—
📝IHMA_Andijonviloyati

ʼʼXorijiy tillarni oʻrganish kelajak uchun qadamʼʼ nomi ostida mini loyiha ijtimoiy xodim va mahalla yettiligi tashabbusi bilan yoʻlga qoʻyildi

Paxtaobod tuman Yangi obod MFY ijtimoiy xodimi tomonidan ʼʼKambag‘allik reyestriʼʼ ro‘yxatiga kiritilgan oilalarning farzandlari uchun bepul til darslaridan o‘quv mashg‘ulotlari tashkil etildi.

Loyihadan koʻzlangan maqsad, ijtimoiy himoyaga muhtoj bolalarning bilim olish imkoniyatlarini kengaytirish hamda farzandlarning intellektual til bilimi savodxonligini oshirish, ruhiy rivojlanishini ta’minlashdan iboratdir.

Loyihaning amalda joriy etilishi bilan natijada, o‘nlab bolalar sifatli ta’lim bilan ta’minlanadi, ehtiyojmand oila farzandlari bilim orttirib, kelajakka ishonch bilan qadam qo‘yadi shuningdek, mahallada ijtimoiy birdamlik va bolalarga bo‘lgan e’tibor mustahkamlanadi.

—
📝IHMA_Andijonviloyati

Ijtimoiy xodim tomonidan navbatdagi mini loyiha: Ijtimoiy tashabbus – mustaqil hayot sari qadam

Ulugʻnor tumani Mingbuloq mahallasida faoliyat yuritayotgan kompleks xizmat koʻrsatuvchi ijtimoiy xodim tashabbusi asosida navbatdagi mini loyiha amalga oshirildi.

Mingbuloq mahallasining Maktab koʻchasida istiqomat qiluvchi Roʻzmatov Muhammadqodir Abdullayevich orttirilgan nogironlik – oyoqlarining falajligiga qaramay, oʻzida mustahkam iroda va tashabbuskorlikni namoyon etib kelmoqda. U kichik tadbirkorlik faoliyatini yoʻlga qoʻyib, bugungi kunda nafaqat oila farovonligini taʼminlamoqda, balki qoʻshimcha 3 ta doimiy ish oʻrni yaratib, mahalladoshlarini ham bandlik bilan taʼminlashga hissa qoʻshmoqda.

Mazkur tashabbus ijtimoiy himoya tizimi imkoniyatlari va insonning oʻz kuchiga boʻlgan ishonchi uygʻunlashganda, jamiyatda yangi imkoniyatlar eshigi ochilishini yana bir bor yaqqol tasdiqlab bermoqda.

—
📝IHMA_Andijonviloyati

Innovatsion ta’lim loyihasi: nemis tili to‘garagiga yoʻnaltirilgan ijtimoiy mini loyiha

Paxtaobod tumani “Ziyoli” mahallasida faoliyat yuritayotgan ijtimoiy xodim tashabbusi bilan ehtiyojmand oilalar farzandlari uchun xorijiy tillarga ixtisoslashgan mini loyiha yo‘lga qo‘yildi. Ushbu tashabbus doirasida Germaniyaning ilg‘or ta’lim texnologiyalaridan foydalangan holda nemis tili to‘garagi tashkil etildi.

Mazkur loyiha nafaqat bolalarning bilimini oshirish, balki ularda til o‘rganishga bo‘lgan ishtiyoqni kuchaytirish, kelajakda xalqaro imkoniyatlardan foydalana olishlariga zamin yaratishni ko‘zda tutadi. Bugungi kunda to‘garakda qatnashayotgan o‘quvchilar nemis tili darslarini qiziqish bilan o‘zlashtirmoqda.

—
📝IHMA_Andijonviloyati