هلا يا نعمة الباري وجنتا
الانس تاه بمعانيه وجنتا
مثل عين الشمس تضوي وجنته
الضوه بخده وانه النيران بيه..

اللهم احفظ العراق واهله

السچه الما تتواصل تصبح منبت للعاگول..

كتلي من تعطش ترويك الچفوف
هذا انه العطشان وين جفوفك..

بساعه رمليه انتظارك
بيها چم صحراء خلصت
وانتضرتك رمله رمله..

واجي مغيم سهر يمك وانكط ليل
وطرت مو بالسما لا بالحجي الكلته
وعكس جية الضوا روحك بروحي تطير
وعبرنا السابعة وجناحي ما درته
ولحد ثامن سما وصلت الشهكه وياك
واسافر والتراب بجدمي ما دسته
ونكت ثيابي يمك جان بيهن غيم
من ثامن سما للكاع وصلته..

احجي وياك وحدي وانت ماموجود
واسولفلك عليه وانت مو يمي
واصيح واشتكيلك واصرخ من الااه
ولاجني اشتكيلك واحرك بدمي..

ذكرتك بالوجوه الردت يمها انساك
وبدت بيك السوالف وانت تنهيها..

ولادنگ لو ذهب طايح لگيت
الذهب يصعدلك اذا شافك قنوع
بركن تمثال الثلج لا تستراح
وتدري من تطلع شمس لازم يموع..

اعرفك ما ترد بس ما طبگت الباب
مثل ميت عزيزة يعود ينتظرة
سهل من تبتعد بس صعب تلگه انسان
شایل طيبتي ويهواك عل فطرة..

اضن الله بكذلتك بده ليله
يخلي وكلبي يمك بده ليله
اذا قيس عل ربعه بده ليلى
ابديك عل اخوي و والديه..

لتأمن زمان العلم الطاووس
يتبختر وهلس ريش طاووسه..

حيره تصير شجره وتثمر يضربوك
تظل يابس حطب هم ماتظل مشمور
يلمونك نعم لو حرگ لو منشار
لو تصبح وصل لو طعم للتنور
وإذا ردت النجاة وكلت اريد الماي
لو تنحط جسر لو تنصب ناعور..

من شفتك تجي بلا واهس اضطريت
اضم كل السوالف واقفل شفافي..

حبيتك كبل من شحّو الحبّوك
ومن كثرت أحبابك نسّتك خلّك
تصعد للنجم مو بس ردتلك هاي
ردت آنه النجم للكاع ينزلّك
كل ما تستلم حصة منام العين
حصّه من السهر للّيل تعزلّك..

صلب عظمي وتكسر من جليدك
وجيك و روحي ترجف من جليدك
حضنتك ليش صارت منجل ايدك
گطعت اهروش گلبي بلا خطيه..

غير افتهم شتريد روحي ام الف راي !
تعطش واجيب الماي ودگلي مو ماي..

- ناظم الحاشي

اجه يطگني واخوته حاجبينه
واسمعه يكول ما الك حاجه بينه
خزرني وسيف صارن حاجبينه
وصرت مثل الصنم من هد عليه..

بعد معركة أُحد، جاءه بعض الصحابة يطلبون أن يدعو على الكفار الذين آذوه وكسروا رباعيته، فقال ﷺ:

«اللهم اغفر لقومي فإنهم لا يعلمون».

الوعد مثل الشرف من ينكسر ينعاب..