Ehtiyojmand aholini yoqilg‘i energetikasi bo‘yicha qo‘llab -quvvatlash chora tadbirlari asosida 17 aholiga 293 million so‘m kompensatsiya ajratildi

O‘zbekiston Respublikasi Prezidentining "Yoqilg‘i-energetika sohasida bozor mexanizmlarini joriy etishda ehtiyojmand aholini davlat tomonidan qo‘llab-quvvatlashning qo‘shimcha chora-tadbirlari to‘g‘risida" 2025 yil 2-apreldagi qaroriga muvofiq, "Ijtimoiy himoya yagona reyestri" va "Kambag‘al oilalar reyestri"ga kiritilgan, shuningdek, moddiy ahvoli bo‘yicha kam ta’minlangan oilalar mezonlariga to‘g‘ri keluvchi 17 ming 26 ta oilaga joriy yilning sentyabr oyida elektr energiyasi va tabiiy gaz bo‘yicha bazaviy me’yor doirasidagi hamda bazaviy me’yordan oshgan narxlar o‘rtasidagi farqni kompensatsiya qilib berish uchun budjetdan jami 293,1 millon so‘m to‘lab berildi.

Jumladan, elektr energiyasi bo‘yicha 16 ming 961 ta oilaga 286,1 million so‘m va tabiiy gaz bo‘yicha 101 ta oilaga 7,0 million so‘m to‘lab berildi.
—
📝IHMA_Andijonviloyati

Adaptiv sport faoliyatlari bo‘yicha viloyatlar o‘rtasida Andijon 3-o‘rinda ketmoqda

Xabaringiz bor, Nogironligi bo‘lgan shaxslarning sport bilan muntazam shug‘ullanishini yo‘lga qo‘yish, sport inshootlarini nogironligi bo‘lgan shaxslarga moslashtirish va ularga zarur shart-sharoitlarni yaratish orqali jismoniy reabilitatsiya qilish tizimini takomillashtirish maqsadida mamlakatimizda Adaptiv sport turlari assotsiatsiyasi tashkil etilgan.

Bugungi kunda viloyatimiz bo‘ylab jami 16 xil turdagi Adaptiv sport turlari bor bo‘lib, unda 1000 dan oshiq parasportchilar mashg‘ulot o‘tab kelmoqdalar.

Qolaversa, adaptiv sport turlari faoliyati bo’yicha hududlar kesimida 51 ball ko’rsatgich bilan Andijon viloyati 3-o’rinda ketmoqda. Bugungi kunga kelib mazkur sport turi bo’yicha mashg’ulot olib borayotgan parasportchilar soni viloyatimiz bo’ylab 1149 nafarni tashkil etadi.

Ma’lumot uchun, Ijtimoiy himoya milliy agentligi Andijon viloyati boshqarmasi boshlig‘i To‘lanov Akmal Muhammadumarovich bir vaqtining o‘zida, jamoatchilik asosida O‘zbekiston  Adaptiv sport turlari assotsiatsiyasi Andijon viloyati boshqarmasi boshlig‘i hisoblanadi.
—
📝IHMA_Andijonviloyati

Ertaga “Besh tashabbus paralimpiadasi"ning saralash o’yinlariga start beriladi

"Besh tashabbus paralimpiadasi" ommaviy sport musobaqalarining Paralimpiyada doirasida mahallalardagi nogironligi bo‘lgan yoshlar o’rtasida saralsh o‘yinlari o‘tkaziladi.

Musobaqa Xo’jaobod tumanida joylashgan 17-sonli ixtisoslashtirilgan maktab internatida o’tkaziladi
—
📝IHMA_Andijonviloyati

Andijon TV | Dolzarb mavzu

Ayollarga nisbatan tazyiq va zo‘ravonlikka qarshi chora-tadbirlar va amalga oshirilayotgan ishlar yuzasidan mutaxassislar bilan suhbat o‘tkazildi.
—
📝IHMA_Andijonviloyati

#2yil2mlntaqdir

17-oktyabr – Butun jahon kambag‘allikka qarshi kurashish kuni

🧠 “Kambag‘allikdan farovonlik sari” dasturi doirasida ehtiyojmand oilalarga manzilli yordam ko‘rsatilmoqda.

✅ Surxondaryo viloyati, Termiz shahri, Pattakesar mahallasida yashovchi fuqarolar hayotida ijobiy o‘zgarishlar davom etmoqda.

🖋 Mahalladagi ijtimoiy ahvoli og‘ir oilalar holati o‘rganilib, “Saxovat va ko‘mak” jamg‘armasi mablag‘lari hisobidan ularga turli yo‘nalishlarda moddiy yordam ajratildi.

Sanavar Turapova va Aysanam Durdiyeva oilalariga dori-darmon, ta’mirlash ishlari, kiyim-kechak, oziq-ovqat hamda kommunal to‘lovlar uchun jami 12 million 315 ming so‘m miqdorida yordam ko‘rsatildi.

Bundan tashqari, mahalla hududida foydalanilmay yotgan issiqxona mahalla ijtimoiy xodimi taklifi va “mahalla yettiligi” kelishuvi asosida ushbu oilalarga topshirildi.

↗️ Foydalanilmay turgan issiqxona esa ushbu oilalarga berilib, hozirda ular unda bodring yetishtirib, o‘z daromadini topmoqda.

Bu — saxovat va mehnatning samarasidir!

📝 telegram    💻 instagram  
📝 facebook   🐧 xcom
🎞 youtube     🎖 ihma.uz

Ijtimoiy himoya milliy agentligi Telegram-kanalida AUDIO-CHAT!

👮‍♂️ Ekspert — BEXZODBEK ABDUHAKIMOV — Nogironligi bo‘lgan shaxslarning funksionalligini baholash boshqarmasi bosh mutaxassisi

😲 Mavzu: NOGIRONLIKNI BELGILASHNING RAQAMLASHTIRILGAN TIZIMI

🎙 Suhbat davomida quyidagi masalalar muhokama qilinadi:

✅ Nega yangi tartib joriy qilindi va avvalgi tizimdagi muammolar nimalardan iborat edi?
✅ Elektron tizim qanday ishlaydi va fuqarolar qanday bosqichlardan o‘tadi?
✅ “Inson” ijtimoiy xizmatlar markazlari va oila shifokorlarining roli qanday?
✅ Qaysi kasalliklar bo‘yicha majburiy davolanish talabi bekor qilindi?
✅ Nogironlikni muddatsiz belgilash mezonlari qanday soddalashtirildi?
✅ Raqamlashtirish korrupsiyani qanday kamaytiradi?

🖋 Agar sizda shu mavzuga oid savollar bo‘lsa, oldindan @IHMA_savollar manziliga yozib yuborasiz — savollaringizga efirda javob beriladi!

🖋 17-oktabr kuni
😲 soat 17:00 da

💿 Barchani ushbu qiziqarli muloqotda kutamiz!

📝 telegram    💻 instagram  
📝 facebook   🐧 xcom
🎞 youtube     🎖 ihma.uz

Prezident Shavkat Mirziyoyev ishsiz qolgan, mehnat jarayonida kasallik yoki nogironlikka chalingan odamlarni ijtimoiy qo‘llab-quvvatlash kafolatlarini kuchaytirish zarurligini ta’kidladi.
—
📝IHMA_Andijonviloyati

O’tgan haftaning eng muhim voqealari sharhi: Ijtimoiy dayjest
—
📝IHMA_Andijonviloyati

Sevimli TV | Ayollar muruvvat uyidagi xotin-qizlar oila muhitida yashashmoqda

Andijon viloyatining Izboskan tumanida joylashgan “Chuama” nogironligi bo’lgan ayollar uchun internat uyida amalga oshirilayotgan ishlar lavhasi.
—
📝IHMA_Andijonviloyati

Andijon axboroti | bitiruvchi talabalar Imkoniyatlar olami markazi faoliyati bilan tanishdilar.

ʼʼIHMА Stajyorʼʼ dasturi bo‘yicha ijtimoiy ish yo’nalijshidagi bitiruvchi talabalar bilan Andijon shaharda joylashgan Imkoniyatlar olami markazida uchrashuv o’tazildi.

—
📝IHMA_Andijonviloyati

Ijtimoiy himoya tizimidagi xodimlarning bilim va malakasi oshirilmoqda!

20-24-oktyabr kunlari O‘zbekiston Respublikasi Prezidentining "Tazyiq va zo‘ravonlikdan jabrlangan shaxslarga ijtimoiy xizmatlar ko‘rsatishni takomillashtirish” bo‘yicha qo‘shimcha chora-tadbirlar to‘g‘risidagi qarorining mazmun-mohiyatini tushuntirish hamda "tazyiq va zo‘ravonlikdan jabrlangan shaxslar bilan ishlash" mavzularida Andijon viloyatida o’quv-seminari o’tkazilmoqda.
—
📝IHMA_Andijonviloyati

Media loyiha - Insonlar bilan bir kun

Ehtiyojmand shaxslarni ijtimoiy qo‘llab-quvvatlash tizimi takomillashtirildi.

“Saxovat va ko‘mak” jamg‘armasi mablag‘lari hisobidan yordam ko‘rsatish tartiblari yangilandi. Endilikda jamg‘armaning oziq-ovqat, kiyim-kechak, ko‘mir va boshqa yoqilg‘i mahsulotlari kabi 3 turdagi yordamlari elektron savdo orqali taqdim etiladi.

Shuningdek, davolanish va jarrohlik amaliyoti xarajatlarini qoplash tartibi ham soddalashtirildi. Endi jarrohlik amaliyoti va davolanish uchun 20 mln 600 ming so‘mgacha (eng kam ish haqining 50 baravari) yordam ko‘rsatiladi.

Bu yordamlar kambag‘al oilalar reyestrida bo‘lgan yoki daromadi past oilalar uchun mo‘ljallangan.
Yordam olish uchun fuqarolar o‘z mahallasidagi ijtimoiy xodimga murojaat qilishlari lozim.

Ushbu videoda mazkur xizmatdan foydalangan ehtiyojmand shaxs bilan suhbat o’tkazildi.

Batafsil videolavhada…
—
📝IHMA_Andijonviloyati

Irodali inson uchun nogironlik to‘siq emas
 
Batafsil:

Hayot bu sinov maydoni — kimlargadir u yengil, kimlargadir og‘ir kechadi. Ammo bir haqiqat borki, chinakam irodali inson uchun hech qanday to‘siq yo‘q. Nogironlik ham bunga istisno emas. Hayotning og‘ir sinovlari insonni sinmay, aksincha, yanada kuchli, sabrli va qat’iyatli qiladi. Bugun jamiyatimizda nogironlik imkoniyatlar chegarasi sifatida emas, balki inson irodasining kuchini namoyon etuvchi sinov sifatida qaralmoqda.

Mamlakatimizda nogironligi bo‘lgan shaxslarni qo‘llab-quvvatlash, ularning hayot sifatini yaxshilash borasida tizimli islohotlar amalga oshirilmoqda. 2023-yil 1-iyunda O‘zbekiston Respublikasi Prezidenti tomonidan “Aholiga sifatli ijtimoiy xizmat va yordam ko‘rsatish hamda uning samarali nazorati tizimini yo‘lga qo‘yish chora-tadbirlari to‘g‘risida”gi farmon imzolandi. Ushbu farmon asosida zaif ijtimoiy qatlamlar — nogironligi bo‘lgan shaxslar, yolg‘iz keksalar va parvarishga muhtoj insonlar uchun yangi ijtimoiy xizmatlar tizimi joriy etildi. Shuningdek, 2023-yil 15-oktabrdan boshlab tajriba tariqasida 28 ta tuman va shaharda ijtimoiy xizmatlar markazlari tashkil qilinib, ularning faoliyati doirasida “Ijtimoiy himoya milliy agentligi” ish boshladi. Agentlikning asosiy maqsadi — O‘zbekistonda yagona, shaffof va samarali ijtimoiy himoya tizimini yaratish hamda aholining ehtiyojmand qatlamlarini qo‘llab-quvvatlashdir. Agentlik 8 ta yo‘nalishda faoliyat yuritadi: nogironligi bo‘lgan shaxslarni qo‘llab-quvvatlash, bolalar va oilalarni ijtimoiy himoya qilish, keksalar va yolg‘iz fuqarolarga yordam ko‘rsatish, reabilitatsiya va ijtimoiy xizmatlar tashkil etish, moddiy yordam va nafaqalar bilan ishlash, monitoring va tahlil, hamda jamoatchilik va nodavlat tashkilotlar bilan hamkorlik shular jumlasidandir. Mamlakatimizda nogironligi bo‘lgan insonlar uchun keng imkoniyatlar yaratilmoqda. Ularning ta’lim olishiga, kasb egallashiga, mehnat faoliyatida ishtirok etishiga, shuningdek, transport, infratuzilma va axborot-kommunikatsiya sohalarida qulay sharoitlar yaratish — davlat siyosatining muhim yo‘nalishlaridan biridir. Bularning barchasi “Hech kim e’tibordan chetda qolmasin” tamoyili asosida amalga oshirilmoqda. Chunki nogironligi bo‘lgan insonlar jamiyatning ajralmas qismi, ularning faolligi va o‘ziga ishonchi ijtimoiy taraqqiyot ko‘rsatkichidir.

Nogironlik bu nuqson emas, balki inson irodasining kuchini ko‘rsatuvchi hayotiy sinovdir. Irodali inson bu sinovdan qo‘rqmaydi — u undan o‘tadi, boshqalarga ham kuch, umid va hayotga muhabbat ulashadi. Shunday ekan, keling, biz ham ularni qo‘llab-quvvatlaylik, mehr va e’tibor beraylik. Unutmaylik: “Nogironlik to‘siq emas — irodasizlik to‘siqdir.”

Andijon davlat universitetining Tarix va ijtimoiy fanlar fakulteti
102-guruh 1-kurs talabasi
Jamshidbek Adashaliyev maqolasi
—
📝IHMA_Andijonviloyati