Telegram Web Link
لحن
(مبصراً)
بصوت خادم الامام الحسين
مقتدى هاشم التميمي
بغداد
4
گبل لا موت زينب خل اوصيج. بله ادني يمي
اشعندج حيل حيلج يمه ضمي. وللطف دمع ضمي
باجر كربله اشرايح تراويج. زاد اعليج همي
يكسر خاطري امن ايصيح الحسين. فضه اشلونها امي

يمه حسين سكتيه. وبالطف عينج اعليه

يبعد امج يبعد امج
***
من يصير بالطف وحده حسين. زينب شمي نحره
باجر يعطش وما يشرب الماي. والدنيه تكسره
صعبه حسين يرفس والعده تروح. وترد فوگ صدره
تحرگ ضهر اخوج حرورة الكاع. شيخلي اعله ضهره

باجر صدره ينداس. ويهوسون بالرأس

يبعد امج يبعد امج
****
بالهيمه اشكثر باجر تركضين. اصعب شده هايه
باجر زينب اعله التل تصعدين. واخوانج ضحايه
كلها املطخه بدم المجاتيل. وطفالج سبايه
مره ابين الزلم وبكربله النار. تحرگ جم عبايه

بيج اشلون يم عيون. لو شفتي اليحركون

يبعد امج يبعد امج
****
بيج اشلون يمه بطبت السوگ. وبذيج الدواووين
يم راس ابو فاضل بالج ايصير. لو يم راس الحسين
باجر بالخرابه تشمتج الناس. وبراسج تدنكين
ناكه مضلعه ومن عدها كل ساع. يايمه تطيحين

ودخلين للشام. انتي وذيج الايتام

يبعد امج يبعد امج
***
زينب يمه احضنيني بدمعتج. وانه بدمعي احضنج
كبل لا موت بس كليلي يمه. خل اسمعها منج
ماريدج على افراكي تونين. زينب ضمي ونج
حزن يعگوب نگطه بحر تدرين. صار اكبال حزنج

انتي ام المصايب. واهلج عالترايب

يبعد امج يبعد امج
****
تمت
تحسين الخفاجي
4
لو وكت الحرب حان يطلع للحرب جان بس حيدر
****
برز مرحب والعصابه وره الصخره لبدت
محمد ناده وذنهم ولا جنها سمعت
طلع بس حيدر يقاتل واله الحومه شهدت
شطر مرحب والكتايب علي امن اسمه رجفت

والنبي شال ايده وكله تسلم ايدك
علي الله يريدك والإسلام يريدك
انته ليث الحومه والحرايب عيدك

حاجيني الربع وين من طب ليها ابو حسين وتبختر
لو وكت الحرب حان يطلع للحرب جان بس حيدر
****
صدگ ساحرني بجماله. ومو بيدي احبه
گمر وعيونه قصيده. وبحساسي اكتبه
انه بتصنيف المشاعر خذت اعلى رتبه
علي بالضيج امن اطيحن. بس هوه اندبه


انه عاشگ واحد. بالنجف تدروني
ماكو مثل احساسه. واغله من عيوني
بقصتي شعليكم. وي علي خلوني

مشغول بغرامه. ومالكني هيامه وتصدر
لو وكت الحرب حان. يطلع للحرب جان. بس حيدر
***
دخيل الله الدرع الاصفر علي من يلبسه
علي خيال المنيه الحرب عنده ونسه
هله بتربات ابو طالب فده الهادي نفسه
علي المفروض المدراس كتبها تدرسه

علي انته القائد ورايتك منشوره
والأسد يتباها اوياك ماخذ صوره
بيك كل الشيعه يا علي منصوره

بجفك كلشي يندار كرار ليسه فرار يا قصور
لو وكت الحرب حان يطلع للحرب جان بس حيدر
*
زلم صارت عالزجيه الما عدها عركه
اذن لو منطيه محمد حلكهم يفركه
جبل ثابت والمضارب ابد ما تحركه
علي من زغره المنيه امشاركها شركه

حرگ بابه العمره سيفه ابد ميلوحه
والنبي لو صاحه اتموع جانت روحه
بس علي يعرفونه غيرته مملوحه

استاذيه بحرگ بوب ما دخلو للحروب وتصور
لو وكت الحرب حان يطلع للحرب جان بس حيدر
**
علي ومن ادخل ضريحه كل شده تنحل
علي اشما عديته رابع علي يبقه الاول
علي مضهر للعجايب. والعافه ينذل
علي بالسيف اشحلاته ومن يهجم اجمل

وانه نبضي وكلبي بس علي محتله
يجلي كل همومي. حيدر امن ادخله
وعلي حته الاعمه. بالنجف يندله

اوكف يم علي وصيح خلي دموعك اطيح وتأثر
لو وكت الحرب حان يطلع للحرب جان بس حيدر
*
الك يا تاج الزعامه تلوگ القيادة
رعب ترعبهم خزرتك يرمز السياده
قسم مولاي امن اشوفك احس بالسعاده
غشيم اهواي اليضنها. تموت الإرادة

من تأشر بيدك كلهم يهابونك
نرجسيه عيونك واشحلات عيونك
انته فخر الشيعه يا علي ايسمونك

قاهر كل الأحزاب جفك قالع الباب والعسكر
لو وكت الحرب حان يطلع للحرب جان بس حيدر
*
تمت
تحسين الخفاجي
2
يازهراء… باچر لـون لفني الچـفَــن
يازهراء… عينچ علـــي يم الحـسَـن
يازهراء… وبداعت اعيوني البچَـن… لجل حسين
★★★★★★★★★

يَـــــوُمَ لا ينــفـــع بنون ولا هلـــــي ولامالي
فاطمه ابروح الحسين اهناك ارحمي ابحالي
جسمي طايـــح عالترابه وشلتچ انت ابالي
عمري غالــــــي وبخدمتچ رخصيته الغالي

يازهراء…… ايامي ودموعي ارخصَن
يازهراء… عينچ علـــي يم الحـسَـــــن
يازهراء… . وبداعت اعيوني البچــــن… لجل حسين
★★★★★★★★

باخر انفاسي واشوفن اهلي اليودعوني
وهاي اخر شوفه الهـــم يمهم ايشوفوني
الناس مشغوله ابوداعي من تغير لــــوني
لَچن انـــه ابهل مصيبة والــچ تربي اعيوني

ياهراء… ابنياتي احس اتيتــمَـن
يازهراء… عينچ علي يم الحـسَن
يازهراء… . وبداعت اعيوني البچن… لجل حسين
★★★★★★★★
غمضت عيني وخذوني اخواني الشالوني
وللمغيسل بالبواچي يم حســــن جابوني
جردوا ثوبي اوشافوا باقي اثر بمتوني
أنــــه عابس بالمجالس چانوا ايسموني


يازهراء… ابجاه الچفوفه اتگطعن
يازهراء… عينچ علي يم الحـسَن
يازهراء… . وبداعت اعيوني البچن… لجل حسين
★★★★★★★★★

غسلوني وچفنوني والخـــدم جنازة
ايعينه الله البلمگابر دفن بيده اعزازه
خادمچ يم الحسين اليله حيل اتوزه
المگبره ظلمه يزهره ونورچ انـه اعتازه

يازهراء… سايم عليچ الي انسبَن
يازهراء… عينچ علي يم الحـسَن
يازهراء… وبداعت اعيوني البچن… لجل حسين
★★★★★★★★

لو حظر منكر اريـــدچ فاطمه جدامي
واگفه ونــــادي يمنكر هذا من خدامي
يلگه اثر زنجيل بيه وطبع من احزامي
ابجاه زينب واليتامه عينچ اعله ايتامي

يازهراء… .. بس انت للخادم وطـــن
يازهراء… عينچ علـــــي يم الحـسَن
يازهراء… . وبداعت اعيوني البچن… لجل حسين
★★★★★★★★

رايد اطلب طلب منچ واعــــــــرف اتحبيني
لو گرب عاشور اريد من الگـــــــبر طلعينـي
للحسينيه ارد اروح وابچي دمعــة عينــــي
واقره مجلس على حسـين وانتي اتسمعيني


يازهراء… .عاللطــمَ اديــــه اتعلــمَـــن
يازهراء… عينچ علي يـــــم الحـسَـــن
يازهراء… . وبداعت اعيوني البچــــن… لجل حسين
★★★★★★★★


ـــــــــــــــــــــــــــــــــــــــ
ماجد حبيب الخيگاني
ونسألكم الدعاء❤️
2💔1
((اسمچ جزه))


أسمچ جزه حدود السمه وأنتي الفضل كله
يـــــامنبع عيون الكـــرم وبيچ الكرم يحله
من كــل كتر اسمچ عطف يافاطمه الزهره
حــتى الذليل بخــــدمتچ ونحسده عالذله

واليذل روحه لجـل فاطم
يعني ينضرله گمر هـــاشم
يعني أسمه بالعشگ واصل
فاطمه تگله صـــرت خادم

فاطمه حـــــــوراء أُنسيه
فاطمه وراضــيه مرضيه
فاطمه مضمون خدمتنه
فاطمه وبالعصمه علـويه

امنا الزهراء حجةْ الله علينا ...
"""""""""""""""""""""""""""""""""""''''''''''

صَرحْ حديث العسكري ومئثوره چلماته
أحنه الحجج وأعله البشر نسمع عباراته
وعلينه حجه فـاطمه تاج أعله عصمتنه
رزق الارض مــــن فاطمه وبَيَن علاماته

فاطمه دين الله وأركانه
فاطمه الأســـلام عنوانه
دولةْ الايمـان عــــالوادم
المــــايحبها يضيع إيمانه

واليضيع إيمــــانه مــن إيده
والصــــلا والصـــوم ميفيده
الچاتف چفوفه خصم حيدر
لا يســـــلم أعلينه منـــــريده

امنا الزهراء حجةْ الله علينا ...
"""""""""""""""""""""""""""""""""""''''''''''

دمعه بمضامين الــزمن من نذكر الزهره
جمره ويمر بيها الهوى هذا الجرح جمره
والمــاله باب بصفنته خل يلچم جروحه
وبصفنتي باب احترگ والدفعه والعصره

هــاي مَرت الماترك جاره
ليـــــش هيچ بدمعه عَباره
والسئل عن فاطمه الزهره
وبالصدر مخـــزونةْ اسراره

والــــــدفع بيبانچ بحرگه
لازم المهدي يجي يحرگه
باچـــر المهدي يحـاسبهم
جاي باچــر تنتهي الفرگه

امنا الزهراء حجةْ الله علينا ...
"""""""""""""""""""""""""""""""""""''''''''''

من بابچ الحد الخِيم مـــامستقر حالچ
كل ساعه يمشيلچ ولد وبـــيا كتر بالچ
جرح البقيع بخاطرچ وعيــــالچ بهيمه
وأحترگت ايتامچ غدر ومذبحه أعيالچ

فاطمه ياجـــرحچ شكبره
من تشوفين الطفل نحره
ومن تلمين الوصـل بيدچ
والحوافر نابته بـــــصدره

هاي زينب عالهزل راحت
هاي طفله عالنحر مــاتت
هاي تبچي وذيچ ملچومه
هاي روس اخـوانها ناحت

امنا الزهراء حجةْ الله علينا ...

عبد زينب
محمد الابراهيمي
لحن
(اسمچ جزه)
بصوت
خادم الامام الحسين
ملا كرار القريشي
واسط _ النعمانيه
#لمولاتي_فاطمة_الزهراء_ع

مو مالت افراگ .. عشرتنه مالة ملگة
مو مالت افراگ .. يكتل حنين الفرگة
_يالزهرة بفراگچ صرت كل اغروب
_ابچي واصيح اخذيني صيحة متعوب
يكتل حنين الفرگة
————-
بسمارچ ايدگ بالنفس .. يطلع ضلع وي نِفْسي
واليمسي چان بشوفتچ .. بالشوغة ظل ايمّسي
ما صارخ بعمري و الچ .. بالصرخة طبّگ حسّي
من عميه عينك يالگبر .. بنص مترة تدفن شمسي

كتّاله الاشواگ .. وگلبي الچبير اتفتّه
كتّاله الاشواگ .. انه الدفن سالفتّه
امشي بجرح رديت مشية مصيوب
ابچي واصيح اخذيني صيحة متعوب
يكتل حنين الفرگة
—————
اول بشر يدفن گلب .. بيده وتخنگة الهظمة
سموّني دفان الشمس .. چي رجعتي اعله الظلمة
گمت اطرد بريتي الهوه .. بس الهوه شيظمة
يا ام ابوها بروحتچ .. گمت امشي واصرخ يمة

من دمعچ الطاح .. تربة صلاتچ شابت
من دمعچ الطاح .. خرزة سبحتچ ذابت
صبر الصبرته بسكتتي ايموتْ ايوب
ابچي واصيح اخذيني صيحة متعوب
يكتل حنين الفرگة
—————-
دمچ ترس بابي ونشف .. جيبيلي چف ايمسحة
من انگطع نفسچ شفت .. انگطع خيط السبحة
ما يرهم اعليچ الگبر .. يا دم علي او يا جرحة
التاخذ زهرتي ابلا عطر .. هاي المگابر وكحة

بحظان الاتراب .. ادفن حبيبة روحي
بحظان الاتراب .. شوفيلي حل لجروحي
رايدله بوداعچ علي عشر اگلوب
ابچي واصيح اخذيني صيحة متعوب
يكتل حنين الفرگة
—————-
ما مقتنع ميتة وعلي .. شو چنچ بنص عيني
صارن حروف ابلا نقط .. مابيها معنى اسنيني
ظهرين سواني الهجر .. من فرگتچ شوفيني
مايعرف ايلاگي الگبر .. متعلم اتلاگيني

هادمني فرگاچ .. بدموعي صار اسلوبي
هادمني فرگاچ .. واصل سوادي لثوبي
هالمرة ماغالب علي ورد مغلوب
ابچي واصيح اخذيني صيحة متعوب
يكتل حنين الفرگة
—————
فاطمتي كاتلها الرفس .. بس گوة لازم صبري
بالمغتسل شفت الضلع .. طالع و ابد ما ادري
ركضة النار اعله الگطن .. يركض الشيب بشعري
شايب چبير بفرگتچ .. ما يمشي گايم عمري

ما باقي بس ثوب .. زين وتشوف عيوني
ما باقي بس ثوب .. كلساع اتيّه لوني
چا يمته من عندي الهجر عود ايتوب
ابچي واصيح اخذيني صيحة متعوب
يكتل حنين الفرگة
————-
ايسموني ابو اتراب الخلگ.. چي مترب اعله البضعه
اخذيني احسبيني الچفن .. ألشوگ يكتل رَبعه
يل ميّت ابطنچ نفس .. يل ذبتي ذوبة شمعه
بس هو اليحبني صدگ .. للرفسة يفتح ضلعه

يل بيش اجازيچ .. يا بعد سبع اضلوعي
يل بيش اجازيچ .. خدي درب لدموعي
ذيچ السوالف ما يسدها المكتوب
ابچي واصيح اخذيني صيحة متعوب
يكتل حنين الفرگة
———-
علي هادي الخزعلي
❤‍🔥1
من كسرو ضلع فاطم ٠٠ ودمعها بعينها ايندي
ماصاحت يبو الحسنين ٠٠ اظنها صاحت المهدي
ــــــــــــــــــــــــــــــــــــــــــــــــــــــ
ابنها المهدي وتندبه وتدعي الله اليعجل امره
جريحه وندبت الموعود بدمعها فاطمه الزهره
تسولفله هجوم الدار وتسولفله على السطره

وما صاحت يحامي الجار
من حـــــــرگو عليها الدار
منتظــــــــره الزچيه الثار
من يوم الضلع والدار مصاب المنتظر يبدي
ــــــــــــــــــــــــــــــــــــــــــــــــــــــ
روح المصطفى الزهره النور وسورة الكوثر
يقراها النبي مصحف وايرتل بسمها اكثر
باء البسمله حزنت عليها والوحي اتكدّر

كسرها احــــــزن القرآن
وبچه ليها الأنس والجان
وعالمهدي الجـرح ماهان
الزهره ام النبي وبته اعليها ليش هاليسدي
ــــــــــــــــــــــــــــــــــــــــــــــــــــــ
ولي الدم بقية الله ودم عمه ابرگبته دين
ثار المحسن المظلوم الما غمّض عليه العين
يعرف وين گبر امه وگبره هم یعرفه وین

ابدمه القائم ايطالب
وثاره ابركبة الغايب
وباچر صارمه الغالب
مصيبة فاطمه الزهره بروحه امسیره وتحدي
ــــــــــــــــــــــــــــــــــــــــــــــــــــــ
أين الطالب الثائر الما بطل ابد نوحه
الماتهده ولاتشفه بمصیبة فاطمه جروحه
الحطب شب نار بضلوعه وبسمار اللظه بروحه

ماغمض جفن عينه
عالي الفاطمه اونينه
القائم الله اليعينه
صابر والصبر مفتاح ٠٠ الساعات الفرج يهدي
ــــــــــــــــــــــــــــــــــــــــــــــــــــــ
من يظهر ابو صالح وتخلص قصة الغربه
محكمة العدل ينصب وايسولف وجع گلبه
والكاسر ضلع امه من فوگ اشجره ايصلبه

ويصلب بيده الجبتين
وياخذ ثار ام حسين
ثار الضلع ويه العين
يسأل يا ذنب فاطم ٠٠ جرحها بكل وكت يدي
ــــــــــــــــــــــــــــــــــــــــــــــــــــــ
حيدر بشار الدراجي
4
شعره مانسوه ابد من دونچ
الله خالقنه السواد اعيونچ
فاطمه يافاطمه     فاطمه يافاطمه
💢💢💢💢💢
انتي اول دمعه بعيونه المحـمد
سيدة ڪل النساء الباري يشهد
والله مــايوصل ابد لعلومچ احد
وآنه بانيلچ وسـط احشائي مرقد
 
انتي اول مـــره ام والدها
والأئمه اتلوذ كلها ابسدها
انتي نور وعالمه   فاطمه يا فاطمه
💢💢💢💢💢
انتي طيف ابعقلي كل الليله اشوفچ
وانتي مرقــد حزني دمعاتي تطوفچ
ويه نبضات الگلـــب تنبض حروفچ
صـــارت المآسات والدمعه ضيوفچ
 
ابد ما ننسه الجرالچ لحضه
يالتشبيهن الصلاة وفرضه
انتي لله خادمه     فاطمه يافاطمه
💢💢💢💢💢
انتي خلــف الباب لــذتي يالزچيه
وذاكه بسمارچ احس يم حسن بيه
والجرالچ ڪـــون يالزهره عليه
وڪـــون دونچ آنه مچويه ايديه
 
ابچي كل ليله عليچ وادعي
كون والبسمار يكسر ضلعي
وانتي كونچ سالمه  فاطمه يا فاطمه
💢💢💢💢💢
ابوجهچ اشلون النذل يشهر سلاحه
وانتي من النبي متعـــلمه الفصاحه
اشلون ويگلچ وأن وبكل صراحه
والله من ابليس چــان اكثر وقاحه
 
انتي رحمه دزچ الله اعليهم
بذروا نعمـــتهم امن ايديهم
واشكثر متألمه     فاطمه يا فاطمه
💢💢💢💢💢
اسمع اصــــوات النعي ابيت الامامه
حفرت اخــــدود السمه ادموع اليتامه
وانظر اچفوف الوصي فوگ العمامه
مـــا يضيع الحـــق ابد يــــوم القيامه
 
حاربوا بنت النبي هالزمره
وانتي كوثر بالجنان وزهره
وانتي ام الخاتمه     فاطمه يافاطمه
💢💢💢💢💢
ڪـــل روايه يالزچــــــيه من تجينه
مو على بعضي احس روحي حزينه
من نذكــرچ مدري شنهو يصير بينه
هيچي واحدنه بمصابچ تجري عينه
 
آنه گاضي كل شبابي اعليكم
وخلّصت أيــــامي اتوسلڪم
عمري بيكم اختمه   فاطمه يافاطمه
💢💢💢💢💢💢💢💢💢💢💢💢
 وليد المندلاوي
3
بكلبي مناره وبنيه وكل يوم ازور الزجيه
**
ف
اطمه عنواني وعايشه بوجداني
تسري ويه شرياني وهيه عندي القبله

باجر تنجيني وبالحشر تحميني
جائزه تنطيني وعني ما تتخله

حيدر ختملي الهويه كل يوم ازور الزجيه
***
ع
ادي من عاداها والي من والاها
الله بيها اتباها فاطمه انسيه

هيه سر الخالق والبيان الناطق
عنها يروي الصادق عله تكوينيه

نور وسطع عالبريه كل يوم ازور الزجيه
****
شكرا اعله النعمه تشرفت بالخدمه
ورتقيت القمه من صرت خادمها

للمجالس احضر وابد ما اتاخر
ناذر الها المنحر بالكلب راسمها

خدمتها واجب عليه وكل يوم ازور الزجيه
*

صاحت الوفايه ما تطيح الرايه
الزهره هيه الغايه ولازم نواليها

صوت الانسانيه يرتفع يوميه
فاطمه شيعيه والنبي موصيها

تبعت علي للمنيه وكل يوم ازور الزجيه
****
بدمها راح ايطالب الامام الغايب
بسيفه من يحاسب عالجذع يصلبهم

انه ويه المهدي باجر اول جندي
بصارمه من يبدي جيته ترعبهم

ويبني قباب احمديه وكل يوم ازور الزجيه
***
بينه صوت العاشر ودمنه اول ثائر
وابو صالح باجر هوه يقره المقتل

رايح ابن الزهره يصلي وسط الحضر
والضريح اشكبره والوضع يتبدل

ويحاكم اهل الدعيه كل يوم ازور الزجيه
***
تمت
تحسين الخفاجي

@HxzEU1
#قناه_نشر_القصائد_المنبريه
#الناشر_مصطفى_المياحي
هل سنه يحباب گلبي لاتجوني
خايفه أشگد عليكم  لا تجوني
عليكم المدمع يصب
ماكو امان بهل درب
لاتجوني  لاتجوني
٠٠٠٠٠٠٠٠٠٠٠٠٠٠٠
زيارتي بهذه الوكت صعبه
متعوّده عله الضيم والغربه
جانت سياط التضرب متوني
وهسه الأصوات عتلت عالگبه

يشوفتكم ترد عليه عافيتي
يجنكم ولدي وهذا الصحن بيتي
مواكبكم ترد الروح للميتين
انتم الهوه العايش  بريتي

الشام غربه من بعدكم لاتجوني
عليكم العباس اصبرو لاتجوني
والله مليت الغرب
عليكم المدمع يصب
لا تجوني    لاتجوني
٠٠٠٠٠٠٠٠٠٠٠٠٠٠٠
شمحلاهه بالشباچ لمتكم
يل ترعب العدوان هيبتكم
هاي السنه اگضيهه مدري شلون
ماتنحمل يحبابي غيبتكم

چني بين اخوتي من تزوروني
يحباب الكلب يل مانسيتوني
شمامر طاري زينب والسبي تبچون
اعذركم هالسنه وانتم اعذروني

حچايه صعبه لوكلتها لاتجوني
هالسنه زينب غريب لاتجوني
بيش اهودنه الگلب
عليكم المدمع يصب
لاتجوني لا تجوني
٠٠٠٠٠٠٠٠٠٠٠٠٠٠٠
يانور عيني ونبض دلالي
الشام ابد مايرحم بحالي
ماكو فواتح تنصب لأم عون
الشباج خالي والصحن خالي

تلتمون يمي جنتوا بكل عام
ماعفتوني وحدي بين اهل الشام
بهاي السنه  ماكو بشر يبچون
لامنصوب موكب يمي لاخدام

والله صعبه ايام موتي لاتجوني
شكثر مشتاكًه لخوتي لاتجوني
حته لو كون انضرب
عليكم المدمع يصب
لاتجوني لا تجوني
٠٠٠٠٠٠٠٠٠٠٠٠٠٠٠
كل يوم تفتر بالصحن روحي
هاي السنه شيضمد جروحي
باب الضريح ابكل وكت مسدود
صاحو غريبه ولهلچ روحي

ياچلمه غريبه الشيبت  گلبي
چندوب الصبر چندوب ياربي
هاي انه السبيه المرمراني الشام
يزواري بعيد عله اخوتي دربي

كون غربه يشيعوني لاتجوني
زوروا اخوتي وذكروني لا تجوني
موقفي كلش صعب
عليكم المدمع يصب
لاتجوني لا تجوني
...؟.
خادم اهل البيت ع
فلاح طالب الماجدي

@HxzEU1
#قناه_نشر_القصائد_المنبريه
#الناشر_مصطفى_المياحي
1
يابخت كل العشيره وياجبير الطايفه
ليل هندس وعتنيتك عندي يمك سالفه
الخايفه تروح على اخوها وانه اجيتك خايفه
نار واركاض وشتايم وين اخيتك شايفه

گوم ما ظل عندي راي — شكد زلم ركضو وراي
من العطش دلالي نار — والشمر شبعان ماي

وداعتك خويه انوليت — خاف ضنك عندي بيت
صارت اخيامك رماد — شارده اعليك من اجيت

يحسين من عفت الخيم حركوها
والتستحي منك زلم شافوها

———————-
والله طگ گلبي الكعدتك يابو گعده الدافيه
كوملي بداعت حنانك يل خذيت العافيه
من المخيم خويه اجيتك عيني تبجي وحافيه
من امس من فاركيتك ما مأمنه وغافيه

البيهه خوفه من الشمر — شلون تغفه وتستقر
جفوفي اديه اتصب دمه — خويه كل ساعه انهطر

زلم غربه الباوعت — شكد عليه اتمضحكت
بكثر طيحاتي من اجيت — الكاع بيه اتعدلت

الله ولحد كلهه موته اخواني
هسه انه للطف من هلي شجاباني
————-
من اكثر اعتاب تگعد لو امل وما تكوم
زحمه لو اكلك عفتهه الزلم يم بيتك تحوم
صدك اول مره اطلع لجن بأختك لا تلوم
ادري ميت بس ندهتك خويه اكعد كافي نوم

خدري عتاني عليك — الخاطري حرك بديك
ادري ميت ما تكوم — الخوف خلاني اعتنيك

للركض ينراد حيل — واختك اللحگتهه خيل
عطرك الدلاني بيك — كلهه موته ودنيا ليل

صليت كعده وحيل ماظل بيه
علويه شدت حيلهه بعلويه
————
اكو حجايه بگلبي ظلت تاكل بگلبي اكل
من صعدت التله صحتك خويه ميت لو عدل
الشمر بالسوط اجاني گلي بيهه اشكد نذل
اخوان ماعندج يزينب واستعدي اعله الهزل

غير اخوتج دللوج — الصبح فنهم يجوج
راح اجتفج بالحبال — خل يجون يخلصوج

اله من يمهم افوت — واضحك انه بعالي صوت
ترضه كل هذا اليصير — فدوه خويه ادعيلي اموت

راح امشي من يمك وأظل مشتاكه
راس برمح باجر يخي نتلاكه
———
الخادم موسى البطلي

@HxzEU1
#قناه_نشر_القصائد_المنبريه
#الناشر_مصطفى_المياحي
3👍1
راسه بليل عاشر ... يروي لنه
العطش والماي ما صح .. يروي لنه
الخيل اثگال بالطف ..يروي لنّه
وضاع امن السحگ والد رقية

فاضل الجهلاوي
💔1
النذل طگ فاطمه بقوه  ورمهه
بخدهه وبين بساعه     ورمهه
رگضت واختفت زينب  ورمهه
من هجمو الماعدهم حميه

علي لفاطم ابيته  ضل عليهه
يون و الدمع ينزل ضل عليهه
لون يرهم اشوفه ضل عليهه
چا شلته وفديت انه الزچيه


فاضل الجهلاوي
1💔1
الكمر نفسيته يازهره هوه انتي
وعليه مصايب هوايه هوه انتي
تراني حساب احسبلچ هوه انتي
اذا ضاك الهوه اتنخه الزجيه

اروحن فدوه لضلوعج واعيناج
يكون بساعة الطحتي واعيناج
الاهي الوصفج زهره واعيناج
حرس لليحتمي بچلمة زجيه

علي مهند الجهلاوي
💔2
عدوها الما رحم بيها .. لها يار
شمر وبحبله وي زينب .. لها يار
تحشم ما لگت زينب .. لها يار
يطفي اخيامها وايحل ادية

ياهو الگال بالطف .. مايل ابني
أيت  وشفت راسه .. مايل ابني
حرت وين الگه بالطف .. مايل ابني
وأشرب المنذبح بچفوف اديه


خادم ال محمد
فاضل فرحان الجهلاوي
💔32
سلام الله على الزهره
سلام الله على الزهره
~
سلام الله وملائكته على المخلوقه أُنسيه
يسبحان الي سواها ملاك وچنها حوريه
يبضعه من نبي الرحمه يقديسه ويعلويه
يتفاحه بجنان الله ينور بكل وكت ضيه
ینسمه بليلة الگمره
سلام الله على الزهره
~
إذا شالت اديهه تريد تسبح ساعة المغرب
تسبح كل سمه وياها وملائكة العرش تكتب
سماوات الفلك تصفن النفسهه تخشع امن يهب
البحر تتلاطم امواجه ودموعه عالجرف يسچب
الخلک تخشع على الفطره
سلام الله على الزهره
~
الحَمار البالسمه المغرب يذكرنا بسطر خدها
مثل دمها العله الوجنه يلوح بعين اليودها
الغِروب شبي يجي وحشه ظلامه اگلوب  يمردها
اظن حته المسيه هناك تمنت لو وصل حدها
السمه والأرض منكسره
سلام الله على الزهره
~
إذا حيدر يوصينا الصبر عالحلوه والمره
لچن گلبه عله الزهره تبين للخلگ كسره
مشه اوياه الحزن للموت وكبر وياه مثل عمره
بغياب ام الحسن حيدر يجر حسره ابأثر حسره
وابد ما تنشف العبره
سلام الله على الزهره
~
نضل حتى الحشر نبچي وابد مانترك الدمعه
اليالي الفاطميه تصير محرم فاطمه البضعه
لأن مثل الزچيه حسين تهشم وانكسر ضلعه
ونواسي القائم المهدي ونناطر ساعة الطلعه
يربي عجل ابأمره
سلام الله على الزهره
~
حيدر بشار الدراجي
4
كأني بمولاتنا العقيله (عليها السلام) مخاطبتاً باب الحضره

يابابي بشر ماأجو ليه
يابابي زواري على جيه
عللله وعليهم من بعد هاشم
بعمري أشكثر دار الزمن بيه

بشر يباب .. ماوصلت الزينب خدم
بشر يباب .. تبرد الگلب تشفي الألم
بشر يباب .. ماجو زلم حامي الخيم

تعبني ياهلباب شام النوايب
مو مال أضل أردود بين الاجانب
وحدي بلا عوان شفت العجايب

@@@@@@@@@@@@@@@

حال العقيله أصعب صبح حاله
بكل مغربيه أعيوني هماله
تهظم تره يضل هالسنه خالي
صحني الشماته هواي تبراله

ماعندي حيل .. وگدر أكابر عالحچي
ماعندي حيل .. وعليمن بوني أنتچي
ماعندي حيل .. وعيوني خلصهه البچي

اليهظمني والمو خوش تارس ثنيتي
ومحتاره بالتابوت ساعت منيتي
نعشي يريد متون ماهم حميتي
@@@@@@@@@@@@@@@

من دگتك يابابي محرومه
وبگبري أضل اليمته ملچومه
حن الگلب يابابي حن رايد
زواري ماأجو والله مهظومه

يزود العذاب .. للماله أهل بين الغرب
يزود العذاب .. من ينگطع عنه الدرب
يزود العذاب .. والگبتي محد يطب

مشتاگه للعباس راعي الشهامه
اوياهم امن يجون يوصل سلامه
ياساعه ونتي تهيد يتركني شامه
@@@@@@@@@@@@@@@

المايمه أهل توگف علعتابه
يفرح أذا واحد يدگ بابه
وزينب بعد محد وصل ليهه
محد وصل بس ناس طلابه

خالي المزار .. والراية مشيلوه الألي
خالي المزار .. وماچني زينب بت علي
خالي المزار .. حرمه وغريبه انطر هلي

يالدگتك كل عام زواري الحنان
بهذا السكوت أتزيد دلالي نيران
أنه العقيله الچان تحرسها خوان

رسول رياض
5
2025/10/22 16:05:14
Back to Top
HTML Embed Code: