Мирзиёев “Туркий яшил йўлаклар” тизимини яратиш ташаббусини илгари сурди

Президент Мирзиёев Габала шаҳрида бўлиб ўтган Туркий давлатлар ташкилотининг 12-саммитида сўзлаган нутқида туркий дунёнинг бирдамлигини мустаҳкамлаш, жаҳон сиёсати, иқтисодиёти ва гуманитар соҳадаги ролини оширишга қаратилган қатор муҳим ташаббусларни илгари сурди.

Жумладан, янги иқтисодий имкониятлар маконини шакллантириб, Туркий давлатларнинг Саноат альянси, “Туркий яшил йўлаклар” тизими ва “Яшил трансформация” консорциумини ташкил этишни таклиф қилди.

Бундан ташқари, Шавкат Мирзиёев Туркий давлатларнинг иқтисодий шериклик бўйича Доимий кенгашини тузиш ва унинг Лойиҳа офисини Тошкентда жойлаштиришни таклиф қилиб, стратегик шериклик, абадий дўстлик ва қардошлик тўғрисидаги шартномани тез фурсатда қабул қилишни қўллаб-қувватлади ва Туркий давлатлар ташкилотини 2030 йилгача ривожлантириш стратегиясини ишлаб чиқиш ташаббуси билан чиқди.

Расмий саҳифаларимиз:
Telegram / Facebook / Twitter / instagram / You tube

Дунёдаги энг оғриқли муаммолар, Евроосиё минтақасида авж олаётган ва охири кўринмаётган низо ва урушлар, албатта, бизнинг давлатларимизга ҳам ўз салбий таъсирини кўрсатмоқда.

Ғазо секторидаги фожиа, Украина атрофидаги вазият, Эроннинг ядро дастури муаммоси, Афғонистоннинг барқарорлиги масалалари барчамизни жиддий ташвишга солади.

Жаҳоннинг қудратли давлатлари томонидан адолатли дунё тартиботини шакллантириш, ўзаро ишонч ва хавфсизликни таъминлашга хизмат қиладиган интилиш ва янги режаларни олқишлаймиз.

Ўйлайманки, глобал вазиятни чуқур таҳлил этиш ва керакли қарорлар қабул қилиш мақсадида Туркий давлатлар ташкилоти ташқи ишлар вазирлари ва махсус хизматлар раҳбарларининг биргаликдаги учрашувларини мунтазам ўтказиб боришни ҳам замоннинг ўзи тақозо қилмоқда. Биз биринчи қўшма учрашувни келгуси йили Самарқанд шаҳрида ўтказиш ташаббуси билан чиқамиз.

Президент Мирзиёевнинг Туркий давлатлар ташкилоти Давлат раҳбарлари кенгаши 12-саммитидаги нутқидан.

Расмий саҳифаларимиз:
Telegram / Facebook  / Twitter / instagram  / You tube

#ОАВ

Покистоннинг нуфузли “Pakistan Observer” нашрида “Ўзбекистон Ислом цивилизациясининг янги марказига айланди” сарлавҳали мақола эълон қилинди

Унда халқаро эксперт, бир қатор халқаро лойиҳалар муаллифи доктор Меҳмуд ул Ҳасан Хон Ўзбекистонни буюк мутафаккирлар, алломалар ва яратувчан инсонлар юрти сифатида эътироф этади ҳамда мамлакатда билим, мантиқ, барқарорлик ва фаровонлик руҳининг мустаҳкам қарор топганини таъкидлайди.

📌Батафсил — cisc.uz

Ислом цивилизацияси маркази Ахборот хизмати

Расмий саҳифаларимиз:
Telegram / Facebook  / Twitter / instagram  / You tube

🌅 #ISHONCH_SOʻZI

Қуёш ҳар куни ботса ҳам, эрталаб яна чиқишни унутмайди. Сен ҳам шундай бўл.

Кунингиз хайрли ўтсин!

Расмий саҳифаларимиз 👇
Telegram / Facebook  / Twitter / instagram  / You tube

Марказий автобус йўлакларидан фойдаланишнинг биринчи куни

Ishonch.uz мухбири  қулайликлар ҳақида йўловчиларнинг фикрлари билан қизиқди.

“Ярим соат тирбандликларда қолиб кетар эдим, аммо энди қисқа фурсатда манзилимга етиб келдим”

Расмий саҳифаларимиз 👇
Telegram / Facebook  / Twitter / instagram  / You tube

⚡️ Фарғонада мактаб директори Гулираъно Қосимова билан боғлиқ суд иши бошланди

Бугун жиноят ишлари бўйича Қува туман судида Фурқат тумани Ички ишлар бўлимининг мансабдор шахсларига оид жиноят иши бўйича дастлабки суд мажлиси бўлиб ўтди. Ishonch.uz мухбири бу судда кузатувчи сифати қатнашди.

Мазкур очиқ суд ишида шаъни ва қадр-қиммати топталгани ортидан ОАВга мурожаат этиб, кенг жамоатчиликнинг эътиборига тушган мактаб директори Гулираъно Қосимова жабрланувчи сифатида иштирок этмоқда.

Аввал айтилганидек, Фурқат туман ИИБнинг икки раҳбари А. Ходжаев ва унинг ўринбосари Ж. Расулов тергов органининг хулосасига кўра, бир нечта моддалар билан жиноят содир этганликда айбланган.

Ижтимоий тармоқларда тарқалган хабарларда, ИИБнинг икки раҳбари ва бир қатор тезкор ходимлар Фурқат туман солиқ инспекцияси бошлиғи ҳамда мактаб директори бўлган аёлга нисбатан туҳмат уюштиргани, жисмоний куч ишлатгани айтилган.

Мазкур хабар ортидан ИИВ раҳбари маслаҳатчиси Зокиржон Алматов Фарғонада юз берган ҳолатга “Биз ўзидан кетиб қолган бундай раҳбарларни асло кечирмаймиз”, дея муносабат билдирди.

Бундан ташқари, Фурқат тумани ИИБ масъуллари томонидан содир қилинган ҳолат Сенат қўмитаси томонидан назоратга олинди.

Бугунги суд мажлисида жабрланувчининг кўрсатмалари тингланди. Навбатдаги суд 15 октябрь куни бўлиб ўтади.

Расмий саҳифаларимиз:
Telegram / Facebook  / Twitter / instagram  / You tube

Ўйин куни

FIFA-2026 жаҳон чемпионатига тайёргарлик кўраётган Ўзбекистон миллий терма жамоаси бугун ўртоқлик учрашувида майдонга тушади. Рақиб эса Кувайт терма жамоаси.

Ҳамма Фабио Каннаваро бош мураббийлигидаги илк учрашув қандай натижа билан тугашига қизиқиб турибди. 

Ўйин соат 18:00 да Тошкент шаҳридаги “Олимпия” стадионида старт олади.

Расмий саҳифаларимиз:
Telegram / Facebook  / Twitter / instagram  / You tube