رجعت أتذگِر العشرة
واعضهُم بالسَرة العشَرة
أجَت مِنك رسَالة
وگِلت خل أقرة
الكلام شوية ،
بَس چان الحچي شكُبرة.

كُل وعودك چَانت زلة لِسان .

متحَطُم وأشوف أحلَامي تِنهَار
و أنه شعندي بس كلمَة هضيمة
أقنَع نفسي وأگولن باچر تهون
ما تُبقَى على حَال احسبَها غيمة
صَار سنين أگولن باچر تهُون
لا مَيت ولا فَك گلبي ضيمَة
سگُف عندي وحَبل بالبيت موجود
مَوت الله بعَد فكرة قديمة .

بَس المحترگ يفهم حَجي الدخان؟
يعرف حرورته ويفهم سبب علته
النده عمره مسافه ومن يطيح يمُوت
أكدر بالضوه بس مارهَم وياك؟
عله گد الشمِس ملگاك فصلته.

وإذا مادبرتلك حبل لأعدامي
بس أمشي وي غيري وصيروا گدامي.

شهَر رُمضان يخلص
وأبقى أتانيك
وإذا ما أجيت حتى العيد اصومه .

انا أجيت
من أخر سنيِن الطفوله
لحد مشيبك
انا الأستاهل يسمُوني حبيبك .

ودعتك لسان وگلب
مبري العشگ والذمه
ما دام مو نفس الحلم كلمن يروح لحلمه
ماشفت منك بس حزن
ينفتح شباك السجن بس مايفوت النسمه
أنتِ الكتاب الحافظه ولليوم مامفتهمه
ما أريد يبقى بخاطري
وما أريد احس بذنبك
أمنيتي أوصل مرحله لا أكرهك ولا أحبك
أنا اعشگ بخوف وحرص
مو مال احط روحي بشخص عنده الأحبك كلمه!

شَنسه منك ؟ وبالي گله وياك
صعَب مثل الچمر ماينحمل فرگاك
وگلت أنساك باجر مَن يمر الليل
أثاري الليل جايب گل غرامي وياك
گل أيامنا الجانت ضحك وافراح
هَسه تحولت دمعات بـَس تنعاك.

بعدَ أن كُنا
"الليل وسَماه ونجومه وقمره"
أصبحنا
"غُربة وتمُر الليالي".

بكصايب يا حلم شديت روحك خيط
خيطك من يمر دخان ما كطعه .

ولا واحد فهم حزنـي
كلها تكلي متغيـر
عشت ايام مو سهلة
بضحكي هواي متستر .

شَلون بيهّ
شَلون بيّك؟
گلبَي متعود عليّك
وروحَي مو
يم جسمَي أحسها
روحَي صارت بيّن إديك
وردت أگلك أنتَ أني
ومثَل سيف برگبتي
تُمر الثواني ..
ليّلي من دونك أخلصهَ
بالجكايِر والأغانَي .

ترا تعافيت منهن لا يَضل بالك
مو آنه اليجلب بعد بذيالك
و لا آنه البعد يسهر يتاني تعود
خلني لوحدي اعيش و وحدك احلالك .

لتگلي ظروف معانَدة وياي
ظَروفِي معاندة أكثر من ظروفَك.

من حبيته
ما حبني
رغم ذاك التعب وياه
تعبني
هدم محروك
أضحى بروحي
ويذبني .

بوكت ما غيرك اتمنى احبه
بكثر ميحبني
چان اكبر طموحاتي
احضنك و انتَ تحضني .

باجر مِن ترد وتخونَك أحلامك
ترد تِفرش ندم
وأفرشلك إسهامك
وأتعبك بالعَتب
كَد مابروحي إعتاب
كَد ماخَيبتني لخاطِر أمالك .

بزلّاتك اضم
ردتك ضميري تصير
وچذّبت الصدگ
حتى انتَ ما تخسر
وعاونتك عَليّ
من شفت عذرك خاب
قنّعت النفس گلتلها يتغير
لا گصرك طول
لا فاض بيك الطيب
لا شَمسك علت والراكد تبخّر
لا مدّك وصل
والعين شافت نور
لا كسرك جبر
لا لغزك تفسّر.

انا سَهران ليلي بيك وبلَياك
الفرق مابينهن مِرتاح ومعلعل .