Telegram Web Link
بعد الظهر مامش اخو زينب صفت
مـن التل اجت وبعون ابنها إتعثرت
يم راس ابنها كــعدت بحرگه ونعت
خمسين عـــام امك يـعون وحدبت

ما ظـلت ادموع
مهضومه وتلوع .. زينب
اعليها الزمن دار
وخلاهـــا تحتار .. زينب

زينب وحيده ضلت غريبه
بين العساكر محتاجه اخوها

كل دمعه تنزل تحرگ جفنها
عــٕگب الكفلها وليه ولوها

اه زينب .. اه زينب
------**
بذاك الحرگ والخوف وتحشم علي
بت آل طــــالب ترضى بويه تنولي
بأسمك علـي انا ادري بالهم ينجلي
بهاي المصايب وحـــدّي راح ابتلي

محتاره ام عون
بـيـن اليحرگون .. زينب
كلساعه تندار
وتلم بـالازغار .. زينب

تحشم ابـوها وينك يابويه
تعبانه بنتك ماضلّي زلمه

هدوا عليه خيامي احرگوها
ماعندي غيرك ياهو الاحشمه

اه زينب .. اه زينب
-----**
التفگد عشيره تضيع چن روجه ابحر
او زينب بقــــــت تتلفت تــــدّور ظَهر
مــــــــــا طلعوها ابليل طلعوها الظِهّر
ويــــــن اليهيج جروحها يگوله الشمر

تنخـــه المذابيح
مهمومه وتصيح ... زينب
تـركتوني انازع
بهــاي المواجع ... زينب

وينه الكفلها شو ماكو صوته
صعدوها ناگه زينب كسيره

مامش محامي عنها يدافع
ولا زلمه خيّر تحرك ضميره

اه زينب ... اه زينب
------**
نوم الخرايب مو حلو ونامت غصب
بيا وكت بت حــــيدر يأسروها غرب
بسوگ الشماته تفوت يا وادم صعب
سمعت حجي والله اشد من الضرب

مستحيه عالنوگ
من طبت السوگ ... زينب
گبـــال اليسبون
امغمضه العيون ... زينب

تحاجي ابن اخوها كالت خُزينا
من ذيج العيون تنضر عليها

مهضومه زينب بسوگ الشماته
تتمنه من اهلها واحد يجيها

اه زينب ... اه زينب
------**
يگلها الگــمر عطلني عنــــــج مذبحي
تــــدخل لقصـــر الشام زينب تستحي
حارس ضعنها بالدرب چـــــان الوحي
طاحن گلبها الضيم چن طحن الرحي

تعبانه يا ناس
جا وينه عباس ... زينب
الماعدهم اسلام
اذوهـــا بالشـام ... زينب

بكل هالمصايب طبت قصرهم
شافت طشتهم وخسرت رقيه

يهظم حجيهم كله مسّبه
محد رحمها وگلها خطيه

اه زينب ... اه زينب
------**
عزيز المياحي

@HxzEU1
5💔2
الميّت اكرامه الدفن يدرونه
مايظل مطروح ويسلبونه
☆☆☆☆
ربي سبحانه  مكوّن كل سبب
من قتل قابيل أخوه ذنب ارتكب
وسوس الشيطان اله وگلبه لعب 
احتار بامره وظل يدير عيونه
☆☆☆☆
علّمه الباري الدفن من الغراب
واندفن هابيل تالي بالتراب
سُنّه صارت هاي واليوم الحساب 
من ولد آدم بدت مسنونه
☆☆☆☆
ارد اناشد أمة الهادي الأمين
شنهي ما عرفو ابن طه الحسين
أو والده حيدر أمير المؤمنين
وأمه بت المصطفى يعرفونه
☆☆☆☆
چان للوادم حسين اعظم رزق
عالارض اشرف بشر من الخلق
السانه ينطق بالمواعظ والصدق 
نعمه من باري الخلق مكنونه
☆☆☆☆
انقلبت الامه شِجاها بكربله
غدرو بدين الله روح البسمله
ذبحو القران بس صوته اعتله
ابكل وقت قبل الفرض يقرونه
☆☆☆☆
شلون ابو اليمه يظل فوگ الترب
ابلا دفن ويلاه وبديرة غرب
العين حگها من دمه لجله تصب
وسفه عالغبره الولي ايخلونه
☆☆☆☆
مارحم ذاك الجسد حته الهوه
من لهيبه وجه ابو اليمّه انچوه
والچفن ذاري التراب أبنينوه
ما كفاهم لمّن يذبحونه
☆☆☆☆
ابقدرة الله زين العباد اعتناه
امخضب ابفيض الدمه الوالي لگاه
بس جسد باللِحد ويلي وسداه
اوراسه وي ضعن السبي يريدونه
☆☆☆☆☆
حيدر بشار الدراجي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي
3👍2
شحجي على الشفته
أبدفن الأبو العفته
بل كَـوه انه اعرفته
من كثر الجروح
…...........
١=
وصلته ومن وصلته واكعدت يمه
شفت كلشي بحبيبي سابح بدمه
وعلى كلبه الرمح والحافر الداسه
وحرت حيره اشكبرهه بجمع ابو اليمه
 
اشكد دافن بعمري
ناس بكثر صبري
بس ما كسر ظهري
مثله ابد مذبوح
/////////////////
 
٢==
بديت  اجمع لحم جسمه المله الحومه
وكسر كلبي أبوي الذابله ارسومه
عليه ما خلو اهدومه انسلب كلشي
الجسد عاري لكيته وفايضه ادمومه
 
حرت بأمر جمعه
والراح شيرجعه
يمه كعدت انعه
ابصوتي المبحوح
////////////////////
 
 
 
٣===
لكيته اعله الوجه مكلوب ابو الأكبر
وعلى نحره ١٢ طبره شفت واكثر
ومنه امكسرين اظلوعه يا ويلي
شكثر حاولت أشيله امنيدي يطشر
 
سبحه وألم بيهه
اظلوعه المطشريهه
والروح احاجيهه
عالفارك الروح
////////////////////
 
 
 
 
٤====
 
احفرت حفره جبيره الطوله المكطع
وجبت ويلي حصيره بيهه ابوي اجمع
لان من عندي يوكع كل جزء شلته
أبوي امن السحكَـ بي ترسو المصرع
 
الحافر خسف صدره
واتساوه وي ظهره
ودم هامته ونحره
عالغبره مسفوح
/////////////////////////
 
 
 
٥=====
نزلته الكبر  بس راس ما عنده
دفنته بس نحر نازف وسط لحده
وعبدالله اعله صدره بهيده وسدته
بس جسمه بلا راسه ولا خده
 
هم مثل ابو الأكبر
كطعو اله المنحر
وراسه برمح اصغر
مشيول وينوح
/////////////////
 
 
 
 
٦======
اه اشما صحت ما تطفه نيراني
اشد موقف كسرني وحيل اذاني
من هِلت التراب وجني صرت اسمع
صوت امن النحر عطشان صاحاني
 
يا علي يوليدي
ماي ازكَـي اوريدي
وحط أيدك ابايدي
وظل يمي لتروح
////////////////////////////////////
✍️🏻كلمات موسى الخادم ٢٠٢٥

#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي
1
يادفّان ياعمه
سلملي اعله ابو اليمه
وكله أختك مشت ما بين الاجناب
>>>>>>>>>>>>>>>>>>>>>>>>>>>>>>
١=
من توصل حبيبي الشابع اجروح
سلملي عليه بالدمعه والنوح
وكله اختك وراك امفاركه الروح
وليل انهار بيك اتهم يمذبوح
 
يا دفّان وبنحره
أريد أتقبله وبصدره
ومن كَـبره تجيب اشويه الي تراب
 
 
 
//////////////////////
ما وصيك يا مكسور الاِشراع
لا تترك ظلوعه امطشره  عل الكاع
لمهن زين واحضنهن بالوداع
ولا تنسه تدور خنصره الضاع
 
بلكت باقي بالهيمه
ابجاه ادموع الايتيمه
وّتردّه اعله جفه الفاكد احباب
٣===
احلفك عمه وسعله اللحد زين
هواي امن السحك متأذي الحسين
كلشي البي يلجمه وصار نصين
وبحر الشمس صاراله يومين
 
ما واحد وصل صوبه
الجثته بخيل مكَـلوبه
ما واحد فزعله وليه جفن جاب

===٤
من اتنزله كبره أتذكر اهواي
عطشان انذبح ما شارب الماي
رش كبره ابدموع اعوينتك هاي
هم عطشان مات وظل بلا افياي
 
بحر ذيج الشمس عمري
خليته ودماه تجري
مكطوع النحر مسلوب الاثياب
٥======
كلشي البية يوجعني اعله فركَـاه
وليل انهار ما فاركَـته ذكراه
لو صح بيدي اروح أوياك أنعاه
وابجيله بكثر ما روحي تهواه
 
أبن امي المنذبح شفته
لو صح بيدي ما عفته
جا يمه بقيت امسحله الخضاب

ً
كلمات موسى الخادم

#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي
6
وينه الي يساعدني بدفنهم
اهلي اذبحو عالغبره كلهم
جبت الروؤس وياي   امشي ومحني مكفاي
:::::::
ظل يحشم بالعشاير صوت بالديره ارتفع
اسد قبلوها دعــــــوته اليملك الغيره طلع
زين العباد انه گلهم راس ابوي الي انگطع

يريد اليوم منكم زين العباد
وگفتكم وياي الدفن الاجساد
لئن ما عندي حيل الحيل ينراد

اول مره حفرو اگبور الاصحاب
ندفنهم سوه اصحابي الاطياب
مثلهم ماكو اهواي   امشي ومحني مگفاي
::::::::
گبر للعباس احفرو حيل وسعو الگبر
خلها تحضر دفن اخوها وينها ام الخدر
هيه مكسوره برحيله وبعد اعرف تنكسر

هذا الوفه اخته اچفوف وعيون
هذا اول گمر بالگاع مدفون
كلشي يهون والعباس ميهون

عگب الگمر كسره احنه انكسرنه
بالديوان ظل واگف خدرنه
مات الچان سقاي
::::::::
ردت منكم بس حصيره تفاجئو كلهم اسد
شافو السجاد گاعد يجمع اوصال الجسد
طاح فوگ الجثث مرمي حيل ما بي من گعد

عبدالله الرضيع بصفه وسدو
نفس الگبر يـــــــم حسين خلو
بهيده حسين وسط اللحد نزلو

ظل حسين عاري على التربان
ثلث تيام ومات وهو عطشان
مات وما شرب ماي
:::::::
يدفن ودمعات عينه فوگ خده وهامله
ويصرخ بكل عالي صوته اه يعملة كربله
والله ماكو شخص مثلي بيده يدفنهم هله

فوگاها الحرم من طبت الشام
طبينه وهلاهل رفعو اعلام
نگعد وين واحنه بدون الخيام

اول شخص دافن روحه بيده
ظيم السلسله واصل وريده
المصايب كثرن هواي
:::::::
خلصت عمري بنياحه ضيم والام وسهر
من اجلنه الدهر صاير  ويانه مو زين الدهر
گصص اچفوف من ادينه وبعد مگطوع النحر

احنه اهل الكساء وفوگ الارماح
ولا واحد من اهل البيت مرتاح
گضينه العمر كله انياح بنياح

السلاسل تعبني وضيم الحبال
نص السوگ تدخل ليش العيال
خرابه وماكو فياي
:::::::
علي جبار الكعبي
الفاتحه لوالدي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي
4
شحال زينب من بعد خوانها ،
طلعت بدرب اليسر بحزانها،
****
شحال زينب وليسر ماينحمل
تالي كلهه تروح ويطش الشمل
وسفه هاي ام عون تصعد ع هزل
ريت ماطايح وابو فاضل عدل

تركض ع يتام لو نسوانهاااا
شحال زينب من بعد خوانها
**
تدري زينب حايره بدرب السبي
طلعوها ويحدي بالناكه اجنبي
كلها صاحت طلعت عيال النبي
تغير بشمس الضهر لون العبي

والهضم حط بالگلب نيشانها
شحال زينب من بعد خوانها
***
بت علي للشام تالي ميسره
هاي زينب تدري هيه اعضم مره
بجفها من تدعي تصير الاخره
هيبه عده بزود سبع كنطره

تالي ع غبره صبحت وليانها
شحال زينب من بعد خوانها
****
تشوف روس اخوته تبره ويالضعن
هاي بت الزهره شافت بس محن
تبجي زينب والكلب حيل نسحن
اخت الحسين شعمل بيهه الزمن

صار درب الشام هوه امجانها
شحال زينب من بعد خوانها
*"#" #****
تشوف راس حسين ويهل الدمع
كافي بنت المصطفى تضل تنوجع
صاحت وضيم العمر ما ينجرع
هموم كلبي خيول ماخلن ضلع

تبقئ زينب الصبر عنوانهااا

الشاعر مصطفى فوزي المالكي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي
5
يا ابو فاضل يا ابو فاضل يا ابو فاضل


*

لو بچيت اعليك خويه يضحك السوط اعلى متني
ولو سكت امتوني تنزف ودمعي يتلاكه اوي وني
خطوتي بالطف مصايب امشي لكن ميته چني
كلشي يبچيلك اسمعه والشمر بالطف يغني

يا ابو فاضل يا ابو فاضل يا ابو فاضل

*

جـابـو الـنـوك الهزيـلـه لا هـوادج لا مراچي
ومـن درن بـيـه اسـيـره دنكن مــن البواچي
كلشي مـا ظـل بس عبينه سلبو حته التراچي
والـزلـم سحگوا عليه من بعد ذيچ الخواچي

يا ابو فاضل يا ابو فاضل يا ابو فاضل

*

الـطـريـق البيّ مشينه بالحلم مــا مــر عليه
كلّه شوچ وسلّه يابس بيّ مشت سكنه ورقيه
واليلاكيني إيتعجب ما يـصـدك الـصـار بيه
من بعد ذاكه دلالي تـالـي مـا تـالـي سبيه

يا ابو فاضل يا ابو فاضل يا ابو فاضل

*

الـخـرابـه البيها بـتـنـه لا سـكـف لا بيها باب
چنها طـامــوره قديمه ألطبهـا يتنفس عذاب
مـن چهبناها لكينه الـحـايـط يسولـف تراب
إختنگنه امـن الـغـبـار ورادت اتموت الرباب

يا ابو فاضل يا ابو فاضل يا ابو فاضل

*

نامت عيون الشماته وعيني سهرانه اوي راسك
مدري اعاتب مدري ابچي مدري اونن ويه ناسك
باكتك مني الحوافر من شمر بخيوله داسك
والرمح كاشخ لگيته او واكف بـديـرة أنفاسك

يا ابو فاضل يا ابو فاضل يا ابو فاضل

*

سليم الغزالي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي
3
يا عمه صوب التل ذاك من ركضيتي
گلبچ وي الحاجب شيب من رديتي

ماچنه عمرچ خمسين   متعدي وجازي التسعين
من ركضيتي
.......................
من مشيتي عمه زينب موش زينب من رجعتي
محني ظهرچ يالعقيله وعالارض چمره طحتي
عليچ عباس وجربته فوگ التل شنهي شفتي
أشوف مصوفر خضارچ  وچنچ من اسنين متي

يابعد عيون السجاد بس حاچيني
نشفتي عروگ الدلال ياضي عيني

محدب ظهرج من تمشين    ما چنه عمرچ خمسين
من ركضيتي
...........................
هنه لحظات ورجعتي وغيرن يا عمه شكلچ
گوه من تمشين گوه النسمه لو مرت تعثرچ
شصار بحسين وكبرتي يالحنينه وما عرفتچ
شايله هموم بدليلچ عن أبوي أشلون انشدچ


محتار من أسأل عالصار ومنين ابدي
بالخيمه أسمع كسر أظلوع  يوصل عندي

بحسينچ شنهي مسوين      ما چنه عمرچ خمسين
من ركضيتي
................................
راح اسولفلك يعمه وكون  ما يدرن  بناته
أشلون الخيول من اجنه وبالذبح خلصت حياته
مات وعله الماي عينه الخشب اطره من لهاته
چنه ايگلي  يزينب اه ينظرات الشماته


عفته مسلب من رديت  وبيا حاله
فوگ ابن امي مر الجيش والخياله

وعبرو الاف عله حسين   ماچنه عمرچ خمسين 
من ركضيتي
........................
خيمه ماظلت يعمه حرگو علينه خيمنه
يالله يا عماتي فرن عالرمح راسه اليلمنه
ركضت النسوان صعبه أشلون نرضاهه
لحرمنه
يا علي وينك يجدي إلحگ علينه نهضمنه



أطفال ومابين الخيل جدي نسحگت
وزينب الماطلعت يوم بالطف ركضت

وتعثرين بدمع العين    ماچنه عمرچ خمسين
من ركضيتي
......................
ذاك التل أخذ حيلچ مشيبه روحچ والعبايه
من رجعتي محني ظهرچ صاحو ام الخدر هايه
يا جرحنه الصار بالطف يختلف وبلا نهايه
أحنه اهل بيت النبوه باچر انصبح سبايه



من هاليله يصير وداع إنتي وخدرچ
باجر عالناگه العدوان عمه تصعدچ

خايف يا عمه تموتين    ماچنه عمرج خمسين
من ركضيتي
٠٠٠٠ ٠٠ ٠٠٠٠
خادم اهل البيت ع
فلاح طالب الماجدي
3
2
هاي الثوره ٠٠ عِبره وعَبره
دمعه وعقيده ودستور ٠٠ وبيها  صلاح الأمه
ـــــــــــــــــــــــــــــــــــــــــ
نستلـهم امن الثوره درس الايثار
درب الكـرامه هالدرب والاحرار
هذاطريق المــــا رضه بذل وعار

بهذا المنهج ٠٠ عالكل نحتج
الما ساوم وباع الدين ٠٠ من الله يعلى ويسمه
ــــــــــــــــــــــــــــــــــــــــــــ
حسين إبثورته لبّس المسلم تاج
ودمه رسم للوادم اشرف منهاج
خلصنه من الذل طريقه الوهاج

شما نفديله ٠٠ مانوفيله
الباع النفس لجل الله ٠٠ بالدنيا كون انخدمه
ـــــــــــــــــــــــــــــــــــــ
ثوره هدفها  المجتمع والاصلاح
دم الحسين بكربله چان اســلاح
لو ما دمائه الدين چا ضاع وراح

منصور الدم ٠٠ وبي نتشيّم
وبنحره وسيل ادماه ٠٠ سيف الضلاله ايثلمه
ـــــــــــــــــــــــــــــــــــــــــ
كل مجتمع يتباها بسم القاده 
ويسولف ويتنومس ابأسياده
وقائدنه ابو اليمه چبير الساده

نفخر نبقه ٠٠ وحبنه انوثقه
للجنه مركب وشراع ٠٠ ومن الله نازل نعمه
ــــــــــــــــــــــــــــــــــــــــ
خلدت هاي الثوره سيل الدمعات
لليوم ابو السجــاد حي وما مات
مــــايوم ننسه امصيبته لاهيهات

حسين انذكره ٠٠ ونذكــــر نحره
والدنيا من غير حسين ٠٠ وحشه وغريبه وظلمه
ــــــــــــــــــــــــــــــــــــــــــــــــ
حسين بثورته كوُن افضل جمهور
هذا امتداده اليوم عاشر عاشور
ضحى النفس والعائله ونطه انحور

وحتى اليرضع ٠٠ هـــــــم اتگطع
للدين قربان انطاه ٠٠ الاصلاح جابه ابدمه
ـــــــــــــــــــــــــــــــــــــــــــ
حيدر بشار الدراجي
❤‍🔥21
انت المحتل گلبي وروحي. وينعاك بكل ساعه احساسي
محد غيرك ساكن گلبي. ولا غيرك يفتر براسي
..........
اول ما گمت اقرا واكتب اتعلمت اكتب بحروف اسمك
چنت اكتب اسمك متگطع وارجع اكتب ما امل منك
عن هذا السر ضليت اسأل وكل مااكبر ابدي افتهمك
وعرفت اسمك ليش مگطع تالي الخيل ادوس بجسمك

ما حبيتك ثق عن غايه. بس حبيتك چيه تستاهل
والعاقل مجنون بحبك. والمجنون بحبك عاقل
...........
مجنون وحبك علمني اشلون العاشگ يصبح عاقل
مثلك ماكو ولا يتحصل بس انت وبس ثق مااجامل
ماخذ عقلي وماخذ روحي وفدوا يروحلك تستاهل
عيوني الما يبچن لمصابك افگسهن وعيون الكافل

زغير وحبيتك عالفطره. مو تعلوم ولا عن غايه
بس حبك ساكن دلالي. وبنص گلبي ترفلك راية
........
من الذر عاشكتك روحي وحبيتك حب ما يتوصف
انت الما تشبه كل واحد انت الاجمل وانت الاالطف
امخلد موقف يم موقف وانت الصاحب موقف بالطف
تبچي اعلى اعدائك بالعاشر ياهو الانبل منك واشرف

عطشان ودمعك يجاره. وبالك يم عدوانك باقي
من النار تخاف عليهم. الله يحسين اشگد راقي
.........
نايم واحلم بيك وگاعد يلهج بسمك دوم الساني
الله ياالكلك حنيه وانسانية اشگد انساني
بمصابك امي اتلوليلي وعل الدمعه الوالد رباني
وخادم گمت اسمى وشكرآ لله من خادم سواني

حاسد روحي ويا هنيالي ساكن گلبي وشاغل بالي
تتقبلني اكبر امالي. خادملك يحسين الغالي
'''''''''''''
الحبك رابح ما يخسر والما حبك يخسر باچر
يوم المحشر من يفزعله ال ما باچيلك يوم العاشر
والما يدري شصاير بالطف والما يدري بيك شصاير
حاله حال الچانن بالطف ايدوسن صدرك بالحافر

الما لاطم صدره وباچي. لحسين ولا سايل دمعه
باجر من يوگف بالمحشر. عود اشلون يرتب وضعه

''''''''''

الشاعر ياسين ناظم الشباني
2💔1
وينه الي يساعدني بدفنهم
اهلي اذبحو عالغبره كلهم
جبت الروؤس وياي   امشي ومحني مكفاي
:::::::
ظل يحشم بالعشاير صوت بالديره ارتفع
اسد قبلوها دعــــــوته اليملك الغيره طلع
زين العباد انه گلهم راس ابوي الي انگطع

يريد اليوم منكم زين العباد
وگفتكم وياي الدفن الاجساد
لئن ما عندي حيل الحيل ينراد

اول مره حفرو اگبور الاصحاب
ندفنهم سوه اصحابي الاطياب
مثلهم ماكو اهواي   امشي ومحني مگفاي
::::::::
گبر للعباس احفرو حيل وسعو الگبر
خلها تحضر دفن اخوها وينها ام الخدر
هيه مكسوره برحيله وبعد اعرف تنكسر

هذا الوفه اخته اچفوف وعيون
هذا اول گمر بالگاع مدفون
كلشي يهون والعباس ميهون

عگب الگمر كسره احنه انكسرنه
بالديوان ظل واگف خدرنه
مات الچان سقاي
::::::::
ردت منكم بس حصيره تفاجئو كلهم اسد
شافو السجاد گاعد يجمع اوصال الجسد
طاح فوگ الجثث مرمي حيل ما بي من گعد

عبدالله الرضيع بصفه وسدو
نفس الگبر يـــــــم حسين خلو
بهيده حسين وسط اللحد نزلو

ظل حسين عاري على التربان
ثلث تيام ومات وهو عطشان
مات وما شرب ماي
:::::::
يدفن ودمعات عينه فوگ خده وهامله
ويصرخ بكل عالي صوته اه يعملة كربله
والله ماكو شخص مثلي بيده يدفنهم هله

فوگاها الحرم من طبت الشام
طبينه وهلاهل رفعو اعلام
نگعد وين واحنه بدون الخيام

اول شخص دافن روحه بيده
ظيم السلسله واصل وريده
المصايب كثرن هواي
:::::::
خلصت عمري بنياحه ضيم والام وسهر
من اجلنه الدهر صاير  ويانه مو زين الدهر
گصص اچفوف من ادينه وبعد مگطوع النحر

احنه اهل الكساء وفوگ الارماح
ولا واحد من اهل البيت مرتاح
گضينه العمر كله انياح بنياح

السلاسل تعبني وضيم الحبال
نص السوگ تدخل ليش العيال
خرابه وماكو فياي
:::::::
علي جبار الكعبي
الفاتحه لوالدي
5
الناشر مصطفى المياحي💔 pinned «وينه الي يساعدني بدفنهم اهلي اذبحو عالغبره كلهم جبت الروؤس وياي   امشي ومحني مكفاي ::::::: ظل يحشم بالعشاير صوت بالديره ارتفع اسد قبلوها دعــــــوته اليملك الغيره طلع زين العباد انه گلهم راس ابوي الي انگطع يريد اليوم منكم زين العباد وگفتكم وياي الدفن الاجساد…»
تُنَادِي زَيْنَبْ الْكُبْرَى     أَخِي يَا كَافِل الخدرِ
أَلا يا أَيُّهَا اَلسَّاقِي     سَأَبْكِيكَ مَدَى اَلدَّهْرِ
🛑🛑🛑🛑🛑
اصيحك خويه وآنه امحجبه صـوتي
أشد عندي  السبي يالغالي  من موتي
يهلبـــت صــــوبك ايخــــلولي تابوتي
صــرت يونس تراني وغـيـبتك حوتي
جِبَالُ الْهَمِّ فِي اَلْقَلْبِ     فيا ويلي مِنْ الْأَسْرِ
🛑🛑🛑🛑🛑
يخويه الماضگت من النهر رشفه
بلا ݘــف شفـــتك ومتفطره الشفه
وجـــــع گلبك يبو فاضل ولا يخفه
جرح گلبك أنه المـــاينگطع نزفه
أَخِي فِي يَوْمِ عَاشُوراء     أَصَابُوا مُصْحَفُ اَلذِّكْرِ
🛑🛑🛑🛑🛑
وصلتك للشريعه واگعدت يمك
انه الي وصتك بيها العزيزه امك
عليك اصفن يكافل خدري شيلمك
يبو طول الحلو يالسابح ابدمك
أَتَانِي اَلشَّمَرُ بِالسَّوْطِ     لِيَشْفِيَ غَلَّةَ اَلصَّدْرِ
🛑🛑🛑🛑🛑
اشمك من بُعد لتضني ضيعتك
اجيت اگبالك اگعد هاي انه اختك
يخي من كثر السيوف الي طاعنتك
گمت من وين اكضك تنمرد شفتك
أَخِي اَلْأَعْدَاءَ سَاقُونِي     بِذَاكَ اَلضَّرْبِ وَالزَّجْرِ
🛑🛑🛑🛑🛑
يخويه وراح اروح وللسبي امشي
اجيت ابكل شي راح امشي ابلا كلشي
عله الناگه اجيت وأئمر ابأي شي
عله الهزل اروح ومحملي نعشي
رَأَيْتُ اَلسِّبْطُ مَقْتُولا   خضيبا مِنْ دَمِ اَلنَّحْرِ
🛑🛑🛑🛑🛑
 
يخويه ابداعت امي اهوايه متعوبه
عفت شباني فوگ الرمضه مسلوبه
وابو الاكبر دمائه املطخه ثوبه
كونچ كربله امن ايامي مشطوبه
لقد  سَارَ بِنَا اَلشَّمَرُ     فَهَلْ نَبْقَى مَعَ اَلشَّمَرِ
🛑🛑🛑🛑🛑🛑🛑🛑🛑🛑
 🛑🛑🛑🛑
 وليد المندلاوي
 
4👍2
يالوجهك بلون الصبح
چنك شمس فوگ الرمح

كلشي بعد وجهك طفى
يا ضوه عيوني المنذبح
**
اه يالحنين اشأخرك
ليل اهدعش قاتل. عالخد دمع سايل
لا انته لا كافل. ليلي خلص صفنه ودمع
ما نمته من دونك يا خويه وعيونك
وسفه يذبحونك. وبرمح راسك ينرفع
يحسيني يا غالي كلسا تجي أبالي
وبس راسك اگبالي

يا خويه يحزام الظهر ياالما بقالك بس نحر

والحافر بصدرك غفى
يا ضوه عيوني المنذبح
****
گمت من اگومن انتچي
ميتات رجليه. كل حيله ما بيه.
وكل ساعه علويه تبچي اعله اخوها المنكتل
اتگلي يا عمه. ضل الاخو نعمه.
واسكت بلا كلمه فراگ الاخو ما ينحمل
يا خويه ودعتك. گوه علي عفتك.
بس عالرمح شفتك

مخضب وتنزف دما. وميبس اشفافك ضما

مذبوح ويلي من الگفى
يا ضوه عيوني المنذبح
**
يا ريت لا طر الفجر
صبح اهدعش صنته. نجم الظهر شفته
وياريت ما عشته. بعدك فلا يسوه العمر
ياخويه شتحمل. تعرفني حيل اخجل.
تاليها عالهزل مسبيه والحادي الشمر
ما يرحم الحادي. كل ساعه بعنادي.
يم راسك اينادي

ضربوها اذا وحده بچت. لو وحده بحسين انتخت

بيد الشمر وضعي صفى
يا ضوه عيوني المنذبح
****
مسبيه وي وادم غرب
والدمعه بعيوني. لمن يشوفني.
ابچي يسبوني اتمنيت ساعتها متت
عن حالتي اشكيله. اهمومي وابچيله
ولراسك احچيله. من دار وياي الوكت
مهضومه واشكيلك. عن حالي وابچيلك
ادخيل الله وادخيلك

امنيتي هسه اترد عدل. واشوف اختك بالحبل

مچتوفه چا گتلي افى
يا ضوه عيوني المنذبح
***
معذور وانته بهل الوضع
يالمنگطع راسك. حر الشمس جاسك
كل اهلك وناسك مسبيه ورماد الخيم
اعذرني يبن امي. چي محترگ دمي.
وبس روسكم يمي يالكلشي منك ما سلم
مسحوگ بالحافر وذر وذر صاير
. يا خوفي من باچر

بس تدري يا خويه صعب. اسيره امشي ويا الغرب

صعبه وحق المصطفى
يا ضوه عيوني المنذبح
****
الشاعر ياسين ناظم الشباني
❤‍🔥2
عوف الماي عوف الماي
خويه ارجع النه
------------------
ياابو الغيره. وجهك ديره دير عيونك خويه عليه
دير عيونك حالي بدونك بيك اشصاير صاير بيه

عليك مشيه خويه اسم الله يحفظك زين من العين
كونك سالم ترجع ليه
وشوف حسين تعبه منين

وحسين لازم ظهره. ظهره المكسور بلياك
وحسين قدر وضعه لازم ظهره ويتلكاك

عوف الماي اترجاك. وخل نرجع انا وياك
عوف الماي عوف الماي
خويه ارجع النه
----------------
چفك طايح شوفك رايح يا بعد اصبيها وضي عيني
يوجع جرحك. ساعة ذبحك. شاغة روحه وطاح حسيني

فدوا عيوني هاي لعينك يا كفال شوف الحال
اخلافك بس التل يبرالي
ابلايه ارجال. عندي عيال

وعليه يصيح العسكر زينب عباسج مچتول
وعليه يصيح العسكر ما باقيلج بس معلول

ترجع ليه اتمناك وخل نرجع انا وياك
عوف الماي عوف الماي
خويه ارجع النه
...............

كلشي اتوقع يالما ترجع. اتيسر وانطگ اخلافك
زركه متوني واصفر لوني. اشلون اتعوف انته الما عافك

ورم متني وكونك شايف اضل محتار. شوف النار
جوت ايدي وادري اتشاهد. كل الصار. راسك حار

والخدر طلعت تركض من النار التلهب ذيچ
والخدر صاحن زين شوفي النار اشسوت بيچ

هاي الخدر بحماك. وخل نرجع انا وياك
عوف الماي عوف الماي
خويه ارجع النه.
.................

الشط ومايه. تسوا رايه. عباس من اترفرف بيدك
لا تتعذر. لو بس منحر زينب يا عباس اتريدك

ما انساك شما مر بيه ما انساك. وين الكاك
وكل گطرة ماي من اشربها. اترد ذكراك. انا وياك

ارجعلي او لا تتعذر لتگلي ايساري ويمناي
ارجعلي وشوف اشصاير ياخويه اتمناك وياي

ما احمل ثق فرگاك. وخل نرجع انا وياك
عوف الماي عوف الماي
خويه ارجع النه
..........

بهذا الصاير كونك حاضر. واتشاهد زينب شافوها.
ترجع تندم. وادم تحلم. زينب تطلع شو چتفوها

والكل تسأل وينه الكافل ما موجود. راعي الجود
مضروب براسه اعله الشاطي. بالعامود. ابلايه زنود

كوم اگعد رد اجفوفك خلي الوادم ما يحچون
كوم اگعد كلهم زينب شمسويه الكم وتشتمون

يا ابو الغيره اتنخاك. خل نرجع انا وياك
عوف الماي عوف الماي
خويه ارجع النه
------------'
ياسين ناظم الشباني
1
با الطف گمر كله احساس. عالخيم ضاوي العباس
من حسين ماخذ لونه. زينب ضوه لعيونه
بالطف كمر كله احساس

گمر گمر فوك الگاع ضاوي اعله زينب نوره
لوجها النجم من يشتاگ كل ليله يمشي يزوره
حب وشجاعه الله انطاه سوا بكلشي اسطوره
كل ما تشوفه الحوراء تلكاها بي مسروره

اتحضنه لو مر بيها. باالگلب مو بديها
مثل الورد تشتمه. وبيها يشم عطر الياس
بالطف گمر كله احساس
------
ترف ترف مثل الورد فوگه الفراشات اطير
مره ورد مره حرب عباس شتريده يصير
زينب معلمته الوفه مخاويته من چان ازغير
عباس من زغره ترف عباس من زغره چبير

گول وفعل من يحچي. چيه ترف تلكا يبچي
يم الورد تلگا ماي. بالحرب تلگا نوماس
باالطف گمر كله احساس
--------
ندى ندى فوگ الورد حتى الورد منه يغار
عباس بيمن ينوصف عباس هم بي محتار
باالحب احلى من الورد بس بالحرب تلگا نار
عباس ابد ما ينحزر عباس كعبة اسرار

ورده وعطر منه يفوح يم زينب انفاسه تروح
تشتمه وتگله افيش يعصابتي الفوگ الراس
بالطف گمر كله احساس
----------
شرس شرس من يختاض ما اخذ واحد حگه
مثل النفس عد غرگان هيج الحسين يشهگه
ابلايه چف من مثله يفزع وصاحب ملگه
إمبين الما رده شباچه حيل يشبگه

بكل شده تلگا رايه. ما يرد كلمن جايه
عباس واسع گلبه. كعبه يسع كل الناس
بالطف گمر كله احساس
---------
دوه دوه لكل زعلان عباس باب الحاجه
عباس صاحب هده يوگف ويا المحتاجه
بحر الحوائج عباس مد وجزر امواجه
العنده حاجه ويا الله ابو الفضل معراجه

كلمن گصد محتاجه بحاجه يگضي الحاجه
ما يرد خايب زعلان. كلمن گصد للعباس
بالطف گمر كله احساس
------------

الشاعر ياسين ناظم الشباني
1
دماً وماء --يا كربلاء
حتى النهر في الطف قاتل
---------
بخواني چنت مدلله. كل حرمه تحسد حالي
يخافون من هذا الهوا. خافن يطشر خيالي
اشمدريني يفتر الوكت. ولا اجت مره ابالي
تذبح اگبالي اخوتي. بكربلا ودمعي يلالي

في غربتي --روس اخوتي
اشكو لها ثقل السلاسل
حتى النهر في الطف قاتل
------------------
رديت بس روس الاهل. فوگ الارماح معلگه
يا بگه براسي يخوتي. هو اني بحوالي اشبگه
ياهو اللي مثلي عنده اخو. من عنده كلشي ما لگه
راسه متعلگ عالرمح. وبروحه روحي معلگه

رأساً على --رأس القنا
والدمع فوق الخد سائل
حتى النهر في الطف قاتل
---------------
محترگه وامشي اعله الجمر. هو شيحس المحترگ
اسمعها لمن تنكسر. ضلوع الحسين من السحگ
الف وتسع مية جرح. لا ينزر ولا ينطبگ
مگطع وصاير وصل ما مش كتر بي ينشبگ

ابكى الحجر--قطع النحر
حزناً على المقتول باطل
حتى النهر في الطف قاتل
--------------------
بلعلگمي اشگد فزعت والمحترگ من ضيمه
يتنخه بالكاتله اخو والماي شمرة خيمه
يميبس ارياگ الشتا وكاسر گلب چم غيمه
كل ليله أفرع واندعي. تصبح اجروفك هيمه
اشكي لمن--غدر الزمن
من اين إأتي باابو فاضل
حتى النهر في الطف قاتل
----------------
مره اوگف ومره انتچي. جرح اليفارگ يكتل
رجليه ماتن من رجع. للخيم مهرك يصهل
يحسين للتل من رحت. بلگوه ودموعي اتهل
عباس صاح من النهر. لأم الخدر صيرن ضل

عگب الكفل--يبرالي تل
والضعن أمسى دون كافل
حتى النهر في الطف قاتل
------------------

✍️ الشاعر ياسين ناظم الشباني
2
القصيده لسان حال الامام السجاد (ع)

من مقتلك حد دفنتك يا بويه دعواي
مثلك اموتن وانذبح ضامي بلا ماي

يا بويه دعواي ......يابويه دعواي
****
الا من ناصر من صحت منعتني عنك علتي
ومن لمدينه لكربلا وياك اموتن دعوتي
بس الله ما راد وردت يا بويه گبلك رگبتي
تنحز ولا اشوف السبي وعالنار تركض عمتي

عالتل يبويه وحشمت يا حمي الجار
ميت يريت ولا شفت بكربلا اشصار

يا بويه دعواي. يا بويه دعواي
***
من رجع مهرك للخيم خالي يبويه اتهدمت
وجروحك الما تنحسب ماادري المن التفت
يبويه الك لو للخيم اتمنيت ساعتها متت
يوم البقيت لوحدك ناصر ردت ما حصلت

اه يالحسين اشكد صحت وبلا اجابات
قرأن چنك من طحت وجروحك ايات

يا بويه دعواي. يا بويه دعواي
****
حرگو خيمنه والحرم ياويلي رگضن عالجمر
والمرض گيدني وشفت بعيوني يا بويه الشمر
حز منحرك واتيقنت ذبحوك من رد المهر
للخيم خالي وگيدو عمتي وبناتك لليسر

يا بويه لو ما علتي ما صعدن انياگ
عماتي ويمهن شمر ما يبلع رياگ

يا بويه دعواي. يا بويه دعواي
***
توجعني ايام السبي لمن مشينه بلا اهل
عفناكم بلايه دفن وبلا چفن لا مغتسل
ولا چنكم احفاد النبي ذبحوكم ومحد سال
وخلافكم بويه العمر قصيدة وبلا مستهل

اشما تنقرا ما تنفهم عبرات الايتام
الفاگد ابو والمنچوي بنيران الاخيام

يا بوية دعواي. يا بويه دعواي
**
زين العباد ومصرعگ ما خله زين احچي بعد
ميت يريت ولا شفت اعله صدرك الشمر گعد
كون الله لا يطي الشمر ولا عمر ابن سعد
بكل فرض لله اشتكي كل مغرب وماخذ عهد

ويا الماي تنصب دمعتي كل ما اشربه
من اذكرك ضامي متت تخنگني عبره

يا بويه دعواي. يا بويه دعواي
**

الشاعر ياسين ناظم الشباني
2
باچر لو متت عندي عمل زين
ديني ومذهبي مولاي الحسين

منكر من يجيني
يسألني اعله ديني

ديني ومذهبي مولاي الحسين
باچر لو متت عندي عمل زين
___
دخيل الله شمخلي باالحسين اوصاف
اخذلك بشر ينحب دون ما ينشاف
الخادم من يموت بحيره ما ينعاف
المثل حسين عنده يخاف ليش يخاف

يوگف لليخدمه بساعة البين
ديني ومذهبي مولاي الحسين

بلحضات احتضاري
راح يضل شعاري

ديني ومذهبي مولاي الحسين
باچر لو متت عندي عمل زين
____
مرتاح اليموت وگلبه عاشگ چان
ابو السجاد هذا المن صدگ انسان
هنياله اليموت ويكتبون فلان
الخادم لبو اليمه مو بشر سلطان

ماشيله مشي ولاطم بالايدين
ديني ومذهبي مولاي الحسين

كل هاي امنياتي
ولأخر حياتي

ديني ومذهبي مولاي الحسين
باچر لو متت عندي عمل زين
____
ادعي بكل مسيه وادعي كل مصباح
مجلس كون الگه بعالم الارواح
اه يحسين نقرا ونلطم اعله الراح
ضامي وبس نحر للشام فوگ ارماح

ابچي عليه واردد بس چلمتين
ديني ومذهبي مولاي الحسين

بالبرزخ امنيتي
مكتوب بهويتي

ديني ومذهبي مولاي الحسين
باچر لو متت عندي عمل زين
__
درب وحشه الگبر لا مال لا اولاد
تنفع عمل صالح بالگبر ينراد
سفر كلش طويل يريد تقوا وزاد
وهنياله اليموت بحب ابو السجاد

الما خادم اله يطي الوجه وين
ديني ومذهبي مولاي الحسين

الله يسهل امري
خادم يگضي عمري

ديني ومذهبي مولاي الحسين
باچر لو متت عندي عمل زين
____
منكر لو سألني خلص عمرك وين
خادم خلص عمري وافتخر لحسين
كون الگه من اموت بگبري بس اثنين
مجلس للحسين ويصب دمع العين

والطمله لطم مالت نساوين
ديني ومذهبي مولاي الحسين

يحسين الك جمره
بگلبي ونبضي يقره

ديني ومذهبي مولاي الحسين
باچر لو متت عندي عمل زين
___
باچر بالحشر تلتم الناس افواج
الكاتبله قصيده من الاحساب افراج
وكل رادود يقرا كلشي ما يحتاج
خدام الحسين اعله الخلايق تاج

خادم والدمع ما فارگ العين
ديني ومذهبي مولاي الحسين

باچر في سچلي
خادم ينكتبلي

ديني ومذهبي مولاي الحسين
باچر لو متت عندي عمل زين
__

الشاعر ياسين ناظم الشباني
4💔2
2025/07/14 11:13:07
Back to Top
HTML Embed Code: