“SamAuto” улушининг 75,2 фоизи турк компаниясига сотилди

“Самарқанд автомобиль заводи” МЧЖ ҚК устав капиталидаги 75,2 фоиз давлат улуши Туркиянинг “Anadolu Isuzu” компаниясига сотилди.

Автомобиль заводининг қолган 24,8 фоиз улуши Япониянинг икки компаниясига (тенг улушларда) сотилган.

“Anadolu Isuzu” автозавод акцияларини 80 млн долларга харид қилган ҳамда яна шунча қийматда инвестиция киритиш мажбуриятини олган. Бу, жумладан, Ўзбекистонда катта сиғимли (12–18 метрли) автобуслар ва электробуслар ишлаб чиқаришни кўзда тутади.

Расмий саҳифаларимиз:
Telegram / Facebook  / Twitter / instagram  / You tube

Спортчиларимиз совриндорлар сафида

Ҳиндистоннинг Аҳмадобод шаҳрида сув спорт турлари бўйича катталар ўртасидаги Осиё чемпионати бўлиб ўтмоқда. Мусобақа спортчиларимиз учун муваффақиятли бошланди.

Хусусан, Илья Сибирцев 1500 метр масофага эркин усулда сузиш дастурида 15:23.35 сония натижа кўрсатиб, кумуш медалга эга чиқди. Бундан ташқари, уч метрлик трамплиндан синхрон сакраш баҳсларида қатнашган Игорь Мялин ва Вячеслав Качанов жуфтлиги мусобақада 319,17 балл жамғариб, бронза медалини қўлга киритишди.

Таъкидлаш жоизки, спортнинг бу тури Ўзбекистон касаба уюшмаларига бегона эмас! Чунки Ўзбекистон касаба уюшмалари Федерацияси раиси - Ўзбекистон сув спорти Федерацияси раиси ҳам ҳисобланади.

Расмий саҳифаларимиз:
Telegram / Facebook  / Twitter / instagram  / You tube

Йил бошидан буён ўзбекистонликлар 906 млрд сўмдан ортиқ “кешбэк” қайтариб олган

Жорий йил август ойида истеъмолчиларга 121,8 млн чек учун 99,8 млрд сўмдан ортиқ “кешбэк” тўлаб берилган.

Тўланган кешбекларнинг энг катта қисми, август ойи учун Тошкент шаҳри (41,8 млрд сўм) ҳамда Тошкент (8,2 млрд сўм), Фарғона (7,1 млрд сўм) ва Самарқанд (6,9 млрд сўм) вилоятларига тўғри келади.

Ўтган 8 ойда эса жами 906,6 млрд сўм “кешбэк” тўлаб берилган бўлса, бунда ҳам Тошкент шаҳри етакчи шаҳар сифатида қайд этилган – 374 млрд сўм.

Расмий саҳифаларимиз:
Telegram / Facebook  / Twitter / instagram  / You tube

⚡Туман ва шаҳар ҳокими ўринбосарлари сони қисқартирилади

Туман ва шаҳар ҳокимликлари фаолиятини такомиллаштиришга доир Ўзбекистон Республикаси Президенти Фармони лойиҳаси ишлаб чиқилди.

Унга кўра, туман ва шаҳар ҳокимлари ўринбосарларининг сонини 4 нафар этиб белгилаш таклиф қилинмоқда.

Бугунги кунда туман ҳокимларининг 6 нафар ўринбосари бор.

Баъзи туман ва шаҳар ҳокимликларида битта раҳбарга бир нафар ижрочи ходим тўғри келяпти. Айрим ҳокимликларда раҳбар ходимлар сони 37, ижрочи ходимлар сони 27 нафар. Бу иш юкламаси нотўғри тақсимланиб, вазифалар сифатсиз бажарилишига сабаб бўлмоқда.

Шу боис лойиҳада туман ва шаҳар ҳокимликларида бу нисбат бир раҳбарга камида 3 нафар ходим бўлиши белгиланмоқда.

Расмий саҳифаларимиз:
Telegram / Facebook / Twitter / instagram / You tube

Бугун ҳамма ходимлар ишдан 1 соат вақтли кетишга ҳаққи бор

Меҳнат Кодексининг 187-моддасига кўра, байрам кунлари арафасида ҳар кунлик ишнинг (сменанинг) давомийлиги барча ходимлар учун камида 1 соатга қисқартирилади.

Эртага 1-октябрь — Ўқитувчи ва мураббийлар куни, яъни ишланмайдиган байрам.

Демак, бугун ходимлар 1 соат вақтлироқ уйига кетишга ҳақли.

Ҳуқуқшуноснинг маълум қилишича, байрамдан олдинги куни ишнинг (сменанинг) давомийлигини қисқартириш имкони бўлмаган узлуксиз ишлайдиган ташкилотларда ва айрим турдаги ишларда ортиқча ишлаганлик ходимга қўшимча дам олиш вақти бериш ёки ходимнинг розилиги билан иш вақтидан ташқари иш учун белгиланган нормалар бўйича ҳақ тўлаш орқали компенсация қилинади.

Расмий саҳифаларимиз:
Telegram / Facebook / Twitter / instagram / You tube

Қадрли дўстлар!

Сиз, азизларни, ҳаётини дунёдаги энг улуғ ва олижаноб ишга – навқирон авлод таълим-тарбиясига бағишлаган муҳтарам устоз ва мураббийлар, соҳанинг барча жонкуяр ходимларини умумхалқ байрами – Ўқитувчи ва мураббийлар куни билан самимий муборакбод этаман.
Мана шундай қувончли кунда сиз, меҳрибон устозларга эл-юртимизнинг юксак ҳурмат-эҳтиромини яна бир бор изҳор этиб, барчангизга Янги Ўзбекистон келажагини яратиш йўлидаги машаққатли ва шарафли меҳнатингиз учун чин қалбдан ташаккур билдираман.

Президент Шавкат Мирзиёевнинг Ўзбекистон ўқитувчи ва мураббийларига табригидан

👉 Табрикнинг тўлиқ матни

Расмий саҳифаларимиз:
Telegram / Facebook / Twitter / instagram / You tube

Қирғизистонда ўлим жазоси тикланиши мумкин

Қирғизистонда катта шов-шувга сабаб бўлган Айсулуу исмли ўсмир қизнинг зўрланиши ва ўлдирилиши ортидан мамлакатда ўлим жазоси тикланиши мумкин.

Қирғизистон президенти матбуот котиби Аскат Алагозовга кўра, давлат раҳбари мазкур “иш”ни ўз назоратига олган ва Администрация масъулига болалар, қизлар ва аёлларга қарши содир этилган жиноятлар учун энг оғир жазо чораларини, жумладан, қатл қилиш жазосини жорий этишни кўзда тутувчи қонун лойиҳасини тайёрлашни топширган.

Эслатиб ўтамиз, 2008 йилда туғилган Айсулуу 27 сентябрда бедарак йўқолган ва бир неча кундан сўнг унинг жасади зўрланиб сўнг бўғиб ўлдирилган ҳолда топилган эди. Ҳодиса бўйича 1984 йилда туғилган, олдин судланган шахс гумонланувчи сифатида қўлга олинган.

Расмий саҳифаларимиз:
Telegram / Facebook  / Twitter / instagram  / You tube

#ob_ҳаво

Марказий Осиёда илк қор

Қозоғистоннунг Қарағанда вилоятида бу йилнинг ҳисобидан биринчи қор ёғди.

Ўзбекистоннинг тоғли ҳудудларида ҳам қор ёғиш эҳтимоли бор. Об-ҳаво маълумотларига кўра, бугун юртимиз тоғлари, баланд ҳудудларида ёғадиган ёмғир қорга айланиши кутилаяпти.

Расмий саҳифаларимиз:
Telegram / Facebook  / Twitter / instagram  / You tube