تبقى وحدك لاصديق ولاحبيب
ومحد يگول شجرالة ؟
ومن غربتك..تحفر من الباب حفرة
بلكي يعثر بيها ساعي
وتوگع ابابك رسالة

احمدالحلفي

أصعب لحظه بكل جروحك
من تفهم كل هاي الوادم
بس ما تكدر تفهم روحك

احمد الحلفي

حــب روحـك

أنتضرتك وأنتضر
وعيوني بعد الموت
أنطيهن الـ واحد ينتضر بعدي ..!

أيهاب المالكي

الهوىٰ المابي عِطر منك، عليمَن هابّ

كل هذا الهوىٰ چـذاب

عايش على عيونك واغني
إكبار ووسيعه ودولبني

ما خاب بيهن يوم ضني
كلش تراهن تعبني


عيونك حنينات من اهلنه
نظراتهن وك عذبنه

حلوات جنهن لون حنه
بيهن يغالي صار أملنه

أمير الخفاجي

الما عنده مثلك يا علي يموت احسن
والخالقك مولاي بيك اتفنن

انتَ الامان التارس ارواح الناس
وابابك الشدات يگضن يگضن
.
.

أمير الخفاجي

حب وإسهر وسولف وإحچي مكشوف
ولَـ تضل انته عايش مثل الـ إگطوووف
مو تدري الـ إگلوب العاشگه إتشوف
شمالك هِـم ولك گلبك شلعته

وإفتح بطن گلبك تلگه مرسووم
وجه فلان ذاك إنته العشگته

واذا حبيت سكته تموت كل يوم
وتِغصّن حتى بالماي الشربته

وتبدي تغار من اليحچي وياه
وتغار من الهوه اللامس گذلته

#وسولفله_وأبد لا تستحي وگول
حُبك بالگلب يفلان شلته

#لذلك_من_تحب_إحچيها_ترتاح
#يجوز_فلان_هم_يحبك_إنته

.
.
أمير الخفاجي

يا سالفتهن ذيج العيون
شهله ووسيعه وحلوة اللون

العيد ضحكات امي وعيون الحبيبه
العيد من اضفر جدايلها گصيبه

العيد لون عيونها اليكتل مصيبه
وضحك خدها الينحسب ثامن عجيبه

#أمير_الخفاجي

أنتِ اربعينك بالسَما نجّماتَ .

ليِّش ما جاسَك حَنيّني
وقررت غَبشة تِسافر
واَنه كاتبلك قَصايّـد
خَلصت بيهّا الدَفـــاتر
الشاعِر الوادم تحِبه
وآنه أحبّك وآنه شاعر

لـ شاعرها

يواهس تضحك الدنيا على شفافك
‏يبو الليل الحلو ‏اليلعب على جتافك

‏أحس روحي تأمن بيك وتخافك
‏واحسك لغز شنهو انت وشنو اوصافك

ولأ غيرك نبع بالشوك يرويني توصيني
توصيني أعله يا ذمه توصيني ؟

عـريــٰان السيد خـلف

عيـونك ماي زمزم للعِطش شوفه
وضحكتك فرحة احديثات مزفوفه

وشعرك ليل سارح والملامح غيم
وشاماتك مضيف اشفايفي ضيوفه

يغيمه ومن تطش روحك بگاعي اتطيح
أخضر وأنتشي وأستاهل الشوفه

وفرحتي البيك تشبه فرحة العميان
الاعمى يشوف كلشي بلحظه طيوفه

ومن شفتك صرت اشبه اجروف الماي
الماي يگضي عمره ايغازل اجروفه

النده التارس خدودك ورد وإبستان
وانه فلاح خشنه حجاية جفوفه

ترف كلش واحس من الگمر مثلوم
وياهو اللي يّوصفك تفرح احروفه

يبو خصر الرمل من شفتك احتاريت
طفل وامه بعيده بساعة الخوفه

وروحي العاشگه عيونك اتعيل هواي
بيه وداعتك يالبيك مچتوووفه

يتارس كلشي بيه من الجدم للراس
مدمن بيك جني العاشگ أگطوفه
.
.

أمير الخفاجي

ناسنا واهلنا وحبايبنا الانضموا بالجديد حياكم الله وشرفتونا 🟥❤️✅

تعب ليل وفـرح غبـشه وملامه وهم
وحلم عابر ضحكتي وجذب ما مهتم

الحزن خطار روحي وابد ما حنيت
جذاب اليّگلك بعدك أتألم

الفرح جان بوصالك من رحت خسران
وموش انه بعد بالراح اضل احلم

واذا لحظه ويمر ذكراك اغمها الروح
واعاتب گلبي ذاك البالجرح يعلم

الوكت دولاب يفتر وانسى كل الصار
يوم ثنين والثالث واتأقلم

وارد ذاك القوي المرتاح واضحك حيل
واختار البعقلي وگلبي شابع ذم

العوض نعمه فضيلة وما اضل مكسور
ويجي يوم ايتعوض گلبي الـ امهشـم

وابدي وبأختياري الصح اعيش ايام
حلوه وفرحتي تنشاف بالمبسم

وعيوني التضحك وتلمع وحُبها يبان
واحس الفرحه من احجيها جوري أنشم

واطش روحي اعله رزقي الجاي طشت غيم
الخير شما تبده وجب أن ينلّم

الـ إيـحبني ربحني وما خــسر لو يـوم
انه گلبي حنين وللجرح بلسم

وانه گلبي اليطبله يعيش نعمه وخير
وحك ذاك النطق بالمهد واتكلم

خساره الما حواني ولمني من الناس
الاخذني الديرة اگليبه صدگ يفهم

.
.
.

أمير الخفاجي

روحي هدها الشوگ لعيونك تريد
شما كبر شوگي كبر بيك البُـعد

وفرعت بيبان گلبي اعله اللقاء
ومن وصلتك شفتك ابابك تسد

وابتسم گلبي وراك وگلي شوف
بدنيتك مو كلشي وياه تنسعد

ولام روحه واستحى من روحي حيل
وگلها اعذريني الگلب بالحب عبد

وزغرت الدنيا وكبر خوفي ولگيت
اكبر من الدنيا بعيوني اللحد

وانه لو ادري بثگل وجهك اروح
من البدايه وانه الاختار ابتعد

.
.
.
أمير الخفاجي