Табиб Әлфия Гарипова муенда бөкре турында: «Шешне бетерүгә караганда, булдырмау җиңелрәк»

Бу май шеше ир-атларда да, хатын-кызларда да була. Хәзер мин аны яшьләрдә дә күп күрәм. Димәк, алар башын иеп озак кына телефоннарда утыра.

Бу бөкре бик зур булып үсә ала, чөнки ул май күзәнәкләреннән тора. Ә алар чамасыз май җыя ала. Май белән кан тамырлары, умыртка баганасыннан арка миенә үтә торган канал май белән каплана, нервлар һәм кан тамырлары кысыла.

Ничек бетерергә? Табиб киңәше

https://intertat.tatar/news/tabib-alfiya-garipova-muenda-bokre-turynda-sesne-beteruga-karaganda-buldyrmau-inelrak-5874356

Марат Яруллинның администраторы: «Хәзерге вакытта Казан буенча 450 мең безнең бәя. Бу – 1 сәгатьлек чыгыш өчен»...

Ришат Төхвәтуллин мәҗлесләргә 500 мең сумга килергә риза. «Бэнд белән (плюс тавыш режиссеры һәм директор) әлегә 500 мең сум безнең. Бу – 1 сәгатьлек чыгыш», – дип сөйли җырчының концерт директоры.

450, 500, 800 мең – эстрада җырчылары туйларда ничә сумга җырлый?

https://intertat.tatar/news/450-500-800-men-estrada-yrcylary-tuilarda-nica-sumga-yrlyi-5875919

Дөнья беренчелегендә бронза медаль яулаган Айзилә Фатыйхова: Минем көрәшкә килүем бик кызык булды: мәктәп янында егетләр шөгыльләнгәнен күреп алдым да, карап тордым, алар анда Алмас абый белән иделәр, шунда ул килде дә: «Ошыймы?» – диде. Минем күзләрем яна иде, «әйе» дидем. Ул тренировкага килеп карарга тәкъдим итте, бардым, һәм миңа бик ошады.

Көрәш белән 11 яшьтән шөгыльләнәм, 5 нче сыйныфта башлаган идем. Әле бер тапкыр да үкенгәнем булмады, «көрәш – егетләр өчен генә» дигән сүзләрне кабул итмим, минемчә, көрәш белән кызлар да шөгыльләнә ала, бары тик теләк кенә кирәк...

Алмас Заһретдинов истәлегенә көрәш турниры: «Көрәшергә генә түгел, кеше булырга өйрәтте»

https://intertat.tatar/news/almas-zahretdinov-istalegena-koras-turniry-koraserga-gena-tugel-kese-bulyrga-oiratte-5875934

«Ул көнне тыным кысылды, атлый да алмадым. Кан басымы күтәрелде, пульс 120дән артып китте. Бәхеткә, улым өйдә иде. Ул мине Лаеш районыннан Республика клиник хастаханәсенә алып китте. Иртәнге сәгать 9да без хастаханәгә килдек, һәм мин аңымны югалтканмын», – дип искә ала Мөршидә Сөнгатуллина.

Кабул итү бүлмәсендә Мөршидә ханымның йөрәге туктый, табиблар аны кабаттан эшләтеп җибәрүгә ирешә. Табиблар пациентта кискен коронар синдром булуын фаразлый, әмма коронарография йөрәк кан тамырларында проблемалар күрсәтми. Күкрәк читлегенә компьютер томографиясе процедурасында табиблар үпкә артериясендә массив тромб таба.

https://intertat.tatar/news/trombny-gadati-ysul-belan-alu-kurkynyc-iderkb-tabiblary-yana-ysul-belan-operaciya-yasagan-5875907

Май азагы иде…

Кама боздан ачылып беткән, Зифа яр буенда иптәш кызлары белән йөри. Шунда кызның күзе еракка төбәлде. Елгадагы көймәдә балык тотып басып торган Харис абыйсы кисәк кенә югалды. Аннары кызның коты алынды: Харис бата, тартыша, куллары белән чәбәләнә.

Зифаны әнисе кечкенәдән үк йөзәргә өйрәтте. Шуңа күрә Зифа уйлап тормыйча суга ташланды һәм Харис абыйсын ярга чыгарды. Аның калын киемнәрен чишеп җибәрде, дус кызлары исә ярдәм чакырырга өлгергән иде. Тиз арада өлкәннәр килеп җитте.

– Син – минем коткаручым, – диде Харис берничә көн узгач, Зифа белән очрашканда. – Мин сиңа бик рәхмәтле.

Шуннан алар дуслаштылар. Зифа Харис абыйсына гашыйк булды – кыз өчен бу мәхәббәт балалык хыяллары иде. Харис һәр кайтуында Зифага күчтәнәчләр китерә, кызыклы хәлләр сөйли.

– Тик әнигә сөйләмә, – ди иде кыз, көлеп. – Ул белсә, мине өйдән чыгармаячак.

Зифа бик тә Харис абыйсына ошарга теләде.

Дәвамы: https://intertat.tatar/news/donyanyn-torle-pocmaklarynda-sinen-isemenne-yazyp-kaldyram-5875859

"Без кешене иң күркәм сурәттә яралттык".

"Әт-Тин" сүрәсе, 95:4

Сурәне тулысынча укырга: https://intertat.tatar/quran/structure/list/95-at-tin-inir-surase