يافاطمه.. جيت ودمعي. غرگ عيني.. واشهگ بالنفِس
يافاطمه.. مثل اضلوعچ.. امشي ومحني. ومحد بيه حس
گلبي منكسر
مايحمل صبر
~~
الله لايطي الزمان الـــفرگ الــعِشره
الدافنچ حدر الترايب منكسر ظهره
شنهي حاله التدفن ايده فاطمه الزهره
اتضيگ بعيونه الوسيعه وعيشته مُره

اتراب الگبر.. غطه ارسومچ.. ذيچ الحلوه.. يابعد الگلب
اتراب الگبر.. من اشتمه.. اشتم عطرچ.. ودموعي تصب
وحيدر من يمر
ما يحمل صبر
~
اليل عالفارگ احبابه يخلــــص بـغربــــه
ايطول وحسبات يگضي وساعته صعبه
حيدره بعدچ يزهره منكــــسر گلــــــــبه
وناري ماتــهـده بــغيابـچ والله مــلتهبــه
دمع الحزن.. چوه اخدودي..يالمظلومه.. وامصابج كلف
دمع الحزن.. هوه الشاهد..راكع امشي..وضهري منخسف

دمعي ايصب جمر
ما يحمل صــــــــبر
~
عاهديتچ ماعــوفچ واقــــــره قراني
گبرچ اصبح يالزچيه بيتي الثانــــــي
ومثل بيتچ رايح ابني خيمه لحزاني
يالرحيلچ هدم حيلي ومحني خلاني
بيتچ فرغ.. ولمن ارجع.. زينب تنشد.. وين امي مشت
بيتچ فرغ.. وكل حيطانه..ابهاي الليله..وي زينب بجت
شيخلص العمر
ما يحمل صبر
~
جيت انشدچ على اوليدي محسن شلونه
ابيا كـــــتر ابنــي يفاطـــــم نامت عيونـه
بعده مامـولـود وابطـــنج يعـصرونــه
حتى لوكبران هم بالــــطف يذبـحونه

طير الجنه .. ابني المحسن..طالع مثلي..طلك دنيته
طيرالجنه.. .. ازغير اجناحه..وكسرة ضلعج..هيه الكسرته

طير ابلا گبر
ما يحمل صبر
~
ماتلمنــي عگب عينـــچ دار يالـــبضعه
ظلمه منبعدچ اسنيني وانطفت شمعه
وانتِ تدرين بعلي بس الوفه طـبعـــــه
والحزن بعدچ خليلي واعشگ الدمــعه

شلي بدنيتي.. من عفتيني.. وماحسبتي.. ماظلي وطن
شلي بدنيتي.. وصارت غربه.. هاي الدنيا.. وعيوني انعمن

وحالي مايسر
ما يحمل صبر
~

حيدر بشار الدراجي

@HxzEU1
#قناه_نشر_القصائد_المنبريه
#الناشر_مصطفى_المياحي

ليش ما دافع علي عن الزجيه
من هجم عالدار ذاك ابن البغيه
..............
ليش ما دافع علي هذا العــجــيب
شلون يقبل عالزجيه يطـب غريب
هل ســـؤال تـكرر ولابــــد نجــيب


علــــي مـا دافـع لان
موصى عن ثاني وثن
علي سلطان الزمن يالتسألون
ما غفل عن فاطمه
موصى من رب السمه
حيدره خوش زلمه وانتو تدرون

شنو عاف الزجيه
علي عنده وصيه
كلام بلايه معنى
يا اولاد الرعيه

ليش ما دافع علي عن الزجيه
من هجم عالدار ذاك ابن البغيه
.............................
كم زنــيم يـردد بهــاي ويكــــول
ليش ما دافـع علـــي عـــن البتول
نعم يدري موصى من عند الرسول

يسأل وهـذا الجواب
خله أنفه عله التراب
والدفع بجفوفه باب داسه ابو تراب
من اجه تعدى الحدود
طبع جفه عله الخدود
وذكره المن يعود.      لارذل انساب


علي من جابه حذره
جلس فوك عله صدره
علي ومزق ثيابه. 
  وترك بخدوده سطره
ليش ما دافع علي عن الزجيه
من هجم عالدار ذاك ابن البغيه
.............................
ناس تسأل حگــهـم بهذا الـــســؤال
وحنه هــم نـجــاوب بلايه مُــحــال
علي يضرب لجن يضرب بس رجال

بلا حجي ولا ثرثره
علي ما يضرب مره
هاي شيمة حيدره يضرب الرجال
تسأل ومالك فهم
مجانه بس ويَ الزلم
بالحرب حيدر علم. يلوى الجبال



نعم هاي الحقيقه
علي فوگ الخليقه
علي تجلى بصفاته
علي اعظم وثيقه
ليش ما دافع علي عن الزجيه
من هجم عالدار ذاك ابن البغيه
.....................
موصى يصبر عن ابن خير اللئام 
علي يصبر والــصبر ديــن الأمام
هذا كله الصـار ونكــف الـكـــلام

سمـعو يا ديـن العهـر
ربنه اوصى بهل صبر
والصــبر ابــلــغ نصر من السلاح
هـيج ديــن الله نزل
وبي قنع خير العمل
بالتقُىٰ المولى وصل مو بالصياح



اهـــم وبــلغ اجـابه
علي تحمل مصابه
حمل كــل الـجــراله
ودفن زهره بترابه
ليش ما دافع علي عن الزجيه
من هجم عالدار ذاك ابن البغيه

حسن يونس التميمي 📝🖊️

@HxzEU1
#قناه_نشر_القصائد_المنبريه
#الناشر_مصطفى_المياحي

ماتت امي وماتت اوياهه حياتي
ماتت وعافت جروح بكد صلاتي

.......
راحت امن ايدي الي جانت بلسم اجروحي
وبية عافت نار تسعر تاكل بروحي
كلشي بية ايصيح يمه انهدت اصروحي
من بعدهه رافكَتني دمعتي ونوحي

راحت وانه انطفت كل امنياتي
.......
الماتت امه بساعه يكبر تركض اسنينه
ينحني ظهره ودموعه تكثر بعينه
فرحه ما تبقى بحياته بعد الاحنينه
ليله يخلص بالبواجي ونوحه واونينه

وانه بعد امي بقت بس ذكرياتي

......
ينطفي البيت ابغياب ام ابيته معروفه
موحش يصير ويسكنه الحزن ويطوفه
ايساعده الله الامه ماتت تنشف اجروفه
حاله ميسر لا صديق ولاعدو يشوفه

هذا حالي والمدامع شاهداتي
......
بية يشعر كلمن امه ماتت ابزغره
لليتم يصبح أسير ومحد يعبره
اشحال اذا جانت الامه فاطمه الزهره
ايموت كبل الموت مو مره الف مره

كلشي بية ايصيح يايمه الوفاتي
.......
بعمر ست سنين انه وفاركيت امي
شيعتهه بخدهه سطرة والضلع مدمي
العني ينشد ياهو اني وينشد اعله اسمي
الحسن انه الما وصل واحد ابد همي

جبدي مسموم وعلى امي نايباتي
......

كلمات
موسى الخادم

@HxzEU1
#قناه_نشر_القصائد_المنبريه
#الناشر_مصطفى_المياحي

موشح

الـلـه يـلـعـن كـل زنـيـم ونـاصـبـي
الجاب نيرانه واجـه البنت الـنـبـي

*------------------------*--------------------*

الـلـه يـلـعـنـهـم لـعـن عـاد وثـمـود
عـبـرو ابـحـقـادهـم كــل الـحـدود
خانـوا الهادي ابـغـيـابـه والـعـهـود

صاح شيطـان العـصـابـه اتـعـذّبـي

*-------------------------*------------------*

اقصد اصحاب السقيفه بـهـل أمـر
ادمـوع فاطـم مـن تـئـآمرهم حمـر
اثمنطعش ونـبـاگـت اسنين العمـر

والخبـيث ايـگـلـهـه اخـذ مـطـلـبـي

*----------------------*---------------------*

راحـت ام حـسـيـن بـلـهَـم وألألـم
حتى مـحسـنـهـه جنين وما سـلـم
اشحال حيـدر بالوديعـه مـن عِلـم

طاح محسنهه ورفـسـهـه الاجـنبـي

*---------------------*-------------------*

اشگد ابو الحملات من يمهم حمـل
شيّبو راس الـوصـي خـيـر الـعـمـل
يـوم مـاتـت فـاطـمـه مـات الأمـل

اشلون گلبه بهل مصاب الـطـالبـي

*-----------------------*---------------------*

حـرگـوا الـبـاب الـطـهـر وبلا سـبـب
وأن صاح افلان مـجـهـول الـنـسـب
ماحسـب قـدر الـزچـيـه مـا حـسـب

شـرّع ابـفـعـالــه لـلـدم والـســبــي

*-----------------------*------------------*

امنل سقيفه الـكـربـلـه الـعـاده جـرت
الـبيـهـه اصحـاب الـضلالـه اجـاسـرت
هـيـه نـفـس الـنـار بالـخـيـمـه سـرت

وبالطفوف اهـنـاك وصـلـت لـلـعـبـي

*-----------------------*------------------*


✍خادم الزهراء (ع)
الشاعر رعد الجريخي

عالعدلين عالميتين - أبجي لو عليه
تالي الليل أم حسين - أدفـــنها بديه
نصين أكسرت ضهري
جا مو هــيج يادهري
*********
1= بين أصدك مـــا أصدك - رايح أدفــنها الحنينه
هاي أول مـــره صارت - حيدر يـــجذبها عينه
حيلي قـــالع باب خيبر - راد بس واحد يعــينه
تكول مو جثمان شايل - جــني شايلها المدينه
------------------
يا سلـــمان أمشي وياي - ساعدني بدفنها
أجدامي أثكال ما تمشيش - مثل الميته جنها
نهران الدمع تجـــري
جا مو هيج يادهـــري







2= ماخــذ التابوت أشيعه - مدري هوه الشيعاني
عالمــتون أفــياي بيــتي - مـــاشي أدفننه شأجاني
وياي كلب الزهره يحجي - للكلب قــــــربت أذاني
والحنان الــــــما لكيته - ضيعيته أو ضــــيعاني
-------------
براسي وكلبي يركض شيب - مهضوم وغزاني
كلبي أيـودي ضل ويجيب - أيام الـــفاركني
شأكل الروحي ماأدري
جا مو هيج يادهري
**********
3= جانــت الزهره شريعه - وعالنهر مجاراها زايد
والنـبع مات بهجرها - ومن بعـدها الماي راجد
راحت أم بيتي وحجيها - بعــده بين عيوني كاعد
أنه مافاكــــــــد الزهره - أنه جني عـــــــيون فاكد
---------------
أول تالي أبو الحملات - ما يندل طريجه
يابس كلبه مــن الشوك - ما ينبلع ريجه
شصبر ما نفع صبري
جا مو هيج يادهـري

4= فـكـد فــاطم لاح كلبي - وكامت أسراري أتـطشر
ومن وراها أيام عمري - شجره وبـــــــريح أتكسر
عله شوفــتها العزيزه - ضلت عــــــيوني أتحسر
للسكوت أيــميل طبعي - الجان مو هـــــــيج وتغيير
----------
ماضل للعــصاري أفــــياي - حركتني شمسها
روحي ماتريد الـــــــيوم - تشتاك الأمــسها
حيره تحــيرت بأمري
جا مو هيج ياعمري











5= الجنت أموت عليها ماتت - جرحي ضل مفتوح بابه
ياحجيها الـــغاب عني - ياكل بروحي بغـــيابه
عندي ما تسوه حياتي - الزهره نامت بالترابه
وباجر أبنيــــتها زينب - أتبات أويلي بالخرابه
------------------
نحرك خل يستعد يحسين - باجر للـــبواتر
أدري بصــــدرك أتانيه - بالطف الحوافر
أمرك مصعبه وأمري
جا مو هيج يادهري
*********
عبد الجليل المالكي

اخ ضـلـعـي
مـات كـلـشـي بـروحـي مـن كـالـولـي اطـلـعـي
وانـه بـيـنـي وبـيـنـهـم جـانـت مـسـافـه
دفـعـو الـبـاب اعلـى طـولـي ابـكـل صـلافـه
وكمت احـشـم ويـنـهـم ويـنـهـم اهـل الـكـلافـه
صـوت مـاكـو حـيـل مـاكـو
رحـمـه مـاكـو غـيـره مـاكـو
شـحـجـي وانـه بـطـرك دمـعـي
اخ ضـلـعـي
ويـن عـودج
ويـن عـودج صـيـحـو وانـه بـوكـفـتـي
حـرمـه والـحـيـطـان بـاكـت كـل كـشـخـتـي
اه مـن جـرحـي وكـسـرتـي
ردت اكـوم وكـتـلـو ابـطـنـي ضـحـكـتـي
ادوهـنـت والـمـوت اخـذنـي
روحـي طـلعـت مـن دفـعـنـي
ذبـح حـيـلي وحـيـرانـي وفـوكـهـه يـصـيـح اسـمـعـي
اخ ضـلـعـي
جـفـوفـي يـبـسـت
جـفـوفـي يـبـسـت وغـطـه لـون جـفـوفـي نـزفـي وعـمـيـه نـار الـبـاب حـمـره شـلـون اطـفـي
١٨ صـارن رمـاد
اسـود الـبـسـمـار والـنـيـه سـواد
مـدري ويـن الـكـه ضـمـاد
فـضـه سـنـديـلـي اعـلـى هـونـج
هـاي وادم تـكـره الله وجـفـهـه حـاد
وانـه نـيـتـي بـيـضـه كـلـش
نـيـتـي ابـنـي مـا افـلـش
دولـبـونـي وعـذبـونـي
مـن الـرفـس مـاشـوف اصـبـعـي
اخ ضـلـعـي
ابـداري طـبـو
ابـداري طـبـو والـحـجـي يـمـوت الـخـواطـر
شـيـبـونـي و مـر حـجـيـهـم جـنـه حـافـر
كـون مـيـتـه ولا سـمـعـتـه
شـتـمـونـي ومـا جـرعـتـه
ضـحـكـو كـبـالـي وضـحكـهـم فـززانـي
والـ وان جـرحـت اذانـي
تـعـبـونـي وسـلـبـو بـيـدر حـنـانـي
وحـيـل تـعـبـنـي زمـانـي
مـدري انـوحـن مـدري ادعـي
اخ ضـلـعـي
كـلـبـي شـيـب
كـلـبـي شـيـب يـا مـره الـذبـحـو ضـواهـه
ويـا مـره الـكـتـلـو ابــنـهـه ابـلا رضـاهـه
يـاهـي مـثـلي وانـه ريـحـانـة مـحـمـد
طـولي مـو مـبـرد يـوادم طـولـي مـعـضـد
مـن درت صـطـرونـي عـالخـد
وانـه ريـحـانـة مـحـمـد
اشـهـل بـلـيـه
طـبـكـو الـبـاب عـلـى اديـه
يـا حـمـيـه بـلا حـمـيـه
شـكـد صـحـت وشـكـد كـلـت انـه الـزجـيـه
رغـم كـل هـذا الـصـيـاح الـخـنـك سـمـعـي
اخ ضـلـعـي
لـيـلـه ضـلـمـه
لـيـلـه ضـلـمـه ومـدري بـيـش اكـتـم ضـيـاعـي
كـلـي دم مـاكـدر احـجـي والـجـروح تـريـد سـاعـي
جـتفـت شـوفـي المـصـيبـه كـوه اجـر نفـسي وكـابـر
انـهـطـر بـخـيـالـي اخـاف وتـنـذبـح كـل الـمـشـاعـر
ابـد مـاعـدهـم ضـمـايـر
نـزعـو الـمـسـتـحـه ابـيـتـي
وشـتـتـو كـل الـخـواطـر
جـنـت مـلـتـهـيـه بـصـلاتـي
الـتـمـو بـسـاعـة سـجـودي ومـوتـو كـل امـنـيـاتـي
الـجـذوع ارمـاح جـنـهـه يـاهـو الـيـلـم انـشـتـاتـي
روحـي مـهـضـومه بـحـزنـهـه صـارت اسـود مـن عـبـاتـي
انـحـنـيـت وثـكـل جـدمـي
تـمـايـلـت مـن كـبـر هـمـي
فـجـأه فـاجـأنـي انـكـسـاري وانـهـدم كـل ذاكَ عـزمـي
بـيـش اجـلـب والـمـنـيـه جـنـهـه يـلـه تـكـلـي ودعـي
اخ ضلعي

✍🏻طوعـه انـور الـسهـلانـي

الابوذيه:
الزهره الـبـاري عـالوادم فـضّلـهــا
وگلب كل جعفري صاير فضه اله
مـثـل الـخـيمه غـطانـه فـضلهـــه
وكرمهه اهواي مولاتـي الزچـــيه
~


الليالي بالحــزن والألم دارن
ودمعــاتي على الغالين دارن
ياوسفه العده ايحرگون داراً
بيها المرتضى وبيها الزچــيه

حيدر بشار الدراجي

يافـــاطمه - تارس هواج عيوني
أسمج حلم - من عنده ماندهوني
----------------------------------
1= يــــمــولاتي - عــــشك ذاتي
يأخــــــرتي - ويدنـــــــياتي
أذكر أسمج أنكال مـــن يوم الولاده
بحساس يزهراء صار أسمج عباده
حبج زرعــته الروح بالشده حصاده
-----------------------------------
مالي غرض - خلي البعض يهجوني
أسمج حلم - من عــنده ماندهوني
*******
2= أحب أسمج - هوه أشتمج
حلم عمري - بعــــد يــمج
أرواقي والسنين بـــيدج قــــدمــــتها
مثل حروف الأملاء فاطم رتــــــبتها
شفــــتج جنه والـنار أصلا ما شفتها
---------------------------------------
بأم الحسن -- لا ماتخيب ضنوني
أسمج حلم -- من عنده ماندهوني

3= أشب كاغــــد - أرد بـــارد
أذا أمــشي - بعزه كاعـد
أدخل جني محروك مولاتي لعزائج
ينزل عالكلب ماي يالـزهره ولا ئج
يأتي عــبر الدموع لسماعي ندائج
-----------------------------
والخدمتج - وأنه طــفل نذروني
أسمج حلم - من عنده ماندهوني
**********
4= أمــد أيدي -- بتــقــالـــيدي
وتـــناديني -- هلا ولـــيدي
تفضل مني شتريد ما رجعها أيدك
بالدنيه ألك عون بالمحشر أفـيدك
مادامك أللي تريد ماعـوفك وأريدك
---------------------
خــيمه ألك -- تدلل وبعــــــيوني
أسمج حلم -- من عنده ماندهوني



5= أجي أمهدل -- أريد الــحل
ولا أنــــدل -- أرد أنــدل
أدخل للعـــزاءات بوصلة المحنه
والمنـــبر أحس بيه واحد من أهلنه
مشكوره يزهراء حـــــبج لم شملنه
-------------
ما أقــــتنع - لـــمن أورم متوني
أسمج حلم - من عنده ماندهوني
*******
عبد الجليل المالكي

((ياليالي الفاطميه))


المهدي أجه من الغاضريه
يمــــشي ودمــوعـــه دميه
وشـايل أچــفوفه ويــنادي
يـــــــا لـــيالـــي الفاطميه

"""""""""""""""""""""""""""""""""""''''''''''

ينادي .. جمـرتي شيطفيها
ينادي .. وأمي ويلي أعليها
ينادي .. لــوعه صارت بيها

جيت المجلس وأصرخ يمه
وأحزاني وياي
ياهو اليـــلطم خـده بحرگه
ودموعه هواي
وينه اليصرخ بـ أسم الزهره
ويبچي البلواي

هجــمو وحـــرگو دياري
وتــچوي ضلت بيه ناري
وآنه اجيت وگوه امــشي
عفت ابو السـجـاد عاري

"""""""""""""""""""""""""""""""""""''''''''''

هضيمه .. بـيتي طـاح أعليه
هضيمه .. وأمشي عالعوچيه
هضيمه .. حــيل مـاضل بيه

مثل أمي ومن تلطم هامه
وبخدها دموع
هم ألطم يـــاناس براسي
صدري الموجوع
بـــالباب وبالحافر صدري
مـكســور ضلوع

ضلعي مثل امي تكسر
وصدري بالــحافر توذر
هذا حـــالي وآنه غايب
وعالهزل مچتوفه خدر
"""""""""""""""""""""""""""""""""""''''''''''

وأتاني .. بدمعتي المذروفه
وأتاني .. شـيـعتـي بالكـوفه
وأتاني .. ويــاحلاةْ الشـوفه

كل خطوه امنمشيها بدعوه
ونصيح الثآر
ونعرف هذا ونــــعرف ذاكه
الهجمو عـالدار
ونــجـيب النـار وجـمـرتـها
احــچــي يـانار

احچــي يا نـــار الفجيعه
المهدي آنه وذولي شيعه
بـيـدمـن صــــرتي سـريه
ليــش مو هاي الــوديعه

"""""""""""""""""""""""""""""""""""''''''''''

مصيبه .. عايـش آنه أيامي
مصيبه .. والــجرح بحلامي
مصيبه .. هذا ابوي الضامي

مطروح ومســلوبه اهدمه
دامي وعريان
والــحافر يسحگ بضلوعه
آخ وعطشان
روحه ورده الخيل ادوسه
وگلبه اللهفان

طـــايح وثــوبـــه تسَلب
وهوه بـس يصيح زينب
و الـــــعقيله اتگله خويه
خويه والله الگلب شيب

"""""""""""""""""""""""""""""""""""''''''''''

غريبه .. يـــا غريبه شلونچ
غريبه .. عمه تبچي عيونچ
غريبه .. لـلــــغرب يردونچ

فوگ الهزله وتركض بيها
وأحبال الأيد
مــاتدري بيا ديره وديره
والدرب بعيد
زادت دمعـتها ولوعتها
والسوط إيريد

حزنچ إيغطي المسافه
عمه زينب يــا حسافه
عالـــهزله تاليها صرتي
وطبت الـشام الكلافه

عبد زينب
محمد الابراهيمي

@HxzEU1
#قناه_نشر_القصائد_المنبريه
#الناشر_مصطفى_المياحي

لحن
(الليالي الفاطميه)
بصوت
خادم الامام الحسين
ملا سيف اللامي
بغداد

مشتاگين   لذيچ  النظره
وچلمة يا يمه من الزهره
محتاجين الحظن الدافي
ليهسه حسينچ  ما غافي  مشتاگين

----------------------------------


محرومين    امن   الربتنه
الچانت  تعبانه    وشالتنه
راحت    للموت   وعافتنه
خلتنه  امنه   ومن  خلتنه
 
تعبانين  ،،   محرومين
يا زهراء  ،،  يم حسين

شحلاة   الوالده   ومحله  محاچيهه
الدار     بدونهه     لا   ما نظل  بيهه
يتراب       الگبر     لا  لا      تغطيهه
اخذنه  اعله اللحد بس هيه  خليهه

تعبانين     بلا      شوفتهه
نرتاح   بساعة    ضحكتهه
هاي امنه ام گليب الصافي
ليهسه  حسينچ   ما غافي  مشتاگين

-----------------------------------------

هونك      يا جناز    وتاني
لا تاخذ     حظن    الرباني
ما  تسمع    ونات  اخواني
ما  تدري بضيمي  ونيراني

تاني شواي  ،، گرب جاي
لا لتروح    ،،  فاطم هاي

نزل     الغاليه     وخلينه     نحظنهه
هاي   الوالده     الما    ينشبع   منهه
نضمهه     بروحنه   ومنريد   ندفنهه
راحت من  وكت  چنهه انتهت چنهه

ماتت   ايام    الحنيه
بنتچ هلظلت  محنيه
يا گلب الدونچ   متعافي
ليهسه حسينچ  ما غافي مشتاگين

---------------------------------


يا حيل    الرايح   تانينه
علتابوت    شگد   ونينه
ياهو الشوفتهه يرد بينه
ونعيش براحه    يخلينه 

يا جناز      ،،  آخ  اعزاز
امنه اليوم  ،،  اي  نعتاز

سولفنه  ويه  امنه   وهيه  ممدوده
ها  زهراء  وكتچ    بله     شيعوده ؟
يمه  ارواحنه  وي  اليمه   مشدوده
لا  تمشين    بيتچ    شابع     بروده

ما دافين    بلا  احضانچ
هاي التربه وهذا مچانچ
ظل  البيت  ونوره  الطافي
ليهسه  حسينچ     ما غافي مشتاگين


------------------------------------

سافر  يا حيل  وي احبابي
من  ترجع  لا  لتدگ   بابي
تدري بهذا الباب   امصابي
ارجع بس  ردني   الغيابي 


حيلي  هناك   ،،  دفنوه ذاك
منهه  انفاس  ،،  جيب وياك

خلف الله  اعله    شيلتهه   وعبايتهه
يجينه    الليل    وتنومنه     ريحتهه
بس  نشتاگ حيل    انريد    شبگتهه
احضر  يا  علي     چتاله      فرگتهه


الغرفتهه  الشوگ   ايودينه
نغمض ونحسهه اتشم بينه
تعبانه   وما    گالت   كافي
ليهسه   حسينچ    ما غافي  مشتاگين

------------------------------------


بيت     بلا صوتچ    منريده
يلغربتي    وصرتي     بعيده
العايش بعدچ شنهي  ايفيده
لا يمشي    ولا  يرفع    ايده

علغياب       ،،   ذاب  وذاب
لا ميعيش    ،،   صار اتراب


بسك    يا هوى   لا  لا تمر     بينه
ما  نگدر  نشمهه   انموت    خلينه
دمعنه اعله  الگبر  هوه   اليودينه
نروح  انرد  نفس همنه  وبواچينه


شده  الما تگدر  تحچيله
الما تبرد لو  دم   تبچيله
التعرف وياه لا   متوافي
ليهسه حسينچ  ما غافي  مشتاگين

كلمات الخادم /   رعد الفريجي
ثوابها الى روح والدتي  (الفاتحة )

@HxzEU1
#قناه_نشر_القصائد_المنبريه
#الناشر_مصطفى_المياحي

حنيتلچ   مدري  شكثر
من اذن  بوكت   الفجر
مشتاگلچ    مر   الصبر   يمه

--------------------------------------------

مو  سالفة     أم   وأبن
مو  سالفة  عين وجفن
انتي  الوجود  المندفن  والله

خليتي  عين   بلا ضوى 
تعبان   محتاجچ  دوى
مخنوگلچ وانتي  الهوى   والله

ما ينحمل ،،  يمه  الفراگ ادخيلچ
ما ينحمل  ،،  بيني الگبر  ما بينچ
وين اتجه  ،،  ضيعت شوف عيوني
وين اتجه  ،،  وين  الدرب    دلوني

دمعاتي  بغيابچ    جمر
من اذن  بوكت   الفجر
مشتاگلچ    مر   الصبر   يمه


----------------------------------------

تنام البشر  بس  آنه أظل
هذا  الوداع   الماله  حل
تايه   وآنه   بدار    الاهل   بلوه

تگومني   چلمة    يا علي 
واتوچه  ما ظل حيل ألي
ميته وأحس  ماتو    هلي  بلوه

يمه الالم   ،،  بالگلب    ياكل     بيه
يمه الالم   ،، خشبه ابوصط  جمريه
ما ظل حچي ،،  هذا   الدهر    سواهه
ما ظل حچي ،،  ضم ضحكتچ ضماهه

راح الدفو   وراح العمر
من اذن   بوكت   الفجر
مشتاگلچ    مر   الصبر   يمه

------------------------------------

ما نمت  ساعه   ولا هِدت
أذن     بچيت       وكبرت
بدموعي وين أمي صحت  حيره

حاچيني   مو  حيلي  إنهب 
تعبانه  ؟   لا  شنهي   التعب  ؟
نوم  الفجر    يمه   شعجب   حيره
 

حان الفرض ،،  السبحه وتربتچ هايه
حان الفرض ،،  واضلوعي  المصلايه
تحت الرمل  ،،   ما ينسمع تسبيحچ
تحت الرمل  ،،   گليلي  يمه  دخيلچ

آه   يا   دليلي   المنكسر
من اذن    بوكت   الفجر
مشتاگلچ      مر   الصبر   يمه

----------------------------------------

ما   ينحمل  يمه   البعد
توجعني  چلمة  ما  ترد
يم گعدتچ أوصل   وأرد  وينچ

واحظن  عباتچ  وانتچي
ويخلص بعيني    البچي
واحچيلچ وكل  الحچي  وينچ


ماتت تره  ،،  صوت الوداع أذاني
ماتت تره  ،،   جثه بنعش  خلاني
امك مشت ،،   شيرجع    المدفونه
امك مشت  ،،  آه  يا  اللهي  العونه

مو  شده  ايام      وتمر
من اذن    بوكت   الفجر
مشتاگلچ    مر    الصبر   يمه

----------------------------------------


راحت بقت بس اسئله
ليش  اليفارگ  أم   أله
يبچي  بسماع البسمله   صعبه

لن بيهه   يومه    اليبتدي
لو  صاحت الغالي  إولدي
يلطيبه  أگعدي     ورددي  صعبه

وين الحظن ؟ ،، وين الهلا  البعيونچ ؟
وين الحظن ؟  ،، مو مالت ايدفنونچ
عمري انتهى ،،   يا يمه    بس     رديلي
عمري انتهى ،،   خلصتي شوفي وحيلي


ظل     الونين    المستمر
من اذن    بوكت   الفجر
مشتاگلچ      مر   الصبر   يمه

كلمات الخادم  /    رعد الفريجي
ثوابها الى روح والدتي

@HxzEU1
#قناه_نشر_القصائد_المنبريه
#الناشر_مصطفى_المياحي

شوررر
........

بين اضلوعي يمه وضلعج الآم
وصيحة غالي يم غالي
انه اوياج نتشابهه بالجروح
وكلشي ابالج ابالي
بالبسمار انتي عمرج يضيع
وانه الرمح جتالي

كربله اشبع منهه طعنات
الحالي تظل تبجي السماوات
يمه اموتن وانه عطشان
و زينب تضل ابين  شمات

بعدج ما تضل روح
من هسه انه مذبوح
فوك احلامي مطروح
ودمي اكبالي مسفوح
.......


كل جرت نفس ترميج بسهام
وانه انفاسي افاركهه
بابج محترك يايمه بالنار
ونار اخيامي تحركهه
هاي الصورة اشوف ابطارف البال
وسوط ابنيتي لاحكهه

بعدج ييمه حالي يا حال
حزني اعله طولي امفصل افصال
فتحيلي عينج بيج ما بيج
لو بالنعش وياج انشال

اليدفن امه بتراب
يخلص ايامه بمصاب
يجيبه وياخذه أعتاب
وتظل عينه على الباب
.........
بين الباب والحايط دمه يسيل
تنظر عيني يايمه
كل ما التفت كدامي الكاج
ويه احزانج امحزمه
كضيتي ايامج اعله الونه والاه
ليل انهار متألمه

ارتاحي يمه وغمضي العين
ما شفتي راحه ابهاي الاسنين
مو سهل يمه افراكج الموت
من عندي ياخذ يمه روحين

بعدج ظلمه دنياي
كعدي وسولفي اوياي
عطشانه الج عيناي
مثل ما اعطش الماي
.......
ما حسبت اودعج يمه للموت
لا عالبال ابد جانت
جنت احسب سوية الكربله انروح
بس احلامي ما صارت
الي مكتوب اروح الكربله اوحيد
ومن هسه الأخت حارت

يا يمه باجر كربله تريد
تكطع وريدي وكبرج بعيد
تحتاجج ابنياتي الاصغار
وزينب أخيتي المالهه اعضيد

تبقى ابوليت الكوم
وانه بذبح ملزوم
علي سيف العده يحوم
ومن ملكاج محروم
.......
باجر أبني عبدالله يذبحون
وانه انظرله بعيوني
مثل المحسن اوليدج يزهراء
ابموت اوليدي ياذوني
تنعاد القصص باجر بالطفوف
ساعة ما يذبحوني

حركة الباب وحرك الاخيام
وبسمارج ورشكات الاسهام
يتشابهن وأدموع الاصغار
بس اختلاف بطبت الشام

جبيره طبت السوك
على اخت الجسمه مسحوك
غريبه وصاعده النوك
ومنهه الحيل مبيوك
.......

كلمات
موسى الخادم

@HxzEU1
#قناه_نشر_القصائد_المنبريه
#الناشر_مصطفى_المياحي

لاتحسبن رقصي بينكم طربا

فالطير يرقص مذبوحا من الالم

واني حسين ذابحني والوج اعليه

ومثل الطير اذا سچينه مرت بيه

اكمز جمرتي جوه الضلع تچويه

ماتعرفني يالبطران

وسولف كلها عدها اللسان

الجارحني ولا مر بيك

جرحي المنذبح عطشان

من الكفه امثلث يطر گلبه

ضامي وسليب ومحد ايشربه

والحافر إِيروح إويِجي ايكلبه

///////////////////////

ابقى اهل دمعي جمرةً لهبا

فالنوح يكثر مرحوما على الخيمِ

الخيمه وبيها زينب توج بالنيران

عله هاي المصيبه كون اموت الآن

عندي منذبح و مسلب وعريان

احس راسه ينكط دم

وبذني صوت المخَيَّم

وبالخيمه عله الدخان

وريتي بالحرگ تشتم

وجمر العقيله ابضلعي يچويني

طلعت تِدَوِر خنصر حسيني

اتگله لون خويه عمت عيني

///////////////////

هذا حسينُ ضامي قطعَ اربا

والعين تجري دموعا من الدم

والعباس عينه طاحت ابچفه

هو اشراد راد منل نهر غرفه

اكو شچم نار بيه وابد ماتطفه

زينب شارده من النار

تركض لو تطفي ازغار

ولا ماي الاكو اترشه

احتركوا والدليل احتار

إلمن تطفي وياهو الي اتطلعه

جوه الحوافر منكسر ضلعه

ابهيده يحرك شفافه متسمعه

///////////////////////////

لاتحسبن قولي انكم عربا

والجيش يهجم فرحانا على الحرم

بالخيمه اشبقه بس هندس اوحشه

زينب دورت شي رادت اتفرشه

لخد حسين حار الرمل ويهرشه

شلون اعلَ الترابه اينام

وزينب رايحه للشام

ومامش وصله من خيمه

بس ارماد موش اخيام

متروسه چانت من بني هاشم

وبيها الحسين وخيرة الوادم

وانطفت بيها شمعت القاسم

////////////////////

لايخرجن نسوه بيكم عجبا

للالَ تخرج ارباباً من القيم

وطلعت زينب ومستحيه مهظومه

وتمشي امچتفه ابمشيتها ملچومه

ومخليَّه اخو متسَلِبَه اهدومه

وخلت كافل امكطع

كالت خويه ماتسمع

دكوا طبل والهوسات

وانه منل خيم اطلع

خويه الخجل عباس كاتلني

هذا يصدني وذاك يشتمني

وازرك تراهو منل ظرب متني

/////////////////////


نسالكم الدعاء

احمد الطيب الحلي

@HxzEU1
#قناه_نشر_القصائد_المنبريه
#الناشر_مصطفى_المياحي

يحسين الكبر ضيگ وريدنك
مو تنساني بدمعاتي احلفنك
———-
انه الگضيت عمري بمجلسك كاعد
جي ليلة الوحشه وياي متواعد
يبو كلب الحنين الما طرد واحد

اول ليله كون وياي اشوفنك
—————-
ضلمه المكبره ومامش عرف بيهه
بس دمعة مجالسكم تضويهه
تنسه اصويجبك ما ظن تسويهه

صح مذنب ولاجن حيل احبنك
———
هنياله اليشوفك ليلته الاولى
خاف المثلي باجر ما تروحوله
تنكر خادمك يحسين معقوله

ماتنطي بصديجك والله اعرفنك
——————
منك ابتعد وانت التجر إيدي
حنين ومن اجيك تكلي يوليدي
ما احسب ليالي الفرحتي وعيدي

بس احسب ليالي الشهرك وحزنك
—————-
يا واهس دمعتي وفرحتي وحزني
اجيلك منهضم وارجع ولا جني
وين الگالي واحد مثلك يحبني

يل مدللني وانه اذنب وازعلنك
—————
خدمتك مو لاجل شهره ولاجل سمعه
لگيتك تسوه عيني شما بجت دمعه
اليمي ايسولف بغيرك ولا اسمعه

غمهه السالفه الما بيهه اسمعنك
—————-
انت اول جرح من تنلجم تنحب
ساتر دنيا وانت اعله الثره امسلب
احلفك بالغريبه ام الحزن زينب

تحضرني الگبر ضيگ واريدنك
—————

الخادم موسى البطلي

@HxzEU1
#قناه_نشر_القصائد_المنبريه
#الناشر_مصطفى_المياحي

الحسن ناده ياحسين.
راحت الزهره.
گلب ابونه اشگد حزين.
راحت الزهره.

بلاية ام زينب حزينه.
يصعب افراگ الحنينه.
راحت الزهره
،،،،،،،،،،،،،،،،،،١،،،،،،،،،،،،،
راحت الچانت دوه
واختلف طعم الهوه
الچانت اتلمنه سوه.
راح تمشي للگبر.

شصاير بحال الحسن
چبده من هسه انطحن.
عيون امه غمضن.
ظل يتيم من الزغر.

علي مكسور الظهر.
مثل ابنه ال علنهر
كوكب امفارگ گمر.
تمطر عيونه شذر.

سيدة كل النساء.
اعداهه ظلموهه.
مثل ابنهه بكربلاء
. اعداهه ظلموهه.

الأم لهله اعظم سفينه.
يصعب افراگ الحنينه راحت الزهره
،،،،،،،،،،،،،،،،٢،،،،،،،،،،،،
الحسن يعلم بالظلع.
حسين اله ظل يستمع
كل سوالفهم دمع.
هدت اركان السمة.

ايگله يحسين الكسر.
بالظلوع البصدر
واكو بسمار بكتر .
گلب أمي فاطمة

امي شمسويه وظلم.
شاهدت من الخصم.
امنه هم ماعدهه ام.
وراح ابوهه العالمه.

بيدهه اصياط العذاب. لسه مطبوعه.
بخدهه ايد الدفع باب.
لسه مطبوعه.

بعد ما ظنهه تجينه.
يصعب افراگ الحنينه
راحت الزهره.
،،،،،،،،، ،،،،،،،،،،٣،،،،،،،،،،،،،
ينهض شلون الولي.
علي ناده ياعلي
تنطفي شمعة هلي
وتشمت بحالي العده.

وسفه فاطم تنغدر
التقره قرآن الفجر.
العاشت اوياي العمر
اگبال عيني امدده

تاملت زينب ترد
امهه البعمر الورد
اتگلهه أكعدي وچفي أمد.
ليش ايدچ باريده.


اتگلهه گومي الصبح صار. ياضوه عيوني.
بعدچ ايموت النهار.
ياضوه عيوني.

ازغيره ليش اتودعينه.
يصعب افراگ الحنينه
،،،،،،،،،،،،،،،،،،،،٤،،،،،،،،،،،
علي اخذهه للگبر
اعليهه ظل يبچي الصبر
هالظلع ماينجبر.
خله حسره بكل گلب.

بليله ظلمه اتشيعت
فاطمه عنهم مشت
شكثر زينب حشمت.
اعليهه ضلت تنتحب.

النور هلدنيا انطفه
والگبر ليش اختفه
هالجرح ما اله شفه.
والدموع اتظل تصب.

بگلب كل مؤمن جريح. تسعر الجمره
ليش ماعدها ضريح.
فاطمة الزهره.

على الزهره اشگد بچينه.
يصعب افراگ الحنينه.
راحت الزهره
،،،،،،،،،،،،،،،،،٥،،،،،،،،،،،،،،
شيشفي بسمار الگلب
هالالم يبقى صعب.
انعزي غايب بالغرب.
نعزي امام المنتظر.

طاحت امه من الالم
مثل ماطاح العلم
وراس عباس انهشم.
انهشم ظلع من انعصر.

عينهه الحمره مثل.
عين عباس النفل
جروحهه الماتنحمل.
انعادن اگبال النهر

من أثر باب الدماء
ينولد طف البلاء

يسبي زينب وي سكينه.
يصعب افراگ الحنينه راحت الزهره
،،،،،،،،،،،،،،،،،،،،،،،،،،،،،،

حيدر موسى الرميثي

@HxzEU1
#قناه_نشر_القصائد_المنبريه
#الناشر_مصطفى_المياحي

للرواية الثانية لشهادة الزهراء عليها السلام على طور (اوكف الك مادحه) لملا باسم

يم باب ام الحسن .. نار وزلم نار وزلم
وبرفسه صَدر انطحن.. لا مو حِلم لا مو حِلم
والحَطَب يتوجر .. رَادَو حَرِك
الزهره وي حيدر .. مِن العِرِك
............
ليل المصايب دهر .. والدمع لو هَل نَهَر
احسب جروحي شِجَر .. ويه الجروح البل الهوى

هالليله منهو الرِضَه .. بكسر الضلع لو رَّضَّه
مو خبر جان ومُضَه .. كسر القلب ماله دِوه

والدمعه تِحرِك جِفِن .. اي صوت بيهه تِوِن
وثياب من الحِزِن .. تِطفِي الشمس ويه الضوه

بنار الكلب يحتِرِك .. كل الزَمن كل الزَمن
دمعتي بعيني تِدِك .. بين المِحَن بين المِحَن
وايام البعيني .. كِلهَه صِدِك
الزهره وي حيدر .. من العِرِك
............
لازم يبايع علي .. بعد النبي مو ولي
بالحقد مَملِي مَلِي .. كلب الي خَالَف حيدره

لو جان كِلَّه جَرِح .. بلا بيعه لو ينذِبِح
لو حتى جان الصُبِح .. كالو تَرَه الزهره مَرَه

لا بيعه جَانَت إله .. ينذبح هو وهَلَه
لانبي إله بعد أُوصِلَه .. وهذا الحطب وشمكثره

ويَّاهُم الكُل فِزَع .. لآل النبي لآل النبي
حَبل المَوَّدَّه انكطع .. ابغض الولي ابغض الولي
مو الله آمِرنَه .. مانِفتِرِك
الزهره وي حيدر .. من العِرِك
............
جابو حطبهم واجَو .. والزهره جَّوَّه دِرَو
بحقد الكلب واشعِلَو .. نار التِوِج حِقد وحَسَد

أَشَّر عليهم وِمَه .. كلبه الثاني بضِمَه
حِركُو وإن فاطمه .. ان جان حيدر بَعَد

فرحان حيل النَذِل .. وسيُوف يَّمَّه تِهِل
العتره جَتِلهُم سَهِل .. حقد الكلب عنده صِعَد

يوم الغدير إنِسَّه .. بكرسي الحكم بكرسي الحكم
بالشَّر صِدِك مَدرسه .. ماظل يِضُم ماظل يِضُم

كَصَّوهه للنَخله .. وطاح العِثِك
الزهره وي حيدر .. من العِرِك
............
رفسو الباب ابرَفِس .. يعصُرهَه حتى النَفِس
ويلي عالزهره اشتحس..باب الكِسَر ثِكلَّه الضِلِع

حايط وباب الرَحَه .. تطحن بلا مسحته
كلبي النبي تِجرَحه .. من كَبره ون الينسِمِع

سِطرَو عيون ام حسن .. بيديهه سوط المحن
والضلع حيل انطحن .. بالحايط وباب ورَبِع

جم مره بيهه اندفع .. بأم الحسن بأم الحسن
حقد الي بيهم طلع .. هواي الاجن هواي الاجن
والحطب جن لَسَّه .. ظَل يِعتِلِك
الزهره وي حيدر .. من العِرِك
............
محسن المات بغَدُر .. مذبوح وبلا عِذُر
مو يَمَّه ذاب الصَبُر .. لا رحمه عدهم لا شَرَف

اليبغض علي بن زِنَه .. حجيي النبي مو أَنَه
الداس بابه ودِنَه .. بي مشكله بأصله انعرف

الساكت جبان وقِبَل .. يترَّضَى لام الجَمَل
من علي ماظل خَجل ..والبعض شيعي انوصف

ايجامل بدم وضِلِع .. اكبر ذنب اكبر ذنب
والزلمه لو مو سَبِع .. ماينعتِب ماينعتِب

جن هَوَى بيدينه .. وهَّم ينصِفِك
الزهره وي حيدر .. من العِرِك
............
ابو

مريم الاسدي ..
20/10/2025

@HxzEU1
#قناه_نشر_القصائد_المنبريه
#الناشر_مصطفى_المياحي ..

العنة الله على قاتليك فاطمه

ــــــــــــــــــــــــــــــــــــــــــــــــــــــــــــــــــــــ

الله يلعن مــــــن حرك باب البتول
شنهي باجر عـــذره للباري شيكول
السطر خد الزهرة شيفيده اعتذار
غير نــــــــــار الحاطمه لا ما ينول


غـــــدا بسمار اليشهد عله الصار
الحــرك باب الزهرة خنيث وعار
غــــــدا ربنه يصلب امام الناس
الشــــــعل دار العتره يشعله بنار


لعنة الله على قاتليك فاطمه

ــــــــــــــــــــــــــــــــــــــــــــــــــــــــــــــــــــــ

هل سوال مــــــــــوجه لهل العلم
ليش صــــوت الضلع رادو ينكتم
انه راح احجيها طك بطك وكول
ماخــــــــــاف وراح اذكر بالأسم


عمر هــــوه القاتل قسم بالله
وليجامل هـــــاذه يصير وياه
السكت والجاملهم تره مئثوم
غــــدا سوفه يلقا عذاب الله

العنة الله على قاتليك فاطمه

ــــــــــــــــــــــــــــــــــــــــــــــــــــــــــــــــــــــ

من عمر وتباعه انــــــــه أعلن براء
الحقيقه هــــــــاي مو شعر وهجاء
هوه اليطك حرمه هم يتسمه حيد
زلمه مـــــاحسبه وحك رب السماء


على الزلم ينــــعد فشل والله
وذكـــــــرنه بخيبر اذا ينساه
اليكلي بالحومه شجاع وحيد
ذكــــــــــــرنه بهدمه لمن ذباه


العنة الله على قاتليك فاطمه

ــــــــــــــــــــــــــــــــــــــــــــــــــــــــــــــــــــــ

الزلمه مـــــــــــــــن يهد يكابل زلمه
موش يتــــــمراجل يضل عل حرمه
الزلم تحجي افعالها بوكت الحروب
وهوه وكـــــــت الحرب ينزع هدمه


جبان وماكـــــــــــــابل علي مره
لــــــــون يشرد حكه تره انعذره
لئن يدري بحيدر ابـــــــد ميهاب
مثل شطرت خيبر علي يشطره


العنة الله على قاتليك فاطمه
ــــــــــــــــــــــــــــــــــــــــــــــــــــــــــــــــــــــ



حسين عبد الزهرة الدراجي

((كلميني))

كلميــني حتى لو ميته آنه حـيدر كلميني
كلميـني هلبت ايسكن و لو لـحضه ونيني
كلميني وراح أتـــاني ابابنه هلبت تجيـني

و لو بـس چــلمةّ (علي) گـليلي
و يـاچ راح ادفن عيوني وحيلي
عفتي جرحي بطولي يشبه ليلي
اخــذي روحي الــخاطري رديلي

فاطمه .. انتي بس فكيلي عينچ
فاطمه .. آنـه ضـايع وانتـي وينچ
فاطمه .. آنه حيدر حركي ادينچ

فاطمه فاطمه ...

"""""""""""""""""""""""""""""""""""''''''''''

شو سكتي وين چفچ خل ينشفلي دمعتي
شو سكتي آنه أحچي وياچ وصريخ بعبرتي
شو سكتي يتمتيني يــــفاطم ويـــن رحتي

فـتـحي عـيـنچ خلي تبرد عيني
نـــار بــيـه يــالـسـمـعـتـي ونيني
روحي شابت فاطمه ويه سنيني
يــا هـو يتـرس خـلـتچ حـاچيني

فاطمه .. غفلله من عندي مشيتي
فاطمه .. ليش مــا گلتي وحچيتي
فاطمه .. يـــــــاضلام الحاط بيتي

فاطمه فاطمه ...

"""""""""""""""""""""""""""""""""""''''''''''

ياهو ألنه وعفتي روحي بفرگتچ مـحزونه
ياهو ألنه فــاطــمه زيــنب تــرى زغـيرونه
ياهو ألنه عيونه حمره الحسن هيچ عيونه

يـا غــربــتي بفرگتچ چن ضايع
مــحــد يــســلـم عَليّ بــشــارع
ومال حملي يــالعــزيــزه اواگـع
وجفني حتى بنومتي ظل دامع

فاطمه .. كلميني وشوفي حالي
فاطمه .. جاي نبچي آنه وعّيالي
فاطمه .. غـــــربه ماواحد بقالي

فاطمه فاطمه ...

"""""""""""""""""""""""""""""""""""''''''''''

غربه عايش ساكن البيت ودمعتي بطولي
غربه عايش حتى صحباني بــعد ماجولي
غربه عايش شلون اسكتهم اعيالچ گولي

كـلـهـم يـونـون وآنـه شـبيدي
حـتى دمـي نـاشـف البوريدي
يافرحتي ليش رحتي وعيدي
وهيچ عايش فاطمه لوحيدي

فاطمه .. گــلبي بــفـــراگچ يويله
فاطمه .. مـــاسكت جرحه يسيله
فاطمه .. شلون اذا تبچي العقيله

فاطمه فاطمه ...

"""""""""""""""""""""""""""""""""""''''''''''

متنه وحشه فرگتــــچ فرگت محمد للمدينه
متنه وحشه والدمـــع يرسم محطاته الحزينه
متنه وحشه لون الاسود صار شو لايگ علينه

والخليل ايظل حياته مواعد
يا خليلي و گـلبي گايم گاعد
وگلبي يم گلبچ ألزمه وشارد
وأرد اغطي الگبر خافن بارد

فاطمه .. أعـلنـت عگـبچ مماتي
فاطمه .. بلاطعم صارت حياتي
فاطمه .. جمره متــفارگ لهاتي

فاطمه فاطمه ...

عبد زينب
محمد الابراهيمي

لحن
(كلميني)
بصوت
خادم الامام الحسين
ملا خضر الكعبي
بغداد_ ابو غريب