفوفي ماتحمل حبل
طفله وجفوفي تره زغيرونه
.......
عمه انشدج عمتي خبريني
وين حدنه بلسبي دليني
موخلص حته الدمع من عيني
والحبل ياعمتي ياذيني
والله ماصارت كبل... تنجتف ايد الطفل
الورد مايرهم تره يجتفونه..وين حد السبي ويهدونه
........
عمه انشدج ليش احنه مجتفين
اوين حد هذا السبي دليني وين
للوطن ياعمتي هزني الحنين
وارد اشوفن فاطمه وام البنين
تنادي ياحادي الظعن .... جفوف اديه ورمن
تكلهه زينب سكتي ليضربونه..
...... .....
ليش مجتوفه ادينه شنهي صار
وليش شبو بلخيم ياعمه نار
شنهي مطلوبين الهم احنه ثار
ليش مجتوفهةلعد ايد الزغار
خل يفكون الحبل... ارد اهز مهد الطفل
وين اخويه عمه ليضيعونه...
........
دورت كل الظعن انه واجيت
لاشفت عبد الله لامهده لكيت
شفت امي تبجي من عدها استحيت
اكبالهه انه اوكفت عمه وبجيت
صدك ياعمه بنبل... صوبو نحر الطفل
شجان ذنبه عمه ويذبحونه
......
انه اشوف بكل كتر حاطتنه خيل
وانه اخافن عمتي من الصهيل
وين ابويه عمه جاوين الكفيل
ارد انام بحظن ابويه الدنيه ليل
راح اموت من البجي... صيحي ابويه خل يجي
وين ابويه وعمي خل يحمونه..وين حد السبي ويهدونه
.......
عمه من عندي التراجي من خذوهه
عتو اذني حيل همه وجرحوهه
ليش مارحموني لمن سلبوهه
هيج عمه يصير بلتفكد ابوهه
لئن ماعندي ابو... ولاعمام ولااخو
اليتيم الماله ابو يسلبونه


......فارس حساني....

زينب وابسبيهه ابسبيهه يابو فاضل
عين الله عليه عليهه يابو فاضل
          احجاب الباري صار الهه
          زينب محد ايذلهه
-------------------@@@--------------
صحيح أعله المتن السوط بيهه اثر
لاكن عالوجه متطيح بت حيدر
مشت بعدك يكافل كافله الخدر
يتعثر عدوها اوهيه ماتعثر
عباس الوصيه الوصيه يابو فاضل
بدرب الشام أبيه. أبيه يابو فاضل
اختك ها يكافلهه
زينب محد ايذله
-------------------@@@--------------
لازم عل ضوابط إلهه من نقره
معصومة العقيلة بعصمة الصغرى
هاي الما عليهه حاشه كل ثقره
مانلچم جرحهه لازم انجبره
ستر الله سترهه. سترهه يابو فاضل
هوه العنده سرهه. سرهه يابو فاضل
الماشافو ابد ضلهه
زينب محد ايذلهه
-----------------@@@--------------
لله قدمت غربان حالتكم
زينب من مشت بالگلب شالتكم
رفعت راس ياعباس اخيتكم
هيه الكلملت بالطف رسالتكم
هاي ام عون أيه أيه يابو فاضل
وامكمله الرواية. الرواية يابو فاضل
كل عمرك امدلله
زينب محد ايذلهه
-------------------@@@--------------
نبراس الطريق اومنهج العفٍه
حاشاها دفعهه الشامت ابچفه
رغم اعيونهم طول الدرب صلفه
ابكفه السبي چان اوزينب ابكفه
زينب هيه حكمه حكمه يابو فاضل
اتعادل الف زلمه. زلمه يابو فاضل
ربنا بهاي راسلهه
زينب محد ايذلهه
------------------@@@------------
بهيبتهه القصر من وصلت ادوسه
اوگدام العقليه احلوگ مخروسه
بالخطبه حچت والخطبه مدروسه
كلام البالغ اوچنه عصة موسى
يزيد انذل مذله. مذله يابو فاضل
كد كيدك تگله. تگله يابو فاضل
مذهول اويصدلهه
زينب محد ايذلهه
-----------------@@@-------------
خدام اوذچركم هذا يجمعنه
يمن للخوه انتو انطيتو كل معنه
ننادي ابصوت عالي اوكلهه تسمعنه
ياهيبتنه لوله اوجودكم ضنعه
اسمك لو ذكرنه. ذكرنه يابو فاضل
ذچر زينب يمرنه. يمرنه يابو فاضل
محبه هاي نحملهه
زينب محد ايذلهه

الشاعر
ابو عبد الله الشمري

عنك رحت خويه حسين امشي وادير عيوني
لو بـيـدي اضـلـن ويـاك بـس للسـبي يـردوني

  
مشبوحه عيني أعلى الدرب وترجاك
يلحادي مرني
يم اخوتي روحي فلا تمشي وياك
وموتي اليسرني
شنهي العذر منه صحت يالعفناك
و لو ماعذرني
ويه بناتك طحت يمك ونعاك
والشمر جرني
وتشاگفت خويه السوط عندك علم بمتوني

 
يمك سكينه وبدمعها الهمال
هاي الضليمه
تشرحلك الحال وتعاين ياحال
صاحت هضيمه
يا بويه تدري بچفي مشدوده احبال
واصبح يتيمه
شوف التراچي انجرن ودمي السال
وراحن غنيمه
وكل همي اضلن وياك لاكن غصب جروني

 
من ودعتكم خويه بالگوه امشيت
وانگل بجدمي
ونت الموت اگبال جسمك ونيت
يا كبر همي
كل اهلي ماتو توني يمك حسيت
وعرفت يتمي
ياريت اموت وياك بالطف ياريت
ياريحة امي
اي والله اضـل يالعطشان لويمك يخلوني

 
يم النهر عفت الوفه يم عباس
وعفت الكفاله
ماتدري ضلت حايره بين الناس
بنت الرساله
مجبوره زينب مشت يابو النوماس
والحاله حاله
تحاچي الرمح خل يلتفت هذا الراس
ينضر عياله
عندك علم يا عباس شمر اليباري ضعوني

 
كلمن تصد اعلى الولي وتحاچيه
والدمع محمر
رمله ولدها تشوفه دمه محنيه
وبالدم تعفر
ولـيله تـحشم يـم علي وتـنخيه
اكـعد يالاكبر
وام الـرضيع اعلى الهزل وتناغيه
يمه اللبن در
مـتـغيره  ارسـومك ليش يابعد روحي ولوني

 
راحـت رقـيه وروحها يـم حسين
بالغاضريه
حضنچ تطشر يلي جرحچ جرحين
هـاي المسيه
يادهـري چـا ليش اتيتم مرتين
شتحمل رقيه
جيبولي راس الوالد تريده العين
وردت المنيه
   خـلونـي انـامن ويـاه ياعـمـه لتگعدوني
   

        هاني  ناصر السعيدي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

قصيدة في يوم الدفن

ها يبن اخوي وصفلي حالتة
ابحر السموم خلينا جثتة
====================
تعبان اشوفك يا علي وامترب الراس
وبعيونك ايلالي الدمع مخنوكَ الانفاس
ابن امي جسمة اعله التراب بحافر انداس
ومن طاح ابو اليمة شفتها اتفرهد الناس
بتراب اديك اشتمها ريحتة
ابحر السموس خلينا جثتة
=======================
السجاد...
يابس ابوي امن العطش وبگلبة نيران
يا عمة وبساعة ذبحتة ايصيح عطشان
رشيت ماي اعله الگبر من جيت دفان
شحچيلچ ابحالة اشفت دلالي حيران
عطشان ابوي وعدانة ذبحتة
ابحر السموس خلينا جثتة
========================
گلبي انشده من شوفتة ومتيه الافكار
عريان جثة اعله الرمل ومغطة بغبار
حر وسموم ابكربلة وبيها الرمل حار
يا عمة بالحر والشمس هالثالث انهار
ريت العيون عمية ولا شافتة
ابحر السموس خلينا جثتة
======================
شلت ابحصيرة جثتة اموذر عالتراب
ولمن شفت حال الابو دلالي انصاب
مگطوع اصبعة شاهدت گطعوه الاجناب
منظر ابوي وخنصرة عن بالي ما غاب
اصبع اديه سلابة گطعتة
ابحر السموس خلينا جثتة
=====================
نزلت ابوي ابحفرتة ومن نحرة اسمعة
وسد على صدري الطفل اذاني وضعة
مشابكٌ شفتهم بالگبر وبعيني دمعة
مر الصبر وانة بحزن بالگوة اجرعة
حاچاني صوت من نحرة طلعتة
ابحر السموس خلينا جثتة
======================
أسألكم الدعاء رائد الاسدي

قصيدة يوم الدفن

كَوموا يا بني سد دفنوا الحسين
حطوا بالكَبر من غير تچفين
--------------------------------------
ثالث يوم مرمــــي اعــلى الترايب
چبدة من العطــــش ويــــلاه ذايب
يعين الله الــــعقيلة اعله المصايب
تنوح علــــيه وتهل دمـــعت العين
---------------------------------------
حفروا اهنا حفيرة وحطوا الانصار
ناموا عالوطية ثــــــــالث انــــــهار
بكَلبي من شفــــــتهم شـبوا النــــار
وخلوا بالكَلب حـــــــسرات وونين
------------------------------------------
حطوا اهنا حبيب ابحفرة وحدة
وبيدي بالكَبر انــــة ارد اوســــدة
ماقصر حبيب ابــــيوم شـــــــــدة
صار معين يوم المــــاكوا معــين
-----------------------------------------
خل انروح كلــنة للشريـــــــــــعة
النة چفوف عالــشاطي كَطيعة
ظيعنة ابغيابة شلــون ظيــــــــعة
من صابة العمد والــراس نصين
---------------------------------------
عمي انصاب كَلبي ابطيحتك هاي
ميت عالـــــشريعة ابحسرة الماي
ياعمــــــــي مصابك فتت احشاي
ما امل البـــــــواچي طول السنين
----------------+---+------------------
امشــــــونة انـــروح للوالد ندفنة
اموذر بالســـيوف اشلون احظنة
ارد اشبــــــــــع وداع اليوم منة
يا بوية ابدليـــــلي صابني البين
-----------------------------------------
يا بوية اعلى صدري طفلي خليه
صوت من النـــحر يسمع يحاجيه
وحط ايدي عليــه ارد اشبكَ عليه
يا بوية ابـــــــيك تــــــدري حنين
---------------------------------------
جيبولي حـــــــــصيرة انلم الاكبر
جسمة بكربلة عضــــــــيدي توذر
وحط القاسم وكَلـــــــــــبة تمرمر
هاي كَبور اهلــــــــــنة يا موالين


أسألكم الدعاء رائدالاسدي -