أهوازيه .  (#لقد_عادوا_يازينب)
…………………………………………………………… 

صح ردّوا ابلايه اسياط . و لا حبل و يچتفونچ
بس متأكد اتسمعين  .  بالمرقد يشتمونچ

……………………………………………………………


بس شوفة وجهم سوط . اعيونج تلـلسع منه
بذنج صوتهم زلزال . صيحات الهزل چنّه
مو چنهم بشر طبّوچ . الوقع اجدامهم رنّه
چنها اخيول ذاك اليوم . وابن امج يطحننه

كل واحد شمر ينعد
خيمه ابعينه هالمرقد
يحرگها و يشب دخان . خاطر تنعمي عيونج

……………………………………………………………


گبل مسبيه بس ويّاج . حرم و عليج مفتره
اعليج امحدب السجاد . تضوي اعمامته الخضره
هسه الوحدچ والگوم . امكيفه اعليج منتصره
الشتّم كبل مره ايجوز . هسه ايزيدهن عشره

ليهم ماكو رداده
ابعيد اندفت الساده
نحر وجفوف مگطوعات . ما كدروا يحضرونج

……………………………………………………………


اتحوّل مرقدج هاليوم . طف والخيل بيه تفتر
وشبّاجج مخيم صار . وبي نار الشمر تسعر
گاع الصحن رمل و شوچ . بعينچ جنها مو مرمر
وهم رد الرگض هاليوم . وحافي الجِدم يتعثر

ليل اهدعش رد ثاني
ظلمه بگاع سفياني
لو رد الزمن يـ ام عون . مية مره يسبونچ

…………… ..،.،………………………………………


چان السفر ليج اسراب . كل حمله ابأثر حمله
تنزل بالمطار گلوب . الگبرج زحف تزحفله
مرشد ابد ما نحتاج . نگلهم هالامر سهله
نفس العطر مال حسين . گبر ام عون نندله

هسه انمنعت الجيّه
من حاكم بني أميه
كبل منعوا عليج الماي . وهسه الي يزورونچ

……………………………………………………………


صحنچ چان دويه اصوات . بين الدمعه و اللطمه
چن الاكبر و جسام . اعليج الشيعه ملتمه
وهسه الصوت بيه معدوم . انهار و ليلچ ابظلمه
مامش عرف برض الشام . يجبر جرحج ابكلمه

أكثر من گبل غربه
أتجاور قاتلك صعبه
ذوله اضعاف عن ذولاك . دم سنهم يكرهونج

……………………………………………………………


جامعهم الگعدوا بيه . امجاور مرقد أرقيه
اليطلع و اليطب وبصوت . يشتم بيها يوميه
گبل أذيالها و أجدام .هسه عيون مچويه
هسه الشتمه اصعب حيل . من جرة الترچيه

ازغيره ولا اهل عدها
داعش دخل مرقدها
يگلها السوط رد اردود . نار ويسلع امتونج

……………………………………………………………


خلفة هند متوهمين . زينب مو گبر ينهد
زينب جرح غمگ البير . دمعه امعاشره اعل الخد
فلشوا المرقد البالشام . الها ابكل گلب مرقد
احجاب و بالعرش مصنوع . بيها انستر دين احمد

فضل الماي عالوادم
اعلينه امفضله بت فاطم
يزيب انتي نسمة صيف . وشيعة علي ايشمونج

……………………………………………………………
✍️ ( سيد خضر الزاملي )
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

مولاتي رقية ع


كــــلامــــي شــلــون اوضــحــــه.. والــمــعــانــي
بــــنــــص الــخــــيــــل شـــــذره.. وألــمــع آنـــي
تـــغـــيّـــر لــــــــــــون وجـــهـــي.. والــمــعــانــي

بــهــذاك الــيــــــوم مــــــــــــا چــنــي رقــيـــــــه

                           *---------------*---------------*

✍️خادم الحسين ع
الشاعر رعد الچريخي

مولاتي زينب ع

الدهر يـم عون بـس ويـاچ  . چاوين
وحزنـچ لـو يصيـر ابحجـر  . چاوين
بـقـيـتـي ابلا اهـل بالـشـام  . چاوين

هـلـچ راحو يبت حـامـي الـحـمـيـه

*--------------------------*--------------------*

✍خادم السيده زينب ع
الشاعر رعد الجريخي

حسين حسين حسين
--------------------------

شحچي وكلشي خانگني هذا الليل اذانــي
اختك هايبعد اختك همـــك غير الوانـــــــي
اودعك واني من دونك احلف والله مو اني
يحسين الفجر يحسين مدري لوين وداني

ناس وخيل ،، ماظل حيل ،، باچر ياخذ انفاسي
بلوه حسين ،، نركض وين ،، فوگ الرمله عباسي

حسين حسين حسين
-----------------------

ارد اوگف على حيلي وما شــــالني رجليه
باچر انته تحت الخيل واختك انـــــا مسبيه
جسمك بيه قيامه جروح بالالف وتسعميه
راسك علرمح مرفوع واني بصطره معميه

تلهب نار ،، تبچي زغار ،، وانته بلا نفس خويه
اصد مذبوح ،، وانته الروح ،، واصيحن يا علي بويه

حسين حسين حسين

،،،،،،،،،،،،،،،،،،،،،،

اگلك وينك الحگلي ســــــاكت يـــــا ضوه يعيوني
يلنايم دليلي يصيح وين اخــــــواني عافــــــــوني
اوصل يمك بيا حال لا زيــــــــــــــــــنب ولا لوني
لا تنشدني خويه ارجوك ضربو وجهي وامتوني

شامت گال ،، ماكو ارجال ،، ظلو برحمة چفوفي
يا زهراء ،، يمه احاه ،، اندبچ يم حسن شوفي


حسين حسين حسين
----------------------------------

وين الخنصر المگطوع يلنايم على الغبـــــــره
بيك اچم ضلع مكسور هيچ تشوفك الزهـــــره
انته بصدرك القرءان چا ليش انخسف صـدره
هذا الحافر الملعون گلــــــــوله شسحگ حدره

ساحگ نور ،، دمعي ايفور ،، من شفت الولي ونحره
آخ شلون ،، عميه عيون ،، وسفه وطشرو صدره

حسين حسين حسين

،،،،،،،،،،،،،،،،،،


اختكم هــــــــــــــا تسمعونــــــي يلجبتوني وياكم
لا راس بجسد موجــــــود لا جربه ولا الــــــواكم
عبد الله الطفل جسام الاكبر ما لگيــــــــــــــــناكم
ودوني اعلى شاطي الموت كافل خدري ما جاكم

ها عباس ،، هاي الناس ،، درب الشام ما يرحم
كون تشوف ،، كون چفوف ،، ما تحصل بعد نحلم

حسين حسين حسين


للخادم  / رعـــد الفريــــجي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

هاي المرة التمشي اوياكم منين
ماجنها امن اهلنه جاية من وين
كل ما ارفع الراس
الكاها اعله عباس .... على حسين ... تبجي
...1...
ياعلي السجاد اكلمك .... ياهي هاي التبجي يمك
فدوة ياعمي اسألك .... رد علية
تبجي كلما ابوك اذكره ... جنها الها اوياه ذكرى
الفاتحه بدمعتها تقرة ..... ياهي هيه
ليش مجويات اديها ..... وذابله من كد بجيها
اشما اصد عيني ليها ... اتصد علية

محتار أبأمرها يبن الاطهار
كلما اذكــــر الخوان تندار
كلما راسي ينباس
الكاها اعله عباس .... على حسين ... تبجي
...2...

خوية جنك معرفتني .... انه زينب ضيعتني
المصايب غيرتني ... اء يناري
اختك انه الجنت اميرة ... امدللت بدر العشيرة
هسه الك رديت اسيرة .. دمعي جاري
محمد انه الهاشمية ... بت علي جامي الحمية
وامي فاطمت الزجية ... وهذا داري

انه اخت العله الشاطي بجه احساس
واخت الماتت ابنيته على الراس
بته الماتت انعاس
الكاها اعله عباس .... على حسين ... تبجي




.....3....

خوية زينب هاية انتي ... ما اصدك هيجي صرتي ... عمرج بيا ديرة عفتي .... جاوبيني
كربله شمسويه بيكم ... كلشي ما خلت عليكم
ما اشاهد بس بجيكم ... سامحيني
وين اهل بيتج يحرة .... حسين لاعباس انظره
بوجهج اقرة احزان كثرة .... كلميني


لا تخفين عني عظم المصاب
وين اخوانج الجانولج احباب
صفناتج متنقاس
الكاها اعله عباس ... على حسين ... تبجي


.....4.....

صبّحت ما عندي غالي ... كلشي راح وما اجالي
منو باكو كل دلالي ... وكلشي عندي
ذبحو حسين ورضيعه ....والكفلني اعله الشريعه
حرمه حاطنتي الفجيعه .... وانه وحدي
حركو اخيمنه علينه .... ما رعو حرمة الجينه
امن السياط اللتلوعينه ... ويحجي خدي

خاف احجيلك وما يبقن اعيون
من كثر الضرب ما ظلت أمتون
تمنيت التقي بناس
الكاها اعله عباس .... على حسين ... تبجي


...5...

عالهزل مشوني اسيرة ... وناظري لحسين اديرة
نايم ابحر الظهيرة ... عفته اني
بالحبل مجتوفه ادية ... والشمر يفتر علية ...
والشماته اتصد الية .... ياهو اتاني
حرمه ما بين العساجر .... امشي وايتامي تناظر
عالجروح البية اكابر ... من زماني

شحجيلك بعد عن صعدت النوك
لـــو طبتنه بين اغراب للسوك
لو جثه بلا انفاس
الكاها اعله عباس .... على حسين ... تبجي
.....
تمت
الحمدالله رب العالمين
اللهم صل على محمد وآل محمد
موسى الخادم

يوم اربعينك نعتني مشاية
واسمك نشيله اعله ألجفوف براية

....1....
نكصد ضريحك ياحبيب الزهره
براية كمر هاشم نصير العتره
كل واحد البينه نــذرلك عمره

وياك ..... وياك .... يبن الزهره منعوفك
للموت ... للموت ... نكصد كبرك نطوفك
غايتنة وحدة وانت هاي الغاية




....2....
كلمن يــزورك زايــر الله بعرشه
واجهنم ابيوم الحشر ما يخــشه
درب الصراط ايصير اله اجمل فرشه

يحسين ... يحسين ... دنيه اواخره نريدك
نهواك ... نهواك ... ونتمنه نبوس ايــدك
نتعنه الك يا سيدي عنّاية
....3....
لأخــر نفــس مشاية الك نتعنه
و نهدي المسافات بثوابك كلنه
غــايتنه انت ما نــريد الـــجنه

هيهات .... هيهات ... هاي الصيحه نحيها
رايات ...رايات .... عزتنه نعليها
ما عدنه بالدنيا امنيات اهواية
.....4.....
دربك حرام اعله المحب ايعــوفه
واجب عليه صبح ومسية ايطوفه
نقســـم الك بالكطعـوها اجفـــوفه

حفاي ... حفاي .... نتعناك والينه
واهناك ... واهناك .... ننثرلك بواجينه
يالعزّبت للدين روحك هاية
....5....
يوم اربعينك والله يا بو اليمة
نحسبله مثل الـــولد رايد امه
هنياله كلمن بره اوياك الذمه

مشاي ... مشاي .... حتى المهدي الك باجـــــر
عنوان .... عنوان .... يحجي الماضي والحاضر
وية الامام المنتظر وفاية
......
الحمد الله رب العالمين
اللهم صل على محمد وآل محمد
موسى الخادم

علي بصوت ... علي بصوت ... ناداكم
يخدام ... يخدام ... حياكم

....1....

علي من ارض النجف ... هلا بحبابي هتف ....
للحسين انطيتو جف .... وراية
راح اذيع اعله المله ... الكم بطف كربله...
كل عزية مسجله .... واقراية
خدم يا نعمه الخدم ... بيكم امباهي الامم ...
حسين صورتكم رسم ... مشاية

بالعيون ... بالعيون .... شفناكم
علي بصوت ... علي بصوت ... ناداكم



....2....

منزلتكم مفخره ... يم حسين امقدرة ...
بدنيته والاخرة ... احبابه
امه بيكم تفتخر ... تدعي الكم كل فجر ...
يالطمتو اعله الصدر .... بمصابه
كلشي يم ام الحسن ... ما يضيع ابهل الزمن ....
وحك جفين الرسن ... بعتابه

يضل دوم ... يضل دوم ... ذكراكم
علي بصوت ... علي بصوت ... ناداكم





.....3.....

يالخدمتو ابن الولي ...بشارة الكم من علي ...
بيدي همكم ينجلي ....انخوني
دعوه الكم ما ترد ... صك ضمان الكم بعد ...
حاضر الكم بالشدد ... تلكوني
ما اضيعلكم تعب .... ما اردلكم طلب ...
هذا عنوان انكتب ... بعيوني

بدي هاي ... بدي هاي ... حاجاتكم
علي بصوت ... علي بصوت ... ناداكم





....4 .....

كل شخص موكب بنه ... منه اتشكر انه ...
وبيده اخلي جم ضنه ... يخدمونه
صيته يوصل للنجم ... خادم حسين الشهم ...
منكتب اول اسم ... ... تلكونه
كل ثواب اعله السبط ... انحط تحت صاحبه خط .... كطرة المي عدنه شط ... لعيونه

بالكلوب .... بالكلوب .... شلناكم
علي بصوت ... علي بصوت ... ناداكم






.....5.....

باجر بيوم الحشر ... كل فعلكم ينذكر ...
ثوب خدمتكم عطر ... لنفاسي
مني اسمع يالمحب ... كل تعبكم منحسب ...
كل صرفكم منكتب ... ما ناسي
رغم انف الناصبي ... شافع الكم كل نبي ...
وفاطمه وام العبي ... وعباسي

يل الاحباب ... يل الاحباب .... وياكم
علي بصوت ... علي بصوت ... ناداكم
.....
تمت
الحمدالله رب العالمين
اللهم صل على محمد وآل محمد
موسى الخادم

كافي امن البواجي مو خلص دمعك
اشويه ارحم ابحالك ارحم ابوضعك
يالعايش الطف كل وكت
....1....

يلكل صباح وكل مسه... تبجي اعله مذبوح النحر
مو كافي مولاي البجي ... والنوح والهم والقهر
ارحم اعـيونك ذابله ... ويمكن ضعف بيها البصر
واشلون ما تعمه النظر ... يالخلصت عمرك سهر

أعذرني امن اكلك كـــــافي لا تبجي
ابو حمزه الثمالي الحضرتك احجي
خوفي اسمع بكلمت متت
يالعايش الطف كل وكت

.....2.....

ارحم ابحالك سيدي ... الخاطر الزهره ام الحسن
منكم تعلمنه الصــبر ... وكـــت الشدايد والمحن
ليلك نهارك تنتحب .... تلطم على الراس ابشجن
عل منذبح مـــن الكفه .... وعماتك اكباله انسبن

نيران المخيم تسعـــر بــروحك
الاف الجروح الخلفت اجروحك
كالساعه اشوفك تلفت
يالعايش الطف كل وكت





.....3 .....

الله يعـــينك ســـيدي ... مو هين الصار وجـــره
حكك اذا عشت الحزن .... عل منه كطعو خنصره
جم اه شــايل جم جرح ... جم لوعه يا بن حيدره
بالشام شفت اشكد صور ... تكسر الخاطر يا ترة

فوك الرمح راس احسين يبرالك
والشـــماته تضحك جــــانت اكبالك
معـــذور شــــاب شيبت
يالعايش الطف كل وكت





.....4.....

يا زين العباد اشوكت ... ننظر ابوجهك ضحكتك
نوحك اليا مــدة يظل .... خافن يطول الــموتتك
معذور ما تنسى الحصل ... بالحبل شــدو عمتك
الله يعــــينك سيـــدي ... نيـــران تسعــر شيمتك

مو سهله المصيبه الحلت اعليكم
الهسه كربله تبـــجي البواجــيكم
جم جسم المكطع شفت
يالعايش الطف كل وكت





.....5 ....

لساعه اثرها السنسله ... ابركبتك ما طابت بعد
اتذكرك بسبيت عليتك.... وذبحت اخوك البلمهد
صبرك كسر قيد اليسر ... واتحده كل عدة وعدد
ما دنكت هامــــك ابــد .... لحسينك انطيت العهد

شامخ كالجبل ما بينت كسرك
كـدام الاعادي منحنه ظهرك
اشكد اعثرت بس ما طحت
يالعايش الطف كل وكت

تمت
.......
الحمد الله رب العالمين
اللهم صل على محمد وآل محمد
موسى الخادم

راسك عالي ... وانا ابالي ... احضن راسك
يابعد اهلي ... فدوه انزلي... احضن راسك
يابو الحمية ... رد الرقية
....1....
اشلون اوصل الراسك
يالرمحك اطويل
اشما ارفع اطرافي
ما لوحه يا هيل
انزلي محبوبي
ما ظلي كل حيل
من نار المخيم
من هجمت الخيل

تعال .... انزل عليك ادموعي
تعال .... شبعن سياط اظلوعي
تعال .... يبن الزجية ... رد الرقية
....2.....

يا بوية حاجيني
ما تحجي وياي
زعلان من عندي
لو تبجي لبجاي
عشطان يا روحي
لو شارب الماي
سكتتك اذتني
يا نظر عيناي

عليك .... ما بطلت وناتي
عليك .... صارت صدك مأساتي
عليك .... الله ونبيه .... رد الرقية
.........


.....3 .....

كلشي انتهى بدونك
يل عني بعدوك
ميته ولا شفتك
بالخيل داسوك
مو انت الاحنين
جا ليش ذبحوك
ما رحمو ابحالي
كدامي سلبوك

اروح .... المن بعد حاجيني
اروح .... يا حضن اليدفيني
اروح ... وين المسية ... رد الرقية


.......4 .....

يا بوية واعيونك
ما ظلت اعيون
كلما عليك ابجي
اعيوني يسطرون
هو انه كل عمري
اربعه يدرون
ما احتمل ضربة
لا سوط بمتون

تشوف .... يا بوية ما رحموني
تشوف .... وكعو ضرب لمتوني
تشوف .... مجوية ادية .... رد الرقية

....5....

كلما اصد عيني
بعيوني الكاك
ما فاركت شوفك
اتماشى وياك
نحرك يبعد اهلي
منة جره دماك
جا هاي جانتلي
ابجي اعله مبجاك

حرام .... عالرمح كاعد راسك
حرام ..... امفارك اعز كل ناسك
حرام .... امشي سبية .... رد الرقية


....6....

بالشام موعدنه
نتلاكه بدموع
وسط الخرابه اكعد
اعلكلك شموع
يجيبون الي راسك
عن جسمه مكطوع
اغفى على الحيتك
والبجي مسموع

اموت .... والدمعه فوك اخدودي
اموت .... عطشانه ماي اورودي
اموت .... بأحله منية .... رد الرقية
......
تمت
الحمدالله رب العالمين
اللهم صل على محمد وآل محمد
موسى الخادم

كلما ارفع راسي الكاك ... من نحرك يجِّاره دماك
عالرمح وتنظرنه بعينك
ماجن ميت عايش ذاك

...1...
كلما صد اعليك اعيوني ... يحسين اتصد عينك لية
جن ادكلي لا تهتمي ... انه احرسكم يل العلوية
حتى وميت تنكط غيره ... يالمنك هاي المرجية
ميت وتهابك عدوانك ... اكبالك ينعدون اشوية

مثلك ما موجود اثنين ... بس حسين وانت حسين
يا فرحت حيدر والزهرة
عايف اختك رايح وين
........

2_عالي الرمح وراسك عالي .. شلون اوصلك ماكو امتونك
حر الشمس امغيره ارسومك... وذبلانات انظرها اعيونك
عمية ولا شفتك محبوبي ... ذابل هيجي امغير لونك
الله يلعنه البيك افجعني ... يحسين وعيشني بدونك

ميته انه ولا شفت الصار ... يذبحونك واعلي تندار
هذا المنظر ما فاركني
مثل الباب وحرك الدار
.....3 ....
ذبحوك وما شارب مية... يا فرحت عمري وامالي
لو بيدي ارويتك بدموعي .. ولا شفتك عطشان اكبالي
متسلبه اثيابك انظرها ... ما جانت يحسين ابالي
بدمك متغسل يعيوني ... وراسك شاله الرمح العالي

جسمك لو جسم اسماعيل ... صعدت فوك امتونه الخيل
اه يالوعت كسر اظلوعك
بختك ما خلت كل حيل
4_.........
اشلون اقنعها ارقية ابنيتك ... اشلون اقنعها مو هذا انته
جوه اعباتي امغطيته انه ... وابجيلك يحسين بسكته
كالساعه اعليك اتسائلني .... شحجلها وذباحك شفته
راسك شايل بيده وهوس ... راح الجان ايحامي الاخته

زاد اعلية الحمل اهواي ... يالرحت وما شارب ماي
كتلتني الحسرات بدونك
وابنيتك هاي الوياي
.....5 .....
سامحني بحقك يا خوية ... ابريني الذمه يا بو اضعوني
جم خطوة الظلتلي واوصل ...ذيج الشام انظر بعيوني
وي راسك خليني اتوادع .... يل عنك راح يبعدوني
حدي اوياك بهاي الرحله ... باب الساعات يسمعوني

جرح افراكك ما يلتام ... بية ايعيش ادموع ايتام
حبل الخوه البيني وبينك
راح يكطعونه الظلام
........
الحمدالله رب العالمين
اللهم صل على محمد وآل محمد
موسى الخادم

والله وكت ياعباس // تتصفح بوجهي الناس
بلشمس خلونه ايام//يحظرون  بالعيد الشام
* * * * *

الظعن مر اعل جثتك-حته ما لحكت اودعك
بزندك تاشر علينه - لان ماموجود اصبعك
الله وياجن يخويه-من النحر تحجي اسمعك
متوني زرگه وهاك اخذهن- خاف ماتلكه اليشيعك

ياهو اليدفنك لو روح// وبكربله تظل مطروح
للميت الدفنته اكرام //يحظرون باالعيد الشام
* * * * *
مانزلت من الهزيله - من الصبح للمغربيه
عرجه جابوها ومريظه-وبمشيها تأذي بيه
فوگ مامجويه بيهن- الحبل شگگها اديه
ماسمعت اسمي بلسنهم- كلها نادت خارجيه

شافوني عطشانه هواي// كدامي بدوه الماي
شامت يطشره گدام // يحظرون ب العيد الشام
* * * * * *
السنسله الكسرت رگبتي - جانت اثگل من ذنبهم
كلوب اسود من عبينه- ونيه عوجه جن دربهم
ماطلبنه الرحمه منهم - لان ندري شبي گلبهم
عذبانه اكثر شتمهم- حته اكثر من ظربهم

هاي السبيه يصيحون// عليه من اطيح ايظحكون
نظراتهم چنها اسهام// ايحظرون بـ العيد الشام
* * * * * *
مثل سلعه قدمونه -بسوكهم ياخويه تدري
ذني للبيع السبايه - بصوت صاحو ياهو يشري
مگاطف احجار وشتايم-والعطش كاسرلي ظهري
شحتمل وانه جبيره - عابر الخمسين عمري

اليعبر عمرها الخمسين//ماتدخل ابدواوين
السبي كبرني اعوام// ايحظرون بـ العيد الشام
* * * * *
اعلـ باب الساعه نوكف_ننجوي بحر الظهيره
تشيل رجليها وتحطهن-ترفه رجلين الزغيره
من الشمس ركدت عباتي-بيش افيي والله حيره
ب الحجر يرموني خويه- ليك كل ماوجهي اديره

خلونه نوگف بـ الحر// حته وجهنه اتگشر
ماتحتمل هل ايتام// يحظرون بـ العيد الشام
* * * * *
كلها نامت ب الخرايب - وانه بالي كله يمك
صارلك مده برمحهم- حته يابس فوكه دمك
متانيه ينام اليحرسك- وبلكي الوحنك واشمك
عالي يل كافل رمحهم- وسفه من ابعيد اكلمك

عالي الرمح ماينلاح// حاولت انزلك ترتاح
بلكي كلت يمنه تنام//يحضرون باالعيد الشام
* * * * * *

تمت _ ازهر الزيدي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

((  #الخيل_تعتذر ))

……………………………………………………………


اذيناك • يحسين احنه الخيل الداست صدرك
اذيناك • و لله انحبك بس جبرونه انوذرك
كل خطوه انجر مية حسره
عذراً _عذراً  يبن الزهره

……… .................................................


عاده احنه بينه وزينه
ميت ولا سحگينه
غصبن علينه وجيناك • ريت بكسر رجلينه
تدرينه يا بو اليمه
ما النه راي و كلمه
يا نعمة الله اعله الكاع • دسناها وسفه النعمه

يحسين اجينه ابلا روح  . كل وحده صدّگ ماتت
كل وحده مو بس اعليك . سحكت گلبها و داست

من جيناك • ما نصهل  خنگه ومانگدر نحجي
من جيناك • وحده اتصد لوحده بنظره وتبچي
مو جسمك چن نسحگ جمره
عذراً _ عذراً  يبن الزهره

……………………………………………………………


لجسمك وصلنه وشفنه
بلوعه ومدامع صحنه
جا ولكم شنسحگ بيه •  كل كتر ميه طعنه
خلو بگلبكم رحمه
مامش اهدوم ابجسمه
والحافر وبيه احديد • معناها يوصل عظمه

الف وتسعميه اه  . ولكم دصدوا الحاله
والنوبه منه اطلبون . نصعد نطشر اوصاله

ولكم ليش • مو مات وعطشان و يابس كلبه
ولكم ليش • فوك جروحه وتردون احنه انعذبه

مو كافي اعليه كطعة نحره
عذراً _ عذراً  يبن الزهره

……………………………………………………………


جن للشنق جرونه
غمضنه من گادونا
خليها ظلمه ولنشوف • جثه بسحگ مطحونه
غمضنه بس الاخطر
نسمع ضلع يتكسر
سمعينه صوت وبيه اه • يمكن طلع بالمنحر

مو عرض جثْتك يحسين .خاطر سهل نعبرها
خلوها طول الظلّام  . و الحافر ايوذرها

احنه اهواي •  عشره ابربع رجلين اتعنينه
احنه اهواي • شي سالم بيك ابدن ما خلينه
كل حافر ماخذ چم وذره
عذراً _ عذراً يبن الزهره

……………………………………………………………


نقسم وحگ عيونك
اتمنينه وي ميمونك
ولزينب احنه انوديك • مو نسحك اعله متونك
الميمون هم من عدنه
بس فرق كلش عنه
ما شرب گبلك للماي• واحنه اعله جرحك دسنه

هو و ينزلك بهداي  . بدمك مسح ناصيته
واحنه الحوافر يحسين .جسمك طوي طاويته

يلميمون • بحسين انحلفك وبذاك المصرع
يلميمون • تمشي ويانه ابختك هلبت تشفع
احنه المو بيده اصبح امره
عذراً _ عذراً  يبن الزهره

……………………………………………………………


و الاكثر مأذينه
ارقيه واختها اسكينه
من اوصالك وباقي آثار •  شافنهن ابرجلينه
اتلگتنه زينب حافي
ولج دبطلن كافي
عوفنه مو شابع موت • سحكن بداله اجتافي

كل دمه نازف بالكاع . شوفنه يابس نحره
متساوي وي التربان . وانطبك صدره ابظهره

كافي اجروح .كافي اعليه شمس الي حركت جسمه
كافي اجروح . متناثر صعبه الدفان ايلمه
وشلون ايخليه ابگبره
عذراً _عذراً يبن الزهره

……………………………………………………………
✍️ ( سيد خضر الزاملي)
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

ملمع  (( #أمير_الرحمه ))
الحسين ع عندما وصل للنهر قال لجواده ( انا عطشان وانت عطشان و لا أشرب حتى تشرب)
……………………………….…………………………

يا ميمون .. قَلبي وَ لساني يَلهب
يا ميمون .. لا أشرَب حَتى تَشرب
ما اعظُمها مِن كلمه . أنتَ أميرُ للرحمه
يامولاي .. يامولاي

…………………………………………………………


من ادم لحد اليوم . هالموقف اخو ماله
موقف كل جبل عملاق . يركع ينحي اگباله
من گد ما إلاه الكون . معجب حيل بالحاله
اعل نهر الكوثر ابفردوس . ابذهب تمثال سوّاله

تعظمله . الرسل كلهه . مقام اظل تطوفه
ابكثر حبها . ولا ودها . ولا لحظه تعوفه

ابراهيم .. أمسى للموقفِ مَحني
ابراهيم .. قالَ عظيماً يا أبني
اسمُكَ للغرقى نَسمه . أنتَ أميرٌ للرحمه
يا مولاي .. يا مولاي

……………………………………………………………


الوادم كلها نص ورگه . وانت رحمتك شجره
حتى اعل الذي ذبحوك . دمع اعيونك اتنثره
چنك شابگ العباس . لمن تحضن الفقره
درجة الرحمه جن و ناس .وحده و حصتك عشره

منو ابگدك . مثل جدك . انرسل للرحمه ينشر
يبو الرحمه . مثل غيمه . ابعطف عالدنيه تمطر

كالبُستان .. العطفُ بقلبِكَ أزهر
كالبُستان .. ولذا فقميصُكَ أخضر
في المصحفِ أنتَ النعمه . أنتَ اميرُ للرحمه
يا مولاي .. يا مولاي

……………………………………………………………


اتخيل انت ثلث ايام . يبس من العطش نحرك
طاري الماي رحّه وأيد . دوم وداير ابفكرك
اقماش امبلل وعصروه . العطش وابقوته ايعصرك
تإخّر ريجك المحروگ . تِقدّم للشرب مهرك

فلا صارت . ولا دارت . لچن سوّاها واحد
نعم هوه . ابو امروه . استحق للرحمه قائد

كيفَ و لا .. وفي صدرِكَ نهرٌ يجري
كيفَ و لا .. قلبٌ أم منبعُ نهرِ
أم كوكبُ عطفٍ أسمه . أنتَ اميرٌ للرحمه
يا مولاي .. يا مولاي

……………………………………………………………


ما طالع ابنزهه حسين . ولا راجعله من سفره
حتى نگول اي مرتاح . وظل ايمازح ابمهره
حسين الطفل ماخذ روح . وابو فاضل كسره ضهره
تارك بالخيم نسوان . لسبيها الزلم متحضره

وبعد لحظه . ابوجه ارضه . يجيه شمر ويگلبه
يذبحونه . ويرفعونه . العليه ثوبه يسلبه

يالله .. فحبيبُبك طارَ بفكري
يالله .. اصبحَ همّّهُ بالمُهرِ
عطفُكَ عطرٌ أشتمه . أنتَ أميرٌ للرحمه
يا مولاي . يا مولاي

……………………………………………………………


طلع وفّاي مهر حسين . رفع راسه و رفض يشرب
تفكر بيه يا مولاي . و لسانك جمر يلهب
عمت عيني اذا گبلك . لساني الهل عذب يگرب
المهر وسط النهر سوّه . اقرايه ودمع يتصبّب

وگف شعره . و جذب حسره . وذكر سهم العساكر
على جلده . يحس بعده . دمه عبدالله فاير

و الأثنان .. قصةٌ حبٍ و وفاءِ
و الأثنان .. ماذاقا طعمَ الماءِ
الويلُ لتلكَ الأمه . أنت اميرُ للرحمه
يا مولاي . يا مولاي

……………………………………………………………


نفس الجنس هالميمون . وي خيل السحگ ينعد
لچن مثل ام ولد غرگان . ينعاه للخيم من رد
بهداي وينزل حسين . وياه عالثره اتمدد
و ذنك طشرن بحسين . وصارت عالنحر تصعد

فرق مهره . عن العشره . الصفت قصه الأليمه
فزع للحق . صهل وانطق . الظليمه ويا ظليمه

هُم بالعار .. والميمونُ غدا فخرا
هُم بالعار .. و هوَ قد فاحَ العطرا
هم ارضٌ و هوَ النجمه . أنتَ أميرٌ للرحمه
يا مولاي . يا مولاي
……………………………………………………………
✍️ ( سيد خضر الزاملي )
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

(لمولاي صاحب الزمان)

يتسبيحي ودعائي
صلاتي انته ورجائي
أشوفك في سمائي
ياضوه العيـــن  .. ياضوه العيـــن
الارض محتاجه نورك
متى موعد ظهورك
ونجي الدارك نزورك
يا ضوه العيــــن. ياضوه العيـــــن
༺༺༻༻
من المهد وأسمع مناجاة _ من والديّه
ياربي عجّل لابن الاطهار _ الطلعه البهيه

نورالوسيعه وكل الافلاك _ ابن الزچيه
والارض تنعم بالعدل ريت _ وكل البريه
نجم بسمايه أشوفك
وأنه بكل ليله طوفك
صرت عاشگ حروفك
ياضوه العيـــــن   .. ياضوه العيـــــــن
فروض الخمسه انته
وردي الما تركته
عمد ديني العشگته
يا ضوه العيــــــــن..    ياضوه العيـــــن
༺༺༻༻
يمته الفرج يبن الميامين _ ياساعه تظهر
يبن الحجج وإبن البراهين _ گلبي تفطر
احسب الجيتك تدري ساعات_ ليليه اسهر
هيچي صدگ وتكحل العين _ وبجيتك انسر
بصباحي والمسيه
اذكرك تدري بيه
لحد يوم المنيه
يا ضوه العيـــــن..      ياضوه العيـــــــن
دعاء الندبه اقره
ودعائي عجّل امره
امامي بحالي ادره
يا ضوه العيــــــن..    ياضوه العيـــــن
༺༺༻༻
اعذرني لو غايب أناديك _ وبگلبي حاضر
حر لو برد خايف يمر بيك _ لمن تهاجر
اگعد وگوم مضيع الراي_ فاگدلي خاطر
ميت عدل عبدك يمولاي _ يبن الاكابر
خلني من عبيدك
خاتم انه بيدك
ترضه عني اريدك
يا ضوه العيـــــــن.. ياضوه العيــــــــن
يتيم وهذا حالي
ومضيعلي غالي
منتظرك ليالي
يا ضوه العيــــــــن.. ياضوه العيــــــن
༺༺༻༻
مناطر ظهورك ليل ونهار _ تدري يغايب
حبي الك عاشگ و معشوگ _ يغله الحبايب
شوگ العطش للماي مشتاگ_ وگليبي ذايب
إتشّربني من چفك يموعود _ يبن الاطايب
ردّت تروي حياتي
وتحقق أمنياتي
يامصحف نجاتي
ياضوه العيــــن..   ياضوه العيـــــــن
يافرضي النويته
وقرأني القريته
بشجاني تليته
يا ضوه العيــــــن..  ياضوه العيــــــن
༺༺༻༻
ذبلت يمهدي سهرة الليل _ اوحشه السوالف
وگعت عيوني مگابل الباب_ بدمع العواطف
غايب وگولن حاضر وياي _ وچن وجهه شايف
مجنون ومضيع ولف ريت _ تدري الطوايف
واني  بروحي اتاني
ياصاحب زماني
تره غيابك عماني
يا ضوه العيــــن.. ياضوه العيـــــــن
يمن حبك سكني
ماخذ روحي مني
ما  خيبلي ظني
يا ضوه العيـــــن.. ياضوه العيـــــــن
༺༺༻༻
ياساعه تحضر برض الطفوف _ شخصك نشوفه
وبليلة الجمعه تجي تزور _ جدك تطوفه
وبحضرة الكافل يمولاي _ تبچي الچفوفه
عالتل نشوفك واگف هناك _ عينك ذروفه
من توگف على التل
تقره النه مقتل
على السانك ترتل
ياضوه العين .. ياضوه العين
وتنوح اعله السبيه
العقيله الهاشميــه 
بكل صبح ومسيه
ياضوه العيــــــن.. ياضوه العيــــــن
༺༺༻༻
حيدر بشار الدراجي

مناجاة الخادم

سائل اجيت يم ابابك
سائل اجيت يم ابابك
ــــــــــــــــــــــــــــــــــ
يامــــــالك هذا الگلب
يمسهلـــــي كل صعب
يالدربك اشــرف درب
اقبل خادمك

خـــــادم تقبلني ردت
يلّي مثلك مــــاشفت
اشــــوفك من التفت
اقبل خادمك


آنه عبدك يامحــــــــــبوبي
جيتك خجلان امن ذنوبي


سائل اجيت يم بابك
سائل اجيت يم بابك
ـــــــــــــــــــــــــــــــــ
البابك جـاي ومعتني
فقــــط حبك مقتني
مـــدنگ آنه ومنحني
مذنب واستحي

منك يارحـب الصدر
غلطان وارجو العذر
اسف خـلصت العمر
مذنب واستحي

جيت اطرق بابك يالغالي
انت او الله اليـعلم حالي

سائل اجيت يم بابك
سائل اجيت يم بابك
ـــــــــــــــــــــــــــــــــ
كلما تخنگـــني الشدد
منك يوصــلني الـمدد
مااعــــرف غيرك احد
امي انته وأبي

چـــم مره التفزع ألي
بس أصـرخ يابو علي
همـي بجيتك ينجلي
امي أنته وأبي

مجروح انت وماتتعذر
كــلك غيره يابو الاكبر

سائل اجيت يم بابك
سائل اجيت يم بابك
ـــــــــــــــــــــــــــــــــ
لوحرگــو ذيچ الخيم
بكل گاع الگالك علم
العـــاداكم يشبع ندم
ويعض شِفته

دربك واضـــــح للعلن
الماشافه عيونه انعمن
وچن رجليه اتشابچن
ويعض شِفته

خسران وكل حل مايلگه
الما عايشلك عمره بحرگه

سائل اجيت يم بابك
سائل اجيت يم بابك
ـــــــــــــــــــــــــــــــــ
هــاك ايدي يبن النبي
هـاي امنيتي ومطلبي
اعليك الأخذوها سبي
تسندني ردت

ميت حــــي اتوسلك
خليني مــــولاي الك
مــــــاتتركني اتأملك
تسندني ردت

كـــــــون اول زائر تلفيني
وتنومس بسمك يحسيني

سائل اجيت يم بابك
سائل اجيت يم بابك
ـــــــــــــــــــــــــــــــــ
حيدر بشار الدراجي

بيت الحــــــزن لمصابه بنيناه
ويفت الصخر دلالــــي بأنيناه
على الراحو ابفد روحه بنيناه
ومذابيح ارقــــدو بالغاضريه

حيدر بشار الدراجي

لا لم تكن مسبيةً زينب
بل ذو الفقارِ ناقةً يركب
بنتُ البتول .. بنتُ البتول

……………………………………………………………


غيمُ السِبا لا يحجبُ
شمساً تجلّت زينبُ . ضوءُ الجلاله
شكلٌ فقط كانَ السبي
بل اصلُها دورُ نبي . خدرُ الرساله

اعبايتها معجزة الشرف . رغم السياط اللاحت
طاح المتن من الضرب . بس هي ابد ما طاحت
تحجي العبايه اعل الهزل . فلتحيا زينب صاحت

ذِي رايةُ تعلو على الناقه
من كوفةٍ للشامِ خفّاقه
فيها يُرى  . كفَ الرسول
بنتُ البتول . بنتُ البتول

……………………………………………………………


راحت لتلِ الزينبي
كي بالإلهِ تلتقي  . لا للبكاءِ
منّا تقبّل ربُنا
خُذهُ لكَ قربانَنا  . تَرضى رجائي

انطيناك يارب الضلع . و المحسن اوي الزهره
خافن قليل ابحضرتك . چمّل احسينك نحره
ممنونه اروح الخاطرك . فوگ الهزل متيسره

قالتلي أُمي كلَ ما فِينا
وقفٌ لربِ الكونِ بارينا
في الشدةِ .  حمداً نقول
بنتُ البتول . بنتُ البتول

……………………………………………………………



في كوفَةٍ إذ أومأَت
منهم لساناً أخرست . ضاعَ الهواءُ
والطيرُ شَلت جُنحها
محزونةً تصغي لها  . تبكي السماءُ

خطبت عليهم بت علي . و وجوه صارت صفره
من كثر ما كلها اسكتت . ينسمع صوت الابره
كالو علي هذا ولزم . نهج البلاغه و يقره

في كَفِها صارَت عَصا مُوسى
انفاسُهم في الصدرِ محبوسه
عباسُ ذا  . فيهم يَصول
بنتُ الرسول . بنتُ الرسولُ

……………………………………………………………


القصرُ منها يرتجف
ترفعُ رأساً و الأنف . اخزت يزيدا
ما كيدُكَ الا بِدد
باقونَ نحنُ للابد . نصراً مجيدا

ابميزان مقياس النسب. امن الكون اثگل آنه
امن الريشه اخف وزنك تره .يبن العگدنه السانه
شنقيس يل امك هند . وانا امي الريحانه

ليسَ لسانٌ عندها يصدح
سيفٌ وفي اعناقِهم يذبح
من زينبٍ . هُم في ذهول
بنتُ البتول . بنتُ البتول

……………………………………………………………


كانَ لها دورُ الفِدا
تحمي الامامَ الساجِدا . روحٌ بروحِ
اذبحني قالَت للشمر
وإترك أمامَ المُنكسِر . كهفُ الجروحِ

ما ينطقُ عن الهوى. السجاد نفس امحمد
من غير علم امعلمه . معصومه يعني المقصد
مو لأن امج فاطمه . ابزودج وصلتي الهل حد

لو كانَ وحيُ اللهِ في الاسرِ
بها تنزّلُ سورةَ الخدرِ
آياتُها  . كانت تطول
بنتُ البتول . بنتُ البتول

……………………………………………………………


حبلٌ بكفّيها إلتوى
في متنِها سوطٌ كوى . ركضُ الظهيره
الرملُ جمرٌ في القدم
أعماها دُخانُ الخيم . نارٌ سعيره

ما بيّنت الهم ضعف . بل هي مصدر قوه
مشيتها چن حيدر علي . وللحرب داخل توّه
هيبتها چن واكف حسن . واحذاه تفور الگهوه

يا كعبةٌ و الماءُ طافاها
و النخلُ بالسعفاتِ حيّاها
والعلقمي . جاءَ خجول
بنتُ البتول . بنتُ البتول

……………………………………………………………
✍️ ( سيد خضر الزاملي )
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

مِن دِيره لدِيره يسلبونه .. وعباس مغمضات عيونه
شلون ايّام .. بكوفه وشام .. وعباس مغمضات عيونه
„„„ „„„ „„„ „„„ „„„ „„„ „„„ „„„
للسبي اطلعنه وعالهزل ودّعنه الاجساد
ردت انزل من الناگه لاچن علي السجاد
ناده عليه لا يعمه وعِلته تزداد
گَلّي ارحمي بحالي   لَوَن انزلتي    منو اللِي يرَكبچ
عَمّه ودعي الغالي  اعله ظهر الناگه  استعدّي لدربچ

بكيف الحادي امشينه ورايه .. ولا مَحمل ظَل ولا رايه
نِسَه وايتام .. بكوفه وشام .. وعبّاس مغمضات عيونه
„„„ „„„ „„„ „„„ „„„ „„„ „„„ „„„
طبينه للكوفه يويلي ويصعب الحال
نسوانهم تتصدق اعلينه يكفّال
وصحنه حرام الصدَقه متحِل على الآل
واعله روس اخواني  درتهه عيوني  وصحت ترضوهه
بت علي وهاي آني   اسيره بديره    هلي حِكموهه

وهِند الچانت تخدم عدنه .. تتسيد واحنه تفرهدنه
شگد آلام .. بكوفه وشام .. وعباس مغمضات عيونه
„„„ „„„ „„„ „„„ „„„ „„„ „„„ „„„
بثوب السبي ادخلنه عله ابن زياد اَسره
ومن سأل عني جاوبه السجاد حسره
وآمرهم الطاغي علي يگطعون نحره
بجمرتي حاچيته  شعِفت يا ظالم   گضو ولياني
انچان ذبحه انويته  سِوه تذبحنه   ابن اخوي وآني

وكمت استر وجهي بچفيني .. بديوان اجناب موگفيني
بنُص ظِلّام .. بكوفه وشام .. وعباس مغمضات عيونه
„„„ „„„ „„„ „„„ „„„ „„„ „„„ „„„
مِن الهِزِل طاحت سكينه بليله ظلمه
وابعَد ضعنّه وعالركض ما بيهه هِمّه
وطَر الارض رمح الحمَل راس ابو اليمه
الراس خاف اعليهه   وثبت بالغبره   الى ان صعدت
ثاري چف حاديهه  دفعها وطاحت  وبچت وانضهدت

تبچي وبِسياط يسكتوهه .. ومن تنخه حسين يشتموهه
دهري شضام .. بكوفه وشام .. وعباس مغمضات عيونه
„„„ „„„ „„„ „„„ „„„ „„„ „„„ „„„
برايات حمره وروس اخوتي ادخلنه للشام
اعيال الرسول بنُص خرابه اعيونهه اتنام
وبقصور وعروش اللي چانت گبل خدام
ومن حلمهه ارقيّه  اكعدت مذعوره  ابوهه تريده
جاهه بس يا جيّه  بطشت بس راسه   وتحب بوريده

والشافت منحر واليهه .. من حگهه الموت يحل بيهه
ما تنلام .. بكوفه وشام .. وعباس مغمضات عيونه
„„„ „„„ „„„ „„„ „„„ „„„ „„„ „„„



ياسر حسن

#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي