يوم السفر حان والاخوان عفتهم عالثره

مشبوحه الاعيون والاجفون تسولف بالجره
  يوم السفر.            يوم السفر
.............................
مطرت الدنيا عليه بس مصايبهه ويسر
وارثه من امي دمعهه حتى خد المنسطر 
هيه مكسوره ابضلعهه وانه كلبي المنكسر
كلشي يتجبر ابكلمه وكلبي لا ماينجبر

كافل بلا عين   والحسين   الجثه امطبره
مشبوحه الاعيون والاجفون تسولف بالجره
يوم السفر.               يوم السفر
.................................
حضرو نوگ الهزيله وحيرتي الما تنوصف
وانه بين اثنين كلبي اظل لو افاركلي طف
الجان من صوتي ايعرفني هسه يمي وماعرف
كربله الخيم حزنهه وكلبي وي لوني انخطف

انه احمي الاعيال   والاطفال. ضعنهه الي سره
مشبوحه الاعيون والاجفون تسولف بالجره
يوم السفر.              يوم السفر 
....................................
كربله الخيم  حزنهه  وشفنه  بيهه  الما يمر
فوگ طعنات الخواصر همه الي حسين شكثر
احس كل طفله الي تركب يعني ابوهه ينطبر
وين  واحنه ابين  غربه  وحتى   ماتكدر تفر

لمن يفرون   يركضون. وراهم بالعره
مشبوحه الاعيون والاجفون تسولف بالجره
يوم السفر.           يوم السفر
...................................

امنين ما اندار الگه هذا يبجي وهذا حن
وذني ركضن صوب جسمك حشمن وتشتمن
وانه گلي شرد اسوي خدري باگاه الزمن
والله يالتنشد عليه حكهن اعيوني انعمن

جثه بلاروح.  والاجروح    علي متناثره
مشبوحه الاعيون والاجفون تسولف بالجره
يوم السفر.              يوم السفر
.....................................
نطب للكوفه وعلينه اتكول وادمهم غرب
وحالة الفگدت اهلهه ياهلي كلش صعب
وين ما ننطي وجهنه نلكه اليأذي الكلب
نلگه ترجيه واثرهه يخر دم وينضرب

ياحال الاطفال  والاعيال  بقت متحيره
مشبوحه الاعيون والاجفون تسولف بالجره
يوم السفر     يوم السفر
.....................................

وتالي بتراب الخرابه وياعظم هالمسئله
نكعد ومحد ذكرنه وجم گلب رايد هله
اه ياعلتي الجبيره شفت طفله امدلله
فزت امن النوم تصرخ ياهله بجيتك هله

كلبي انه عطشان. يعريان يحزو منحره
مشبوحه الاعيون والاجفون تسولف بالجره
يوم السفر           يوم السفر

خادم اهل البيت علي الزرگاني

سااااعات .. نوكف اباب الساعات
الشمات.. تسوينه فرجه الشمات
ويكتل بجي العلوياااات
من نوكف اباب الساعات

****

والعرف جرحي عرفني ... من احجي الآم
وراح اسولف عن مواقف .. كربلا وشااام

سيد البكائين اني وكلبي مشلوووع
الـ بلخيم وبأذني اسمع رض الضلوووع
حيره سالفتي ونحيب وحسره ودموع
الروحه ملجومه واسير وكلبه مفجوع

ليبات .. وبكلبه الجروح اتباب
لجمات .. من الشاااام شابع لجمات.
سالفتي شهكَه وحسرات
نوكف اباب الساعات
*
من خلص ليل اهدعش .. خلصت روحي
من شفت نوكَ الهزل .. شاااابن جروحي

مره حسره لراس ابوي الشوف اديره
ومره اشــوف شحال عمتــنا الجبيره
جتفوها وحيره شمــــرتني عله حيره
ومتت من صاحوها كومي يـ الأسيرة

اخيام .. ماضلت اعلينا خياام
ايااام .. كلهن وجع مووو ايام
نسولف قصصنا بدمعات
نوكف اباب الساعات


**

واتحضرن عماتي كلمن ناكه صعدت
طلعن ابهيئت أساااره وروحي طلعت

بالسلاسل عمتي زينب تمشي صارت
ومن ع الـ رماح وعليها الرووس دارت
وكبل ما ع الناكه تصعد جنهااا حااارت
هاي عازت اخو زينب هيج صاحت

الناس.. متجمهره اعلينه الناس
عبااااس.. اسمعها صاحت عباس
شلعت كلبها الحسرات
نوكف اباب الساعات

****
وانطلق مووكب سبايه .. كاااصد الشام
اسبعطعش راس ابرمح .. مرفوع كدام.

محني امشي وبيدي شدو كيد واغلال
و الضعن كلساعه توكع منه الـ طفال
افكد النسوان وابجي ودمعي همال
سبي لجم ديره خذوهن والدرب طال

بهداي .. ضليت اونن بهداي
الماي .. للنوك من جابو ماي
ناديت عطشاان ومات
نوكف اباب الساعات

****

هنه جم يوم وبعدها .. ندخل بسوك
وبين هوست زلم باجر.. توكف النوك

دفوف وطبول التدك وكلبي محتار
وناس تتلكانه بااااجر تشمر أحجار
وهوست كلها بوجهنا من الوكت دار
اوين ماااا اندار زينببــب ليـــه تندار

هوساااات .. من استقبلونا بهوساااات
لجمات .. التمينه روس ولجمات
مكاطف حجر وحجااااياااات
نوكف اباب الساعات

****


الحمد لله

خالد عبد السادة البديري

يالمجلسك بيتي ......وصرت انته عافيتي
محبوبي انته ومنيتي وبلسم جروحي
امنيتي تقبلني عبد هذا طموحي
...................


ياملجأي بكل وكت زيارتك اقراها
وهاي المجالس تره من الزغر اهواها

يمه وشتاگ آنه ازوره وعيني تربي الحضرته
شما ازوره بودي ازوره ماامل ازيارته

صوره بوسط عيني. ...... راسمهه لحسيني
حگي من انوحلك وحن مو هذا نوحي
امنيتي تقبلني عبد هذا طموحي
...................

خادم وظل افتخرخدمتك محلاها
مهيوب انه بخدمتك هايه وين الكاها

وين ماروح انه امير الوادم اتگلي هله
خدمتك نعمه چبيره وكبرتنه كربله


الخادم ترى يوافي....عن اهله ميجافي
حگي من اسولف وفتخر شامخ صروحي
امنيتي تقبلني عبد هذا طموحي
..................

انه اختلف بالعشك عن اليعشگونك
صرت انته نبظي واحس مااعيش ابدونك

حسين يااول حبيب العايش ابگلبي صدگ
والدليل انه من ازورك گلبي احس بسمك يدگ

يامالك احساسي ........يالعايش ابراسي
انت الحبيب انت او تظل عاشي بروحي
امنيتي تقبلني عبد هذا طموحي
................


لمن اجي المجلسك روحي اظل اهواهه
واشعر بروحي بشر من زينبك انعاهه

مجلسك رتب حياتي واصبح الريتي هوه
يالخدمتك ادبتني ونورت دربي ضوه

مذبوي يالظامي ......يمرتب ايامي
حبيتك آنه ودنيتي گتلها روحي
امنيتي تقبلني عبد هذا طموحي
.................

يمك احس جن ملك عايش ملك زمانه
او لوسولفت بس صدگ احجيها للامانه

حاشه مارداني يوم شماردت منه تره
حسين معشوگي وحبيبي خله يدري المادره


حبك رفع شاني. ..... بالدنيه علاني
للمكرمات الغانمه ياروحي لوحي
امنيتي تقبلني عبد هذا طموحي

الشاعر
حسين الزيدي

ماسامعتك صار هواي.......  من صوت الرايح والجاي
ميت لو ترجع حاچيني......  مشتاگه لصوتك دليني 

...............
 ملهوفه اعله صوتك خويه اسمعنه 
يبو صوت الحنين الباقي بس ونه 
الرايح واليرد بخيول يتعنه 
اعله صدرك والحوافر دمه تتحنه

لجثتك بيش نسوي فياي......  يلوجهك اصفه امن الماي 
ماعيش ابدزنك تدريني  .......مشتاگه الصوتك دليني 
....................
ادور بالجثث واعليه مكتوبه 
لگيتك وشلگيتك جثه مسلوبه 
شفته المنذبح سلاب اخذ ثوبه 
واطفاله ابصحاري تهيم مرعوبه 

يارحمت الله اعله الكاع.  .....  ليش اتسافر عني ابساع 
فرگاك ابگلبي ايچويني ......     مشتاگه الصوتك دليني
.....................
اشوفه الحز وريدك خويه اشوفنه 
شايل بيده راسك حقد وا تعنه
واصيحن ياخيول الغدر عوفنه 
وبنص المخيم گلبه جابنه 

صح نسوان بلايه زلام ........ بس تدري أختك ما تنظام
واصرخ جا بمته  تلگيني...... مشتاگه الصوتك دليني 
......................

شيهوده الگلب للروحه مشتاگه 
خصوصا لو حبيبه مطول افراگه 
يمته ويا وكت يحسين نتلاگه 
راح امشي اسيره وراچبه الناگه

لا في لا هودج لا ماي......  عالهزل وجناب اوياي 
فراگك مو هين ياذيني ......مشتاگه الصوتك دليني 
..........................
ياهو العگب عينك ينشد اعلينه 
والعباس عالشاطي انطفت عينه 
وبسيف الغدر مگطوعه چفينه 
اصعدت عالتل واصيح احسيني چاوينه

مهر حسين يصيح ابصوت....  ميرد احسينج للموت 
ويضعنج روحي يناديني.....  مشتاگه الصوتك تدريني 
.........................


الشاعر
حسين الزيدي

ماسامعتك صار هواي.......  من صوت الرايح والجاي
ميت لو ترجع حاچيني......  مشتاگه لصوتك دليني 

...............
 ملهوفه اعله صوتك خويه اسمعنه 
يبو صوت الحنين الباقي بس ونه 
الرايح واليرد بخيول يتعنه 
اعله صدرك والحوافر دمه تتحنه

لجثتك بيش نسوي فياي......  يلوجهك اصفه امن الماي 
ماعيش ابدزنك تدريني  .......مشتاگه الصوتك دليني 
....................
ادور بالجثث واعليه مكتوبه 
لگيتك وشلگيتك جثه مسلوبه 
شفته المنذبح سلاب اخذ ثوبه 
واطفاله ابصحاري تهيم مرعوبه 

يارحمت الله اعله الكاع.  .....  ليش اتسافر عني ابساع 
فرگاك ابگلبي ايچويني ......     مشتاگه الصوتك دليني
.....................
اشوفه الحز وريدك خويه اشوفنه 
شايل بيده راسك حقد وا تعنه
واصيحن ياخيول الغدر عوفنه 
وبنص المخيم گلبه جابنه 

صح نسوان بلايه زلام ........ بس تدري أختك ما تنظام
واصرخ جا بمته  تلگيني...... مشتاگه الصوتك دليني 
......................

شيهوده الگلب للروحه مشتاگه 
خصوصا لو حبيبه مطول افراگه 
يمته ويا وكت يحسين نتلاگه 
راح امشي اسيره وراچبه الناگه

لا في لا هودج لا ماي......  عالهزل وجناب اوياي 
فراگك مو هين ياذيني ......مشتاگه الصوتك دليني 
..........................
ياهو العگب عينك ينشد اعلينه 
والعباس عالشاطي انطفت عينه 
وبسيف الغدر مگطوعه چفينه 
اصعدت عالتل واصيح احسيني چاوينه

مهر حسين يصيح ابصوت....  ميرد احسينج للموت 
ويضعنج روحي يناديني.....  مشتاگه الصوتك تدريني 
.........................


الشاعر
حسين الزيدي

باچر كلشي يشهد حتى العيون 
شمحلاهه ابسجلك دمعه يلگون 
الف هنياله مرتين...... .اليبچي ابمجلس احسين 

.....................

الف هنياله التسجل خادم او من العبيد 
حلوه لو تلگه ابسجلك باچي لحسين الشهيد 
وهيه لو مالدمعه هايه كلشي عندك مايفيد 
ولو متت باجر يخادم حسين يحظرلك اكيد
 
خادم من عبيدك لو شسع جون 
تحسبني اريد امن اليخدمون 
تشجع ام البنين......   اليبچي ابمجلس حسين 

.........................

حسين يعرفني واعرفه ودوم اذكره بكل مسه 
حاشه يتركني بغربتي وانه حاضر مجلسه 
انه من احضر مجالس بعشگي اقلد  عابسه 
انه من گد مااحبه حبي ياهو ينافسه 

مجنون بمحبتك دوم مجنون 
خليهه البشر عني شيكولون 
 يحضره بدمعت العين .......  ليبجي بمجلس احسين 

........................

هيه مو شغلت تفاخر لارياء او عاطفه 
يمشي الحسين ابوريدي حبه ابد مااوصفه 
الخادم الله شكد يحبه وخله بي هاي الصفه 
مايمل من الخدامه ولا يتاني توصفه
 
بالجنه اباهي العالم هناك 
انه الخلصتهه دوم وياك 
يامحلاته الونين… . اليبچي بمجلس حسين 

..........................

كل عشگ بالدنيه هايه ينتهي وماضي ايغدي 
وعشگ ابو سجاد باقي بلا نهايه ويبتدي 
خادم او ثوب التواظع بحب الحسين ارتدي  
بالگبر لو جاني منكر ليه يفزع سيدي 

انه شمااسوي مااوافيك 
يالواكفلي دوم شلون اجازيك 
خادم صارلي سنين .......ليبجي ابمجلس حسين 
......................

انه لحسين انتمائي ومن عشيرت فاطمه 
وماتهمني انه الاسامي ولا ملام اللايمه 
انه لامساني سوط ولاسيوف ولاظمه 
لو حجه المله ابمصابه روحي تطلع لسمه 

من اذكر مصابك تبدي الآلام 
وگلبك بالحوافر رد للخيام 
اه يمصاب الحنين .....ليبجي ابمجلس احسين

.....................



حسين الزيدي

گالو بعد مايجي .. گلت الهم ابقه ارتجي
حلوه من اعاني .. كل جمعه اتاني


مزروعه وسط الروح كلمة الوينك
عالغربه يابو الگاع الله اليعينك

الله يعينك اعله الظيم والغربه
ياصاحب زماني
اعيشن وي هلي اوي وناسي والصحبه
والوحدك تعاني

يمته تجي الشيعتك...... وبيا وكت طلعتك
الصاحب زماني........ كل جمعه اتاني

***

صار الگلب چانون تدري ابغيابك
ما ادري ساكن وين واتعنه بابك

يمته اترد يغالي وتسعدالفقره
وبالسهله نزورك
يا آخر سلالة فاطمه الزهره
نتنطر ظهورك

ليليه اقره العهد ......منك اريد المدد
والشيب اجاني. ....... كل جمعه اتاني

*

گالو بعد ميعود لتضل تناطر
گلتلهم الموعود بأنفاسي حاضر

مامل انتظارك انطر اشعندي
خل يكثر عذابي
اهل البيت هذا تنطر المهدي
كاتبها اعله بابي

من اسمع انه الحچي..... سكته انهظم بالبچي
بشوگي وحناني. ........كل جمعه اتاني

*

كل جمعه اصيح الغوث يالمهدي وينك
خليهم اشيحچون ماعوفه دينك

بعد يمته تجينه وتخلص الغيبه
وتسكت الشماته
الدرب چي بي نتاني بي طلع شيبه
كثرن نايباته

شمحلاها لمن ترد ..... وبجيتك ننسعد
احسب ثواني ...... كل جمعه اتاني


***

حيل الگلب يرتاح من اذكر اسمك
بدموعي والحسرات ليليه ارسك

العجل مولاي اصيحن والگلب ذايب
وبذنوبي انه أخرك
اتانيك بصباي ومن صرت شايب
يمته يطرلي فجرك

كاتلني حيل الخجل...... لمن اصيح العجل
انته الاماني........ كل جمعه اتاني


الشاعر
حسين الزيدي

وصيت خادم

ياحبابي اوصيتي هاي اقروها
ومُلزمين ابموتتي تنفذوها 

..........................
لو متت يابويه شيعو اجنازتي 
وفوگ تابوتى تعلگ صورتي 
ومستهل جسام ردد ظنوتي
بصوت عالي وايدكم رفعوها 

....... .................
لو متت ودوني يم گبر الحسين 
واخروهه اجنازتي بصحن الحنين
بلكي نسمه تلوحني من الزايرين
وتطفي نار اذنوبي لو دفنوها 

.............................
طوفو نعشي يم گمر هاشم اريد
بلكي يفزعلي ويجيني بالوعيد
اقرو زينب ياغربيه هالنشيد
ونزلوني بحفرتي وراوها 

.............................

وبعد ودوني الشفيع المذنبين 
المايرد طلابه كل هاي السنين 
انه خادم فاطمه وام البنين 
بصحنه اريد اجنازتي اتخلوها 

.............................
او لومتت عن الحجي الساني انعگد
ازيارة الزهراء اقرو اعله الجسد
ابد ماتنسه الخدمهه بالشدد 
وهيه تحضرني من تندبوها
..............................
الشاعر
حسين الزيدي

باجر يمي ايذبحونه   /    حتى اثيابه ايسلبونه
وراسه الفوك ايرفعونه  /    وعيونه اتصد عليه
***
باجر يذبحون الولي       وبعيوني اشوف المصرع
يامله يادين اوشرع           يذبحون حتى اليرضع
وعبد الله منهم ماسلم          تمنيت حيدر يرجع 
بس الصده من اصرخ يرد      والناس ماجن تسمع

مرجعهم شمر اوخولي /  بصياط التمو حولي
صبرا  يازينب كلي   /   وعيونه اتصد عليه
****
باجر يدوسون الصدر    وخيولهم ماترحم
بالحافر اجلب  الوذر     اويطشر اويها الدم
وظلوعك المتهشمه      اسمع كسرها اوتلتم
صدرك اتكسر بالسحك      ولحيل راح اتهدم

عيونك صدن لعيوني /  لاتسال خويه شلوني
كبالك خويه ايضربوني / وعيونه اتصد عليه
****

باجر اشوف الماشفت    اكبالي العده  يذبحونك
مجتوفه يمك ياترف          عيني  تصد لعيونك
ذاك ابحجر راسك شمر        برماح ويطعنونك
التمو عليه من كل كتر         عطشان ميرحمونك

هاي اوصييه من الزهره  /  كالت شمي من نحره
ادري بهاي اخر نظره   /     وعيونه اتصد عليه
**

ظلو الماعدهم رحم         يحدون باجر بينه
وحنه بنات اوبل غرب    بس الله عينه علينه
ولكمر طايح علنهر         اوسهم المنيه ابعينه
ياربي انظر حالتي           بين الغرب ظلينه

يابلسم جرحي اوخدري   من السوط ازرق ظهري
ماينشف دمعي اليجري    وعيونه اتصد عليه
****
ياخويه باجر على الهزل      اختك ترد مسبيه
وحشه يظل درب السبي      ومن الهظم محنيه
من التفت راسك شفت      يحجي اويسولف بيه
ويرتل ايات الحمد            دم  يبجي عينه اربيه

ياخدري وكل احلامي/  عطشان اوكلبك ضامي
حزو راسه اوكدامي /  وعيونه اتصد عليه
****

جنت انه شيخه امدلله      وماشاف واحد ظلي
وهسه اسيره امكيده          ياعيني  حكج هلي
جان الكمر  مثل الهوه     ونفاس روحي اوخلي
كالو صريع على النهر     اسيوف علئ نحره اتصلي

كالو مكطوعه جفوفه /    مشتاكه عيوني اتشوفه
لشوفك وجهك ملهوفه /   وعيونه اتصد عليه

****
(
الشاعر
(حسين الزيدي )

حر الشمس والسوط اذانه
من التعب فد نوب ذبلانه
ياخويه ياخويه يبو فاظل

-------------

الموجود اخوها هيبه هيبتهه
وهيه الاخت تتنخه بخوتهه
والراح اخوها صعبه حالتهه
متحيره حزنانه ابمصيبتهه

بذاك الوكت كون انته ويانه
من التعب فد نوب ذبلانه
----------------


دار الزمن ياخويه واشسوه
من رحت خويه راحت الخوه
وهيه الاخت بخوتهه تتقوه
خمسين عمري وانه اتلوه

من اوصلت محد تلگانه
من التعب فد نوب ذبلانه
-----------------


انه العقيله الكل يعرفوني
بنظرت حقد لمن يلاگوني
هذا اليسبني وسوطه بمتوني
وذاك التضحكه دمعة عيوني



اختك يكافل بقت عطشانه
من التعب فد نوب ذبلانه

----------------


عگبك يخويه الوكت دولبني
من داهيه الدولاب شو ذبني
الراح والرد شامت يسبني
هذا الحزن لامايفارگني

ظربوني خويه وحيل تعبانه
من التعب فد نوب ذبلانه

----------------

مشتاكه الك وعيوني ملهوفه
شلون الگمر بعيوني ماشوفه
هذا الكفلني مگطعه جفوفه
تدري ابحبل بچفوفي مجتوفه

محد اجانه وماي روانه
من التعب فد نوب ذبلانه

--------------

انه أختك المحد سمع صوتي
ياهو اليشيل اجنازتي ابموتي
راح الگمر جيبولي تابوتي
نظرات زرعو من بعد خوتي

شله بحياته الراحت اخوانه
من التعب فدنوب ذبلانه


الشاعر
حسين الزيدي ----------------

عمتااه .. مَنَ الذي أيتَمَني؟
عمتااه .. مِن غَفوَتي أَيقَذَني
عمتااه ..عمتااه
----------------
عَمَتي ماذا صَنَعنا ؟هل خُلِقنا كَي نَضيع؟
هَل ذَنَبنا حتىٰ نُجزىٰ هكذا سبياً فَضيع؟
عَمَتي من ذا يقودُ ضَعنَنا عِنديْ سُؤال!
أيُ قــائِدْ. لا يُــبالي في مُراعات القَطيع؟

عمتااه ..فَـأيُ رأساً والدي
عمتااه .. وَلا يَصِلّهُ ساعِدي
عمتااه .. مَنَ الذي أيتَمَني؟
عمتااه .. عمتااه
000000000000000
دَمعَنا مِهراقُ يَنزِل في خُدوداً مُترَفات
وَأنجَمعنا تَحتَ ضِلاً بَعدَ أنْ كُنّا رُفات
كانَ ضِلْ رَأساً جَديراً انْ يَكونَ في السَماء
وَاعتَلى فوقَ القناةِ مِنْ هَوانْ السٰامِيات

رأسُ مَن؟ .. يُرَتِلُ في المُصحَفِ
رأسُ مَن؟ .. بهِ الجُيوشِ تَحتَفي
عمتااه .. مَنَ الذي أيتَمَني؟
عمتااه .. عمتااه
000000000000000
جَرحيْ نَجلاً مِنْ حِبالاّ تُعتَبر للِطفله داء
ضَيعَتيْ ياعَمه كانَتْ عِندٕما ضاعَ الدَواء
كَيفَ خاتَم كَفْ حَبيبي فِي يَداً لا تَستَحِق
وَالحُلي كانَت هَدية كَيفَ تَصُلحْ لِلشِراء؟

ضيعتااه .. مِن بَعدِكَ يا والِدي
ضيعتااه .. وَالحُزنُ قامَ يَعتَدي
عمتااه .. مَنَ الذي أيتَمَني؟
عمتااه .. عمتااه
000000000000000
عَمَتي لَو رِدنا نَغفوا كَيفَ نَغفوا وَالجياد
صَوتُها مُرعِب وَ عالٍ وَضَعوها فِي الحِياد
وَ النياقُ المُتعَباتِ جَنبَنا كيـــفَ نَـنــاامْ
رغُمَ هذا وَ الخَرابةْ لا نَـجِدْ فِيها وِسـاد

لا نَناام .. ليلا طويلا شائقاً
لا نَناام .. وَالكُلُ فِينّا مُرهَقاً
عمتااه .. مَنَ الذي أيتَمَني؟
عمتااه .. عمتااه
000000000000000

علي ميران

يا حبيبـي ياحسين ــــ اني زينب ياحسين
        ــــــــــــــــــــــ ١ ـــــــــــــــــــــ
اجـيـنه لمصرعك يحسين
            نــعــثـر بالجـثث اونـگــوم
نريد انخـبـرك بهــل حــال
            من هجـمة عليـنه الگـــوم
مــا ضلت خيــم يــحـسيـن
           وجيش الشر علـينه ايحـوم
اومــا ودنــه نسولـف ليـــك
          بس خــويــه الكلب مجلـوم

يا حبيبـي ياحسين ــــ اني زينب ياحسين
      ــــــــــــــــــــ ٢ ـــــــــــــــــــــــ
لــو بــيـدي امــــوت اويـاك
             اولا شــوفـــنـك مــگـطــع
شمسويه الحــوافــر بــيـك
            من صدرك وصل تـــشــلع
رد لــخـــيـــمـنـه ميـمـونـك
            عينـه من الــجـــره تــدمــع
يــنـادي راح ابـــو السجـــاد
             اجيت اخبـــركم المـــصـرع

يا حبيبـي ياحسين ــــ اني زينب ياحسين
      ـــــــــــــــــــــــ ٣ ــــــــــــــــــــ
لــو بيــدي اضل يحسين
             يـمـــك يـانــظر عــيــنـــي
واضمد اجروحك التاذيك
            وسمــعك بالـطـف اونينـي
وتـــوسـد عله الــتــربـــان
            وحـاجيك وتحـــــاجــينـي
وصيح اشيوجعك يحسيـن
            اجــروح الــبــيـك تـــأذينـي

يا حبيبـي ياحسين ــــ اني زينب ياحسين
       ــــــــــــــــــــــ ٤ ـــــــــــــــــــــ
رگبــنـه عله الـهزل ياخـوي
               رگــبـت نـاس مـحـتــاره
ما بـيهـم عرف يـحسين
           كــلــمـن يــطـــلـب بــثــاره
مـشـونــه بــلايـــه اوداع
           شـــبـــت بالكــــلب نـــــاره
عالناگه الــواداع ايـصيـر
             وســـفـــه الدنـــيا غــداره

يا حبيبـي ياحسين ــــ اني زينب ياحسين
      ـــــــــــــــــــــ ٥ ــــــــــــــــــــــ
مشيت وكلبي ضل يحسين
                 يـــمـك يا نـفـس روحـــي
عالهزله العــقـيــلـه اتــروح
             وابـــد مـــا بـطــلت نــوحــي
بكــثر ما بــيك بيه اجـــروح
             وأكـــثـــر زادن اجـــروحـــي
تــفــارگـنه الـمـنـيه اشـلــون
              اضـــل انـحب يمذبـــوحـــي

يا حبيبـي ياحسين ــــ اني زينب ياحسين
    ـــــــــــــــــــــــــــــــــــــــــــ
الشاعر : خالد جودي العارضي

ياحادي ابضعنه. مر بينه اعله اهلنه
خلي انودع الحسين
وانودع الكفلنه
.....................................
مر بينه عليهم نحجي بالصار
وانگلهم خيمنه احترگت ابنار
يبو الاكبر عفتنه والزمن دار
هجت بالبراري اكبار وازغار

عفتني ابلاولي يحسين وحدي
الم ابعيلتي ودمعي اعله خدي
ما فارگ دمع يوم من بعدك جفنه
.....................................
حرمه وحايره وماتندل ادروب
ابغيابك حيل صعبه جية الاغروب
طشت عيلتك ما ادري ياصوب
عليك حسين دمعي منگع الثوب

غرب يحسين ياهو الي انشده
وشدة زينبك ما منهه شده
اشما نبجي يشتمون ماترحم خصمنه
......................................
آنه اوياك چنه حاجب وعين
واحد من يغيب اشنفع الاثنين
وحگك دنيتي ضاگت يالحسين
وحيده زينب وكثره العناوين

رحت وضيعتنه ابغير وليان
وعطشان اليصبر گلب عطشان
چهبنه الماي يحسين لاكن ماشربنه
......................................
اشوف الماي ويعرضلي الاسهام
البيك وتجوي گلبي نار الاخيام
اشيرد النه اليالي وذيج الايام
واشوفن كافلي وايردلي جسام

ويلتم الشمل وانشوف عباس
لا چفه انگطع لا صابو الراس
اشيرد لينه المطاعين واتطشر شملنه
......................................
مشيتو وگلبي ظل ينعه ابمصابه
وبعد يحسين من يسمع عتابه
السئلني يا سهم يوجع خضابه
اگلله الاشد سهم الخرابه

سبيه اتنوح واتصبر سبيه
وماتت بالغرب بنتك رقيه
تمنيتك تجي اتشوف مصاب الي فجعنه

خادم اهل البيت علي الزرگاني

استشهاد الامام السجاد ع


يالباقر وصيه اوصيك / لون غمضّت هاي العين
طش فوگي يبويه تراب / من گبر الغريب حسين
****
عشت والعايش بجرحه دمعته تنومس بعينه
والمثلي يشوف امصاب يدّور عل اجل وينه
انه وعالم طفوفي ذاك عله الونه تخاوينه
بيه كربله شخلت
روحي امن الحزن ملت
منيتي هل مسه حلت
يبويه موتي اتمناه / لاوين الصبر لا وين
****
مات الحيل وعيوني تموت اوياي احسنّها
حياتي بلا بچي اعله حسين يبويه ما اريدنها
بقت عندك وصيتي هاي بوفاتي ارد اعيشنها
الگبر حسين بالعبره
تعنه وخاطرك كسره
وجيب اتراب من گبره
كون اتراب بي دمّه / وتطشه اعليه كونك زين
****
علامه اعله الگبر خليت يبويه لمن ادفنته
نجيع الدم لون شفته نحره اهنانه وسدته
وتلگه اعله الگبر دمعات تره هذا الدمع لخته
حين امن السبي جينه
اعتنينه الگبر والينه
شكثر دمعات هلينه
اثر دمعات زينب هاي / تراها اعله الگبر للحين
****
حين اتگوم عن حسين تعنه الكافل الحره
وحين اتشوف جود اعليه انه حدره ادفنت صدره
حظن جوده بلايه چفوف او ودع عيليته بنظره
بس بعين عاينها
وحده السهم حاظنها
وزينب من سمع ونها
گل حسين خليني / بمچاني وغطي هالچفين
****
يبني للمخيم روح ولو ما تلگه بويه اخيام
ولكن عالترب تلگه رماد وفوگه كثره اسهام
وحبال اعله الرمال تشوف بيها اتچتفت ايتام
ما ظنك نسيت الصار
تچتفنه زغار اكبار
ويخطفنه لهيب النار
مشينه بنوگ صوب الشام / سبايه ابيا ذنب ماشين
****
بس اخر نفس هذا وبعدها يختفي صوتي
اسم حسين الفظنّه وريدن يعتني موتي
سلام اعله الذبيح اوصيك تكتب فوگ تابوتي
بعد ما غمظت عيني
بتراب حسين غطيني
اريدن هيچي تچفيني
وقره ازيارة المضلوم / بعد الغسل والتچفين
****

الشاعر اياد الديراوي

صاحب لو ردت زين
صاحب خادم حسين

كله مرجله......اليعشگ كربلا
صاحب خادم حسين
..................
لو رايد تصاحب مو صاحب اخو
نشمي وكله غيره ومن عنده كفو
باالفزعه وباالاخلاق وبطبعه حلو
تلگه هاي الاوصاف تعرف عد منو

حصرآ بالخدم..... اخلاق وقيم

صافي وماله وجهين
صاحب خادم حسين
.................
مو كلمن اجه وگال صحباني درع
امثال ربع الحسين مامش اي ربع
لمن سيطر الموت بالطف عالوضع
طاحو گبل الحسين سبع يلحگ سبع

ثبتوله زلم.......منهم والنعم

موته ولسه عدلين
صاحب خادم حسين
................
لو رايد تصاحب صاحبلك شهم
وين اليخدم حسين بي نخوة زلم
عزوه يزيدك وجاه ويسويك اسم
هچي ربع الحسين چنهم طلسم

تعويذه وحرز........فارزهم فرز

عاالوادم سلاطين
صاحب خادم حسين
...........…...
مني اخذ النصيحه ولا تنساها ابد
ولو رايد وعد هاك من عندي وعد
شما تصفى وياالحسين يوگفلك بعد
اگلوب رايد حسين ما رايد عدد

ما رايد عدد......واثبتلك بعد

بالطف ربعه سبعين
صاحب خادم حسين
..............
كل هاي الخدم هاي مو غربه اهل
ينسى اليزعل وياك بالخدمة الزعل
لمن باچر انصيح يا علي الفحل
من تبدي الزياره حي اعلى العمل

وبواهس نجي...... فعلاً مو حچي

لو رايد كحل عين
صاحب خادم حسين
.............

الشاعر ياسين ناظم الشباني

موسبي راحت سفير
          يا اميره  وبت  امير
        فخر راحت موهضيمه
         تنشر الثوره العضيمه
............
هيه ما اراحت سبيه واجزم بهذا الكلام
ملك ويسولف عرشهه ثورة الحق والظلام
تمشي وي ضعن الفواطم هيج وصاهه الامام
يعني لو هضموهه زينب نقره عالثوره السلام

للضعن كافل تصير 
يا اميره وبت امير
تحجي عن قصه اليمه
تنشر الثوره العضيمه
...........
الزلمه لو ميتين اخوته يدير الانگاب ويصيح
وزينب الوگفت قضيه سكته دمعتهه التطيح
زينب وحيدر صبرهه ابوكت اليوفي شحيح
مثلت دور العبايه وچان الحسين الذبيح

امهه بالناگه التسير
يا اميره وبت امير
مطرت من الصبر غيمه
تنشر الثوره العضيمه
..........
امهه بالناگه ابصبرهه غطت الدنيا بوقار
سولفت خطبه السمعهه گال ردلنه الفقار
يافضل زينب اشبهه ويشبه الفضل النهار
الدنيا لوله ام عون احسهه ضلمه وامتيهه القرار

الصار تحجيه واليصير
يا اميره وبت امير
   ذلت الگوم اللئيمه
تنشر الثوره العضيمه
.............

كعبة الاحزان هيه وهيه منهج للصبر
يامره الميتين اهلهه وتحجي الهم للنحر
چلمة الذله اعله زينب چانت ابدن ماتمر
يا اخت عباس ثوره وانتي ذليتي الاسر

لا تذل ولاتحير. 
يا اميره وبت امير
فيت اعله الدين خيمه 
تنشر الثوره العضيمه
...........

ابد ماقلت صبرهه وابو  الباقر بالضعن
مثل الحسين اعله زينب جفه للحره وطن
صح عليل ولچن دوره مايقدرونه ابثمن
نشف الدمعه الخواته وللفواطم لو بجن

گدهه ابو الصبر الچبير
يا اميره وبت امير
للخلگ يشرح جريمه
تنشر الثوره العضيمه
خادم اهل البيت علي الزرگاني

((كل المشاهد مرعبه))
غيرن شكلي ولوني
((شماتي حرگو خيمتي))
وجهه بوجهه لاگوني
°°°°°°°°°°°°°°°°°°°°°°°°°°°°°
گالو التعبان يتوچه اعله إخوته
اعليمن اتوچه واخوتي كلها موته
التنذبح يمه هله ينذبح صوته

"صعدت الناگه لاچن چفي محروك"
"بس چف اعله چف بحبال مشبوك"
" ادهورنه يخوتي بطبت السوگ"

((لهاي المصايب ياهلي))
شيكفي دمع اعيوني
((شماتي حرگو خيمتي))
وجهه بوجهه لاگوني
°°°°°°°°°°°°°°°°°°°°°°°°
الهوه يضيگ ابصدر اليسلبونها
موذهبها الماخذينه اعيونها
إذن مشلوعه وتغير لونها

"شلعو من إذن بنتك رقيه"
"ترچيه ونزل دمها اعله اديه"
"بهذا الحال گلي شضال بيه "

((سيف الهجر بعد اخوتي))
بالطف ذبح ذبحوني
((شماتي حرگو خيمتي))
وجهه بوجهه لاگوني
°°°°°°°°°°°°°°°°°°°°°°°°°°°°
اشلون اگعدكم تشوفون المصيبه
أنه ام الخدر زينب موغريبه
منين أنه هسه ابوفاضل اجيبه

"خذيتو الحيل مني  من مشيتو"
"واحد گابل الثاني صفيتو"
"الكلام الي حچيته هم سمعتو"

((مخنوگه من جرة النفس))
من اسمع يشتموني
((شماتي حرگو خيمتي))
وجهه بوجهه لاگوني
°°°°°°°°°°°°°°°°°°°°°°°°°°
والجسد ضلن حوافر دايساته
لوا وخر احجاره لواحير بناته
هوه الي يشوف الرمح شله بحياته

يچوينه الضهر  وبحرةالشموس"
" أنه أول مرة إخوتها  بلاروس"
" الماطلعت بيوم بشوچهه ادوس"

((المثلي چبيره مدلله ))
ليش بحبل چتفوني
((شماتي حرگو خيمتي))
وجهه بوجهه لاگوني
°°°°°°°°°°°°°°°°°°°°°°°°°°°°°
منين حيله التنذبح كل العشيره
الچنتو الي اسموني زينب يااميره
عمري خلص ذني ساعاتي الاخيره

"ليش الطف خذه من عندي الإخوان"
"چنت اخت الگمر هسه ام الحزان"
"وكت خلاني اطبن هيج ديوان"

(( الماشافو خيالي بحلم ))
كلهم تره شافوني
(( شماتي حرگو خيمتي))
وجهه بوجهه لاگوني
°°°°°°°°°°°°°°°°°°°°°°°°°°
سيد محمد الهاشمي

كل الشام فرحان بسبينه
الما يضربنه يتفرج علينه
فرحانه شکثر ناس   گالو اخت عباس
سبيه سبيه
:::::
يا ابو فاضل كلها لاگتنه بحجر
من دخلنه الشام اشوفنه ابتشر
انــــــــــه مسبيه وانت اعله النهر
الشام ضلمه وانـــــه محتاجه الگمر
صغـــــــار كبار كلهــــــم شتمونه
اليمر مــــن يمنه يمتــــــع عيونه
حجرهم يضرب الراس    گالو اخت عباس
سبيه سبيه
:::::
قبل تمســــح بيدك آثار المسير
انــــه گدامك وتبقه انت الاخير
قبل انه بجالك ابدن مـــــا احير
اليوم كل الشام ما يملك ضمير
ما تنحمل طبت الشام كلفه
يا عباس عين الناس صلفه
الطفل لو طاح ينداس   گالو اخت عباس
سبيه سبيه
:::::
دخلونه السوگ والسوگ ابتسم
گلبي يا عباس بالشام انهـــــدم
علم رفعو من وگع راعي العلم
بالخرابه نبات ما ظلت خيـــم
انواع الحچي منهــــم سمعنه
ابد ما ينحسد تعرف وضعنه
اختك بين ارجاس   گالو اخت عباس
سبيه سبيه
:::::
ادخل بديوان مـــــــــا صارت قبل
والهضيمه اچفوفي مشدوده بحبل
وضعي يا عباس ابدن مــــــو سهل
سوط مــــره بمتني لو متن الطفل
مشه وياك ابو فاضل دلالي
قبل جبريل ما شايف خيالي
انگطع چفك الينباس  گالو اخت عباس
سبيه سبيه
:::::
جابو الراس واجونــــــي برايتك
واعله اختك ادري چانت نضرتك
يا ابو فاضل تــــدري زينب نادتك
وگفة الديـــــــوان رادت وكفتك
ششگف سوط لو احجاره منهم
وصلنه الشام هدو همه كلهم
بشر ما تملك احساس گالو اخت عباس
سبيه سبيه
:::::
علي جبار الكعبي
الفاتحه لوالدي

#كاني بالسيدة زينب تكلمت مع حارس ضعن السبايا
و قالت

فك اديهــن نايمات.    ما يرجـــعن للفرات
حيـل آذتهن حبالك.    انته ما عندك بنات
ــــــــــــــــــــــــــــــــــــــــ ــــــــ
غافيــات و حبل اديـــهن يجري دم
فوگهن مـــــــا كفتــك حـرگ الخيَم
تعبــن و نامــــن بنـاتي امــــن الالم
و ادري هسه ايحلمن ابراعي العلم

وحدة وحدة بدم يسيل   تشتكي لعمها الكفيل
لا تظــل اتبـــــاوع الهن    انته مــا عنـدك بنات
ــــــــــــــــــــــــــــــــــــــــ
زغيرة وحدتهن ابـــــد مـا تحتمِل
و حيل مشدودات اديهـن بالحبِل
الله ما يرضه تــــــره ابهذا الفعِل
مدللات احسين مـــــو مالة هزِل 

كافي لتــــــعاند حرام.   و افتَح اجناح الحمام
عاد خـاف شوية ربك.    انته مـا عنــــدك بنات
ــــــــــــــــــــــــــــــــــــــــ
نامن امن الخوف مـدري امن الحزِن
و المـهم گـــــدرن يطــــبگنه الجــفِن
بلكت الله أيطــــــــيب لارقية المتِن
و ما تفـز اسكــــــــينه و لعمـها تحِن

خايفات الــــــدنية ليل   و انه ما ظل بيّه حيل
يركضن و اركض وراهن.   انته مــا عندك بنات
ــــــــــــــــــــــــــــــــــــــــ
ارد اسالك انتــه لـــــو مسـلم صدگ
ترضه بنتك چــــــف رجلها  يحترگ
تركـــــــض و دخــــان خانگـها خنگ
و بالســــــياط امتونها يصيرن زرگ

معـــــــلمات اعله الدلال   و هسه نامن عالرمال
و الحبـل گتلك جرحهن .  انته مـــا عنـدك بنات
ــــــــــــــــــــــــــــــــــــــــ
شلــــــون نومـــــة عالتـرايب نايمات
و راس ابوهن يبچي من دم  عالقناة
بيــش اغطـــــيهن حــــرت المدللات
و انه ما ظلـــت عليَّ بــــس هالعباة

كلــشي راح اويه الخيام    و يلچم اجروحي الكلام
بيش اغطــــــــيهن بناتي     انته مـــا عنــــدك بنـــات
ــــــــــــــــــــــــــــــــــــــــ
اهواية تعَّبهن ثگل هـــــــذا الحديد
فكهن و لتـخاف مـــــــيروحن بعيد
حتى لو فـرن ركــــــض و لهن تريد 
يم ابوهــــــــن راح تلگــــاهـن اكيد

يحاوطنه اعـــله الرماح.   يضمدن ابراسه الجراح
و هنه وحـــدهن يــردن.  انتــه مــــــا عندك بنات
ــــــــــــــــــــــــــــــــــــــــ
الحمدلله
#علي_حسين_الكناني
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

عنوان القصيده عشق الحسين ع


اول عشك ماينتهي عجيب
من عالم الذر يبتدي عجيب
حسيناه حسيناه
.............
يالجننت هاي البشر وهيه ابد ماشافتك
كلمن يحبك بالعقل وبكيفه يرسم صورتك
الدمعه ابد ماتالزم المن تمر مصيبتك
ياريتهه علينه مشت ذيج الخيول الداستك

ومن دفنتك وصط الرمل وحيل الرمل حار
ماتحتمل شوغه بعد وجروحك كبار

يالمنذبح وبلاهدم سليب
اول عشك ماينتهي عجيب
...........
يحسين مدري اشگد حلو منك ابد ما ينشبع
لمن يمرطاريك احس گلبي يفر وينشلع
مقصر اظل بحضرتك شنهي الطم شنهي الدمع
يالقدمت كلشي الي بصدرك ولاسالم ضلع

منحگي انصبلك عزه ودوم اصرخ الثار
بين الحوافر سيدي عطر النبي صار

راح اكضي عمري بالعزاء والنحيب
اول عشك ما ينتهي عجيب
..................

سجلني خادم لوعبد يحسين فدوه قبلني
بدمعت رقيه توسلك ما ريدن تفشلني
يالنعمتك ماتنوصف من عدهه لاتحرمني
تجاوزت انه شكثر من غيرك يسامحني

انته الصرت باب الفرج للرايد يتوب
خليني اعيش موكبك ومحيهه الذنوب

الما يعيش مجلسك غريب
اول عشك ماينتهي عجيب
............
يالعلمتني عله العشك منطيني منك واهس
كل عمري خلصته حزن غيرالحزن مالابس
انطيني منك سيدي لو ذره من حب عابس
يالنعمت الله بخدمتك يالما ترجع فالس

شكبره صيتي مننحسب وي اليخدمون
هنياله البحبك حضه ويتسمه مجنون

انته الصرت الكل مرض طبيب
اول عشك ماينتهي عجيب
................

يحسين عيشني بجرح وحرگني مثل خيامك
خليني بالنار انجوي خاطر احس بيتامك
وصوبني مولاي بسهم خاطر احس بالامك
وحزمني بحزام العشك لبيه حزمت خدامك

غركني ابماي الدمع وي اليلطمون
وشمايمر طاري السبي تتشلع اجفون

بدم شيبتك وستشهدت خضيب
اول عشك ما ينتهي عجيب
...........
يالعزبت روحك نذر يل كل سهم ضيفته
ماظل عزيز بكربله للموت ما قدمته
يمشبع الدنيه كرم ياحاتم وسالفته
كلمن تسجله بدفترك هنيال حضه وبخته

طول العمر خادم الك ودموعه مدرار
شما يمر طاري خيم يجوه بالنار

وگلبه عله زينب ينترس الهيب
اول عشك ماينتهي عجيب
٠٠٠٠ ٠٠ ٠٠٠٠
خادم اهل البيت ع
فلاح طالب الماجدي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي