Filmlarda ko‘rganmisiz? Jinoyatchini ko‘rganlar politsiyaga ta’riflab berishadi. Shunga qarab jinoyatchining portreti chiziladi. Maqsad - jinoyatchini tutish.

Biznesda ham mijozingizni "topish" uchun uning aniq "portreti"ni bilishingiz kerak.

- Xo‘p buni qanday qilaman?

- Avvaldan ishlayotgan bo‘lsangiz eski mijozlarni o‘rganing. Agar yangi boshlayotgan bo‘lsangiz raqobatchilarni o‘rganing.

Avvalo mijozlarni mahsulotingizni sotib olishidan maqsadiga ko'ra segmentlarga ajrating. Bu haqda avval gaplashdik.

So'ng, shu segmentdagi hammaga mos tushadigan eng optimal bir vakilini tanlab olasiz.

Avvalgi misoldagi ingliz tili kursining segmentlaridan bittadan mijoz portretlarini misol qilib olaylik:

1. Umidjon (misol tariqasida) 16 yosh, 214-maktabda 9-sinfda o‘qiydi. Maqsadi tezroq IELTS 7+ olib Amerikaga ketish. Kuniga 5-7 soat telefonga sarflaydi. Muammolari 1 yildan beri sifatli ingliz tili kursi topa olmayapti.

2. Ahmad 22 yoshda, Mirobod tumani Nukus ko‘chada yashaydi. TATUni bu yil bitirdi. Maqsadi va Angilyaga ishga ketmoqchi. Muammosi 3 yildan beri ingliz tilini o‘rgana olmayapti

3. Sevara 30 yoshda, 214-maktabda ingliz tilidan dars beradi lekin, IELTS yo‘q. Maqsadi IELTS olib, oyligiga 50% ustama olmoqchi. Muammosi ingliz tili grammatikasini biladi lekin erkin gaplasha olmaydi.

Bular misol tariqasida bo‘lib, bundan ham chuqurroq yondashish mumkin. Mijozingiz haqida qancha ko‘p narsa bilsangiz shunchalik oson topasiz.

Endi mahsulotingizni shu 3 ta shaxs - Umidjon, Ahmad va Sevaraga moslasangiz va yo‘naltirsangiz barcha mijozlaringiz unda o‘zini ko‘radi.

Chunki qancha ko‘p mijozingiz bo‘lmasin sizdan yakka shaxslar sotib oladi va reklamangizni ham faqat bir kishi o‘qiydi.

@IbrahimGulyamov

SWOT - biznesning UZI diagnostikasi.

1963-yilda Harward universiteti professorlari tarafidan ilk bor SWOT tahlil atamasi ishlatilgan. Shundan beri bu tahlil har qanday biznesni va bozorni o‘rganish va shunga ko‘ra strategiya tuzish uchun ishlatiladigan eng mashhur tahlillardan biridir.

U 4 qismdan iborat:
Strengths - kuchli taraflar
Weaknesses - zaif taraflar
Opportunities - imkoniyatlar
Threats - tahdidlar

Bulardan dastlabki ikkitasi (kuchli va zaif taraflar) ichki bo‘lib ya’ni kompaniyaning bevosita ta’sir eta oladigan narsalar bo‘ladi.

Qolgan ikkitasi (imkoniyat va tahdidlar) tashqi ya’ni kompaniya ta’sir eta olmaydigan narsalar bo‘ladi.

Masalan texnika sotuvchi do‘kon uchun SWOT tahlilni ko‘rib chiqaylik:

Strengths - kuchli taraflari: yetkazib, o‘rnatib berish va servis ko‘rsatish - bepul.

Weaknesses - zaif taraflari: halol nasiya yoki bo‘lib to‘lash yo‘qligi

Opportunities - imkoniyatlar: soliq yengilliklari, yandeks yetkazib berish xizmati kirib kelgani (kompaniya o‘zi yetkazib berish jarayonini tashkil etishi shart emas)

Threats - tahdidlar: Bojlar bekor bo‘lib chet ellik raqiblar kirib kelishi kabilar

SWOT tahlilni chuqur va atroflicha to‘ldirish orqali kompaniya va bozor holatini to‘liq bilish mumkin.

Odatda SWOTning har bir qismi uchun varaqlab narsa yoziladi va chuqur kiriladi.

@IbrahimGulyamov

#insayt

Qo'shinning ojizligi - lashkarboshining loqaydligidan.

©Amir Temur

@IbrahimGulyamov

Yaxshi xodimlarning o'zi qidirib keladigan muhit qurish

Ko'p tadbirkorlar yaxshi xodim yo'q deyishadi. Chunki yaxshi xodimlar yaxshi joylarda ishlashadi-da. Siz ham yaxshi muhit quring-ki, yaxshi xodimlar o'zi kelsin.

Xodim uchun faqat maosh taklif qiladigan ish — eng yomon ish. Chunki buni istalgan ish joyi qilib beradi. Sizda qolib, zo'r ishlashi uchun sabablar bo'lishi kerak. Bugun ana shu sabablar haqida gaplashamiz.

1. Inson jamiyat tarafidan e'tirof etilishni va qadrlanishni istaydi. Xodimning kichik yutuqlarini ham e'tirof etish kerak. Katta yutuqlarini esa albatta rag'batlantirish kerak.

2. Inson xatokor, ish bor joyda xato bo'lishi tabiiy. Lekin, xatosini yashirishi fojia. Xatolarni qo'rqmay ayta oladigan va o'rnida fikr-mulohaza olib, to'g'rilayigan muhit quring!

3. Ularga aniq maqsad bering. Bu postda aytganimdek nima uchun ishlayotganini bilsa jon dildan ishlaydi. Berayotgan rejalaringiz aniq va o'lachash mumkin bo'lsin.

4. "Xodimlaringizni tinglang, ular sizni boy qiladi" ochiq va oshkora ish muhiti uchun bu muhim. Har kim o'z fikrini erkin ayta oladigan muhit qilish muhim. Odamlar fikrlari inobatga olinadigan jamiyatda qadrli his qilishadi.

5. Adolat puldan ustun. Qancha oylik bermang lekin, adolatsizlik qilsangiz yaxshi xodim qolmaydi. Har doim, kimga bo'lmasin adolat qilsangiz xodimlaringiz ham sizni yaxshi ko'radi.

Yana qaysi mavzularda yozishimni istaysiz? Izohlarda yozib qoldiring!

@IbrahimGulyamov

Toshkent📍

Biznes transformatsiyasi, 3 kunlik intensiv dasturining so’ngi manzil darslari boshlanmoqda!