ТОП-5 песен J:МОРС
#JM_25

Працягваем дзяліцца з вамі думкамі ўдзельнікаў гурта наконт іх ТОП-5 песен J:МОРС за ўвесь час.

І сёння падборка ад Сяргея Шчурко.

1️⃣ Маё сонца
«Песня, з якой мы часта пачынаем канцэрты, і яна стварае такі асаблівы «настрой J:МОРС» для мяне».

2️⃣Не умирай
«Гэта песня часта ідзе напрыканцы, як бы «зачыняе» наш канцэрт. «Не умирай» і «Маё сонца» - гэта тыя дзве песні, якія, з моманту, як я прыйшоў у гурт, былі на ўсіх канцэртах. Іх ніколі не надакучвае граць, заўседы з вялікім задавальненнем іх граю».

3️⃣Воздух
«Я прыйшоў у гурт як раз калі выйшаў альбом «Воздух» і мы тады здымалі кліп на гэту песню. Граць яе зараз - гэта такая настальгія па тым часам дзесяць год таму».

4️⃣Ещё
«Адносна свежая песня з апошняга альбома, дзе шмат моцных эмоцый, і я вельмі кайфую, калі яе граю».

5️⃣Сонца смяецца
«Я гэту песню ніколі не граў і нават адносна нядаўна пачуў упершыню, але яна адразу запала і трапіла ў самую душу. І вось таму зараз у мяне пытанне: чаму мы яе ніколі не гралі?!»

Паслухаць ТОП-5 ад Сяргея можна ўжо сёння на Spotify:

👉🏻 https://open.spotify.com/playlist/3HfJ0lFbxkyoeZfEB05W4x?si=30b9a1afbd1e4676

Што думаеце вы? Хацелі б пачуць «Сонца смяецца» 2 лістапада?

🥳J:MOPC - 25 год!
#JM_25

Як кажуць, народзіны толькі раз на год. Так і наш канцэрт у гэтым годзе - толькі ў Варшаве❗️

📍2 лістапада, Klub Stodola, дзверы а 19:00.

Мы ведаем, што да нас едуць беларусы ды беларускі з Беларусі, з Літвы, Латвіі, Украіны, з Амерыкі і нават Канады - для нас гэта вялікая каштоўнасць, дзякуй вам!

А калі вы яшчэ не з намі - квіткоў з кожным днём усё менш😎

Спасылка тут🤟🏻

Спяшайцеся!

ТОП-5 песен J:МОРС #JM_25

Сёння прыйшла чарга Алеся Мышкевіча падзяліцца з намі сваім ТОП-5 песен J:МОРС за ўвесь час.

1️⃣Жаркое лето
«Песня, якая мяне ўразіла ўпершыню ў рэпертуары J:МОРС сваёй шчыльнасцю гучання і грува ў аранжыроўцы, не звыклай для гурта, ад якой адразу пабеглі мурахі».

2️⃣Электричество
«Чамусьці песьня востра адчуваецца мной. Яна стварае вобразы тых дзён, якія заўседы нагадваюць мне мой Менск. Люблю яе за англійскі стыль і мелодыку».

3️⃣Няпраўда
«Цапляе яе еўрапейскасць гармоніі і мелодыя гэтага твору. Прынамсі мяне, час ад часу, прыводзіць да дрыжыкаў, атрымліваю асалоду, як ад выканання так і праслухоўвання».

4️⃣1986
«Самы эмацыйны твор для мяне. Перадае ўсю праўду эмоцый, якія ўсе мы перажылі і перажываем. Малюнак і рэчаіснасць, у тым ліку як музычна-эмацыйны выбух пад час канцэрту».

5️⃣Зброя
«Дакладна трапляючы тэкст аб тым, што мы ёсць і будзем, абавязкова пераможам і не здамося. Што б не было - наш напрамак толькі наперад. Кожны раз нагадвае, што наша свабодалюбівасць і мова - наша зброя».

Слухайце ТОП-5 ад Алеся на Spotify па спасылцы:

👉🏻 https://open.spotify.com/playlist/2k9LVcxlG3DqT3ryakFfAI?si=ea734b6e6e244278

Як вам такі ТОП-5?

2 ТЫДНІ ДА ВЯЛІКАГА КАНЦЭРТУ
#JM_25

📍2 лістапада, Klub Stodola, Варшава

Мы так доўга гэтага чакалі і вось ужо зусім хутка🖤

Квіткі❗️

10 дзён да 25-годдзя J:MOPC
#JM_25

📍2 лістапада, Klub Stodola, Варшава

Квіткі🤟🏻

Святкуем разам!

P.S. Ну як, заўважылі, хто завітае да нас на дзень народзінаў?!😏

ТОП-5 песен J:МОРС
#JM_25

Ну вось і надышоў гэты момант🔥

ТОП-5 песен J:МОРС за ўвесь час ад Уладзіміра Пугача!

1️⃣ Дождём
«Калісьці даўно я паспрабаваў сябе ў ролі сонграйтэра для іншых артыстаў і напісаў цэлы альбом для жаночага вакалу. Прадаў яго ў прадзюсэрскі цэнтр ва Украіну. Але адна з песен, якая ўвайшла ў гэты альбом, мне так спадабалася, што праз год, калі праект у іх не пайшоў, я выкупіў яе назад. Я вельмі рады, што мы яе быццам бы вярнулі і яна ў нашым рэпертуары зараз. У гэтай песні шмат чаго шчырага».

2️⃣ Жыві
«Адна з тых песен, якія пішуцца за 3-4 хвіліны. Я таму яе і запомніў. Сядзеў неяк дома адзін. У такім хмурым настрою, нейкім незбалансаваным. Часам у такім выпадку выдумляеш сабе дыялогі нейкія, бо адчуваеш нешта недасказанае. І вось гэта недасказанае - стала гэтай песняй. Вельмі моцнай».

3️⃣ Вікторыя
«Для мяне яна дарагая тым, што гэта адна з першых песен, напісаная пасля выезду з Беларусі. І яна роўна пра гэта – пра выезд з Беларусі. Песня вельмі шчырая. Усё, пра што я ў ёй спяваю - шчыра! Нічога не прыдумана, не сканструявана. Усё пра нас. Пра мяне так сапраўды».

4️⃣ Даруй
«Песня, якая якімсьці странным вобразам быццам прадбачыла падзеі 20-га года. Выйшла яна, канешне, калі ўжо падзеі былі, але пісаў я яе раней. Яна як раз пра тое, што адбываецца і адбывалася з нашай Радзімай. Песня, у якой атрымалася згадаць і зафіксаваць вось гэты наш унутраны стан».

5️⃣ Не здавайся
«Для мяне гэта песня-гімн, якая дапамагае жыць зараз. Не так даўно яна трапіла ў мае Топ-5. Так, песня-гімн, песня-НЛП».

Слухайце ТОП-5 ад Уладзіміра Пугача на Spotify па спасылцы:

👉🏻 https://open.spotify.com/playlist/5VExmMWrnnI8zIPmuFZG4q?si=1ca0bd74be0b45c0

Скажыце, шчыры ТОП-5 атрымаўся? Як вам увогуле?

Ужо праз 5 дзён❤️‍🔥
#JM_25

📍2 лістапада, Klub Stodola, Варшава

Чакаем разам з вамі!

Квіткі🤟🏻