من قال الغَلا ياخذَه الغالي لوّل؟ ؛
غلطان الغَلا لِلَّي همُومك حَوّل ..

من قال الغلا للغالِي ,,
لَوّل، إلّي خَلّى مڪـانَه خالي ..
غلطان الغلا لِلّي لفَا فِ التّالي ,,
و القِي الجّرح ينزف فِ الجسد متغوّل ..
القِي صاحبه جثّةْ ابنادم بالِي ,,
علي بصِيص في دلهِيسته يسوّل ..
"همومَه علَي عاتقه سَفَا طوّالي" ,,
و ابقِيله علَي بلسم شفاه ايعوّل ..
بهمّه سمَر لآجل رضاه ليالِي ,,
"امهوّل يطبّب في جريح امهوّل" ..
هضاك هو إلّي ودّك اتدِيره غالِي ,,
فيه طيّبات المحسنِين اتموّل ..
إلّا مَن جفاك وقال حالي حالي ,,
احساب احسبَه مقتُول ثارَه طَوّل ..

كلَّا ابعدك راني عِشت ،
و كلَّا اطعمة عمري غايبه .. !

يقول أنسيني..
أوهام من اسنين الزمان نا عديني
عدا عزيز وهو يقول انسيني..
قتلة عابي!
ننساك يا زهوّة أيام شبابي
تعرفني نموت عليك مانك غابي
وتعرفني علي شانك انهون اسنيني
غير كيف وهم اندير عز احبابي
وغير كيف ننسىٰ غيتّك وريْني
خلها علىٰ اللّٰه يا غرام شبابي
بالك اتحيّد اظروفنا وتجينّي ..🖤

- منَّك لمن نشكي ؟
عيبك فيَّا ، نا كنت نشكيلك ...!

مانك شي اشوي
و في هالكون ما يسواك شي
عندي راك..!

قـبـلك أمـعـانـي فـالـحـيــاه حـسايف نـنـساك كيـف مـا مـرن اسـاع أتـــــمري...!

لو كان السوايا يقتلن ما عشنا
و ما من أمواجع نحملو جاحدين
أحملنا و درنا أرواحنا أنطرشنا
تهليب السوايا طبع فالزينين!

يا عزيز لحقاتك ذهابة شيره ،
اللي درتني داير الغلا تسلايه..

ديريلي كذا شي راي ، ننسابه امهايات غايبي!!🔥

ع الغلا شن زرك ؟!
ف اول طريقه يفرحك ويسرك !
و نهاية مطافه يتعبك ويضرك !
يا خاطري بالله ما ضيعني ..

"خوذ الكلام يا خاطري طاوعني🔥"

محمد اللافي

الـقسـم شـين كـي يـنويـك يـاخـذ غـلاك مـا يـجي يـشاورك 💔

النـاس يـحسابـوك ربـيع وأنـتِ عـذاب يـانـار الغـلا

أيـش حـالگ الـيـوم بعـدي ،، يـا قـرعـتي الـلي مـا طلتـها 💔

كـانت طريـقـتها فـي الـكلام ممـيـزة وجـمـيلـة جـدا تـنطق الكـلمـة بنـبرة تشـرح المعـنى وتوضحـه ، بحـيث لـو قالـت "وردة" تشـم العـطر فـي صوتها وترى شكـل الوردة بحـركة يـدها فـي الهـواء .

قـالـت : أظـنه تـخـطاني ومضى

رد عـليها : وأنا أيضا كان في ظني أني بإمكاني إحتمال هذا الوجع وكـبـتْ هذا الشعور ، والمضي قدما ، ولكنني أخطأت.

انساير فيه
يحوس وين مايخطر عزيز عليه
امرايف العقل...!

مادرت بيـه طعمـه
شباب عمـري عـدا مـرمده 💔↗️