Imkoniyati cheklangan bolalar o‘rtasida viloyat saralash musobaqasi oʻtkazildi

Bugun viloyatimizdagi ixtisoslashtirilgan maxsus maktab-internatlarida tahsil olayotgan aqliy rivojlanishda nogironligi bo‘lgan yoshlar o‘rtasida sportning turli yo‘nalishlari bo‘yicha viloyat saralash musobaqasi bo‘lib o‘tdi. Mazkur musobaqa ularning salohiyatini ro‘yobga chiqarish, jismoniy faolligini oshirish va jamiyatda faol ishtirok etishlariga keng imkon yaratish maqsadida tashkil etildi.

Musobaqa jarayonida iqtidorli yoshlarni aniqlash, keyingi bosqich musobaqalariga saralab olish hamda ularning sportdagi muvaffaqiyatlarini qo‘llab-quvvatlashga alohida e’tibor qaratildi.

Ushbu musobaqa nafaqat g‘oliblarni aniqlash, balki imkoniyati cheklangan o‘quvchilarning ijtimoiy faolligini kuchaytirish, sog‘lom turmush tarziga da’vat etish hamda ularning jamiyatda o‘z o‘rnini topishlariga xizmat qiluvchi muhim qadamlardan biri bo‘ldi. Yakunda g‘olib va faol ishtirokchilar tashakkurnoma va esdalik sovg‘alari bilan taqdirlandilar.

—
📝IHMA_Andijonviloyati

Internat maktablarining kuz-qish mavsumiga tayyorgarlik holatlari ko‘zdan kechirildi

Maxsus-maktab internatlarida kuz-qish mavsumi doirasida tayyorgarlik jarayonlarini faollashtirish, amalga oshirilayotgan ishlar holatini o‘rganish, mavjud kamchiliklarni bartaraf etish va bir qator chora-tadbirlar yuzasidan bugun boshqarma boshlig‘i ixtisoslashtirilgan maktablarda bo‘ldi.

Bunda maktablarning isitish tizimlari sozligi, ularning yaroqlilik hamda yoqilg‘i mahsulotlar omborlari o’rganildi.

Qolaversa, yangi barpo etilayotgan va qurilish-ta’mirlash ishlari olib borilayotgan maktab binolariga ham e’tibor qaratildi.
—
📝IHMA_Andijonviloyati

Ijtimoiy himoya milliy agentligi Andijon viloyati boshqarmasi tomonidan Andijon shahri “Sadoqat” mahalla fuqarolar yig‘inida istiqomat qiluvchi fuqaro tomonidan bildirilgan moddiy yordam va bolalar nafaqasi tayinlash bo‘yicha murojaatga munosabat

Ushbu murojaat tegishli hudud joyiga chiqib, ijtimoiy xodim va masʼul xodimlar tomonidan o‘rganildi hamda fuqaroning oilaviy, ijtimoiy va moddiy ahvoli yuzasidan tegishli ma’lumotlar to‘plandi.

Ma’lum qilamizki, amaldagi me’yoriy hujjatlarga muvofiq, moddiy yordam va bolalar nafaqasi kam ta’minlangan oilalar farzandlari uchun to‘lanishi belgilangan. Ushbu imtiyozlarni tayinlashda oilaning umumiy daromadi, mulkiy holati, oila a’zolari soni, sog‘ligi va ijtimoiy ahvoli hisobga olinadi.

Shuningdek, murojaatlar Yagona ijtimoiy reyestr axborot tizimi orqali avtomatik tarzda ko‘rib chiqiladi, natijada ushbu oilaning ijtimoiy holati yaxshili ekanligi hamda belgilangan tartibga mos kelmagani sababli nafaqa tayinlash rad etildi. Bunday hollarda fuqaroga moddiy yordam tayinlanmasligi mumkin.

Ariza rad etilgan hollarda fuqaro my.gov.uz portali orqali arizani qayta yuborish yoki mahalla fuqarolar yig‘ini raisiga murojaat qilib, holatini joyida qayta o‘rganish va qo‘shimcha ma’lumot kiritish imkoniyatiga ega.

—
📝IHMA_Andijonviloyati

Yangi qadam — yangi imkoniyatlar: inklyuziv ta’lim va ota-onalarni qo‘llab-quvvatlash borasida seminar tadbiri boʻlib oʻtdi

Asaka va Marhamat tumanlari “Inson” ijtimoiy xizmatlar markazlari psixologlari hamkorligida inklyuziv ta’limga qamrab olingan bolalarning ota-onalari uchun o‘quv-trening tashkil etildi. Mazkur tadbir Marhamat tumanidagi “Ziyo maskani” kutubxonasida o‘tkazildi.

Trening davomida inklyuziv ta’lim tizimida tahsil olayotgan bolalarni psixologik qo‘llab-quvvatlash, ularning ichki salohiyatini ochish hamda jamiyatga muvaffaqiyatli integratsiyasini ta’minlash masalalariga alohida e’tibor qaratildi.

Ishtirokchilar uchun interaktiv mashg‘ulotlar tashkil etilib, ular orqali bolalarda va ularning ota-onalarida o‘ziga ishonch, to‘g‘ri muloqot hamda jamoada faol bo‘lish ko‘nikmalari rivojlantirildi.

—
📝IHMA_Andijonviloyati