Юй Хуанинг «Яшамоқ» асари асосида суратга олинган «Ҳаёт давом этади» номли филм.

2012-йил май ойида очилганди бу канал. Ну одам кам лекин комфорт, энг диди нозик капризлар тўпланган бу ерда. Яқинда днюхасини қиламиз 🥂

Sheʼriy kecha...

Shu kunlarda sheʼr eshitishga vaqtingiz qanday?

Istasangiz: 4-aprel kuni soat 19:30 da "Gyote" Institutiga keling...

Balki, mazza qilib tinglarsiz, balki unday boʻlmas, bahonada diydorlashamiz, shu!

Kecha davomida boshqa mehmonlar ham boʻladi...
Qoʻldan kelgancha, bir narsa qilib koʻramiz, oʻxshasa davom etadi...

Kirish mutlaqo tekin,
faqat kechikmay kelish kerak.

Moʻljal: "Abdulla Qodiriy" metro bekati...

Postni yaqinlaringizga ulashsangiz ham boʻlaveradi.

@Nurmuhammad_Abduzoir

Нега, қандай қилиб деган саволлар кутгандим. Алавча босишдан олдин дўппини олееб бир ўйлаш керагиди, ўзи телеграм қачон яратилган. 2012-йил Нокиа телда аранг интернет ишлайдиган динозаврлар даври эди...

5 кундаёқ уддаладик. Ижобий натижа билан тугашига ишонмайману лекин шу 120 та одамни охирги сортларини қандай сўкишни ўйлаб бошим қотяпти)

Реал ҳаётда Титаник қандай бўларди? Ростан, улкан уммон - Атлантика, пишқирган пўртана ва кучли шамол. Ўзгача манзара 😄

:((

Пушкинни бир таржимасига кўзим тушиб қолди. Унда лотинча сўкиш эпиграф қилинган экан. Ўрганиб қўйилса ишлатишга қулай, илм бўладида))

Кутилмаган ҳолат, лекин аслида кутилган ҳолат)

Бугун Қодирий таваллуд куни. Кўпчилик унинг асарларини ўқигандир, бироқ у анчайин долзарб шеърлар ҳам ёзганки ҳали-ҳамон ўз аҳамиятини йўқотмаган. 21 ёшлигида ёзилган шулардан бирини ўқиймиз:

"АҲВОЛИМИЗ"

Кўр бизнинг аҳволимиз, ғафлатда қандай ётамиз,
Жойи келган чоғида виждонни пулға сотамиз.
Ўғлимизға на адаб, на фан, на яхши сўйламак,
На худони буйруғи булган улум ўрготамиз.
Коримиз шундан иборат бўлди ушбу вақтда,
Ўнтадин бедона боқиб ёзу қиш сайротамиз.
Ҳамда ҳар кун такяларда наша кўкнори чекиб,
Баччаға кокил солиб, оҳ-воҳ ила ўйнотамиз.
Қаримиз, боёнимиз, балки бу вақт оқвондамиз,
Ногаҳон кўрсак агар бир бесоқолни қотамиз.
Ўртадан чиқса агар миллатни яхши суйгучи,
Биз ани даҳрий санаб, тўфангча бирла отамиз.
Келингиз ёшлар, зиёлилар бу кун ғайрат қилинг,
Ухлаганларни агар қодир эсак уйғотамиз.

Abduqodir Husanovning “Manchester Siti”ga transferi e’lon qilinganida o‘zimga ham tushuntirib berolmaydigan darajada xursand bo‘lib yurdim-da, vaholanki, na issig‘i, na sovug‘i bor. Lekin og‘zim qulog‘imda, qandaydir g‘ururmi, qoyil qolishmi, nimadir bor-da.

1961-yil 12-aprel kuni Gagarin kosmosga uchgani ma’lum bo‘lganida ham odamlarda shunday (bundan kuchliroq) hissiyotlar kechgan bo‘lsa kerak. Shu haqda bir videocha: https://www.instagram.com/reel/DIVECEki4Qc/?igsh=M2Y3OHplajQwZDJ3

Меваларин тўкиб боғлар жим,
Ростлаётир эгик қадларин.
Бир сен ўзинг менинг биринчи
Ҳамда бошқа муҳаббатларим.

Юрагингдир бахтим илинжи,
Умидларим — жавонмардларим.
Бир сен ўзинг менинг биринчи
Ҳамда бошқа муҳаббатларим.

Кутганларинг ёлғон, қаҳринг — чин,
Ёзсам қайтиб келар хатларим.
Бир сен ўзинг менинг биринчи
Ҳамда бошқа муҳаббатларим.

Гарчи ўтмас сенга ўтинчим,
Гарчи сиғмас сенга ҳадларим,
Бир сен ўзинг менинг биринчи
Ҳамда бошқа муҳаббатларим.

Сезмас, гарчи юрагинг синчи,
Руҳ тулпорим еган латларин.
Бир сен ўзинг менинг биринчи
Ҳамда бошқа муҳаббатларим.

Юлдузларнинг йўқолар тинчи,
Осмон қуёш қилар аҳдларин
Бир сен ўзинг менинг биринчи
Ҳамда бошқа муҳаббатларим.

Мен бир қушман — осмон ўкинчи,
Синди қанот, куйди патларим
Бир сен ўзинг менинг биринчи
Ҳамда бошқа муҳаббатларим.

Ҳижрон кунчи, айрилиқ кинчи,
Кулфатларим сен, сен  бахтларим
Бир сен ўзинг менинг биринчи
Ҳамда бошқа муҳаббатларим.

© Матназар Абдулҳаким