‏لي عزيزً تحت الأرض دفنوه
‏حتّى الأرض من معزته ضمّته
مرحوم ياوجهٍ أبكيه إلى اليوم
‏عسَى الله يجمعنا .. بجنته .

ما أخاف الوداع الواضح الموجع القتّال
‏ أخاف الوداع اللي لا اشوفه .. ولا اختاره .

‏تولعت به يوم ان عقلي غشيم فيه
‏وعقب ما عرفت اقصاه خليته لغيري.

‏لي الشرف في حبها لو حبها أصعب خيار
‏ولها الشرف اني أنا بد العرب حلالها.

‏لاغاب عنك اللي غيابه مصيبه
‏وطالت به الغيبه ولاجابه الشوق

‏مافيه داعي تنشده عن مغيبه
‏ماغاب عنك الا وهو منك مسروق

‏خله يكمل غيبته وش تبي به
‏لا تلحقه لو كل مطرود ملحوق

‏ترى المحبه ماتجي بالغصيبه
‏لو السما تطبق على الارض من فوق.

في خيالي وجهك المألوف ساطع
عفت كل الناس من زحمه طيوفك

كـــن وجهك لافته في كـل شارع
وين ما اتوجهت ف عيوني اشوفك.

من وين مارحنا لنا العز محجوز
واذا حضـرنا بالصفوف الاوليه.

حياتي مليانه اشياء تسعدني
ماتخليني أتحسف على شي .

صحيح القلوب الطيبة في الحياة كثار
لكن خصك الرحمن في قلب ما مثله .

احب الرفيق الطيّب اللي جنابه زين
واعده من الاقراب لو ما هو قريب .

وأبوس يمنى كفك اللي كان لأيامي عمر
كف حشمني من غثى الدنيا وعيني غارقه .

عقب ماكان يرد الروح بـ وصاله
تمر الايام لا اشوفه ولا ادري به.

‏مافيه شي يستاهل التفت له بهالدنيا
‏غير وجهي ذا مريت من عند المرايا.

مع إنّي ما عاد أعرف وين الزمن ودّاك
‏إلى الحين .. أقدّس ما حصل بينك و بيني.

الله يرد أتصالاتك و .. ترحيّبك
‏وتحن لـ أيامنا الحلوه وتذكرها .

تقهويت حبك يوم عاده يجيب الراس
بعد مابرد خليت .. باقيه لغيري .

اهذري بحـبه واتوجد على لقـياه
وهو خابر إن القلب مايسكنه غيره.

أحبك كثر ما كنت أتوقَّى والغلا مفضوح
‏وأحب أيامي الِّلي جابتك يا أغلى عطاياها"

يارب إنك تحقق لي طموحي داخل الجنة
‏أنا أحس الحياة بكبرها أصغر من أحلامي .