(لسان حال الامام السجاد)

اجساد امُوذره وعيني تراهم
عمر الحزن وي عمري تراهم
حياتي گضت عگب اهلي تره هم
وابو حمزه الثمالي ايلوم بيه
~
حيدر بشار الدراجي

(السجاد ودفن الاجساد)

حسين ظل ابلا غسل هاي الچبيره
للگبر يـانـاس اخـذتـه بـالحصيــره
~
كأنّي بالامام ايسولف امصابه
زين العابدين ادموعه سچابه
يعينه الله البيده دافن احبابه
والمـحـد يـعـزيـه ويــدگ بابه

الچانت الوادم تگصده وتستشيره
للگبر يـانـاس اخذتـه بـالحـصيره

~
يگول آنه الدفنت احسين ابو اليمه
لمّيته ابـحصـيـره اضلوعه متهشمه
متوذر ابـوي اعلى الـثـره جـسـمــه
والـحـافر للامخيـم أخـذ هـدمــــــه

گلبي صار امن الحزن يوسعله ديره
للگبر يانـاس اخــذتـه بـالـحـصيـره
~

بعدني ابُدفنِته ومصابه هدّمني
واسمع صوت من نحره يكلمني
على صدري توسّد ياعلي إبني
عبدالله دفـنـتـه وگلبي مالِمني

ونحر اخوي ونحر ابوي ابفد حفيره
للگبر يـانـــاس اخذتــه بـــالحصيره
~

مايمشي النِفس وبصدري يتكسر
ونـه الـدافـن بـديه جـثـــة الاكبر
حيرني ابدفـنتـــه جسمه الاموذر
الضِمه امبين عليه اميبِس المنحر

ابلايه راس اشلون عالقبله اديره
للگبر يانـــاس اخذتـه بـالحصيره
~

تعنيت الشريعه واحترگ دمي
وبالگوه مشيت وياثگل جدمي
وبديه اشلون أدفن ياخلگ عمي
واچفوفه الگطيعه زيـدت همي

ياوسافه ايموت عمي الكله غيره
للگبر يانــــاس اخذته بـالحصيره
~
وين اهلي الهواشم واني بمصيبه
عن اعيوني شو غابو فرد غيبه
ولا واحد اجاني ونِدفن الهيبه
راحو كل هلي والراح شيجيبه

والعدو مايرحم وميت ضميره
للگبر ياناس اخذته بالحصيره

~
ضل بس النِفس والدمعه بـعـيونــي
ونه ابساعه فگدت احبابي تدروني
اويه ابوي احسين اتمنه يدفـنـوني
ويـم گبره تحظرون وتـواسونـــــي

ياكسرتي الوالدي وشعندي غيره
للگبر يانــــاس اخذته بـالحصيره
~
المصيبه اتهون كلها اشما جره اعليه
الهضيمه اشلون عمتي تمشي مسبيه
وتـطب ديـوان اميه وهـيـه عـــلويـه
ولاكن تـبـقـه زيـنـبـنـه قـيـــاديــــــه

مو اسيره عمتي بل كانت أميره
للگبر ياناس اخذته بـالحـصيـره
~
حيدر بشار الدراجي

((قصيدة صاحب الزمان عج))

عندي علاقه.    يامحلاهه
احله صداقه.    المهدي ضواهه

احبك واليحب مثلك يضل هايم.   مايرتاح
الضاگ ابعدك الچمه ابحجي الايم.  مايرتاح
يمولاي  الهجر يكتل  اذا دايم    مايرتاح

ركظ ركظه العمر.    وجزه حد الصبر
النشدني ابطلعتك.   ارد ابياعذر
اموت ابهجرك.     ماترضاهه
عندي علاقه     يامحلاهه
///////////////////////////////

كل حب ينتهي ويروح واثر حبك  ماينزال
ابوس اجدام التحبه  وصل گلبك.   ماينزال
جبت عمري عليك انشد و عله دربك  ماينزال

مكانك بلگلب.    منوغيرك يطب
البعد ماينحمل.  وعلي فراگك صعب

كلمة احبك    لاتنساهه
عندي علاقه.  يامحلاهه
//////////////////////////////

تكظني الدني وركظلك  وتلاگيني   يامحلاك
ومرات التهي عنك وتحاچيني.  يامحلاك
انجرح ورجعلك مقصروتداويني.  يامحلاك

انه المحتاج الك.    اضل اتوسلك
ختمته وگلبي صار.  يمهدي بس الك

دمعة عيني  بچفي صداهه
عندي علاقه  يامحلاهه
/////////////////////

اريداوياك اذب عمري  تره ايامي.  ماتراد
يحلمي ودونك انه اعرف ضوه احلامي   ماتراد
مقصر والعذرمنك تره اسهامي.  ماتراد

انعم الله اعله الجرح.    يغزر ياملح
نحس بيك اشوكت    ونفرحك كل صبح

رسمك لازم بي نتباهه
عندي علاقه يامحلاهه
///////////////////

العلاقه تكبرابعطفك يأصل الحب.   والايثار
وگعنه ابحبك وموبير وچفك جب.  والايثار
دمعي اشما بچه الفرگاك اگله يصب. والايثار

غرگنه ابلانهر.    وبچينه ابكل سطر
تره الماحن الك.  يحس گلبه حجر

الدنيه الحلوه انته سماهه
عندي علاقه.  يامحلاهه
/////////////////////////////////

سلام البهادلي

كلما باوع لچفوفي اذكر     خيمه اطيح وركض ازغار
  من الطف ضلت بس ذكره  دخان بريتي امن النار
ليش اتسلب    ليش اتعذب  خيمه اطيح وركض ازغار
_
جمعّت كل ذكرياتي     ادري خلصانه حياتي
ارسم اعله اجفوني ذكره بلكي ترجعلي امنياتي
امفارگ اعزازي الاحبهم  اشتاگ الهم من صفاتي


الماشايفه احبال السبي تاكل گلبهه الحسره
و اعله المدللهه تضل كل الملامح تقره

فارگته الماضن يتفارگ   واحد بس حنيته اهواي
كلما اعثر الزم گلبي  اشعر طول انفاسه وياي
مااتعجب   ليش اتعذب   خيمه اطيح وركض ازغار
____

الرمح ماخذ كلشي مني      مايهم الصغر سني
الشايله مابي محنه       امد چفي يبعده عني
صوطه ينزل عله متوني   الدرب كله مارحمني


الفرحه بعيوني انتهت وبزغري عشت الچمه
لون الطفوله بلا ابو   ليل ويفارگ نجمه

اليمشي ويه الغربه اشمايمشي  اول خطوه يحس تعبان
يخلص دربه بهضمه ودمعه  وبعيونه اتعيش الاحزان
ابچي وانحب   ليش اتعذب  خيمه اطيح وركض ازغار
_
الحبل مايعرف ابجرحي  ينشد اشمانزل دمعي
والجوارح تبچي حسره  الشتم مافارگلي سمعي
صارت امنيتي الوحيده  الملگه ابويه ابموتي ادعي

الدنيه والبيهه تره امعلگه ابرمش اعيونه
من يفتح اعيونه الصبح يخليني فوگ امتونه

متعلقه ابروحه وحنيته   شتسوه الدنيه ابدون احسين
ضيعته وضاعت امالي   المثلك يحصل بويه منين
گلبي اتشيب   ليش اتعذب  خيمه اطيح وركض ازغار
_
النوم مامر اعله عيني  الحادي بصياطه يجيني
بل  الرمح متعلقه روحي والشمر ماييخليني
تيقنت راس الاحبه عله الرمح من يحاچيني


ما حاسبه  بيوم الرمح ياخذك مني ويمشي

مقهوره اباوع والتعب ماخله حيل ابرمشي


حيل اعله اشفافك مقهوره   مامرتهن گطرت ماي
وجسمك ضل عل گاع مطشر  بالهيمه ومافوگه افياي
امن اعثر انسب  ليش اتعذب خيمه اطيح وركض ازغار

سلام البهادلي

اعله باب الشام چم ساعات ضلينه
سبايه والغرب تتفرج اعلينه
سمعنه من الحچي اشكال
هضيمه علينه ينگال

ضعن متعوب من يومه من ازغر طفل ليه
الشمس والصوط تعبنه وماكو النگعد بفيه
تعبنه من المشي والضيم رفضو نگعد اشويه
كلما اريد احاچيهم صاحو انتي مسبيه

اذا تنشدني عن الشام مايرحم
اثارالدموع اهنانه ماتنضم
وتگص ابچفي الحبال
هضيمه علينه ينگال

شتمه ابكل متر نمشي وگلبي عله القهر صابر
بدمعي ومشي محنيه وضعنه اليا كتر حاير
وبنات احسين من الضيم الوحده تكسر الخاطر
صرنه اشلون صدر احسين من يسحگ عليه حافر

غربه اوجوهم كل عرف مابيهه
زينب وي غرب والغرب تسبيهه
اجدامي ابحسره تنشال
هضيمه اعلينه تنگال

المالاحهه صوط الشام من الحجر ماتمشي
الحجرمايندل امن ايطيح الچفهه ازغير مايحمي
ولايه ابطولهه فزعت علينه وبل حجر ترمي
عمه اهواي گمت اسمع الح گينه انتخن بسمي

حرت ياهي الاضمهه وياهي اعوفنهه
وكل وحده تموت ابعيني اشوفنهه
دم من الجفن سال
هضيمه اعلينه تنگال

اول تالي بت حيدر مچتوفه ويمشوهه
بقصر گتال اخوهه اشلون ذيچ الوگفه وگفوهه
قسو بيه بحچيهم حيل وعليه اصوات علوهه
القصر والبي فرد چلمه زينب وسفه سبوهه

تمنيتك تشوف اشصاير اعلينه
من بعدك نموت احنه تمنينه
بچو حته الاطفال
هضيمه علينه تنگال

من عزي ودلاي الچان ابخرابه گعدتي صارت
ماغمض جفن بيه اختكم خويه مانامت
الضاعلهه مثل عباس بين الغربه ماعاشت
بچت مومن بچي زينب خويه من القهر ماتت

يخو زينب تعال الزينب ادفنهه
تواسيهه وتطيب چم جرح منهه
مخليتك للثگال
هضيمه علينه تنگال

سلام البهادلي

زينب ابيا حاله عگب احسينها
من جلوس اتصلي الله ايعينها

ــــــــــــــــــــــــــــــــــــــــــــــــــــ

زينب ابطيحت اخوها امن المُهُر
شافت الما شافه ايوب ابعِسُر
امچلِّب ابطارف عبايتها الجَمُر
وفرهدت نار العدا اصواوينها

ــــــــــــــــــــــــــــــــــــــــــــــــــ

الچانت ابعِز محد ايشوف الها ظل
هسه مسبيه وعلى اضهور الهزل
من بعد كافلها مچتوفه ابحبل
والحبل سيف ويِّحز چفينها

ـــــــــــــــــــــــــــــــــــــــــــــــــــ

الوچِّبَت علتل ، على الناگه اوچِبَت
وعاينت جثت اخوها اتسلبت
بيها اظن حتى المدامع شيِّبت
وگد عمر نوح الحزن بسنينها

ــــــــــــــــــــــــــــــــــــــــــــــــــــ

صاحت ابحسره اعله كافلها الشهِم
خويه طولي انشاف بعيون الزلِم
زينبك مسبيه هم عندك علم
اخلافك لأبن الدعي امودينها

ــــــــــــــــــــــــــــــــــــــــــــــــــــ

اشحالة المسبيه لو طرها الصبح
علخدر عين الشماته اغمگ جرح
والاشد من تنظر اشفوگ الرمح
راس اخوها التبره عينه لعينها

ـــــــــــــــــــــــــــــــــــــــــــــــــــ

بالدرب كلمن تصب دمعه وتون
تسكت ابصوط اليسودلها المتن
ياخوارج كلمه بالمسمع ترن
هاي اميه وهاي اوامر دينها

ــــــــــــــــــــــــــــــــــــــــــــــــــــــ

كل مصاب العاشر ابــ آل النبي
ما يعادل ساعه بايام السبي
عفة الله وتدخل اعله الناصبي
امگيِّده وهيه ابعمر خمسينها

ـــــــــــــــــــــــــــــــــــــــــــ

وسفه اهل الباقيات الصالحات
دارت اعليها المحن والنايبات
بالخرايب عترة الهادي تبات
علترابه ابلا ذَرَه امخلينها

ـــــــــــــــــــــــــــــــــــــــــــــــ

سيد علي عبدالزهره الناجي

ارسم عله الگاع    اخيال الرمح وتشابگ ويا
        يادنيه شبساع  اتريدين ليش الغالي انسا
كلما ارسمه يرسم وياي
عطشان رايد يشرب الماي
____

مذبوح حلمي/ بلطف حلم ماشفت/ گلت اشعجب مامتت
مختنگه النفاس/
بس غرب يمي/ غيرالاخو ماردت/ والشوفته اتحسرت /   وياغربة الناس

شيبت كل خطوه مرتين //  اشلون افارگ وجه الحسين
ردته لوثواني///   ينزلي المكاني///  من رمحه اعاني 
لحضانك اتاني   تضمني

بدروب الجروح    مشاني وكتي ليل ونهار
موطلعت الروح   لشوكت ابقه گلبي محتار
بگلبي المصايب صارن اهواي
كل ماارسمه يرسم وياي
_
ذبلان جفني/ بدرب السبي والتعب/  من أنضرب موعجب
وبعيوني التراب
ياكبر حزني  /   هذا العليه انكتب /  من عيني نومي انسلب
ومضيعه الاحباب

والغرب بعزازنه اطوف //  بلرماح وعينه اتشوف
چم مره نشتمنه//  والشامت هضمنه//   وي رمحك عتبنه
مثل خيمه انهدمنه
بثواني

بعبينه العيون   من كل جهه وكل صوب بل شام
ضلو يشمرون   حچايات بس اقوه من السهام
يشتمنه ضل الرايح وجاي
كلماارسمه يرسم وياي
_
ضميت دمعي/ تمنيت عيني انعمت/ حچايه الثگيله انحچت
ياهيه هايه
ياروحي اسمعي/ انه المره الي انسبت / وگالوا عليهه بچت
مايمهه رايه

ياهلي وغيابگم موت  . من الهظم ماظل بعد صوت
من الغربه تعبنه .. تألمنه وسهرنه .. تقاسمنه قهرنه
عل دنيه عتبنه
نعاتب

متعوبهة الگلوب   مابينه وحده اتجر الانفاس
وبصوت مرعوب  يصيحون ذني ابلايه حراس
شفت الحجر يبچي عله مبچاي
كلما ارسمه يرسم وياي
_
يفرون بينه/ و شمات بس تبتسم/ بجرحه الضعن ينرسم
تتعاله الاصوات
كلماحچينه/ چم صوط الي ينقسم/  واللچمه ماتنحسم
بينه النفس مات
يازمن ماخذنه ليوين  //  من الصياط امحومره العين
ابنص گلبي حراره/  ب اگلوب الحياره / اليمته تطفه ناره
ضعنه ياخساره
  بعدكم

ياراحت البال    مدفونه ضلي ابصف الحسين
موقصت احبال    الضلت ابهيمه اتروح چاوين
بلشمس گمنه اندور افياي
كلماارسمه يرسم وياي
____

مووحده وثنين/فوگي المصايب مطر/ مسبيه فوگ القهر
خلصت حياتي
ماادري لاوين/ يمشيني گام القدر / والدرب وحشه وحجر
ضلمه امنياتي

حدبت منكثر الجراح // منندفن بلكي الله ارتاح
چم مره انسبينه/  بهيمه اتسلبينه /عذاب اتعذبينه
مچويات ادينه
تعبنه

الماعدهه خوان    تخنگهه عبره اگبال شمات
والفگدت حنان    تدفن حلمهه والفرح مات
علگاع ضل مطشر ارباي
كلما ارسمه يرسم وياي
عطشان رايديشرب الماي

سلام البهادلي

يحسين اودعك من على الناكه ... غصبأ عـــلية بدمعة حراكه
ريتك انه كبلك خوية ذبحوني
ودعتك الله يا ضوة عيوني
… ..
جرحك… جرحي… نفس الوجع واللوعة والحركة
دمك… دمي… هذا اليسيل امتنالي للملكة
روحك… روحـي… متشباكات ايرفضن الفركة
جسمك .. جسمي… الصعدت عليه الخيل وتسحكة

سهم الي صابك خوية صاباني ... يابس اللسانك يابس اللساني
مثلك يخوية الماي حرموني
ودعتك الله ياضوه اعيوني
… ..
خوية ..اوداعك… يكسرلي مو بس خاطري وظهري
كلشي… البية… ينكسر لجلك يغلى من عمري
دونك… انه… اكظي العمر وي دمعتي التجري
شذكر .. شنسة… منك يزارع طيبك بصدري

عايش يخي ما صدك بموتك ... اشلون انت ميت واستمع صوتك
عنك غصب يحسين بعدوني
ودعتك الله ياضوه اعيوني
……
ميته… كبلك… خوية عساني وخلصت ايامي
غالي ..اعلية… اشلون اصبر انظر منحرك دامي
شوفي… الحالك .. نسّاني حالي وجرحي والامي
بعدك… شلي ... بيهة انه روحي يالمتت ظامي

شلي بحياتي وعمري وسني ... حزني الغيابك دم يبجيني
يالجنت اشوفك سلوتي وعوني
ودعتك الله ياضوه اعيوني
… .
ليلي… انهاري … بعدك يخوية ما اميزنّه
ظلمة…وحشة… كلشي ابوداعك صرت اشوفنه
يقهر ..حالي… اخلافك غريبة يا هـوه الجنه
دمعة…عيني…ما نشفت وما بطلّت حنه

جم صورة الك ما فاركت بالي ... يالمنذبح من الكفة اكبالي
ياخوية بيك اعداي فجعوني
ودعتك الله ياضوه اعيوني
……

سامع…صوتي… يالبية عايف كل جرح يدي
عاين .. خوية.. كثرة دموعي الجرحت خدي
حاشا… امروتك… تقبل اروح اوية العدة الوحدي
نوحي… الفكدك…ما ينتهي حد نزلتي اللحدي

مجلس عزائك دايم ابروحي ... ما ينتهي وما ينكطع نوحي
حد ما وسط لحدي ينزلوني
ودعتك الله ياضوه اعيوني
……
ابكسرت…خاطر…راح امشي عنك خوية مسبية
ظهري…محني…العظم المصيبة الطاحت اعلية
امودع … بالـله … لبيك الف طعنة وتسعمية
مبري..الذمة... يل وي الاهك صادق النية

ما قصرت ويانه بالمرة ... يالطيبتك من فاطمة الزهرة
الوادم عليك اهواي حسدوني
ودعتك الله ياضوه اعيوني
… ..

انه .. وانت … بينة الزمان اشخلة ما سوه
شوفت… عينك… جمّع علينه اليسوه ما يسوه
بعدك … دهري … شداني بحبال اليسر كوه
شحجي… ويلي … ماتت اوياك الغيرة والنخوة

بعدك يخوية ماتت الغيرة ... ياهو الاحشمة طايحة ابحيرة
ابكثر الشماته الحاطت اضعوني
ودعتك الله ياضوه اعيوني

……



الحمد الله رب العالمين
اللهم صل على محمد وال محمد
موسى الخادم

يا راس هذا انرفع ... قرأن منه انسمع
هذا ملك لو نبي ..... نور الله منة يشع
"""
فوك الرمح يالعقيلة ... راس انرفع بي عجايب
حيرنة حسنة وجمالة ... كوميلة يم المصايب
يشبه اخيج يحرة ... ذاك الي ما ظلة صاحب
الجبتيلة بيدج مهرتة ... خـــل نعتنيه بالنوايب

ما بينة ظل كل صبر ... امشينة يم الخدر
شابح علينة النظر
""""
يا زينب امشينة يمـــة ... نشكيلة من هالظلامة
صورة المحمد نشوفة ... نفس الشكل والعمامة
مثل البدر يزهي نورة ... يحمل صفات الامامة
حنت عـــليه الفواطم ... لاذت بكــترة اليـــتامة

عطر النبي بركبتة ... دم الوصي بلحيتة
من فاطمة طيبتة
"""

يم الخدر هـاج اسمعي ... صوتة الي حير جمعنة
موصوت ابو اليمة هذا ... لــــو حيرانة سمعـنة
بالحيرة طحنــة يزينب ... هـــــذا ابد مو طبعنة
ماعـــدنة ظــلت وسيلة ... فكـــد الهواشم فجعنة

الله يا كربلة ... اشسويتي بالعايلة
ذبلتي غصن الورد
""""
يا رملة يا ليلة بطلـن ... من البواجي ارد افكر
ان جان ابو اليمة هذا ... سكنة ورقية اشيصبر
فكد الابـو ماهــو هين ... كـــلب اليتامة يفطـر
الـله مـن هـــل مصيبة ... ظهر المراجل تكسر

ما ظل بعد كل امل ... هذا ابن خير العمل
هالخبر ما ينخفي
""""
مني اسمعن يا خواتي ... سر مخفي عنجن يألم
انه ادري هـذا حبيبي ... من ظهر عاشر محرم
اكبالي الشمر حز وريدة ... عاين عـــلية وتبسم
مـــا بينت مـــوتة الجـن ... بالنية بس ربي يعلم

يمخدارت النبي ... محتوم امر السبي
حسين الحبيب انذبح
""""
كلمات
موسى الخادم

يالعفتني بعيني دمعة ابكد سماي
الك مشتاكة بكبر شمس الله هاي

...........................................................

ياكمر هاشم اجيتك . اشتكي هضمي اعتنيتك . انه اختك يالنخيتك .
رد علية
وين اروحأ لو عفتني . المن اشكي يالجبتني . امـن المدينة واكفلتني .
رد علية

انه مسبية اصبحت يا كافلي
وانت ناطيني العهد كافل الي
كوم حاميني يبن حيدر علي
حرمة تدريني غريبة ابلا هلي
عندي ما ظل كل محامي. والسهام اعلي ترامي . كوم يالجافيك دامي .
رد علية

لا فكر ظل عندي لا ظل عندي راي ...
.............................................................

يالعفتني بحالت الهم . حركو اعلية المخيم . ريحت العطاب تشتم .
يا كفيلي
هم ترد ذيج الليالي .الكلهة فرحة رد سؤالي . ما تشوف الضيم حالي .
يا كفيلي

هاك عايــن للعباية امشككة
والجفوفي الترفة ذيج امحركة
انه بعدك كلبي يا كافل شكة
ما لكة رحمة بخصومك مالكة
شخصي يابو الغيرة نكرو .عيني مثل الزهر سطرو . نارهم بمتوني سعرو
يا كفيلي

الك يشرح حالتي حركي وبجاي ....
.............................................................................
لو عفتني يا حبيبي . كل حزن بعدك نصيبي . جرحي ما يشفى طبيبي .انت انت
اعلية مو هينة اعوفك . يبو الغيرة رد جفوفك .عايش ابروحي اشوفك .انت انت

بعد عينك مالي راحة ابهل عمر
اجرع المر والمصايب يا بدر
نار هجرك بالكلب تسعر سعر
رد علية ما بقى عندي صبر
عالاقل سمعني جلمة . يالعفت كلبي اوية همة . خدري المن ها تسلمة . انت انت

حيرتي حيرة بكبر حزني وضماي...
""""

جنت احسب يكظي عمري .اوياك يا سلوتي وذخري. وانت التنزلني كبري
يابو فاضل
خابت أظنوني ابمصابك . يلي ما احمل غيابك . ياعذابي ويا عذابك
يابو فاضل

وين اروحأ وانسى طاري امصيبتك
اه يا خوية اشكثر محتاجتك
ريت ميتة ولا شفهتهة جثتك
يا حسرتي ما كلتلي حاجتك
وسفة ما عندك وصية . يالرحت من بين ادية . اه من عظم الرزية يابو فاضل

بيك اشوفأ هيبتي وعزي وحماي ....

...........................................


الحمدلله رب العالمين
اللهم صل على محمد وال محمد
موسى الخادم

يا بوية ظلمة بغيبتك دنيانة...
صار الشمر حادينة يا رجوانة
ماهمة دمع العين
ياخامس الطيبين
صار الشمر حادينة يا رجوانة
,,,,,,
شحجيلك شسولف عــن مأسيــنة
حفايه أعلى الجمر مشانة حادينة
أبد ما همة حر الجمرة يجويــنة
لا هــمة اليتامة أحنة ويـــواسينة

أذانة عكبك ما رحمنة الحادي ... أقسم الك بدموعي يبن الهادي
صوبنة سهم البين
ياخامس الطيبين
صار الشمر حادينة يا رجوانة
,,,,,,,
يسباح الكلب يا مــالك صروحي
عكب عينك صرت محتارة بجروحي
فـــلا بطل ولا هــــود أبد نوحي
عليك أبكل وكت حزنانة يا روحي

ما لحظة ناسيتك ينور عيوني ...
كثر العطش والجوع ما هموني
هماني أشوفك وين
ياخامس الطيبين
صار الشمر حادينة يا رجوانة
…… ..
ماواحد رحم زينب عـكب عينك
جروعنة المرارة الخالــفو ديـنك
كطعو كل وصل ما بـينة وبيــنك
عساهة أبختة كلمن حارب سنينك

ماعندة رحمة الخلة دمك جاري ...
من عندة أريد الباري ياخذ ثاري
يعميلة كون العين
ياخامس الطيبين
صار الشمر حادينة يا رجوانة
,,,,,,
كعـدونة بخرابة لا ضــوة البيـهة
ونمنة أعلى الرمال الحرة تدريهة
رقية انة العزيزة الدمعة أجريــهة
شكوتي المن عكب عينك أنة أشكيهة

هذا الزمن بعدك مسحلي أحلامي ... يالما شربت الماي جبدك ظامي
جاري النهر للحين
ياخامس الطيبين
صار الشمر حادينة يا رجوانة
,,,,,,


رقيــة أنة الابــد متحب ســمع وني
الكسر ضلعك كسرني وما رحم سني
شتمني ومن ضرب سوطة أنحل متني
أبحبل كيد جفـوفي وكيـدة وجعني

زغيرة جفوفي وأنت اعلم بيهة ... ماتحتمل ثكل الحديد اعليه
عاين علي يحسين
ياخامس الطيبين
صار الشمر حادينة يا رجوانة



حمدلله رب العالمين
الهم صل على محمد وال محمد
موسى الخادم

كافـــــــلج راح ... يزينب
زيـــدي الانياح ... يزينب
…… .
وين حــماي الخــدر ما شــــوفة
هـا يــزينب كطعوهـــة جفـــوفة
وانتي مشـــوج اليسر مجتــــوفة
بصوتج أسمع كل رجيف الخوفة

ويــــنة عـــباس ... يزينب
راعي الاحساس ... يزينب
"""""
هـــا يشامت ســـرتك أخـــباري
وأنة لجلي الكون مـــدمع جاري
ما يهمني أضحك لاخير أنهاري
انه زيـنب انه صــــبر الـــباري

صعبة تمحون ... يزينب
باقية أم عون ... يزينب
"""""
أوحــيدة ظليـــتي يبت حــاميهة
وكافلــج عيـــنة أنعمت شوفيهة
غـــركي عينج بالدموع أعميهة
ما بقالج كـــل محامي أحجـيهة

مالــج معــين ... يـزينب
ذبحوحسين ... يزينب
…… .
أنه اخــت عــباس هــــادم ســاسكم
ما يجاري أحساسة جـمع أحساسكم
صبري شامــــخ حــد كطع أنفاسكم
بيه مـن حيــدر عـــزم كــد ناسـكم

صرخة تنعاد ... يزينب
بنت الامجاد ... يزينب
"""""
وين أخـــوتج يالعقيلة أحجيلي
ما أشوفـــنهم أجـــوج أشكيلي
حزنـــج جروح الكلب يشفيلي
هاية فرحة البيهة رد كل حيلي

ما بقى أحباب ... يزينب
والكمر غـــاب ... يزينب
"""""
انه زينب جــــلمتي المسموعة
ما أدنـك هــامتي المــــرفوعة
صح غريبة وبالاهل مفجوعـة
لا جــن الـــذلة علي ممــنوعة

تسمع الصوت ... يزينب
ساعت الموت ... يزينب

"""
الحمد الله رب العالمين ..
اللهم صل على محمد وال محمد
موسى الخادم

يا شمس غضي البصر ... لليسر طلعت عقيلة هاشم
يا أرض مسحي أثر ... أثر زينب لا يشوفه الظالم
وانت يا نجم وهوه
غطـو زينب بلـوه
،،،،،
يا شمس خلصي النهار بساعج اليوم
لليسر زينب تريد و شايله همـــوم
خايف اخيال العقيلة تنظرة الكوم
وانه ما بيه انتفض بجروحي ملجوم

لون ما عندج خبر ... حرج امتون العقيلة أملازم
،،،،
يا أرض بلعي أثر جدم العقيلة
ما بقت عندي الجفوف البيهة أشيله
وياي أريدن همت جابهاي الثجيله
موسهل أنظرهة والمدمع تسيلة

منظر ايفت الصخر ... أمكيدة بكيد اليسر بت فاطم
،،،،

يا هوة وكف النفس لا تلمس أختي
من تحركهة العباية تحز ركبتي
راعي ستر ام الخدر يالبيك همتي
تدري زينب حتى ميت أبذمتي

بالك أيمسهة الخطر ... اله صير انت الكفيل وقاسم
،،،،
يا نـــجم زيح الظلام الحل عليهة
خاف تعثر زينب ومحــــد يجيهة
والله ما بية استمع ونهة وبجيهة
نـير درب الغاضرية وي مشيهة

تدري مذبوح الكمر ... هذاحكم البلسراير عالم
،،،،
زينب أختي وانه اخوهه تسمعوني
ازعل وارضــــى الرضـــاهة تعرفوني
خــبر مـــوتي الالماهة ضــي عيوني
وانه عــذبني بسبيهة الحالربوني

عندي ما ظل كل فكر ... تنظر الزينب عيون الوادم
"""""
الحمد لله رب العالمين / اللهم صل على محمد وال محمد / مـــــــــــــــوسى الخـادم

أنشد عنك وين ... جاوب خوية حسين
جسمك هذا البلطف عاري
يا مسـتودع كـل أسراري
جاوب خوية حسين
"""
تسمعني ... يبن أمي يالمالك ذجر
تسمعني ... خبرني طايح يا كتــر
تسمعني ... زينب وحيدة أبلا خدر
تسمعني ... بعدك فلا ريـــد العمر

وينك يا رجواي ... ما شاربوك الماي
جيت ارويك بدمعي الجاري
يا مسـتودع كـل أسراري
جاوب خوية حسين
""""
دليني ... ظلمة أصبح بعيني الدرب
دليني ... وينـــك يســــباح الكــــلب
دليني ... عنك راسك الدمــة يصب
دليني ... فكد الاخـــو كــلش صعب

يحسين أخذ الروح ...
بس لا عني تروح
موتك يحرك كلبي بناري
يا مسـتودع كـل أسراري
جاوب خوية حسين

يحسيني ... أنظر جسد عاري الهدم
يحسيني ... صدرة بحوافر منـــهشم
يحسيني ... بي ريحتك يا خوية أشم
يحسيني ... هذا انت جاوب يا شهم

هالجسم أبلا راس ... متكطع ومنداس
شتت عقلي وكل أفكاري
يا مسـتودع كـل أسراري
جاوب خوية حسين
"""""
حاجيني ... صوتك حبيبي أرد أستمع
حاجيني ... مــنك تكسر جــم ظـــلع
حاجيني ... انه أختك أبأتعس وضـع
حاجيني ... بعيوني ما ظل كـل دمـع

أكعد شوف الحال ... حزني ايهد أجبال
ما وصلتلك خوية أخباري
يا مسـتودع كـل أسراري
جاوب خوية حسين
""""

خليني ... اوصل الك يالمــــنذبح
خليني ... يحسين أضمدلك جرح
خليني ... من كلبك أشلع هالرمح
خليني ... وياك أظل حد الصبح

ما أسمعلك صوت
بعيد الشر يا موت
عوف حسين وأخذ صغاري ...
يا مستودع كــل اســراري
جاوب خوية حسين
"""
دليني ... عن راسك اليكطر دمة
دليني ... أقسم عـــليك بــــفاطمة
دليني ... وين انت صوبني العمة
دليني ... بالهم تـــراني أمحـزمة

وينــك يا صـنديد
شوفك عيني تريد
شوفك لا تخفي أعلى أنظاري
تدريني ... بوادعك أكـلــيبي أنجـوة
""""
ما ذيني ... فكدك صعب ما ينحمل
ماذيني ... كثر الحزن كلبي يـــمل
ماذيني ... موتك يبن خير العــمل
ماذيني ... ماعندي ظل بعدك أمل

ما ظل بية الحيل .
يالسحكوك بخيل .
ارحم ضعفي أعليك الباري .
يا مسـتودع كـل أسراري
جاوب خوية حسين
"""
تدريني ... بوادعك أكـلــيبي أنجـوة
تدريني ... بعيوني ما ظل كل ضوة
تدريني ... ضايع علي شم الهـــــوة
تدريني ... متحيرة ما نرجع الســوة

اخـــتك أنه شلون
تتركني ابلا عون
ارجع بعدك موحش داري
يا مستودع كل أسراري
جاوب خوية حسين
""""




لحمد لله رب العالمين
اللهم صل على محمد وال محمد
موسى الخادم

نزله (( #الأميرة )) 
……………………………………………………………

أسيرة .. رفض كلمة اسيره
أميره ..  ابعرش راحت أميره

……………………………………………………………


جبل عالناگه صاعد . ابعرش بلقيس گاعد
واذا باوع على الگاع . يشوف الالف واحد 
ابطريج السبي كله . شمر من عدها لابد
ابد ما مات عباس . تراها ام عون قائد

عشيره . غدت بيرغ عشيره
أميره . بعرش راحت أميره

……………………………………………………………


اسم طه اعل چفها . حبل شنهو و چتفها
النار و بردن اتصير . اذا وصلت طرفها
تطيح النجمه جائز . وشمخ زينب انفها
تميل الكاع بالناس . اذا مايل چتفها

كسيره .. ايخسه الگايل كسيره
أميره ..   ابعرش راحت أميره

……………………………………………………………


لمن بالكوفه خطبت . رياح الخوف هبّت
اصفر اصبح اللون . شوارب زلم گلبت
قيامه اليوم چنهم . عليهم نار شبّت
حچيها اتكول فقار . لبن مرجانه رعبت

زغيره .. زلم صارت زغيره
أميره .. بعرش راحت اميره

……………………………………………………………


خذت دور الزعامه . حجاب و كالعِمامه
غدت وي زين العباد . درع يحمي الامامه
تضم الباقر الها . مثل جنح الحمامه
درب چن لبوه تمشيه . وشمر مثل النعامه

وزيره . لبو الباقر وزيره
أميره . ابعرش راحت أميره

……………………………………………………………


نزل من الله اسمها .  وعلم كامل علمها
الله وگص عباتين . الها او وحده لمها
عاشت ورده بيضه . ابشغف حيدر يشمها
اذا ضيّعت الحسين . فقط تلگاه يمها

قريره .. بها عيونه قريره
اميره .. ابعرش عاشت اميره

……………………………………………………………



الملك تيّه لسانه . قزم ضاع ابمچانه
يزيد انغسل وجهين . سمع اكبر اهانه
تگله اعليك غصبن . يظل يرف لوانه
ابن هند ام الاكباد . و بنت الزهره انه

كبيره .. أنه الشيخه الكبيره
اميره .. ابعرش راحت اميره

……………………………………………………………


غدت جنه الخرابه . وابد مو عالترابه
الله امن السمه ابساط . فرش الها السحابه
تنور وماكو ظلمه . الكمر فك الها بابه
يخسه يزيد ويعيش . خدر الله وحجابه

قديره .. تهد قصره قديره
اميره .. ابعرش راحت اميره

……………………………………………………………
✍️ ( سيد خضر الزاملي )
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

(( #رفقاً #رفقاً  ))
لسان حال احدى النياق
……………………………………………………………

رفقاً رفقاً ياهزلات .. متعوبات العلويات
جارت كل الدنيه اعليهن
عاد احنه الخل نرحم بيهن
رفقاً رفقاً

……………………………………………………………


رفقاً و الحرم هايه . الله لذاته ناسبهن
ربن عالخير مهيوبات . حسين اشگد امدللهن
انذبح واليهن وظل راس .وهِنّه السبي ذابحهن

اجنچن من رگض والبيه الف عثره
وجدم ماكول صار ابحلگ چم جمره
و اذن مجروحه شبعت شتم بالزهره

خل نستقبلهن بونين .. انصب دمعات الاخت حسين
و اعل العباس انواسيهن
عاد احنه الخل نرحم بيهن
رفقاً رفقاً

……………………………………………………………


نتساوه اوي سطح الگاع . ننوّخ حيل للرچبه
عالي الظهر عدنه وخاف .الصعده اعل الحرم صعبه
چف الجابهن مگطوع . واديهن ظلت ابغربه

لو صعدن عليچن بالعجل نهظن
تره اعليهن سياط ابضرب يلتمن
السوط تگول نار ومنه يتأذّن

وبهيده اتنهظن يجمال .. بيديهن ملفوفه احبال
من وحده الوحده امچتفيهن
عاد احنه الخل نرحم بيهن
رفقاً رفقاً

……………………………………………………………


جبيرات الحرم يانوگ . نگول ايحملن الصعده
لچن اشلون بالاطفال . اليطيح وياهو الي يرده
لو احنا النسحگه ولو . ابسوطه الشمر ويجلده

العطش و الجوع حيل امأثر اعليهم
من شوچ الارض متروسه رجليهم
يضربوهم اذا سمعوا بواجيهم

كل واحد مجروح احساس .. امدللهم حيل العباس
وردات ابخوف امذبليهن
عاد احنه الخل نرحم بيهن
رفقاً رفقاً

……………………………………………………………


امر واحد صعب يانوگ . وابد ما نگدر انوفره
افياي انحصله الهن وين .تره شمس الضهر جمره
هاي العبي سوده اليوم . وباجر تنگلب حمره

لو نزلن نظل وگفه و نفيي احنه
امبارك ساعه فَيّ الهن يحصلنه
بدلهن خلي هاي الشمس تحرگنه

بس شلون ابريح الحار .. ايهب اعليهن مثل النار
ابلا سد ايظل ايچوّيهن
عاد احنه الخل نرحم بيهن
رفقاً رفقاً

……………………………………………………………


يناگة سكنه كل ساعه . يم الراس گربيها
ابگلبها الهظمه مكبوته . لبوها تريد تحچيها
الراس او وين ما فروه . يرد و يلتفت ليها

يناگة زينب او وصليها للكافل
تره عدها عتب وي راس فاضل
عالو بيها محد وكّف العايل

خدري وهم مثلك مذبوح .. يم اچفوفك عفت الروح
اعل زندوك خويه اتخليهن
عاد احنه الخل نرحم بيهن
رفقاً رفقاً

……………………………………………………………


والاصعب لو وصلنه الشام . سوگ او وادم امعيده
يتلگانه كل واحد . احجار امحمّل ابأيده
نعلي ارگابنه ليفوگ . الحجر عن زينب انصده

ينوگ هناك لازم ننركض ابسرعه
من السوگ نخلص كون و انطلِعه
انخلط ماي الخجل عدهن اويه الدمعه

فاطم تبچي ابدم يانوگ .. ابنيّات الها ابنص السوگ
فرحان ايزيد امتانيهن
عاد احنه الخل نرحم بيهن
رفقاً رفقاً

……………………………………………………………
✍️ ( سيد خضر الزاملي )
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

آنه الغريبه وماتت اسنيني
ظليت  اعيشن انه ابونيني
جرح السبي مابينك  وبيني
******
ابدي  قصة   احزاني
وانه ابجمرة اشجاني
وحدي بلايه خواني.........عذاب

احسب عمري لچماتي
بس    النايبه   آهاتي
اجري اهوايه دمعاتي......مصاب

منو المثلي يحسين تعيش المصيبه
صرت صرح الهموم   اويلاه غريبه
اسد باب الجروح يردلي ابنحيبه

هاي الليالي جرحي واحساسي
صعب اليتم  لو  يمسح ابراسي
كل ونه  صارت  تخنگ انفاسي

ناعي الحزن ابجروحه يلفيني
آنه الغريبه وماتت اسنيني
*******
انه  الما   طفت  ناري
يكتب دمعي وعباري
تدري وضعي وخباري......دموع

فدوه ارحمني ياليلي
اگعد يمي  واحچيلي
بعدك   ينهدم  حيلي .....ظلوع

يبو اليمه الآهات عذابي وجروحي
گلت خويه وياك اظن ميته روحي
بعد طبرة  الراس  تهدم  صروحي

ليل   المصايب   عشرة  احزاني
والشام اجاني وجايب اشجاني
يحسين  اسولف  غربة اوطاني

حزني من اسولف كلبي ياذيني
آنه الغريبه وماتت اسنيني
*******
باچر  غربة اظنوني
بيين شيبي بعيوني
بانت لوعة  امتوني.........ونوح

انه الما  شفت  راحه
يذبح تالي مصباحه
دهري يرمي برماحه......جروح

يبو  اليمه  الأفراك   يعذب    دليلي
تظل نار   الاشواك   حياتي  وعويلي
الكتب عني طاغوت حياتي ورحيلي

درب  المصايب   بيش  اوچنه
شابت اعيوني اشلون اشوفنه
يحسين   اخبرك  زادت  الونه

بالغربه صارت روحي تدريني
انه  الغريبه  وماتت  اسنيني
*******
لحظه  ما غفت عيني
تربي الجيت احسيني
ابنار  الغربه   تدريني ......اموت

وحدي ولاشفت ناصر
گالو    ما يصل   زاير
كلها  تنذبح   باچر......سكوت

يبو اليمه حسرات اعيش امنياتي
يظل دهري وياي   يعذب حياتي
متت شام الأحزان يرجع  وفاتي

ياحيف  اشوفن مرقدي خالي
بعد المصايب جرحي يصفالي
كون انت يمي حسين يالغالي

نار   المخيم لسه  تچويني
انه الغريبه وماتت اسنيني
*******
وحدي بغربه عفتوني
يحفر  دمعي بجفوني
دار  الحسره   تلگوني .....عتاب

ردت   كربله  اعليه
اركض وصفج يديه
ضعني واني مسبيه .......عذاب

منهو المثلي يحسين طفوفك شفتهه
عشت شامي  مرتين هضيمه عشتهه
عفت احلى وليان صعوبه عفتهه

ياخويه بعدك چم شمر جاني
وحشه  وغريبه ابلايه خواني
باب  النوايب يشرح  احزاني

كتر  الغري   وين  اليدليني
انه الغريبه وماتت اسنيني
*******
تمت بعون الله تعالى الشاعر_يوسف_الفتلاوي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

لمولاتي السيدة زينب ع

شيظل بل ابنادم اذا يسبونه
واسبعطش منحر تشوف اعيونه
يثگل اعله السانه إسمة
وكالخيال ايصير جسمة

اليسبونه .. اليسبونه
~~~
هو السبي ايخلّي البشر .. يفتح اعيونه ابچفه
ويذبّن اعيونه جمر .. لمّن بخوته اتحلفه
والگطّع امتونه الحبل .. ليل الله يلچم چتفه
والميّت بإيدة ابن اخو .. خل ينسه طعم الوگفه

الينام بعينه دم رمح .. هذا بي جرح .. بالعاشر
خل يمشي بجرحه للگبر .. يدفن الصبر .. من باچر

كلهن هذني بزينب وما ميته
والله اعله ساعه اتموت من السكته
هذا حاله المات حلمة
كالخيال ايصير جسمة

اليسبونه .. اليسبونه
~~~
زينب گلبها منتهي .. نشّفها صبح العاشر
بس العبايه والنِفس .. رجعّها سحگ الحافر
الصاير عليها بكربله .. لا صاير ولا داير
ميته وعلي لو ما الصبر .. أليوم گبل الباچر

چووها بحرگة الخيم .. شافت السهم.. بالجربة
راووها رگبة الگمر .. شايل النهر .. و امتعبة

كل ما تنام اعله الظَهر تتذكّر
اشلون نام احسين يم الاكبر
گبل لا يحچيله كلمة
كالخيال ايصير جسمة

اليسبونه .. اليسبونه
~~
زينب سباها المو عرف .. ويد الغرب دفعتها
نعمه وسنة ونص اصبرت .. ما ماتت بساعتها
هيه الترسها الطف سبي .. وچوه اديها وعتها
هايه تعيش وتختنگ .. تتنفس ابموتتها

الدفنت چم طفلة بالدرب..عفية مو گلب..شايلته
مسبية وركبت الهزل .. چفها بالحبل .. عاگدته

يومية تحلم بالشمر والخيمة
گاطعله راس ويمشي بي بالهيمة
واعله طول السيف دمة
كالخيال ايصير جسمة

اليسبونه .. اليسبونه
~~
مشووها درب ابلا سحگ .. همّه ميندلونه
ألسابي والمسبي وعلي .. ايموتون اذا يمشونه
اليم عينه راس ابلا جسم .. ايجيبونه ويردونه
تبقه رگب فوگ الرمح .. ما بيها روح اعيونه

ماعدها وضيعت ظَهر .. والدهر كِسَر .. رايتها
وچم جثّة ابلا خشب نعش ..لا سگي العطش .. عافتها

اليذبح اخوك اشلون تمشي ابصفّة
والتكتل إيعرفك وإنته اتعرفة
اهنانه ماتت نسمة نسمة
كالخيال يصير جسمة

اليسبونه .. اليسبونه
~~~
من ذبحوا احسين الظهر .. شهگت لحد ما طاحت
وشالتها سكنه امن الرمل .. للخيمة تلطم راحت
زينب الف موته گبل .. ماتت تره وما صاحت
اصبع رقية شمتّه .. واتنفست من ماتت

طيحتها وطيحة الدمع .. والله تنسمع .. عالناگه
التطب امچتفه القصر .. تبقه للگبر .. مشتاگه

باگت نِفسها وفحطتها الكوفة
بت الامچتفهم تطب مچتوفة
الخدر لو ما يمه زلمة
كالخيال يصير جسمة

اليسبونه .. اليسبونه
~~~
زينب امانتها انتهت .. بالشام اجت تنطيها
ما ميته موت الله تره .. ميته بحچي السابيها
ضعفت ضعف من كربلة .. خيط الشمس يخطيها
تدرون وصلت مرحله .. ألكلمة ما تحچيها

من شافت كافل انطعن .. رسمت الزمن.. بچفوفة
ما رادت بس هوه الگمر .. يلفت النظر .. وتشوفة

وگفت عله الباب الضهر توميله
ايد بظهرها وايد فوگ الشيله
ما اجه وگعدت ترسمة
كالخيال ايصير جسمة

اليسبونه .. اليسبونه
~~
علي هادي الخزعلي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

منهاج محرم الحرام 1447 هـ

تِسبوِها أتدرون؟...مَن زينب

بنتُ مَن وإختُ مَن.... تنسبي والله زمن
وهُمه اهلها اكبر وطن... لكل غريب وضايع
چان حماي اللوه... بليل لو سارو سوه
يركض يطفي الضوه...ظِلها خافن طالع

ويمسح ليها الاثار...يتعقب
تِسبوِها أتدرون؟...مَن زينب
ـــــــــــــــــــــــــــ١ـــــــــــــــــــــــــــ

بهودج وفوگاه عَلم... متخذ وضع الخيم
حتى هودج إلها هَم... ما تشوفه الوادم
وهسه مچتوفه بحبل... ومن بعد هودج هزل
ولو وگع عدها طفل...ايسحگه عمده الظالم

وايطعنوه بالارماح...للينحب
تِسبوِها أتدرون؟...مَن زينب
ـــــــــــــــــــــــــــ٢ـــــــــــــــــــــــــــ

الحادي بچفوفه أثر... باقي من دم الگمر
وإلها كل ساعه وحضر... شوفي دم الكافل
وجوده من عنده البگه...برمحه ذاكه امعلگه
لگلب زينب يِحرگه...من تشوفه اشايل

وتتغارگ بالادموع...من يگرب
تِسبوِها أتدرون؟...مَن زينب
ـــــــــــــــــــــــــــ٣ـــــــــــــــــــــــــــ

تحاچي شيَّال الرمح...انت شايلَّك صُبح
ايگلها چان ومنذبح... هسه هذا حسينچ
راس اخوچ وحائزَه...ورمحي بي هالراكزه
آنه اريد الجائزه...ما يهمني اونينچ

ومَيهموني الاطفال...تتعذب
تِسبوِها أتدرون؟...مَن زينب
ـــــــــــــــــــــــــــ٤ـــــــــــــــــــــــــــ

بيها ظنو تنكسر...لَمن طبت للقصر
باوعو لن الشمر...يرجف من الصاير
اتسائلو جاوب چنت...أمشي لوما دنگت
يعني معناها انهنت... وصرت أمشي وصاغر

لو أشْرْت بالاچفوف...أتخشب
تِسبوِها أتدرون؟...مَن زينب
ـــــــــــــــــــــــــــ٥ـــــــــــــــــــــــــــ

طَبَت بهيبة علي...الدوّر صاحت هسه إلي
أشهدُ ألا ولي...ولا فتى بس حيدر
وأنه اجيت هنا لأن...كربله احتاجت عَلَن
بكيفي مشيت الضعن...حتى أذل المُنكر

وعِرفِو المثل الحسين...لا يُغلَب
تِسبوِها أتدرون؟...مَن زينب
ـــــــــــــــــــــــــــ٦ـــــــــــــــــــــــــــ

أحمد البصراوي العبادي
نسألكم الدعاء والفاتحة لوالدّي
وخادمكم بأمس الحاجة للدعاء
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

عند دخول ضعن السبايا الى الكوفة
لسان حال السيدة زينب (عليها السلام)
تخاطب دار الإمام علي (عليه السلام)


يا دار الأمان... والحب والحنان
يمچ بالحبال...رجَعنَّه الزمان
بخرابه گعدونه
وانتي دار ابونه

امگيده بسبي... وانتي دار أبي
اتذكري ذكرياتي
الجاور لهلي... ما لمح إلي
مره ظل عباتي

وحتى النسوه مو ياهي وتمر بينه
بس الندري ما تحچي بوصف لينه
وشوفي اليوم يتسله ابواچينه
الذابح إخوّتِّي والگَيَّد إيدينه

لبيرچ كون أروح...وأحچيله الجروح
چا ما ظَلَّه ماي...من گدما ينوح
يمچ غَربونه
وانتي دار ابونه
ـــــــــــــــــــــــــــــــــ١ــــــــــــــــــــــــــــــــ

اتأملي حالتي... شوفي إخوّتِّي
وهذا منهو نظري
الچان إلي سند... وساعه لو بِعَد
ساعه دمعي يجري

هذا الچان من يطلع اناطرله
ومن بابچ يفتحه ركضه أركضله
الما ترمش عيوني لَمن أنظرله
بس الراس باقي وانطحن كله

مطحون الحسين... مدري بجسمه وين
من كثر الدموع... زين وعندي عين
وراس ويضربونه
وانتي دار ابونه
ـــــــــــــــــــــــــــــــــ٢ــــــــــــــــــــــــــــــــ

ادري تسألِي... وينه كافلي
راسه يم أخيه
نظري عالسهم... شوفي يا ألم
أنه بعده بيه

كل شويه ودي وسهمه أطلعنه
بس فص عينه خوفي اوياه أشلعنه
اتألم واذا شوَّفي درت عنه
بسرعه اشتاگله وليه وجهي أرجعنه

ابلا وجه الكفيل... ما احس عندي حيل
حتى بسهمه ظال...أجمل كل جميل
حل شوفي لعيونه
وانتي دار ابونه
ـــــــــــــــــــــــــــــــــ٣ــــــــــــــــــــــــــــــــ

چنتي مبسمي... وهسه معصمي
منه يجري دمي
وما كفه الدمه...أمي فاطمه
وذوله شتمو أمي

وتتذكرين حيدر لو حچه بيها
كلنه انگوم نوگف ويه طاريها
وهسه انشتمت وبس ارفض الگيها
اوجوه ايتامي سوط بحقده يدميها

واوجوه الزغار...ترفه وسوطه حار
ومن ينزل اشوف... يجرح بيها صار
بهالحاله سبونه
وانتي دار ابونه
ـــــــــــــــــــــــــــــــــ٤ــــــــــــــــــــــــــــــــ

ادخلنه للقصر...وأهون الجمر
ذاكه من قصرهم
كلها بي زلم...وگلبي ينثلم
والله من نظرهم

وراس حسين گدام ابن مرجانه
بعصاته ايگَلُبَّه وتتمضحك اعدانه
ويگله إنظر خواتك صارن هنانه
مسبيات إجن للكوفه ويانه

هنا واجب أصير... الناصر والنصير
گتله احنه الأُباة...وانت تظل زغير
وذَلينه عدونه
وانتي دار ابونه
ـــــــــــــــــــــــــــــــــ٥ــــــــــــــــــــــــــــــــ

أحمد البصراوي العبادي
نسألكم الدعاء والفاتحة لوالدّي
وخادمكم بأمس الحاجة للدعاء
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي