👉 Rasmiy ma’lumot

Ijtimoiy tarmoqlarda Bektemir tumanida 9-sinf o‘quvchisi 3-sinf o‘quvchisiga tan jarohati yetkazgani haqidagi xabar tarqalib turli muhokamalarga sabab bo‘lmoqda. Mazkur holat yuzasidan quyidagilarni ma’lum qilamiz.

Joriy yilning 4 oktyabr kuni taxminan soat 16.20 larda voyaga yetmagan 2010 yilda tug‘ilgan S.A. Bektemir tumanidagi 290-sonli maktabda voyaga yetmagan 2016 yilda tug‘ilgan F.A. bilan o‘zaro og‘zaki gap talashib qolgan. Buni natijasida S.A. voyaga yetmagan F.A. ni velosipedda uchib ketayotgan vaqtida oyog‘i bilan tepib, F.A. yuz qismi bilan yiqilib tushishiga sababchi bo‘lgan.

Sud-tibbiy ekspertiza xulosasiga ko‘ra voyaga yetmagan F.A.da “Yuqori lab o‘ng tomonlama shilliq qavati ezilib yirtilgan yarasi, yuqori jag‘ o‘ng tomonlama ikkinchi tishi to‘liq chiqishi, yuqori jag‘ o‘ng tomonlama 1-tishi noto‘liq chiqishi, bosh peshona chap yonoq chap lunj, chap yelka kamari, ikkala kaft sohalari, yumshoq to‘qimalari lat yeyishlari va shilinmalari” jarohatlari borligi aniqlangan. Ushbu jarohatlar og‘irlik darajasiga ko‘ra, sog‘liqni qisqa muddatga buzilishi olib kelgan yengil tan jarohatlari deb baholangan.

Mazkur holat yuzasidan Bektemir tumani IIO FMB tomonidan tergovga qadar tekshiruv o‘tkazilmoqda. Tekshiruv jarayoni Toshkent shahar IIBB boshlig‘i tomonidan shaxsan nazoratga olingan.

Hozirda voyaga yetmagan S.A.ning onasiga nisbatan O‘zbekiston Respublikasi Ma’muriy javobgarlik to‘g‘risidagi kodeksning 47-moddasi (“Bolalarni tarbiyalash va ularga ta’lim berish borasidagi majburiyatlarni bajarmaslik”) bilan ma’muriy bayonnoma rasmiylashtirilib, ma’muriy javobgarlikka tortilgan. Shuningdek, maktab ma’muriyati va ota-onalar bilan profilaktik tushuntirish ishlari olib borilib, kelgusida bu kabi holatlarga yo‘l qo‘ymaslik yuzasidan tegishli choralar belgilab olindi.

Tekshiruv yakuni bo‘yicha qonuniy qaror qabul qilinishi ta’minlanadi.
———
👉 Расмий маълумот

Ижтимоий тармоқларда Бектемир туманида 9-синф ўқувчиси 3-синф ўқувчисига тан жароҳати етказгани ҳақидаги хабар тарқалиб турли муҳокамаларга сабаб бўлмоқда. Мазкур ҳолат юзасидан қуйидагиларни маълум қиламиз.

Жорий йилнинг 4 октябрь куни тахминан соат 16.20 ларда вояга етмаган 2010 йилда туғилган С.А. Бектемир туманидаги 290-сонли мактабда вояга етмаган 2016 йилда туғилган Ф.А. билан ўзаро оғзаки гап талашиб қолган. Буни натижасида С.А. вояга етмаган Ф.А.ни велосипедда учиб кетаётган вақтида оёғи билан тепиб, Ф.А. юз қисми билан йиқилиб тушишига сабабчи бўлган.

Суд-тиббий экспертиза хулосасига кўра вояга етмаган Ф.А.да “Юқори лаб ўнг томонлама шиллиқ қавати эзилиб йиртилган яраси, юқори жағ ўнг томонлама иккинчи тиши тўлиқ чиқиши, юқори жағ ўнг томонлама 1-тиши нотўлиқ чиқиши, бош пешона чап ёноқ чап лунж, чап елка камари, иккала кафт соҳалари, юмшоқ тўқималари лат ейишлари ва шилинмалари” жароҳатлари борлиги аниқланган. Ушбу жароҳатлар оғирлик даражасига кўра, соғлиқни қисқа муддатга бузилиши олиб келган енгил тан жароҳатлари деб баҳоланган.

Мазкур ҳолат юзасидан Бектемир тумани ИИО ФМБ томонидан терговга қадар текширув ўтказилмоқда. Текширув жараёни Тошкент шаҳар ИИББ бошлиғи томонидан шахсан назоратга олинган.

Ҳозирда вояга етмаган С.А.нинг онасига нисбатан Ўзбекистон Республикаси Маъмурий жавобгарлик тўғрисидаги кодекснинг 47-моддаси (“Болаларни тарбиялаш ва уларга таълим бериш борасидаги мажбуриятларни бажармаслик”) билан маъмурий баённома расмийлаштирилиб, маъмурий жавобгарликка тортилган. Шунингдек, мактаб маъмурияти ва ота-оналар билан профилактик тушунтириш ишлари олиб борилиб, келгусида бу каби ҳолатларга йўл қўймаслик юзасидан тегишли чоралар белгилаб олинди.

Текширув якуни бўйича қонуний қарор қабул қилиниши таъминланади.

Rasmiy sahifalarimizda bizni kuzatib boring!

💻 Facebook 🖥 Instagram 📲 Telegram 💻 VK 📱 OK 📹 YouTube 🎥 Mover 🐤 Twitter 📲 Threads

👉 Pasport-viza tizmi hamda ro‘yxatga olish yo‘nalishida joriy etilgan yangi o‘zgarishlar haqida mutaxassis ma’lumotlari bilan tanishing

👉 Паспорт-виза тизми ҳамда рўйхатга олиш йўналишида жорий этилган янги ўзгаришлар ҳақида мутахассис маълумотлари билан танишинг

Rasmiy sahifalarimizda bizni kuzatib boring!

💻 Facebook 🖥 Instagram 📲 Telegram 💻 VK 📱 OK 📹 YouTube 🎥 Mover 🐤 Twitter 📲 Threads