وكلي شلــــــــون لميته… يدفان
موذر عل تراب ومــات… عطشان

خليــت الولي عله الكاع مطروح
ظامي ومات اخيي هناك مذبوح
خلافه شلون تبره وكلي الجروح

وما بين الــــغرب .ماعده .خوان

هناك حسين ظل مطشر هناك
وياهو البــــدفن جا حاضر وياك
من يوم الرحــــت ظلينه برجاك

والكبره انشدك حاط….  نيشان

مطشرته بلحــوافر حدر الخيول
خليته وحــــــــــيد هناك مكتول
بدفنه شلــــون يلسجاد شتكول

مســلب ظل علئ التربان.. ذبلان

سهامه شلون كلي طلعــــــــــتهن
وياســــــهم التركته وظال منهن
وبدفنه نخاف عمه انته وعــفتهن

المثلث صعــــــــــب يراد… عوان

المــــــــــثلث بگلبه والبصدر نام
وكلته حنــــــه بقينه خلافك ايتام
شينــفعني الطم ولطم علئ الهام

خلاف وبلــــگلب وتزيد… الحزان


ابو سلام ابجابري

أدري يالدافن حبيبك
ساجن بگلبك نحيبك
ياصبر عندك يِصح
راجع وچنك جرح
———
يالرحت تدفن حبيبك راح وياك الگلب
عين ضلت عاليتامه وعين تربي إعله الدرب
بنتظارك دمعه دمعه وآنه مابين الغُرب
أبطولك أمبينه المصيبه وحال المِفارِگ صعب

وآنه أنتظرك تجيني
ماغفت ياعمه عيني
هايبو گلب السَمح
راجع وچنك جرح
———-
إمودع باألله گلتلك وآنه أدعيلك تِرد
خفت لا موتك يجيلك من على أحبابك تِصد
ياجرح ميطيب وأنته اليا جرح رايح تِشد
وهسه اجيت وأرد أنشدك يامن إدفنت الورد

العايشه چنت إبحميته
عمه سولفلي إشلگيته
يالتِون ليل وصبح
راجع وچنك جرح
———-
إشسولفت ويه الحبايب عمه من يوم إوصلت
ووگفت وين إبحنينك ياعلي أو وين إوگعت
آنه دورت إعله كلهم من على التل إصعدت
وأنته چنك عن بقايا إجسوم أهلك دورت

من سَحِگ ذيچ الحوافر
بالغوالي شنهي صاير
عندك إشچم منذبح
راجع وچنك جرح
————
أقره بعيونك مناحه وهم أبد ما ينجلي
إبچي وإلتم بحسرتي وبهظم گلبي إختلي
بيك من جسام شوغه وچنه نَوحك معتلي
إشصار بيك ومن حضنته أعضيدك الأكبر علي

گِلي من رحت وشفتهم
إبيا ونين أنته أدفنتهم
رايح وحزنك صَرح
راجع وچنك جرح
————
جايني وكل خطوه تعثر بيك شمسوي الألم
وتشهگ أنفاسك وأخافن مار برماد الخيم
وليش يالسجاد حيلك يابعد عيني إنهدم
تحچي دمعاتك أحسها عالچفوف وعالعلم

آه ياطيحة كفيلي
هدمت حيلك وحيلي
ابدمعه دم ماتنمسح
راجع وچنك جرح
———
آه والآه أشكبرها وبدليلي إشگد قهر
عمه ابوك حسين شفته ابحاله شمسوي الدهر
آنه يوم اهدعش عفته جسمه متوذر وذر
وعفته من سحگ الحوافر كل ظلع مِنه انكسر

إموذر وبيمن جمعته
هوه ووليده دفنته
الهذا راسه إعله الرمح
راجع وچنك جرح
———-
سيد مرتضى الموسوي

راجع
من غيبتي اوجيشي الخدم
راجع
ابـدمـعـي أطفـيـهـا الخيم
راجع
حـي اعلـى ثــارات الـحـرم
راجع راجع

****

انا الـمـوعـود راجـع مـن غـيـابي
انا الشيـبـت روحـي بـعـز شبابي
انا الـكـدام عـيـنـي انـگـسـر بابي
انا مصاب الحسين ايظل مصابي
انا الـمـحـد عــرف قـصـة عذابي
انا بـفـقـاري راح اكـتــب جـوابي

ثاري
مـن الگسر ظهر النبي
ثاري
من الأخـذ زينب سبي
ثاري
ماطاح بچفوفي العلم
راجع راجع

****

اعود بـواهـس اوعــزم الهواشم
اعود اوبيدي كـل هــاي العوالم
اعود امـن الله عالـثـارات قـــادم
اعود بسيفـي وبنهجي المُسالم
اعود او علمي مـا مـر اعلـه عالم
اعود وبيدي اصفي احسابي لازم

بيدي
ابني البقيع امن الذهب
بيدي
مو قبه وحـده ابني قبب
بيدي
أكتب هُـنـا أهـل الشيم
راجع راجع

****

حزين اونضرتي تسولـف مصايب
حزين او بـعـد مـا ريــده اليعاتب
حزين اودمعـي دم اعله الحبايب
حزين اوشـيـبـتـي هـيـه التجاوب
حزين ابــيــن آهــــات الـنــوايــب
حزين اعله الـبـقـن بـيـن الخرايب

حزني
مـا يشبه الحـزن البشر
حزني
امـن الظلع لآخر صفر
حزني
ابصدري نابت چم سهم
راجع راجع

*

دمـع عيني جمر عـاش اعله الخـدود
دمـع عـالـكـافـل المـگـطـوع الزنـود
دمـع يـامـا بـچـيـت بـسـچــة الجـود
دمـع مدري اشكد اعله الخيم مريود
دمـع بعـيـونـي مـا خـلـيـت مـوجـود
دمـع بـديـتـه گـلـه او أنــا الـمـوعــود

دمعي
صبح او مسه مثل النهر
دمعي
يـامـا بـچيتـه اعله الكمر
دمعي
مـن الـمـهـم يـبـقـه أهم
راجع راجع

*

عشت عـمـري غـريـب ابـيـن الكبـور
عشت گلي عطش من عطش عاشـور
عشت مذبوح دمعي وظهري مگسور
عشت مـثـل الـسـبـايـا بگلب مجمـور
عشت حـال الـفـراشـه الفگدت النـور
عشت مشـاي عـمـري ابـلايـه مأجـور

عايش
رگـضـة يـتـامـه بالجمر
عايش
يـومـيـه طـف بـيـه يمر
عايش
والحافر بظلعي انهشم
راجع راجع

*
عظم الله لنا ولكم الأجر

سليم الغزالي

#قصائد_الامام_الحسين_ع


يالخنصرك مكطوع. سوده عليه
يالخنصرك مكطوع. بالغاضـريه
ذبلت يالغالي اشفاك. بالونه يمه انعاك
بالغاضـريه
…………
اجيت ابلــيل ادور تــــــعثر اجدامي
اويلي اعليك يبــني يالمتت ضامــي
اجيت م‌ـــِْن المــدينه لزهرة ايامــي
ادور وين اصبــعك منكطع دامــــــي
م‌ـــِْن المدينه اليوم. جيت بحسرتي
م‌ـــِْن.المدينه اليوم. سالت دمــعتي
كل لحظه انه وياك. بالونه يمه انــــعاك
بالغاضــــريه
…………..
اشو ماكو جــــمالك يــمه متــــــغير
فلا صــدكت انــته وعقــلي متــحير
لكيتك يبني طايــح دامــي المنــحر
علـّۓ هاي المــواقف يــمه ما اكــــدر
ما صدكت مذبوح. فوك الوطــــــيه
ما صدكت مذبوح. يبن الزجـــــــيه
حر الشــمس اذاك. بالونه يمه انعاك
بالغاضـريه
………….
عزيز الروح انــــته يمه حاجينــــــي
سكوتك ه‌‌َـَْـُذآ يبني حيــــل ياذيــني
اليٱلمــــك يا جــرح يا يمه دليــــــني
اخذ من عِنـ.‌‌‌‌‌ـديّ كلشي يمه يحسيني
حار الترب يا حيف. ويجوي خدك
حار الترب يا حيف. ياهو اليضمدك
حاجيني يبني ارجاك. بالونه يمه انعاك
بالغاضـريه
…………
اجيت بضــــــلعي يمه وتــــستعر ناري
اجيت الطــــــم وانوح لجسمك العاري
انه كل ليله يــمك مدمــــــعي جــٍّــاري
عمت عيني اعله صدرك يا رضه الباري
ون كلبي يمه اعليك. كل لحظه تدري
ون كلبي يمه اعليك. ما يطفه جمري
اشلون الترب غطاك. بالونه يمه انعاك
بالغاضـريه
…………
اشم ريحة انفاسك يبني بنفــاسي
انه م‌ـــِْن المدينه وهايج احساسي
الكطع نحرك ييمه جن كطع راسي
يبو الاكبر اويلي هل زمن قاســــي
اسمع ونين ونوح. وانحب يويلي
اسمع ونين ونوح. يلجم دليــــلي
كــــلبي بٱلم ناداك. بالونه يمه انعاك
بالغاضـريه
…………
سمعــــتك من كلت اه العطـــش يكتل
شفت نــــــحرك ييمه ايه م‌ـــــــِْن رتل
وشفت زينب اخيتك صعدت اعله التل
بمســــيرتها تــــون وتنــــوح عالــــهزل
شفت الشمر بالصوط. طك زينب اختك
شفت الشمر بالصوط. تحــــضرها رتك
راوتها الم دنــــــياك. بالونه يمه انعاك بالغاضـريه
…………
الخادم المقصر ناجي ابو كيان الصالحي ونسألكم الدعاء لي ولوالدي

#قصائد_لسان_حال_ايتام_الحسين_عليه_السلام
#طور_يخيمات
،،،،،،،،،،،،،،،،،،،،،،/////////،،،،،،،،،،،،،،،،،،،،

معانات. بعدك يالابو عشنه معانات
نمشي عالجمر نكطــــع مســــافات
وحده اتـــٌلوذ بالوحـــــده اليتيمات

———————————///////////—————-

بين الصحاري. ابلا حمه. نمشي ودمع سبايه
وسفه. بنات. ال النــبي. يمــــشن بلا حمايه
فوك الجمر. داس الجدم. لا كافـــــــُـل ولرايه
ضلينه بس حيره. وعتـــب. ومشمسه العبايه
عالاتراب. عفنه الاهل يا ويلّي. عالاتراب
احنـــــه ازغــــــار يســـــبونه بلا أسباب
بس رغـٰـــــــــم الجره ما طاح الاحجاب

———————————////////////—————-

بين الدمع. بين الالم نشـــكي قصص المنه
نكتم بجينه. من العدو. لمن سمـــع شتمنه
منهم ولا. واحد حضر. كلهم مشــــٰــو زلمنه
والغالي نايم. عالترب. من شـوفته انحرمنه
الحسين. نام وعاف ايتامه الحسين
ضلت بالدمـــــع تتســـٰــله هالعين
راحـٰـٰـــٰـٰــــو بالغدر كـــــل الميامين

————————————///////////————-

جرح الليالي. والحــــٰــزن. ما فارك العقيله
عمتنه زينب. ياوضــــُٰـع. بس الدمع تسيله
ضلت وحيده. ابكربله. هيه البـــقت كفيله
عمنه الكمر. يم النــــهر. واكـــع منو يشيله
الاجفوف. طاحن عالنهر منه الاجفوف
ياهو اليحــــــضره ولحـــــــاله ايشوف
ويلّــــــــــــــي ما بقه واحد بالاطفوف

————————————////////////————-

وحشه الدرب. ما ينحمل. واحنه نون يتامه
بينه الزمن. قاسي اشكثر. خله الدمع علامه
يعثر جدمنه. من التعب. ماكو بعد سلامه
اهل الحميه. سافرو. ماضلو..... النشامه
يعودون. ماضنهم بعد لينه يعودون
ضلو عالترب غموضها .....العيون
اشكد نادينه بس ماضن يسمعون

————————————/////////////————

ضلينه بس. طرك الدمع. واحنه حرم بقينه
ويه الغرب. نمشي صعب. ومجتفين ادينه
تضربنه ناس. ابلا رحم. .تنشدنه عن ولينه
من نامو. اهل المرحمه. ضَل العدو يحدينه
من الاخيام. ماضل اي اثر باقي من الاخيام
راحـــــــــــــت كل زلمــــــٰــنه ذيج الاعلام
واحــــــــــــنه بالســـــــــبي ولديرة الشام
————————————/////////////————-

الخادم المقصر ناجي ابو كيان الصالحي
ونسألكم الدعاء لي ولوالدي

#قصائد_مولاتي_زينب ع

يا جروح الزمن عيشتني بمحـــن
غريبه راح اروحن
غريبه ليش اضلن
يا غربتي يا غربتي
___
يذبح الطف وعذابه اخذ مني اعزاز گلبي
وين جانت هاي اليه ثگل حملي وزاد تعبي
اخذ مني شكو غالي عمه عيوني وتاه دربي
رحت للشام وعفتهم كل اخوتي وعيني تربي
عيني صوب الأهل گضو كلهم جتل
اسيره وهاي صعبه
سيره وناس غــربه
يا غربتي يا غربتي
____
ليل وحشه ابلايه اخوتي والغرب تحدي ضعنهم
عشت بالطف لوعه لوعه وبالغصب رحت وعفتهم
الجانو افياي اعله زينب حرگو الخيمه اعله اختهم
حگي من يشيب راسي احنان كلهم فاگدتهم
فگد اخوتي صعب وامشي ويه الغرب
عفتهم عالترايب
عفتهم گلبي ذايب
يا غربتي يا غربتي
___
قهر ليلي راح يخلص حده الحادي وسار ضعني
امشي بدروب المنيه موش زينب صرت جني
انه بت حامي الحميه وكتي اخذهم ليش مني
نامو وخلوني وحــــــدي مادرو بالصار عني
والحده بالضعن كلبه لا ما يحن
ضعنهم. راح وسفه
ضعنهم هـــاي كلفه
يا غربتي يا غربتي
____
بعد خدري وكل دلالي لن اسيره وشمر حادي
ويني ووين الهزيله وصـعبه اطــلع بالبوادي
نضرت الشمات تكــتل والمشي ويه الاعادي
بهذا حالي وصحت يمه وينج ابحسره انادي
صحت يمه ونحت زينــب اتغربت
وحيده يمه زينب
وحيده بقت تنحب
يا غربتي يا غربتي
_
الحادي لمن سار بينه كتله مرني وما خذاني
كتله اريدن يم اخوتي ارد احـاجيهم ثواني
ارد ابدي ادموعي يمهم بلكي يگعدهم حناني
هاي طلبه وردت منه بـــس لجنه ما رعاني
كلبه مثل الصخر ما يحن جن حجر
عالنوگ ودعتكم
عالنوگ هاي اختكم
يا غربتي يا غربتي
____
الخادم المقصر ناجي ابو كيان الصالحي ونسالكم الدعاء لي ولوالدي وللمؤمنين والمؤمنات

متى ستظهر   اللهُ أكبر
يا مهدي   يا مهدي
🛑🛑🛑🛑🛑
حُزْنُ الطَف في اَلْأَعْمَاقِ قَدْ حَلَّا
آلَ اَلْمُصْطَفَى في كَرْبَلَا قَتْلَى
نَالَ اَلْمَوْتُ مِنْهُمْ أَيُّهَا اَلْمَوْلَى
عَلَيْهِمْ بَاتَ يَبْكِي اَلْعَالَمُ اَلْأَعْلَى
صَوْتاً تَكَرَّر   اللهُ أكبر
يا مهدي   يا مهدي
🛑🛑🛑🛑🛑
نحْرُ السبطِ فَوْقَ اَلْأَرْضِ يَجْرِي دَم
هوى بالطفِ ابْنِ اَلْمُصْطَفَى اَلْأَعْظَم
عَلَيْهِ يَذْرِفُ دَمْعَاتُهُ اَلْأَدْهَمْ
عَلَيْهِ صَلَّى رَبُّ اَلْعَرْشِ وَسَلَّمَ
حـــزناً تَفَجَّر     اللهُ أكــــــــبر     يامهدي     يامهدي
🛑🛑🛑🛑🛑
حُسَيْنْ الدينِ وَالْقُرْآنِ مَجْرَاهُ
وللهادي وَرِيثاً نَالَ عَليَاهُ
بَكَاهُ اَلْكَوْنُ أَقْصَاهُ وَأَدْنَاهُ
وفي اَلْعَلْيَاءِ دَمْعٌ بَاتَ يَنْعَاهُ
دَمْعٌ تُقَدّر   اللهُ أكبر
يا مهدي   يا مهدي
🛑🛑🛑🛑🛑
___
هوَ اِبْنُ من بِهِ لِلْقُدْسِ قَدْ أسْرى
هوَ اِبْنُ هَلْ أَتَى وَالْآيَةِ اَلْكُبْرَى
عَلَى نَهْرِ اَلْفُرَاتِ قَدْ قَضَى صَبْرا
وَأَمْلَاكَ اَلسَّمَا ناحت لَهُ قَهْرا
أَمْر تَقَرَّر   اللهُ أكبر
يا مهدي   يا مهدي
🛑🛑🛑🛑🛑
 
 
 
أُعَزِّي فِيهِ أَصْحَاب اِلْعَبَا طَرَا
ولا سِيَّمَا اَلْبَتُولُ اَلْبضْعَةَ اَلزَّهْرَا
حَبَاهُ اَللَّهُ في اَلدُّنْيا وفي اَلْأُخْرَى
مقاماً شَامِخاً دَوْماً لَهُ اَلْاجرا
متـــى ستثأر   اللهُ أكبر
يا مهدي   يا مهدي
🛑🛑🛑🛑🛑
 
___
سيبقى دَائِمٌ فِي قَلْبِنَا الجُرْحِ
سنبقى يا إِمَامَيْ نَتْلُو بِالْفَتْحِ
عُيُونٌ تَأْمُلُ إِشْرَاقَةَ اَلصُّبْحِ
لِأَعْنَاق اَلظَّوَالِمْ سَيْفُكَ يُمْحِي
يا شِبْل حَيْدَر   اللهُ أكبر
يا مهدي   يا مهدي
🛑🛑🛑🛑🛑🛑🛑🛑🛑🛑🛑🛑🛑🛑
وليد المندلاوي

من لـون حزنك حزنـي والأمـي
وبروحي شايل جرحك الدامي
حبيبي ... حبيبي
.......................................
يا هضيمه الليل إذا مر والك ما باچي دمعه
يا حسافه اني سالم وانت خيل ادوس ضلعه
عمري إذا ما يخلص بأيام حزنك شنهي نفعه
موش سمعه هذا حبي وياك فطره وموش سمعه

كـــون بعزائك تنگـضي ايامـــي
وبروحي شايل جرحك الدامي
حبيبي ... حبيبي
.......................................
لحظه لحظه لشهر حزنك ناطرت وبلهفه أتاني
تايه أني ومدلي چف دمعي وعلى دربك خذاني
ليش اعاني وأنه عندي حسين واحد ماله ثاني
اعترف لك سهم حبك ماخطه بگلبي اجاني

محبوبي انت وروحي واحلامي
وبروحي شايل جرحك الدامي
حبيبي ... حبيبي
.......................................
يا حلاته الرخص ادموعه بعزائك يا حلاته
شكبره حظه والف هنياله الصرت قبلة صلاته
كل حياته الشايل اجروحك توفق كل حياته
عالي شأنه وابد ما ينصه يضل حتى بمماته

وبگـبري كــون الگــاه گـدامــي
وبروحي شايل جرحك الدامي
حبيبي ... حبيبي
.......................................
بيك هايم امن الزغر يحسين گلبي بيك هايم
شرف هذا من تگول الناس عني هذا خادم
يبقى نادم الراح يم غيرك يضيع ويبقى نادم
صعبه صعبه حسين فوگه الخيل تسحك وأنه سالم

وابن الزجيـــه منذبخ ضـــامي
وبروحي شايل جرحك الدامي
حبيبي ... حبيبي
.......................................
يا حبيبي العايش بروحي جرح ينزف محنه
ماكو منه حسين يا اول عشك يل ماكو منه
حسين اهلنه شما ينشدونه نكول حسين اهلنه
والله جنه خدمتك يحسين عدنا والله جنه

وبالخدمه عالي رفــت اعلامي
وبروحي شايل جرحك الدامي
حبيبي ... حبيبي
.......................................
ابو حسن الجعاري

الدفن

ماحچت بس اشرتلي ابأيدها
تريد اسألك عمه عن اوليدها
++++++++
صوت ماعدها الحچي من عدها غاب
هاي ثلث ايام ماتحچي الرباب
گاعده اتلولي الحضنها بالتراب
اتشيل اديها انوب تحضن جيدها
++++++++
بالبالخرابه چي سگف بيها اعله هاي
اتكترت ماترضه تگعد بالفياي
اشرتلي اتگول شرب ابني ماي
لو بعد جثته العذب شيفيدها
++++++++++
اتگول وين ادفنته چا عبد الله وين
الهسه ملفوفات بگماطه الادين
وحده دافن ابني لو وي الحسين
الگبر وحشه اعله ابني ايزيدها
++++++++++
نـام ابـنـها بالتراب الغالي نـام
فوگ صدر حسين مابين السهام
شالهن ذرعانه وافهمت الكلام
من بچه عبد الله امه ايريدها
++++++++++
ويه ابوه حسين وبنفس الحصير
حته جسم حسين هم صلير زغير
ما اميز بين الاول والاخير
لا تساليني وبعد ماعيدها
++++++++
عمه من عبد الله مگطوع النصيب
خل تبطل من دللول الحبيب
الراح مايرجع ولا حته النحيب
اير اهلنه هناك سكنت بيدها

ثائر الربيعي

آ يدفان العشيره
محنتك محنه چببره
يلي دافن والدك
عمه  الله ايساعدك
ـــــــــــــــــــــــــــــــ
يلي دافن كل هلك.. فد سؤال ارد اسألك
ليش راجع وحّدك من الدفــــن
وين اخوتك والاهل.. محد اعليه سأل
وين وادمنه شعجب محد يحن

شفنه الي يرد من دفنت احبابه 
تفزعله العرب بدموع سچـــابه
تنشف دمعته وتهوّن مصابــه
اشـو مــحد تلگاك وفتح بابــــه

وسفه اهلنه والگرايب
نايمه حــــدر الترايــب
دافن اهلك وحدك
عمه الله ايساعدك
ـــــــــــــــــــــــــــــــ
ذكرتني بالغريب.. من رجع شابع نحيب
من رجع محني على افراگ الگمر
اليوم تشبه مشيته.. وذكرتني امصيبته
من رجع للخيمه مكسور الظهر

ويصبرني ويدري مختنگ صــدري
ودعالي الله يطول عالمحن صبري
اسمعه يگول الآن انكسر ظــــهري
عگب  عبــاس ماريدن بعد عمـري

ابهل مصيبه ذكرتني
وانهدل ياعمه متني
الوكت عالهم واعدك
عمه الله ايـــساعدك
ـــــــــــــــــــــــــــــــ
ابثوبك تراب الگبر.. خل اشمه بي عطر
الريحة حسين شكثر مشتاگه
ماخذتني ياعلي.. عمه ياباقي هلي
الوالي تدري مگدر اعله افراگه

يالدفـــان انشدك بالله يالدفـــــان
سگيت حسين گلي لو بقه عطشان
هلبت ماي رشيتــه على التـــربان
هالميــــت ذبيح وماله كل خوان

عالترب ظل ما تــچفن
هدومه بالدم عمه ضلن
بالدفن من ساندك
علي الله ايساعدك
ـــــــــــــــــــــــــــــــ
لاگرايب لاعرف.. ولابقه واحد كلف
تذرف ادموعك اجيت ومنكسر
منهظم حگك اجيت. يالدمع والدم بچيت
هواي باچي وصايره عيونك حمر

ياعمه على مصابه عمت عيــني 
ولا مليت ساعه وبطل ونيـــــني
يريت اوياه دافن ياعلي سنيني
يانــــار الأخـو ليــليــــه تچويني

والدمع سولف مصابي
وعالوكت دايم عتابـي
اشماله دهرك زاهدك
عمه الله ايساعدك
ـــــــــــــــــــــــــــــــ
مصيبتك تحني الظهر.. ظهرك وظهري انكسر
حسين محد شيعه من العرب
جنازه ما الها اهل.. الساده ما واحد وصل
للغريب التالي هندامه انسلب

ولاحرمه اعتنت ليه وتواسيني
لمُيت الضعن بالنوح لحـــسيني
لاصوت البقه يساعدني بونيني
ودمع العين لمصابـــه يــچّويني

وزينب آنه الهاشميه
امشي تـاليها سبــيه
وحالي ادري ماردك
عمه الله ايـــساعدك
ـــــــــــــــــــــــــــــــ
حيدر بشار الدراجي

اجيت ابدمعتي يحسين
عن....جسمك ادور وين

شفت المنگطع نحره
خيل اداست ابصدره
*******
گلي بيش اضمدك وحسب اجروحك
ما خله الحجر من صابك ابروحك
يمه شلون اعرفك والدمه اسفوحك
مچفي اعله الوجه ما ينسمع نوحك

حيره اشلون أعرفنك
يوليدي اردا اشمنك

بنحرك لو ارش گطره
خيل اداست ابصدره
*******
يمك لو طحت من ظلعي محنيه
يذبحني الحزن من دهري يوميه
يمه اشصاير ابحالك يبو ارقيه
من جرح الجرح ما تشرب اميه

ليش امكسره اسنونك
چم طعنه يطعنونك

خياله ابحقد عشره
خيل اداست ابصدره
*******
اجيتك والگلب يبني اشكثر حسره
ادور عالاصابع تسعه مو عشره
شفت حتى السهم يوصل حدر ظهره
اگعد يمه اجيتك فاطمه الزهره

يمه اشلون اشبگنك
ما سالم كتر منك

بروحي ظلت الجمره
خيل اداست ابصدره
*******
يا حيره من المك والجسد اثار
يمه انه وعلي بگليبي شبت نار
جابولك حصيره وظل علي محتار
اشلون ابلايه راسك نزل الحفار

يايمه الدفن حيره
ضاعت كل تعابيره

يمه يا علي اتحضره
خيل اداست ابصدره
*******
گعدت انه عله گبرك والعطش بلوه
جبتله اميه بلكي اوليدي يتروه
من حر الرمل كل ونه يتچوه
ياويلي الحجر من جبهته اشسوه

احني ابظلعي المكسور
ذبحوني ابظهر عاشور

غيمه بلا مطر صحره
خيل اداست ابصدره
*******
حسراتي من اسولف تجرح الاحساس
تاليهه......... الوكت نزلتك بلا راس
يمه وي علي السجاد احشم الناس
جيت وياك انوح وانظر العباس

بالحسره اسمع اونينه
موعد منطي لسكينه

طايح جربته ابكتره
خيل اداست ابصدره
*******
تمت بعون الله تعالى
الشاعر____يوسف الفتلاوياجيت ابدمعتي يحسين
عن....جسمك ادور وين

شفت المنگطع نحره
خيل اداست ابصدره
*******
گلي بيش اضمدك وحسب اجروحك
ما خله الحجر من صابك ابروحك
يمه شلون اعرفك والدمه اسفوحك
مچفي اعله الوجه ما ينسمع نوحك

حيره اشلون أعرفنك
يوليدي اردا اشمنك

بنحرك لو ارش گطره
خيل اداست ابصدره
*******
يمك لو طحت من ظلعي محنيه
يذبحني الحزن من دهري يوميه
يمه اشصاير ابحالك يبو ارقيه
من جرح الجرح ما تشرب اميه

ليش امكسره اسنونك
چم طعنه يطعنونك

خياله ابحقد عشره
خيل اداست ابصدره
*******
اجيتك والگلب يبني اشكثر حسره
ادور عالاصابع تسعه مو عشره
شفت حتى السهم يوصل حدر ظهره
اگعد يمه اجيتك فاطمه الزهره

يمه اشلون اشبگنك
ما سالم كتر منك

بروحي ظلت الجمره
خيل اداست ابصدره
*******
يا حيره من المك والجسد اثار
يمه انه وعلي بگليبي شبت نار
جابولك حصيره وظل علي محتار
اشلون ابلايه راسك نزل الحفار

يايمه الدفن حيره
ضاعت كل تعابيره

يمه يا علي اتحضره
خيل اداست ابصدره
*******
گعدت انه عله گبرك والعطش بلوه
جبتله اميه بلكي اوليدي يتروه
من حر الرمل كل ونه يتچوه
ياويلي الحجر من جبهته اشسوه

احني ابظلعي المكسور
ذبحوني ابظهر عاشور

غيمه بلا مطر صحره
خيل اداست ابصدره
*******
حسراتي من اسولف تجرح الاحساس
تاليهه......... الوكت نزلتك بلا راس
يمه وي علي السجاد احشم الناس
جيت وياك انوح وانظر العباس

بالحسره اسمع اونينه
موعد منطي لسكينه

طايح جربته ابكتره
خيل اداست ابصدره
*******
تمت بعون الله تعالى
الشاعر____يوسف الفتلاوي

.
منذ سنين طويله.. ولاول مره.. صحن العقيله خالي من مجالس شهر محرم.
وكاني انظر اليها وحيده.. تنادي.........
.
.
.
.
ها يخدام... وحدي بالشام
من البواچي ونواعي صحني خالي
والله مشـتاگه تــرد ذيچ الليالي
.يخدام..
.
. ـــــــــــــــــ ❁ ❁ ❁ ـــــــــــــــــ
.
آنه اخت الـ بلحوافر صدره مسحوگ
ثوبه محروگ.. والبواتر وصلته
.
آنه اخت الضامي الاصبح چبده تنور
گلبه مفطور... يصد طرف العيلته
.
شفت بعـيوني الشمر نحره يگطعه
وابن ربعـي بالرمــــح راسـه يرفعه
حرمله بنبـلاته كل ســــاعه يبضعه
وبجدل يجر خاتمه ويگطع بصبعه
.
گلبي محتام .. وحدي بالشام
فكري مهموم والف حسبه بخيالي
والله مشتاگه ترد ذيج الليالي
يخدام.
.
. ـــــــــــــــــ ❁ ❁ ❁ ـــــــــــــــــ
.
هل محرم وآنه وحدي بين الارجاس
وتنشد الناس... وين صارت شيعتچ
.
هايزينب والمواكب كلها راحت
بليله طاحت .. ويه طيحة رايتچ
.
الرايه طاحـت وانذبــح يالحره صوتج
والحچـي بــس النه واعلنه سكــــوتج
بعد محد يجــري دمعــاته اعله اخوتچ
الف موته بحسره هم زيدي اعله موتج
.
عيني متنام.. وحدي بالشام
كلشي ضاع وفارگت عزي ودلالي
والله مشتاگه ترد ذيچ الليالي
. يخدام...
.
. ـــــــــــــــــ ❁ ❁ ❁ ـــــــــــــــــ
.
راح اوصف حالي الكم يالتنشدون
يلي تبچون.. ابليالي مصيبتي
.
آنه چان البابي تكصد كل العيون
اويشبعون.. بفضل كسرت خبزتي
.
حالي اصبح هالمسه غربه اعله غربه
مايي عطـشان ويــريد احد يشربه
اليقبل العـــتبه يسـمع كلمه صـعبه
واليصلي بصحني مايلگاله تـــربه
.
كلها ظلام.. وحدي بالشام
ياهظيمه وما يمر يم بابي غالي
والله مشتاگه ترد ذيچ الليالي
يخدام...
.
.ـــــــــــــــــ ❁ ❁ ❁ ـــــــــــــــــ
.
الي چان بحضرتي يبلع لسانه
حد سنانه... ورجع يجمع زمرته
.
كل مسيه يگصد الخوله ورقيه
بسم اميه.. يظل يرد بخطبته
.
يارقيه صـدگي عـــودچ مو مسافر
احنه دسنه صدره بالطف بالحوافر
ها يخــــوله وقصــتج مـو بالدفاتر
ومايـذكـرونچ ابــــد اهـــل المنـابر
.
برشگ الاسهام... وحدي بالشام
واليصـوب نبلته يگصد قتالي
والله مشتاگه ترد ذيچ الليالي
يخدام....
.
. ـــــــــــــــــ ❁ ❁ ❁ ـــــــــــــــــ
.
آنه بت حيدر علي كبش الكتيبه
امي الحبيبه.. دربتني اعله المحن
.
اجمع بأيتامي واسحگ جمرة النار
هايالبرار... وللعدو مارف جفن
.
آنه عايشت وشفت هاي المصايب
وشفت أكثر هم بعد هظم ونوايب
چنت عـباس وعلي يــوم الحرايب
والنظـــرني مايظن حسيني غايب
.
رافعه الهام.. وحدي بالشام
صلبه من هاي الشراذم ما ابالي
والله مشتاگه ترد ذيچ الليالي
.
. ـــــــــــــــــ ❁ ❁ ❁ ـــــــــــــــــ
.
آنه مشتاگه وناديكم يلاحرار
گلبي بي نار... تشب من ذاك الجرح
.
جرح اخوي الطاحت ايمينه ويساره
وبنتظاره .... الرضيع المنذبح
.
الدنيا غربة وهذا بعض من ابتلائي
يهل محـرم وآنه مايبـــــدي عزائي
ابقى وحدي ومايمر ناعي الدمائي
ومايطــبر بالصـــــحن يمي فدائي
.
جرحي يلتام... وحدي بالشام
من تسلمون بـ هلا ابنت الغوالي
والله مشتاگه ترد ذيچ الليالي
.يخدام..
.
حسن الموالي الفاطمي
.
.
لابأس بذكر المقدمة لبيان فكرة القصيدة للجمهور
.

ياخيل بسجن منه
ويالكاع ساويتنه
شكد صحت عوفنه
هذا خوي هذا خوي
؟................
تعنيت اله والخدر جان يحاذر
وجسمه التطشر مدري وبياحافر
اتوجه عالجرحي والعيون تكابر
المثلي حاله والله يكسر خاطر

كل ضني الحك وشم عطر انفاسه
لن عالرمح لاكوني وسفه براسه

وبدم اشوفه محنه
ياخيل بسجن منه
..................
موبس جرح خاطر بعد يتشافه
ريت نعمه وكون النظر لاشافه
براس الرمح والهوه يفطر شفافه
شكد غيريتن الحنين اوصافه

خوي الجمال يغارمنه جبريل
جاشنهي ذنبه عليه تسحكن ياخيل
وكبالي طحنيتنه
ياخيل بسجن منه
؟..........

بياجريمه وشنهي سوه وياجن
ابيوم الوصلنه الكربله رواجن
جاهجي رد الفظل ومجازاجن
يل عارجن طول الدهر غطاجن

شسويتن بصدر الحنين الغالي
هاي انه خيته عاد رحمن حالي

دوسني وخلنه
ياخيل بسجن منه
..........
مابيه عضم صاحي بعد خليتن
النياط كلبي من الحشه شلعيتن
احن الصخر وعليه ماحنيتن
لبن الزجيه عليش ما رحميتن

شفتني وكمتن تدبجن فوكه
عطر النبي وكلتن اله نضوكه
ونطش عطرهه الجنه
ياخيل بسجن منه
.........
يل ماتركتن عضم صاحي بجسمه
طشار صار وبعد ياهو يلمه
حد ما تغير كلشي لونه ورسمه
هذا لوطن مشتاكه اسولف يمه

ياطلعتي من الخيم ثجيله
بكربله ماكو بعد عقيله
من شالت المحنه
ياخيل بسجن منه
...........
هوه الصبر ينفعني حته اتصبر
اسمي والوني من الطفوف تغير
كلشي يبس من الرزايه وصوفر
باجر يباجر جنه يوم المحشر

لو خلص الليل ويطر ابلونه
عن كربله عدوانه يمشونه
والروس تبره انه
ياخيل بسجن منه
............
خادم اهل البيت ع
فلاح طالب الماجدي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

بدفنه شــلون زينب تنشد الناس
وبس جثه اخوها مــسلب الراس

ثلث تيام ضل حســــين مطروح
مطبر بلــــــــــحوافر مات مذبوح
تكله شلون بعدك تشفه الجروح

ويمك طاح صاحــت خويه عباس

شلون اباريه وماصــح جفن دوم
وظل حــسين بلبر مامش هدوم
مسلب خنــصره وفايض بلدموم

وهل ظلت بناته ادك عله الراس

بدفنه شلــــــون كالت من دفنتو
حــــــــسين موذر شلون وعرفتو
هم صــــــــح ماي لو ماكو تركتو

وكبره جم شــــــبر كلولي ينقاس

بدفنه بعيد وانشــــد عن عضيده
ورديتو اله ياخنــــــــــــــــصر ايده
وعبدالله ســــــــــــوه وياه يريده

حسافه شلون حدر الخيل ينداس

جسمه من الشمس متغير الرسوم
وانه هنا خلافه محــمــــله هموم
من يوم الجــــــفاني مفاركه النوم

راح الجان للــــــــــعدوان  خلاس

ابو سلام الجابري
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

رايه تلحگ رايه
مسيرة المشاية.....للحسين....للحسين

ولو زحف نتعنه
لكربلاء الجنه.....للحسين....للحسين
ــــــ
شيب وشباب وشايب
طلعت اتعزي الغايب
والبيده شايل رايه
يال ثاراتك كاتب
واللهم عجل
ربي الفرج للصاحب

مشايه الك مشايه
يحسين ربعك جايه.... للحسين....للحسين

من كل صوب وديره
گصدت لراعي الغيره...للحسين...للحسين
ــــــ
تحسب احساب العالم
خادم يفزع خادم
من تطلع المشايه
العاشگ يجيلك هايم
لخدمتك يبن الزهرة
مسويه سباق الوادم

للفگد چفه وعينه
ولكربلا اتعنينه....للحسين....للحسين

اي وحق ضلعه ونحره
جينه نواسي الزهره...للحسين....للحسين
ــــــــ
كل سنه انزود ازياده
وزاد العدد تعداده
ملاين تمشيلك
بسمك العالم ناده
اه يحسين ومصابه
واه يحسين واولاده

تبچي وتون لمصابه
ومتعنيه هاي احبابه...للحسين..للحسين

رادود ابكل موكب
شاعر تلگا يكتب...للحسين....للحسين
ــــــــــ
لو گطعو رجلينه
مشايه الك تلگينه
ازحوف نتعنالك
والله ياابو اسكينه
مو عالجدم نمشيلك
نزحفلك اعلى ادينه

اعلى ادينه نتعناله
نوصل ازحوف لبابه...للحسين...للحسين

عنه فلا نتخله
گبره زحف نوصله...للحسين...للحسين
ــــــ
كلشي الك يرخص كلشي
لو موت دربك نمشي
لو متت اتعنالك
وعليك اطوف بنعشي
ميت وراح ابچيلك
ودموعي تترس رمشي


ميت وادري ابچيلك
يحسين اني ادخيلك..للحسين للحسين

لو متت كل امالي...للحسين....للحسين
اخذوني يم الغالي...للحسين...للحسين
ــــ

ياسين ناظم الشباني
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

سم...
.لاح العليل وچبدته
سم ..
گطع دليله ومهجته
سم..
____
مو همي تبچي وتنفجع رايد اوصل صوتي
السجاد ياهو السممه وشنهو السبب يا خوتي
التقيه ما تنفع بعد يا روحي عاالحگ موتي
وياروحي اذا جاسچ ضما عالماي رأسآ فوتي

اي والعليل وعمتة
سم
..لاح العليل وچبدته
____
الما عنده غيره ولا رحم من عنده كلشي اصور
رسالة مكتوبه بجرح ما جاي الف وافتر
لا تامن ابن آدم ابد كلسا يجيك ابمظهر
من السممو أبن السبط هچي ابن ادم اخطر

وحگ علي ومصيبتة
سم.
.. لاح العليل وچبدته
____
والمنشلع گلبه وعلي وتعبان الله يعينه
ومن الوجع وسط الگلب تنغز يحس سچينه
بضلوعه تحفر يا بشر بس ماكو المصدگينه
والسممو ابنك علي يحسين نفس الطينه

رجعت على ابنك سمته
سم
...لاح العليل وچبدته
____
الله يعين ال النبي يصبحون يمسون بجرح
الما مات بالسم وعدل بالسيف لازم ينذبح
حزن والم اه ودمع من الليل ال حد الصبح
والعادو ال المصطفى ما غزر وياهم ملح

سمو وذبحو عترته
سم.
..لاح العليل وچبدته
_
من فاجعه ال فاجعه ما فارگو يوم الحزن
الفاكد عزيز بكل وكت تلگا اعلى احبابه يون
المذبوح ابو والعنده اخو مسموم يرتاح اشتضن
من الشجره اذا تگطع جذر يبس ويطيح الغصن

لو موت مر بشجرته
سم
...لاح العليل وچبدته
__
ياسين ناظم الشباني
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

ما ضل شي بالطف وگبالي اجساد وروس اخوتي
انتهى كلشي بيوم العاشر والضل بس دمعتي

ما ضل واحد
الله شاهد

انتهى كلشي بيوم العاشر والضل بس دمعتي
___
من كل صوب النار اشتعلت خيمه تلوذ بخيمه
والايتام التركض طلعت حافي بهاي الهيمه
يوم العاشر بي ما صحت حتى خيال لغيمه
والمن حيره يسولف واحد عن الصار وضيمه

المن يشكي الفاگد والد والفاگد چم اخو
يم يا واحد يگعد يبچي ويشكي جروحه لمنو

حيرة العاشر
واصعب باچر

انتهى كلشي بيوم العاشر والضل بس دمعتي
___
علينه الوادم تركض فزعت والنار البيديها
گامت تشمرها اعلى اخيامي وبتراب انطفيها
واجساد اخواني المذبوحه بالطف مسلبيها
واضلوع حسين ال بالحافر طشار مطشريها

كلشي الحافر بي ما خله ومرضوضات ضلوعه
فوگ الرمح وراسه يديره عليه اتهل ادموعه

وراسه اگبالي
حسين الغالي

انتهى كلشي بيوم العاشر والضل بس دمعتي
__
وادم غربه وصحره اگصصهم ناشف ماي الغيره
حيره الطف وباچر اصعب حيره اصعب من حيره
باچر بحبال يچتفونه وكل ساعه انطب ديره
عگب اخواني الرحو مني الدنيا بعيني زغيره

ما ضل واهس عندي وضيگه هاي الدنيا بعيني
لو ميته ولا شفت العاشر ولگبري مشيعيني

اهون عندي
اتوسد لحدي

انتهى كلشي بيوم العاشر والضل بس دمعتي
____
يحسين بدونك ما تسوا الدنيا الما بيها انته
والما يحچي لواحد ضيمه تشلع گلبه السكته
والصار وياكم بالعاشر بس وياكم شفته
يااول مذبوح وضامي ومسبيه اتروح اخته

كونك سالم كلشي ايهون وفدوا لراسك راسي
يالعايش انته بنص روحي واشهگك انفاسي

يا مي عيني
وكل اسنيني

انتهى كلشي بيوم العاشر والضل بس دمعتي
__
الله وياك واخر مره اتشوفك هاي عيوني
لو ميته وانتم بالعاشر يا خويه اتشيعوني
ولا بحبال اچتف وامشي مسبيه وبضعوني
للشام وراسك يبرالي ومن عندك حرموني

يا بعد اختك كون الصاير هذا البيكم بيه
والطاح عليكم لو طايح بالطف كله عليه

وبجسمي ارضه
الخيل اترضه

انتهى كلشي بيوم العاشر والضل بس دمعتي
___

ياسين ناظم الشباني
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

اربعه بالطف ولد ضحيتلك
فدوا الك بس كون سالم ريتك

يا حسين. يا حسين
_
الك كلشي يهون بس كونك ترد
بالسلامه فدوا الك كلها الولد
كون ترجع والله افرشلك ورد
دربك اه يحسين بس لا تبتعد

كون سالم ترجع وما منذبح
ولا اشوف بجسمك صواب وجرح

يا حسين. يا حسين
___
فدوا الك عباس كله واخوته
وفدوا الك ايديه اليسرى ويمنته
الشالت الماي وابد ما شربته
ورفع راسي اعله الشريعه بطيحته

ليش ضل أعله النهر راعي العلم
ما رضه بلا ماي يرجع للخيم

يا حسين. يا حسين
__
ويلي زينب بقت بعدك حايره
وشكو خيل عليك تركض غايره
البيك صارت والله ابد ما صايره
خيل وجيوش اعله جسمك دايرة

يهل يثرب لمن صاحي الناعي
حسين مات لعمري ما ضل داعي

يا حسين. يا حسين
___
عمر دونك والله ابد ما يسوا
والحياة بدونك او لا حلوه
الدهر عگبك بيه شوف اشسوا
اطلع ابلوه واطب ابلوه

هچي خلصت العمر من دونك
كلشي ما يحلالي عگب عيونك

يا حسين. يا حسين
__
فدوا كل ولدي الك يا غالي
وابد لحظه ما رحت من بالي
منين ما اباوع تصير گبالي
راسك اعله ارماح يتراولي

امك اني ام البنين احچيلك
راح اخلص عمري دم ابچيلك

يا حسين. يا حسين
_
ياسين ناظم الشباني
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

فاطمه اني وعليله وياكم اخذوني
وين تردون وحيده لا تخلوني

سفرتكم طويله
ابنيتكم عليله

وياكم اخذوني. وياكم اخذوني
____
دنيا ليل وشو ضعنكم حمل الليله
بوية الافراگ دخيلك ما الي حيله
حملي لو مال عگبكم منهو اليشيله
وعن الهموم بعدكم ياهو الاشكيله

يا بويه دخيلك
من فدوا اغديلك

وياكم اخذوني. وياكم اخذوني
__
صح عليله بس وحيده لا تخلوني
حتى لو ما بيه حيل وياكم اخذوني
من البواچي خلصتهن نشفت عيوني
عن هواكم بويه فدوا لا تحرموني

مشتاگه وعليله
ولا بيديه حيله

وياكم اخذوني. وياكم اخذوني
_
لكربلا وياكم امشي وانسبي وياكم
ولا اضلن بالمدينه وحدي ارجاكم
وحدي اتعوفني بويه شنهو خلاكم
لا تخلوني وحيده واني بحماكم

بعدكم منهو اليه
يگومني من اديه

وياكم اخذوني. وياكم اخذوني
__
علتي المنعتني منكم يااعز ناسي
انتو ما گلتولي وادري هذا بحساسي
كون مو راسك يبويه المنگطع راسي
وكون ميته عالشريعه وباقي عباسي

الكم فدوا روحي
يا بلسم جروحي

وياكم اخذوني. وياكم اخذوني
_
بويه من رحتو ولهسه وانتم ابالي
بروحي وبگلبي سكنتو غالي يم غالي
خلصت عمري انتظركم وانته تبرالي
بويه يحسين بسفركم تعبت أحوالي

لو هالمره اشوفك
والله ما اعوفك

وياكم اخذوني. وياكم اخذوني
___

ياسين ناظم الشباني
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

بالطف ندبتك واعرفك ما تجافيني
غير اني عمتك واندبك يا كحل عيني

يمته ترف راياتك
واطالب بثاراتك

يمهدي. يمهدي
__
من الطف يعمه ولهسه تبرالك عيوني
يوميه اندبك يمهدي وما خابت ضنوني
ياالمهدي الك ثار ترده مالت امتوني
وتعيد الاطفوف يعمه وتحدي بضعوني

يوميه احشمك واگلك عجل بثارك
ياما انتظرتك واناطر اسمع اخبارك

يا عمه الك مشتاگه
وانا اعلى ظهر الناگه

يمهدي. يمهدي
___
يوم الضعن سار يمهدي زادت جروحي
مسبيه وادعي لظهورك يا بعد روحي
ساعة مشينه للسبي ما بطلت نوحي
وگبالي مرفوع يمهدي راس مذبوحي

مجتوفه ادية ورقيه تبچي وتنادي
ولراس ابوها خذوها ما يرحم الحادي

تظهر يمهدي ادعيلك
من فدوا عمه اغديلك

يمهدي. يمهدي
_
كل ليله جمعه اناطر يخلص غيابك
تظهر يمهدي واسمعك تاخذ بثارك
تردلي روحي لوني اسمع اخبارك
ساعة ظهورك يعمه يوم المبارك

تشفى جروحي يروحي من ترف رايه
الك يمهدي وظهورك طول هوايه

يمته الفرج يالغالي
ياالما رحت من بالي

يمهدي. يمهدي
_
دوم اعلى بالي يمهدي واگعد ادعيلك
وياك اسولف سوالف چني واشكيلك
مو يمي انته واگلك فدوا اغديلك
وكل ليلة جمعه رسايل مني اوديلك

اشكي مصابي وعذابي واني مسبية
من الطف لهسه گلتلك اشجره عليه

بس الك اشكي همومي
بصحوتي وبنومي

يمهدي. يمهدي
__
اخر كلامي سلامي الك ياالمهدي
ميته واتاني ظهورك غيرك شعندي
لو عدله اقبل لوني حتى لو جندي
وياك اصيرن يعمه ولا اضل وحدي

خلصت حياتي لمامتي بس سبي ولوعه
كل عمري خلص يعمه روحي مشلوعه

عليمن يعمه احچيلك
عن يا مصيبه اشكيلك

يمهدي. يمهدي
___

ياسين ناظم الشباني
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي