‏عطني من الصبر يارب اللي اطوي به دروبي
واتحلى به على الايام لين اكسب رحبها

‏ومادريت أن مابه أغلى منك إلا أنت
‏لو نظرت بعين قلبك شفتي
‏مامعي مخلوق يستاهل غلاك
‏يشهد الله أني أحبك لين ضاقت ضلوعي

وخالق كل هالدنيا وحامي بيته المعمور
‏انا افرح من سعادتها واغني لأجل ضحكتها🤍

‏أستغفرك من رضاك لعفوك لسترك
‏عن ذنبي اليوم واللي امس والمبطي

‏لا تصغّر كبير ولا تكبّر صغير
‏وانتبه والمعادن ميِّز فروقها

‏وأنزل الناس منزلها وخلّك بصير
‏وأعط كل الخلايق صافي حقوقها

والعين دايم لشوفتك طلابه ♥️

ياعسى دعواتنا اللي بين فرض وبين سنه
‏تآصل العرش العظيم وترجع لنا مستجابه

‏جعل السحاب اللي معه برق و رعود
‏ يمّطر على دارٍ وليفي سكنها🤍

‏تخاويت أنا وياه حب و لطف و لين
‏يجيني على ودي وأجي له على وده

‏تخاويت انا وياه من يوم حنا صغار
‏وتكوّن غلاه بوسط قلبي وكبّرته

‏ذبحني مرخي الرِّمش الخجول الناعس النجدي ♥️

اتعنى لك ولا أحس بعناي
‏ألف ميل تصير لأجلك نص خطوة
‏
‏لا بغيت أجيك تسبقني خطاي
‏وإن بغيت اروح شفت الشبر عنوه ♥️

عسى العين ما تبكيه
‏تعدا حدود الحب .. واغلى من الغالي

عسى تتحقق أحلامي ، وأحس إن الدروب خفاف
‏وتشرق في فضاي اللي غرق في سطوة العتمه🤍

‏والعمر مهما يطول بتقضي سنينه
‏وأول ما يشهد على نفسك جوارحها

‏يالله بـ قلبٍ سليم .. ونيةٍ زينه
‏تفتح لنا أبواب ما نقدر نفتّحها

‏عسى لي أثر طيب مواقف وذكرى خير
‏ونفس تنول اللي تمناه يا ربي

‏ولا تبتليني بالسعيّ في نصيب الغير
‏ولا تضيّع سنيني وأنا أدور لطبي

‏وهب لي بصيرة ما توردني التقصير
‏تميز قلوب الناس في كرهي وحبي

‏ ونورني أشوف الحقيقة مثل ما تصير
‏انا أشوف الاشياء مثل ما يشتهي قلبي

عسى العوض في مقبلات الليالي
يغني عن اللي في زمنّا فقدناه

‏يا عساني ما أحلم الا في مدى مكتوبي
‏جعل نفسي ما تعشمني بـشي لغيري

‏كيف ياخذك الخطا وأنت الصواب تدلّه
‏ما عهدتك واحدٍ عادي عهدتك هامة

‏وقفنا على باب الأمل وقفة المحتاج
‏ورجينا كريمٍ ماهوب يصك بيبانه

‏عسى مِقبِلات الأيام يسر ورخا وافراج
‏وعسى ما مضى يمحيه عفوه وغفرانه