بعض ناسي تعب وضعي شفلها
رغم جانت أمس دمعي شفلها
عكده بليل وبشعره شفلها
وتراب وعاصفه ومشدوده اديه..

سبعتالاف جندي وخانوا المختار
وانت بطرگ روحك جاي توفيلي..

السما بعينك شبج عوف الاوهام وطير..

يسنبل لا تثق ذباح المداريك..

ادري انت بشر بس هالخضار منين
ابو البستان شافك حرك بستانه
والورد من شاف طولك بس عليه مريت
ما يقبل بعد يكعد بسندانه..

لا تبقى ابيض گلب
تصير مثل الگطن
وانت بزمن نداف
مادام مثل العرِگ
مدفون وانت عدل
يا موت منه اتخاف..

يامن مگدر عليّ
غيرك فصاله صعب
چم ادوب اخيط واشگ..

وانت الكلتلي كبل روحي بمحبتك صحت
شو چنها ليلة مطر تمطر ولاظن صحت
محترگ اذكر گبل ناديت بأسمك صحت
جيتني تركض ركض فوگي النفط درته..

ومن شفتك تريد تطير دنيت السما لعينك..

يتعنه عليك بحور كلب اليريدك..

بتهوفن امس لو سامعك ماصار
يم صوتك امس جا گعدت الحانه..

شگالوك عليه وصار وجهك سيف!
وتعرفني التكتلك والحجي مصدگه..

من اذكرك ضفاير تخنگ الروح
من اريد انساك لازم شعره شعره..

ملامح فرگتك تركت اثر بيه
عين تشوف گوه وعين معميه..

عندي جروح من التفت تلتاف
لان واحد بواحد صرت اشدهن..

مثل ظلك جنت بالخطوه نمشي ثنين
ومشيت انت بظلام وضيعت ظلك..

بعد ما التفت لو سما بظهري تطيح
حسبالك گبل؟ لاگلبي چويته..

واخذ شتلة غرامك يا عشگ يا شوگ
بس عاگول صدگ ينبت بطيني..

تجي تاخذ صوُرك لو…..
اعلگهن ماعندي چف بي خير خاطر يشگگهن..

ضيعني بسهل واخسرني كون تريد
بس توعدني روحك ما تضيعها
اذا روحك بدوني تعيش باستقرار
اقبل على البدوني بشرط ينفعها..