🤍 ХУССАР ИРЫСТОНЫ хъахьхьӕнӕг Челдыты Георги:

Бирæ хатт мæхимæ фарста радтын, кæцы алыхаттдæр ис мæ сæры. Цæй тыххæй мæ кæй тыххæй фæтох кодтам? Мæнæ абон Ирыстоны власты чи ис, уыдоны тыххæй тох кодтам?

Абон Ирыстоны фæллойыл кæрæдзи чи хæры уыдоны тыххæй тох кодтам – нæ мæн у, нæ, мæн у!

Æршæугæтæ сбастой сæхи хицауады кусджытимæ, æмæ сæ кæрæдзи хæрынч Ирыстоны фæллойыл. Байуæрстой сæхиуыл дуртæ, хъæд, дон, бæгæны, кредиттæ сæхиуыл байуæрстой.

Æуыдоны тыххæй тох кодтам, исчи ма мын æй зæгъæт, чи зоны æз рæдийын?

Ахæм диссагыл дис ничиуал кæны, цыдæр адæм, кæцытæ никуы уыдысты Ирыстонæн зын куы уыд уæд, мæ еныр сæ кæрæдзийыл уарынц Ирыстон?

Сæ хæстæджытыл, сæ сыхæгтыл, æмæ афтæ дарддæр. Æмæ цæм
мах дардæй кæсæм сæ кæрæдзийыл куыд уарынц фæллой. Худинаг сæм ницыуал кæсы, цæсгом сын нал ис.

Æмæ адæм лидзынц Цхинвалæй, горæт сафтид, чи ма нын раздахдженис нæ адæмы, чи бауромдженис адæмы цæмæй мауал лидзой?

Челдыты Георгий (Гельди).

@ironkanal

🏺 Скиф Анахарсис нымад цæуы дунейы авд куырыхонæй сæ иуыл.

Зындгонд сты Анахарсисы куыстытӕ «Медокмæ», «Афинæгтæм» аемае «Паддзахы фыртмæ», афтæ ма 800 æмдзæвгæйы, кæцытæ фыст сты скифты сгуыхтдзинæдтыл.

Йæ философон хъуыдытыл æнцой кодтой æмæ сæ дарддæр кодтой бердзенаг стоиктæ æмæ киниктæ. Сæ философон ахуырады бындур дæр уыдысты Анахарсисы философон куыстытæ. Йæ философон хъуыдытае дарддæргæнæн уыд китайаг философ Лао дæр.

Анахарсис стыр аргъ кодта йæ фыдæлтæ æмæ йæ райгуырæн зæхх Скифийæн. Уыдон фидар хæст уыдысты се ‘гъдæуттыл æмæ кæд Грецимæ æввахс цардысты, уæддæр сын се ‘гъдæуттæ уыдысты æцæгæлон.

Анахарсис æрæмысыд науæнгуыр, æлыгкуыстгæнæг цалх, къентæ æмæ наупалæз.

📍науæнгуыр - якорь
📍æлыгкуыстгæнæг цалх – гончарное колесо
📍къентæ -шашки
📍наупалæз - парус
📍куырыхон - мудрец
📍ӕрымысын - изобретать

@ironkanal