ردت افتهِم ليش أخَتلف ؟
مو هوَ گايلي وحَلف
ميعيش لحضة
بدونيِ ساعتَها حَيل
اتعَلقت والله
احَلى من عندة شفَت
بس گلبي غش عِيوني
بـ مَرايه اصفن وانتبه
شو مختلف هاذ الوجه
وأتَردد امَشي بيتنة
يجوز اهَلي ميعرفونَي.

انتَ خليك بمكاني
و گلي بالحَل اليريح
بيّة صوت يهزله دنيا
و ما گدر بأسمَك يصيّح
طحت ما أخذت النَصيحة
و هي مو كل طيحة، طيحة
فَرق بين تطيح صَخرة
و الجبل كله يطيح ..

خليني أفك ديني !

ها حَمَد شو مَتعوب و مگوطر الحيل !

ومن گتلّك عيونك غاليات هواي
تغمضهن گمّت كلما تلاگيني .

واغص بريحتك ما گمت اغص بالزاد ..

ليّش تذبَل
ليّش حِزن الناس موسِم
وأنتَ حِزنك ماله تالي
ليّش طيفَك فاهي گلبه
وطيفهُم عَرس الليالِي
هوايّ ليّش
وما حضيت بچلمَه تشفِي
خلّصت عُمرك مناطر
يمته تچفِي ؟

مو بالشموع اتلگه ميلاده،
أشعلها روحي آنا بأعياده .

-

شَويه شويه يَبدِي اللِيل ويلوحك
وتلگه الدنيا غاد وگاعد بروحَك
وتبَاوع مُسلسل حتى تتناساه
وتطلعلك مَشاهد تلچم جرُوحك

و ما حبيتني هواية
ما عاملت واحد مثلك
بفديوم
يم الناس صورة
و يمك مراية
أعيد الماضي و أتوتر
حياة و موت
بين حچاية وحچاية
گلبت الرسايل
من الـ أحبَك حيل
للـ ما أريدك ويايّة !

عَزيز اليَوچعك مَا تگدر تحَاجي
يَدبچ بالگلب وتصِيحلة مدَلل .

وإرد والگاك
لاموني هَلي ورديت
وثيابي تعاتبني وبعدني اهواك .

بلگي نمُوت خلصنَا العُمر لچمات ..

محد يفهم شبينه الحزن لاحگنة من كل صوب حافظ حته اسامينه !

بَس أنتَ هم ماقصرت
جبت السواد بداخلك
خَليته فوگ ألواني !

مِشيت ويَاك
مَتعوب ويحَب مَتعوب .

سَاكت شرد اگلك ،
هو ظل لسان
بي اكدر اسولف
واعترف مُعجب ؟
شِفتك من بعيد
وخَذت كُلشي وياك
آنة ادري شراح تاخذ
منّي من تگرب ؟
- جبار رشيد