يا ليلى الاكــــبر ما يــرد لتانين
للخيمه هذا الصوت اجاني من حسين
راح وبعد ميرد الي
اليشبه رسول الله وعلي
......1......
يا الهي بالضمه ... الحل على بن فاطمه
رد علي الاكبر الي سالم يمعبود
هاذي جانت دعوتي ... تشهد اعلي دمعتي
امنيتي جانت وحده بس أوليدي يعود

على الباري اقسمت بحسين ابو اليمه
الذبل من العطش واوليده كل همه

من عمري خلي شوية وانطي ابني هواي
هاذي دعوتي الربي جانت والماي
خوفي عليه لا ينولي

...2...
صوت الحسين الولي .... طر خيامي بلا علي
ما يرد ابنج يليله مات مذبوح
مهره وداه للعده .... اكبال حسرت والده
وغارت اعليه السيوف العافت اجروح

بعلي الاكبر يليله مثلو تمثيل
من كل جسمه شفت انه دماه تسيل

من مهره طاح اعله الارض ويلي اعليه
هذا برمح ذاك بحجر يضرب بيه
ضميته كـــون ابداخلي
اليشبه رسول الله وعلي

...3...
ناطرة اوليدي يرد ... ودمعي شاتلته ورد
حسبيت ايرد الية واحضى برباه
ما حسبت أيرد وذر ... سابح بدم النحر
لخيمتي جابوه مكطع وصل والله

الف طعنت رمح بيه والف طبره
احس روحي اطلعت من شفته والزهره

لا عنده ايد الظلت ولا ظل راس
كلشي بعلي الاكبر ذبيح ومنداس
قرباني للرب العلي
اليشبه رسول الله وعلي



....4....

جان الاكبر ضحكتي ... وكل حياتي ودنيتي
فرحت سنين الليالي اوياه عشتها
جان يا محله الصبح .... وي ابو وجه السمح
كل معاني رسوم وجه حافضتها

الوجه مثل الكمر وعيونه محلاها
جمال الله انرسم بي وبعلي وطاها

وسفه اعله كاع الغاضرية مطروح
وجه الله ذاكه مو علينه مذبوح
مات احله ناسي وكل هلي
اليشبه رسول الله وعلي


....5....

لوعت افراك الولد .... ما يحس بيها احد
يحس بيها الفكد مثلي زين الاولاد
باجر بدرب اليسر .... صورة الاكبر تمر
واكف بطوله وضحكته اعليه تنعاد

حلم هذا الاشوفه لو صدك واقع
بعد ما يرجع الاكبر يهل سامع

جرح الابن ما يشفه نازف للدوم
مثل الحمامه ارويحته اعله امه تحوم
يــوليدي صــيحه تعتلي
اليشبه رسول الله وعلي
.....
الحمد الله رب العالمين
اللهم صل على محمد وال محمد
موسى الخادم

#قصائد_علي_الاكبر_عليه_السلام الليله ٩

علي الاكبر علي علي الاكبر علي
___
عجب الناس من جماله وهيبته
عجب الناس مبدع ابكل صولته
وصلت لينه اعلومه
من طب وسط الحومه
يرهب يرعد يومه
حي الله الاكبر
يشبه جده الهيبه
گال الحك ايجيبه
هاشم زلم النيبه
حي الله الاكبر
علي الاكبر علي علي الاكبر علي
__
هيبة المختار سيفه بالحومه لمع
هيبة المختار جن محمد من طلع
رايه ابجفه الرايه
عالحد دگ الثانيه
سابي الگوم اسبايه
حي الله الاكبر
فارس وابن الفارس
بالطك دوم اينافس
يذبح بيها ابواهس
حي الله الاكبر
علي الاكبر علي علي الاكبر علي
__
عمه العباس شدو الظهر ابظهر
عمه العباس يسحگ ابرجله الكفر
هوه وعمه يقاتل
يسطر جفه العايل
هد ابظهره الكافل
حي الله الاكبر
هيبه ويسطر بيهم
ما گامت رجليهم
هد الحومه اعليهم
حي الله الاكبر
علي الاكبر علي علي الاكبر علي
____
شردت الگوم من نزلها ابن الولي
شردت الگوم كلها صاحت يا علي
دار الحومه بأيده
كيفه ايجيب الصيده
من حيدر تجنيده
حي الله الاكبر
ترهب نظرة عينه
تسطرهم چفينه
ياهو ايلاوي ايمينه
حي الله الاكبر
علي الاكبر علي علي الاكبر علي
____
ابن الحسين سوه بيهم ملحمه
ابن الحسين عمـه عالطگ علمه
بيده يهين القاده
حي الله ابن الساده
وارث طبع اجداده
حي الله الاكبر
امه ومن تدعيله
ما يسحكت عالعيله
خل اتهلهل ليلى
حي الله الاكبر
علي الاكبر علي علي الاكبر علي
___
الخادم المقصر ناجي ابو كيان الصالحي ونسالكم الدعاء لي ولوالدي

(( بعدك على الدنية العفى .... يوليدي يالاكبر ))
***
يا نبضة اكليبي التدك ....هسه انكسر ظهري صدك
من شفتك اعله الغبرة
كل حيلي باد بطيحتك ...عمية السيوف الذبحتك
ما راعت امي الزهرة
يا هيبتي يا كشختي ... بعدك متنشف دمعتي
تنعاك عشرة عشرة

((جرحي عليك ابلا شفه .... يالجسمك اموذر))
*
فكد الابن يعمي النظر ... ايشيب الراس امن القهر .... اي وحك ذاكه طولك
يوليدي يالاكبر عدل ... كون انت وانه المنجتل
وبموتتي ايكلولك
اه يامصابك جم جرح ... عاف ابدليلي المنذبح
املاك السمه يحجولك
(( يالكلك أحساس اوفه ... بمصابك امحّير))
.......
ساعدني اشيلك ياعلي ..وحدي انه ماتو كل هلي
بس زينب الظل عندي
يا كتر احمله وكتر اهد ... واليتك سيوف الحقد
من وين أحملك ابدي
جسمك اموزع عالارض .. بطول المسافات وعرض
مردت يبني جبدي

(( شمعت حياتك من طفى .... واتأملّك تكبر ))
****
بالخيمه امك تنتظر ... جيتك على حر الجمر
يبني يضي اعيوني
ياعذر اقدمه العمتك ... زينب التعشك ضحكتك
خيب زماني اضنوني
راح ارجع الهم بالدمع ... وبصوت وني المنسمع
كان الجليل بعوني

(( كبلك عساه موتي لفه ... مو انت المطبر))
ما حسبت وحدي اظل ... من غير خوان واهل
من غير شوفك يبني
حاسب جنت دفني أتحضر...بيدك تغمضلي النظر
والكبري أتشيعني
صعبه الابو يدفن ابن .... تخلص حياته بالحزن
يل عني ماشي أرحمني

(( ضحكاتك الحلوه خفه .... سهم الغدر والشر))
......
ودعني يالوجهك سمح .... ما بية اكثر انجرح
ما ينحمل هالمنظر
عطشان اعرفك يالولد ... كد الفرات الماله حد
روح ارتوي امن الكوثر
بلغ سلامي الوالدي .... وكله بقيت الوحدي
ماعندي ناصر يحضر

(( صار الذبح النه صفه .... ما يسلم المنحر))

الحمد الله رب العالمين
اللهم صل على محمد وال محمد
موسى الخادم

#قصائد_علي_الاكبر_ع
#الليله_التاسعه


هذا الاكبر طــب
حي وحي الحب
ياهـــــو اليلاگيه
زلزله لـــــــو هب
_

طب عليـها والكتايب كلها ولـــت بالزحـف
نينوى ضاكـت عليهم شردو لگـاع النجــف
انه الأكبر هـذا زودي بالملاحـم من هتــف
يشبه المختـار جده مايوصـــفه اي وصف
هزبر ومـــن هــد
يرهـــب ويرعــد
ياهـــــو اليلاگـيه
زلزله لـــــــو هب
_

ماجت الطف بأهلها وانكلب لــــون السمه
نشفت ارياج العساكر يبست وطگا الضمه
تاهت وضايع دربها مــــــدري صابها العمه
حـــــــي الأكبر يا حلاته سوه بيهم ملحمه
حــمره صـارت دم
من علــــــي اتقدم
ياهــــــــو اليلاگيه
زلزله لـــــو هــــب
_

عمه عباس وتخيل ياهــــــو يمه يگـترب
حيدره جنه نزلها حـــــي سركال الحــرب
ضربته ميثني بيها ضيـــــع اعليها الـدرب
سيفه يشطر برگاب وعنده مايرجف كلب
سيفه لمــــــن سـل
ماكو عطوه وحــل
ياهـــــــو اليلاگيـه
زلزله لـــــو هـــــب
____

يا جماله يا صـفاتــــه يا شبيه المـصـطفه
وجهه نور ومن نزلهم يا معانــي توصفهه
فارس وترهب خزرته جـــــنه عمه بالوفه
هذا الاكبر هذا زوده هب عـــليهم عاصفه
ويلي طـــــرهم طر
وابـــــــــرگبهم كــر
ياهـــــــــو اليلاگيه
زلزله لـــــو هـــــب
__

شد عليهم وبيمينه عـــــزب ابكيفه ذبـــح
طر الجيوش وتقدم هل اجـه وكت الفتح
عطوه ماكو وي الأكبر ماكو راحه ولاصلح
داخت الحومه ابجماله ياهلا بضي لصبح
نوره لــــمن شــــع
طاهر المنــــــــــبع
ياهــــــــو اليلاگيه
زلزله لـــــو هـــــب
__
الخادم المقصر ناجي ابو كيان الصالحي ونسالكم الدعاء لي ولوالدي

#قصائد_علي_الاكبر_عليه_السلام



علي الاكبر نزل وسط الحومه عــلي الاكبر هلا يرهــب يومه
اشبه الناس ابرســول الله دخيله
اشبه الناس ابرســول الله دخيله

_*

نور الدنـــيا ابطلـعته ووجـهه النوراني
گلها گالت رد محمد للحـرب مــن ثاني
گمر نوره الگاع طرهه ولحـــسن رباني
عسكر ابن ازياد مال وبده حيل يعاني
علي الاكبر لا محــــمد عـينه عـلي الاكـبر هلا ابطگت ايمينه
هذا ابو السطره والحجايه الثكيله
اشبه الــناس ابرســول الله دخيله

_*

نازل ابزوده يتـــبختر والزلم مــحتاره
رد ابو القاسم عليهـم هـيه هاي انواره
بس خزرته هايه تكـفـي يا هلا بخباره
ادخيل الاكبر ياحلاته ياعّـظيم الشاره
علي الاكـبر هلا بروح احسينه علـــي الاكـــبر يا ثـــگل چفينه
ينوصف؟ ما ينوصف قـصه طويله
اشبه الناس ابرســــول الله دخيله

__*

يشبه المخـتار جــده هلا بهــــاي الهيبه
لوزعل چنه ابوفاضل شكو حگ ايجيبه
ماخذ من اطباع عمه حتى ذيج الطيبه
لو زعل بركان چنــه تــچف وكت النيبه
علي الاكــبر قائد اعلـه القــاده علــي الاكــبر يا حلات اعنــاده
هلا بريحة فاطمه وگلــب العقيـله
اشبه النــاس ابرسول الله دخـيـله

__*

خزرت اعيونه قضيــَّّـّه والّـدرع واللامه
ياهو يم سيفه يتگرب من يشد احزامه
هاشمي تكتل سطرته من يطگ عالهامه
ياعلي كل سطره يسطر علي هاي ايامه
علي الاكبر علي ابنص وجدانه علّّـي الاكًبر بيه شمًّس حيرانه
هاشمي وعــلوّي زيّــــــــنب دليله
اشبـه الناس ابرســول الله دخيلـه

_*

ياعلي احتارو ابوصفك ضيعت منواهم
گامو ايدورون شــــرده ضـيعو ممشاهم
منين ماشردو تجيهم علي حيل اوياهم
زيد ضـــرباتك عـــليهم ابد لا لتــــسالم
علي الاكبر حيل زيد اعــليهم علــي الاكبر سيــفك امبچيهم
حسين اريد ابصولتك يـبرد غليله
اشبه الناس ابرســـول الله دخيله

____*


تمت بحمدالله وتوفيقه: الخادم المقصر ناجي ابو كيان الصالحي ونسألكم الدعاء لي ولوالدي

#قصائد_الشهداء


يا طاري الاعزاز يومــيه جناز يحدي بسفرهم ويلي

____**
وين العزيز البيـه وفه يا دنيا اخذتي
كل ساعه اسير عالصور انه وحسرتي
ليليه اســـهر وابدمــع تـسرح عـبرتي
ضليت بس طرگ البجي وتهل دمعتي
من حل الاوداع حتى الحلم ضاع نوح ومدامع ليلي

____**
يا دنيا يكتلني الهجر مـن فـــارگوني
ماعندي راحه من مشو جي ودعوني
ناسينه احنان الگلـــب جنهم نسوني
والفرگه يا دنيا جمر تــحرگ اعيوني
يا دنيــا الاحـنان عافونــي حيران ماخذ هجرهم حيلي

___**
عنهم ادور كل كــــتر يا دنـــيا مليت
انطرهم الجيت الصبح ملگانه ياريت
حنيــت للجــانو هــوه تدريـن حنيت
اصفگ بديه وانــتحب يا دنيا ضليت
فرگاهم اشلـــون مو تعمه الاعيون عودي ذبل تجــيلي

___**
ضحكاتهم ما تنســي يا دنيـا هيـهات
والماتله غالــــي بعد شيضله لو مـات
ذبلني يا دنيا الهـجر وبروحي لجمات
ما تنسي الــــعشره ابد يا دنيا الاهات
شيـردهم اردود وايامـــنه اتـــعود ضل الحًـزن يوحيلي

___**
ريحتــــهم لهسه بــــعد يا دنــيا بـينه
نجذب الونه عالصًــــور نصفگ بدينه
من گد بچينه للصبــــح سومر بچينه
گعدتنه ذيج اشتنــــسي اه يا حچينه
محتـــزم البــين بس يـــاخذ الزين وانه البـچي يوميلي

____**

تمت بحمد الله وتوفيقه: الخادم المقصر ناجي ابو كيان الصالحي ونسألكم الدعاء لي ولوالدي

#قصائد_الامام_المهدي_عج


يالغايب اشتاگينه تدري الهجـر ياذينه يا ضيم الافراگ
يالطولت شيجيبك مولاي فدوه لشيبك مزدحمه الاشواگ

___**

يا سالفتـــنه ابكل وكت نحـــسب ليالي الملگه
مربينه يالجـــيتك حلم ضلـت بعد بس شهــگه
يالمهدي يا حلـــم العمر تاذينه حــــيل الفــرگه
صار العشــگ انته الك والناس كــــلمن عشگه
نار الهــجر تدريهـا بس شوفتك تطفيها مربينه لو طــيف
حتى الورد يسألنه طــــــولت يا غايبنه صار الحلم كيف؟

__**

بحساسك ايعيش الامل يا عــــــــطر من الزهره
جن ورده وبــعازة مطر هجي احنه ورده بصحره
اشتاگينه والشوگ اشكثر مولاي بيـــنه اشكـبره
نختنگ حتى من الهـوه شتـسـوي عــــاد الـعبره
نسمة هوه لو نفحه هذا الدليل اتشرحه يا نـــور العيـون
يالمانسيت احبابك شيسوي بينه اغيابك تنـساهم اشلون؟

__**

كل جمعه مـــرت ســيدي احــنــه نتأمـــل بيــها
معلـــــوله روح التعشگك بــــــس انته الاداويها
كل مجلس انقيمه انعرف انته المجـــــالس بيها
تبچي اعله زينــب عمتك صبح وعصـــــر تبچيها
جرح السبي وعماتك يالمـهدي يا آهاتك كــــل مغـــربيه
ماهو جرح واتضمده لا والصعب والشده عمتــــــك سبيه

__**

يا ليلـك اليخلــص بچي الله الــيعينـك مـــولاي
تنعى الــــغريب المنذبح ضل عاري ما شارب ماي
كل لحضه روحـك تلجم لحسينك اتــسوي افياي
وين انته ؟ هســه سيدي يا رايـــنه تــــــاه الـراي
تنعى الذبيح العطشان ندري بدليـلك نيران وبروحك اخيام
الله اليعيـنك للنوح واجروحك اشلون اجروح ياجرح الاسهام

___**

يبن ال حسن جًرح السبي لو جرح الدوسه الخيل
لحسينــك انداس الـصدر سوو ابــــصدره تمثيل
محتار تبچــي ليا جـــرح ينغمــت گلبــــك بالليل
راسـك امشيــب ســـيدي يا حيـــل يبقالك حيل؟
يالما تخلــــص ونك عـــــماتـــك الاذنـك مــن صعدن النوگ
سوط الشمر اذاهن بين الغرب ممشاهن مــن طــبن السوگ

___**


تمت بحمد الله وتوفيقه: الخادم المقصر ناجي ابو كيان الصالحي ونسألكم الدعاء لي ولوالدي

ذبيت روحي يمك من المهر
خيمة ابــــوك الليله بلا عطر
جيتك بلا لوني  ذبحوك ذبحوني
يالاكبر    يالاكبر 
:::::
يا عطر الخيمه الما منه
عطرك يشبه عطر الجنه
تتبخر بيك خيامي
نگلت جدمك شيبه براسي
مختنگه انفاسك وانفاسي
مذبوحه الليله أحلامي
من الخيمه يم مصرعك سنتين
شيب كلـــه يمك راس الحسين
يبني يبني
لحيتي تخضبت ادمـــــوم ودموع
موجوع اني ما ادري انت موجوع
يبني يبني
حاچیني حتى الحيل يرجع الي
تضوي الخيمه بنور وجهك علي
يا كحل بعيوني   ذبحوك ذبحوني
يالاكبر    يالاكبر 
:::::
جيتك اركض بس اتعثر
يالاكبر جرحك صار اكبر
يمك بس انه بلا روح
طـــــول بطول تمدد يمه
ساعه يحظنه ساعه يشمه
ما اعرف ياهو المجروح
اشيلن كتر منك ثاني يطيح
مثل السعفه ابوك وهزته الريح
انظر انظر
وصتلك گوه بس عثرات عثرات
مـــــا میزات ياهو البینه المات
انظر    انظر
ما ادري انت انه المنجرح
وداعك الي يا علي اكبر جرح
عالوکفه سندوني    ذبحوك ذبحوني
يالاكبر    يالاكبر 
:::::
شلون ارجع للخيمه بدونك
عافيتي بنظـــــرات عيونك
بعد الاكبر ما مرتاح
ما بيه الحيل وحتى انهض
شفت وليدي جسمه مرضرض 
يم جسمك شفت الذباح
اول مره اشوفن عطـــــر مذبوح
حسين ولو علي الاكبر المجروح
حيره  حيره
اشيلك لو اشيلن روحي محتار
حرگني الهجر ما حرگتني النار
حيره  حيره
شوصلني يمك نعمه وندليتك
چا ليش حتی السهم داخل ریتك
يالبيك فجعوني     ذبحوك ذبحوني
يالاكبر    يالاكبر 
:::::
خلص عمر امك بس دمعه
صوت الام ما جاي تسمعه
ارجع ارجع يوليدي
عطـــــرت الخيمه متانيتك
للشيــــب ولمـــــن ربيتك
بس يالاكبر مو بيدي
بس الفاگده تعذرني لــــــو نوح
الولد بالگلب ومعلگ اویه الروح
ارجع ارجع
حگ ارباي اريده وانه اطلبك
امــــــك تبچي ما اذاك گلبك
ارجع ارجع
ظليت انعه يالولــــــد حاچيني
يا نظر عيني گوم امسح عيني
ارد ابچي خلوني    ذبحوك ذبحوني
يالاكبر    يالاكبر 
:::::
شفت حسين محدب ظهره
عـــالتربان امــــــدد عمره
وجه حسين وصار اصفر
جاوب گتلـــــه شخبار ابني
گتلـــــه تاخــــر بس طمني
جاوب شخبار الاكبر
وضعي يشرح وما حاجه الاجواب
رد حسين شايـــــــب راحلك شاب
دمعه دمعه
الولد يكسر ظهر مو بس الاخوان
انــــــه اول شخص بوليده دفان
دمعه   دمعه
ما ظل شعر اسود وابيض رمشي
چا هذا نعشك يا علي لو نعشي
شمعه انه طفوني  ذبحوك ذبحوني
يالاكبر    يالاكبر 
:::::
علي جبار الكعبي
الفاتحه لوالدي

يا زينب الاكبر قضه نحيبه
الله يعظم اجرج المغيبه

راح امن ادية ابني ابساع
من مهره طاح اعله الكاع

عظمه المصيبه

1.........
يخوية اتلكي اخيَّج سلَّبو عمره
خذو مني علي البي ريحت الزهره
موش حسين اجيتج عايني الحالي
مثل شايب اجيتج منحني ظهره

كسر ظهري ... خوية موت ابني علي
كسر ظهري ... وين جانت هاي الي
من بعد الاكبر خوية عالدنية العفه

مالحكت ياخوية أودع اوليدي
سهم المنية بسرعه باكه امن ايدي

اعليه كسرتي كسر اشراع
من مهره طاح اعله الكاع

....2....
راح امن ايدي الاكبر خوية الحكيلي
مصابه نحَّل اعظامي واخذ حيلي
الجنت من عنده خايف بي طحت خوية
جنت احسَّب علي امن اكبر يتجيلي

راح مني .... الوجه احله امن الصبح
راح مني .... وعاف بية اشجم جرح
من بعد الاكبر خوية عالدنيه العفه

متعوده عيني كل وكت تشوفه
مو هينه عالغبره ذبيح اعوفه

زين الخلق والاطباع
من مهره طاح اعله الكاع

....3....
وصلته ولا عساني اوصلته يازينب
شسولفلج اذا سولفلج انه اتعب
مو نفسه علي الودعته من ساعه
حيل امغيرات ارسومه وامسلب

كلشي ببني .... مو مثل ما جان امس
كلشي ببني .... حلو رايح بالرفس
من بعد الاكبر خوية عالدنيه العفه

فوك الوطيه عاينت جماله
شابع رفس حتى العرش بجاله

حاولت اشيله وما طاع
من مهره طاح اعله الكاع

.....4......
طاح امن المهر متخضب ابدمه
مثل طيحت سمه اعله الكاع شيلمه
يا زينب علي امكطع وصل عفته
سالم ما بقالي كلشي من جسمه

اه يويلي ... لو تشوفين الشفت
اه يويلي ... اشلون ما يمه متت
من بعد الأكبر خويه عالدنيه العفه

انظرت القميصه امشكك اعله طوله
وتحت الحوافر ضحكته الخجوله

دم ابني يا وسفه انباع
من مهره طاح اعله الكاع
...5...

كوه المصرع الاكبر مشيت اني
خفت لا شوفه ميت وابقى وحداني
كعدت اكباله احاجيه ما يحاجيني
عاتبته اشعجب ما لحضه تاناني

عينه غمضت ... كبل ما اوصل اله
عينه غمضت ... نهت قصته كربله
من بعد الاكبر خوية عالدنية العفه

خليته عالغبره واجيتج انحب
ما يرجع الاكبر بعد يا زينب

طاح الأسد بين اضباع
من مهره طاح اعله الكاع

.....6...
جرح نازف جرح خليته بالحومه
من كثر الطعن متشككه اهدومه
تطشر عل الارض جسمه مثل سبحه
اشكثر حاولت المه ضايعه ارسومه

دوريته ... ما لكيته ابكربله
دوريته ... طوله ضايع بالفله
من بعد الاكبر خوية عالدنيا العفه

حاولت اجيبه الخيمته الحضن امه
بس شفته متكطع وصل شيلمه

ثلثين من جسمه الضاع
من مهره طاح اعله الكاع

...7...

حاربني الزمان وما رحم بية
اخذ من عندي كلشي الغالي اعليه
ودعيني يزينب خوية ودعيني
راح امشي المنيتي وما بعد جيه

بعد الاكبر ... شلي بسنين العمر
بعد الاكبر ... كسري ما مثله كسر
من بعد الاكبر خوية عالدنيا العفه

الذبحوله كل غالي اشبعد يتاني
لا ولد ظلو عندي لا خواني

خليني اودعج بوداع
من مهره طاح اعله الكاع
......
كلمات : ✍️ موسى الخادم

قصيدة طور اهوازي بحق علي الاكبر عليه السلام


يالاكبر وداعك موت.. اودعك گوة تدريني

هذا اخر وداع وياك.. اشمك بوية خليني

وا ويلي اويلاه وا ويلي اويلاه

======================

صعب تدري الوداع اشلون.. يا بوية اودعنك

هد حيلي يالاكبر حيل.. وضعك وانة اشمنك

على خدودك نزل نهران.. دمعك بوية اشوفنك

الموت بطريجة تفوت.. ما يگطعلك ونيني

وا ويلي اويلاه وا ويلي اويلاه

========================

تريد الماي بوية منين .. يالغالي اجيبنة

كَلبي من العطش نيران .. يلهب بوية احسنة

مثل جمر الغضا تلگاه .. لا يمكن احر منة

تحمل جدك متانيك .. واصبر يا بعد عيني

وا ويلي اويلاه وا ويلي اويلاه

=======================

تريد اتروح الله وياك.. روحي بروحتك تطلع

يصوبني بدليلي جفاك.. وعيني تسچب المدمع

تتوذر وذر بالسيف .. واشوفن جسمك مگطع

تناديني وجيك اشلون.. اصيح وما تحاچيني

وا ويلي اويلاه وا ويلي اويلاه

========================

يا سيف اليصيبك گام.. گلبي يالولد ينصاب

گمت اتعثر ابممشاي.. عن عيني جمالك غاب

على الدنيا العفا بجفاك.. يالغالي دليلي ذاب

انضرلك جسد مطروح.. يمة اتبدن سنيني

وا ويلي اويلاه وا ويلي اويلاه

=======================

فجعني يا عزيزي اليوم.. دهري وخابت ظنوني

عني من رحت وياك.. خذتهن مني عيوني

اشيلك وارجع انة اشلون.. ميتة بفگدك متوني

امك تنتطر بالدار... كل ساعة تناديني

وا ويلي اويلاه وا ويلي اويلاه

***

اسالكم الدعاء رائد  الاسدي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

صاحت الحومه واهله ويَّاه
حَيَّ الله شبل حسين حيَّاه
هذا الاكبر علي....هذا الاكبر
ـــــــــــــــــــــــــــــــــــــــــــ
من لكد فرسه وتعنه علي صوب الحومه
رجـفت الرجـلين كلها اهتـزت المنـظومـه
والعساكر حـيراها بقــت بـي مـصدومـه
هيـبـتـّة هيببة محمد واضـحــات اعلومه

للحـرب طـالـع طوله محلاه
حَيَّ الله شبل حسين حيَّاه
هذا الاكبر علي....هذا الاكبر
ـــــــــــــــــــــــــــــــــــــــــــ
اجيوش أميه بقت تسأل عن ابو الغيره الابي
هذا يـاهوه النشوفه هـــذا شو چـنـه النـبــي
نـزل للـحومـه وتـكنـى وگال آنـه الـطـالــبـي
آنـه والعـبـاس عمـي انموت من طاري السبي

يـشـبــه رسـول الله مُحياه
حَيَّ الله شبل حسين حيَّاه
هذا الاكبر علي....هذا الاكبر
ـــــــــــــــــــــــــــــــــــــــــــ
يـاثـلـث تـنـعـام مـنـه علي صيـاد الزلم
يشبه الرسام سيفه والرگب لوحة رسم
حسين ابوه وعلي جده والله منهم والنعم
بـكر ابـن غـانـم وغيـره علي بـيـهم مايـهم

السيف اشحلاته علي ابيمناه
حَيَّ الله شبل حسين حيَّاه
هذا الاكبر علي....هذا الاكبر
ـــــــــــــــــــــــــــــــــــــــــــ
من دخل ارض المعاره انسمع ناقوس الخطر
سيف لو منجل ابأيده الروس طاحت كالمطر
انصدمو ابقوته وشمرته وگلبه اقوى امن الصخر
هواي اخذ منهم ضحايا وگالو انعيد النظر

چـا هوه غير احـــسين رباه
حَيَّ الله شبل حسين حيَّاه
هذا الاكبر علي....هذا الاكبر
ـــــــــــــــــــــــــــــــــــــــــــ
يوم عـاشر من مـحـرم هذا يـوم الـقــاده
ذكـراهـم علي الاكبر عاد مـاضـي اجداده
خيـبـر وصفـيـن عـادت هذا طگ الـساده
علي لوماحظر بـالطف حـاظرين احـفاده

واحنه بمحرم نحيي ذكراه
حَيَّ الله شبل حسين حيَّاه
هذا الاكبر علي....هذا الاكبر
ـــــــــــــــــــــــــــــــــــــــــــ
حيدر بشار الدراجي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

‏مقطع صوتي من حيدر بشار الدراجي

ليلة الحادي عشر
ليلة الوحشه

مدري شلون الليل أجتازه 
وأعزازي اعلى الكاع اِجنازه

*

مو مـالـت سبي زينب ولـكـن شاء
شـاء الله سبيه اِيـشـاهـد الحـوراء
سبي وغربه جديده اعليه هالأجواء
لـكـن الله خــالـقـنـي لـهـل الأرزاء

نصر الدين بدمنه اِحرازه 
أعزازي اعلى الكاع اِجنازه

*

مـن ليل اهدعـش تحديداً المغرب
بـدت رحلة عـذابي والـدمـع يكتب
مـن بعد الـدلال امشي بوجه مُترب
ومثل نـار الخيم نـار الـفـؤاد اِتشب

دمـع الغربه بعيني اِتـوازه 
أعزازي اعلى الكاع اِجنازه

*

أقــارن بين أمـس و الـيـوم واتصور
أمـس راح او بـعـد هـيـهــات يتكرر
أمس مابين اخـوتي محلى هالمنظر
واليوم أصرخ امن التل يبويه أحضر

يـابـويــه الجيتك محتازه
أعزازي اعلى الكاع اِجنازه

*

أمس مـاكـو سبي ولا سـوط لا غـربه
أمس عباس يخلي الصعبه مو صعبه
من أعـطـش يجيب الشاطي بالجربه
وإذا عالناكـه أصـعـد يثني إلي الركبه 

عـبـاس اِيـظـل مايتجازه
أعزازي اعلى الكاع اِجنازه

*

أروحن وين موحش منظرك يالبر
وأنا عندي يتامه او رضـع او خـدر
بـعـد ذاك المخيم تـالي نـطـشـر
أنـا اِبـلا خيمه واخـواني بـلا منحر

بــاجــر نعشي اِبـلا جَنازه
أعزازي اعلى الكاع اِجنازه

*

أمس ماكو خطر موجود أبـو الغيره
مـن غبشه وجهنه الــرايـتـه اِنديره
اليوم اليوم زيـنـب طـاحــت بحيره
سبيه أخـذوني مـن ديـره لعد ديره

مگسور الـفـاگــد أعـزازه
أعزازي اعلى الكاع اِجنازه

*
سليم الغزالي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

يرعب منضرهن بالعين
الخيل الداست صدرحسين
جم حافردايس صدرك
والسيف أيحزبنحرك
يرعب منضرهن بالعين
--------------------------
جسمه أنسحن وي الأرض من سحكته الخياله
يا خيل موهذا الدرب نايم درحمن حاله
شعدجن تدوسنه بحقدالحافرمرد دلاله
تركنه لومنه ضلع سالم يرد لعياله
كون بصدري اتدوس الخيل
ومن حيلي أنطيك الحيل
عميه أعيوني ولا أ نضرك
والسيف أيحزبنحرك
يرعب منضرهن بالعين
-----------------------------
أبن أمي مات من الضمه أوماوصل لشفافه الماي
مذبوح ضل عل الترب ولعيالي ماضل حماي
ودوهني وكتي اومارحم ومن همه ماضل كل راي
أتمنيت كفالي عدل نوكف نسويله أفياي
وضل الغالي عالتربان
أوسط أخيمنه تشب نيران
ياخويه فدوه لعمرك
والسيف ايحزبنحرك
يرعب منضرهن بالعين
----------------------------
لوردت تنشدعل جره بذيج الأرض وشصاير
كلبك يون ونة الصخر عً الي جره لوحاضر
ذبح الولي وحرك العبي واطفال تحت الحافر
مديوس صدرابن النبي ياويلهم من باجر
باجربالمحشر ماكوأعذار
يوكف جدي ويه الكرار
ياخويه من شتم عطرك
والسيف ايحزبنحرك
يرعب منضرهن بالعين
-----------------
توجع مصيبة كربله والنارتلهب بينه
بيهه عزيزالمصطفى أسهام صابوعينه
والكمرنايم عالنهرومكطعه جفينه
وبيهه سبيه ام الحزن وتنادي ياوالينه
الدنيه اندارت بينه اهواي
اوماحصل عبدالله الماي
بالكافل كسروظهرك
والسيف ايحزبنحرك
يرعب منضرهن بالعين
-------------------
قصة ألم قصة حزن يرويهه فيض أعيوني
قصه مثلهه ماجرت خابت وياهه أضنوني
أولهه ذبح ومجزره بنارالخيم جوني
بيهه عطش بيهه جمر وتالي العده سبوني
ويسبوني أبين الناس
صحت أحضروينك عباس
ترجع لخيامي انتظرك
والسيف ايحزبنحرك
يرعب منضرهن بالعين
ـــــــــــــــــــــــــــــــــــــــــــ
خادمكم قيس عوده الكعبي

شبل الحسن (ع)

القاسم وصال
منه الطف ثنه ومال
هوس بيهم وكال … انه شبل الحسن

رجّع الناس
يخفگ راس بالراس
بجسمه عروگ عباس … بعروگه التقن

يشبه السيل … علـى الخيل … تقدم وانتفض
بصارمه الحيد … صناديد … ردمهم ع الارض
چنه عباس … على الناس … عالوادم فرض

فوگ الخيل مــا واحد تدناله
ردت خيلهم مـــن دون خياله
يازلمه اليجي وينازله ويسلم
يرعد كله يسطر حته بخياله

مثل عمه الكمر … هلا بشبل الحسن
-----------------**
بحيله كرار
خذاها يمين ويسار
الوگف گدامه يحتار … منو يلاگي صعب

ع المهر فوگ
بيهم سوه الفتوگ
الشوارب مالهن سوگ … من طب عالحرب

ياعلي يصيح … خطف ريح … من شد وحمل
حـــير الناس … ولا راس … وگف يمه ونزل
لاوىٰ الكبار … شبل حــار … مثل جده فحل

بحيله يصول شايل سيفه ويحارب
جايبهم كفخ شارب يطگ شارب
صگار المراجـل مثل ابوه مگوار
ذكـــــرهم بصولة حيدر الغالب

مثل عمه الگمر … هلا بشبل الحسن
----------------------**
گباله فرسان
صاروا مثل عميان
بكل طگاته فنان … يطش بيها ويلم

تعب الجيش
اليجيله يحلم يعيش
طشرهم مثل ريش … ولا ضــلت زلم

فارس يصيد … منو يريد … ماهم للعدد
هيبه مگفاه … علي وياه … مايگربله احد
بالحرب دوم… اله علوم … عالقاده صعد

ما همه العدد وعيونه حربيه
خذاهم بالسره وخلاها مدميه
الشايل سيف من شافه تنكر بي
وسوه السيف بيده مثل عوچيه

مثل عمه الگمر … هلا بشبل الحسن
--------------------**
عالحومه حمل موت
ماضل بيها اي صوت
گباله محد ايفوت … معرس بالحرب

حيد ضرغام
كسر بيهم الصمصام
يگربوله بالاحلام … بچفوفه رعب

چــنه شاهين … للحسين … ترس عينه فخر
هاشمي حـار … اله اثار … مـــــن شد عالمهر
زلزل الگاع … و الاطباع … خذاها مـن الگمر

ملج الموت مــن عنده تعب حيله
گد ما داس وادم جــــوه الكحيله
حرمه من الخيم صيحت ياجسام
التهوس هـــاي امه بچفها توميله

مثل عمه الگمر … هلا بشبل الحسن
-----------------------**
خادم الحسين (ع)
عزيز المياحي

@HxzEU1

حسين وحزنه نيشانه " الشهاده من الله عنوانه
حسينا وا حسينا
ـــــــــــــــــــــــــــــــــــــــــــ

اتنخه بنمير العين "" الدمع مرهم لجرح حسين
الطم والشفاه ونين "" الطم والدمع نهرين
لا تذبل لحد البين "" النسه جرحه بقه بلادين
اله كل روح قربانه
حسين وحزنه نيشانه
ـــــــــــــــــــــــــــــــــــــــــــ

جم صوت النعه بأيقاع "" جم طفله سهمه وداع والشيب البقه اعله الكاع "" متحني بدمه المصراع
والبيرغ غنيمه وضاع "" والشاطي جروحه وساع
دمه اهله أعله ذعانه
حسين وحزنه نيشانه
ـــــــــــــــــــــــــــــــــــــــــــ

وتلكه الحزن لهفان "" شد جرحك عله البيبان
اجهر بالعشك اذان "" ضل عاشك لعشكه وصان
من تحزن تضل عنوان "" من تعشك تصير انسان
الحبيبي نفسي زغرانه
حسين وحزنه نيشانه
ـــــــــــــــــــــــــــــــــــــــــــ

اتخطر ركض بالبر "" ثكاله وما بعد تكدر
خدود الشمس تتعفر "" جفوف الماي تتبتر
شباب وريحها العنبر "" تضل بلادفن بالحر
نويت اتبوس بيبانه
حسين وحزنه نيشانه
ـــــــــــــــــــــــــــــــــــــــــــ

يالليل النوايه ادروب "" يالليل البجي مرغوب
إحزن والصباح يذوب "" والحنه دمع ع الثوب
ألونه لحن منهوب "" وجفوفك جنح مصيوب
اليواسي ادموعه برهانه
حسين وحزنه نيشانه
ـــــــــــــــــــــــــــــــــــــــــــ

يعقوب صادق المكوطر

2025/6/30

انذبح طفله اعله جيده "" حسين المفارك عضيده
يبني بالجنه إلقاء. "" يلا ودع كربلاء
يبني يبني "" يبني يبني

روح وتبده نهر "" وفيض يم طول الكمر
لحن الموت بنشيده "" وشوف دمعات الحجر
احجي ويا الريح يبني "" وغسل الوان الدهر
فايض الدم من وريده "" حسين المفارك عضيده
وذبح الضلمه بضياء "" يبني تكبر بالسماء
يبني يبني "" يبني يبني

جسد الوكتك صور "" وحجي بلسان العبر
اشلون تتلكه الخطر "" وبس اصبعين النحر
ضكت موت بالاقدر "" من الزغر ناوي السفر
بكل حزن ودع فقيده "" حسين المفارك عضيده
يبني يا اكبر عزاء "" غسلك فيض الدماء
يبني يبني "" يبني يبني

يبني من نحرك مطر "" طاحت اوراق الشجر
انثر الرغبه بحر "" بگل گلب اترك اثر
موقفك جرحي الجبير "" الفاضح اطماع البشر
خوف كلبي ما يفيده "" حسين المفارك عضيده
ابني صاح بكل ولاء "" بويا للدنيا سناء
يبني يبني "" يبني يبني

اطفح بروحي ثمر "" يبني والغيبه قهر
طير من جفي حمامه "" تفارك دروب النظر بصفكت الجنحان هاجر "" خلص حلمك ماكبر
عشگه للباري نشيده "" حسين المفارك عضيده
صاغ من دمه البهاء "" وثبت عزه بكل وفاء
يبني يبني "" يبني يبني

طير بجفوفك ورفرف "" وصل اعنان السمه
ونزل بجفها حزين "" راوي من فيض الدمه
وشكي حيل هناك حزنك "" ما تقصر فاطمه
يشب ثايه اعله صميده ""حسين المفارك عضيده
الهج ابأسمك دعاء "" يبني يبن الأتقياء
يبني يبني "" يبني يبني


يعقوب صادق آل مگوطر
2023/8/7

نعي مفجع
السيده زينب ع اتخاطب الامام الحسين ع


هـذا الـيـريـد الـمُـلـك والـرَي

وذاك الاجـاك بحـقـد وبـغَـي

وانـتـه وحيـد بغـربتـك خَـي

مـحـد عليك ايـكـاسـر الـفَـي

ومـن الخيول بـعيـنـك الـعَـي

الخيمتي شـفـت الـشـمــر وَي

                  *-------------------*----------------*
✍خادم الحسين ع
الشاعر رعد الجريخي

نبي عيوني رحل لو رحل ضيّ روحي
مـلـح حـزنـك شبكته يبني بجروحي
مثلك وين ألگاه
وجهك يا محلاه
طايح ليش يوليدي
نـايـم عالتربـان
عطشان وذبلان
روح أنطيك لو بيدي

*


هذا انـت الأكبر لـو غـيـرك حاچيني
ويما طحت الدنيه طاحت من عيني
چـنـت انـت البيها يوليدي إمسليني 
اعلى الدنيه العفى يـا ملحة اسنيني

شنهي الـدنـيـا إبـلا ملكاك
يالكلشي بـروحـك طيب
حگي امن ألزم ظهري عليك
وإحساسي وراسي إيشيب 

منو يعوض مـكـانـك يا أعـز ولدي
وحگ عيونك مصابـك مرد چبدي
عـلـي الأكـبـر يچـنـك مـاي متبدي
ألمك بيش وچفوفي عـطـش تدي

عطشانه إجروحك
وتــجــود إبـروحك
ويـلـي اعـلـيـك يـالأكبر
مطعون بظهرك
وسهام بصدرك
وشفت جـروح بالمنحر 

*


يا أتـرف و أجـمـل حـلـم بـيـن عيوني
مـن شفـتك مطعون إتمنيت طعنوني
انـت أبـنـي وعـلـيـك حـگ يتغير لوني
صرت إعليك إشلوني ماأدري إشلوني

هو الـشـاف ابنه إبـلا روح
يا لون إيـظـل بـيّ يـاحيل
حيله يموت وروحه تروح
ويتمنه ادوس اعليه خيل

بحوافرها يـريـت الـخـيـل ترفسني
وترد الخيل يبني بصدري تسحگني
وتـرد اردود حـوافــرهـا ترضرضني
اولا اشـوفـن خـضـابـك ياعلي يبني

مصابك شيحمله
يـولـيـدي اشثكله
مصابك ذابـح عمري
جسمك كلّه إسهام 
وبـعـيـده الـخـيـام
بويه إنـگـسـر ظهري

*


أبني ومـا أرتـاح چنت إلا اعلى صدرك
و مـا ينشبع منه إشـمـا نـسـم عطرك
شابـع مــوت الكيتك ومخضب نحرك
ومن كثر الطبرات صاير يبني إشزغرك

چنت بطولك أفرح حيل
من توكف يبني بصفي
هسه مگطع فوك الكاع
وبطـولـك يجمع چفي

چـم سـيـف انصبغ يوليدي من دمك
وچم رمح الـلـگـيـتـه نـابـت بجسمك
رمل الطف جمر وأنت الهوى يلچمك
امـن أرد للخيمه يبني شنهو أگلّ لمك

چم آخ اوچم آه
من فگدك ويلاه
مابيه أحچي أرد أبچي
ألمثلك من يروح
اوياه تروح الروح
لأمك يبني اشأحچي

*


ياضيّ روحي إعليك شـيـبـرد غليلي
و بيا حـيـل أحملك يالخـذت حيلي
مـن ضحكت الشامـت يالأكبر ويلي
چنها حـافـــر خـيـل مردتلي دليلي

شامت كال الشامت شوف
إحـســـين إتــمــدد يــمــه
مـره إيـشـمـه ومـره يـقـبـله
وخـضـب شـيـبـاتـه بـدمـه

تمددت اوي طـولـك والدمع يجري
وتطشر عالتراب امـن الحزن صبري
قليله ابچي عليك شباقي مـن عمري
تـسـتـاهـل أكـلـك يـــا بـعـد نـحـري

امنحسب طعناتك
إيـنـزلـن دمـعـاتك
تـبـچـي اعليه عيونك
يــا أغلى أولادي
حزنك مو عادي
غـيـر لـونـي اولـونـك

*


لـخـيـامـك رديــت وشـرديـت يالاكبر
مـحـتـار بـيـا حـال أتـلاگه اوي الخدر
مابين خطوه وخطوه بخطواتي اتعثر
إبـلا مـاكـلـهـن يـدرن بيك انت إموذر

گلب امـك يـعـلـم بـالـصـار
مـن طــبــروك أول طـبـره
وأم عون امن الحرگه اعليك
نـزلت دمـعـتـهـا الـحـمـره

جـبـتـك لـلـخـيـم بس ريـت مـارديت
ردتـك تگعد إلهن بـس شگعدك ميت
مـا بـيـن إمـهـاتـك يــا عـلـي احتاريت
ومـثـل ونـهـن يـبـويـه بخيمتك ونيت

ويـلاه مـن الموت
ياخذ حته الصوت
صوتـك مـات يالغالي
يـا وجــه المختار
بعدك گلبي احتار
 يـا عـيـش اليهنالي 

*


الـتـمـن بـس شـلـون مـن التمن اعليك
وحدتهن بـويـه مـن نـحـرك إتشم بيك
وامـك مـن الصدمه بدمعتها تحاچيك
وسكنه بطرف الخيمه من خاطر تبچيك

وأم كلثوم او ام جـسـام
صارن ينعن يم راسك
ولا تسألني اعلى العباس
كـام يـدخـن عـبـاسك

تــوأم روحـك احـزام الـظـهـر عباس
حزنه اعليك مامر ياعلي اعلى الناس
مـو دمعات يبچي بمقتلك إحساس
وبـصـدره يـبـويـه إختنگت الأنفاس

مجروح إحساسه
مخنوگه أنـفـاسه
عـمـك يـبـچـي بلهفه
ظل بالخيمه يدور
وغيرة روحه اتفور 
يـصـفـك ظـل بچفه

*
سليم الغزالي