📌 "كلّما ازدادت مهاراتُك ازدادت حاجةُ النّاسِ إليك، وكلّما قلّت مهاراتُك استغنى النّاسُ عنك".

〰️ أ. براء أنيس.

صباح كلّ الشغلات الحلوة 🪟

🟦الكسول صاحبُ حزنٍ دائم وهمٍّ لا ينقطع!🟫

ما في كسل اليوم، يلّا قوموا أدّوا مهامّكم 🟧

-

⏺️ لما شخص متواضع بعلم ما ويُسأل سؤال، بفكر إنه الجواب كلمة وخلصنا، يعني على قدر علمه..

⏺️لكن كل ما ترقّى بالعلم بصير سؤال شخص يفتح له باب أكبر، والباب يفتح باب ثاني، وهكذا.. لهيك ممكن عالم يترفّع عن جواب لسؤال بجاوب عليه شخص شبه عامّي وبكلّ ثقة!

⏺️ولهيك بتلاقي يلي بلش يحضر دورات ويطلب علم قبل مبارح؛ اليوم صار يحكي بمواضيع كبيرة ويتجرّأ عليها! لإنه ببساطة ما بيعرف تبِعاتها ومفكرها عنجد سهلة وبسيطة هيك.

〰️ العلم بأيّ مجال بخليك تزداد خوف، مؤلم بحدٍ ذاته لكنّه مؤشر جيد لتطورك. المهمّ هاد الخوف يتحوّل لحافز وما يتحوّل لعائق بطريقك.

-

دورة صانعة الأجيال بنسختها الجديدة = الخلاصة المركّزة من دبلوم هندسة الأجيال المتكامل يلي بدرس فيه أنا ومجموعة كبيرة من صديقات القناة ❤️

⚪️لجميع التفاصيل عن الدورة وسيرها وأساتذتها، في هذا المنشور:
https://www.tg-me.com/handastajyal/2469

الدورة - على عظمتها - مجانيّة!
فلا تفوّتي الفرصة 😊

يومكم سعيد 💫

📱السّوشال ميديا دمّرت مكوّن أساسي جدًا جدًا لطمأنينة البشر وسلامهم النفسي = سلبتهم رفاهية القناعة!

🪻القناعة.. إنك ترضى بقسمتك ونصيبك ورزقتك، سواءً بالشكل أو العقل أو الحالة الاجتماعية أو الحالة المادية أو مواصفات الزوج والأولاد.. إلخ

🌸 إنك ترضى فيهدأ قلبك!
تصير تركّز عالإيجابيات وتحاول تنبسط بنعمة الله عزّ وجل، بدل ما تقعد تطالع سلبيات ونواقص وعيوب وتنكّد على حالك وعاللي حواليك.
هي النعمة نحنا انحرمناها، للأسف الشديد..

〰️ بجيب سيارة حقها ١٥ ألف دولار، بكون فرحان فيها ومبسوط وطاير عقله.. بعد يومين بشوف رفيقه منزل صورته مع السيارة تبع ٢٥ ألف، فقست الفرحة!
〰️ بتعمل عرس حلو وظريف وانبسطت وعملت ذكرى لطيفة، بس مشاهير السوشال ميديا بكلف عرس الواحد فيهم ما لا يقلّ عن نصف مليون دولار، من وين بدها تجي الفرحة؟
〰️ عم يشتغل على تطوير نفسه حسب السرعة المتاحة وتبعا لاحتياجاته، بيدخل على بروفايل حدا على فيسبوك أو لينكد إن ف بلاقي ستالاف مسمى وظيفي وخبرة ومهارة ودورة.. يُحبط وببطل سعي بالمتاح.

⏺️الحلّ؟

بآية وحدة فقط: لا تمدنّ عينيك!

📎 لا تُطيل النظر والتفكُّر بما عند النّاس، طول فلان وعرض فلانة ومصاري جارنا وسيارة ابن خالتي وشغل ابن عمتي، خاصّة على السوشال ميديا الموضوع مدمّر للنفسية بحطّمها تحطيم .
📎تعلّم تمشي على هي الأشياء بسرعة بسرعة، لا توقّف عندها، لا تعطي نفسك المجال إنك تتأمّل وتفكر وتتحسّر.
📎كل هي الأشياء هي متاع دنيا زائل سواء قلّت أم كثرت.. رتّب أولوياتك على أساس: التركيز على زاد الآخرة وأخذ الكفاف من الدّنيا،

📌وعلى قولة أهالينا: يلي بيرضى بعيش.

-

تفصيل التفصيل هنا 💌

-

هااامّ جدا جدا جدا لتكوين ثقافة مالية سليمة للشباب 🤩

اليوم الساعة ٧ مساءً إن شاء الله 📔