مكتبة دار الامير لطباعه والنشر والتوزيع 1201

Forwarded from الشاعرة العلوية مريم النور

*قصيدة للاربعين (انة زينب)*
*من ديوان 📚 عبرات وانين في رثاء الطاهرين الجزء٥*
❥━──➸➽❥❂❥━──➸➽❥❂
*جيتكم يهلي نحيلة //ومدمع عيوني اسيلة*
اعثر بطرف الجدم
                    والگلب نادى ابألم
*انة زينب     ………         انة زينب*
❥━──➸➽❥❂❥━──➸➽❥❂
زينب انة.… صحت والدمع اهملنة
زينب انة…   گوموا يااهل المحنة
زينب انة … جبت الاطفال وحرمنة
زينب انة … لكربلة عود ظعنة
*جينة ليكم نشتچي// وروح العين البچي*
الدموع انصبها دم
                   والگلب نادى بألم
*انة زينب.     ………        انة زينب*
❥━──➸➽❥❂❥━──➸➽❥❂
اه يهلنة… ليش نمتو وماگعدتوا
اه يهلنة…. خاف زينب ماعرفتو
اه يهلنة… لون عالحرة سألتوا
اه يهلنة…. والله موهاي انتي گلتوا
*منحني مني الظهر //من المصايب والقهر*
مصوبة باعظم سهم
                 والگلب نادى بألم
*انة زينب        ………        انة زينب*
❥━──➸➽❥❂❥━──➸➽❥❂
اصرخ بصوت… واعثر بجدمي واون
اصرخ بصوت… يهلي غاطيني حزن
اصرخ بصوت …گلبي ليكم والله حن
اصرخ بصوت… شفت انواع المحن
*ليش ماگمتوا الي //وين عني بوعلي*
ووينة شيال العلم
                   والگلب نادى بألم
*انة زينب      ……        انة زينب*
❥━──➸➽❥❂❥━──➸➽❥❂
ليش نومة.… عالثرة ظليتوا كلكم
ليش نومة.… ابد ماگمتوا لحرمكم
ليش نومة…. عود جينة نشكي الكم
ليش نومة.… بالهظم گعدينة يمكم
*يوم صار الاربعين// جيتكم كلي حنين*
وحيل غاطيني الهظم
                     والگلب نادى بالم
*انة زينب      ………      انة زينب*
❥━──➸➽❥❂❥━──➸➽❥❂
بعد شيفيد… المن اعتب وانتحب
بعد شيفيد… وانتو نومة عالترب
بعد شيفيد… اه يعزاز الگلب
بعد شيفيد… الموت فرگنة غصب
*انة والعيلة گعدنة//وانتو مسمعتوا عتبنة*
الصار ياريتة حلم
                  والگلب نادة بالم
*انة زينب    ………      انة زينب*
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم:🍃*

https://www.tg-me.com/mariamalnoor1988

الشاعرة العلوية مريم النور

خادمة الحُسين ودهري خلاني
اظل للدوم أرثي و ما امل اني
وابد مااظن تطفه جمرة احزاني
علوية ومُحبه هذا عنواني
الشاعرة العلوية مريم النور
القناة مختصة بالشعرِ الحُسيني

307 viewsحسين الخفاجي, 12:14