من اليوم شرهاتي على الطيب ما تعنيك
توكل على الله , لا لك ولا عليك حقوق

ليا صار ما ميزت بايعك من شاريك
خطير يتساوى عندك الفعل و المنطوق

بعد ما نفضت من اجمل الذكريات ايديك
على حطتك محدٍ فتح بعدك الصندوق

على رمش عيني وقف الدمع لا يبكيك
على شان ما أجري عليها ولا مخلوق

ولا فيه احد يقدر يخليني اخليك
لو يضيع عمري في رجاك العمر ملحوق

تجيني كذا وانا كذا مستحيل اجيك
على اقل من مهلك تنسم وانا مخنوق

ولا زلت رغم الخوف و البعد و التشكيك
اراهن على زود المحبة وكبر الشوق

من الحاضر اللي شوف عينك ومن ماضيك
سرقتك وكان السارق أطيب من المسروق

متى تدري ان الي قضى عمره يراعيك
على مثله أنصاف الموده ماهي بـ تلوق

من يعرف قدره قال لأدنى العرب لبيك
ومن يقنع باللي معه ما يطالع لفوق

على كل حال البارحة مرني طاريك
تطرق لك اللي شيب القاف و الطاروق

نشدني وقلت أن المعاريف تثمر فيك
مثل من يداري بالخفى جيبه المشقوق

مزيد الوسمي

‏رح من حبيب لـ حبيب ومن مطار لـ مطار
‏ما تعوضك فيني الأرض ومداراتها

‏— العنود الواصليّه ، عنوان النرجسية

تخيّرني الدنيا بالأوراق والأقلام
‏بعد كل يوم بصبحٍ أبيض وليل أدلم

‏وأخلّي رحاب الأرض والشمس والانسام
‏على شان أمر بدربك الموحش المظلم

‏وأسلّم عليك إعجاب وإكبار واستعظام
‏وسلامي لغيرك حق مسلم على مسلم

‏متى والكلام أصدق من الشعر والإلهام
‏تمر الطواري كلها، ما تقول: أسلم

‏أحبِّك وأشوف أن المخاسير والأعوام
‏مجرد «كماليات» تنثر ولا تنلم

‏عن اللي تسويه أتغاضى قدر وإكرام
‏أبرّيك وأظلم حظّي الزين وأنت أظلم

‏وعن اللي تسوّيه المقادير والأيام
‏أنا أوّل من يعلمك وأخير من يعلم

‏أكابر .. ولا كنّ المحبة «طريق ألغام»
‏كثر ما تكون أبعد مسافة تكون أسلم

— مزيد الوسمي

تغاضيت عن بعض الحكي ماني بمجبور
‏تحملت منك اللي ماعمري تحملته

‏لاترسل علي القلب الاحمر وهو مكسور
‏وانا منكسر لي قلبٍ ابيض ولا ارسلته

" أعتبرني في حياتك من الماضي الجميل / إن ذكرته تبسَّم و إن بغيته ما رجع "

لا جيتني يا سالفة عصرك
دقّات قلبي تسبق أنفاسي

تمرّني وايدك على خصرك
وتروح و إيدي على راسي*

حين يُخذل المرء بسبب عدم تهنئة من يُحب له،
‏لن يجد ابيات تصف حاله مثل ابيات سعد علوش:

‏الدموع اللي أحبسها طوال السنين
‏كلها في ضحى ذا العيد نزلتها

‏عايدوك المسيحيين و المسلمين
‏وانا روحي على معايدك عللتها

‏يا حسافة على الرفقة و طول السنين
‏حتى كل عام و أنت بخير ما قلتها

معك ما بعد عدّيت عمري من الأعمار
مخلّيه ريشة بين أصابع هبوب النود

— مدغم أبو شيبه

اللّٰه خلقني مخلف كبار الظنون
ما عشت أحقق حلم كل واحد غبي

أنا فشلت أكون مثل اللى يبون
لكن نجحت أكون مثل اللي أبي :)

اشمخي يا نفسي اللي كلها عزة وأنافة
لك علي إني ما أعرّضك المهانة والمسبة

كل ماشفت العباد اللى يعيشون بضعافة
قمت أعرض رأسي المرفوع للريح ومهبه

ف المذلة . .دايمًا عذر الذليل يكون تافه
لو ما يلقى له سبب لـ الذل ذل بدون سبة

السنين اللي عرفتك ولا يوم محذوف
كل شي يمر في البال ياخذ موقعه

عندي صغار التفاصيل ودقاق الوصوف
أبسط من اللي على الشي يشر بإصبعه

الوسمي*

كن شجاعًا ولو كلّفك ما كلّف
مزيد الوسمي يقول :

حتّى الكلام اللي يعقد حاجب الوجه الضحوك
احب أقوله بالفم المليان ما احبّ اختصر

وان جيت أعبر بالكلام وبالفعول
مافادني حرفٍ من حروف الهجى

ألاّ إني أوقّف على أطلالك وأقول
إلى اللقى ، إلى اللقى , إلى اللقى

حنا نعاف اللقمه اللي ناشبه في كل زور
ومن المعزه دمعنا ما هوب عادي ينذرف

واليا ظلمنا الحظ مرّه مانلف ولا ندور
هذي تبي من يمتهن دور الذليل ويحترف :)

سوالف الليل لا ودت ولا جابت
انا نويت اترك اوهامي من الليله

ليته يرد الليال اللي معه شابت
يوم النسانيس عندي من مراسيله

اشتقت لـ ظنوني اللي منه ماخابت
قبل اعرفه واتعمق في تفاصيله

يقول احبك و احبك شمسها غابت
" دليل احبك من الرجّال تدليله "

مايدري ان نفسي اللي تتبعه طابت
ان حبّ ولا كره ، هذي محاصيله

من قال حال المحبه باقي و ثابت
غنى مع الوقت" يا دنيا من انتي له "

العنود الواصلـيه

الاطباء يحدثونك بإستمرار عن أضرار " القهوة " إلا أنك لن تجدهم يحذرونك عن أشدَّها
ضررا
وهي " أن تشربها لوحدك"