ДӀайхача дийнахьа бешара керда нарсаш дика хул

Ассаламу Ӏалайкум, моаршал да шуга, лерхӀаме хьатӀаязденнараш.
Кхоана, шинарча дийнахьа, август бетта 15 дийнахьа, 10:00 сахьат даьлча "ГӀалгӀай ага иллеш" яхача айса оттадаьча гуллама хьаькъе вебинар хургья са. Шийна чам бар хьажа вола дӀахо аз бутача тӀатовжамца дехьа а ваьле.
http://цкнр.рф/activities/news/svyaz-vremen-kolybelnye-ingusha-dialog-s-ilezom-matievym-/?bitrix_include_areas=N&clear_cache=Y
Дикаца гулда вай.

Ассаламу lалайкум, лерхlаме хьатlаязденнараш.
Вай дин вежарий мехка Дагестана шахьаое Махачкале автозаправка ийккха доккха хатар хиннад. 35 саг кхелхав цига, 100 совгlа саг лозаваьв, цу юкъе бераш а да.
Байначарна Дала гешт долда, лозабаьчарна Дала моаршал лулда, гаргарча наха сатоха Дала низ лулба.
Хала хlама да царна тlакхаьчар, воай дуlашта юкъе бихьа Аллахlагара бехаргбар вай уж.

Моаршал да шуга, новкъостий.
Укх тlехьарча кхаь-диъ шера наггахьа мара Гlалгlайче ца хулаш дукхагlйола ха арахьа яьккхай аз. Дукха ха яр Нана-Наьсаре гlолла гlаш аз никъ ца бу. Селхан массехка сахьата Наьсаре гlолла гӀаш лелаш гобаьккхаб аз. Бакъ ма-д шоана из, йовзаргйоацаш ийрча ма яьннай из шахьар. Дукха гаьнаш хедаяь дӀаяьхай, дӀа мел хьажача Ӏокхийса нувхаш я, уж нувхаш юаш лелаш доахан да, харцахьа-бакъахьа Ӏоухаш во хьадж хьайоагӀа хиш да, тӀаьрешка йоархӀаш яьннай, лоацца аьлча ийрча сибат дар Наьсарен тӀадаьллар. Да воаца ков мо латт из шахьар. Нана-Наьсаре а йоацаш, МоастагӀа-Наьсаре йолаш мо ийрча даьккхад цун сибат. ТӀаккха а оал вай Нана-Наьсаре мехка юкъара шахьар я аьле. ГӀалгӀайчен эггара йоккхагӀа йола, дукхагӀа нах баха шахьар а я из.

Миска Нана-Наьсаре,
Фуд хьона тӀаэттар?
Хьа хьашташ кхоачашде
Вац-хьогӀ оарцагӀвала да?

Гонахьарча лоалахоех эхь хийтта мара эрсий меттал яздергдолаш хиннавар со ер. Сайна бӀаргадайна сурт ийрча хиларагӀ сурташ даьхадац аз.
Дала тоадолда вай тишденна хьал.

Дала къахетам болба цох, Имам аш-ШафиӀе аьннад:

"Боккъала а, массабола нах раьзабе могаргдац хьона, цудухьа хьайнеи АллахӀаи юкъера моттиг тоае хьажалахь. Хьайнеи, АллахӀаи юкъера моттиг Ӏайха тоайича, наха фуннагӀа хете а сагота хила везац хьона".

"Юрта йисте лелача сагал юрта юкъе лел жӀалий тол!"

Халкъа кица

Сигале мел гаьна хете а, цу сигален тӀехьа вар (АллахӀ) геттара гарга ва.
Хьай кульгаш хьалъай а дий АллахӀагара дех, боккъала а, човнаш дуӀанца ерз.

Таржам Матенаькъан Илез

МашаалЛахӀ

Ассаламу Iалайкум, лерхIаме хьатIаязденнараш.

Тахан пIаьраска рузбан ди да, укх дийнахьа Далла гӀулакх даргахьа совдовла хьажа деза вай. Бусалба наьха цIай да таханара ди.
Дала Iалаш долда вай.

Ассаламу lалайкум, новкъостий.
Эрсий метта тlара гlалгlай меттала таржам деш, оазаца из дlаяздеш балхаш леладу аз. Нагахьа санна цу тайпара болх бе шоашта саг эше язде сога телеграммах, ватсаппах:
+7928-747-14-17

Аьге-Кхала дагӀа маьждиг да ер. Дин яхь, къаман яхь йолча эздийча кӀанташа ше хиннача боарамагӀ ма могга хьалха хиннача тайпара хургдолаш меттаоттадаьд ер.
Оах тхой ламазаш а дир цу маьждига чу.
Даьла раьза хилва укх гӀулакха къа мел хьийгачоа. Маьлехьа хилба мел баь болх.
Ала деза, укхаза тӀоговзанча болх беш къахьийгар тӀох детта цӀенош, гӀалаш, кхыйола гӀишлош меттаувттаеш вола цӀихеза тӀоговзанча Султыганаькъан Рамазан вольг.

Видео яьккхар Матенаькъан Илез ва.

ХенахзӀокьеттарг - дятел

Шоана яйнайий ХенахзӀокьеттарг? Вай хьунашка йолаш я дуккха, массехка тайпа да цар.

Хоза кха.

Буре (Африке) йиззача тоабано им диллад. Укх дийнача суртан тlа вайна бlаргагу, цара дохадеш дола шоаш lибадат деш хинна цlув (жlар).


وَمَا كَانَ لِنَفۡسٍ أَن تُؤۡمِنَ إِلَّا بِإِذۡنِ ٱللَّهِ‌ۚ وَيَجۡعَلُ ٱلرِّجۡسَ عَلَى ٱلَّذِينَ لَا يَعۡقِلُونَ

Цхьаккха дегIа́ им диллар ма дац АллахIа пурамца мара. Iазап а лу Цо хьаькъале боацарашта (АллахIа аяташта уйла ца ерашта).

    ( Ю́нус: а́ят 100)

Юкъерча бӀаьшерашка хьалдетта гӀалгӀай Тхьаба-Ерда
Сурт Штедера 1782 шера даь хинна ча карта тӀа да

Иштта юхера нокхармозий бӀаргадайнадий шоана?

Нокхармоз (б) - пчела

Полнолуние - бутт ийже бахар

Я Аллахl, тхо кхелла тха Даьла ва Хьо, Хьога хьашт долаш Хьа лай да тхо. Хоастам ба Хьона, Хьай къахетам бе lа тхох, гешт де lа тхона.
Я Аллахl Фалистыне бахача бусалба наха тlалатташ бола бала тlера дlаайбелахь. Хьай къахетам боссабе lа царна. Царга харцо ювцаш, уж шоай цlенах, мехках, вахарах бохабаь царна lазап тlаденача жугташта Хьай эгӀазал йоссае Ӏа, хӀалак бе Ӏа уж. Укх дунен чу баха а бахка а моттиг ма йиталахь царна. Миччахьа уж болхе а кхерам боссабе Ӏа.
Бусалба нахага бала бахьаш вола кераста, жугте хӀалакве Ӏа.
Я АллахӀ, мел хало тӀакхачарагӀ Хьай дин тӀа латта низ ба Ӏа тхона. Хоастам ба Хьона, кӀал ма биталахь бусалба нах.
Ва АллахӀ, хьо воацар кхы Даьла воацандаь хьога кхайк со, маьрша бита Ӏа бусалба нах. Бусалба наьха вахар даькъала делахь. Хьа къахетам боккха ма бий, гӀо де Ӏа Фалистына мехка бахархошта. ГӀоазот къоабала делахь цар. Деррига дуне цецдоалаш паргӀато йоаржаелахь цар мехка а кхы дӀахо долча бусалба наьха мехкашка а.

Матенаькъан Илез

Ӏумар ибн аль-Хаттаба аьннад:

Хьайна бала боацача хӀамангахьа цӀаккъа ма къовсалахь, цӀаккъа хьай гӀулакх доацар а ма хетталахь.

📚Хьажа "Канзуль-уммаль", 16.