اذا حملك ثگل لتحشم الناس
نومس حيل جتفك خله يفزعلك..

‏لخليك اعله نظره شوگ تتحسر
واراويك الوجوه شلون من تثكل..

البحر من يعشك سفينه يغار من تحضن جرف..

يلي بين حواجبك غفوة نهر..

المستنقع نشف ظل بي قليل الماي
بعد طگت شمس ويبين المستور..

ثوب المارهم مو شرط يتخصر..

من الاخير

علگ على الوجه ضحكه وامل بالروح
بزوايا العين كافي شچم حزن راكن..

حيره تصير شجره وتثمر يضربوك
تظل يابس حطب هم ما تظل مشمور
يلمونك نعم، لو حرگ لو منشار
لو تصبح وصل لو طعم للتنور
واذا ردت النجاة وكلت اريد الماي
لو تنحط جسر لو تنصب ناعور..

انساهم يگلبي الوفي
ثوب على جلدك حلو
لا تدور البي فتگ
لاتحزن على المضى
النخله ماتت بعد
وماظل تمر بالعثگ..

بقينا نخاف من الريح
صرنا اغصان تعبانه..

چم شوغة انچفت بالروح
‏من شحّت مراسيلك..

يا مفتاح روحي والسوالف بيك تحلى
والهوا يمرني ويرطبني هبوبك يا ندى الغبشه..

صدفه شفناك بدربنه‏
ونسينه شلون چنه
‏كثر ما بيها أمان النظرة منك
چنه نتمنى مثل عينك وطنه..

لو كلمن زعل مثلك رحل
چا ما ظل بشر بالديره..

تلم بيه حطب لا تگلي المن بيك
لأن جاسك برد مو كاتلك لمي..

انه قصتي وياج قصه
نكتبت بورقة قديمه وخط حزين
ولو اكو تأمين على الحب
جان اطالبهم يردولي ولو ربع السنين..

من تبتسم أنسى الحچي وما اعرف منين أبدي
‏حبيتك بگد ما چنت خايف أظل لوحدي..

فحطت خلكي وبعد زعلك طويل
ودرب الملاكه عليه شبعده صار
روحي مابيها عشگ خَلص عليك
وبسما جروحي حنينك كله طار
فرفحت روحي ونكتت جفوفي حيل
من سمعت بواهسك يم غيري صار..