حگـه حيدر لـــــو يِّشَيِّب راسه
بيده هال اتراب اعز ڪل ناسه

........................

حگــه حيدر لو يّــذب اعـمامِـتَه
بالــگلب نار اعلى فــــرگة جنِّـته
لا محمد عنده ظل لا بَضعتَه

حزنه الف يعگوب اظن مقــياسه

........................

حگه قالع خيبر ايــــــــگوم ويطيح
شالت امن اعيونه اُم وجه الصبيح
( بَعدَكِي عَيشي ) يگــلـلّـها قَبيح

وبيتي يَم بيتي انهدم من ساسه

........................

تغفه عينه اشلون ابو الحمله ويّچن
وذكريات ام الـــــحسن ترس الجفن
يگعد ايـــــــــگوم ايتذكرها ويّحن

ويذكر الــــــــــضلع الكسير الـــجاسه

........................

صوره بعيونه لـــــــــكسر ذاك الـضلع
ولـــــجفنها بعينه چن شاتل شمع
المره الاولى ايون علي ابـون ينسمع

ويضرب اخماس الحزن بـ اسداسه

........................

مو عجب حُزنَاً على الخدها انسطر
شاطر الـــــــهامات اذا گلبه انشطر
اشحاله من شاف اعله المتون الأثر

بالغُسل حسره اعله حسره انفاسه
........................

شيّـــــــعاهه ابليل واخفاه الگبر
بعدچ ايگـــــــللـها لا طال العمر
كسري يَـ اُم زينب بعد ما ينجبر

وبـاليتم هسه اعرفت واحساسه

........................

من رجعت امن الدفن يا حيدره
بثوبك وُ وجهك تراب المگبره
صبّــــرتها اشلون زينب يا تره

يمكن ابـــــــــ طفها وعزم عباسه

........................

بالصبر مثلك فلا صابر صَُبَر
القاتل اتنظره وتغض عنه النَظَر
ما تحرك ساكن ابوجه الجِسَر

علـــــــبتوله وباب بيتك داسه

........................

لـ اُم حسن حزنك ولا قبله وُ وراه
گلبك ٣٠ عام ومـــــــــــــا نساه
من گبل موتك تون : وا فاطماه

بالــــــــبشر مثلك شخص ما قاسه

ــــــــــــــــــــــــــــــــــــــــ
سيد علي عبدالزهره الناجي

ابيا ذنب بت النبي ايعصرونها
وقنفذ ابسوطه يورم امتونها

ــــــــــــــــــــــــــــــــــــــــ

ابيا ذنب بضعة رسول الله الـطُهُر
بين باب وبين حايط تنعصر
ابيا جريمه اعله الجفن من تنسطر

وشاهِــد لهسه زراگ اجفونها

ــــــــــــــــــــــــــــــــــــــــ

ابيا ذنب من يهجم اعليها الجمع
وباب الجذوع اعله فاطم يندفع
ابيا ذنب من عدها مكسور الضلع

وموتت المحسن تشوف اعيونها

ــــــــــــــــــــــــــــــــــــــــ

علــزچيه الموقف الــكلش صعُب
من دخل بسمارها ابنص الگـلُب
وزينب اتصدلها چانت من قُرُب

امن الرعب مذهوله واصفر لونها

ــــــــــــــــــــــــــــــــــــــــ

ابيا ذنب قنفذ يطگ منها المتن
وتبقه بس تهمل مدامعها وتون
ماتت الزهره ابسبب كلمة وأن

شجره والحطّاب گص اغصونها

ــــــــــــــــــــــــــــــــــــــــ

من فدك حرموها ليش ليا سبب
وبيها ما راعو لبو القاسم نسب
بـتّـه ما چنها ، ولاچَـنّـه إلها أب

ورث ابوها وما رضو ينطونها

ــــــــــــــــــــــــــــــــــــــــ

ابيا ذنب تحچي الدموع الهامله
١٨ عــــــام وتموت امعلعله
عاشت الزهره اليصير ابڪربله

بس فرق وصتهم ايدفنونها

ــــــــــــــــــــــــــــــــــــــــ

ويلي علچثه البُقت وسط الفلا
ابلا دفن ومن الدموم امغسله
احسين ابنها الهوَّن امصايب هله

امصيبته اتْـهُون المصايب دونها

ــــــــــــــــــــــــــــــــــــــــ

شحچي عن امصيبة احسين وشگول
گبله ياهو اتگـلُّـب ابجسمه الخيول
اسهام وارماح وحجاره اعليه تلول

واخته شمر وحرمله الـــيحدونها

ــــــــــــــــــــــــــــــــــــــــ

يحدي بيها الاجنبي لديرة غُرُب
تنسبي ومچتوفه للشامت تطُب
ومن تمر ابسوگ هاي اكثر صعُب

صعبه بت حامي الحمه اينظرونها

ــــــــــــــــــــــــــــــــــــــــ
سيد علي عبدالزهره الناجي

ياعلي مدري اشجرى ابأحساسي
ليش امــــي ابچفها تمسح راسي
زينب وگلبي اشيبرده
               ليش امي اتصلي گعده
💢💢💢💢💢
ليــش امي ابعين مخـنوگـه تصدلي
ابأيد وحده الزهـره تتوضه وتصلي
امن السجـود اتگـــوم گوه ليش گلي
واعــله فضه لو مــشت چفـها تخلي
واشعجــب گالتلك اجـمع يمي اهـلي
مني راح اتـــروح چنـها وما تردلي
 
اشفاف امي وليش صارت زرگه
اتخــــاف لـو عالباب تسمع دگه
هالسؤال اعليه رده       
                ليش امي اتصلي گعده
💢💢💢💢💢
يابـــوزينب آنـــه زينــب رد علــــيه
گـــاعـــده اتوصــيك مهمومه الزچيه
گلبـي مامــــرتاح بويه الهــــالوصيه
اشتقـــــصد امي ياعلي بالغـــاضـريه
گمــــت احســـاس بي ريحـــت منيه
گمت احس نفسي وحــيده ابلا حميه
 
تحچي امي اوياك ليش ابعـــبره
وليش فوگ الضــلع ايد الزهره
گلي ياراعي الموده      
               ليش امي اتصلي گعده
💢💢💢💢💢
ليـــش هــــذا الاســـم من امي تلفضه
گلــــبي يتسارع يبـــو الحسنين نبضه
منهو عــــباس الــي بالغيــره ايتوضه
ليش حسيـــت ابحمـيته لحضه لحضه
ليش احس ماكــــــو طلب ليه يرفضه
وليش احس من آنه ارضه هوه يرضه
 
ياعلي چنها الزچيه اتعرفه
ليـــــش گالتلك تقـــبل چفه
ياعلي الگلبك انشده   
               ليش امي اتصلي گعده
💢💢💢💢💢
عالحسين امي توصيني عجيبه
وحـده لو شفتيه وابحاله رهيبه
قبلي صـدره يزينب يالحـــبيبه
بويه نار ابگـلبي ماتطفه لهيبه
ليش صاحتني الزچيه يالغريبه
وگامت اتناديني يا أم المصيبه
 
منهو عبدالله يفــــارس هاشم
شنهو الاكبر شنهو حنة جاسم
يلي بابك ماتسده    
               ليش امي اتصلي گعده
💢💢💢💢💢
ليش احس توديع بعيــون الوديعه
اهــواي امـي اتردد ابچلمة شريعه
ليش احـس ابغــربه وابنار وفجيعه
لمـــن اسمع چلمة اچفوف الگطيعه
منـهو راح اتشوف اخوتها صريعه
ابحضن اخوها ينذبح تنظر رضيعه
 
بويه ياحــــرمه يبين اخـــيالها
وتركض ابين الجيوش اطفالها
ياعلي المعروف مجده    
               ليش امي اتصلي گعده
💢💢💢💢💢
كـل كـلام امي سمعته يبو الحمله
منهو راسه اعله الرمح يابويه يعله
وكـــل مكـان ابجسمه بـي اثار نبله
وينسبون اگبــاله كــل اعياله واهله
وضل سـؤال ابگلبي بويه ارد اسأله
عالطـشت شنهو يبويه اتموت طفله
 
ياعلي وياهي التي ايسلبوها
ابلا كفاله اخـــوانها ايخلوها
بويه ياحاظر الشده     
               ليش امي اتصلي گعده
💢💢💢💢💢💢💢💢💢💢💢💢
وليد  المندلاوي
 

مولاتي زينب لولدها عون (عليهم السلام)

عفيه عفيه الزودك
زلمه گد اوعودك
مفتلات زنودك .. ياأمير الصفات

بيك ثلث الساده
والگمر وعناده
تفرض عللقاده .. وتصهل العاديات

عفيه ياعون الثلث من خاله
أتسابگ وي الموت چدام الخدر
خلني بيك اتباهه گدام الحسين
وخلهم يگولون عني أم النذر

يم خالك خليني أتباهه
صولاتك يمه شمحلاهه
عباس أبن اختك لاگاهه
@@@@@@@@@@@@@@@
مهرتك سباگه
وخزرتك حراگه
بالرگب مشراگه .. خزرتك يالشجاع

يبني سوي أسوايه
بالعساكر هايه
شويه ونته هواي .. يالخوالك سباع

شمحله يمه تنذبح دون الخيم
والسهم لمن يهد لامايرد
مو غريبه تسحگ أشوارب زلم
خالك العباس ونته ألهم بعد

عباس الماتبرد أيده
خالك لو وكر عالصيده
حر وبس الحر يريده
@@@@@@@@@@@@@@@
عون يبني اطويهه
وبالرگب لاگيهه
رايده تبچيهه .. الطلعت عللحسين

يمه جدك حيدر
بالحرب لو كبر
ماكو واحد يگدر .. يگدر يحرك أدين

جدك الشايل فقاره بكل صعب
ولو دخل حومة حرب يوگف جبل
گوم راويهم منو أبن أخت الحسن
وسولف بصولات حيدر يالفحل

صولات أجدودك راويهه
عطشانه الحومه وطب ليهه
من دم أرگبهم ساگيهه
@@@@@@@@@@@@@@@
بكربله بس هاشم
صارم يشد صارم
ورايه فوگ الوادم .. ترفرف وماتميل

شما يگلك خالك
أتغير بس أفعالك
حسين يمه أعگالك .. بموت رد اليعيل

يمه لو باچر لگيتك منصرع
كون من أعبر عليك أبكل فخر
الجيش كله يگول هاي الربته
الماگدرنه نميزه من خاله الگمر

يالنورك غطاهه الديره
من تعرض مامر بحيره
يادر ويالتنگط غيره

رسول رياض

دگه ونص

العنة الله على قاتليك فاطمه

ــــــــــــــــــــــــــــــــــــــــــــــــــــــــــــــــــــــ

الله يلعن مــــــن حرك باب البتول
شنهي باجر عـــذره للباري شيكول
السطر خد الزهرة شيفيده اعتذار
غير نــــــــــار الحاطمه لا ما ينول


غـــــدا بسمار اليشهد عله الصار
الحــرك باب الزهرة خنيث وعار
غــــــدا ربنه يصلب امام الناس
الشــــــعل دار العتره يشعله بنار


لعنة الله على قاتليك فاطمه

ــــــــــــــــــــــــــــــــــــــــــــــــــــــــــــــــــــــ

هل سوال مــــــــــوجه لهل العلم
ليش صــــوت الضلع رادو ينكتم
انه راح احجيها طك بطك وكول
ماخــــــــــاف وراح اذكر بالأسم


عمر هــــوه القاتل قسم بالله
وليجامل هـــــاذه يصير وياه
السكت والجاملهم تره مئثوم
غــــدا سوفه يلقا عذاب الله

العنة الله على قاتليك فاطمه

ــــــــــــــــــــــــــــــــــــــــــــــــــــــــــــــــــــــ

من عمر وتباعه انــــــــه أعلن براء
الحقيقه هــــــــاي مو شعر وهجاء
هوه اليطك حرمه هم يتسمه حيد
زلمه مـــــاحسبه وحك رب السماء


على الزلم ينــــعد فشل والله
وذكـــــــرنه بخيبر اذا ينساه
اليكلي بالحومه شجاع وحيد
ذكــــــــــــرنه بهدمه لمن ذباه


العنة الله على قاتليك فاطمه

ــــــــــــــــــــــــــــــــــــــــــــــــــــــــــــــــــــــ

الزلمه مـــــــــــــــن يهد يكابل زلمه
موش يتــــــمراجل يضل عل حرمه
الزلم تحجي افعالها بوكت الحروب
وهوه وكـــــــت الحرب ينزع هدمه


جبان وماكـــــــــــــابل علي مره
لــــــــون يشرد حكه تره انعذره
لئن يدري بحيدر ابـــــــد ميهاب
مثل شطرت خيبر علي يشطره


العنة الله على قاتليك فاطمه
ــــــــــــــــــــــــــــــــــــــــــــــــــــــــــــــــــــــ



حسين عبد الزهرة الدراجي

مشهداني

اعظم خيانه لو بررت عن الجره
وملعون دنيه واخره
اعظم خيانه اصل المصاب ادثره
وما تحجي عن الطاهره
اعظم خيانه

لو ما تسولف عالجره
تعين النوايه الكافره
تصير ويه حزب ال الغدر
وتنطرد عن المغفره

ويَ اهل النار صدگ تنحشر
ويَ اهل النار وي زمرة عمر
ويَ اهل النار بجهنم تنهجر
سيدتي يا فاطمة
.......................
حب وبراءه هذا دين الله الصدگ
من عنده بالك تفترگ
حب وبراءه وذكر تره الباب نطبگ
عالزهره لجن محترگ
حب وبراءه


اهل السما واهل الأرض
لعن الصنم عدهم فرض
عذرك شنو من النبي
لو يمه باجر تنعرض

تصبح مطرود من جنة عدن
تصبح مطرود من ام الحسن
تصبح مطرود ما عندك وطن
سيدتي يا فاطمة
.......................
اثبت وجودك وحجي الجرح من اوله
عيش بكرامه ومرجله
اثبت وجودك والتحق بأشرف عايله
احجي اللي صار بأكمله
اثبت وجودك

صير ويَ جند ال الطهر
وكشف غدر اهل الغدر
اثبت وجودك بالرفض
بالاخره كي تنتصر

ويَ ام حسين وكلبك مطمئن
ويَ ام حسين وتكسر الوثن
ويَ ام حسين بكل لحظة حزن
سيدتي يا فاطمة
.................
دين البواجي واللطم عن كسر الضلع
دين النوايح والدمع
دين البواجي والصرخة ذيجَ التنسمع
المهدي يصرخ بالجمع
دين البواجي

فرضًا ابا القاسم خرج
وعن الخلق حل الفرج
الما يبره من جلمة وأن
ويَ اللعين اسمه اندمج


من راعي الثار يظهر عالظلم
من راعي الثار ينزاح الهضم
من راعي الثار ينهض بالعلم
سيدتي يا فاطمة
.........
هاي العقيده واليعترض كافر أذن
مو الله يسجد للوثن
هاي العقيده لازم تضج بكل زمن
متحزم لثار ام حسن
هاي العقيده

هاي العقيده الساميه
واللي يشگ بالحاميه
ينحشر ويَ السامري
يصيبه العمى مِنَ الغاشيه

يم الطاغوت باجر بالحشر
يم الطاغوت يبقىٰ فىِ سقر
يم الطاغوت ما يحصل مفر

سيدتي يا فاطمة

حسن يونس التميمي

الزهرة تشــــــكر من اجه أواساها
شكرآ مــــــــــن الزهرة يامحلاها

ــــــــــــــــــــــــــــــــــــــــــــــــــــــــــــــــــــــ

فاطمه باب الله خـــن دك بابها
ومنها خل نطلب دمع لمصابها
بينه مــو بيها انتمنه اصوابها
انطيح كلنه ومايطيح احجابها


فاطمه ايــــــــــة عشك نقراها
شكرآ مــــــــــن الزهرة يامحلاها

ــــــــــــــــــــــــــــــــــــــــــــــــــــــــــــــــــــــ

كل صلاه خدمتها واجب فاطمه
الدمعه الها اطفي نار الحاطمه
المابجه عليها عسن عينه بعمه
كون اسمها عله الكلوب انوشمه

والله ينــــــــسانه اذا نـــــــنساها
شكرآ مــــــــــن الزهرة يامحلاها

ــــــــــــــــــــــــــــــــــــــــــــــــــــــــــــــــــــــ

فاطمه هيه الصـراط المستقيم
وهيه بسم الله الـرحمن الرحيم
حبك الها يقـــــربك الرب الكريم
الله جاعل بيها سر كلش عظيم

وباب للرحــــــــــمه العــلي خلاها
شكرآ مــــــــــن الزهرة يامحلاها

ــــــــــــــــــــــــــــــــــــــــــــــــــــــــــــــــــــــ


الله من فاضــــــــل الطين اختارها
الوحي جــــان يبوس عتبت دارها
اهل السمه اتحب فاطمه واخبارها
يالاهي اجعــــــــــلنا من انصارها

وبالحشر تحـــــــشرنه كون وياها
شكرآ مــــــــــن الزهرة يامحلاها

ــــــــــــــــــــــــــــــــــــــــــــــــــــــــــــــــــــــ

امرأه مـــــــــن نور سواها العلي
ومالكه كفو لها بـــس حيدر علي
وحيدر يصـــيحلها يازهرت هلي
راحت وخلت دمـــع عينه يهلي

بليل دامــــــــــس للكــــبر وداها
شكرآ مــــــــــن الزهرة يامحلاها

ــــــــــــــــــــــــــــــــــــــــــــــــــــــــــــــــــــــ

حسين عبد عبد الدراجي

يمك ارد اضل دوم يالميت عليك
ولاتشغلني بالناس اشغلني بس بيك

انت وحدك خذت بالي
غالي انت الصدك غالي

ــــــــــــــــــــــــــــــــــــــــــــــــــــــــــــــــــــــــ

صعب يترجم حبي يماخذ عقلي وكلبي
حسين يجمل محبوب

سكيت اغصاني بدمعي وتحسن حالي وضعي
وصرت خادم مهيوب

اعطش وتروه من اعيونك يارب عشكي
ادبني وياك وسويني خادم صدكي
مثلك دللني بهل دنيه لا ما الكي

فضلك بيش اجازي يبن الزجيه
بيدك أمري يحسين لا مو بديه

يمك شاني يضل عالي
غالي انت الصدك غالي

ــــــــــــــــــــــــــــــــــــــــــــــــــــــــــــــــــــــــ

عله حجيي الله الشاهد حسين انت اجمل واحد
لكيته بهاي الناس

فقط انت امشي بشوره شفت وجهك بالصوره
ينكط حب وأحساس

صوره بيت اهلي معلكيلك تنكط رحمه
انه وامي انهيم ابسمك يابو اليمه
وحالف وياك لحد موتي بهاي الخدمه

الخدمه عندي اعز شي بالدنيه مولاي
بسمك امشي يحسين ومقدر هواي

انت المرتب احوالي
غالي انت الصدك غالي

ــــــــــــــــــــــــــــــــــــــــــــــــــــــــــــــــــــــــ

نذر عمري الايامك يالمدلل خدامك
حنين يابو الخدام

الك واهب كل عمره بصدق تدعليه الزهرة
ويضل مرفوع الهام

اليخدمكم ميحس بالذله بطيلة عمره
سلطان ومابين الوادم ترفع قدره
شيريد من الله التدعيله امنه الزهرة

نعمه من الله مولاي هل خدمه عدنه
فضلك كلش هواي يابعد اهلنه

بحبك متروي دلالي
غالي انت الصدك غالي

ــــــــــــــــــــــــــــــــــــــــــــــــــــــــــــــــــــــــ

يرازقني اعظم دمعه نحنائي بابك رفعه
ابد ماذل يحسين

بدعائي من ارفع جفي عمر واحد مايكفي
يرب رايد عمرين

انه الخالقني الله الحزنك يابولاكبر
بعينك موش بعين الوادم رايد اكبر
اليمشي بدربك يكبر شانه لا مايزغر

السلم بيدك أمره كل عمره ربحان
العافك والله يحسين هاذه لي خسران

يخسر الاول وتالي
غالي انت الصدك غالي

ــــــــــــــــــــــــــــــــــــــــــــــــــــــــــــــــــــــــ

يمن عطفك شاملني حسين بس بيك اشغلني
ولك كربني هواي

يالمطشر بالحافر احبك حب ماصاير
سند انت بدنياي

انت الساندني بهل دنيه ورافع قدري
تستاهل يحسين افديلك مالي وعمري
سوتني بنادم يتقدر لطمت صدري

ضايع انه يحسين لو ماخدمتك
وي در امي مولاي راضع محبتك

دمعي الحزنك بقه يلالي
غالي انت الصدك غالي

ــــــــــــــــــــــــــــــــــــــــــــــــــــــــــــــــــــــــ

حسين عبد الزهرة الدراجي

مو حلو الوداع بهل مسيه **ياحامي الحميه
نعشك هاذه لو نعش الزجيه
ــــــــــــــــــــــــــــــــــــــــــــــــــــــــــــــــــــــ

علي اليله يودع فاطمه الزهرة ** بدموعه الجريه
صعب يتعافه لو يلتم بعد كسره **بفراك الزجيه
اول تالي حيدر منحني ضهره ** والونه خفيه

خل اتصب دمعته ماترجع زهرته
دفن روحه علي حدر الوطيه

ــــــــــــــــــــــــــــــــــــــــــــــــــــــــــــــــــــــ

حمل نعش الحبيبه وصبن ادموعه ** وكاتلته هضمته
علي مثل الزجيه مكسره ضلوعه ** وشيطيب كسرته
هضيمه يون علي وناته مسموعه ** من ودع زهرته

علي اتمنه مماته وي زهرت حياته
دفنته ودفنة الزهرة سويه

ــــــــــــــــــــــــــــــــــــــــــــــــــــــــــــــــــــــ

رجع من الدفن بس راجع اجنازه** دافن بيده روحه
شني ضلته بحياته اليفكد اعزازه** والله يكتله نوحه
اليجازي بخير ليش بجرح يتجازه **ويكثرن جروحه

حيدر ينعه روحه ويامكثر جروحه
ودمعته بفكد فاطمته جريه

ــــــــــــــــــــــــــــــــــــــــــــــــــــــــــــــــــــــ

علي الزينب رجع بس من رجع كبران *بأن بوجها شيبه
وصل البنيته بس من الهضم ذبلان * ياعظم المصيبه
بجه ودنك علي ودمعه يصب نهران **الفراك الحبيبه

مهضوم ويكابر وجرحه بطوله صاير
يزينب راحت الزهرة من اديه

ــــــــــــــــــــــــــــــــــــــــــــــــــــــــــــــــــــــ

يزينب ماتت امج صبي المدمع ** راحت من ادينه
اليضمه اتراب بويه بيادمع يرجع**ايسي ماتجينه
يبويه الروح احس من الجسد تطلع *منذكرها الحنينه


الروحي شكد تودها موتني بعدها
الفكدها كلبي نيران سريه

ــــــــــــــــــــــــــــــــــــــــــــــــــــــــــــــــــــــ

حسين عبد الزهرة الدراجي

بكل يوم شاني بخدمتك ضل يكبر
الف أنعم الله عليك يـــــابو الاكبر

مـــــــــن الزغر ربيتني
وخادم صدك سويتني

يابو علي يابو علي

ــــــــــــــــــــــــــــــــــــــــــــــــــــــــــــــــــــــــ

ميزني مابين البشر منطــــــيني قيمه ورفعه
ومتفضل بفــضلك علي رازقني حركه ودمعه
رايد تكربني لـــــــــك مـــــاريد شهره وسمعه
وبس على زينب والسبي خليني يحسين انعه


وي زينب ارد ابجي عله ذبحك مولاي
ولو مــــــــــاخدمتك ضايع انه بدنياي

انت لـــــــــذي اويتني
وخادم صدك سويتني

ــــــــــــــــــــــــــــــــــــــــــــــــــــــــــــــــــــــــ

حبيتك وهـــــــــاذ الكلب مايقبل يحب غيرك
الف أنعم الله ابوعلي يالعــــــــيشتني بخيرك
ماشير اهلي بكلشي انا بس انت كلبي يشيرك
بتدبيري مـــــــــــا امشي ابد مشيني ابتدبيرك

سلمت أمري بيدك وتدريني
بكيفك يمحبوب العمر مشيني

وي النجم عليتني
وخادم صدك سويتني

يابو علي يابو علي

ــــــــــــــــــــــــــــــــــــــــــــــــــــــــــــــــــــــــ

دعيلي بصلاتك كــــــون ضل خادم لك كل عمري
وبس لك ياعشك الكلب دمعي الصدك خل يجري
رايد لحد اخـــــــــــر نفس المصابك الطم صدري
ولو قصرت يـــــــــابو علي سامحني وقبل عذري


رايد حياتي بالمجالس تكضي
يحسين يالبس انت ساكن نبضي

يالخادمك خليتني
وخادم صدك سويتني

يابو علي يابو علي

ــــــــــــــــــــــــــــــــــــــــــــــــــــــــــــــــــــــــ

يحسين عاشك من صدك مو عشك وهمي وعابر
بكلبي لك شايل عشكز لا صـــــــــــــاير ولا داير
من كثر مــــــــــــا احبك انا ادعي بدموع الناظر
تمنيت مثل هـــــــم انا يسحك الضلوعي الحافر

رايد اقــــــــدملك دماء المنحر
بس كون ترضه عليه يابولاكبر

يم خيمتك وديتني
وخادم صدك سويتني

يابو علي يابو علي

ـــــــــــــــــــــــــــــــــــــــــــــــــــــــــــــــــــــ

قصرت انه بخـــــــــــــدمتك يابو رقيه ادخيلك
المفروض مني بكل عـــــــزه دمعي دمه ابجيلك
مثل امــــــك بكسرت كلب يحسين اريد انعيلك
يمضحي بالاكبر لـــــــــــــي بشنهو انا مضحيلك

ماجازي فضلك لون ابجي عيوني
بحافر ردتت مثلك انا يسحكوني

مطشر ولميتني
وخادم صدك سويتني

يابو علي يابو علي

ــــــــــــــــــــــــــــــــــــــــــــــــــــــــــــــــــــــــ

حسين عبد الزهرة الدراجي

لسان حال قبر السيده الزهراء حين دفنها امير المؤمنين عليهما السلام







إني اشمُ رائِحَةً طيبه

ــــــــــــــــــــــــــــــــــــــــــــــــــــــــــــــــــــــ

انا گبر الزچيه وحاير ابــــــــــــهاي
منو هاي الـ علي دافنها جــــــواي
علي جنازها محـــــــــــــني وبجه هواي
و شــــــــــــفت ورد الجنان يشيع الماي

اني اشمُ رائِحَةً طيبه

ــــــــــــــــــــــــــــــــــــــــــــــــــــــــــــــــــــــ

اسئلت ذراتي يـــــــــــــاهي هاي ومنين
المنها ايفــــــــــــوح عطر الجنه صوبين
كــــــــــــالن هـــــاي ام الحسن وحسين
الخلق الله ســـــــــــــمه الها والأراضين

اني اشمُ رائِحَةً طيبه
ـــــــــــــــــــــــــــــــــــــــــــــــــــــــــــــــــــــ

الي كـــــــــــــــل الشرف صاير كبرها
وتــــــــــــرس ذراتي يامحلا عطرها
عظــــــــيمه وبس علي عراف سرها
وملـــــــــــــــعون الذي يجهل قدرها

اني اشمُ رائِحَةً طيبه

ــــــــــــــــــــــــــــــــــــــــــــــــــــــــــــــــــــــ

اطهر امــــــــــــرأه هـــــــــــــــاي الزجيه
موضــــــــــــع ســــــــــــر إلآه الكون هيه
فـــــــــــرض حبها على كــــــــــــل البريه
الكفوها بـــــــــــــــس علي حامي الحميه


اني اشمُ رائِحَةً طيبه

ــــــــــــــــــــــــــــــــــــــــــــــــــــــــــــــــــــــ

يوميه المــــــــلائك تنــــــــــــــزل ازور
ومــــــــــــن بابي لحد باب السمه النور
اعله ذراتي علي ظــــــــل دمعه منثور
ومثل كسرت علي انه اصبحت مكسور

اني اشمُ رائِحَةً طيبه

ــــــــــــــــــــــــــــــــــــــــــــــــــــــــــــــــــــــ

حسين عبدالزهره الدراجي

يافاطمه انه علي يافاطمه انه علي

ــــــــــــــــــــــــــــــــــــــــــــــــــــــــــــــــــــــ

حركو كلبي الحــــــــــركو بابج
بضلوعي اتشب نـــــار اصوابج
يابعد اليعمن مــــــــــن دونج
الموت أهــــــــــون من اغيابج


المتعود يــــــــــوميه يشوفج
مايكدر لــــــــــو لحضه يعوفج
حيدر ميت نبــــــــــضه بفكدج
ويحيه مـــــن يلمسنه اجفوفج

من بعدج ماتت ضحكتي
من بعدج كبرت حسرتي
من بعدج عاشت دمعتي


يافاطمه انه علي يافاطمه انه علي

ــــــــــــــــــــــــــــــــــــــــــــــــــــــــــــــــــــــ

انه المـــــــحد يكـــــــــدر حيلي
وهسه ابني حسين يتــــــجيلي
بــــــــاوع حـــالي حسين ودنك
ويصـــــــبر بيه ويبــــــــــجيلي


كبالته وكتــــــــله انــــــــه بعبره
كسرو ضـــــــلع امـــــك بالعصره
جنت مـــــــــن ادخل بيتي ادنك
وتخــــــفي عليه آثــــــار السطره

انهد حيلي مـــــن باوعتها
انهد حيلي تبـــجي شفتها
انهد حيلي السطره لمتها


يافاطمه انه علي يافاطمه انه علي

ــــــــــــــــــــــــــــــــــــــــــــــــــــــــــــــــــــــ

نعشج مــــــن شلته عله امتوني
ماسكــــــــــتن يالزهرة عيوني
مايـــــــدرون اشــــــــصاير بيه
مـــــــــن ابجي الناس يلوموني

من كبرج حــــــــــد عتبة بيتي
بين شــــــــــيبي بنص الحيتي
وثكـــــلت روحي وميت حيلي
ونكــــــــــعت بالمدمع جفيتي

يازهراء مـــــحد يعوضج
يازهراء موش انه نبضج
يازهراء مـــــوتني بعدج


يافاطمه انه علي يافاطمه انه علي

ــــــــــــــــــــــــــــــــــــــــــــــــــــــــــــــــــــــ

انه الماصح طـــــــــب الصوابه
انه الميــــــــضم حـــــــزنه انكابه
انه الســـــــطرو خـــــــد ام بيته
وياحيف انـــــــه الدفـــــــعو بابه

صارت غصه بصدري من احجي
وكاعد وحـــــــدي بيتي وابجي
ماتت زهــــــــــرت روحي اليله
ياهو اليسمعني مـــن رد اشجي

ياروحي عيشي المصيبه
ياروحي بعد الحـــــبيبه
ياروحي صــرتي غريبه

يافاطمه انه علي يافاطمه انه علي

ــــــــــــــــــــــــــــــــــــــــــــــــــــــــــــــــــــــ

حسين عبد الزهرة الدراجي

يابير خل احجيلك اهمومي
بوداع فاطم ذبلت ارسومي

حيلي لمن صــــــــــار وداع
ماي وتــــــــــبده عله الكاع
وانه علي وانه علي
0000000
من ياجرح ابــــــــــدي واسولف كلي
يابير وانــــــــــه الشيب بأن ابضلي
اتمنيت امــــــــــوتن وي موتت خلي
يابير جرح الفــــــــــركه صار ابحلي

رديت كـــــوه انكـــــل اجدامي
وعليه صــــــار اشثكله هندامي

موحكه يتــــــــــبده الحيل
دافن أعــــــــــز ناسي ابليل
وانه علي وانه علي
0000000
يابير متعــــــــــجب لئن كلبي ينوح
هوه اليفارك فاطــــمه اتضل بي روح
من بالي طيحت محسن ابني متروح
بالباب طايح شفته بس كله اجروح

بدموعي اغـــــــرك اليل ونجومه
مو سهله اشوف الزهره مهضومه

مهضومه وسفه ام حسين
وحمره وتصب دم العين
وانه علي وانه علي
0000000
بعد لمــــــــشه ابوجهي تبين الغربه
ويلن لدهــــــــــرآ فــــــــــارق الحبه
صعبه التحـــــــبه ادفنه بيدك صعبه
راح العز مــــن كلبي روحي اتحسبه

اليدفـــن حبيبه ويرجع البيته
مثل الشــــــــــمع تنباك عافيته

بس غــــــرب وراح اهواي
ماتت ضحكتي عله اشفاي
وانه علي وانه علي
0000000
صار عله مد الشوف جرحي واكبر
بيا وكـــــــت حيدر بالمشي يتعثر
ماصايره ابمــــــــكبره اينام العنبر
يابير مثل الجام كلــــــــبي اتكسر

روحي اثكلت جن ثكلت اجنازه
وجروحي صــــارن بيدي عكازه

من البجي صوتي مبحوح
وبس جسد امشي بللا روح
وانه علي وانه علي
0000000
يابير من شفت الحسن يمه ايصيح
حالوب دمعي عله الوجن كام ايطيح
كمت اوكع اشما حـــرك اثيابي الريح
وروج الوجـــــع بالعافيه كام ايزيح

انه علي بـــــــس صرت مو انه
شتريد حاله الـــــــفكد ريحانه

ضهري انكسر وانه اهديب
وتشــــــلبه لزلوفي الشيب
وانه علي وانه علي

000000000
حسين عبد الزهرة الدراجي

يا خسارة فاطمة
ودمعي بعيوني دمه
ــــــــــــــــــ
بلحضة وحِدة شموع كل بيتي نطُفن
يا خسارة الدنيا بعد أم الحسن
تبقى خنگة وبالترب دافن وطن
وروحي تطلع من كثر ثگل المحن

شايل بمتني السمه
ودمعي بعيوني دمه
ــــــــــــــــــ
اني حلال المشاكل والشدد
والصبر يم بابي اجه بحزنة وگعد
جبل يتهز واني ما اهتز أبد
لجن من بعد أم حسن قلبي نمرد

جنها هاي الخاتمة
ودمعي بعيوني دمه
ــــــــــــــــــ
دمعي بس من خشية القادر نزل
ونزل من ودع رسول الله ورحل
لجن هالمرة الدمع دم من همل
عمري طاح وي الدمع على المغتسل

والسنين مهدمة
ودمعي بعيوني دمه
ــــــــــــــــــ
بالعبادة وبالحرب عمري نكتب
وباب خيبر من قلعتة بلا تعب
لجن حيلي اعله الگبر طاح بسبب
بروحة ام الحسن راوتني العجب

وهاية اصعب موزمة
ودمعي بعيوني دمه
ــــــــــــــــــ
لا صياح ولا عزة ولا فاتحة
وبالترب دافن حياتي البارِحة
بكلشي غربة حتى هاي النايِحة
على الحجرة عيون ظلت شابِحة

الحجرة صارت مظلمة
ودمعي بعيوني دمه
ــــــــــــــــــ
كلشي دون الفَگِد ما ينعد قهر
الماخسرلة إنسان ما ينعد خِسر
العندة ميت صار مسكور الظهر
عيونه من كثر البجي تصبح نهر

والقلب ميت ضمه
ودمعي بعيوني دمه
ــــــــــــــــــ
بعد عين الزهرة كل عمري نطوه
هية جانت والله لعيوني الضوه
بالصعوبة من بعدها اشتم هوة
علتي علة وهية شوفتها الدوه

وغوش الشوف وعمى
ودمعي بعيوني دمه
ــــــــــــــــــ
بلا ملح هاي الحياة ولا طعم
من بعد شيب وعُمر تشبع هظم
زمن يكسر ابد ما يجبر عظم
تعيش غربة وتعتبر اكبر ظلم

الغربة وحشة ومؤلمة
ودمعي بعيوني دمه
ـــــــــــــــــ
زين العابدين الشمري

بدمعي وتراتيلي. توصل مراسيلي. الج امنياتي
من صاحب حجايه. ارفع الج رايه. النهايه حياتي
رايد رضاج بعالم الخدمه
مولاتي لتحرميني هل نعمه
..........................

كلبج احن من امي بهواي. بصحراء كلبي شفتج الماي
ماكو بحنانج يم الحسين.. مولاتي
خادم اريدن اسمي مكتوب.. وطاريج انتي ايبيض الكلوب
محله بخدمتج هاي السنين.. مولاتي

اريد.. ترضين عني وكلشي ما أريد
اريد.. بالخدمه يبدي عمري من جديد
اريد.. وياج اضل الكطعة الوريد

خليني عالفطره. خادم نذر عمره. لحد المنيه
بالدنيه عافيتي. اني وأهل بيتي. يزهره الزجيه
خليهه روحي وياج متحزمه
مولاتي لتحرميني هل نعمه
..........................

بيدج يزهره كل الأسباب.. وماريد اضل واكف عله الباب
سمحلي ونتي راعيت بيت.. يافاطم
ادخل البيت الخدمه ترضين.. ضايع بدونج يم الحسين
تقبلين هذا العبد ياريت.. يافاطم

اصير.. انسان عايش راحة الضمير
اصير.. خادم الج يالخادمج أمير
اصير.. والمنبر يقرر الي المصير

ياحسن عاقبتي. بالدنيه بس انتي. اشوفج نجاتي
ودموعي مولاتي. ذني اماناتي.. إذا حل مماتي
متوكل انه بعزم وبهمه
مولاتي لتحرميني هل نعمه
............................

للخدمه عشكي ايزود كل عام.. وعايشهه آنه ايام ويام
بهاي المأتم گلبي يرتاح. وعيوني
بذكرج يزهره اتطيب الانفاس. هل خدمه والله ترفع الراس
گلبي الج فدوات والروح. وعيوني

لكيت. عالم الخدمه عالم الجمال
لكيت. مأتمج هذا مصنع الرجال
لكيت. خدام وكفوا وكفت الجبال

واللطمه يالزهره. بدك الصدر ثوره. زلم ماتجامل
من آثار خدمتهم. حرسوا عقيدتهم. حماة وبواسل

من كربلاء حسين ابو اليمه
مولاتي لتحرميني هالنعمه

.................

امنيه عندي وگلبي ملهوف. يا يوم روحي بصحنج اتطوف
بزيارتج غفران الذنوب. يالزهره
يمته اشوف وتفرح العين. كبه ومناير عندج ثنين
واهلا يزاير الكه عالباب. يالزهره

سوال. بس هل سوال وينتهي الكلام
سوال. يا يوم اشوفن ينبني المقام
سوال. ادري جوابه بطلعة الإمام

امنيه تتحقق. بالمهدي لو أشرق. شمس عالبريه
وانضر مواكبنه. بقطعه من الجنه. اعله بابج سويه
ومااحجي يم الكبر بس كلمه
مولاتي لتحرميني هالنعمه
.............................

كون اعله كبري بغمضت العين. يكتبون زاير ام الحسين
وزاير وخادم من الاكيج. هنيالي
ياريت اموت اعليج حسرات. المات بخدمتج هذا مامات
مسجل شهيد واسمي مكتوب. هنيالي

يعيش. المات اعله حب ال النبي شهيد
يعيش. وبالاخره وجهه ابيض وسعيد
يعيش. وبالدنيه اهات تضل نشيد

رزقيني يافاطم. سنت التجي خادم. واضل بخدمتج
حزميني بالخدمه. بداعت ابو اليمه. وعيش بنعمتج
وتراب كبرج يمته اشتمه
مولاتي لتحرميني هالنعمه


محمد هادي العقابي

سلام الله على الزهره
سلام الله على الزهره
~
سلام الله وملائكته على المخلوقه أُنسيه
يسبحان الي سواها ملاك وچنها حوريه
يبضعه من نبي الرحمه يقديسه ويعلويه
يتفاحه بجنان الله ينور بكل وكت ضيه
ینسمه بليلة الگمره
سلام الله على الزهره
~
إذا شالت اديهه تريد تسبح ساعة المغرب
تسبح كل سمه وياها وملائكة العرش تكتب
سماوات الفلك تصفن النفسهه تخشع امن يهب
البحر تتلاطم امواجه ودموعه عالجرف يسچب
الخلک تخشع على الفطره
سلام الله على الزهره
~
الحَمار البالسمه المغرب يذكرنا بسطر خدها
مثل دمها العله الوجنه يلوح بعين اليودها
الغِروب شبي يجي وحشه ظلامه اگلوب  يمردها
اظن حته المسيه هناك تمنت لو وصل حدها
السمه والأرض منكسره
سلام الله على الزهره
~
إذا حيدر يوصينا الصبر عالحلوه والمره
لچن گلبه عله الزهره تبين للخلگ كسره
مشه اوياه الحزن للموت وكبر وياه مثل عمره
بغياب ام الحسن حيدر يجر حسره ابأثر حسره
وابد ما تنشف العبره
سلام الله على الزهره
~
نضل حتى الحشر نبچي وابد مانترك الدمعه
اليالي الفاطميه تصير محرم فاطمه البضعه
لأن مثل الزچيه حسين تهشم وانكسر ضلعه
ونواسي القائم المهدي ونناطر ساعة الطلعه
يربي عجل ابأمره
سلام الله على الزهره
~

حيدر بشار الدراجي

@HxzEU1
#قناه_نشر_القصائد_المنبريه
#الناشر_مصطفى_المياحي

موشح



اشلون طاحت فاطمه امن اصوابهه
ناخت الدنيا وسمه لمصابهه
------------------------------
ناخت الدنيا وسمانه امدلهمه
وكلشي ينبض صاح طاحت فاطمه
اجهبت وادم عليهه امحزمه

وكلهه تكره مامش امن احبابه
------------------------------
كلهه باب اعليهه صارو ودفعوو
هيه بتمن هالخلگ ماقدروو
ناس نار اتصيح وادم حطبوو

وهيه حارت بين ابنهه وبابهه
---------------------------
حارت وحال اليحير اشگد صعب
منين ما تندار تتلگه.الضرب
موش دار اصبحت جن ساحت حرب

وزحفت ام حسين يم اعتابهه
------------------------------
اتلاوذت بالباب رادتهه ستر
هوه گل الصاحبه زيد العصر
گله صوت اضلاع اسمع تنكسر

وهيه ماهمهه اليهمهه احجابهه
------------------------------
ضكهه بالباب وسمعهه من تون
اتصيح كف عني انطحن ضلعي طحن
اتگله انه فاطمه گلهه وإن

وعالارض سال الدمه امن اخضابهه
------------------------------
فزعه فزعه اعله ام حسن كلهه اجت
اتگول مطلوبه ابطلابه وذنبت
اعله باب الزهره كلهه ادافعت

شنهو ذنبي اتصيح احجو اسبابهه
-----------------------------
نادت ابياذنب كل هذه الجره
وليش كل هذه الفزع جاهب مره
موش هذه الدار ربنا امقدره

اومامش الواحد يهم لجوابهه
-----------------------------

علي سليم الحسناوي

@HxzEU1
#قناه_نشر_القصائد_المنبريه
#الناشر_مصطفى_المياحي