كافـــــــلج راح ... يزينب
زيـــدي الانياح ... يزينب
…… .
وين حــماي الخــدر ما شــــوفة
هـا يــزينب كطعوهـــة جفـــوفة
وانتي مشـــوج اليسر مجتــــوفة
بصوتج أسمع كل رجيف الخوفة

ويــــنة عـــباس ... يزينب
راعي الاحساس ... يزينب
"""""
هـــا يشامت ســـرتك أخـــباري
وأنة لجلي الكون مـــدمع جاري
ما يهمني أضحك لاخير أنهاري
انه زيـنب انه صــــبر الـــباري

صعبة تمحون ... يزينب
باقية أم عون ... يزينب
"""""
أوحــيدة ظليـــتي يبت حــاميهة
وكافلــج عيـــنة أنعمت شوفيهة
غـــركي عينج بالدموع أعميهة
ما بقالج كـــل محامي أحجـيهة

مالــج معــين ... يـزينب
ذبحوحسين ... يزينب
…… .
أنه اخــت عــباس هــــادم ســاسكم
ما يجاري أحساسة جـمع أحساسكم
صبري شامــــخ حــد كطع أنفاسكم
بيه مـن حيــدر عـــزم كــد ناسـكم

صرخة تنعاد ... يزينب
بنت الامجاد ... يزينب
"""""
وين أخـــوتج يالعقيلة أحجيلي
ما أشوفـــنهم أجـــوج أشكيلي
حزنـــج جروح الكلب يشفيلي
هاية فرحة البيهة رد كل حيلي

ما بقى أحباب ... يزينب
والكمر غـــاب ... يزينب
"""""
انه زينب جــــلمتي المسموعة
ما أدنـك هــامتي المــــرفوعة
صح غريبة وبالاهل مفجوعـة
لا جــن الـــذلة علي ممــنوعة

تسمع الصوت ... يزينب
ساعت الموت ... يزينب

"""
الحمد الله رب العالمين ..
اللهم صل على محمد وال محمد
موسى الخادم

يا شمس غضي البصر ... لليسر طلعت عقيلة هاشم
يا أرض مسحي أثر ... أثر زينب لا يشوفه الظالم
وانت يا نجم وهوه
غطـو زينب بلـوه
،،،،،
يا شمس خلصي النهار بساعج اليوم
لليسر زينب تريد و شايله همـــوم
خايف اخيال العقيلة تنظرة الكوم
وانه ما بيه انتفض بجروحي ملجوم

لون ما عندج خبر ... حرج امتون العقيلة أملازم
،،،،
يا أرض بلعي أثر جدم العقيلة
ما بقت عندي الجفوف البيهة أشيله
وياي أريدن همت جابهاي الثجيله
موسهل أنظرهة والمدمع تسيلة

منظر ايفت الصخر ... أمكيدة بكيد اليسر بت فاطم
،،،،

يا هوة وكف النفس لا تلمس أختي
من تحركهة العباية تحز ركبتي
راعي ستر ام الخدر يالبيك همتي
تدري زينب حتى ميت أبذمتي

بالك أيمسهة الخطر ... اله صير انت الكفيل وقاسم
،،،،
يا نـــجم زيح الظلام الحل عليهة
خاف تعثر زينب ومحــــد يجيهة
والله ما بية استمع ونهة وبجيهة
نـير درب الغاضرية وي مشيهة

تدري مذبوح الكمر ... هذاحكم البلسراير عالم
،،،،
زينب أختي وانه اخوهه تسمعوني
ازعل وارضــــى الرضـــاهة تعرفوني
خــبر مـــوتي الالماهة ضــي عيوني
وانه عــذبني بسبيهة الحالربوني

عندي ما ظل كل فكر ... تنظر الزينب عيون الوادم
"""""
الحمد لله رب العالمين / اللهم صل على محمد وال محمد / مـــــــــــــــوسى الخـادم

أنشد عنك وين ... جاوب خوية حسين
جسمك هذا البلطف عاري
يا مسـتودع كـل أسراري
جاوب خوية حسين
"""
تسمعني ... يبن أمي يالمالك ذجر
تسمعني ... خبرني طايح يا كتــر
تسمعني ... زينب وحيدة أبلا خدر
تسمعني ... بعدك فلا ريـــد العمر

وينك يا رجواي ... ما شاربوك الماي
جيت ارويك بدمعي الجاري
يا مسـتودع كـل أسراري
جاوب خوية حسين
""""
دليني ... ظلمة أصبح بعيني الدرب
دليني ... وينـــك يســــباح الكــــلب
دليني ... عنك راسك الدمــة يصب
دليني ... فكد الاخـــو كــلش صعب

يحسين أخذ الروح ...
بس لا عني تروح
موتك يحرك كلبي بناري
يا مسـتودع كـل أسراري
جاوب خوية حسين

يحسيني ... أنظر جسد عاري الهدم
يحسيني ... صدرة بحوافر منـــهشم
يحسيني ... بي ريحتك يا خوية أشم
يحسيني ... هذا انت جاوب يا شهم

هالجسم أبلا راس ... متكطع ومنداس
شتت عقلي وكل أفكاري
يا مسـتودع كـل أسراري
جاوب خوية حسين
"""""
حاجيني ... صوتك حبيبي أرد أستمع
حاجيني ... مــنك تكسر جــم ظـــلع
حاجيني ... انه أختك أبأتعس وضـع
حاجيني ... بعيوني ما ظل كـل دمـع

أكعد شوف الحال ... حزني ايهد أجبال
ما وصلتلك خوية أخباري
يا مسـتودع كـل أسراري
جاوب خوية حسين
""""

خليني ... اوصل الك يالمــــنذبح
خليني ... يحسين أضمدلك جرح
خليني ... من كلبك أشلع هالرمح
خليني ... وياك أظل حد الصبح

ما أسمعلك صوت
بعيد الشر يا موت
عوف حسين وأخذ صغاري ...
يا مستودع كــل اســراري
جاوب خوية حسين
"""
دليني ... عن راسك اليكطر دمة
دليني ... أقسم عـــليك بــــفاطمة
دليني ... وين انت صوبني العمة
دليني ... بالهم تـــراني أمحـزمة

وينــك يا صـنديد
شوفك عيني تريد
شوفك لا تخفي أعلى أنظاري
تدريني ... بوادعك أكـلــيبي أنجـوة
""""
ما ذيني ... فكدك صعب ما ينحمل
ماذيني ... كثر الحزن كلبي يـــمل
ماذيني ... موتك يبن خير العــمل
ماذيني ... ماعندي ظل بعدك أمل

ما ظل بية الحيل .
يالسحكوك بخيل .
ارحم ضعفي أعليك الباري .
يا مسـتودع كـل أسراري
جاوب خوية حسين
"""
تدريني ... بوادعك أكـلــيبي أنجـوة
تدريني ... بعيوني ما ظل كل ضوة
تدريني ... ضايع علي شم الهـــــوة
تدريني ... متحيرة ما نرجع الســوة

اخـــتك أنه شلون
تتركني ابلا عون
ارجع بعدك موحش داري
يا مستودع كل أسراري
جاوب خوية حسين
""""




لحمد لله رب العالمين
اللهم صل على محمد وال محمد
موسى الخادم

نزله (( #الأميرة )) 
……………………………………………………………

أسيرة .. رفض كلمة اسيره
أميره ..  ابعرش راحت أميره

……………………………………………………………


جبل عالناگه صاعد . ابعرش بلقيس گاعد
واذا باوع على الگاع . يشوف الالف واحد 
ابطريج السبي كله . شمر من عدها لابد
ابد ما مات عباس . تراها ام عون قائد

عشيره . غدت بيرغ عشيره
أميره . بعرش راحت أميره

……………………………………………………………


اسم طه اعل چفها . حبل شنهو و چتفها
النار و بردن اتصير . اذا وصلت طرفها
تطيح النجمه جائز . وشمخ زينب انفها
تميل الكاع بالناس . اذا مايل چتفها

كسيره .. ايخسه الگايل كسيره
أميره ..   ابعرش راحت أميره

……………………………………………………………


لمن بالكوفه خطبت . رياح الخوف هبّت
اصفر اصبح اللون . شوارب زلم گلبت
قيامه اليوم چنهم . عليهم نار شبّت
حچيها اتكول فقار . لبن مرجانه رعبت

زغيره .. زلم صارت زغيره
أميره .. بعرش راحت اميره

……………………………………………………………


خذت دور الزعامه . حجاب و كالعِمامه
غدت وي زين العباد . درع يحمي الامامه
تضم الباقر الها . مثل جنح الحمامه
درب چن لبوه تمشيه . وشمر مثل النعامه

وزيره . لبو الباقر وزيره
أميره . ابعرش راحت أميره

……………………………………………………………


نزل من الله اسمها .  وعلم كامل علمها
الله وگص عباتين . الها او وحده لمها
عاشت ورده بيضه . ابشغف حيدر يشمها
اذا ضيّعت الحسين . فقط تلگاه يمها

قريره .. بها عيونه قريره
اميره .. ابعرش عاشت اميره

……………………………………………………………



الملك تيّه لسانه . قزم ضاع ابمچانه
يزيد انغسل وجهين . سمع اكبر اهانه
تگله اعليك غصبن . يظل يرف لوانه
ابن هند ام الاكباد . و بنت الزهره انه

كبيره .. أنه الشيخه الكبيره
اميره .. ابعرش راحت اميره

……………………………………………………………


غدت جنه الخرابه . وابد مو عالترابه
الله امن السمه ابساط . فرش الها السحابه
تنور وماكو ظلمه . الكمر فك الها بابه
يخسه يزيد ويعيش . خدر الله وحجابه

قديره .. تهد قصره قديره
اميره .. ابعرش راحت اميره

……………………………………………………………
✍️ ( سيد خضر الزاملي )
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

(( #رفقاً #رفقاً  ))
لسان حال احدى النياق
……………………………………………………………

رفقاً رفقاً ياهزلات .. متعوبات العلويات
جارت كل الدنيه اعليهن
عاد احنه الخل نرحم بيهن
رفقاً رفقاً

……………………………………………………………


رفقاً و الحرم هايه . الله لذاته ناسبهن
ربن عالخير مهيوبات . حسين اشگد امدللهن
انذبح واليهن وظل راس .وهِنّه السبي ذابحهن

اجنچن من رگض والبيه الف عثره
وجدم ماكول صار ابحلگ چم جمره
و اذن مجروحه شبعت شتم بالزهره

خل نستقبلهن بونين .. انصب دمعات الاخت حسين
و اعل العباس انواسيهن
عاد احنه الخل نرحم بيهن
رفقاً رفقاً

……………………………………………………………


نتساوه اوي سطح الگاع . ننوّخ حيل للرچبه
عالي الظهر عدنه وخاف .الصعده اعل الحرم صعبه
چف الجابهن مگطوع . واديهن ظلت ابغربه

لو صعدن عليچن بالعجل نهظن
تره اعليهن سياط ابضرب يلتمن
السوط تگول نار ومنه يتأذّن

وبهيده اتنهظن يجمال .. بيديهن ملفوفه احبال
من وحده الوحده امچتفيهن
عاد احنه الخل نرحم بيهن
رفقاً رفقاً

……………………………………………………………


جبيرات الحرم يانوگ . نگول ايحملن الصعده
لچن اشلون بالاطفال . اليطيح وياهو الي يرده
لو احنا النسحگه ولو . ابسوطه الشمر ويجلده

العطش و الجوع حيل امأثر اعليهم
من شوچ الارض متروسه رجليهم
يضربوهم اذا سمعوا بواجيهم

كل واحد مجروح احساس .. امدللهم حيل العباس
وردات ابخوف امذبليهن
عاد احنه الخل نرحم بيهن
رفقاً رفقاً

……………………………………………………………


امر واحد صعب يانوگ . وابد ما نگدر انوفره
افياي انحصله الهن وين .تره شمس الضهر جمره
هاي العبي سوده اليوم . وباجر تنگلب حمره

لو نزلن نظل وگفه و نفيي احنه
امبارك ساعه فَيّ الهن يحصلنه
بدلهن خلي هاي الشمس تحرگنه

بس شلون ابريح الحار .. ايهب اعليهن مثل النار
ابلا سد ايظل ايچوّيهن
عاد احنه الخل نرحم بيهن
رفقاً رفقاً

……………………………………………………………


يناگة سكنه كل ساعه . يم الراس گربيها
ابگلبها الهظمه مكبوته . لبوها تريد تحچيها
الراس او وين ما فروه . يرد و يلتفت ليها

يناگة زينب او وصليها للكافل
تره عدها عتب وي راس فاضل
عالو بيها محد وكّف العايل

خدري وهم مثلك مذبوح .. يم اچفوفك عفت الروح
اعل زندوك خويه اتخليهن
عاد احنه الخل نرحم بيهن
رفقاً رفقاً

……………………………………………………………


والاصعب لو وصلنه الشام . سوگ او وادم امعيده
يتلگانه كل واحد . احجار امحمّل ابأيده
نعلي ارگابنه ليفوگ . الحجر عن زينب انصده

ينوگ هناك لازم ننركض ابسرعه
من السوگ نخلص كون و انطلِعه
انخلط ماي الخجل عدهن اويه الدمعه

فاطم تبچي ابدم يانوگ .. ابنيّات الها ابنص السوگ
فرحان ايزيد امتانيهن
عاد احنه الخل نرحم بيهن
رفقاً رفقاً

……………………………………………………………
✍️ ( سيد خضر الزاملي )
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

آنه الغريبه وماتت اسنيني
ظليت  اعيشن انه ابونيني
جرح السبي مابينك  وبيني
******
ابدي  قصة   احزاني
وانه ابجمرة اشجاني
وحدي بلايه خواني.........عذاب

احسب عمري لچماتي
بس    النايبه   آهاتي
اجري اهوايه دمعاتي......مصاب

منو المثلي يحسين تعيش المصيبه
صرت صرح الهموم   اويلاه غريبه
اسد باب الجروح يردلي ابنحيبه

هاي الليالي جرحي واحساسي
صعب اليتم  لو  يمسح ابراسي
كل ونه  صارت  تخنگ انفاسي

ناعي الحزن ابجروحه يلفيني
آنه الغريبه وماتت اسنيني
*******
انه  الما   طفت  ناري
يكتب دمعي وعباري
تدري وضعي وخباري......دموع

فدوه ارحمني ياليلي
اگعد يمي  واحچيلي
بعدك   ينهدم  حيلي .....ظلوع

يبو اليمه الآهات عذابي وجروحي
گلت خويه وياك اظن ميته روحي
بعد طبرة  الراس  تهدم  صروحي

ليل   المصايب   عشرة  احزاني
والشام اجاني وجايب اشجاني
يحسين  اسولف  غربة اوطاني

حزني من اسولف كلبي ياذيني
آنه الغريبه وماتت اسنيني
*******
باچر  غربة اظنوني
بيين شيبي بعيوني
بانت لوعة  امتوني.........ونوح

انه الما  شفت  راحه
يذبح تالي مصباحه
دهري يرمي برماحه......جروح

يبو  اليمه  الأفراك   يعذب    دليلي
تظل نار   الاشواك   حياتي  وعويلي
الكتب عني طاغوت حياتي ورحيلي

درب  المصايب   بيش  اوچنه
شابت اعيوني اشلون اشوفنه
يحسين   اخبرك  زادت  الونه

بالغربه صارت روحي تدريني
انه  الغريبه  وماتت  اسنيني
*******
لحظه  ما غفت عيني
تربي الجيت احسيني
ابنار  الغربه   تدريني ......اموت

وحدي ولاشفت ناصر
گالو    ما يصل   زاير
كلها  تنذبح   باچر......سكوت

يبو اليمه حسرات اعيش امنياتي
يظل دهري وياي   يعذب حياتي
متت شام الأحزان يرجع  وفاتي

ياحيف  اشوفن مرقدي خالي
بعد المصايب جرحي يصفالي
كون انت يمي حسين يالغالي

نار   المخيم لسه  تچويني
انه الغريبه وماتت اسنيني
*******
وحدي بغربه عفتوني
يحفر  دمعي بجفوني
دار  الحسره   تلگوني .....عتاب

ردت   كربله  اعليه
اركض وصفج يديه
ضعني واني مسبيه .......عذاب

منهو المثلي يحسين طفوفك شفتهه
عشت شامي  مرتين هضيمه عشتهه
عفت احلى وليان صعوبه عفتهه

ياخويه بعدك چم شمر جاني
وحشه  وغريبه ابلايه خواني
باب  النوايب يشرح  احزاني

كتر  الغري   وين  اليدليني
انه الغريبه وماتت اسنيني
*******
تمت بعون الله تعالى الشاعر_يوسف_الفتلاوي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

لمولاتي السيدة زينب ع

شيظل بل ابنادم اذا يسبونه
واسبعطش منحر تشوف اعيونه
يثگل اعله السانه إسمة
وكالخيال ايصير جسمة

اليسبونه .. اليسبونه
~~~
هو السبي ايخلّي البشر .. يفتح اعيونه ابچفه
ويذبّن اعيونه جمر .. لمّن بخوته اتحلفه
والگطّع امتونه الحبل .. ليل الله يلچم چتفه
والميّت بإيدة ابن اخو .. خل ينسه طعم الوگفه

الينام بعينه دم رمح .. هذا بي جرح .. بالعاشر
خل يمشي بجرحه للگبر .. يدفن الصبر .. من باچر

كلهن هذني بزينب وما ميته
والله اعله ساعه اتموت من السكته
هذا حاله المات حلمة
كالخيال ايصير جسمة

اليسبونه .. اليسبونه
~~~
زينب گلبها منتهي .. نشّفها صبح العاشر
بس العبايه والنِفس .. رجعّها سحگ الحافر
الصاير عليها بكربله .. لا صاير ولا داير
ميته وعلي لو ما الصبر .. أليوم گبل الباچر

چووها بحرگة الخيم .. شافت السهم.. بالجربة
راووها رگبة الگمر .. شايل النهر .. و امتعبة

كل ما تنام اعله الظَهر تتذكّر
اشلون نام احسين يم الاكبر
گبل لا يحچيله كلمة
كالخيال ايصير جسمة

اليسبونه .. اليسبونه
~~
زينب سباها المو عرف .. ويد الغرب دفعتها
نعمه وسنة ونص اصبرت .. ما ماتت بساعتها
هيه الترسها الطف سبي .. وچوه اديها وعتها
هايه تعيش وتختنگ .. تتنفس ابموتتها

الدفنت چم طفلة بالدرب..عفية مو گلب..شايلته
مسبية وركبت الهزل .. چفها بالحبل .. عاگدته

يومية تحلم بالشمر والخيمة
گاطعله راس ويمشي بي بالهيمة
واعله طول السيف دمة
كالخيال ايصير جسمة

اليسبونه .. اليسبونه
~~
مشووها درب ابلا سحگ .. همّه ميندلونه
ألسابي والمسبي وعلي .. ايموتون اذا يمشونه
اليم عينه راس ابلا جسم .. ايجيبونه ويردونه
تبقه رگب فوگ الرمح .. ما بيها روح اعيونه

ماعدها وضيعت ظَهر .. والدهر كِسَر .. رايتها
وچم جثّة ابلا خشب نعش ..لا سگي العطش .. عافتها

اليذبح اخوك اشلون تمشي ابصفّة
والتكتل إيعرفك وإنته اتعرفة
اهنانه ماتت نسمة نسمة
كالخيال يصير جسمة

اليسبونه .. اليسبونه
~~~
من ذبحوا احسين الظهر .. شهگت لحد ما طاحت
وشالتها سكنه امن الرمل .. للخيمة تلطم راحت
زينب الف موته گبل .. ماتت تره وما صاحت
اصبع رقية شمتّه .. واتنفست من ماتت

طيحتها وطيحة الدمع .. والله تنسمع .. عالناگه
التطب امچتفه القصر .. تبقه للگبر .. مشتاگه

باگت نِفسها وفحطتها الكوفة
بت الامچتفهم تطب مچتوفة
الخدر لو ما يمه زلمة
كالخيال يصير جسمة

اليسبونه .. اليسبونه
~~~
زينب امانتها انتهت .. بالشام اجت تنطيها
ما ميته موت الله تره .. ميته بحچي السابيها
ضعفت ضعف من كربلة .. خيط الشمس يخطيها
تدرون وصلت مرحله .. ألكلمة ما تحچيها

من شافت كافل انطعن .. رسمت الزمن.. بچفوفة
ما رادت بس هوه الگمر .. يلفت النظر .. وتشوفة

وگفت عله الباب الضهر توميله
ايد بظهرها وايد فوگ الشيله
ما اجه وگعدت ترسمة
كالخيال ايصير جسمة

اليسبونه .. اليسبونه
~~
علي هادي الخزعلي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

منهاج محرم الحرام 1447 هـ

تِسبوِها أتدرون؟...مَن زينب

بنتُ مَن وإختُ مَن.... تنسبي والله زمن
وهُمه اهلها اكبر وطن... لكل غريب وضايع
چان حماي اللوه... بليل لو سارو سوه
يركض يطفي الضوه...ظِلها خافن طالع

ويمسح ليها الاثار...يتعقب
تِسبوِها أتدرون؟...مَن زينب
ـــــــــــــــــــــــــــ١ـــــــــــــــــــــــــــ

بهودج وفوگاه عَلم... متخذ وضع الخيم
حتى هودج إلها هَم... ما تشوفه الوادم
وهسه مچتوفه بحبل... ومن بعد هودج هزل
ولو وگع عدها طفل...ايسحگه عمده الظالم

وايطعنوه بالارماح...للينحب
تِسبوِها أتدرون؟...مَن زينب
ـــــــــــــــــــــــــــ٢ـــــــــــــــــــــــــــ

الحادي بچفوفه أثر... باقي من دم الگمر
وإلها كل ساعه وحضر... شوفي دم الكافل
وجوده من عنده البگه...برمحه ذاكه امعلگه
لگلب زينب يِحرگه...من تشوفه اشايل

وتتغارگ بالادموع...من يگرب
تِسبوِها أتدرون؟...مَن زينب
ـــــــــــــــــــــــــــ٣ـــــــــــــــــــــــــــ

تحاچي شيَّال الرمح...انت شايلَّك صُبح
ايگلها چان ومنذبح... هسه هذا حسينچ
راس اخوچ وحائزَه...ورمحي بي هالراكزه
آنه اريد الجائزه...ما يهمني اونينچ

ومَيهموني الاطفال...تتعذب
تِسبوِها أتدرون؟...مَن زينب
ـــــــــــــــــــــــــــ٤ـــــــــــــــــــــــــــ

بيها ظنو تنكسر...لَمن طبت للقصر
باوعو لن الشمر...يرجف من الصاير
اتسائلو جاوب چنت...أمشي لوما دنگت
يعني معناها انهنت... وصرت أمشي وصاغر

لو أشْرْت بالاچفوف...أتخشب
تِسبوِها أتدرون؟...مَن زينب
ـــــــــــــــــــــــــــ٥ـــــــــــــــــــــــــــ

طَبَت بهيبة علي...الدوّر صاحت هسه إلي
أشهدُ ألا ولي...ولا فتى بس حيدر
وأنه اجيت هنا لأن...كربله احتاجت عَلَن
بكيفي مشيت الضعن...حتى أذل المُنكر

وعِرفِو المثل الحسين...لا يُغلَب
تِسبوِها أتدرون؟...مَن زينب
ـــــــــــــــــــــــــــ٦ـــــــــــــــــــــــــــ

أحمد البصراوي العبادي
نسألكم الدعاء والفاتحة لوالدّي
وخادمكم بأمس الحاجة للدعاء
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

عند دخول ضعن السبايا الى الكوفة
لسان حال السيدة زينب (عليها السلام)
تخاطب دار الإمام علي (عليه السلام)


يا دار الأمان... والحب والحنان
يمچ بالحبال...رجَعنَّه الزمان
بخرابه گعدونه
وانتي دار ابونه

امگيده بسبي... وانتي دار أبي
اتذكري ذكرياتي
الجاور لهلي... ما لمح إلي
مره ظل عباتي

وحتى النسوه مو ياهي وتمر بينه
بس الندري ما تحچي بوصف لينه
وشوفي اليوم يتسله ابواچينه
الذابح إخوّتِّي والگَيَّد إيدينه

لبيرچ كون أروح...وأحچيله الجروح
چا ما ظَلَّه ماي...من گدما ينوح
يمچ غَربونه
وانتي دار ابونه
ـــــــــــــــــــــــــــــــــ١ــــــــــــــــــــــــــــــــ

اتأملي حالتي... شوفي إخوّتِّي
وهذا منهو نظري
الچان إلي سند... وساعه لو بِعَد
ساعه دمعي يجري

هذا الچان من يطلع اناطرله
ومن بابچ يفتحه ركضه أركضله
الما ترمش عيوني لَمن أنظرله
بس الراس باقي وانطحن كله

مطحون الحسين... مدري بجسمه وين
من كثر الدموع... زين وعندي عين
وراس ويضربونه
وانتي دار ابونه
ـــــــــــــــــــــــــــــــــ٢ــــــــــــــــــــــــــــــــ

ادري تسألِي... وينه كافلي
راسه يم أخيه
نظري عالسهم... شوفي يا ألم
أنه بعده بيه

كل شويه ودي وسهمه أطلعنه
بس فص عينه خوفي اوياه أشلعنه
اتألم واذا شوَّفي درت عنه
بسرعه اشتاگله وليه وجهي أرجعنه

ابلا وجه الكفيل... ما احس عندي حيل
حتى بسهمه ظال...أجمل كل جميل
حل شوفي لعيونه
وانتي دار ابونه
ـــــــــــــــــــــــــــــــــ٣ــــــــــــــــــــــــــــــــ

چنتي مبسمي... وهسه معصمي
منه يجري دمي
وما كفه الدمه...أمي فاطمه
وذوله شتمو أمي

وتتذكرين حيدر لو حچه بيها
كلنه انگوم نوگف ويه طاريها
وهسه انشتمت وبس ارفض الگيها
اوجوه ايتامي سوط بحقده يدميها

واوجوه الزغار...ترفه وسوطه حار
ومن ينزل اشوف... يجرح بيها صار
بهالحاله سبونه
وانتي دار ابونه
ـــــــــــــــــــــــــــــــــ٤ــــــــــــــــــــــــــــــــ

ادخلنه للقصر...وأهون الجمر
ذاكه من قصرهم
كلها بي زلم...وگلبي ينثلم
والله من نظرهم

وراس حسين گدام ابن مرجانه
بعصاته ايگَلُبَّه وتتمضحك اعدانه
ويگله إنظر خواتك صارن هنانه
مسبيات إجن للكوفه ويانه

هنا واجب أصير... الناصر والنصير
گتله احنه الأُباة...وانت تظل زغير
وذَلينه عدونه
وانتي دار ابونه
ـــــــــــــــــــــــــــــــــ٥ــــــــــــــــــــــــــــــــ

أحمد البصراوي العبادي
نسألكم الدعاء والفاتحة لوالدّي
وخادمكم بأمس الحاجة للدعاء
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

وخر يسلاب.. خليـــني وحـــدي
خل حر الاتراب.. يجويلي خدي
الخيل اجت من كل صوب
ساعه وتعال اعله الثـــوب
ـــــــــــــــــــــــــــــــــــــ
ثوبي يالسلاب عوفه.. الخيل اجت من كل درب
ودوسة الحافر ثگيله..  تكطع ابتوت الگــــلــــب
روح من بعيد بـاوع.. يمـــــي ابـــــد لاتــــقتــرب
راح تتطشر اضلوعـي.. وبالحجــر راح انظــــرب

هوه انه مـــرتيـــن.. داسـو عليــه
ضلت عله الثوب..  سهله القضيه
للوادم انه اشــمـــطلـوب
ساعه وتعال اخذ الثوب
ـــــــــــــــــــــــــــــــــــــ
حسين آنه رحمة الله.. تچوي بخدودي  الشمس
يچوي التراب بصفحتي..وانچـــوه گلبي احــــس
مابقــــــه حيل وأگــــومن.. حيلي هداه الرفـــس
والرمح فتـت دليلي . بوسطـه نابـت  منغـــــرس
وانه اعله هالحال: فايض بدمي
هاك اخذ شتريد: لاتبقى يـــمــي
مطعون گلبي ومتعــوب
ساعة وتعال اخذ الثوب
ـــــــــــــــــــــــــــــــــــــ
ساعه ويگطعون اصبعي .. ويجمد  اعليه الدمه
ارد اسبح واذكــــر الله.. ذِكر امـي فاطـــــــمــــه
شلون اسُبح وانه اصبعي.. منگطع وي خاتمه
كافي مو يبست  چبدتي.. وريجي طگ من الضمه

عالمحبس الگوم .. انظر ينظرون
صح بس التراب.. يترسها العيون
والقــــــدر هذا المكتـوب
ساعه وتعال اخذ الثوب
ـــــــــــــــــــــــــــــــــــــ
شويه واتدوس الحوافر. ضلعــي وادوس الظـهـر
وتسحگ الخيل اعله صدري.. من بعد ضــرب الحجر
وينگطع نفسي وتسوي.. بصدري طعنــات وحفــر
والسيوف تحـز وريدي .. وانذبـح من  النحـر

وزينب بالخيام . منتظره الاخبار
وادري بگلبها.. مثل الجمـر حــار
خليني اموتــن فدنـــوب
ساعه وتعال اخذ الثوب
ـــــــــــــــــــــــــــــــــــــ
ساعه وايظل عالترايب.. جسمي وي ذاك الرمح 
وخلو زينب من تجـــينـي. هلبـت اداوي الجـرح
يساعد الله اختي لمن.  تشوفني اهنا منـــذبـح
وراس ماتلگه اعله جسمي.. والدمع منها يسـح

وتتلاگه الاوجوه.. بس راسي مگطوع
وزينب سبيـــــه.. والگلب مــــــفجوع

وحساب هذا ومحسوب
ساعه وتعال اخذ الثوب
ـــــــــــــــــــــــــــــــــــــ
حيدر بشار الدراجي

مطشر وشي لمه جسمك
مشلوع گلبي اوداعت أمك
يحسين بس هل ليلة يمك
راح امشي يحسين
ــــــــ ❁ ❁ ❁ ــــــــ


حمره الحوافر خويه حمره
من صدرك وضلت تطشره
ومابيه حيل اوداعتك گوم
خاطر نسولف حسره حسره

مابيه حيل وانضرب حيل
ايطول النهار ويگصر الليل
ليش الزمان ويه أختك يميل
ويعيل ضل باليوجع ايعيل

ليش الحوافر بيها دمك
مشلوع گلبي وداعت أمك
ــــــــ ❁ ❁ ❁ ــــــــ

خليتني مكسوره خاطر
هل ليله يمك امشي باجر
عايفني وحدي وگلبي ملجوم
وبس يم بناتك گوه أكابر

والحيل انته ومن رحت راح
من امشي خطوة بكض الاصفاح
ومن رووسكم خلوها برماح
حسيت بس بموتتي ارتاح

ريتك جرح وبروحي أضمك
مشلوع گلبي وداعت أمك
ــــــــ ❁ ❁ ❁ ــــــــ

اشلون ألمك گبل الوداع
وجاليش لحمك تارس الگاع
مهظوم گلبي هواي مهظوم
التارس عيوني اتطشر بساع

بس البواجي متعبه الراس
لا انته يمي ولا جه عباس
والگطعوكم هسه حراس
مهظوم طولي وتضحك الناس

ماريد أعاتب حتى أهضمك
مشلوع گلبي وداعت أمك
ــــــــ ❁ ❁ ❁ ــــــــ

ماعندي أخو ولا عندي خيمه
وگلبي اعله ضيمك زاد ضيمه
وسهرانه عيني وعايفه النوم
وصارت عگبكم روحي هيمه

وينشلع گلبي بطلعت الاه
ومتعوبه من الصار والله
وهوى الجره يحسين أنساه
ودلالي حالك حيل جواه

ويحسين ماريدن ألجمك
مشلوع گلبي وداعت أمك
ــــــــ ❁ ❁ ❁ ــــــــ


بلوه توديني اعله بالوه
ولحد يضن دنياي حلوه
وانه الگلبهه هواي محروم
وصارت مشيتي هسه گوه

وجا وين وجهي هسه أديره
ولا يمي اخوتي ولا عشيره
وطحت بعرب ماعدها غيره
يفرون بختك ديره ديره

گبل السبي خليني اشمك
مشلوع گلبي وداعت أمك
ــــــــ ❁ ❁ ❁ ــــــــ

الشاعر محمد البنداوي

زينب تسأل ابن اخيها علي السجاد .عندما عاد من دفن اجساد اهل بيته ..

گعــــــده.
ــــــــــــــ
...............................................


غاب عن انظاري وأبـعد (علي) السجاد.
گلت راح اوليد اخوي الدفن الاجساد.

يل .جنت  بـــــالغاضريه
احجيلي عن اهل الحميه..

گلت راح اوليد أخوي الدفن الاجساد..
.............................

عمه سولفلي اعله خوتي شحالهم من فاركَتهم.
حار ... رمل الحومه ادري والاعادي سلبتهم.
عمه هم عتبوا عليه جي مشيت وماشفتهم

مجبوره عنهم من رحت.
تمنيت  وياهم متت..
مــا دروا بيه اتجتفت..

              الهل السبب ماودعتهم.

ياعلي سولفلي عنهم گلبي مشتاكَ.
الله يدري بحالتي شمسوي الافراكَ.

والمصاب  البيك  بيــه
احجيلي عن اهل الحميه.

كَلت راح اوليد اخوي الدفن الاجساد.
....................................

عمه سولف عن جروحه جم جرح بحسين نازف.
ياعلي  الگيته  بمكانه لـو أثر عالخيم زاحف.
أنــه للحومه من اجيته.استقبلاني بريج ناشف

ياعمه حــاجـاني بهمس.
غطيني من حرّ الشمس.
بس حاذري أسياط الرجس.

             وضليليته بكل عواطف.

لاحظت خط بالارض من سهم جبده..
شالته  الغيره   وزحف  يتلگـه  اخته.
.
عــالنحر دمعات الــــيه
احجيلي عن اهل الحميه..

كَلت راح اوليد اخوي الدفن الاجساد.
....................................

احجيلي عن حالت كفيلي ورايته وكَطعت ازنوده.
هم صدك عالوجه طايح خــافي حدر الصدر جوده.
ناشدك عن الكفلهه  الجانت  أمأمنه بزوده

هم كَلت عذبها زجر.
وحارك عبايتها الجمر.
هم كَلت مسلوب الخدر.

             وعتذرلك عن عهوده..

شفت راسه عالرمح صوب اخته يندار.
عمه  ويعاين  عباتي  وحركت  النار..

يـــــــاعلي ويبجي عليـه
احجيلي عن اهل الحميه..

كَلت راح اوليد أخوي الدفن الاجساد.
...................................

والله ماتنعقل ذاك الجان بعيونه مكاني..
يعتذر ما يجي الزينب عمه معقوله نساني.
ياعلي هم سولفتله عن شمر لمن ولاني..

هم كَتله جتفّها بحبل.
هم كَتله لوعها النذل.
هم كَلت ركبت عالهزل.

               والشمر عنكم سباني..

والله عاذرته الفده عينه وجفوفه.
بس تمنيت اعله طوله بعيني اشوفه..

نسولف ونكَعد سويه
احجيلي عن اهل الحميه..

كَلت راح اوليد اخوي الدفن الاجساد.
.....................................

ياعلي هم سولفتله من اجه الحادي السبينه.
وصاح زينب طلعوها والشمر يحدي  الضعينه.
كتله ذيج اللحظه ذكرت من جبتها من المدينه.

هم كَتله خويه اتمنتك.
اتضلل عليها برايتك.
وتركب الناكَه بهيبتك

           يدري مجتوفات ادينه...

لحظت السار الضعن واعلن رحيله.
خـــويه ركبني العليل  اعله  الهزيله..

مجتفه والبيه بيـــــــه
احجيلي عن اهل الحميه..

كلت راح اوليد اخوي الدفن الاجساد..
....................................

✍ ابو منتظر الحجامي. 2025

قصائد السبي

ندبتك والجفن غيمة .. ..تخوف نومت الهيمة

إذا ميدان ..بلايه اخوان

تخوف نومة الهيمة
………..
من انتهى خوف الحرب ..بينه ابتده خوف الليل
وماترحم الغارة التجي ..الگدامها تسحگنه الخيل

متعوبات وحده تصبره ابوحده
وحرنه الليل يگضي وگفه لو گعده
ظلمه وسوطهم عالحرم يتعده
ما نعرف يجينه امنين ونرده

چف ابچف لزمناها .. التطيح انطيح وياها

ونعي النسوان .. بلاية اخوان

تخوف نومة الهيمة
…………………
الدخان وي ليل اهدعش .. من عيني باگنه الشوف
وضل سوطهم بيه يطش.. ويلمنه ياخويه الخوف

ظلمه والحزن ضل تارس الريه
ولن صوت الينادي ضاعت بنيه
واسمع وحده تهمس مدري ياهيه
تگول الريح لو هب يلچم ايديه

بنتك بيش اداويها .. وانا الماذيني ماذيها

الگلب تعبان .. بلاية اخوان
تخوف نومة الهيمة
……………………… .
جف محترگ چف منجرح .. بيمن اصد سوط الجاي
واثنينهن ياذن تره ..………… من يوگع اعليهن ماي

اجيت ارد اشتكيلك لا تضن اعتب
خوف الليل اشد من الحرب يرهب
ما بين الصحاري والهوى المترب
شفت ريح السموم برسمك اتسلب

الچنت تمسي وتصابحها .. تغير كل ملامحها

بلا صيوان .. بلاية اخوان
تخوف نومت الهيمه
…………… ..
ماندري واقع لو حلم…  يرعبنه كل ساعة اخيال
گدامنه ايروح ويرد…  تعّبنه خويه الچتال

متن لازم متن بالليل نگضيها
ورقية  من تون بالنص نخليها
بيّه َيهدد الچتال سكتيها
اهد الخيل من اسمع بواچيها

اخيتك هاي حيرتها ..اسكت روحي اسكتها

صعبة امچان .. بلاية اخوان

تخوف نومة الهيمة
…………… .

تعبانه من كثر الركض .. گد ما اگوم واعثر
بالليل ياذينه البرد .. والظهر ياذينه الحر

بردانه وندهتك ماغفت عيني
تعال برايتك عباس  غطيني
ما اندل واجيت اعليك دليني
اخاف من الغرب لا تسمع اونيني

منّه السوط اخذ حيفه .. يلم ويطشر بكيفه

عتب بلسان .. بلايه اخوان

تخوف نومة الهيمة
………………………… ..
ايوب يوسف الطوگي

#قصائد_زينب_والسبي

ضيم درب الشام والسبي ما بيه حـــيله
ضيم درب الشام ياهو يخواني اشتكيله
ـــــــــــــــــ
من حده حادي الضعن
روحي يخـــواني تحن
ما ترك روحي الــحزن
ما مصيبه احجيها
عله الناكه شكد صعب
اشطوله يا هذا الدرب
امشي واعيوني تصب
دمع ماضــــل بيها
حدي ضعني ابلا أهل
زحمه اصــعد عالهزل
والاهـل خلـصو چتل
ضيم روحي البيها
حدي حادي الـنوگ سفرتـــي كلش طويله
حدي حادي النوگ ياهو يخواني اشتكيله
ــــــــــــــــــــــــ
حيرتـــي ما تنـوصــف
حيرة الجرحــــه كلــف
علٕـــــــــي بويه للنجف
ياهــــــو اليوديني
بويــه عدواني اشـكثر
بالضعن حــادي الشـمر
وأنه وبــــــــهذا الـعمر
شد حبل جفيني
لا خــــــــــيام ولا زلم
طــــــــاح شيال العلم
بــــــويه دخان الخيم
علي تارس عيني
مره وبالخمسين ركضتي بالطــف ثگيله
مره وبالخمسين ياهو يخواني اشتكيله
ــــــــــــــــــ
حيره المــن يا طـفل
وأنه مجـتوفه بحبل
يا دمـــــع يهلي أهل
من بـــعد عيناكم
نضرت الشامت سهم
ريت مـــو واقع حلم
بس حرگ يهلي أشم
عذباني اجــفاكم
يهل زيــــنب باليسر
مره كل ساعه انهطر
سوطهم خــــــله اثر
وين يا ملــــگاكم
وين اروحن ويــــن روحي يخواني عليله
وين اروحن ويـــن ياهو يخواني اشتكيله
ـــــــــــــــــــــ
هلي يا عز وفــــــخر
بقت زينـــــــب للقهر
تعرض بعيـــني صور
خــــيـل والخياله
راح صـــيواني هلي
حرمه انه وياهو الي
بويه اصيحن ياعلي
حالتــــــي ياحاله
ايتام عنــدي بكربله
حـيرتي بهل معضله
شمر حــادي القافله
دمعي ضل اوشاله
عطش نار وخيل يا دمــــــع الكم اسيله
عطش نار وخيل ياهو يخواني اشتكيله
ــــــــــــــــــــــــــــ
الصعبه حداي اجنبـي
والتراب اعــله العبـي
من التعب نحبي حبي
حشــــمت ولياني
زينـــب ابوليــة عــدو
ما بقــــه الهـا اخـــــو
ياهو يحضرها ومــنو
باليتامـــه اتعاني
ياهو يســمع شكـوتي
حيــــل تكلف محنتي
من بــعد فيي اخوتي
امشي وي عدواني
صعبه أطـــــــر السوگ ناگتي كلــش هزيله
صعبه أطــر السوگ ياهو يخواني اشتكيله
ــــــــــــــــ
الخادم المقصر ناجي ابو كيان الصالحي
ونسألكم الدعاء لي ولوالدي 2025

#قصائد_الامام_الحسين_ع


يالخنصرك مكطوع. سوده عليه
يالخنصرك مكطوع. بالغاضـريه
ذبلت يالغالي اشفاك. بالونه يمه انعاك
بالغاضـريه
…………
اجيت ابلــيل ادور تــــــعثر اجدامي
اويلي اعليك يبــني يالمتت ضامــي
اجيت م‌ـــِْن المــدينه لزهرة ايامــي
ادور وين اصبــعك منكطع دامــــــي
م‌ـــِْن المدينه اليوم. جيت بحسرتي
م‌ـــِْن.المدينه اليوم. سالت دمــعتي
كل لحظه انه وياك. بالونه يمه انــــعاك
بالغاضــــريه
…………..
اشو ماكو جــــمالك يــمه متــــــغير
فلا صــدكت انــته وعقــلي متــحير
لكيتك يبني طايــح دامــي المنــحر
علـّۓ هاي المــواقف يــمه ما اكــــدر
ما صدكت مذبوح. فوك الوطــــــيه
ما صدكت مذبوح. يبن الزجـــــــيه
حر الشــمس اذاك. بالونه يمه انعاك
بالغاضـريه
………….
عزيز الروح انــــته يمه حاجينــــــي
سكوتك ه‌‌َـَْـُذآ يبني حيــــل ياذيــني
اليٱلمــــك يا جــرح يا يمه دليــــــني
اخذ من عِنـ.‌‌‌‌‌ـديّ كلشي يمه يحسيني
حار الترب يا حيف. ويجوي خدك
حار الترب يا حيف. ياهو اليضمدك
حاجيني يبني ارجاك. بالونه يمه انعاك
بالغاضـريه
…………
اجيت بضــــــلعي يمه وتــــستعر ناري
اجيت الطــــــم وانوح لجسمك العاري
انه كل ليله يــمك مدمــــــعي جــٍّــاري
عمت عيني اعله صدرك يا رضه الباري
ون كلبي يمه اعليك. كل لحظه تدري
ون كلبي يمه اعليك. ما يطفه جمري
اشلون الترب غطاك. بالونه يمه انعاك
بالغاضـريه
…………
اشم ريحة انفاسك يبني بنفــاسي
انه م‌ـــِْن المدينه وهايج احساسي
الكطع نحرك ييمه جن كطع راسي
يبو الاكبر اويلي هل زمن قاســــي
اسمع ونين ونوح. وانحب يويلي
اسمع ونين ونوح. يلجم دليــــلي
كــــلبي بٱلم ناداك. بالونه يمه انعاك
بالغاضـريه
…………
سمعــــتك من كلت اه العطـــش يكتل
شفت نــــــحرك ييمه ايه م‌ـــــــِْن رتل
وشفت زينب اخيتك صعدت اعله التل
بمســــيرتها تــــون وتنــــوح عالــــهزل
شفت الشمر بالصوط. طك زينب اختك
شفت الشمر بالصوط. تحــــضرها رتك
راوتها الم دنــــــياك. بالونه يمه انعاك بالغاضـريه
…………
الخادم المقصر ناجي ابو كيان الصالحي ونسألكم الدعاء لي ولوالدي

#قصائد_زينب_ع

اشلونج ام عون يزينب
اشلونج ام عون يزينب
ـــــــــــ
يا غـريبه وغربتـــج ما تنـــحمل
انتي زينـــب وينـج ووين الهزل
اخوتج بالطـــف گضو كلهم كتل
صعبه زينب والحـمل زاد الحمل
اشلونج ام عون يزينب
اشلونج ام عون يزينب
ــــــــــــــــــــــــــــ
يا وحيده ورايحه صوب الغرب
درب عثرات اشعظم هذا الدرب
صعبه درب الشام يازينب صعب
دمعج تصبين بـس سكته يصب
اشلونج ام عون يزينب
اشلونج ام عون يزينب
ـــــــــــــــــــــ
والله دنيا زينـــــب بأيدج حــبل
رحتي للغربه بعد عيـــــن الكـفل
بعد اخوتج مـات يم عون الامل
بيمن اتحيرين يا طــــفله وطفل
اشلونج ام عون يزينب
اشلونج ام عون يزينب
ـــــــــــــــــــ
والله دنيا وحده حـداي الضعـن
زينب الله يساعدج كثره المحن
رايحه لديرة غرب عفتي الوطن
وادري سوط العدو ماخــله متن
اشلونج ام عون يزينب
اشلونج ام عون يزينب
ـــــــــــــــــــ
رايحه لديرة غرب ماكــو عــرف
وادري يازينب جرح گلبج كــلف
علي وينه يفزع من ارض النجف
دمع عينج يصـــب لسه ما نشف
اشلونج ام عون يزينب
اشلونج ام عون يزينب
ـــــــــــــــــــــ
ادري درب الشام تــكلف مشيته
يعين گلبج زينــــــب ويا محنته
قصـــــة الشام اشيوصف قصته
حامي خدرج مات طاحت رايته
اشلونج ام عون يزينب
اشلونج ام عون يزينب
ــــــــــــــــــــ
الخادم المقصر ناجي ابو كيان الصالحي
ونسألكم الدعاء لي ولوالدي 2025

يادفّان ياعمه
سلملي اعله ابو اليمه
وكله أختك مشت ما بين الاجناب
>>>>>>>>>>>>>>>>>>>>>>>>>>>>>>
١=
من توصل حبيبي الشابع اجروح
سلملي عليه بالدمعه والنوح
وكله اختك وراك امفاركه الروح
وليل انهار بيك اتهم يمذبوح
 
يا دفّان وبنحره
أريد أتقبله وبصدره
ومن كَـبره تجيب اشويه الي تراب
 
 
 
//////////////////////
ما وصيك يا مكسور الاِشراع
لا تترك ظلوعه امطشره  عل الكاع
لمهن زين واحضنهن بالوداع
ولا تنسه تدور خنصره الضاع
 
بلكت باقي بالهيمه
ابجاه ادموع الايتيمه
وّتردّه اعله جفه الفاكد احباب
٣===
احلفك عمه وسعله اللحد زين
هواي امن السحك متأذي الحسين
كلشي البي يلجمه وصار نصين
وبحر الشمس صاراله يومين
 
ما واحد وصل صوبه
الجثته بخيل مكَـلوبه
ما واحد فزعله وليه جفن جاب

===٤
من اتنزله كبره أتذكر اهواي
عطشان انذبح ما شارب الماي
رش كبره ابدموع اعوينتك هاي
هم عطشان مات وظل بلا افياي
 
بحر ذيج الشمس عمري
خليته ودماه تجري
مكطوع النحر مسلوب الاثياب
٥======
كلشي البية يوجعني اعله فركَـاه
وليل انهار ما فاركَـته ذكراه
لو صح بيدي اروح أوياك أنعاه
وابجيله بكثر ما روحي تهواه
 
أبن امي المنذبح شفته
لو صح بيدي ما عفته
جا يمه بقيت امسحله الخضاب

ً
كلمات موسى الخادم
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

إنّي أنَا المهدي
🍂🍂🍂🍂
عَيني دماً تبكي
حزنَاً عل جَدِي
يا كلَ أحزاني — إنّي أنَا المهدي
———————
يظل عمري محرم والجرح يدي
اظل طول العمر عايش حزن جدي
بس انظر قميصه والطم بخدي
انَه كلشي بحياتي بكربله يبدي

أبكي على الظامي
ويومهُ الدامي
للطفِّ أشجاني — إنّي أنَا المهدي
———————
انَه طفك جرح ليلية اعيشنه
مو ذكره انكضت ماضي واعيدنه
هلالك بكلب ما حاجة انطرنه
نحرك كل وقت ينزف اشوفنه

ممّا جرى ويلي
قد أحلكَ ليلي
من يُطفِي نيراني — إنّي أنَا المهدي
———————
اموتن واشتعل وجروحك انته هواي
باسمك لو نعه الناعي تبيد اعضاي
اشوفن صورتك كل ما امر بماي
واذكر زينبك تركض ذهيلة راي

في الرَحلِ والحِّلِ
أبكي على التلِ
قد غيرَ ألواني — إنّي أنَا المهدي
———————
تمنيت ابطفوفك جندي واتوذر
وادگ روحي فده لجسام والاكبر
تحت چدم الفواطم انفرش معبر
وريت ابدال راسك راسي المطبر

نارٌ بيَ تسري
لمْ يسحكوا صدري
للثأرِ أبقاني — إنّي أنَا المهدي
———————
انه لكبره اجي بجروحي ازورنه
وبدموع الخجل يا شيعة ابخنه
ويا جرح البعد بالثار اضمدنه
وانه بنعله يا هو اللي اقيسنه

في كفِّي فَقَاري
حَنَّ الى الثأرِ
والصبرُ أذانِّي — إنّي أنَا المهدي
———————
انه صبح ومسه اندب حبيبي حسين
وعلى الف وتسعمية اغمض العين
واندب كل وكت ذاك الفده الجفين
وعلى درب السبي تاخذني روحي لوين

ما أقسى دمعاتي
تجري لعماتي
والنزفُ أعياني — إنّي أنَا المهدي


ابو علي
عبد الحسن القريشي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

#يحيا_الخدر . #يخسه_السبي

……………………………………………………………


رمل الطـ فوف . اجه ازحوف . ركع يم زينب
و النهر جاي . طلب ماي . ابعطش يتعذب
والنخل خاف . حِنه اچتاف . عليها و حنّب

والنجف من خوفه . الها شال اجفوفه
ومن بعيد ايسلم . اعليها نخل الكوفه

ادخيلج صرخ . بت النبي
يحيا الخدر . يخسه السبي

……………………………………………………………


خوها ينداس . بلا راس . اعل رمح اتخله
جسم الحسين . باليدين . ابصلابه اتحمله
هذا قربان . يمنان . الاهي اتقبله

دين الله الواحد . صُبح بالطف شارد
بيه تلحگ ركضت . خلفه ركضت قائد

الها النصر . ثورة عبي
يحيا الخدر . يخسه السبي

……………………………………………………………


باتت ابليل . بلا حيل . ظلام وهيمه
سوت ام عون . بالمتون . عبايه الخيمه
الشرف عريان . بلا شان . اله انطت قيمه

زينب اشجع فارس . عالحرايم حارس
چنها اخوها الكافل . ريشة الحگ لابس

اشحده و يصِل . كل اجنبي
يحيا الخدر . يخسه السبي

…………………………………………………............


راس ليفوگ . على النوگ .  شموخ و هيبه
ادموع كفّن . ولا جن . تعيش امصيبه
اسهيل البـ عيد . اذا تريد . بشاره اتجيبه

نبي ويشع نوره . فوك هِزّل دوره
ارسلاها الباري . خدر للمعموره

بيها افتخر . كل طالبي
يحيا الخدر . يخسه السبي

……………………………………………………………


خطبت و صوت . شِبه موت . نزل بالكوفه
كطعت انفاس . والاجراس . الهوه بي خوفه
وگفت اطيور . على الفور . جنح مچتوفه

وذيج زلم الحومه . روسهم مضمومه
روح واحد منهم . وصلت البلعومه

يا كوفه لا . تتعجبي
يحيا الخدر . يخسه السبي

……………………………………………………………


رعدت ارعيد . على ايزيد . جمد بمچانه
احتال شيگول . بالذ هول . شلل بلسانه
يبن الانجاس . والارجاس . وأنه السلطانه

الهند اصلك راجع . الرِده ابوجك طابع
امي الها اعبايه . الله بيده الصانع

كال اغضب او . لو تغضبي
يحيا الخدر . يخسه السبي

……………………………………………………………
✍️ ( سيد خضر الزاملي )
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي