Kelajakka sayohat qilamiz

2050-yilgacha dunyo aholisi 9 mlrd'dan oshishi tahmin qilinmoqda. Milliardlab insonlar iqtisodning quyi sohasida. Yoshlar ishsizligi ko'p davlatlarda inqirozli holatda. Ko'pchilik nafaqat ertangi, bugungi kunidan ham tashvishda. Shunday vaziyatda hayotimizni yaxshilashi mumkin bo'lgan yangi texnologiyalarga boy ancha omadli kelajak haqida orzu qilishimiz mumkin.

Hozirgacha egalik qilayotgan texnologiyalarimiz ancha foydali, ammo hayotimiz hali to'liq raqamlashgani yo'q. Agar IT shu tarzda rivojlanishda davom etsa, qurilmalar ustidan nazorat va raqamli dunyo siz uchun keng imkoniyatlar eshigini ochishi mumkin. Hammasi – insonlar, xizmatlar, joylar yonginamizda. Ilovalar, elektron kitoblar, TV dasturlar, kino, musiqa va butun dunyo bo'ylab jonli video efirlar bo'lishi mumkin. Bularning barini masofadan turib boshqara olamiz. Raqamli hayotimiz doimo aktual, ochiq va doim o'zimizniki bo'ladi.

Siz IT va dunyo kelajagini qanday tasavvur qilasiz?

Site | Telegram | Facebook | Instagram

Puling bo'lsa xaltada, dam olasan(mi?) Yaltada

Xalqimizda shunday xislat bor: oson pul topishni va bu pullarimiz o'z-o'zidan ko'payib boraverishini xohlaymiz. Shungami, turli firibgarlarga aldanadiganlarning soni kundan kunga oshmoqda.

Tan olish qiyin bo'lgan haqiqat: yaxshi pul topish uchun hech bo'lmaganda biror sohani yaxshi bilishimiz shart. O'z kasbimizning ustasi bo'lish uchun esa, o'qishdan, o'z ustimizda ishlashdan, mehnat qilishdan bo'yin tovlamasligimiz kerak. Ta'limga, bilim olishga tikilgan investitsiya doim o'zini oqlagan. Yangi bilimlar yana yangi daromad manbai demakdir. Bu yo'l mushkuldek tuyilishi mumkin, ammo bu eng ishonchli, halol va manfaatli investitsiya bo'ladi. Demak, pulingiz ko'payib, bosar-tusaringizni bilmay qolishingizdan oldin, mablag'ingizni qo'rqmay ta'limga yo'naltiravering, keyin bizga rahmat aytasiz.

Siz pulingizni nimalarga investitsiya qilasiz?

Site | Telegram | Facebook | Instagram

Bilimlarimizni sotamiz

Shaxsiy blogga ega bo'lish, avvalo, o'zaro virtual aloqa almashish hamda ma'lumotlar va yangiliklarni tarqatishning eng yaxshi yo'liga aylangan. Keyinchalik esa, bu faoliyat turi o'z egasiga daromad keltirishni boshladi.

Shaxsiy blog orqali insonlar o'z bilimlarini sotib pul ishlashni boshlashdi. Demak, sizning biron sohada tajribangiz yoki bilimingiz bormi va buni kimgadir keng miqyosda o'rgatish orqali qo'shimcha daromad olmoqchimisiz, unda siz, albatta, shaxsiy blogga muhtojsiz. Shaxsiy blogni kim ochishi mumkin? Qisqa va lo'nda qilib aytganda:Hamma! Siz professor olimmisiz yoki dehqon, talabamisiz yoki o'qituvchi, buning ahamiyati yo'q. Muhimi siz qiziqqan va boshqalarga o'rgata oladigan soha bo'lsa bas.

Baxtimizga hozirgi kunda shaxsiy blog yaratish va uni yuritish juda oson hamda buni qanday qilish haqidagi ma'lumotlarni topish mushkul emas.

Sizning ham shaxsiy blogingiz bormi?

Site | Telegram | Facebook | Instagram

Himoyangiz kuchlimi?

E-mail'ingiz paroli yodingizdami? Turli ilova va saytlarga kiritgan pin-kod'laringizchi? Xavfsizlik choralarini maksimal qo'llaysizmi yoki xotirangizdan hadiksirab oddiygina parollarni afzal ko'rasizmi?

Har yili ko'plab kiberxavfsizlik kompaniyalari veb ma'lumotlar bazalaridagi eng yomon deb topilgan parollarni e'lon qiladi va bu ro'yxatda siz ham o'zingizning "himoyachi"ngizni ko'rishingiz mumkin. Demak, eng ishonchsiz deb topilgan ba'zi parollar quyidagilar:
12345
Qwerty
11111
Qwerty123
Пароль va hokazo. Hakkerlar hujumidan imkon qadar himoyalanish uchun siz yaratayotgan parolingizda katta va kichik harflar, sonlar va belgilarning kutilmagan kombinatsiyasidan foydalanganingiz ma'qul. Albatta, u parolni ishonchli joyga yozib qo'yish ham yodingizdan ko'tarilmasin.

Sizning parollaringiz ishonchlimi?

Site | Telegram | Facebook | Instagram

IT vataniga sayohat uyushtiramiz

Silikon (Kremniy) vodiysi haqida eshitmagan, uyerga borib, yashashni, ishlashni xohlamagan IT'shnik yo'q bo'lsa kerak. Shimoliy Kaliforniyadagi San Fransisko bo'g'ozidan janubdagi mintaqaning norasmiy nomi bo'lib, yuqori texnologiyalar, innovatsiyalar va ijtimoiy media kompaniyalarining global markazi sifatida qaraladigan Silikon vodiysi o'z sohasining ustalarini doimo o'ziga jalb qilib keladi.

Hozirgi kunda ushbu mintaqada dunyodagi ko'plab yirik texnologik kompaniyalar, 30dan oshiq Fortune 1000 ro'yxatidan o'rin olgan kompaniyalarning shtab kvartiralari hamda minglab startap kompaniyalar joylashgan. Eng yirik va mashhur shirkatlardan: Apple Park, Googleplex, Cisco systems va Intel kabi kompaniyalarning asosiy binolari ham ushbu hududda faoliyat yuritadi. Kuchli mutaxassislar bu yerda yaxshi daromad va turar joy bilan ta'minlanadi.

Kremniy vodiysi haqida yana nimalarni bilasiz?

Site | Telegram | Facebook | Instagram

Kompyuteringizga eng ishonchli antivirus o'rnating

Kompyuter xavfsizligi haqida gap ketganda, darhol bir nechta savollar paydo bo'ladi: qaysi antivirus yaxshiroq? Bir vaqtning o'zida bir nechta antiviruslarni o'rnatsam bo'ladimi? Pullik antivirusmi yoki bepul? Kasperskiy'ni sotib olsammikan yoki "piratskiy"si ham bo'laveradimi? Va hokazo shunga o'xshash savollar.

Avvalo, bir narsani bilish kerak: kompyuterni himoya qilish har doim har tomonlama bo'lishi kerak. Agar sizda pullik bo'lsa ham, faqat bitta antivirusga ishonish noto'g'ri. Qanchalik yaxshi bo'lmasin, uni har doim chetlab o'tish mumkin. Shunchaki, eng ishonchli antivirus mavjud emas. Qaysidir qismida nozikligi bo'lgan himoyachini buzib kira oladigan zararli viruslar bor. Shunday ekan, kamida ikkita antivirus dasturini qurilmangizga o'rnatganingiz maqsadga muvofiq. Faqat ehtiyot bo'ling, bu dasturlar o'zaro bir-birini virus sifatida ko'rmasin.

Siz qaysi antivirus dasturlaridan foydalanasiz?

Site | Telegram | Facebook | Instagram

Musulmon ahliga Hayit muborak!

Eng go'zal bayramlardan biri bo'lmish Hayit ayyomi bilan Infoshop jamoasi sizni chin ko'ngildan tabriklaydi. Hayotingiz quvonchga, go'zal lahzalarga, baxtli onlarga doim to'la bo'lsin. Sog'lik, do'stlik, vafo, to'kis oila, zavqli turmush go'zalliklari doim siz bilan bo'lsin. Hayotingiz nurga to'lsin, Hayitingiz yana bir bor muborak bo'lsin!

Site | Telegram | Facebook | Instagram

Veb sayt yaratamiz

Veb sayt yaratish uchun Full Stack(inglizcha– to'liq to'plam)ni bilish kerak. U ikkiga bo'linadi:
1. Front end
2. Back end

Front end – bu (foydalanuvchi interfeysi) veb-sayt yoki dasturning mijoz tomonidan ishlaydigan foydalanuvchi interfeysi va funksiyalarini ishlab chiqish. Bu veb-sahifani ochishda foydalanuvchi ko'radigan va u bilan aloqada bo'lgan hamma narsa. Ya'ni sayt foydalanuvchilariga ko'rinadigan qismi.
Back end – bu serverda ishlaydigan har qanday narsa. Apparat va dasturiy ta'minot to'plami bo'lib, uning yordamida sayt ishlashi mantig'i amalga oshiriladi. Ya'ni bu foydalanuvchiga ko'rinmas qismi.

Ushbu ikki ko'nikmani o'rgangan dasturchilar mukammal sayt yaratish imkoniga ega bo'ladi.

Siz veb sayt yarata olasizmi?

Site | Telegram | Facebook | Instagram

Chet elda o'qish uchun nimalar qilish kerak?

Shunday reklamalarga kunda bir bor bo'lsa ham ko'zingiz tushsa kerak. Chet elda o'qish talabgorlari soni ham oshib bormoqda. Chetda o'qishning afzalliklari haqida siz ham bilasizmi?

Avvalo, bu sarguzashtlarga boy akademik, professional va shaxsiy o'sish uchun noyob imkoniyatni taqdim etadi. O'zga yurt, o'zga madaniyat dunyoqarashingiz, fikrlash doirangiz o'sishiga xizmat qiladi. Yaxshi maoshli ish topishni yoki o'z biznesingizni qurishni istasangiz, unda bu maqsadlarga erishishning eng yaxshi usuli hisoblanadi. Xullas, muvaffaqiyatli kelajak uchun kuchli poydevor qo'yishning eng ishonchli va samarali usuli bu chet elda ta'lim olishdir.

Siz ham qaysidir davlatga chet elda o'qishga ketishni xohlaysizmi?

Site | Telegram | Facebook | Instagram

Qanday qilib muvaffaqiyatsiz bo'lish mumkin?

Sarlavhada xatolik yo'q. Shunchaki, atrofimiz qanday qilib baxtli bo'lishni o'rgatayotganlarga to'la, biz esa muvaffaqiyatsizlik sirlarini ochmoqchimiz.

Demak, ishni befarqlikdan boshlaymiz. Hech narsaga intilmang, biror narsaga erishishga aslo harakat qilmang. Umuman yangi reja va maqsadlar haqida o'ylashni xayolingizga keltirmang. Fikrlash tarzingizni o'zgartirish, olg'a intilish sizdan juda ko'p energiya va qattiq mehnat talab qiladi. Shunday ekan, komfort zonadan chiqishga urinmang. Biror yanglik yaratish, nimadir yangi ish boshlash doim ham omadli bo'lavermaydi. Demakki, siz o'zingizni nafaqat ruhan va jismonan charchashdan, balki o'xshamay qoladigan ish ortidan keladigan tushkunlikdan ham himoya qilasiz. Shunday qilib, o'z odatiy hayot tarzingizda davom eting. Axir, hayot shundoq ham davom etadi, o'zgachalik siz uchun emas.

Nima demoqchiligimizni tushungan bo'lsangiz, bu postni kimga "share" qilishni bilasiz.

Site | Telegram | Facebook | Instagram

2022-yilning TOP 6 byudjet ilovasi

2️⃣ Post matni:
Mablag'laringiz hisobini qachon va qanday yuritasiz? Oxirgi marta oylik olganda hisob qilganlar oramizda ko'p bo'lsa kerak)

🔝 Quyida biz siz uchun moliyaviy hisob yuritishdagi TOP 6 ta ilovani taqdim etamiz:

Eng yaxshi umumiy hisob uchun ilova: youneedabudget.com
Eng yaxshi bepul byudjet ilovasi: mint.intuit.com
Pul oqimi uchun eng yaxshi variant: quicken.com
Me'yoridan ko'p xarajat qiluvchilar uchun: pocketguard.com
Daromad to'plash uchun eng maqbuli: personalcapital.com
Juftliklar uchun eng yaxshi ilova: askzeta.com

Daromadingiz va harajatlaringiz miqdori teng bo'lishi qanchalik to'g'ri deb hisoblaysiz?
Javoblaringizni izohlarda kutamiz📮

Infoshop - qiziqarli va foydali ma'lumotlar makoni!

Site | Telegram | Facebook | Instagram