Innovatsion rivojlanish agentligi direktori v.v.b. A. Norov Koreya kompaniya rahbarlari bilan uchrashuv o‘tkazdi. Uchrashuvda o‘zaro hamkorlik istiqbollari, hamkorlikda grant loyihalarini amalga oshirish, shuningdek, yangi texnologiyalarni O‘zbekistonga transfer qilish masalalari muhokama qilindi.
Uchrashuv yakunida Innovatsion rivojlanish agentligi SMARTHIVE CO., LTD. va NATURAL FERMENTATION CO., LTD. kompaniyalari bilan yurtimizdagi innovatsion tumanlarda qishloq xo‘jaligi sohasida yangi innovatsiyalarni targ‘ib qilish va rivojlantirish maqsadida Koreya Respublikasi Hukumatining tashqi beg‘araz ko‘mak mablag‘lari doirasida innovation bio‘g‘itlarni yetkazib berish va ularni sinovdan o‘tkazish bo‘yicha grant shartnomasi imzolandi.
Ushbu memorandumning asosiy maqsadi – innovatsion texnologiyalarni joriy etish orqali qishloq xo‘jaligini barqaror rivojlantirish, ekologik toza ishlab chiqarishni kengaytirish hamda ikki tomonlama hamkorlikni yanada mustahkamlashdan iborat.
Mazkur bioo‘g‘itlar tuproq unumdorligini oshirish, ekinlarning sog‘lom o‘sishini ta’minlash va hosildorlikni ko‘paytirishda muhim ahamiyat kasb etadi. Shuningdek, ushbu texnologiyalar kimyoviy moddalar qo‘llanilmasdan, zararsiz va ekologik xavfsiz mahsulotlar yetishtirish imkonini beradi.

Bizni kuzating

InnoWeekda bo‘lishimdan nihoyatda mamnunman. Innovatsiyalarning sifati, taqdimotlarning darajasi, ayniqsa yoshlardagi ishtiyoq va hayajon nihoyatda yuqori bo‘lgani meni juda hayratda qoldirdi.
O‘zbekistonning kelajagi uchun sizlarning ilm-fanga va ilmga asoslangan innovatsiyalarga shunchalik katta sarmoya, energiya va fidoyilik bilan yondoshayotganingiz juda yaxshi ijobiy belgidir. Meni eng ko‘p hayratlantirgani – bu yerda kuzatilgan ijobiy ruh, ishtiyoq, ko‘rgan innovatsion g‘oyalarim, texnologiyalar, agrotech sohasidagi yutuqlar bo‘ldi. Bularning barchasi ushbu mamlakat jadal rivojlanayotganini anglatadi.

Bizni kuzating

Bizni kuzating