Hurmatli fuqarolar!

O‘zbekiston Respublikasining Istanbul shahridagi Bosh konsulxonasi 2025-yil 21-mart kuni Navro‘z bayrami munosabati bilan yopiq bo‘lishini maʼlum qilamiz.

Shu munosabat bilan fuqarolarning qabuli 24 mart kuni odatdagi tartibda boshlanishini eslatib o’tamiz.

DIQQAT! Oʻzbekiston fuqarolari e’tiboriga!

Hurmatli fuqarolar!

So‘nggi kunlarda Istanbul shahrida turli norozilik namoyishlari va ommaviy yig‘ilishlar o‘tkazilayotgani sababli, Bosh konsulxona sizni ehtiyotkorlikka chaqiradi.

‼️Turkiya huquq-tartibot idoralari ijtimoiy tarmoqlarda «provosatsion postlar» joylashtirgan 261 kishini aniqlagan va 37 kishini hibsga olgan. Shu sababli, sizni ijtimoiy tarmoqlarda har qanday xabar yoki fikr bildirishda juda ehtiyot bo‘lishga chaqiramiz.

🔴 Xavfsizligingizni ta’minlash uchun quyidagilarga amal qiling:
✅ Har qanday norozilik namoyishlari, mitinglar va ommaviy yig‘inlardan uzoqroq bo‘lish;
✅ Odam gavjum joylarga bormaslik va harakatlanish yo‘nalishingizni oldindan rejalashtirish;
✅ Ijtimoiy tarmoqlarda ehtiyotkorlik bilan harakat qilish, provokatsion xabarlar joylashtirmaslik va tarqatmaslik;
✅ Rasmiy xabarlarga e’tibor berish va vaziyat bo‘yicha yangiliklarni kuzatib borish;
✅ Favqulodda holatlarda Bosh konsulxona bilan bog‘lanish.

📍 Manzil: Levent, Lale Sokağı No:8, 34330 Beşiktaş/İstanbul
📞 Telefon: +90 (553) 541 17 17

🔗 Rasmiy Telegram kanalimiza obuna bo‘ling!

Sizning xavfsizligingiz biz uchun muhim! Iloji boricha ehtiyot bo‘ling va huquq-tartibot idoralarining ko‘rsatmalariga rioya qiling.

RASMIY XABAR

O‘zbekiston Respublikasi huquq-tartibot idoralari tomonidan 12 yildan beri xalqaro qidiruvda bo‘lgan, 1977 yilda tug‘ilgan R. N. odam savdosi jinoyatini sodir etishda ayblanib, Istanbul shahridan Toshkentga deportatsiya qilindi. U xorijiy davlat hududida uyushgan guruh tarkibida harakat qilib, ularning manfaatlari yo‘lida odam savdosi bilan shug‘ullanganlikda ayblanmoqda.

‼️ Ushbu shaxsning noqonuniy xatti-harakatlaridan zarar ko‘rgan fuqarolardan O‘zbekiston Respublikasining Istanbul shahridagi Bosh konsulxonasi yoki O‘zbekiston Respublikasi Ichki ishlar vazirligi va hududiy ichki ishlar bo‘linmalariga murojaat qilishlari so’raladi.

⚖️ Jinoyat uchun jazolanish muqarrarligini ta’minlash maqsadida Turkiya huquq-tartibot idoralari bilan hamkorlikda maxsus tadbirlar tizimli ravishda davom ettirilmoqda.

📍 Manzil: Levent, Lale Sokağı No:8, 34330 Beşiktaş/İstanbul
📞 Telefon: +90 (553) 541 17 17

🔗 Rasmiy Telegram kanalimiza obuna bo‘ling!

✨ Assalomu alaykum!
Hurmatli yurtdoshlar!

Barchamiz uchun qadrli va aziz boʻlgan Navroʻz bayrami bilan muborakbod etamiz!

Navroʻz – asrlar davomida xalqimiz qalbida umid, mehr-muhabbat va hamjihatlik tuygʻularini uygʻotib kelgan. Barchangizga tinchlik-osoyishtalik, sogʻlik-salomatlik, oilaviy baxt va fayzli turmush tilaymiz.

Qalblaringizdan shodlik, yurtimizdan tinchlik arimasin!

📜 Har kungi ajdodlar
Jahon otin Uvaysiy (1780–1845)
Marg‘ilonda tug‘ilgan, o‘zbek mumtoz adabiyotining zabardast vakilasi, tasavvufiy g‘oyalarga boy she’rlari bilan tanilgan shoiradir. Uvaysiy xonim diniy-ma’rifiy va axloqiy mavzularda yozgan g‘azallari orqali o‘z davrida ayol shoiralar orasida yuksak o‘rin egallagan.

Uning ijodiy merosi:
– Devoni Uvaysiy – g‘azal, muxammas va ruboiylardan iborat.
– Ijodida Allohga muhabbat, sabr, tavakkul, nafs bilan kurash kabi tasavvufiy tushunchalar asosiy o‘rinda.

Unutilmas so‘zlari:
“Ishq bu – yurakda yonar yong‘in, ammo jismni emas, nafsni kuydiradi.”

🔗 Batafsil

Najmiddin Kubro (1145–1221)
Xorazm viloyatining Khiva shahrida tug’ilgan va hozirgi Turkmanistonning Ko‘hna Urganch mintaqasida vafot etgan.
Najmiddin Kubro — tasavvufdagi yirik mutafakkir, “valiylar sultoni” degan unvon bilan tanilgan. U “Kubraviyya” tariqatiga asos solib, ko‘plab muridlar va valiylarni yetishtirgan. Mo‘g‘ullar Urganchga bostirib kirganida xalqni tark etmay, shahid bo‘lgan.

Mashhur asari:
“Favoih al-jamal va fawatih al-jalal” — bu asarda ruhiy poklanish, ilohiy ishq va tasavvufiy kamolot yo‘llari bayon etilgan.

Iqtibos:
“Qalb oynadir – uni pokla, toki Unda Haq aks etsin.”

🔗 Batafsil

Ertaga 27 mart kuni soat 10:00 - 13:00 da “ADS Hukuk” advokati Erdem Atmaja Bosh konsulxona binosida vatandoshlarimiz uchun bepul yuridik maslahat beradi.

HAR KUNI BIR AJDODIMIZ

Xo‘ja Ahror Vali (1404–1490)

Qisqacha tarjimai hol:
Xo‘ja Ahror Vali — yirik tasavvuf arbobi, naqshbandiya tariqatining atoqli namoyandasi. U 1404 yilda Toshkent yaqinidagi Bog‘iston qishlog‘ida tug‘ilgan. Samarqand, Hirot, Buxoro kabi shaharlarda faoliyat yuritgan. Naqshbandiya tariqatini keng yoygan, siyosiy hayotda ham faol bo‘lgan. Uning ijtimoiy adolat, halollik va xalq xizmatiga doir qarashlari hozir ham o‘z ahamiyatini yo‘qotmagan.

Mashhur asari:
"Volidiya" ("Otaga bagʻishlov") boʻlib, uni oʻz otasi iltimosiga koʻra yozgan.

Iqtibos:
“Haq yo‘lida xizmat qilgan kishining har nafasini Alloh maqbul qiladi.”

🔗 Batafsil

HAR KUNI BIR AJDODIMIZ
Mavlono Lutfi (1366–1465)

Qisqacha tarjimai hol:
Mavlono Lutfi — XIV–XV asrda yashagan mashhur turkiy adib, mutafakkir va tilshunos. U 1366-yilda Xorazmda tug‘ilgan. Samarqand va Hirotda tahsil olgan. Temuriylar davrida faoliyat yuritgan, Alisher Navoiydan avval yashab, turkiy adabiyot taraqqiyotiga asos solgan salmoqli shaxsdir. Lutfi asarlari yuqori badiiylik va chuqur ma’naviyat bilan ajralib turadi.

Mashhur asari:
Gul va Navro‘z — ramziy muhabbat orqali ijtimoiy va axloqiy g‘oyalarni ifodalagan she’riy asar.

Iqtibos:
“Til odamni hurmatli qiladi, so‘z esa uni elga tanitadi.”

🔗 Батафсил

RAMAZON HAYITI MUBORAK BO‘LSIN!

Barcha yurtdoshlarimizni muqaddas Ramazon hayiti bilan samimiy muborakbod etamiz!

Bu qutlug‘ ayyom barchamizga sog‘lik-salomatlik, xonadonlarimizga fayzu baraka, tinchlik va totuvlik, mehr-oqibat hamda farovonlik olib kelsin.

Yurtimizda va xorijdagi yurtdoshlarimiz o‘rtasida do‘stlik, ahillik va hamjihatlik yanada mustahkam bo‘lishini tilaymiz.

Ramazon hayiti barchangizga muborak bo‘lsin!

Fursatdan foydalanib, 2025-yil 31-mart kuni bayram munosabati bilan Bosh konsulxona yopiq bo‘lishini va fuqarolar qabuli 1-aprel kuni odatdagi tartibda davom ettirilishini ma’lum qilamiz.

Hurmat bilan, O‘zbekiston Respublikasining Istanbul shahridagi Bosh konsulxonasi

Ўзбекистон Республикаси Президенти Шавкат Мирзиёев ва Туркия Республикаси Президенти Режеп Таййип Эрдоған телефон орқали мулоқотда Рамазон ҳайити муносабати билан бир-бирларини самимий қутладилар.
—
В ходе телефонного разговора Президент Республики Узбекистан Шавкат Мирзиёев и Президент Турецкой Республики Реджеп Тайип Эрдоган обменялись теплыми поздравлениями в связи с праздником Рамазан хайит.

#Mirziyoyev #muloqot #Turkiya #hamkorlik

Prezident.uz|Facebook|Instagram|YouTube|X