УЗР...

Эсим қурсин, эсдан чиқибди -
Севишимни айтмабман сизга...
Куйиб-ёниб ўттизга кириб -
Куйишимни айтмабман сизга.

Ўтди йиллар бир-бирин сотиб.
Тонглар отиб, офтоблар ботиб...
Сизни кўрсам эсим йўқотиб -
Қўйишимни айтмабман сизга.

Адоғи йўқ фироқларимни,
Нечун? - деган сўроқларимни...
Ётлар боқса, қабоқларимни -
Уйишимни айтмабман сизга.

Ошиқ санар ҳар ким ўзини.
Сиз тингламанг улар сўзини...
Сизга боқса, икки кўзини -
Ўйишимни айтмабман сизга!

Эсим қурсин, эсдан чиқибди -
Севишимни айтмабман сизга...

© Элшод  БОБОҚУЛОВ.

Лекин мен кўрудим))

Бугун "Халқлар отаси" доҳий Сталин вафот этган кун. Шахсга сиғинишнинг типик намоёндаси. Бериядан бошқа барчадан шубҳаланган сирли шахсият. У ўлганда қўл остидаги бутун бошли халқ коммунистик сиёсат қурбонлари "воҳ отам" деб йиғлаган. Асли келиб чиқиши грузин бўлган, тўлиқ исм-шарифи - Иосиф Виссарионович Жугашвили. Қаттиққўл ва шафқатсиз сиёсати сабаб Сталин (темир, пўлатдек мустаҳкам) лақабини олган.
Қизиқ тарих.

Тарих такрорлардан иборат. Халқни бошқа ўй суришдан четлатган, сиёсатдан нари тутган диктаторлар ўлганда барча оҳ-воҳ чекиб "отам" деб йиғласа керак. Тағинам билмадим-у лекин Каримов ўлганда "энди нима бўлади" деб шокка тушганларни кўрганман. Таҳлика, ваҳима ҳукмрон вазият. Кулгули ва ачинарли. "Агар зилзила бўлсаям у ҳаммасини тўхтатиб қолади" деган кампир бир аҳволга тушиб қолганини кўрганман. Ҳалиям яшаб юрибди)

Ҳаво ва муҳаббат борасида суҳбат истайдир бу ғар кўнгил)

"Адоинг бўлгаймиз сени Ўзбекистон,
Ҳеч кимга бермаймиз сени Ўзбекистон!"

Умримда биринчи бор - суришга мажбур қилган,
Асабни тугатган...

АЁЛ

Жавоб кутмай соғиндим, севдим,
Зори бўлдим, зўрим бўлди у.
Маликамсан, қулингман девдим,
Хожа бўлдим, чўрим бўлди у.

© Мансур Жумаев

Қимтинасан, астагина кўтарасан бош,
Минг йилликдир кўзингдаги жовдираган ёш,
Гуноҳкорлар минг-у битта Сенга тегар тош,
Сен бари бир муқаддассан,
муқаддас Аёл!

Ёшлигимда туманда маҳаллалар ўртасида мусобақалар бўларди. Чин юракдан ўзимизникилар ўйнаган ўйинда мухлислик қилардик. Ўсмир пайтларимиз маҳалла биринчилигида синфдошлар жамоамиз кетма-кет чемпион бўлаверди. Худди Европада Реал гегемонлиги каби одатий ғолибликка ўрганиб қолдик. Кимда Юнайтед, кимда Челси, бизникилар Ман Сити формасини олишганди. Сити ўйинлари, ўзи умуман Пеп услубини ёқтирмасдим. Лекин ҳозир ўша ностальгик эйфорияни ҳис қиламан. Биринчидан ўтмиш хотиралари, иккинчидан Абдуқодир учун симпатия. Лекин ҳозирги ҳолатда ҳам ўхшашлик бордек, энди ёш жамоалар кучли. Тезликка дош бериш қийин. Биздан қўрқмай қўйишган. Ситини ютиш ҳам утопия эмасдек, уларданам қўрқишмаяпти. Негадир кулги келяпти 😁

Неча-неча уйқусиз кечалар, ишончсиз нигоҳлар, эплолмайсан деганлар учун ҳам каррасига кўпроқ тиришиш билан опен-бюджетдаги қатор ғалабалар. Ҳаш-паш дегунча 3 йил ўтибди. Ҳозир группаларга бир кўз ташлаб умидвор ялинишларни кўп кўрдим. Илк мавсумлар, асаблар, стресс ёдимда тушди. Кунига 5-6 энергетик ичишга "ўтириб" қолгандим.
Пировардида биз эпладик, ишондик, тинмадик - ютдик.
Меҳнат ва машаққат роҳат келтиради. Танқид ва туҳматлар бўлади, лекин натижа тарихда қолади. Азоблар унутилади менимча муҳими жараён.
Ростан ҳам дунёда бўлмаган, бўлмайди ҳеч ҳам,
Ғалаба таъмидан ширинроқ бир таъм!

Биз эплагандик, биз деганда бу жуда катта жамоа - ёшидан қатъи назар мақсади аниқ ва битта бўлган ҳеч нарсадан тап тортмас, ортга қайтмас жамоа эди. Тарих такрорланади, яна уриниб кўриш керак.

Ҳасан Басрийдан сўрадилар:
— Нима учун одамларнинг гапларига парво қилмайсиз?
— Туғилганимда бир ўзим туғилганман, ўлаётганимда ҳам бир ўзим ўламан. Қабрга ҳам бир ўзим кираман. Аллоҳ Таолонинг ҳузурида ҳисоб-китоб пайтида ҳам бир ўзим. Шундай экан, одамларнинг гапларидан менга нима наф!?

Банкка ишга кириш учун математикани билса етади менимча)

Омонат жон - бир сабаб билан умринг тугаши ҳеч гапмас. Қачонгача ўлчаб берган, қай ҳолда ўласан билмайсан. Зилзила пайти бутун ўтган ҳаётим бир лаҳзада кўз олдимдан ўтди. Жон бунча ширин-а?!