Umumiy taʼlim va erkinlik oʻrtasidagi bogʻliqlik yunonlar uchun muhim ahamiyat kasb eta boshladi. Asrlardan soʻng taʼlimga bunday yondashuvni taʼriflasharkan, rimliklar shunday iborani oʻylab topishdi: erkin (liberal) soʻzini asl lotin tilidagi maʼnosida, yaʼni “erkin insonlarga tegishli” maʼnosidan foydalangan holda “erkin” taʼlim iborasini qoʻllashdi. Ikki ming yildan koʻproq vaqt oʻtganidan soʻng Frederik Duglas aynan shu bogʻliqlikni payqadi. Uning quldor egasi yosh Frederik yaxshi oʻqiyotganini eshitib qolganida gʻazablanib ketdi va quyidagi gaplarni aytdi: “Taʼlim dunyodagi eng yaxshi qorani (qora tanli qul insonni) ham buzadi. Agar u Injilni oʻqishni oʻrganib olsa, bu uni abadiy qul boʻlishiga toʻsqinlik qiladi”.