كلش ثكلت جروحي !
انه المبيوع انه الدافع ثمن روحي
كابوس البعد ما يكضي راح اكضي
هاي الليله مو مكسور متشضي..

بكاع المايريدوني طشرني الوكت حنطه..

گضه الواهس على طيوفك
بعد ما صيرلك حارس
اجيتك واني كلي اخضر
رحت منك ورگ يابس..

وفيت انه وفه الهزن ولالن
وگسه گلبك عليّ ماحن ولا لن
نجوم الليل لو طلعن ولالن
يذكرني ويزيد الشوگ بيه..

الفُرصة الثانية بَسلاحك يكتلوك
ومَن نفس الصحن مرتين تسَمم..

والناس شمحلاهم بالضاهر
طب خاصمهم تلگه ابليس..

حبل المشنقه يعدم حبال الصوت
الحبل من الحبل كام يتبرّة..

السكتة چذبة بروحي نار
ويا قلق ذاك الهدوء اليترس
اجواء المحاكم قبل اصدار القرار..

انه النبته الوحيدة الما يهمها الماي
انبت بالصخر من السما توشل..

بعد ما جيب جرحي تروفه اليه ردود
انه استجمعت حيلي وبالصبر رفته..

بويه تصيح هذا شكد حزن جارع
هذن هيج الشفتهن من عدا المضموم
اليشرح جثث ما يگدر يباوع..

بموعد جيتك كون اندل الميل
وسطي اعله الدقايق حتى اقدمة
اني مناطرك نظرة غصن جان
اخضر بس قبلت تعوفه يضمه..

ما ترتاح لان سديت اذانك من ضميرك صاح..

مو انت الفرس بس چانت ازمة خيل
سايستك غصب وادريك مو كدها..

مدري ياهو يسد فراغك
وحشة فراكك جبيره..

‏السكته سكته والصبر بعده صبر
وذاك انا ثياب الوكت مابدلتني..

من كلشي اخذ درس
ما خاف من شده
مادام احس بالألم واصرخ
اذًا ما متت يعني النفس بعده..