السلام عليكم ✨

فضلًا بتعرفوا فِرق دعوية نشِطة هالفترة بدمشق؟

سواءً بالمساجد، المدارس، الجامعة، وغيرها من أماكن الدعوة والتربية.. عن طريق دورات طويلة، محاضرات، ورشات، تعامل مع الأطفال واليافعين

يا ريت يلي بيعرف يبعتلي على رسائل القناة ومشكورًا جدا جدا سلف 🌷

بدك تتمرمر - يا عين أمّك - لحتى تحقق أهدافك "))

🤩 | 💛

مسا الخير ☕️

بدي ورجيكم أصدقائي الجدد 📖

-

هذا صديقي الأول 📕

-

صعب جدًا تحضر تدريب للدكتور وائل وما يصير عندك فضول رهيب لتعرف شو كتب صاحب العقليّة الفذّة والشغوف بالقراءة بشكل مذهل! 📚

لكن للأسف، زيارة دار الفكر ومنار الفكر بدون ٥٠٠ دولار بجيبتك هي عذاب نفس 🙂

-

لساتني ناطرة مساعدتكم 🌸

نحنا بلحظة فارقة تاريخيًا ولازم نتحرّك كلنا ونتكاتف يا جماعة 🕯️

بدي شي غير منار المصلحين.

توضيح للواضحات وتذكير بالبديهيّات:

قنوات الشباب والشابّات مبادرات جميلة جدًا، الله يبارك الهمم .. لكن بنطاقها، بسياقها، على قدّها يعني.

الشباب آخدين مجدهم كتير هالفترة، متل يلي كان محبوس وطلع إفراج، وبدهم يعلموا الناس الدين على قنوات التليجرام!
يعني بالله عليكم؟ 😅 كيف هي بدها تركز طيّب؟
+ شفت عدد هائل من القنوات يلي عم تتعمّق بأمور دينية مع أن أصحابها من ذوي العلم الضحل جدا جدا جدا.

اعرف يا أخي إنك بطيب نيّة ممكن تضرّ أكتر ما تنفع، لا العلم بيتّاخد بهالطرق السّهلة ولا أنت أهل إنك تحكي ولا العالم ناقصها تناقضات وأفكار خاطئة ومنقوصة .. طبيعي جدًا جدًا إنه شخص بعمر ٢٣ و ٢٤ يكون لسا ما عنده مشروع واضح ولا علم راسخ! اطلعوا من عقلية العجلة والإنجاز والشهرة السّريعة والعطاء السّريع، ابني نفسك قبل ما تحكي بأمور تخصّصية بدقائق الدين.

فيه ألف باب للتذكير والدعوة من دون ما نلبس توب غير توبنا أو نتعدّى على العلوم الشرعية أو نحوّل الموعظة لوسيلة ترفيه للمشاهد أو وسيلة لجذب المشاهدات أساسًا.

تمام؟
أنا ما إلي عليكم سلطان بس بعمل يلي عليي وبنصح.

هدانا الله وإياكم إلى سواء السبيل 💌

"فوالله لأن يهدى بك رجل واحد خير لك من حمر النعم".

لكم شدّ اللهُ عزّ وجلّ بهذا الحديثِ أزري!

اللهمّ اجعل من يلقانا يجدُ في قلبه نورًا يدلُّه عليك، ومن يقرأ لنا يجد في قلبه نورا يهديه إليك.. واجعلنا مفاتيح للخير مغاليق للشرّ 💗

-

صباحكم خير ☀️🌈

قرّرت ما روح 📖

محاضرة أستدركها من برامجي الممنهجة خَير من محاضرة يتيمة أحضرها من باب الفضول 📖

يلي فيكم رح يحضر يرجع يقلّنا الخلاصة "))

السلام عليكم 🩷

رجاءً يلي عم تدرس معنا بدبلوم هندسة الأجيال (بأي دفعة من دفعاته) + مُقيمة بدمشق >> تبعتلي على رسائل القناة ❤️

هل بتفضّل تشرب شراب طبيعي، غنيّ بالفوائد والفيتامينات ومضادات الأكسدة يلي بتقوّي جسمك وبتنشطه وبتقوّي عقلك كمان؟ ☕️
ولا شراب مليء بالأضرار، بينعكس أثره السلبيّ على أعصابك وشرايينك ومزاجك وجلدك وقلبك وتقريبا تقريبا كلّ خلية بجسمك؟ 💔

ما في عاقل رح يوقّف حتى أو يحتار بين الخَيارين صحيح؟

طيّب شو رأيك لو قلتلك إنه الشربة الأولى هي زنجبيل مغلي بدون سكّر (أو أي مشروب صحّي) والشراب التاني كولا طيبة وباردة بيوم صيفي والشمس عم ترقع رقع؟؟

أعتقد هون رح توقف وتصفن شوي 👀
وغالبًا نحنا بنفشل بهاد الاختبار بشكل يومي لإنه بنتّجه ل "المتعة" بشكل بديهي وسريع، بدون ما نوقف لنفكر ب "الفائدة".

📖 الإسلام العظيم شرع للنّاس شرع مُعجِز يحقّق لهم أكبر مصالح بالدّنيا، لكن لعلم الله سبحانه وتعالى بنفوس البشر وبتفضيلهم السابق (الانحياز للمتعة واللذة القريبة) ما وكل البشر لعقولهم!
وإنّما ربطهم بهدف أخروي كبير جدًا: جنّة تطغى لذتها على أي لذة دنيوية قاصرة وقصيرة؛ أكبر طموحهم يوصلوا لها.. ونار عذابها شديد جدا جدا؛ أكبر أمانيهم ينجوا منها.

💌 إسلامنا الحبيب لا تنتهي التأمُّلات بعظمته وإعجازه.. دين اختصر عليك المسافات، بحافظ على فطرتك، بيرضي عقلك وحبّك للمنطقية والمصلحة، بس ما بيغفل أبدًا يعينك على شهواتك وضعفك.

اللهمّ ارض عنّا وأعنّا على تطبيقه.. واجعلنا خيرَ دعاةٍ لخيرِ دين 💗

-

الكتاب هو "يا صاحب الرسالة" للدكتور خالد أبو شادي فكّ اللهُ بالعزِّ أسره.

راائع لشحذ الهمم تجاه الدعوة، يُنصح بالرجوع إليه كلّ فترة 📒