انتِ وحدج دنيا مرسومه أعله گدي
وانه من لّمن عرفتج عمري يبدي

وخدج الابيض مثل رايةةة سلام
وضحكتج بهجة صباحي

من اشوفج اخ لو تدرين گلبي
إيغني ويسولف الروحي
هاي هي اليمها أحسّن بأرتياحي

وعيني فرحتها شككككككبرها
رغم ما انتي بعيده بنصها بيتج

انه بإسمج كاتب البيت من اساسه
بايع الدنيا وأجيتج


والتعب لّمن لفاني طلّعت صوره الحضرتج
وباوع أگليبي عليها وعيني غاااااارت

ولامست خدج لـَمن بيدي أمسحتها
وروحي چن فراشة طارت

انتِ ذيج الـ ربي كاتبها اليه
هذا چان أحساسي من أمي أستخارت

وبيش أوصفج وانتِ ماي

وبيج كل طعم الحياة
وللممات وياچ حـدي

يمج الضحكه أعرفتها و ورّد أگليبي ويـَ خدي



أمير الخفاجي

وإذا دفـنـوني

أسـولف بيك للميتين

وأگلهُـم هذا أعـز ناسي

❤️🧿

لون نورس دجله مثل اگليبها

وشيب راسي البيه منها
نار غيرة گلبي هاي

والجمال البيها صاير عيبها

أمير الخفاجي

كون الج تمثال يمنه

جان ما مر يوم اذا مارحت ازوره

وأنه چي عاشك أرسومچ

فوگ من مرايتي إمعلگ البومچ

وطاگ وي كل صورة ، صورة

رسول محسن

ضحكتك للفرح تنشاف مفتاح
وعيونك للرزق نحسبها جن باب

ورمش عينك السيف الكاتل الناس
ونظرتهن ترد الجوه التراب

اخ اللون الاسود رايه للضاع
اللمح نظراتهن بالدهشه ينصاب

.
.

أمير الخفاجي

حـلوه ايامي يمك والفرح بيها
يا فرحة أسنيـني ويـا معانيها

بنهاية هَـ السنه
من تخلص أنه وياك

وأرد ويــاك سنة الثانية أبديها

يا لذة صبـاي وعالمي وللشيب
بأسمك روحي يـ أحبيّب أسميها


♥️🧿

.
.

أمير الخفاجي

عُمر ويه الخوف عايش
و صارت احضانچ آماني

و زوّدت عمري حلاتچ عُمر ثاني

طولچ يخلي الغصن يتمنى شكله
و شَعرچ الطاير خذاني

'خصرچ السيف المجَرب'
بلا حَرب ميّت تراني

عيونچ احلى من الشِعر لو ردت اكتبه
- و صوتچ يحَلي الأغاني .. 🤍❤️

أحمد ابراهيم

الضوه الـ بـ آخر ظلام بهالعمر
'لمعة عيونك'

لا تزعلهن عَليّه

انه من عينك أحس الدنيا حلوّة
لو تغيب شلون بيّه ♥️

لـ شاعرها

غِنيّتلكَ كُل الوَرّد
وَمِرّتَ حِلاتِكَ نِسمّةَ

وَضِمَيتّلكَ ليّل وّبَرد
هِلبّتَ تِبيّنَ نِجمّةَ

يَالمِا يَلمّكَ كُل إسِمّ
يَالمِا اظِنّ تِتسَمّهَ

ومَنيّن انتَ گلي بـ يا وَطِن
تِنرسّمَ لوّ تِتغنِىَ ❤️

لـ شاعرها

اكو نفس الاسم بس ما يشبهوك
هذوله انه من اعدهم من الـ إتراب

انتَ الوحدّك لا صعبه يصلـوُّك
منو اليوصل گمرنا الـ يصّل ينعاب

الاصلي انتَ ولك والموش مملوك
ترف وبطاري اسمك فرحه تنجاب
.
.

أمير الخفاجي

‏وإذا إلتَقت عينُ الخَليلِ خَليلُها
وَسَطَ الحُشودِ فليسَ للنُطـقِ ثمَنْ

تَكفي تعابيرُ الوجُوهِ كَأنها
أنهارُ شَوقٍ فَاضَ من كُثرِ الشَجنْ

حيل أحبها وكلشي بيه يّريدها
ويگضي عيد الله واضلن عيدها

أنه عاشگلي بشر ما چنه طين
من الترافه إنگاد گلبي بأيديها

چنت ضايع بالظلام وجان أشوف
رزق من ربي اجتـني عيونها

وگبل ما مرني الفرح لا دگلي باب
ولونت روحي وفرحتي بلونها

كلشي بالدنيا حلو ويـاها أعيش
ودوم أضل محبوبها ومجنونها


أمير الخفاجي

من أوصفك يخلص بشفتي الكلام
يَـلي رب الكون جابك ع المرام

وأنتَ مو انسان عابر انتَ هيج
مثل الطيور اليحطن ع المقام

بلايه حضنك كلشي ما تسوه الحياة
دبقى حاضني وعلى الدنيا السلام

أنتَ مثل أمي بحرصها ومثل أبوي
العنده مثلك لمن يخونك حرام

أنتَ للشيب أول وأخر حبيب
يا بداية عمري يا مسك الختام


علي حداد

كلها عندي بچفه .. وانتي بچفه وحدج

انتي مثل الماي اليه بكل حياتي
يالوجودج بيها اكثر من ضروري

وبغيرتي لو تعبيتج اني اسف
انتي خذتيني وملكتيني بشعوري

وانه صح انسان مُتعـِـب
وانه المصبرتني عينج

وانه لو تدرين بيه شگد احبج

چا اجيتي الـ باب گلبي وجبتي حنه
وشرط الـ اتحنيّ أيدينج

وانه قابل بيج حد گطع النفس خيمه ووطن

وانه احبج بالخفاء وبالعلن

انتي يا خارطة روحي بهالوجود

شما اوصف حبي الج قصرت بي

الليل ضايع لونه بعيونج السود

.
.

أمير الخفاجي

‏ميَّزْتُها مِـنْ بين ألفِ جميلةٍ
‏الـبدر بدرٌ والـنجـومُ سـواءُ

جنت گبلك تمر أيامي عادي
ومن شفتك وحگك صابني الخير
وعيونك خذن لـبةةة فؤادي

الفرق ما بين عمري وعمرك هواي
بس يمك احس كلشي اعتيادي

ومن تضحك گبالي مـَدري شيصير
ضحكتك بالحرب صارت عتادي


أمير الخفاجي

عيدي عن هالناس كلش مختلف
لا إهلال ولا عـمـام ولا عـِرف

عيدي شوفة عينك البس الها اصير
البيها أشوفن روحي يالكلش ترف

واخذ من عندي وعد تلگاني دوم
بس الك باقي واضل ذاك الكلف

انه من يوم العرفتك طير اعيش
وانتَ بس انتَ الصدگ بيك أعترف


أمير الخفاجي

الما عنده مثلك يا علي يموت احسن
والخالقك مولاي بيك اتفنن

انتَ الامان التارس ارواح الناس
وابابك الشدات يگضن يگضن

وانتَ الصدگ والأول وكلهم هيج
وانتَ القلعت الباب وانتَ الأحسن

وأنتَ الـنعزه ونفتخر بي مولاي
وانتَ الولي والقائد انتَ المُعلَن

.
.

أمير الخفاجي

وَلقد رأيتُك فِي منامِي رُؤية

مَا زِلتُ أغمِضُ رَاجِياً تِكرارَها