شيب وجهه تعبان
     ‏چبد وگلب عطشان
     ‏حرمه بوسط عدوان
   ‏خويه گلي شضال بيه
‏*
‏انه اول مره شافت_ تنذبح رگبة طفل
‏الموقف الثاني بصلاتي_ بعده مشدود الحبل
‏حمل طفين اعله متني_ سبي الخدر والجتل
‏المايخاف من الله صار _بكيفه يحديهه الهزل
‏كلبي تعب ويصيح
‏اوكف يوجهه الريح
‏كلساع راس يطيح
‏عينك تصد بس عليه
‏////////////////////////
‏شيباني السبي خويه - وضهري احسنه انكسر
‏وين هسه  انت كلي-  اطفالك بنص الخطر
‏احنه موخالقنه-  الله ثنينه  مثل الگمر
‏تعرف باختك جبيره - همه راموهه بحجر
‏ضهري انكسر مرتين
‏ومزوركه.  الجفين
‏قران وضوه مضيعين
‏ انجوه گلبي وي اديه
‏**
‏الكاع بيهه شكثر شوج- بدمعتي صورت ضلع
‏انه امشي لاجن انته- گلي تبقه بياوضع
‏علرمح راسك اشوفن - وعينك تهل الدمع
‏راسك ينزله ويرجعه _وتعبوه من الرفع
‏راسك  مشه    وياي
‏وجروحك انت هواي
‏وماضگنه احنه الماي
‏تعبونه وماكو فيه
‏***
‏ينزل الروس ويسبني_ الماكو گطره بگصته
‏من التنزل والتصعد_ عبد كبرت رگبته
‏والتراب بوجهه باقي _وأمه حسره بشبگته
‏عشره وي الرمح صار_ وعاف حضن الربته 
‏من الرمح دم طاح
‏وتهتز اشوف ارماح
‏ عبدالله مامرتاح
‏كون انزلهن اشويه
‏****
‏تسعه واثلاثين يوم_ بروسكم متصابحه
‏و ابداية ضعني راسك_ أخذ دور الفاتحه
‏ارماحكم ايات جنهن_ كل صباح امفتحه
‏خويه ارد اركض الرمحك_ بس يكضني المستحه
‏ گضيتهه بدمعات
‏ذبحوني بالنضرات
‏كلساع كالومات
‏اسمي صار انه السبيه
‏**
سيد ‏محمد الهاشمي

شور للسبي

بكل خطوه تمشي تگض الاصفاح// بهذيج الهيمه
   ولروس وياهه علل ارماح// بهذيج الهيمه
    ‏★
   منا بداية صعدت النوك
صعدت الناگه وجفهه محروك
چف عله چف بحبال مشبوك
تباوع لخيهه راسه مبيوك
الميت اخوها شلون ترتاح// بهذيج  الهيمه
ولروس وياهه  اعلل ارماح//بهذيج الهيمه
    ★
بحر الضهر لسعات السموم
‏وكل طفله ميته بعينهه النوم
‏ وزينب لهلها عيونهه تحوم
‏تغير وجهه وذيج الارسوم
  وبترس اذنهه تسمع اصياح// بهذيج الهيمه
ولروس وياهه  اعلل ارماح//بهذيج الهيمه
    ★
  زينب چبيره وركضت بليل
السجاد ماخذ منهه كل حيل
‏ شيسوي وحده لاكن عليل
   ‏ياسبي تعّب هل المداليل
   ‏بكربله طلعن كل الارواح// بهذيج الهيمه
   الروس وياهه اعلل ارماح//بهذيج الهيمه
    ‏★
   ‏الروس سوت صيت للماي
  ‏وحسين راسه الزينب افياي
  ‏ وصغار مجويه عله حفاي
  ‏الساتر الله  يخوف الجاي
  ‏الشام تمشيله وي ذباح // بهذيج الهيمه
  ولروس وياهه اعلل ارماح//بهذيج الهيمه
    ★
  ‏بنت الهواشم اشرف اناس
  تنده بخيهه حدهم انداس
  ‏وبصوت زينب فزع عباس
  ‏امن الرمح يمكن دخن الراس
‏دمه يسيل عله الارض طاح//بهذيج الهيمه
ولروس وياهه اعلل ارماح//بهذيج الهيمه
    ‏★
سيد محمد الهاشمي   ‏
‏

قالها سَبْع الشِّدَاد     إِنَّهُ يَوْمُ اَلْجِهَاد
فانصروني في طفوفِ كَرْبَلَاء
🛑🛑🛑🛑🛑
هذا ابوالاكبـــــر برز    واعتـــنه الارض الطفوف
وگفته وگــــــفت علي    مايهمونه الالوف
باوع السوح الحرب     تلمع ارماح وسيوف
وعاين الصــوب الحرم     للسمـــــــه ترفع چفوف
يعتلي صَوْتٌ حَزِين    يا إِمَامُ اَلْعَالَمَيْن أَنت مَذْبُوحٌ سَتَبْقَى في اَلْعَرَاء
🛑🛑🛑🛑🛑
 
هاذي صرخة حيدره      چنها جايه امن الصعيد
والتفــــت شاف الگمر      شـــــافه مجبل من بعيد
ناده أئمـــــــر سيدي      والله افنيـــــــــــلك يزيد
هذا چــف وهذا چف      انته أشــــــــــر عالتريد
يا أَخِي يَبْنِ اَلْبَتُول     يشْهَدُ طه الرَّسُول
سَيِّدِي مِنْ أَجْلِكَ اِهْدِي اَلدِّمَاء
🛑🛑🛑🛑🛑
ها يبن حيــدر علي     احچي يحسين الامام
بين اعليك العطش     وانت مرسول السلام
هســـــه رايح للعدو     آنه عبــــــاس الهمام
خــــويه گايدلك نهر     مـــــن اردلك للخيام
صاحِبُ الخَدِّ التَّرِيب    صَاحِبِ اَلشَّيْبِ اَلْخَضيب
من دمَائِي لَكَ مِيثَاقُ الْوَلَاء
🛑🛑🛑🛑🛑
هذا سبـــــــــع الگنطره     من علي شايل صفات
من دخل چنه الفحل    حيدره للحومه فات
من وصل للمشرعه     ڪــزبر ابخوفه الفرات
سيفه اسرع عالرگب      من قبل ملك الممات
كعلي بالنزال     يستميتُ بالقتال
سيف عباس وعزريل سواء
🛑🛑🛑🛑🛑
اسوايه سوه ابكربله     بالمعارك ملكوت
اخيول تسرج بالزلم     لمن اعليهم يفوت
ناس مرعوبه اشردت     ناس يخزرها وتموت
ناده هل من ازلمه     كلها ردت بالسكوت
سوف افدي المقلتين     زينب لي كالحسين
املأ الجود لبنت الانبياء
🛑🛑🛑🛑🛑
امن العرج شال النهر     عالعطاشه اشگد حزين
باله كله بالخيم   يسمع ابراسه الونين
طگوا الجربه ابسهم     طاح ابن ام البنين
روحه من جوده اطلعت    بين حسرات وانين
كَانَ خَيْرُ اَلنَّاصِرِين     لَبَنَ خَيْرِ اَلْمُرْسَلِين
لَبَنِ طه أَعْطَى كَفَّيْهِ فِدَاء
🛑🛑🛑🛑🛑🛑🛑🛑🛑🛑🛑🛑🛑🛑🛑🛑
وليد المندلاوي

((عندما وصلت قصر يزيد عليهه العنه))

نبرة صوتج مرجفه الدواوين
اصبعج هذا لو فقار ابو حسين
سويتي القصر تله
وسحكتي اعله الضلم كله
اصبعج هذا لوفقار ابوحسين
---------------
يهيبه عد علي الكرار ... عليهم صرتي موت احمر
وصلتي مجلس ابن ازياد.. علي وچن واصل الخيبر
اكيد الشافج من الخوف ....يروح بعيد يتكتر
مثل ما گلبج اتفطر .....قصرهم كام يتفطر
نزلت روس من شافوا مقامچ
تتراجف الدنيا من كلامج
حچيج مابرد دله
وسحگتي اعله الضلم كله
اصبعج هذا لوفقار ابوحسين
////////////////////////////
الروس الدنگت كلها.. صارت لونها صفره
حچيها السان لاجن سيف ..بس الميت يعبره
هلا برأية بني هاشم ...هلا بالورثت الزهره
الراس الهذا بالصندوك باجر ينگلب حضره
هزيتي الشوارب چنچ بخيبر
من حچيج قصرهم بده يتبخر
خلت بالزلم خله
وسحگتي اعله الضلم كله
اصبعج هذا لوفقار ابوحسين
////////////////////////
خطبتي بالقصر والجيش ,. وگف بعروگه مجرى الدم
عبالك تذلني انت … احلم يايزيد احلم
اني هم ابو فاضل ....الموت كبالي يتلثم
كلمتي سيف عد عباس ....اليضدني والله ما يسلم
مرة بس امر من السيف وابشط
عطشانة وتذل الماي والشط
احنا المايل انعدله
سحگتي اعله الضلم كله
اصبعج هذا لوفقار ابوحسين
///////////////////////
سوت مثل ماعباس ..حار بحار طفاهه
ضاگت بيهم الگيعان.. وحدر الگاع خلاهه
هيه وخيلها الفرسان ..صوب الكوفه رداهه
مو بس راس طك براس.. خيل بخيل طگاهه
مثل ماسوه اخوها هيه سوت
ضفاير والزلم كلها تلوت
يزينب صوتج الاعله
وسحگتي اعله الضلم كله
اصبعچ هذا لوفقار ابوحسين
////////////////////////
شالت راسها الحوراء .. صوب الراس وتگله
يبعد الروح يا عباس .. صاير بالرماح احله
عشت مرفوع راسك دوم .. حتى بموتتك تعله
اخذلك هيج حرمة تشوف.. صبرت عل ضلم كله
زينب والقصر حراسه رجفت
رياگ الناس من شافتها نشفت
وذلت جيشهم ذله
وسحگتي اعله الضلم كله
اصبعج هذا لوفقار ابوحسين
///////////////
سيد محمد الهاشمي

حسين ظل ابلا غسل هاي الچبيره
للگبر يـانـاس اخـذتـه بـالحصيــره
~
كأنّي بالامام ايسولف امصابه
زين العابدين ادموعه سچابه
يعينه الله البيده دافن احبابه
والمـحـد يـعـزيـه ويــدگ بابه

الچانت الوادم تگصده وتستشيره
للگبر يـانـاس اخذتـه بـالحـصيره

~
يگول آنه الدفنت احسين ابو اليمه
لمّيته ابـحصـيـره اضلوعه متهشمه
متوذر ابـوي اعلى الـثـره جـسـمــه
والـحـافر للامخيـم أخـذ هـدمــــــه

گلبي صار امن الحزن يوسعله ديره
للگبر يانـاس اخــذتـه بـالـحـصيـره
~

بعدني ابدفنِته ومصابه هدّمني
واسمع صوت من نحره يكلمني
على صدري توسّد ياعلي إبني
عبدالله دفـنـتـه وگلبي مالِمني

ونحر اخوي ونحر ابوي ابفد حفيره
للگبر يـانـــاس اخذتــه بـــالحصيره
~

مايمشي النِفس وبصدري يتكسر
ونـه الـدافـن بـديه جـثـــة الاكبر
حيرني ابدفـنتـــه جسمه الاموذر
الضِمه امبين عليه اميبِس المنحر

ابلايه راس اشلون عالقبله اديره
للگبر يانـــاس اخذتـه بـالحصيره
~

تعنيت الشريعه واحترگ دمي
وبالگوه مشيت وياثگل جدمي
وبديه اشلون أدفن ياخلگ عمي
واچفوفه الگطيعه زيـدت همي

ياوسافه ايموت عمي الكله غيره
للگبر يانــــاس اخذته بـالحصيره
~
وين اهلي الهواشم واني بمصيبه
عن اعيوني شو غابو فرد غيبه
ولا واحد اجاني ونِدفن الهيبه
راحو كل هلي والراح شيجيبه

والعدو مايرحم وميت ضميره
للگبر ياناس اخذته بالحصيره

~
ضل بس النِفس والدمعه بـعـيونــي
ونه ابساعه فگدت احبابي تدروني
اويه ابوي احسين اتمنه يدفـنـوني
ويـم گبره تحظرون وتـواسونـــــي

ياكسرتي الوالدي وشعندي غيره
للگبر يانــــاس اخذته بـالحصيره
~
المصيبه اتهون كلها اشما جره اعليه
الهضيمه اشلون عمتي تمشي مسبيه
وتـطب ديـوان اميه وهـيـه عـــلويـه
ولاكن تـبـقـه زيـنـبـنـه قـيـــاديــــــه

مو اسيره عمتي بل كانت أميره
للگبر ياناس اخذته بـالحـصيـره
~
حيدر بشار الدراجي

‏مقطع صوتي من حيدر بشار الدراجي

((#انت_گد_حچايتك ))
……………………………………………………………

أنت گد حچايتك يمته اللقاء
مو گلت جايينك عا كربلاء
يلا يا سفياني .. الخدم كلها اتاني
في كربلاء

……………………………………………………………


ولك تخسه انكون توصل للحُسين
گبل گص راسك نگص السانك
خاف تتعب والسفر يصبح طويل
احنا نتعنه و نجي لمچانك
احنا ولد المرتضى و امنه البتول
وانت ابن وحشي و هند عنوانك

نجي و عن بكرة ابيها الشام ترجف من نطب
واللحايه القذره هايه صفره خوفاً تنگلب
ابنص دمشق انهوس احنه وبيرغ اخضر ينّصب

وي رگبكم سيفنه ايحب العناق
ما اجيت وهل أجو اهل العراق
انت و الشيشاني .. الخدم كلها اتاني
في كربلاء


……………………………………………………………


گبل ذبحيتوا الحسينُ وچي وحيد
وهسه جيش اطوّعت خدامه
مثل طيحة وهب و القائد حبيب
اطيح كل هاي الزلم جدّامه
موش باب القبله لا خط الحدود
اليخطي خطوه حش نحش اجدامه

لو نموت احنه واهلنه ما تطب لرض الشرف
الموته تنهض من گبرها وجيش يطلع بالنجف
والنخل يبرز يعارچ لازم ابأيده السعف

بحر موسى وغرگ بي گوم الطغاة
ايدافعن عن كربله دجله و فرات
ما يطب جولاني .. الخدم كلها اتاني
في كربلاء


………………………………………………….………


اي تعال بيوم عاشر و المصاب
ابركظة اطوريج نسحگ راسك
لو تجي ابوكت المشي بالاربعين
ادوّر اعل الهوه اظل انفاسك
من تشوف اشگد مواكب بالطريج
امن الرعب و اظل تطگ اضراسك

نزور من بره الزياره وابن ابوه الي دخل
انجاز نعتبره و بطوله إلي للحائر وصل
وانت رايد تجي هنانه ابحلب احسلك تظل

انت كل عقلك تجي لصحن الامام
ولك من الحله يبدي الازدحام
زاير ابصف ثاني .. الخدم كلها اتاني
في كربلاء


……………………………………………….…………


انت يمكن صدگ شو چنك نسيت
ابداعش اسوينه لمن جانه
حچايه وحده امن النجف فتوة جهاد
الصحره من روس اخوتك مليانه
اتفاگنه اتهلهل ابعرس الانتصار
كل مدينه اتحررت فرحانه

شو تعال و خل نشو فك نجم في عز الظهر
امن الحدود وشبر احسب اهنانه نحفرلك گبر
النوب عد راسك نهوس يا لثار ام الخدر

يالثار بسوط صعدت عالجمال
و تحفر بچفينه خشنه الحبال
فاني جيشك فاني .. الخدم كلها اتاني
في كربلاء

……………………………………………………………


انتو سديتوا الصحن و اصبح ظلام
عود منتصرين صروتوا ابهايه
طيّحيتوا الرايه هل وصلة قماش
اسم زينب هو اعظم رايه
الله من اقماش عرشه الكله نور
امفصّل الزينب و امها اعبايه

انشدوا قصر ايزيد جدكم عنها و الحايط يرد
من حچت وياه لبوه و تيّه السانه القرد
مو اسيره ام عون اميره وجدكم امدنگ عبد

واحنا من زينب تعلمنه الصمود
وشفتوا شنهو افعالنه بأرض اليهود
تل ابيب اتعاني .. الخدم كلها اتاني
في كربلاء

……………………………………………………………


انگول صبراً و الفرج گلش قريب
المهدي راية عمه يفزع بيها
ركظة طوريج في صحن الحسين
هيج حضرة زينب انطب ليها
في دمشق اصير ( بين الحرمين )
من رقيه الـ زينب انسويها

يلي فريتوا السبايه ابسوگ و مگاطف حجر
على كل حجاره احسبوا ينذبح مية نفر
على كل شتمه اعل فاطم جلده بيد المنتظر

على كل من شامت براس الشهيد
غداً من خوفه يظل يلعن يزيد
الابن و الجد جاني .. الخدم كلها اتاني
في كربلاء

……………………………………………………………
✍️ ( سيد خضر الزاملي )
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

٢٦- دفن الاجساد الطاهرة

بين آهات وحـزن
عمّه جيت من الدفن
چم گبر بيدي حفرته وظهري مكسور
وسدت أحباب گلبي وسط الگبــــــور
عمه عمه

عمه يا زينب رحت للغـــــــــــاضريه
ادفن جســــــــوم الوفه الظلت رميه
شموس مدري شلون ضمتها الوطيه
ما بگت يا عمه ذرة حيــــــــــــل بيه

غسلتهم بالدمـــــــع
والهم أحنيت الضلع
جمـرتي بين الجوانـح ظلت تـــفور
وسدت أحباب گلبي وسط الگبــور
عمه عمه

إهنــــــــاك گبر إچبير ياعمه حفرته
هالگبر لأنصــــــــار ابو اليمه جعلته
جـاسم العريس ويــــــــــاهم دفنته
لا تنشديني يعمه شلـــــــــون شلته

بس حبيب الوحده
دفنته متفـــــــــرده
هذا شيخ أنصارنه وبالهمه مذخور
وسدت أحباب گلبي وسط الگبــور
عمه عمه

علي الأكبر هدم حـلي يالعقيله
ما شفت بجسوم أهل بيتي مثيله
جسمه متوذر وحرت شلون أشيله
والتراب شلون عالغــــــــالي أهيله

صحت عالدنيا العفه
والــمدامع ذارفــــــه
شلون بتراب الگبــــــــر يتوسد النور
وسدت أحباب گلبي وسط الگبـــــور
عمه عمه

من دفنت حسين ابويه والله حيره
مهشمه إضلوعه وجراحــاته چثيره
إتحيرت من ردت أنــــزله بالحفيره
والــــــدي يمّ الخدر شلته بحصيره

بالـمواجع والقهر
قبلت منه النحـر
راس ماعنده يوليلي وصبعه مبتـور
وسدت أحباب گلبي وسط الگبــــور

والدي وسّدته وبعينــــــــــــــاي جمــره
لنّــــــي اسمع صوت وإيحاچيني نحره
إيريد أخلي الطفل عبدالله إعلى صدره
وإدفنت عبد الله بيـــــدي بنفـس گبـره

بعد لسّـــــاه النبل
نابت بنحر الطفل
بالگبر منحور راد إيــواسي منحور
وسدت أحباب گلبي وسط الگبــور
عمه عمه

عالنهر مازال يرجف غيــــــــره عباس
رغم لا چفـين والجثه بـــــــــــلا راس
بالتراب شلون عمه إدفنت الإحساس
وهو يدري عگـب عينه الخدر ينداس

إمصيبه وتفت الچبد
گمــــــر هاشم باللحد
گتله يابو الفضل ياعبــــاس معذور
وسدت أحباب گلبي وسط الگبـــور
عمه عمه

فراس المحمداوي

٢٧- موشح في دفن الاجساد الطاهرة

شلون ماغابت من الكون الشمس
وانته نايم عالثره امن أوّل امس

الك ثالث يوم مرمي اعله الترب
تچوي بجروحك الگاع شگد صعب
جيت بويه الدفنتك طاوي الدرب
شلون اشيلك جثتك شبعت رفس

بلايه راس وجثتك متطّشره
وذر وابحرّ الصعيد امصهّره
گمت اجمعك بالحصيره من الثره
الله يلعن بني ميّه وكل رجس

ياحسين الميّت اكرامه الدفن
ليش خلّو جسمك بوادي الطعن
ظلت اوحوش الفله الچتلك تون
والأرض ماجت وتفتر بالعكس

بويه عفت العايله بذاك اليسر
وجيت ادفنك واحفر الجسمك گبر
عمتي زينب عليّ ظلت بالفكر
اتدوّر اعليه يبو اليمه أحس

احفرت گبرك والگلب حزنه چببر
وحگي بويه بدفنتك لو چنت احير
راس ماعندك وجسمك عالحصير
وين خدك حتى اوسدك بالرمس

وسدت جسمك ودمعاتي تهل
وحسب ماوصّيت بويه بالطفل
عله صدرك غافي وبنحره النبل
وداعة الله حسين يا أشرف نفس

علي الأكبر كسر ظهري بدفنته
بويه يم رجليك صارت حفرته
وسدت روحي احس وي جثته
الله يلعن قاتله العبدي الرجس

بحفره وحده ادفنت انصار الوفه
ووسدت سبعين جثه نازفه
من ضمنهم جاسم الضيّه اختفه
شلته بيدي ملفلف بثوب العرس

بس حبيب بن مظاهر وحّده
حتى يصبح غداً عنوان الفده
بدمه راسم تضحياته الخالده
شيبة الأنصار للعالم درس

وبعد عندي هناك يم المشرعه
عمي طايح والچفوف امگطعه
گمر هاشم ماتلمّه الواسعه
راح ادفنه والعذر منه التمس

يالله خل ارجع واخبّر عمّتي
عالجمر بالكوفه تنطر جيّتي
من تشوف اتراب فوگ اعمامتي
بدفنت الغالين يحسين اتهَجِس

فراس المحمداوي
١٢ محرم ١٤٤٣

١٣٣- حال الامام السجاد (ع)
عند دفن الاجســاد 👇

للغــاضريّه إتعنيّت ٠٠ أدفن حسين وگومه
ــــــــــــــــــــــــــــــــــــــــــ
هذا آنه زيـــــــن العــابدين السجّاد
آنه العليــــل وحـزني هاليـوم إزداد
جيت لمفــــاوز كربلا وحيــلي إنباد
ياشيعه عينوني إعلى دفن الأجساد

بگاع المصايب طبّيت ٠٠ بدمعة حزن مسجومه
ــــــــــــــــــــــــــــــــــــــــــ
مجروح گلبي وهالگلب شيصبره
وأنظر هلـــي المتــوّسدين الغبره
أجســـــادهم مابين طعنه وطبره
صرت أغســل الدم بمسيل العبره

حاير صرت من صدّيت ٠٠ كل الجثث مخذومه
ــــــــــــــــــــــــــــــــــــــــــ
والخلّه بركــان المشـــاعر ينهار
لمّن دفنت بإيدي هـــاي الأنصار
وشلون بيهم هالفــكر مايحتـــار
كومة وذر شمخليه بيهم الأشفار

ظلّيت أعـالج ظلّيت ٠٠ وگلبي شيفّك همومه
ــــــــــــــــــــــــــــــــــــــــــ
ظلّيت أعـــالج بالحــزن وأتحسّر
متحيّر وحـــالي يفســـــر المرمر
وحين إدفنت بالهم إخوي الأكبر
بركــان ـحزني بهالمصيبه إتفجّر

الأكبر شبيه المختـار ٠٠ وارث أسرار إعلومه
ــــــــــــــــــــــــــــــــــــــــــ
آلآم گلبــــــــــــــي المامثـــــلهن آلآم
حين الشفت مطفيّه شمـــــعة جسّام
ولمّن شفت مصيوب من عنده الهام
تذّكرت طبره راس جــــدّي الضرغام

جاسم تخّضب ياحيف ٠٠ ثوب العرس بدمومه
ــــــــــــــــــــــــــــــــــــــــــ
بزلزال همّي إنهــار حيلي وصبري
وإسمعت من نحر الحسين اليجري
وسّد رضيــــعي ياعلي عد صدري
هذا العزيـــــز وهــوّه شمعة گبري

وسّدته يم جسم حسين ٠٠ وبحسـرتي المكتومه
ــــــــــــــــــــــــــــــــــــــــــ
ومن كمّلت دفن الجسـوم بهمّي
تعنيّت يم النهـــــر أدفــن عمّي
شفته صريع وعالتـرايب مرمي
وبلحده وسّدته وتهّـــدم عزمي

مگطوعه منّه الچفيّن ٠٠ ومتغيّرات إرسومه
ــــــــــــــــــــــــــــــــــــــــــ
فراس المحمداوي

أنِّا زينب
🍂🍂🍂 🍂
أَنَا زَينَب بَقايَا الغاضرية
فَمُثلُ الطَفِّ لَنْ تاتي رَزِية
أنَا زَينَب — أنَا زَينَب
———————
وحگ اللوح والكرسي
وحگ دمعاتي عالزهرة
وحگ الباب والمحراب
وحگ الهامة والطبرة

لو جهنم شافت الشفته بجت
لو مثل طفي القيامة ما حجت
بينة لو نازل وحي جان شكتب
جان سبعة مو جبال تزلزلت

لو تَجلى طَفِّيَّ فوقَ الجِبَالِ(ي)
ما بقى في الأرض ِ سَفحٌ أو عوالي

لقَالتْ لَمْ نُطِقْ هاذي البَلية
فَمُثلُ الطَفِّ لَنْ تاتي رَزِية
أنَا زَينَب — أنَا زَينَب

———————
حرمة وحايرة بامري
ولا واحد الي يردني
عجب حاطتني هاي الخيل
بيش الجيش يطلبني

دارت اعليه الزلم ذيج الصفوف
حرمة انه مچتفه ليش الالوف
يصيح لا تبقون منهم باقية
دفنوا كل ال النبي برض الطفوف

قد أرَادوا وَيْحَهُم يا ناسُ قَهرِي
ما دَرَوا أنَّ لزينبْ ألفُ صبرِ

وَرَثْتُ الصبرَ من حامي الحمية
فَمُثلُ الطَفِّ لَنْ تاتي رَزِية
أنَا زَينَب — أنَا زَينَب
———————
انه الما چنت انشاف
فرجه هسه سووني
ما جان العهد يعزاز
نص دربي وتعوفوني

يهلي ما يرهم عليكم هالسكوت
يهلي علوية وسبي ويطلعي صوت
بين ذاك الماله غيرة والردي
يهلي كل ساعة الف موته اموت

أقْسَى ساعاتي ولوعاتُ حياتي
حين رادَ الشِمْرُ إسقاطَ عباتي

فَمَا كَانَتْ لهُ هاذي الدنية
فَمُثلُ الطَفِّ لَنْ تاتي رَزِية
أنَا زَينَب — أنَا زَينَب
———————
گوه اتوجهت للتل
بيّه حيل ما بيّه
كمت اندب يخويه حسين
بلگت يلتفت ليّه

جيت اودعك وارد اكلك رايحة
وعالنياگ هناك اسوي الفاتحة
التهوا بالفرهود كت فرصه اجيك
تالي صاحت خوية بيه الصايحة

يا أخُي قَدْ كَتَفُوا كُلَ النساءِ (ي)
ها هو السَجَادُ يَمْشِي بانْحِنَاءِ (ي)

أَتُسْبَى يا كِرَامَاً (ن) هاشمية
فَمُثلُ الطَفِّ لَنْ تاتي رَزِية
أنَا زَينَب — أنَا زَينَب
———————
صاحوا وين هاي ام عون
طلعوا هيبة السادة
او ودوهه ضرب لحسين
خلي نحرگ افاده

كتلوا حسين وحربهم منتهت
ثار عدهم وي علي وبيَّ اشتفت
عقدة عدهم والله ياناس الخدر
رادوا لزينب سبي بس منسيت

إنّنِي تالي الإمامة والمُحَامِي
قَدْ سَبَيتُ الشامُ مُذْ حَانَ كَلامِي

فَلا قَرَّتْ عُيُونُ النَاصِبِية
فَمُثلُ الطَفِّ لَنْ تاتي رَزِية
أنَا زَينَب — أنَا زَينَب


عبد زينب
ابو علي
عبد الحسن القريشي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

وحـگ صـبرك ياحسـين وغربتك
كـل مصـيبه اتهون يـم امصيبتك


سيدي  كـل مـا يمر  بـيـنه  الحزن
وتنزل الدمعه حزينه اعلى الوجن
ننسه  همنه  ونـذكـر الطف ونون
الحسـره محتـاره ابگلبنه لحيرتك
كـل مصـيـبه اتهون يـم امصيبتك


الضيع اخـوانه وقـسى وياه الدهر
يكض ظهره ويذكرك محني الظهر
حسـين  يالـفـاگد  اخـو يـم  النهر
عـليـه  رويت  الفـرات ابـدمـعـتك
كـل مصـيـبه اتهون يـم امصيبتك


الحزن يـم مصيبتك يصبح عدم
ذاك  طـولك يـم  الاكـبر  مـاسلم
انهدم كله حسين مو حيله انهدم
مـاتت  اويـكبـر  اولادك  فـرحتك
كـل مصـيـبه اتهون يـم امصيبتك


رمـح  لليـوم ابـدلـيلك  مـنـغرس
والفـگد  شـبان  بمصـابـك يـحس
مـاتـن اويبن الحسن حـنه وعرس 
عالحسن لـو عـلى القاسم لـوعتك
كـل مصـيـبه اتهون يـم امصيبتك


كـلشي راح اودعت طيـر  السعد
مـن خذت عبد الله من ذاك المهد
دمـع عـينك وي دمـه نحـره صعد
اوصـلت السـابـع سـمـه يـا عبرتك
كـل مصـيـبه اتهون يـم امصيبتك


الألـم  كـله  ابـكربله  يـمك  نـزل
بـيـن خـيل وفـاگد أنـصار وأهـل
وحـتى دخـان المـخـيم مـاخجل
هـجم وي الـخـيل گـاصـد عيلتك
كـل مصـيـبه اتهون يـم امصيبتك


هـانـي نـاصـر السـعيـدي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

‏عـالگبر ذب اعمامته اسجاد هاي الليلـه

‏
‏شاف الصعب والماجره    اسجاد هاي الليلـه
‏ووصال ابوه امطشره
‏يبچي ويدور خنصره
‏من مالگه المحبس بقه بس الحزن يوميله
‏عـالـگـبـر ذب اعمامته اسجـاد هاي الليلـه

‏
‏ امصاب مثله مـاسده    اسجاد هاي الليلـه
‏ابلاراس يـدفـن والده
‏واشـلون راح ايوسده
‏مهضوم ومتعبه الوكت من الهضم يشكيله
‏عـالگـبـر ذب اعمامته اسجـاد هـاي الليلـه

‏
‏محتار مكسور الظهر     اسجاد هاي الليلـه
‏يم والـده گلبه انكسر
‏وسد رضيعه اعلى النحر
‏يم الكبر حيله انهدم وحسين هدم حيله
‏عـالگـبر ذب اعمامته اسجـاد هاي الليلـه

‏
‏تجري اعلى الاكبر دمعته    اسجاد هاي الليلـه
‏واحـتـار مـابـيـن اخـوته
‏رمله اعلى جاسم وصته
‏اوساده من ثوب الحسن من يدفنه يخليله
‏عـالـگـبـر ذب اعمامته اسجـاد هاي الليلـه

‏
‏واتعنه صوب المشرعة    اسجاد هاي الليلـه
‏واشلون شاهد مصرعه
‏دامي وچفوفه امگطعه
‏اتطول سالفته السبي عن السبي يحچيله
‏عـالـگـبـر ذب اعمامته اسجـاد هاي الليلـه

‏
‏محتار خايف من يرد   اسجاد هاي الليلـه
‏من عمته ايطول النشد
‏ويـعـرف گـلبـها ينـمـرد
‏يبچي اعلى عمته ام الخدر وهي بعد تبچيله
‏عـالـگـبـر ذب اعـمـامـتـه اسجـاد هاي الليلـه
‏
‏
‏هـاني ناصـر السـعيـدي
‏
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

ياشمس عن عيني غبتي ... ليش عجلتي الغربتي
والله هـاي الدنيه غابه
واني وحـدي بلا گرابه
                 ياشمس عن عيني غبتي
                      --**
ياشمس محتــــاجه ضيچ ضاله ابعــــازت ضوه
ريتــي مختنگه ابحزنهه وگوه اشـم نسمت هوه
اجروحي موهينات والله وبس ضواچ الهن دوه
الدنيــــه بالطف فرگتنه وبعــــــد ما نرجع سوه

اعداي كثره وانه حرمه ... والطفوف اهواي ظلمه
وگلبي محتار ابعــذابه
واني وحدي ابلا گرابه
                  ياشمس عن عيني غبتي
                    --**
من طلعت امن المدينه وحد وصولي الكربله
حسين مافارگني نورك يزهي فـــوگ القـافله
امشي مهيوبه ابوجــــودك يامــــــلاذ العايله
هسه من بعـــدك غريبه وكل اخوتي امچتله

يالعفتني ابلا محامي .... ليش ماتسمع كلامي
وسفه نايـــم عل ترابه
واني وحدي ابلا گرابه
                ياشمس عن عيني غبتي
                       --**
والگمر مكسوف نـوره وشفته نازل عالنهر
وخيمتـي ظلمت عليه ونكسر منـي الظهر
حيل تعبني الوداع وضعف اعيوني السهر
راحـــت ايـام الـــدلال وحلـت ايـام القـهر

راحت الراحه اويه أهلنه... والهنه وذيج المحنه
وعايشه ابنص الخرابه
واني وحدي ابلا گرابه
                  ياشمس عن عيني غبتي
                     --**
ودعتني وگتلي رايــــح وانه دلالــــي انچوه
مابگت وليـان عنــــدي ولابگـــــــت بيه قوه
فارگت اربـــع كواكـب عالنهر طاحـــــو سوه
امنين اجيب اليدگ صدره ويرفع ابچفه الوه

ابكربله ودعت أخوتي ... منهه وتمنيت موتي
هدني الطف ومصـابه
واني وحدي ابلاگرابه
                ياشمس عن عيني غبتي
                       --**
اشلون اعيش ابلا ضـــوكم يالنجوم الزاهره
هـا يريحانت محمــــــــــد ياولاد الطـــاهره
الفرگــه موسلهه وحقكم راح اضل امساهره
البين فرهدكم يخوتي وانه وحدي وحـايره

الموت فرهدكم وخذكم ... وسفه عن زينب بعدكم
گلبي ضل يجرح عتابه
واني وحـدي ابلا گرابه
                 ياشمس عن عيني غبتي
                       --**
          الخادم
      كامل السعيدي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

حَرْبٌ لِمَنْ حَارَبَكُمْ ـــ بالدم عهد خطــينه
سِـلْمٌ لِمَـنْ سَالَمَكُمْ ـــ مولاي يابو اسكينه
              ــ⊱☆☆❀☆☆⊰ــ

مو بس كـلام وداعتــك مولانه
قـول وفعل شــيعة علي تلگانه
نفگس اعيون الضــدك وعادانه
ترخصــــلك الارواح يا رجوانه

خدامكم كلنه فخر ـــ لوبالنفس ضحــينه
سِـلْمٌ لِمَـنْ سَالَمَكُمْ ـــ مولاي يابو اسكينه
            ــ⊱☆☆❀☆☆⊰ــ

رددنه لائك ســــيدي المشـــــــهوره
ابوجه اليبغضك رغم حقده وجوره
گبــرك دفعــــــنه ارواح لجل انزوره
اعمارنه احــــنه الخــدمتك منذوره

كل محب لجل زيارتك ــ قــدم ثمن چفيــنه
سِـــــلْمٌ لِمَـنْ سَــالَمَكُمْ ــ مولاي يابو اسكينه
             ــ⊱☆☆❀☆☆⊰ــ

ياصـــفوة الله النحتمي بفيايه
ماعنده غيرك اي وسيله وغايه
نبقه الك طــــــول العمر وفايه
ثوره صــنعنه ابطلعت المشايه
عشاگ ونضل للابد ــ ويـاك يا واليــــــنه
سِــلْمٌ لِمَـنْ سَالَمَكُمْ ــ مولاي يابو اسكينه
              ــ⊱☆☆❀☆☆⊰ــ

انتـه الحبيب الما ندور غيـــــره
قرئآن يصعب عالبعض تفسـيره
باب الكرم انته النعيش ابخـيره
يحـــــتار بيك الشــاعر ابتعبيره

يارحمة الله الواسعه ــ يالخـــيرك امكفينه
سِــــلْمٌ لِمَـنْ سَالَمَكُمْ ــ مولاي يابو اسكينه
              ــ⊱☆☆❀☆☆⊰ــ

ما دورت ويـاك اجـــر تدريني
رادود الك هذا الاسـم يكفيني
عاشــر محــــرم كلش مأذيني
ومصابكم دم سيدي امبچيني

الله خلقنه الخدمتك ــ يحســــين تعلم بينه
سِــــلْمٌ لِمَـنْ سَـــالَمَكُمْ ــ مولاي يابو اسكينه
              ــ⊱☆☆❀☆☆⊰ــ

✍الخادم
كامل السعيدي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

رايتـنه وحـــده رايه شيــعيه
وتجمعنه هالخدمه الحسينيه
     ــ⊱☆☆❀☆☆⊰ــ

يجمعنه حب حســـين مولانه
التشكل علينه الناس خسرانه
واحــدنه خادم صـــار عنوانه
وبس ياحســين ايردد السانه

وگلوبــــــنه بيض اولائــــــيه
وتجمعنه هالخدمه الحسينيه
     ــ⊱☆☆❀☆☆⊰ــ

ثوب الخدامه ايشيم الخادم
الماناله يصــبح بالحشر نادم
هنيالها بحســـــــين هالوادم
تســــجد شكر لله عليه لازم

نيتــنه حب وخـــلاص مبنيه
وتجمعنه هالخدمه الحسينيه
     ــ⊱☆☆❀☆☆⊰ــ

رايـاتنه اتضـل دوم مرفــوعه
لجل الذبيـح الرضـــو اظلوعه
الماهلن ابهذا العـــزه ادمــوعه
ما واسه اخته البقت مفجوعه
 
واجـب عليـــــــنه انـوح ليله
وتجمعنه هالخدمه الحسينيه
      ــ⊱☆☆❀☆☆⊰ــ

اشما صـــار مانترك شعائرنه
وماتنخرس صرخت منابرنه
لحسـينه انضحي ابمناحرنه
ونقراله يحســين ابظمايرنه

كل ليله لجله انســوي لطميه
وتجمعنه هالخدمه الحسينيه
      ــ⊱☆☆❀☆☆⊰ــ

لمن نجي ابلهفه الجوامعنه
نتوضه احـنه مـن مدامعنه
حب الحسين اليله جامعنه
نشكيله بالمجلس مواجعنه

انواسيه ابسبي اسكينه ورقيه
وتجمعنه هالخدمه الحســينيه
      ــ⊱☆☆❀☆☆⊰ــ

✍الخادم
كامل السعيدي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

#نزله_

منبــــــرك ربَّاني ــ يالمهذب الساني
خادمـك عنواني ــ يااباعبدالله
©©©©
آنه خـادم وانتــه المربيـــني
ياحســـين وآدمِي امسويني
آنه من دونك تضيع اسنيني
دمّـك الثبّت شـــريعة ديـني
يا نجـاة الشـــــــيعه ــ مذهـــبك مابيعه
ابدمي اخطلك بَيْعه ــ يااباعبدالله

©©©©
هالمجالس دوم الك منصـوبه
وبيها خـــدّامك تضـل مهيوبه
باب صــارن للنـــجا والتـــوبه
الحِظر بيهن تمحي كل اذنوبه
واليعيش ابخيرك ــ ويرتوي من بيرك
ما يصافح غيـرك ــ يااباعبدالله
©©©©

انتـه الموفقـــني يا محــــبوبي
وكبّرت شاني وسـترت اعيوبي
لوله صِيتك ياهو يگرب صوبي
يا حبيـــبي ويا رفــيق ادروبي
گلبي وحْدك شافك ــ وحَبك اوما عافك
عـايش بألطـــــافك ــ يااباعبدالله
©©©©

اقســـم ابدم النحـــــر والرايه
حبي الك عالفطره مابيه غايه
الك كل عاشـر اســـوي اقرايه
وبربعيـــــنك اخـــدم المشـايه
موكبي امتانيني ــ الخدمتك يحسنيي
انته شمعت ديني ــ يااباعبدالله
©©©©

البغضتك ومن الطم محرومه
بالحشــر باچــر تضل مندومه
والله عابس بيـك ابـد مالومه
من هتف بسمك وشگ اهدمه
وبمحبــــتك آني ــ صرت عابس ثاني
ساكن ابوجداني ــ يااباعبدالله
©©©©

      الخادم
كامل السعيدي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

اتسله بالنوح  ــ وحسب بالجروح
كل عمري عاشور ـ وحسيني مذبوح
ـ/////ـ/////ـ/////ـ/////ـ

آنه من زغري ربيت اعله الشـثعائر
عندي كل يوم اليمر مصباح عاشر
مانسيت الطف ولا ذيچ العســاكر
ولاحسين الداست ابصدره الحوافر

لا والله يحسين ـ مالحظه ناسين
دمك يمولاي ـ العل رمضه مسفوح
ـ/////ـ/////ـ/////ـ/////ـ

حســين ياوارث آدام صفوة الله
شهرك ابنوح ولطم وبون حييناه
كل محب بينه لمصابك يصرخ احاه
راسك الفوگ الرمح هيهات ننساه

كل لحضه عيناي ـ تهمل دمه وماي
والگلب كل يوم ـ يم گبرك ايروح
ـ/////ـ/////ـ/////ـ/////ـ

يا احروف البسمله اويا آية النون
انته عبره وعبره بگلوب اليعزون
بالمجالس شيعتك لمن يلطمون
تلطم اوياهم على المنبر يحسون

نشعر يمضلوم ـ تحضرنه كل يوم
وعطرك يمولاي ـ بالمجلس ايفوح
ـ/////ـ/////ـ/////ـ/////ـ

راسك اعله الرمح ويصد الحبيبه
يابو الاكبر يا خليل الله اونجيــــبه
سهمك وگطع النحر اعظم مصيبه
كربلاء اشســــــوت ابحال الغريبه

من بعد الاحباب… شيبهه المصاب
ترضاهه للشام… بت فاطمه اتروح
ـ/////ـ/////ـ/////ـ/////ـ

الأمه كادت تنتهي وموتك حياهه
ومن دمائك كربله اتقدس ثراهه
ثورتك لليوم ضل يشهد صداهه
ولائك اعله الظالم الكل ردداهه

انتصرت ادماك ـ بالطف على اعداك
لجلك ينوحون ـ حتى آدم اونوح
ـ/////ـ/////ـ/////ـ/////ـ

الخادم
كامل السعيدي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

يا مولاي......اعتذر يالمهدي خافن قصرت
*******
اذاني طول الغياب
محبوبي تسمع العتاب
بعيوني شاهد العذاب

صوت ناده طولت بالغيبه
انتظر محبوبي الله يجيبه
اسنين صار بخدمتك والهيبه
ناس غاطيهه الفتن بس جيبه

يامولاي.....شوف هاي الناس بالغفله اصبحت
يامولاي........اعتذر يالمهدي خافن قصرت
*******
يم بابك سيدي اجيت
بدموعي نادم اعتنيت
مولانه امقصر ونسيت

اعتذر مولاي هاي احوالي
انه نادم والله اجيت الغالي
ارتجي منك سماح افعالي
وانه تدري اشگد بنيت امالي

يا مولاي.......خاف ناسيك بحياتي اتاخرت
يا مولاي.......اعتذر يالمهدي خافن قصرت
*******
چا يمتى اتشوفك العيون
يالغايب كلشي الك يهون
تدريني واصل الجنون

سيدي اهوايه اجيتك نادم
ناس مدري اشعدهه ويه الخادم
بعض ما عدها بصيره الوادم
وانه مجنون ابخدمتك هايم

يامولاي........بالغياب اهواي والله اتعذبت
يامولاي....... اعتذر يالمهدي خافن قصرت
*******
ساعاتك نحسب القاء
نتلاگه بحسره كربلاء
ونشوفك قايم العزاء

اني لو بيدي صدك لاگيتك
انت زعلان وعلي حسيتك
هوايه بذنوبي صرت جازيتك
واني بدروب العشگ تانيتك

يامولاي...لساني ماينساك بس غافل
چنت
يامولاي.......اعتذر يالمهدي خافن قصرت
*******
لاموني بحبك الشجون
اتعذب بس الك يهون
بحلامي ساكن العيون

شلونه وضعك سيدي وشلونك
والله يالغالي صرت مجنونك
تدري اخجل من اصد بعيونك
انه اموتن ما اعيش بدونك

يا مولاي....وين اشوفك انه چم مره
اسألت
يامولاي ......اعتذر يالمهدي خافن قصرت
*******
تمت... بعون الله تعالى
الشاعر .....يوسف الفتلاوي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

((تنشاف))



تنشاف بيچ الحسره گدام يزيد
وچنهه العليله من تطيح الحسره

طبيتي ليش محدبه من تمشين
زينـــب سبيه لو سبيه الزهره

حتى العذاب وما أله تالي وياچ
من عمر خمسه وانتي ام العبره

من عمر خمسه وشفتي محسن مذبوح
وچبد الحسن شفتيه قبل الطبره

حطيتي ايدچ عالضهر وتونين
شبيهن ضلوعچ خاف هم متكسره

غربةّ دموعچ ماكو اخو بالعربان
تاريخ حزنچ والعمر شيعبره

ذبلتي حتى الذابل المابي روح
الناگه صارت من عذابچ صفره

للقصر من طبيتي وياچ الروح
تحاچينمن والشيب عاش بنحره

يضحك يزيد ودمعتج چن شلال
وچم باب صارن ضايگه وچم عصره

الماعنده جمره ماعرف زينب زين
يعرفون زينب ذولي أهل الجمره

حتى الخرابه وياچ هم تبچي وياچ
تغسلين وجهچ ماتروح السطره

الغربه عاشت خيمه وعيونچ نار
احترگت بنص الخيم چم ذكره

يضرب براس حسين وأنتي تشوفين
تگليله كافي لاتطيح العشره

اديرين عينچ عالگمر وتغمضين
تگليله ياعباس زرگه وحمره

عباس بالخيمه سوالف خوان
تذكر تطبلي الخيمه تصبح گمره

خيالي اطمه ويطلع يريد وياي
يَطَشر من الناس ويلم صبره

عباس وينك ياشذى عيون حسين
عباس من دونك خراب العِشره

انت الگدتني وانت بيدك عباس
هسه انه أريدك موتتني العثره

ياسلوةّ الما ألهه والي ولاگوم
راحت حياتي گطره تتبع گطره

وصلني عاد الديره كلهم شمات
حتى آنه اصيحن هذا اخوي شكبره



عبد زينب
محمد الأبراهيمي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي