فاطمة بنت أسد من انفتح الها ظهر الكعبة ... وانشق الجدار مال الكعبة ... من هذا المكان ... الي اسمة المستجار ... مو من الركن اليماني ابو البسامير والرصاص الي حاليا الناس تعتقد أنه هذا الركن اليماني مكان دخول فاطمة بنت أسد للكعبة وهذا الشق من ذاك الحادث الخ

... بالواقع لا ... صح الركن اليماني مهم ... بس المستجار أهم وأعظم من الركن اليماني ... المستجار هو المكان الي انشق ... الجدار الي انشق ... مو الركن اليماني

والمستجار طولة اربع أذرع ... بين الركن اليماني ومكان الباب الغربي الي سدتة قريش ...

فاطمة بنت أسد انفتح الها جدار الكعبة وانشق الجدار مال المستجار بالجانب القريب على الركن اليماني ... مو جانب المستجار القريب على مكان الباب الغربي الي سدته قريش ...

تاريخ بناء الكعبة والتغييرات الي صارت بي عبر الزمن بي هواي تفاصيل وأجوبة عن اسئلة قد تجي ببال من يتخيل أنه البناء الحالي والتفاصيل الي بي هيه نفسها مطابقة لما كان الوضع عليه بزمن النبي والزمن الي قبلة ... المهم الركن اليماني مهم ومحترم ... بس احنا نركز بالمستجار .... وانشق جدار الكعبة من الجانب المسمى (بالمستجار) ودخلت السيدة فاطمة بنت أسد إلى جوف الكعبة، وارتأب الصدع، وعادت الفتحة والتزقت ...

هسه ناس تصدگ انشق الجدار ... ناس تشكك ... ناس تنكر وتگول ما صار ... ما يهمنا ... هو تفصيل من تفاصيل القصة الأساسية أنه الولادة الفعلية چانت داخل الكعبة ... وهذا التفصيل الأهم

وتبيين أنه مكان الدخول چان من المستجار مو الركن اليماني علمود لا يجي واحد مهتلف يهز افكارك من يراجع تفاصيل تاريخ بناء الكعبة ويخرب معتقدك لانك باني وهم وتفصيل مو صحيح انت والمعممين والحملدارية الجهلة اسسوا لهل تفصيل ال مو دقيق ... ناس هم خطية على نيتها ... وتصحيح هاي المعلومة سهل ومتوفر ومصادرنا الحديثية وكلام الائمة واضح وعلمائنا القدماء كلهم يگولون المستجار

هسه هو المستجار مثلا مهم لان ادم چان يندعي هناك والأنبياء والنبي والائمة ومكان دخول فاطمة بنت أسد للكعبة لولادة الامام علي

والمستجار هو المكان الي من صاحب الزمان يروح للكعبة يوگف يندعي بي هناك ... هم يناسب ينگال علية مقام لصاحب الزمان

وروي عن عبد الله بن جعفر الحميري أنه قال: سألت محمد بن عثمان العمري - رضي الله عنه - فقلت له: رأيت صاحب هذا الامر؟ فقال: نعم وآخر عهدي به عند بيت الله الحرام وهو يقول: " اللهم انجز لي ما وعدتني " قال محمد بن عثمان - رضي الله عنه وأرضاه -: ورأيته صلوات الله عليه متعلقا بأستار الكعبة في المستجار وهو يقول: " الهم انتقم لي من أعدائك ".

الي يروح للكعبة خلي يچلب بالمستجار ... خوش مكان المستجار

والي يريد هم خلي يقرأ تفاصيل التغيرات الي صارت على بناء الكعبة عبر العصور ... وشلون كل القادة والشخصيات الي قادت عمليات إعادة بناء الكعبة تاليها ماتوا كفار ... كل زعماء قريش الي أعادت بناء الكعبة ايام ما چان النبي شاب قبل البعثة ... ماتوا وهمة كفار لان ما آمنوا بالنبي ورسالتة بعدين ... اصلا صاروا رموز للكفر

تعلموا من التاريخ ولا تتقشمرون

عن علي بن سويد قال: كتبت إلى أبي الحسن موسى (عليه السلام) وهو في الحبس كتابا أسأله عن حاله وعن مسائل كثيرة فاحتبس الجواب علي أشهر ثم أجابني بجواب هذه نسخته:

بسم الله الرحمن الرحيم الحمد لله العلي العظيم الذي بعظمته ونوره أبصر قلوب المؤمنين، وبعظمته ونوره عاداه الجاهلون، وبعظمته ونوره ابتغى من في السماوات ومن في الأرض إليه الوسيلة بالاعمال المختلفة والأديان المتضادة، فمصيب ومخطئ، وضال ومهتدي، وسميع وأصم وبصير وأعمى حيران، فالحمد لله الذي عرف ووصف دينه محمد (صلى الله عليه وآله)

أما بعد فإنك أمرؤ أنزلك الله من آل محمد بمنزلة خاصة وحفظ مودة ما استرعاك من دينه وما ألهمك من رشدك وبصرك من أمر دينك بتفضيلك إياهم وبردك الأمور إليهم،

كتبت تسألني عن أمور كنت منها في تقية ومن كتمانها في سعة فلما انقضى سلطان الجبابرة وجاء سلطان ذي السلطان العظيم بفراق الدنيا المذمومة إلى أهلها العتاة على خالقهم رأيت أن أفسر لك ما سألتني عنه مخافة أن يدخل الحيرة على ضعفاء شيعتنا من قبل جهالتهم، فاتق الله عز ذكره وخص بذلك الامر أهله واحذر أن تكون سبب بلية على الأوصياء أو حارشا عليهم بإفشاء ما استودعتك وإظهار ما استكتمتك ولن تفعل إن شاء الله،

إن أول ما أنهى إليك أني أنعي إليك نفسي في ليالي هذه غير جازع ولا نادم ولا شاك فيما هو كائن مما قد قضى الله عز وجل وحتم فاستمسك بعروة الدين، آل محمد والعروة الوثقى الوصي بعد الوصي والمسالمة لهم والرضا بما قالوا ولا تلتمس دين من ليس من شيعتك ولا تحبن دينهم فإنهم الخائنون الذين خانوا الله ورسوله وخانوا أماناتهم

وتدري ما خانوا أماناتهم ائتمنوا على كتاب الله فحرفوه وبدلوه ودلوا على ولاة الامر منهم فانصرفوا عنهم فأذاقهم الله لباس الجوع والخوف بما كانوا يصنعون

وسألت عن رجلين اغتصبا رجلا مالا كان ينفقه على الفقراء والمساكين وأبناء السبيل وفي سبيل الله فلما اغتصباه ذلك لم يرضيا حيث غصباه حتى حملاه إياه كرها فوق رقبته إلى منازلهما فلما أحرزاه توليا إنفاقه أيبلغان بذلك كفرا؟

فلعمري لقد نافقا قبل ذلك وردا على الله عز وجل كلامه وهزئا برسوله (صلى الله عليه وآله) وهما الكافران عليهما لعنة الله والملائكة والناس أجمعين والله ما دخل قلب أحد منهما شئ من الايمان منذ خروجهما من حالتيها وما ازدادا إلا شكا، كانا خداعين مرتابين منافقين حتى توفتهما ملائكة العذاب إلى محل الخزي في دار المقام،

وسألت عمن حضر ذلك الرجل وهو يغصب ماله ويوضع على رقبته منهم عارف ومنكر فأولئك أهل الردة الأولى من هذه الأمة فعليهم لعنة الله والملائكة والناس أجمعين،

وسألت عن مبلغ علمنا وهو على ثلاثة وجوه ماض وغابر وحادث فأما الماضي فمفسر وأما الغابر فمزبور وأما الحادث فقذف في القلوب ونقر في الاسماع وهو أفضل علمنا ولا نبي بعد نبينا محمد (صلى الله عليه وآله)،

وسألت عن أمهات أولادهم وعن نكاحهم وعن طلاقهم فأما أمهات أولادهم فهن عواهر إلى يوم القيامة نكاح بغير ولي وطلاق في غير عدة وأما من دخل في دعوتنا فقد هدم إيمانه ضلاله ويقينه شكه،

وسألت عن الزكاة فيهم فما كان من الزكاة فأنتم أحق به لأنا قد أحللنا ذلك لكم من كان منكم وأين كان

وسألت عن الضعفاء فالضعيف من لم يرفع إليه حجة ولم يعرف الاختلاف فإذا عرف الاختلاف فليس بضعيف،

وسألت عن الشهادات لهم فأقم الشهادة لله عز وجل ولو على نفسك والوالدين والأقربين فيما بينك وبينهم فإن خفت على أخيك ضيما فلا

وادع إلى شرائط الله عز ذكره بمعرفتنا من رجوت إجابته

ولا تحصن بحصن رياء

ووال آل محمد ولا تقل لما بلغك عنا ونسب إلينا هذا باطل وإن كنت تعرف منا خلافه فإنك لا تدري لما قلناه وعلى أي وجه وصفناه،

آمن بما أخبرك و، لا تفش ما استكتمناك من خبرك،

إن واجب حق أخيك أن لا تكتمه شيئا تنفعه به لأمر دنياه وآخرته ولا تحقد عليه وإن أساء وأجب دعوته إذا دعاك ولا تخل بينه وبين عدوه من الناس و إن كان أقرب إليه منك وعده في مرضه،

ليس من أخلاق المؤمنين الغش ولا الأذى ولا الخيانة ولا الكبر ولا الخنا ولا الفحش ولا الامر به

فإذا رأيت المشوه الاعرابي في جحفل جرار فانتظر فرجك ولشيعتك المؤمنين وإذا انكسفت الشمس فارفع بصرك إلى السماء وانظر ما فعل الله عز وجل بالمجرمين فقد فسرت لك جملا مجملا و (صلى الله على محمد وآله) الأخيار.

____
كتاب الكافي - ج ٨

عجب للشمس أشرقت وابدورها ... و نور موسى غاب وسط گبورها
عجب نور الحق وارته الترب ... ألف وسفه ما شرق نوره وغرب
ألف وسفه من تغيّب وإنحجب ... ما شرق نوره ابجميع ادهورها
نور أشرق بالعوالم وانطفى ... نجم هادي للخلايق واختفى
مات موسى والشرع بعده عفى ... او بهجة الدنيا تقضي سرورها
من مثل موسى كظم غيظة وصبر ... طول عمره في خطر ويلي و كدر
انغصب حقه أو رتبته واصطبر ... أو ما سلم من جورها وشرورها
باي ذنب قطعوا صلاته بالحرم ... حرم جده وانوخذ منه ابهضم
شلون ساعه أعلى النبي حين انلزم ... أورد طرفه يشتكي له من الهضم
ودعه إمأيس من العوده للحرم ... معتقد ملگاه يوم انشورها
ذكرت طه بسبطه من عدت ... أمته ولچتل سبطه تگصدت
ذاك خايف فر والهذا خذت ... سمت الهذا والسبط منحورها
من حرم جده انحرم ويل الرشيد ... سيّره محبوس وابرجله الحديد
او صار في حبسه لِما أمسى شهيد ... طبق لمصابه جميع دهورها
ليش ما تعم الدهور امصيبته ... تنسى سجونه لو تنسى غربته
تنسى اسمومه لو تنسى علته ... لو الجنازة ينسي تشهيرها
اشلون موسى الخلق تنسى مصابه ... ميت امحدد سليب اثوابه
بالجسر فرجه تراه أصحابه ... والعدى منه تشفي اصدورها
امن العدى للنعش شالت أربعة ... في وسط بغداد أو ماحد شيّعة
او خلوا امنادي الشماتة ايشيّعه ... بدل من تهليها وتكبيرها

عجب للعرش استقر وتخومها ... او قلب موسى گطعته اسمومها
من سمع ويلي قبل هذا الشهيد ... ميتٍ شالوه وبرجله الحديد

الشيخ علي بن حسن الجشي القطيفي

يا مطوگ خالد بطوگ الحديد... تحيي بإذن الله وتميت شما تريد

هذا بيت شعر هواي يقروا رواديد النجف بنهاية العزا... هسه اني ما متاكد منو الشاعر، عبود غفلة لو ابراهيم ابو شبع، بس بيت الشعر حلو وما ينمل منه

خالد المقصود بهذا البيت هو خالد بن الوليد، الي الجماعة يسموا سيف الله المسلول، الفارس الهمام والقائد العسكري الماكو منة، فاتح البلدان والشام ومحارب المرتدين والي بكل معاركة يفوز والشخصية العنتكية الإسلامية – وهو فعلا ذني مال قائد عسكري ومدري شنو تنطبق علية مو چذب-, واحنا الشيعة – على الاقل القدماء- رغم كل هذا نكره ونحتقر وتلعب نفسنا من هذا الچلب النذل خالد بن الوليد لكونه چلب مچلوب لفلان وعلان

البيت المفروض أنه يؤرخ قصة تفصلت أحداثها بالروايات وبيها مراحل واجزاء، تبدي من كفر خالد بكلشي يخص الامام علي وكونه عدو لدود للامام وچان ممن هجموا يوم الهجوم واتفق وياة ابو بكر بحادث منفصل ثاني أنه يقتل الامام علي أثناء الصلاة لكن تراجع والغى الخطة

خالد أثناء رجوعة من معارك قمع ما يسموهم بالمرتدين ... بعد ما گصبهم گصب ودگ انتصارات ... بطريق رجعتة وهو بنص جنودة وفرسانه ... شاف الامام علي خارج المدينة معتزل ببستان او عين مي وطالع من المدينة يزرع ومالة شغل بلي ديصير

خالد راجع وهدومة مليانة تراب الساتر ... والإمام علي هدومة تراب البستان ... شوف الفرق

خالد بكل شموخ وعنفوان وكبرياء وعنتكة وخيلاء ومنفوخ گدام جنودة صار حوار وگام يحچي وية الامام علي بلغة كلش متعالية وهدفة الكفر المحض بكل صغير وچبير يخص الامام علي الي افترت الدنيا و حاليا مجرد انسان من العامة وخالد قائد القوات المسلحة

خالد يعتبر الامام علي حاسد لابو بكر ... وحاقد عليهم ولازم يتأدب ويرضى بالأمر الواقع حيث أن الله اختار الاقوى والأدهى وذو التدبير المحكم الي عرف يطلع نقش ويسيطر على الأرض وماكو فائدة انت يا علي تعزل نفسك وتسوي هلحركات ... وگالة انت اذا چنت بطل قبل فبدعاء النبي ... النبي چان يدعي بالمعارك فأنت تنتصر ... انت شخصيا وحدك كلشي ما تكدر تسوي

حچاية منا ... حچاية مناك ... الامام علي جر خالد من ياخته واكو عمود حديد ... جاب هذا العمود ولفه على رگبة خالد " فتله " يعني برم الحديد مثل مال خيوط الحبل تنبرم

وگاله لخالد يلا روح الله وياك ... منظر خالد گدام جنودة صار مو لطيف ... وهذا طوق الحديد مؤذي ومزعج واول تالي خالد انسان والعنق منطقة حساسة لا يكدرون بامكاناتهم البدائية يگصوا ولا يسوولة حل الا بالنار لو الدگ وهذا ما راح يتحمل

خالد راح لابو بكر يگولة شوفلي صورة حل ... ودز ابو بكر على الحدادين وعلى شخص يعتبر عندة قوة جسمية ورياضية عالية ... وكلهم ما گدروا يسوولة شي

گالوا بعدين ... الوحيد الي يگدر يحل المشكلة هو الي حط طوق الحديد وبرمه

ويرجع يصير حوار طويل بين الامام علي والجماعة نهاية الكلام الامام علي يفتت طوق الحديد قطعة قطعة وشوية شوية من رگبة خالد القائد مال القوات المسلحة

فرق چبير بين عقلية الشيعة القدماء وبين عقلية شيعة هسة

شيعة قبل مثلهم الاعلى هذا الي عندة القدرة بس ما يستعملها ... الي يصبر ويتحمل المر لهدف بعيد وإيمانا بيوم ثاني راح يجي ... الامام الي ما ينفعل بطيش ولا هوسة ... الشخص الي يگدر كلشي عسكري يسوي ... بس هو شاف اكو الاحسن وإن چان مر

أما شيعة هسه ... فبالواقع مثلهم الاعلى خالد بن الوليد وامثالة وأشباهه الي مناورات عسكرية ويفتر من ورة الجبل ويقمع مالك بن نويرة والمرتدين بلا رحمة ... وعقلية عسكرية وفتوحات ومعارك وية الروم ... صلف وعنتكي ويوصل لكلشي يريدة والعسكرية والحيلة والقسوة والغدر ... قائد تكتيكي ومحنك

بينما علي الجزيرة مليانة مرتدين " انگس من داعش " وعايفهم وگاعد ببستان ... بينما القائد الميداني خالد بن الوليد بالجبهة يقاتل ولو مو خالد چان المرتدين يحتلون المقدسات ومكة والمدينة
وخالد انجازات شكبرها شعرضها غير وجه العالم والمعادلات وقاوم ومقاومة واحتل وحرر وحار شنو شسوة رغم هو ما يگدر يعوج حديدة بيدة

وعلي ... كلشي ما غير بمعادلات العالم مجرد – أن صح ادعاء أنه عنده طاقة – فهو مضيعها كلشي ما فاد الدولة الاسلامية بيها

الامام علي يتبجل من يحچون بالمواصفات الي عد خالد بن الوليد... اما بقية الائمة فمعممي الشيعة يوصفوهم كشخصيات منتظرة وتتمنى تصير بيوم من الايام خالد بن الوليد... بس خالد اشجع وعرف ينتهز الفرص

طبعا هذا تلقين معممي الأحزاب وديترسخ بعقل الناس من حيث لا يشعرون ... الشيعي بعد مو عقلة بي تبجيل الي يگدر يطوگ خالد بطوگ الحديد ... بس هو بنص معارك المرتدين ببستان ... شيعة هسه تهوس لخالد وامثال خالد لان مجاهدين ورجال دولة ويطلعون نقش

الكميت وبيت الحكيم

سامعين بالكميت بن زيد الاسدي؟ صاحب القصائد العظيمة بمدح الائمة والإمام علي ؟ الكميت علم بتاريخ التشيع وشي كلش بارز ومحد يختلف علية وعلى أثره واهميتة وفاد المذهب والشيعة أكثر من كلش هواي ناس وشخصيات وعوائل

سامعين ببيت الحكيم؟ هل ايام مخبوصين بقنوات التلگرام ذكرى ايام من صدام گشهم وحبسهم وعدمهم ومسويلنا شخوصهم ابطال وخبصة ... وما يذكرون سبب ليش صدام الچلب لمهم واعتقلهم ... وهو أنه صدام طلب من چبير العائلة يطلع بمؤتمر يتبرى من محمد باقر الحكيم، مدري يمدح صدام ... ما متأكد المهم من هيچ نوع سوالف وعلى الاكثر چان الطلب هو أنه يطلعون يأيدون القيادة ويتبرون من محمد باقر الحكيم وهلحچي بال٨٢

المهم چبير العائلة عاند وما قبل وگال للمرسول الوسيط أنه انت دتطبخ حصو ... الي تريدوا وتطلبوا ما راح نسوي

لزمهم كلهم صدام بليلة ظلمة وحبس وتعذيب ونتل واعدامات ... سقطت الدولة وهسه تعوضوا ورواتب وفلوس وگيعان وديتبچبچون احنا واحنا ... المهم نرجع الكميت

الكميت چان شاعر مخلص للأئمة ويهجوا بني أمية ... وماعنده هدف شخصي لو سياسي لو هوى نفسي مزاجي بالموضوع... من كل گلبه يمدحهم وما يمدح غيرهم ويهجوا أعدائهم هم لوجه الله

وصلت قصيدة من قصائده لهشام بن عبد الملك الخليفة ... ووصلت عن طريق انشاد مدري منو الي مچان يعرف اصلا هاي القصيدة المن ومنو شاعرها

القصيدة كلش معانيها راقية بحيث كلش عصبت وضوجت هشام بن عبد الملك وراد يعرف هاي منو گايلها علمود يأذي

جاب جماعة وقرالهم القصيدة وگاللهم هذا الشعر يشبه شعر منو؟ گالولة هاي تشبه شعر الكميت ومحد يگدر يكتب هيچ نمط غير الكميت

هشام هم دز لوالي واسط أنه جيبلي هذا الشاعر من جوة الگاع لان هذا لازم يتعاقب ...
"اشتد غيظه فكتب إلى خالد يأمره أن يقطع يدي الكميت ورجليه ويضرب عنقه ويهدم داره ويصلبه على ترابها"

الكميت انحبس وشرد من الحبس من اسيقن القتل وهج من الكوفة ... ودز اخو للامام الباقر " بإسناده عن ورد بن زيد أخي الكميت قال : أرسلني الكميت إلى أبي جعفر عليه السلام فقلت له : إن الكميت أرسلني إليك وقد صنع بنفسه ما صنع فتأذن له أن يمدح بني أمية ؟ قال : نعم هو في حل فليقل ما شاء. "

وكتب الكميت قصيدة يمدح بني أمية ... مو قصيدة وحدة ... قصائد لا وحدة ولا اثنين ... وعفوا عنه بني أمية وعافوا وحتى انطوا جوائز وفلوس ... ورجع التقى وية الامام الباقر
“ فالآن صرت إلى أميـ ـة والأمور إلى المصاير
قال : قد قلت ذلك فوالله ما رجعت عن إيماني ، وإني لكم لموال ، ولعدوكم لقال ، ولكني قلته على التقية. قال : أما لأن قلت ذلك إن التقية تجوز في ..."
وهو الامام يعرف ويدري ليش گاله وهو منطي سماح واذن من البداية بس هذا يبقى الحچي علمود احنا نتعلم

هسه علمود تخلص من القتل والاذية مال واحد ظالم جاي عليك يضطهدك على دينك وايمانك ... الائمة يگولولك روح مدحه ... خلص نفسك ودمك منه ... مو بطولة تروح تستفزه وعود انت بطل وماكو منك ... وفوگاها علمود دنيا مو علمود دين ... والله يگولك منو گلك تسوي هيچ يا كذا كذا؟!

وللأسف هاي عود عائلة مرجعية گاعدين بالحوزة ولقاءات وتلفزيون وخبصة وهاي عقليتهم سنية ... واحد من أهم النظريات الشيعية هامليها وناكريها وما يشتغلون بيها ... وفوگاها يريدون يقودون الناس ومعينين نفسهم أوصياء على الناس ... رشيد الحسيني وامثالة وأشباهه من هاي العائلة وغير عوائل دينية

بكل تاريخهم ما قدموا ربع ربع ربع الي قدمة الكميت ... وخالفوا الائمة ... وعلمود مجدهم ومنظرهم گدام الناس يبقون يصرون علغلط ... لان هيبتهم والناس شتگول عليهم ... يحولون اخطائهم دين وشريعة ... لان ما مستعدين يگولون احنا خالفنا الائمة وغلطنا ... يخفون الائمة شنو گالوا المهم وجاهتهم گدام الناس واللوك والنفخة

بينما الكميت الامام الباقر يدعيلة يگول
لا زلت مؤيدا بروح القدس ما ذببت عنا أهل البيت، ثم رفع يديه بالدعاء وقال: اللهم اغفر للكميت، اللهم اغفر للكميت.
الصادق عليه السلام (قال) : اللهم أغفر للكميت ما قدم و أخر و ما أسر و ما اعلن و اعطه حتى يرضى

هاي والكميت مدح بني أمية... بس مدحهم التقية ... القانون والأمر الي كفر بني خميني وحزب الدعوة واضلوا الناس لأن يريدون يحكمون وينافسون علحكم ... حتى لو ينسفك دم الشيعة وحتى لو يوصل لدمهم نفسهم ...

هسه امدحوا زربان صخمان وحافظوا على دمكم ودم هاي الشباب الي انطحنت بعنادكم وعقلكم السني المعفن ... انتوا ولة بيت الصدر وبيت خميني ... ال كلكم خلايا سرطانية سنية بالمجتمع الشيعي ... بس لا شنو تقية؟ شنو نحفظ دم العالم؟ الكرسي والحكم والسلطان ... الاخوان المسلمين

وانا لله وانا اليه راجعون

اي واحد يقرأ كلام الائمة وتاريخهم وتاريخ أصحاب الائمة ... يدري هلحچي مجرد خرط وكلاوات ... والي يقرأ التاريخ الحالي وشنو صار احداث هم يدري همة ما تصادموا وية صدام على دين ولا غيرة على مذهب ولا علمود الشيعة ... كل الي سووا سواء بيت الحكيم لو بيت الصدر لو المدري منو ... علمود دنيا وعلمود حكم وسلطان ... وان كان اكو يتخيلون اكو جانب ديني ... فهو استيراد سني اخواني همة تأثروا بي وروجوا بعقول عامة الناس على كونه شيعي ... بالواقع هو مجرد تسلط دنيوي مستلهم من الفكر السني المعفن

وديتروج حالة حال هواي نظريات معفنة من خلال أجهزة حزب الدعوة السني والدين الخميني السني وال الصدر السنة على كونه على اساس فكر شيعي ... والجهلة عباد العمايم تأخذ منهم ... وحياتهم بالدنيا والآخرة خربانة ومصخمة

والف عافية ... خليكم ورة السنة والإخوان المسلمين وأفكارهم الي ما جابت غير الشؤوم والخراب والدم وكلشي اعوج

يطلعلي واحد يگلي حوزة ومرجعية وانت شنو مفهمك ... هو أكثر شي ما يقروا بالحوزة ... هو حچي الائمة وتاريخهم وقصص اصحابهم ... يقرون كلشي بس هاي ما يقروا ... يقرون الف كتاب سني وما يقرون كتاب صدگ شيعي

عَنْ زُرَارَةَ قَالَ سَمِعْتُ أَبَا عَبْدِ اَللَّهِ عَلَيْهِ اَلسَّلاَمُ يَقُولُ: إِنَّ لِلْغُلاَمِ غَيْبَةً قَبْلَ أَنْ يَقُومَ

قَالَ زرارة قُلْتُ وَ لِمَ ؟

قَالَ الصادق يَخَافُ وَ أَوْمَى بِيَدِهِ إِلَى بَطْنِهِ

ثُمَّ قَالَ الصادق يَا زُرَارَةُ وَ هُوَ اَلْمُنْتَظَرُ وَ هُوَ اَلَّذِي يُشَكُّ فِي وِلاَدَتِهِ مِنْهُمْ مَنْ يَقُولُ مَاتَ أَبُوهُ بِلاَ خَلَفٍ وَ مِنْهُمْ مَنْ يَقُولُ حَمْلٌ وَ مِنْهُمْ مَنْ يَقُولُ إِنَّهُ وُلِدَ قَبْلَ مَوْتِ أَبِيهِ بِسَنَتَيْنِ وَ هُوَ اَلْمُنْتَظَرُ غَيْرَ أَنَّ اَللَّهَ عَزَّ وَ جَلَّ يُحِبُّ أَنْ يَمْتَحِنَ - قُلُوبَ - اَلشِّيعَةَ فَعِنْدَ ذَلِكَ يَرْتَابُ اَلْمُبْطِلُونَ يَا زُرَارَةُ

قُلْتُ جُعِلْتُ فِدَاكَ إِنْ أَدْرَكْتُ ذٰلِكَ اَلزَّمَانَ أَيَّ شَيْءٍ أَعْمَلُ ؟

قَالَ الصادق : يَا زُرَارَةُ إِذَا أَدْرَكْتَ ذٰلِكَ الزَّمَانَ - فَادْعُ بِهَذَا اَلدُّعَاءِ اَللَّهُمَّ عَرِّفْنِي نَفْسَكَ فَإِنَّكَ إِنْ لَمْ تُعَرِّفْنِي نَفْسَكَ لَمْ أَعْرِفْ نَبِيَّكَ اللّٰهُمَّ عَرِّفْنِي رَسُولَكَ فَإِنَّكَ إِنْ لَمْ تُعَرِّفْنِي رَسُولَكَ لَمْ أَعْرِفْ حُجَّتَكَ - اَللَّهُمَّ عَرِّفْنِي حُجَّتَكَ فَإِنَّكَ إِنْ لَمْ تُعَرِّفْنِي حُجَّتَكَ ضَلَلْتُ عَنْ دِينِي ...

حَدَّثَنَا مُحَمَّدُ بْنُ يَعْقُوبَ اَلْكُلَيْنِيُّ رَحِمَهُ اَللَّهُ عَنْ عَلِيِّ بْنِ مُحَمَّدٍ عَنِ اَلْحَسَنِ بْنِ عِيسَى بْنِ مُحَمَّدِ بْنِ عَلِيِّ بْنِ جَعْفَرٍ عَنْ أَبِيهِ عَنْ جَدِّهِ عَنْ عَلِيِّ بْنِ جَعْفَرٍ عَنْ أَخِيهِ مُوسَى بْنِ جَعْفَرٍ عَلَيْهِمَا السَّلاَمُ : أَنَّهُ قَالَ إِذَا فُقِدَ اَلْخَامِسُ مِنْ وُلْدِ اَلسَّابِعِ فَاللَّهَ اَللَّهَ فِي أَدْيَانِكُمْ لاَ يُزِيلَنَّكُمْ عَنْهَا فَإِنَّهُ لاَ بُدَّ لِصَاحِبِ هَذَا اَلْأَمْرِ مِنْ غَيْبَةٍ حَتَّى يَرْجِعَ عَنْ هَذَا اَلْأَمْرِ مَنْ كَانَ يَقُولُ بِهِ إِنَّمَا هِيَ مِحْنَةٌ مِنَ اَللَّهِ يَمْتَحِنُ اَللَّهُ بِهَا خَلْقَهُ ...

عَنْ عَبْدِ اَللَّهِ بْنِ عَطَاءٍ اَلْمَكِّيِّ قَالَ: خَرَجْتُ حَاجّاً مِنْ وَاسِطٍ فَدَخَلْتُ عَلَى أَبِي جَعْفَرٍ مُحَمَّدِ بْنِ عَلِيٍّ عَلَيْهِ السَّلاَمُ فَسَأَلَنِي عَنِ اَلنَّاسِ وَ اَلْأَسْعَارِ فَقُلْتُ: تَرَكْتُ اَلنَّاسَ مَادِّينَ أَعْنَاقَهُمْ إِلَيْكَ لَوْ خَرَجْتَ لاَتَّبَعَكَ اَلْخَلْقُ

فَقَالَ يَا اِبْنَ عَطَاءٍ قَدْ أَخَذْتَ تَفْرُشُ أُذُنَيْكَ لِلنَّوْكَى ؟ لاَ وَ اَللَّهِ مَا أَنَا بِصَاحِبِكُمْ ... حَتَّى يَبْعَثَ اَللَّهُ مَنْ لاَ يُؤْبَهُ لِوِلاَدَتِهِ قُلْتُ وَ مَنْ لاَ يُؤْبَهُ لِوِلاَدَتِهِ فَقَالَ اُنْظُرْ مَنْ لاَ يَدْرِي اَلنَّاسُ أَنَّهُ وُلِدَ أَمْ لاَ فَذَاكَ صَاحِبُكُمْ .

ابن عطاء

هذا حوار بين الامام الباقر وواحد من أصحابه اسمة عبد الله بن عطاء ... طبعا الكلام هذا چان بالعصر الأموي

الامام الباقر يسئله عن الناس وأوضاع الناس والاسعار " شوف اهتمام الامام بالسؤال عن شنو "

ابن عطاء ما جاوب على هل مواضيع ... جاوب غير جواب ... لان عقل ابن عطاء بغير مكان... مكان السياسة والثورة والانقلاب والمعارك وشلون نسقط هذولة ونأخذ الحكم الخ ...

الامام گالة قد أخذت تفرش أذنيك للنوكى ؟! يعني تسمع ومنطي إذنك للحمقى والمعتوهين؟

الامام الباقر الي هو إمام معصوم يگولة ما أنا بصاحبكم ... إمام معصوم يگول مو اني ومو بزماني ولا وظيفتي ولا مطلوب مني ولا منكم هذا الشي مال الخروج والثورات والسياسة وهاي اللغاوي ... هاي وكتها بس من يطلع صاحب الزمان

أما احنا حاليا بهذا وكتنا الي يدعوا للثورة والحكم والسياسة والخروج بدل ما يسموا احمق "مهما كانت درجته " يسموا السيد القائد والفيلسوف ويسوولة اغاني ... قصدي اناشيد ... والحوزة هم حايرة بحفلات التخرج والتفاهات بدل ما تقرأ هاي الأحاديث للناس ... بس همة قرروا يسكتون عنها ويأيدوها وما يگولون كلام حمقى حتى وإن الامام گال لا تسمعوهم لان حمقى ومخابيل

وراح يجي يوم الناس ما تدري شنو المهدي ولا الامام ولا كلشي ... طبعا بسبب الأفعال الغلط الي دتتروج حاليا على اساس كونها صحيحة ... بس نتيجتها البعيدة كارثية

فلا تنطون اذنكم للنوكى ... وان سموهم المعممين فلاسفة وسادة وقادة ومراجع ومجتهدين ...

وكل عام وانتوا بخير

Tár

فلم كلش حلو وطريقة الكتابة والسرد بي شي مستواه عالي الجوده وذكي كلش

الفلم يحچي عن شخصية خالية اسمها " ليديا تار ", موسيقارة عدها موهبة موسيقية محترفة محد يگدر يشكك بيها وفعلا هيه بالجانب الموسيقي لا يُشق لها غبار

تمثيل كيت بلانشيت هم قصة ثانية وشلون جمعت كل ملامح الشر والخير والقوة والضعف وعكست كتابة كلش حلوة عن هاي الشخصية الي انت لنص الفلم مشدود بس متدري هو الفلم عن شنو، وتطلع گدامك أفعال وتصرفات راح تتقبلها لان شخصية ليديا تار لحد هسه طبيعية ... وتحتاج النص الثاني من الفلم علمود تفتهم شديصير ... ونهاية الفلم الي خلت هذا الفلم عظيم بواقعيتة ومابي تلزيگ النهايات المثالية الي متعودين عليها

الفلم يحچي عن سوء استخدام السلطة ... وشلون الشخصية الناجحة مهنيا بس شريرة تدخل بديلاب هوى مال مراحل صعود ونزول وتصير هيه نفسها بموقع الي چانت تسوي بلي چانوا في يوم من الايام اقوياء واقدم منها ... وشلون التوازنات الي دخلت بيها علمود تحميها ... افترت عليها

بنفس الوقت الشخصية هيه شر بجانب بس عدها جوانب منا ومنا يطلع منها خير هنا وهناك ... وشگد ما انت محترف أذية لناس أضعف منك وتستغلهم لمرحلة تطحنهم ... راح يجي الي يدري دماراتك شنو ويستغلك استغلال عكسي

الذكاء الي صار بالكتابة والي يخليك تطلع برة صندوگ المعتاد هو أنه القصة ليديا تار هيه وحدة مثلية وتستغل بنات ... صادقوني وسووا شغلات علمود اخدمكم مهنيا واصعدكم ... او تقدملهم خدمات مهنية وتأخذ حق غير ناس همة أجدر وتنطي لهذني البنات علمود تجذبهم الها ... وطبعا لو الشخصية أنه موسيقار ذكر ويسوي هيچ وية بنات القصة كلها تموت من بدايتها وتصير سخيفة

البنات الي تستهدفهم ليديا تار ... بيهن استغلاليات وضحايا ... بنفس الوقت هيه تطحن مساعدتها الي هية بنية وزوجتها الي هيه هم مرة وهيه وتأخذ حق ومكانة من وحدة العازفات المحترفات وتنطي لوحدة من الطالبات الي تريد تجذبهم ... وهذا ذكاء من الكاتب

القصة هم تطلع ليديا تار الي هيه بالمقاييس الحالية شريرة ... بس يطلعها بشرية بغير جوانب والضعف الي بيها والمشاكل النفسية الي لو شفتها مع استقطاع جزء أنه هيه تأذي مجموعة بنات نفسيا وتستغلهن جنسيا ... چان كلش كلش تعاطفت وية ليديا تار

وصار بطلة محاربة للمشاكل النفسية ...

الفلم بي لقطتين لنفس الحالة وية شخصيتين بس انت موقفك وتعاطفك يختلف

من ليديا تار ياخذون تعبها والي يقود السمفونية الي تعبت عليها اخذها علجاهز وكلشي طبيعي عد الفرقة والجمهور

ومن الشقة الي مقابيلها الي بيها العجوز وبتها الي تداريها ... وتموت العجوز وتجي البنية الي ما چانت تداري الام وتأخذ الشقة علحاضر وتريد تبيعها والاخت الفقيرة الي چانت تداري العجوز تنشمر بالشارع

الفقرة الثانية القوية بهل فلم ... أنه مچان اكو نهاية الشرير وينسجن ومدري شنو ... ليديا تار صح انطردت من لندن وبرلين بس راحت للفلپين وبدت تبني نفس دائرة الي چانت بانيتها هناك ... وهذا الواقع بالحياة ... عادة السيئين ينطردون من مكان أو يصير حادث ما وياهم وما راح يتوبون ... يروحون يبدون بمكان جديد ... ومو كلشي بي نهاية السجن والعقاب النهائي ... هيه تعاقبت لدرجة ما بس ما انتهت الحياة

اكو جانب قوي غير هذا باللقطات الأخيرة ... هسه ليديا تار مثلية وتنجذب للبنات وسوت اشكال والوان وظلمت واذت وصعدت وطحنت ناس علمود هاي الشغلة ... من چانت بالفلبين وراحت مركز مساج وطلع مركز دعارة وعادي چان تگدر تختار اي وحدة من هاي البنات وتسوي اي شي يعجبها بلا أي دوخة ... لعبت نفسها وانقرفت وطلعت لقطة تركض برة وتتقيء " تزوع " ... وهذا هم يحچي عن أنه هواي من هاي المواضيع هيه اكبر من مجرد شي جنسي وگبل ... الموضوع معقد أكثر من مجرد موضوع جنسي وگبل ... وكذلك علاجه وتحجيمة يحتاج تسوي غير تفاصيل ... واختزالة بجانب واحد ما راح يحل المشكلة

سوء استخدام السلطة وحدة هو لذة اكبر من هواي انواع لذات

الي complicity بهل شخصية والفلم عجبتني

وهم اكو لذة ال cancellation، تصير بموقع ما ولاي سبب تگول هذا فلان ما اريدة هنا ... وعندك مجموعة تگولك بلحظة صار وتدلل وهذا هم مهما چان خوش وكفوء ... يطير

وهم اكو حوار ... الموسيقار العظيم الي ننعجب بالموسيقى الي ينتجها ... شلون اذا بي جوانب سيئة قد تؤدي لأن شخص ما ينقتل... شلون نتعامل وياة؟ من يسيء استخدام السلطة مالتة شنو موقفنا منة؟ ولا تتوقعون أنه الي داير ما داير ليديا تار ما چانوا يدرون هيه شتسوي ... بس هيه افترت لسبب ما وصار الي صار

بس الفلم خوش فلم ... مو رايحيلي تشوفولي الزواع مال saltburn مدري شنو من هاي الافلام مي الزبالة

مع جزيل الشكر لذاك الفد واحد الي حصلي الفلم بقناة تلگرام بالصدفة

ليديا تار و الاحنف بن قيس

هذا الاحنف من الشخصيات الي ممكن كلش تنعجب بيها من تقرا بالتاريخ شكد اكو وصف ومدح لعقلهم وحلمهم وحكمتهم ودهائهم ... السنة يحترموا رغم عندة مواقف مضادة لعائشة معينة وچان ضد معاوية بصفين ... واكو هواي شيعة نص ردن يحترموا ويترضون علية لأن بمقاييس شيعة هلوكت - حسب مواقف مجتزئة من حياتة- هو شيعي - لان الجماعة التشيع محدود بعقولهم على گد بس الحكم والرئاسة السياسية - رغم هو اذا تقرا حياتة كاملة راح تشوف هو مچان بيوم من الايام شيعي اصلا

الاحنف هذا چان شريف قومة بني تميم بالبصرة ... وشنو يعجبك أوصاف عقل رزن وكلام ثگيل ومواقف كلش متزنة وحكيمة راح تلگاها بي

وهاي على طول سيرتة الطويلة وهواي چان يباوع للأمور بعين فائدة جماعتة وقومة... شيخ عشيرة معدل كل عشيرة عاقلة تتمنى هيچ شخص يقودها

هذا يوم الي عائشة هجمت على البصرة مطالبة بدم عثمان وكتلت ٧٠ واحد ونهبت بيت المال ومثلت بالناس وإجة الامام علي يحاربها ويحرر البصرة منها ومن جماعتها اجه للامام علي وعرض علية بين أن يشترك وياة بالمعركة بعدد قليل من عشيرتة لو يرجع لعشيرتة ويخليهم محايدين ما يكونون وية اي فريق وراح حسب طلب الامام أن يحيد قومة من المعركة ... وراح روج ببني تميم فكرة احنا ما معلينا ... احنا لا وية هذا الجانب ولا وية ذاك ... ومالنا شغل الحق وية منو ولا شلون

شارك وية جيش الامام علي بحرب صفين وچان قائد قومة بمواجهة معاوية

چان من الرافضين لسب ولعن الامام علي بعهد معاوية

معاوية عاتبة گالة " أنت الشاهر علينا السيف يوم صفين، ومخذل الناس عن أم المؤمنين عائشة؟ " والاحنف جاوب برد قاسي بي تلميح أنه لا تتحارش بينا ترة سيوفنا بعدها موجودة

لهنا المواقف الي وگف عدها جماعتنا واعتبروا شيعي وگعدوا يترضون علية وينفخون بي وگطعوا مقاطع من هو چان صديق زياد وعلاقتة وية معاوية صارت توازنات سياسية بحتة وحرضة على استخلاف يزيد وصار وية الزبيريين وخذل الامام الحسين لمن دزلة رسالة وگال " قد جربنا آل أبي الحسن - أي أمير المؤمنين (عليه السلام) - فلم نجد عندهم أيالة للملك ولا جمعاً للمال ولا مكيدة في الحرب "

ولهنا واضحة عقلية الرجال وحقيقتها

هسه ال complicity بهاي الشخصية تگدر تتعلم وتشوف بيها هواي شغلات

أولها انه عبارتة الي گالها من دعاه الامام الحسين بينت أن كل مواقفه وية الامام علي چانت بأمل أنه الامام علي يستلم ويتعامل بالسلطة ك " سلطة " وسياسة ويدير الأمور كزعيم سياسي مثل خميني أو خامنئي أو الحشد أو حزب الدعوة... بلا أي دين ... بس من الامام علي ما سوة هيچ هو استنتج وعرف أنه هذا شي ما يستحق الدعم وانك تمشي وراة ... وهم چان يدري الامام الحسين راح يسوي بالضبط مثل الامام علي والموضوع مو مثل ما يروج اله حاليا

ثانيا وهاي هم ما تقل أهمية عن الاولى ... هو انك ما تحتاج تصير شيعي حتى تأخذ مواقف ضد عائشة أو معاوية أو عثمان ... يكفي تكون عاقل عقلك برأسك ... وان چان دينيا ما يفيدك ... وكونك مؤيد الهم وتبجلهم وتغض النظر عنهم يدلل على نقصان عقلك وكونك معتوه - مع كونك دينيا هم اعوج -

وهذا وهو موقفه من عائشة بمعركة الجمل ومعاوية مبني على ظاهر تناقضاتهم بمواقفهم ورعونتهم وكونهم غير مؤهلين سياسيا واجتماعيا ولوصوا هواية بالإرهاب - وهذي هم النقاط الي يتروج على المنابر والكتب أنه هيه الأسباب الوحيدة الي ممكن تصير مثالب ونقاط ضد هاي الشخصيات - وهلمواقف - وحدها - أو بهل دوافع هيه كلش مو كافية لأن تخليك شيعي

انت تحتاج تتبنى هاي المواقف بغير دوافع

الدوافع الي خلت عمار بن ياسر يقاتل وية الامام علي ضد معاوية بصفين ... هيه غير الدوافع الي خلت الاحنف بن قيس يقاتل وية الامام علي ضد معاوية بصفين

رغم همة عايشين بنفس الفترة وظاهرا بجبهة وحدة وعدو واحد ... بس دوافعهم مختلفة والي أدت لنتائج مختلفة بعدها

هم اخلاقك وحلمك وعقليتك وسعة صدرك ودربونة مثلا كل ما تضوج احچي علية الخ من هاي الكلاوات الي تروجت على كونها مكارم توجب عليك وعلى عواطفك ومشاعرك، الانجرار خلف افكار صاحبها، هيه بالواقع وحدها ما تخليك شيعي ... ولا توجب عليك تتبع أحد ... وعادي انت سني أو منحرف أو اي فكرة عوجة ... بس اخلاقك عالية وممتازة وخوش آدمي وأخو خيته

احنا كشيعة اذا نتخيل أنه امثال الاحنف بن قيس وان چانوا قادة اجتماعيين ممتازين ... ويصير عدهم مواقف معينة ... ونتبعهم فكريا وياخذونا بعيد كلش بعيد بالمستقبل ... محد راح يخسر غيرنا

وتخسر على كل الأصعدة ... الشخصية والاجتماعية والاقتصادية والنفسية وكلشي

واقروا عن حياة الاحنف بن قيس... بس لا تقروها بطريقة تلزيگية مال معمم شيعي مطي لو قشلچي منكوس

يسوع ... ملك إسرائيل

او بنصوص ثانية ... ملك اليهود

بالانجيل لقب ملك اليهود وملك إسرائيل موجود وية المسيح من مقطع الي يجون الحكماء الثلاثة بولادتة وسئلوا " أَيْنَ هُوَ الْمَوْلُودُ مَلِكُ الْيَهُودِ " و إلى لمن انكتب فوگ الرأس الحواري المؤمن الي فداه بنفسه وصار شبيهه اله الي انصلب " هذا مَلِك اليَهود "

وهاي ماشية وعادية ببني إسرائيل بتبشيرات المسيح أنه ملك عليهم ... ووحدة من مقاماتة هو مقام المُلك والحكم والقيادة الي فعليا وعمليا المسيح ما اهتم بي

ومو بس المسيح ما اهتم بي ... المسيحيين كلهم نظرتهم للمسيح كلش أعلى وأرقى من مجرد حاكم سياسي ... وما يگولون أنه المسيح راح سوة الدعوة مالتة وجمع الحواريين وشافى الاعمى والابرص واحيى الموتى علمود يصير يخلي الناس تؤمن بي ويصير ملك وهاي غاية ونهاية كل القصة

ولا گعدوا يحيون ذكرى المسيح ويحللون كل تحركاتة ونصوصة الي ذكرت عنه وأنه محورها يريد يصير ملك ويحكم وخطية صلبوا ... وسووا المصلوب من أجل الحكم والسلطة والرئاسة

المسيحيين يتعاملون وية المسيح بطريقة كلش كلش أعلى وأرقى مما يتعامل بيها شيعة تالي وكت وية ائمتهم ... الي حولوا سيرهم وقصصهم من معانيها الچبيرة إلى قصص كل همها وغايتها الحكم والمحكومية والحكم والرئاسة والسياسة وحتى مواجهات اعدائهم الهم من عمر وأبو بكر وعائشة جياشة الجيوش ومعاوية ويزيد وهارون الرشيد والمأمون ... چانت دوافعهم بيها حماية منصب وحكم وملك وسلطان وحالهم من حال من الرشيد قتل البرامكة أو قتل المأمون اخوه الأمين

المسيح يتعاملون وية صلب اليهود للمسيح هو كفر اليهود ورفضهم الايمان بي كنبي ومخلص ... وماكو اي شي سياسي ولا مربوط بالحكم

ولا يشوفون استعمال المسيح لقدراتة الخارقة للوصول للمُلك كمثلبة ومنقصة

ولا أنه اكو عيب ونقص بعيسى من مجرد دعى اليهود بلسانة وماكو جيب وقاتل وجيب فلان وعلان

مثل ما خياس الشيعة مال هذا الوكت تستعر وما تريد تفهم أن القصة والموضوع كلش اكبر من موضوع حكم وسلطان ومُلك ويصير رئيس وجوة ايدة أجهزة الأمن والجيش ويغزوا العالم مثل عمر بن الخطاب

السالفة وما بيها إيمان وكفر ... واكو يوم بعدين راح يجي " قبل يوم القيامة ومالة ربط بيوم القيامة " بناءا على اساس ايمانك بهاي القصة بهل حياة ... امورك تتحدد هناك

ومثلا مدري ليش ماكو مسيحي يمهد لنزول عيسى ورجوعة مثل جماعتنا الغبران ... الي مستوى تفكير حتى الي تحرفت اديانهم كلش أعلى من مستويات عقولهم الضحلة

الحسين البطل ... الحسين الي أعظم من الأنبياء يحولون مقتلة ومأساتة إلى موضوع سياسي وحكم ... والحسن يستعرون منه لان ما تمسك بالحكم والمُلك ... كل سيرة الإمام علي وحروبة وية عائشة ومعاوية مجرد محورها الحكم والمُلك ودوافعهم هاي ... مالها ربط بالكفر والايمان الاعتقادي

المسيحيين يتعاملون وية قصة المسيح كشخص تعرض لما تعرضلة كفرا بي وبمقامة وبرسالتة ... دافعهم هو الكفر المحض لذلك موقفة بنظرهم عظيم ... " عندي الموقف هم عظيم لان هذا الحواري تحمل القتل مثل اصحاب الحسين دفاعا عن عيسى الي الله نجاه ... واطمئنت نفس روح هذا الحواري أنه ميخالف انصلب المهم عيسى يسلم "

والحسين الي أصحابة فدوه بنفوسهم ويدرون هو مقتول لا محالة ... وهذا الي صدگ عرض نفسه للقتل علمود الايمان والكفر وانقتل بدوافع إيمان وكفر بي وبرسالتة ومقامة

والمسيحي الي دينة محرف ... ويعتقد المصلوب عيسى مو واحد من الحواريين ... بس هو ٩٥٪ من اعتقادة بعيسى صحيح وبمقام وأهمية عيسى ... كلش أسهم يتعدل ويتصلح من جماعتنا

وما قرينا ولا سمعنا أنه المسيحيين راح يقاتلون عيسى من ينزل ... بس جماعتنا راح يقاتلون المهدي من يطلع

لان اساس الاعتقاد بي غلط ... هاي هسه بهذا زمنا هو غلط ... تخيل بالمستقبل وين راح توصل الأمور

بس جماعتنا ضحلين ... منحطين ... ارذال واراذل ... الله يطيح حظ ذيچ الصفحة كلها ... الي وصلوا لهاي المستويات المعفنة الخايسة

اليوم الجمعة العظيمة

الحارث الهمداني

الحارث الاعور الهمداني

هذا واحد مو مجرد يتسمى من أصحاب الإمام علي... هذا من ثقات الامام علي... من اعظم أصحاب واتباع الامام علي

اذا سامعين بيت شعر السيد الحميري " يَا حَارِ هَمْدَانَ مَنْ يَمُتْ يَرَنِي " الي راح انقلها بعدين

فهي نقل لجزء من رواية وكلام بين الامام علي وهذا الحارث الهمداني

الحارث الهمداني انقلت عنة مجموعة من الروايات وكلها مضامينها عالية ... والحارث الهمداني الامام علي ضمن إله الجنة

فد يوم الامام علي خطب الناس ، فقال : مَن يشتري علماً بدرهم ؟

فاشترى الحارث صُحُفاً - اوراق - بدرهم ، ثم جاء بها علياً ( عليه السلام ) فكتب له علماً كثيراً .

وروي أنه عندما أغار أزلام معاوية على الأنبار في العراق من جهة الشام - هاي نهاية عهد الإمام علي ورة ما سقطت مصر واليمن بيد معاوية - ، أمر أمير المؤمنين ( عليه السلام ) الحارث ، فنادى في الناس : أين مَن يشتري نفسه لربه ويبيع دنياه بآخرته ، أصبِحوا غداً بالرحبة إن شاء الله ، ولا يحضر إلا صادق النية في السير معنا ، والجهاد لعدونا .

شوف بهل ظرف الكلش حرج على اي قائد ... جزء چبير من دولته دتسقط بيد عدوة وهو يگول ما اريد يطلع غير صادق النية و لوجه الله... لا يستعمل ترغيب ولا ترهيب ولا اعلام حربي ولا بطيخ

وتكملة الرواية تگول " فأصبح وليس بالرحبة إلا دون ثلاثمائة " هاي الكوفة كلها ما طلع منها إلا أقل من ٣٠٠ نفر

طبعا هذا الحارث ديشوف ... والرواية الي راح انقلها بالبوست الي بعد هذا بعدها ببال الحارث


وهاي گلتها واعيدها ... كلمن يگوللكم الامام علي بفترة نهاية حياتة چان مسيطر والناس تحبة وأهل الكوفة تلطم علية وعدهم ايمان بي وملتفين حول القيادة ... فهو عبارة عن كذب

الامام علي ورة هاي غارات معاوية ودز الحارث بالكوفة ينادي وما اجه غير بس ٣٠٠

"مكث أياما باديا حزنه شديد الكآبة، ثم جمع الناس فخطبهم " وبالخطبة جاب ذكر الأنصار وشلون ناصروا النبي ضد قريش والعرب

بنص الخطبة يقاطعة واحد " فقام إليه رجل آدم طوال، فقال: ما أنت بمحمد، ولا نحن بأولئك الذين ذكرت، فقال ع: أحسن سمعا تحسن إجابة! ثكلتكم الثواكل! ما تزيدونني إلا غما هل! أخبرتكم أني محمد، وأنكم الأنصار! إنما ضربت لكم مثلا، وإنما أرجو أن تتأسوا بهم.

ثم قام رجل آخر، فقال: ما أحوج أمير المؤمنين اليوم وأصحابه إلى أصحاب النهروان.

ثم تكلم الناس من كل ناحية ولغطوا، وقام رجل منهم فقال بأعلى صوته: استبان فقد الأشتر على أهل العراق! أشهد لو كان حيا لقل اللغط، ولعلم كل امرئ ما يقول.

فقال علي ع: هبلتكم الهوابل! أنا أوجب عليكم حقا من الأشتر، وهل للأشتر عليكم من الحق إلا حق المسلم على المسلم! "

هذا مستوى الناس وضحالتها بالكوفة باخر عهد الإمام علي... هذا كلة والحارث الهمداني موجود ... بس هو عقلة وگلبة بغير وادي

وطبعا أهل الكوفة يصلون ويصومون وماكو مسلسلات رمضان ولا مجتمع مثالي على مقاييس المعممين والحوزة ... اغاني هم ماكو ... كلهم بلا استثناء مجاهدين قارعوا النظام العثماني وثاروا علية وجاهدوا بالجمل وصفين والنهروان

المهم ... سالفتنا وية الحارث الهمداني - ١